اهلا صباح الخيررر يا شمس الشموس السموحة كان عندي فاينل و خلصت منه
لا تنسون الفوت (الصوت) و الكومنت حبايبي💙
فتحت المساعدة الباب لعائلة آل جلوي و منيرة وراها ترحب بهم و تسلم عليهم:هذي الساعة المباركة عسى الله يحيكم ردت هيفاء عليها:الله يبقيكم يا رب جلسو و لُدن وهي تبي تمون على لؤلؤة بس ما تدري شلون و قالت بينها و بين نفسها اديم تحلها ،نزلت اديم وهي تجذب كل من ناظرها أبتسمت لجدتها منيرة وهي ترحب فيها و تمدح فيها:من بعدك به زين يا اديم؟ اديم وهي تبتسم من الاحراج و هي منحرجة اكثر شيء من عائلة آل جلوي:تسلمين يا جدة و سلمت عليهم وجلست جنب امها و لُدن تغمز لها بس ما فهمتها اديم لأجل كذا اخذت جوالها وهي ترسل لها:وشبك بشويش على عيونك لا تنحولين
ردت عليها لُدن:يادمك اقول يالاجتماعية نبي نمون على البنوتات كيف؟ وارسلتها ايموجي متوهق
ردت عليها أديم بعندي
قالت أمينة:وينهم بناتك يا هياء ما جو معك أجابتها هياء:والله مشغولين تعرفين لينا مو فاضية و ضايعة مع الأقمشة و الموضة و شوق بدراستها قالت منيرة:الله يوفقهم يارب
صابرين وهي تحكي مع نورة:ما عندك إلا لؤلؤة و معن صح؟مشاءالله عليهم
اجابتها نورة:لا باقي عندي سعود و آدم
قالت منيرة: مشاءالله مالهم ذكر اجابتها نورة:سعود طيار ولا يعقد بالسعودية كثير و آدم دكتور لاجل كذا هم مشغولين ولا نشوفهم
قالت لؤلؤة:بسم عليك أديم اسمع باسمك بالفروسية كثير و كنت اتمنى احضر لك بطولة بس اخاف من الأحصنة وهي تعبس وجها اخر شي
اجابتها اديم: يا روحي والله اتمنى تحضرين لي ولا عليك خوف من الأحصنة بالنهاية هي الهوى الي لمن بغيته جيته
ضحكت صابرين و هي تقول:عاد اديم ما ترضى نغلط على الحبيب الروح ولا نجيب طاريهم بكلمة
إبتسمت هياء بسخرية:عاد انا اعرف انه الخيل للعيال كيف صار للبنات الله اعلم
هيفاء تفشلت من بنتها وهي تحاول ترقع لها:قصدها انه صعب عليك بس
اديم قلبت وجهها جذريًا وهي تقول:ما فيه شيء صعب علي و كملت كلامها و هي تقول انا بروح لريان نادني وقامت لُدن معها بس قبل لا تقوم ألتفت للؤلؤة:تعالي معي نسولف إبتسمت لؤلؤة هي تقوم معها
مسكت يد لُدن وهي تلحق اديم:وشبك ما سمعتيها تقول بتروح لريان وين نلحقها
ضحكت لُدن:يا حليلك اديم ذي تصرفتها اذا تضايقت من شيء ولا ما عاد تبي تحكي تقول ريان يبيني ولا اذا صرنا برا تقول عذبة اشتاقت لي لاجل ما تقعد بنفس المكان لان ممكن تسوي مصيبة لو بقيت وهي معصبة عقدت لؤلؤة حواجبها:هي معصبة من عمتي هياء صح شوفي عمتي مرات تقول كلام ولا تحسبه والله
لُدن وهي تضحك:لا تتضايق بعد أنتِ ترا اديم كذا تنفس شوي و ترجع هي مو معصبة منها معصبة لانها ما قدرت تاخذ عذبة البيت معها
إبتسمت لؤلؤة:لذي الدرجة تحب عذبة
اجابتها لُدن:واكثر يمكن اكثر من عمتي صابرين بعد والحين تعالي نروح نجلس معها بالحديقة
روحو وجلسو جنبها
لؤلؤة وهي مترددة:اديم فيه كلمة ابي اقولك اياها من اول ما شفتك
اجابتها اديم:عيوني قولي تكلمت لؤلؤة:جمالك يقتل والله كل شيء فيك يقول الزود عندي
ضحكت اديم بإحراج:عيونك الحلوين يا كلي
لُدن:لؤلؤة بتكونين أنتِ رسمتي الجاية لانك ضحكتي اديم و خليتنا نشوف هالضحكة
طارت لؤلؤة من الفرحة وهي تقول:ياحظي إذا أناملك بترسمني بضحكها دايم
جت اريام وهي تسلم على لؤلؤة ،لُدن وهي تبي تحارش اريام:صباح النور ست اريام تو ما نورتي
اجابتها اريام وهي متنكدة:تكفين مالي خلقك اسكتي عني موب انتِ الي راح مع جدتي تشتري كل انواع البُن و القهوة اقولها جدة خلي السواق يجيب ولا اذا ما تبينه نقول لجبر ولا احد من العيال رفضت والله فرت بي كل السوق
اديم وهي تحط رجل على رجل:تستاهلين انتِ الي نشب على السياقة تحملي ذي النتائج
تأففت اريام:لا والله انا الي طقيت الصدر وقلت جدة بلا سواق بلا عيالك انا اوديك ليتني راقدة بس ما تدرون وش المكافاة حقتي قالت لُدن و اديم بنفس الوقت وش
شفتو التعليقة حقت جبر ما كنت ابيها جدتي جابت لي مثلها بضبط بنات انهارت عليها
ضحكو البنات:واخيرا جاك الي تتمنينه
ابتسمت لؤلؤة على سواليفهم و حبت محارشتهم لبعض و تمنت انه ربي رزقها اخت لان مهما صار الحياة ما تحلا إلا بجمعة البنات
بقسم الرجال
رحبو ببعض ترحيبة حارة كلا من فيصل و سيف جلسو تكلم سيف:كيف أوضاع المستشفى و الشركة يا فيصل عساها تمام
إبتسم فيصل وهو ياخذ فنجان القهوة من جبر : الأوضاع احسن ما يكون يا ابو احمد
اجابه سيف وهو يقول: الحمدلله يا عضيدي عاد من زمان عن ذا الجمعة احنا نجتمع بس ولا مرة تجمعنا باهلنا كلنا
رد عليه فيصل:تقولها و انت صادق
ألتفت عبدالعزيز لسلطان:عاد وين آدم ماله خبر سعود و نعرف وضعه بس دكتورنا وينه
رد سلطان بِضيقة واضحة:الحمدلله بخير الدوام اشغله عنا
معن وهو يدق غسان:الداوم هو جدي
ضحك غسان بشويش:اسكت لا يسمعك فيصل لا يغسل شراعك قدامنا
ماجد وهو يبي يشيل الضيقة و التوتر الي جا اخوه:جبر انا بقولك خد غسان معك الشركة كل ما اقوله روح ولا شيء يقول مرتاح بمطبخي و كيكاتي
ضحكو الرجال كلهم جبر:والله متى ما يبي انا حاضر
غسان وهو يبي يضيعون السالفة من كثر ما ابوه يزن عليه:والله كيكاتي ما اقدر اخليهم
و جا العشاء بعد ساعة من سواليفهم
خلصت العزيمة الخفيفة واللطيفة و الي اسعدت الكثير
لؤلؤة وهي داخله غرفة لينا:فاتك لينا فاتك
لينا و هي تنشف شعرها من الموية: الناس تسلم بالأول
لؤلؤة وهي متحمسه مع السالفة ولا تبي حماسها يروح:نسلم بعدين لينا اجواء البنات عسل ليتك رحتي معي بتحبينهم والله و حلوات كلهم بس بشكل خاصة اديم ماخذتني كلي والله اسم عليها موتن حمر
لينا وهي تحط المنشفة على جنب و تقعد معها فوق السرير:انا شفتها بالصور
اجابتها لؤلؤة بشكل سريع وهي موب عارفة تعبر :خليك من الصور بالطبيعة احلى و أزين تموت والله
لينا وهي تحط يدها على راسها:حمستيني اشوفها والله ضحكت لؤلؤة وهي ترفع حواجبها:فاتك والله
و عمتي هياء جابت العيد معها شوي
عقدت لينا حواجبها وهي تقول:ايش قالت امي لها
لؤلؤة:انا جبت طاري الفروسية والبطولات و عمتي قالت عاد الفروسية للولد وشوله البنت تكون خيالة وهي تضايقت شوي
تأففت لينا:امي تبي يصيرون كل الناس على الدقة القديمة و كلهم يسوون الي هي تبي
طبطبت لؤلؤة على كتفها:عمتي تبي مصلحتك والله و تحبك لينا لو ما تحبكم ما كان ضحت بكل ذي التضحيات
عقدت حواجبها لينا وهي تقول:وين التضحيات ذي ما اشوفها ولا لاجل قتلت ابوي صارت مضحية
.
.
رايكم بالبارت؟
اتمنى تحبون الروايه لانها من الاخر شي جبار مرههه بنوتات
ولا تنسون تدعمون لاني استمر بدعمكم و حبكم لها بنوتاتي
يوم جميل عليكمم ومع بداية الصباح اقولكم يا مبسم الغيم💙