عطرو افواهكم بصلاه على محمد وآل محمد
شلونكم ياأحلى ناس بالدنيا
أن شاءالله بخير
اترككم وي البارت لاتنسوون
#قتلت أخي الداعشي
تصووويت +تعليق لطيف مثلكم +متابعه لحسابي
.....
الضحكه ماليه وجهي واني امشط بشعر اميره وإسحاق فوك مني يضحك عليه
لان هيه شعره شويه كوه الفه اغني اله
_يمه البنات سبعه واكول كليلات
حجه
_ ولج شلعتي راسه خطيه
_ياغيرر هسه تطلع بالشارع شلوون مكوشه
_نووب تطلع بالشارع ولج
هيه زين من تكعد
_معليك اني وبنتي
طبعا حاطته بحضني وارضع بيه
ياله اكدر امشط
غيره ماكدر تبقى تبجي شوخلصت
منه لكيته نايمه بحضني
إسحاق خرب ضحك وكال
_سوده عليه بابا تعبت من العب بالشارع
_اكلك حبيبي شوو الجهال تأخروا
-يمعوده ستوه صارت ب١٢
_ميخالف اتصل على ابو الخط
تقرب عليه وكال
-جا ليش ماتخافين عليه
_شنو زعطوط واخاف عليك وبعدين منو
يكول ماخاف عليك
_اني اكول لان احس هيج وحساسي
ميخيب
بسته من خده
_جا بعد لاتحس لان حساسك راح يخرب بينه
_هههه زين انتي تحبيني
عاينت بعيونه وكلت
_احبك واحب كلمن يحبك
عضني من خدي
_يعمري انتي شنو حلاوه بقلاوة
_بقلاوه طيبه
عفته ورحت شلت يزدان الي كعد متنحس بعدني اكمز بيه ندك الباب راح إسحاق
يفتحه دخل يوسف وعلي كمت بوستم هاي متعودين من يرحون ومن يجون
جان علي وجهه مغضب ويوسف
خايف راحو يبدلون واكيد إسحاق راح وراهم
يشوف علي كعدنه نتغدة
ويوسف كعد يسولف النه شلون مطلعين علي بالصطفاف مكرمي لان شاطر بس اعاين على علي معاجبه الوضع وحتى الاكل تحسسه كوه يبلعه
-علي شبيك ماما
_شنوو شبيه هاا
_شو موعلى بعضك بيك شي
هز راسه بمعنى ماكو شي مستمر ياكل جان نضرات الخوف تنبع من يوسف
حجه وهو يكرط بالتفاحه
_ماما صاحو باسم علي والمدرسه صفكتله حسيت بفرحه موطبيعه
_بعد امه وابوه
_بس هم حسيت بضوجه لان ماصاحو بأسمي
_ياحبيبي انته هم شاطر يجوز
على الأسبوع الجاي
_نوبب خلصو من صف علي وبدو بصفنه ماحس اله صاحو بأسمي
راد يكمل وعلي شرك بالماي يضحك
ضلينه نضحك على ضحكته بدون مانعرف على شنو يضحك
دك إسحاق على ضهره
صاح
_ها بابااا كسرت ضهري هو هيج
عاين على يوسف بنضرات حسيته يكله هاا اكول
خزره يوسف وكام من الاكل
خلصنه اكل سويت جاي لأسحاق
كعد بالصاله يسولف وياهم عدالك كبار يستمع الهم واحد واحد ومن اسله
_ ليش هيج تتعامل وياهم
يكول
-احس حتى تصير عندهم شخصية
ابد مايقاطعهم ومعلمهم اي واحد يسوي
غلط يجي يكله لنو هو لليوم مشفته رفع صوته عليهم ياضربهم وبالتالي هم يسمعون كلمته
وبنفس الوقت مامخلييهم على حل شعرهم
بختصار لازم العصا من النص
دخلت بيدي اكلاص الجاي وإسحاق يحجي بعصبيه ويوسف مدنك وعلي يستمع لاسحاق
_خيرر شبيكم ياستار
اشر اسحاق على يوسف
_تعاي شوفي الأفندي شني مسوي
_يوسف شبيه
حجه علي
_ماما انتو مو كلتو اذا واحد سوه غلط يجي يكلنه
_اي حبيبي
-انا امس اشتريت لصديقي خطيه ماعده فلوس لانو ابوه ميت
_ياعمري جا هاذ الشي موو غلط
_لا مو يوسف اجه وبقى يعير بيه لن اشتريت له وهاذا الشي غلط موصح
حجه إسحاق
_وانته ليش تكله خلي هاذا الشي بينك وبين روحك مايصير تنطي شي نوب تبقى تحجي بيه
حجه علي وهو يبرر بكل حب
_والله اني مكتله بس يوسف مو كل درس يجي يشوفني خاف محتاج شي
_ايي
_اي فلذالك من اجه ولكاه يمي ياكل وساله واذاك كله علاوي اشترالي ويوسف
بقى يعير بيه وخطيه هووه ضل يبجي
سكتنه من يوسف كام يبجي رحت يمه حضنته وهو يكول
_والله بعد ماعيده اصلا هوه من كام يبجي كتله اسف وحتى حتى شتريتله بس هو مارضى ياخذهم
كعدنه نفهمه انو هاذا الشي غلط وميصير يتكرر مرة ثانيه الطفل إذا تحجي وياه بهدوء وتفهمه الصح من الغلط راح يسوي مثل متكوله بالظبط
بس اذا تستخدم وياه الضرب
والعنف بلعكس راح راح يبقى مصر
_ماماا
-يروحه
_خل نشتريله ملابس لنو هوو خطيه ماعدهم ومن الثاني يداوم بنفس القميص
عاينت على إسحاق المبتسم
من شافني ساكته عباله ماارضى
حجه برتباك
_شوفي اني موعدي هواي وحتى لواطيه أااخاف يعرفون مالاتي خطيه خل نشتريله جديدات وحتى راح يفرح بيهن
يحجي والبراء تنكط منه
سبحان الله ياخذ شي وينطي
شي حشاه يكون ضالم للعباد اخذ رجله ونطاه قلب يحب الخير للكل وعقل يوزن
بلد اسأل الله ان مايشوفه شر
بحياته ومايكسر كلبه
اتفق هو إسحاق يطلعون يشترون اله ملابس
ويوسف كلساع ويحلف مايعيده اخر شي
كال لابوه
_باوع اني موعندي حصاله راح اخذ منه
فلوس واشتري أقلام مني وانطيهن واعتذر منه
ياجماعه الخير ادعو الله يحفظ جهالي
الي لان احس ماراح تعبي بيهم اني وإسحاق
صادف اليوم خميس ليله جمعه لازم اسوي ثواب لأمي واختي الله يرحمهن
جهالي ال٣ كاعدين مرات احسهم ابد
موتوم هههههه شي ميشبه شي
يعني جواد ٢٤ ساعه بس يضحك
مالي البيت بضحكته
عكسه يزدان بس مغندب ومتنحس
اما أميره اوو هاي وحده قضيه اني اسميه اميره البيت وإسحاق يسميه أميرتي
خو يوسف مكطع خدوده بس يعض ذاك اليوم هيه بحضن إسحاق وجه يوسف عضه
اني صحيت عليه
_أدري انته وابوك شبيكم
داء الكلاب بس تعضعضون
إسحاق صفن صفنه لم يصفنه
الصافنون في زمن الصفنه من قبل...
جواد و يزدان
يزحفون وهيه ستوه
ياله تكعد ماعرف ليش ....
دك موبايل إسحاق عاين على جهازه وطلع استغربت اول مرة يسويه مايخابر كدامي
كلت عادي يجوز شغل مانطيت اهميه للموضوع عاينت على علي اللي كال
_ ماما
_هاا حبيبي
سكت ماحجه حاولت اخليه يحجي مقبل ضل ساكت كمت اشوف إسحاق بس وي ماكمت وهو دخل
_هاذا منوو الخابرك
_هاذا صاحبي يسالني على ملف القضيه
_اممممم
_هاشو كمنه نمءمء
_لاماكو شي
عفته وشلت جواد دخللت للغرفه
ارضع بيه جنت بالصاله كاعده وعلي يلعب
بالموبايل ويوسف بالغرفه مالتهم
عاكده حواجبي ولامره سواهه وخابر مويمي اني معندي مشكله بس ليش كام جان
حتى الضابطات من يتصل عليه يبقى يمي يخابر
كعدت اناغي وي جواد بعد ماخلصت من رضاعته طبعا اني ابدا مالحك بالرضاعه
مالتهم للذالك مميه وعلى صدري
البيت بس من ينامون انضفه
ابدا مالحك شعري مالحك احكه
سمعت سياره إسحاق اشتغلت
كمت بسرعه شفته دخل عاين عليه بنضره خاطفه
وكال
_اني طالع محتاجه شي
_وينن رايح
_هنانه عندي شغل بسرعه اجي
_عود جيبلنه وياك حليب وحفاضات
_ان شاء الله
سديت الباب وراه وغسلت وجهي اهدي من روحي المدري شبيه
دخلت عليهم ردت احجي اشرلي علي باصبعه بمعنى اسكتي مشيت على كيف لكيته مغطي يزدان ويدك على ضهره برقه أبتسمت وبوسته
يوسف جان كاعد يعاين على بين تين شلت الجهال حطيتهم بالكاروك طبعا أميرة بوحده إسحاق كال بس يصير عمرهم سنتين
اعزلهم من غرفتنه لان إسحاق ميسوي شي اذا ميتاكد همه نايمين مرات يخربني ضحك من يكوم مني يشوفهم نايمين لولااا
انتبهت على يوسف الي كال
_ماما تعاي اكلج عندي شغله كمت وراه كال
_راح اكول بس لاتكولين لبابا اني كتلج
_لا ماكله
_استوه خابر وحده ويكله هلووو فوفو....
توقعاتكم حبايبي
للحكايه بقيه
دمتم برعايه الرحمن