أحنُّ إلى أهلي حَنينَ الصبا
إلى أول الخطوات..وهي تَعثرُ
إلَى طفْلةٍ بالدار تَسألُ أُمهاَ
أحقاً إذَا مرَّ الزمانُ سنكبر
عرين الصياد بقلمي شذرة
ديالا : حدرت يم البنوات لگيتهم يولمن سفرة العشه
غسلت وجهي وردت اعاونهم وما فعلن
دله : لا ادنجين يولي انتي تعبانه روحي انجضعي
احنه نكفي
ديالا : مليت وحدي اريد اعاون بشي من امدد اظل افكر
كواكب : الله يعينج حبيبه منين اتلگونها
عبالك عين وصابتكم
دله : العبد المؤمن مبتلا بالمصائب
ديالا : الحمد لله على كل حال
كواكب : يولي لا تبجين الدنيا غروب ان شاء الله خاتمة الأحزان وبعد ما تشوفون هم
ديالا : مسحت دموعي وقرفصت يم الميز حيلي بايد
كواكب : مو زيلج تگعدين اجان تربعي
ديالا : عدلت گعدتي وگمت اطگگ اصابعي
..عجل شاكر وين
كواكب : دزهم ابو نشمي بشغله هسع على جيه
دله : خن نگضي الشغل گبل لا يجي نشمي الهرطه
راح يشوف زهور هين ويستلمها
كواكب : هيه وينها من صعدت لحجرتها ما شفناهه
دله : يمكن تعبالي نفسها عروس جديده
صعد ابو نشمي لحجرتها بلكت يضبها
كواكب : فاتت مذعوره حت ما سلمت علينه مالها الوخم
ديالا : يعني ابو نشمي بحجره زهور واني سمعتها صرخت ونكتم حسها وصوت طراگع معقوله ضربها
بس هو ما يمد ايده عليهن ابد
لا يجوز صابها شي وصرخت وسدت اثمها بيدها
كواكب : يالله انگلن الأجل عالهول فضني
ديالا : گامن دله والجناين ينگلن الأكل
اجه وادي تا يعاونهن شافني وسلم عليه
شال الصينيه وراح
كملو كلشي ورحنه عالهول
فاتو شاكر والولد اديهن تگطر مي توهم مغسلين
گمنه كل وحده ناوشت رجلها خاولي نشف ادينه
گعد بصفي شاكر حاوطني يتفگدني
شاكر : شلونج يگلبي زينه خوما تهجسين شي
ديالا : الحمد لله زينه وما احس غير النحول بجسمي
شاكر : عبن ما تاكلين وبس فالحه تنوحين جوعتي نفسج وجوعتي بنتي
ديالا : قلصت عيوني وصفنت بنتك منهي ؟
حط ايده على بطني وشاورني
شاكر : هاي بنتي اكو غيرها ذبحها الجوع ارحمي بحالها
نشمي : تره انتو بالهول مو بحجرتكم
ديالا : فزيت وجان اصد عليهم اشو كلها ادحگ علينه وتبتسم تفشلت ودنگت راسي وگحزت عن شاكر ما يلامون هاذ،اشو نسه روحه وانوب يرد عليهم
شاكر : وانته عش حشرت روحك وخربت اللحظه عوذا منك غراب البين الله لا ياجرك جانت المره صافنه بعيوني
نشمي : هاي لو اني جان سويتني مزق وطلعتني ما استحي
شاكر : ها انته غاير عبنك ترملت خطيه مرتك عايفتك وحدك اويلي عليك لا تبجي يمعود تهون
ديالا : نشمي خزر شاكر ويكشم خبز وياكل
نشمي : وينه الصياد عاد ذبحنه الجوع
باهي : صدگ وينه ابويه الأجل برد واني مصاريني متكاونه
دله : ابوكم وزهور فوگ
ساجي : امي جت امت
دله : العصر جابها ابوك
نشمي :ساجي انته عش ما تضب امك يعني مابيها صبر لوره العشه شنهو ذنبنه الأجل برد واحنه جوعانين
كواكب : وجع الي يملخ مصارينك والله الا تگوم تطلع بره
شاكر : انته حيل غادي مهنگم ومهرفل
ديالا : گام نشمي عبن كواكب حلفت علي يطلع
اخذ لفه وطلع يعلس بيها بره خطيه ساجي تفشل وما حجه شي
فات صياد عاگد الحواجب
وگف بالباب وهو جاتف ادينه وراه
صياد : تعشو يابه بالعافيه اني مو جوعان
كواكب : وزهور وينها
صياد : راسها يوجعها ما تريد عشه
ديالا : گالها وطلع و فاتو الكل يتعشون وجان يجي نشمي گعد يم وادي
نشمي : وادي السبع اكل وياك
عساف : لع
نشمي : بس لگمه
عساف : مو هاذ نفس الأجل شنهو الفرق
نشمي : اريد اضوك ترجيبك اشوفه ينوجل
عساف : ليش تريد تاخذني جنه
ديالا : ضحك نشمي وضرب وادي على جتفه وهاذ وادي رافع تك حاجب ومزير على نشمي ما يحب احد يمزق ويا هيج
نشمي : يالله خليني اكل گلط الماعون جاي يول شبلاك شگد نحس اني اخوك الجبير
عساف : والله ذليتنه بهاي السالفه
راح اسويلك لفه وفارجني
نشمي : وين لگيتو اخ جبير يمزق ويه اخوانه ومو شايف نفسه عليهم هاا
ساجي :لا وين اكو مثلك
باهي : ابد ولا اكو كبره مثل كبرتك
نشمي : اگدر من باجر ابدل حالي وامشيكم على حد السيف والي يعوج بيكم اهبطه شلون الصياد من هبط هذاك الواحد
ساجي : دير بالك تگول عمي شاكر تره يزعل
ديالا : ضحكو الكل واني منهم
راد شاكر يفيط بيهم بس شافني ضحكت وجان يتوعدلهم
شاكر : نگضي العشه وهينه للكم
ديالا : رغم الكلام عالأكل ممنوع
بس الشباب اخذو فسحه عبن الصياد اليوم مو مترئس السفره نشمي ما انطاهم مجال كلها تضحك من گلبها واكثر شي رادو يضحكوني
لمو السفره ورحت ويه البنوات بالمطبخ
والله مليت اريد اعاون بشي وما يفعل يخلني
صعدت فوگ گلت اقرا قرأن وارتاح
رحت عالحمام تا اتوضه
فتت من يم حجرة زهور واسمع الحجي
صياد : لا اطلعيني عن طوري يا مره سولفي،شبلاج
شبدل حالج وخلاج تنهبلين انطقييي مو جاي احاجيج
زهور : مابيه شي اني لحالي
صياد : لا حوله ولا قوة الا بالله الصبر يا خالق الصبر
عش خايفه وتخلجين يابه مو جاي احاجيج بكل هداوه انطقي شبلاج خن نحلها جميع شو ارفعي راسج دحجي عليه
زهور : مو جاي اگلك كلشي مابيه
صياد :شافيتني مهبول يولي وما اعرفج متبدل حالج
جنتي تركضين ورايه وين ما اروح بس عوزج ما تلحگيني عالمضيف جدام الزلم وهسع تنفرين مني عبالك اكهربج سولفي شبلاج هاذ اني جدامج واسمعج سولفيييي
يولي عش كارصه فورتي دمي
لا تخليني انسه انج مره انطقييي
زهور : لا تضربني امانه كلشي ما سويت
صياد : لا حوله ولا قوة الا بالله
عش اضربج ها يوم مديت ايدي عليج لو صيحت
بس فهميني شبلاج متبدل حالج
يولي ما تنطقين شجاااج يبستي ريجي
ديالا : ما تفعل زهور تحجي سمعت صوت شي انكسر بحجرتهم
فزيت وطبيت عالحمام وجان يطلع صياد لاف ايده حدر جوه اعصابه نار قلقني حال زهور وجان اروح فتحت الباب وفتت لگيتها مقرفصه يم الجربايه وترجف والمراة مكسوره والكومدي هم سديت الباب ورايه ومن شافتني شهگت تبجي
رحت يمها وجان تجي دله فاتت وتلفت وراهه
گعدنه يم زهور وهاي لازمه ادينه وتبجي
دله : يمعثوره شجاج شمفينه الرجال حدر جوه وذب اعصابه بالولد المگاريد
زهور : ما فينت شي وداعت جهالي مو گلتلجن مدري شبلاني من اشوفه اكره وجسمي ينمل ويتيبس
دله : يا طلبة هالسالفه الي ما تفض
يولي احجي للزلمه خلي يشوف علتج وين
ديالا : گامت تلطم زهور وتصيح
زهور : مگدر اسولف مگدر اخاف منه
ما شفتي شلون ور بنار
ديالا : استخطيتها ترجف وتمسح بوجها
عبالك بردانه
دله : راح تجيبين الطلايب لنفسج اذا ما حجيتي
وهو ما راح يفك منج ياخه الا يعرف شبلاج
زهور : وداعت ابوج يا دله اخذي يمج لا تخلينه يفوت على حجرتي اترجاج احب راسج
دله : يمعوده صابج هبال شنهي اخذه هوه جاهل حشاه واگله تعال بات بحجرتي
زهور : سوي نفسج مريضه وخلي يحير بيج عج الله
لا تخلونه يجي عليه ما اريده يطلع عن طوره ويضربني امانه يبنوات دابرني اخيتجن اني
ديالا : گصت گلبي خطيه
طلعنه من يمها حدرنه جوه شفنه صياد يصيح عالولد
خطيه ذب اعصابه بيهم تالي طلع بره يدخن ويفتر
دله : هاذ اذا رجع على زهور ولگاهه نفس حالها
محد يفكها من ايده
كواكب : ادري شبلاهه هاي شجاهه نهبلت جانت بيومها تولم نفسها من العصر
دله : راح اسوي نفسي مريضه وبلكت يظل يمي وما يروح عليها
كواكب : امشي گليله مزاله بره
گبل لا يفوت
ديالا : راحت دله وجان تگف يمه وتأشر على راسها
زعم يوجعها لزم راسها بأدينه ويفرك صوابرها
حجه وياهه وراح جابلها علاج ورجع طب بحجرتها
كواكب صعدت على زهور تا ترزلها
واني رحت لحجرتي مددت واجاني شاكر
ارتاج يمي ويمسد ابطني ويحجي ويه الجاهل زعم هاي بنته وراح تجي حلوه وينطيها لواحد من ولد صياد يريد يناسبه رتب كلشي
نمت وعفته يسولف
گعدت الصبح ما لگيته رحت عالمطبخ
شفت الشيخه طلعت شايله جعبتها وادي حدر من فوگ مولم نفسه ها اليوم يروحون لصلاح الدين
ودعونه وراحو وداهم باهي
.. .عجل زهور وينها
دله : ما ادري عنها شي خيه صعدت دگيت الباب
وما فعلت تفتحه گامت تردم حجي عفتها وحدرت
ديالا : وابو نشمي خوما رجع عليها البارحه
دله : لا ما رجع بس ظل شارد ويشرب جگاير
هالمعثوره بدلت حال الزلمه
ديالا : وينهم الولد
دله : بره بالساحه
ديالا : اخذت الگيمر وگمت اخلي بالمواعين
دحگت من الشباك مال المطبخ شفت صياد اجه
شايل خاولي وينشف بأدينه صعد فوگ
شلت مواعين تا اودي عالهول وجان اسمع الباب فوگ يرجد رجعت عالبنوات گلتلهن وطلعنه بالصاله نتصنت متت بدمي والبنوات يفركن بأديهن ويتراجفن
اجو الولد من بره شافو حالتنه
واستغربو قبل لا يسألون سمعو رجد الباب فوگ
صعد شاكر هو ونشمي ولحگناهم
شفنه صياد واگف اباب حجره زهور ويدگ بي قوي
ويحجي بهدوء
صياد : افتحي الباب
ديالا : ماكو اي رد من زهور وكلها ظلت
مبهوته وتسأل شكو
التفت علينه صياد وعاط بالكل
صياد : حدرو جوه
ديالا : كلها حدرت وگفنه بالصاله ناس ادحگ على ناس ساجي واخوانه ماتو بدمهم
نشمي : شبلاهه زهور هاي من كل عقلها ساده الباب
بوجه ابويه
ساجي : لا مستحيل شهل حجي خاف امي مريضه لو فاقده وما تدري امانه اصعدن شوفنها
كواكب : وليدي ما نگدر نصعد ما شفت ابوك شلون وار بنار
دله : اني صعدت عليها ليساع وهم ما فعلت تفتحلي الباب تگلي روحي عني
ديالا : لزم راسه ساجي وگام يفتر
هجد الوضع عبالنه صياد راح يعوفها ويحدر تالي سمعنه ضربه قويه
الضاهر كسر الباب وفات
صرخت زهور وكتم حسها معد نسمعها
متنه بدمنه محد يگدر يسوي شي
رحنه عالهول خفنه يحدر ويشوفنه بالصاله ويتعصب
كلها مرعوبه واكثرهم ولد زهور
مر وكت تقريباً بالربع ساعه الريوگ على حطته محد ضاگ لگمه شويه ونسمع صياح زهور يرج
طلعنه كلنه ونشوف صياد حدر من فوگ يجر بزهور
وهاي تصيح
زهور : هدني ما اريد اروح وياااك هدنيي
ديالا : جان متعصب بس يمشي بهدوء وثگل
فاتو من يمنه وجان زهور تجلب بأيد ساجي وتوسله
زهور : لا تخلي ياخذني امانه ساجي لا تعوف امك جلب بيه لا تخليني اروووح
ديالا : دنگ راسه ساجي وصياد سحب زهور
وطلعو بره گامت ترافس وجان تدفعه ورجعت ركض سدت على نفسها باب المطبخ
رجع عليها يمشي بهدوء
شلع باب المطبخ وجان يفوت يطلعها ويحطها بالسياره وهاي تلطم وتصيح وتنادي علينه
كلها تخبلت الولد كلهم انبهتو ودنگو روسهم
ادحگ على ساجي عيونه مغورگه يدحگ علينه ويبلعم
والبنوات كواكب ودله ثنينهن لازمات الدنگه وخايفات والله حت اني ارجف يربي هاي شجاها تخبلت وشلون لزم اعصابه ما ضربها
صياد : اني رايح لحديثه عينكم من هين
ديالا : گالها وشغل السياره وراح
وبلش التسائل مال ربعنه محد فتهم شي يدحگون على بعض وكلها متوتره من سواية زهور
الولد كلها راحو عالهول
خطيه ساجي لايجه الدمعه بعينه گعد على حافة الممشى رحنه يمه جان مخنوگ وبي عبره گعدت يمه كواكب وتحجي ويا رغم هيه خايفه مثله ودله بعد اكثر
كواكب : شبلاك وليدي نهد حيلك گوم تريگ تا تروح على شغلك
ساجي : شتريگ ليش ظل نفس لشي احلفج بالله امي شمسويه اذا تعرفين لا تضمين عليه اترجاج
كواكب : والله يوليدي ما ادري بشي شاهد الله
ما شفت امك سوت شي غلط عجل هيه اكثر وحده حذره بينه
ديالا : ما تحمل ساجي ونزلو دموعه ويحجي بغصه
ساجي : عجل شبلاهه انذعرت
ما شفتيها شلون جانت تصرف وما تفعل تروح ويا ما شفتي شلون خمطت غترته وتدفع بي هاذ ابويه الي ماكو زلمه يستجري يدفعه شفتي امي شسوت
ديالا : وگف ساجي وهو يصفگ بأدينه وخايف
ويحجي ويه روحه
ساجي : بس لا ياخذها عالعرين
لو يذبحها خلاص
دله : هاي شبلاك نهبلت اكرص بعد لا تحجي وامشي على شغلك لو امك مسويه غلط،ما يخليها على ذمته
ديالا : گام ساجي وهو يسحل بروحه خطيه انحمس
ما يدري شكو ظلينه احنه گلوبنه ترجف ما ندري شراح تطلع علينه من صگعه رجعنه عالهول شفنه الولد كلها ساكته ومحد اكل شي وابنها الزغير حاط راسه بين رجلينه ويگهد راحت يمه كواكب تحجي ويا شربو جاي وگامو على شغلهم.
امل : اجه الشيخ وبلش الرقيه
طلعت من يمهم وظلو جوانه وعماد
رحت اسبح عذباء
وهاذ عمر واگفلي اباب الحمام
كملت وناوشني المنشفه رحت بالحجره
لحگني گعد يمي يدحگ شلون انشف بعذباء
وابدللها جانو تعابير وجهه حزينه
وكل ما يسمع صرخة ليال وهي يم الشيخ
يصد بصفحه ويعصر ادينه
كملت عذباء وجان ياخذها يلاعب بيها
وهاي تعضعض بوجه عبن سنونها تحك
شمها وجان يحجي بغصه خلاني صافنه
عمر :اختي نولدت بدون اب
اني راح اصير ابوها
امل : غورگت عيوني ما گدرت اتحمل اظل
گمت من يمهم ورحت اسوي الغده
اندگ الباب وراح عثمان فتحه فات صياد وجان يدنگ على عثمان وباسه راسه
تلگا جاهد بالطرمه وگفو يحجون
خلص الشيخ رقيه وعماد شال ليال على حجرتها
فات صياد وگعدو شويه وطلع يحجي ويه جوانه
جوانه : امل هاذ عمي يريد ياخذني لحديثه
تحتاجون شي من غاد اجيبلكم
امل :سلامتج ما نحتاج شي بس خوماكو شي شعدكم بحديثه
جوانه : ما ادري هو هيرني وما سألت
يالله عينج من هين
امل : لبست ربطتها والصايه وجان تروح ويه عمها والشيخ عثمان
ظلو تقريباً بالثلاث ساعات وجان يجون
حدرت جوانه وصياد ما فعل يظل ودع الولد وراح
..
ديالا :للمغرب وربعنه لايبه رواحتهم محد يعرف السالفه شنهي كلها گاعده على حافة الممشى
وشارده
اندگ الباب وراح ياسر فتحه فاتت سياره
صياد وگفو الكل بوجهه
حدر وجان يفتح الباب الزهور واجه گايدها گوه تمشي تلگيناهم وتحمدنالهم بالسلامه
صياد : الله يسلمكم انطونه درب
ديالا :ندحگ عليهم بدون ما نسأل ونمشي وياهم
وصل الصاله وجان يشيلها صعدها فوگ
ساجي مثل الي رجعتله روحه
گام يحوص يريد يصعد يشوفها وما يگدر عبن ابو فوگ احنه بردت اعصابنه وبنفس الوكت بعدنه مرعوبين عبن ما ندري شكو
مر وكت وجان يحدر صياد
گعد بالهول ويتصرف طبيعي ولا عبالك اكو شي
شال ابن ساجي ويلاعب بي
ظل ساجي يحوص الا سأل
ساجي : يابه شبلاهه امي
جاوبه صياد وهو يداعب خشمه بخشم ابن ساجي
صياد : مريضه امك جان صايبها مس
والحمد لله طابت تريد تصعد تشوفها روح
ديالا : ما صدگو گال هالكلمه ويصعدون ولدها كلهم ومرت ساجي واني ونسوان صياد جفتنه على زهور خطيه فزت جانت صافنه تحمدنالها بالسلامة وگعدنه يمها
دله : ها يولي طلعتي ممسوسه
ديالا : ابتسمت وحجت بتعب خطيه
زهور : اي ومن اسولفلجن محد صدگني
كواكب : غير من هلوساتج القديمه معد احد يعرف
صدگج من خيالج
ساجي : منين اجاج المس انتي مو تصلين
زهور :اي والله اصلي وما افوت وكت
دله : سولفي يولي وين اخذج
زهور : رحنه لحديثه خلاني بالبيت سد عليه الحجره وراح جاب الشيخ وجوانه وجان يگوم يقرا الشيخ ومعد اذكر شي بس من صحيت عاد جوانه سولفتلي الي صار بيه
جوانه : من بلش الشيخ يرقيج فقدتي الوعي وگام جسمج يختض ظل الشيخ يحاور ويريد المس يحجي گمتي تسوين شلون الأخرس من يريد يسولف وما يگدر
عثمان : انته اخرس
جوانه : من گال الشيخ هيج هزيتي راسج بـ اي
رجع يقرا لحد ما طلع المس من رجلج
صياد : منين اجاها المس يا شيخ
عثمان : الله اعلم يا ابو نشمي ما فتهمت منه عبنه اخرس وبهيج حال نخلي حتمالين وماكو غيرهن يا اما اجاهه بفعل فاعل او اجاها عشق من كيفه بسبب حزنها او فوتت صلاة لو داست
صياد : شلون اعرف يا شيخ اذا بفعل فاعل لو اجاهه لحاله اريد اقطع الشك باليقين واريح بالي
عثمان :اذا المس اندز بفعل فاعل يعني شغلة سحر
راح يرجع والله تعالى اعلم
وذا اجاهه من كيفه ما راح يرجع والله تعالى اعلم
وبالحالتين لازم تحصن نفسها بالمحافظه عالصلاة بوقتها والأذكار وسورة البقره وان شاء الله ما يصيبها سوء
زهور : هاذ الي گالته جوانه
دله : يبو يهالعثره منهو يسحرج يولي هاي عبن تفكرين جثير وتخافين
ديالا : ظلو يحجون فتره وطلعو وخلو زهور ترتاح وتنام خطيه جانت تعبانه گوه تحجي شابعها الشيخ ضرب همزين ابو نشمي تلاحگها جان تخبلت مثل ليال
امل : اجه نشمي طلعت جوانه تحجي ويا بالثيله
جان متعصب ويحجي وهو صاك على سنونه
وهاي المعثوره مجتفه اديها وعبالك تحجي ويه جاهد ولا عبالك هاذ رجلها
فاتت جوه ادردم ورزلها عماد
عماد : انتي شجاج تخبلتي عفتي الزلمه واگف بره
جوانه : اجه يريد ياخذني ويا
عماد : وذا امشي لمي ملابسج وروحي ويه رجلج
جوانه : اريد اظل يم ليال وامي
عماد : احنه هين يمهن امشي يالله لا تحمضينها ويه عيالج خلي خط رجعه
امل : شبعها عماد رزايل وجان تلم ملابسها وتروح
عاگده الحواجب والله زين من نشمي متحملها
خوش صبر الرجال
بلش يصير عدنه ملل من جلسات العلاج الي مجاي
تجيب نتيجه ويه ليال مر شهر ونص والحال نفسه
الشيخ ما مل ولا ايس ظل يحاول
اجه خطيه وجبنه ليال وبلش يقرا ويضرب
لحد ما استسلم المس اخيراً
ـــ كافي تقرا تعبتني وتعبت نفسك
عثمان : ما اتعب اني الله سبحانه يثبتني
والقوة من الله
ــ حت اذا اطلع ما راح تطيب
عثمان : ليش ما تطيب
ــ سحرها مشدود على اكثر من شياطين يطلع واحد يطب واحد بمكانه اذا اطلع اني يجي واحد بدالي
عثمان : دلينه عالسحر وخلينه نفله
ــ ادليكم بس كافي تقرا حرگتني
عثمان : يالله سولف اذا جذبت عليه ما ارحمك
ــ السحر مدفون گدام البيت جوه الشجره الجبيره
اخذو من ملابسها وسوو عليهن
عثمان : ليش دفنو بهاذ المكان
ــ تا خاف تطيب يرجع يزيدونه عبنه سحر اسود وغالي
عثمان : تعرفهن الملابس الي اخذو منهن
ــ اي اعرفهن دشداشه سوده واتگ نيلي
عثمان : خير ان شاء الله اطلع انته هسع واحنه ننجاز بالسحر ويا ويلك اذا ترجع
شفتني شلون ما امل ولا اتعب هالنوبه احرگك
امل : گام الشيخ يقرا وجان يطلع المس من رجل ليال اليسره
عثمان :الحمد لله خلصنه
ومع ذلك ما اريد اخرب فرحتكم
لازم احطكم بالصوره
ظلو حذرين منها وداروها العصبيه مو زينتلها
ولا القهر اي شي يغث ابعدو عنها
وخلوها براحتها بدون اسئله شصار وشسويتي
خلوها تستوعب براحتها وعلى كيفها
هسع احنه لازم نروح على بيتها ونفل السحر
هاذ اهم شي تا نخلص فرد نوب بأذن الله
امل : كيفنه واستبشرنه خير
رغم اندحگ على ليال
فاقده شالها جاهد حطها بالحجره
عماد معد يأجل شي قرر هسع يمشون
مزال بعد وكت وتونه تريگنه
بلشت ليال تصحه رحت يمها وخايفه
عبن مو مجتفه فتحت عيونها وجان تصد عليه
ابتسمت ورجعت غمضت عيونها
رحت ولمت ملابس عماد وجان ارجع اتصادم ويه ليال جانت سانده نفسها عالحايط بالصاله وتمشي على كيفها ادحگ عليه وفاكه اثمها
ما گدرت اروح يمها اخاف من الجتل الي شلته منها
ناديت عماد اجه بساع
ظلت صافنه وادحگله
حضنها وهاي مجاي تصدگ وتستوعب
عيونها انتقل علينه وما تحجي گادها
ورجعها عالهول يم الشيخ من شافته ابتسمت
گعدت بتعب واديها ترجف
بلش الشيخ يقرا تا يشوفها تعافت لو لا
جانت صامده وادحگ علينه
خلص الشيخ قرايه وتحمدلها بالسلامه
ليال : ليش اني شبيه
عثمان : ما بيج الا الخير احمدي ربج يا بنتي
الله سبحانه لطف بحالج
ليال :جسمي تعبان مدري شلون وگفت ماكو مكان اذا ما يوجعني حت سنوني حت لساني
اريد اسئلهم اني شجابني هين وليش الشيخ يقرا عليه مگدر الكلام مجاي يطلع
دايخه وعقلي ملخبط
وعماد مو جان زعلان مني اشو حاضني ويبوس براسي اجت عيني عالباب فاتو ولدي مبهوتين گعدو گبالي ويدحگون عليه متغيرين ضعفانين ومدري شلون حالهم
فتحت اديه ناديتهم
گامو يمشون عليه بهدوء ومثل الخايفين
گعدو گدامي ويبلعون بريگهم واحد يدحگ على واحد
امل : جانو عمر وعثمان عبالك مو مصدگين هاي امهم وجاي تحجي حقهم صارلهم ست شهور امهم مخبله گدامهم ظل عمر صافن عليها وجان يشيل ايده تا يلمس وجها جلب بي عثمان
عثمان : وخر خاف تعضك
ليال : ليش اعضه شبيكم
امل : حضنها عمر بكل قوته ويبجي
وهيه گوه شالت اديها وحضنته
ليال : شبيه اني جسمي متكسر مگدر احضن ابني
وهاذ عمر عبالك صايرله شهر مشايفني وگام يبوس بوجهي وعيوني وعثمان دموعه تصب گام وشبكني
غمضت عيوني بتعب
حيلي مهدود جوعانه وعطشانه مديت ايدي لزمت بطني ماكو مصفوطه على ضهري
هاي اني شگد ضعفانه
شبيه اني وبنتي وين
اختكم وين يولو
عثمان : نايمه بحجرة جده
امل :اخذتها عالحجره وجهالها يمشون ورانه
گعدت وتلمس بنفسها واديها ترجف
وهذول يبوسون بأديها مو مصدگين
ليال : جوعانه يا امل
امل : بللت ريگي ورحت بساع حميتلها الأكل وجبته
حطيت الصينيه گدامها ما گدرت تشيل الخاشوگه اديها ترجف گام عمر يوكل بيها ويمسح اثمها
وكلها الأكل كله
ومجاي تشبع عمت عيني عليج ادحگ عليها ودموعي تصب شربها مي وجان تمدد وگامو يفلون بيها ويبوسون راسها
اجه عماد وگف بالباب رحت يمه
عماد : ها شلونها
امل : مبينه زينه الحمد لله
عماد : يالله انطينه جاي تا نمشي
امل : اجه عمر وجان يتهير يريد ويه عماد والشيخ
عمر : خالي اخذني وياك امانه
عماد : وين تريد وليدي ظل هين عينك من اختك واخوك
عمر :خاله امل هين معد اشيل بال
امل : ظل يلح ويتوسل بعماد الا خلا يوافق
راح ركض ولم ملابسه
غطيت ليال وطلعت لحگني عثمان وراح يم الشيخ باس راسه وايده
عثمان : اني هم اسمي عثمان مثل اسمك يا شيخ
جزاك الله خير شافيت امي
الشيخ : عاشت الأسامي والله هو الشافي المعافي يا ابني اني مجرد سبب
عثمان : اريد اصير شيخ مثلك
الشيخ : الله يبارك بيك احلى من يصير شيخ
امل : صبيتلهم الجاي شربو وراحو
وصلو الباب وعمر يوصي بيه وبعثمان تا ندير بالنه على ليال وعذباء
ديالا : لفت اشر بالملابس وجان اشوف جوانه طلعت تزوع رحت يمها انطيتها مي شربت وغسلت وجها ..شبلاج يولي
جوانه : ما ادري شبيه روحي لايبه
وراسي يوجعني يمكن التيفو رجع عليه
ديالا : مو جويتي راسج شلون يرجع
جوانه : يرجع حظي الأگشر يرجعه
ديالا : وگفتها وجان تروح لحجرتها
رحت يم البنوات گاعدين بالمشراگه وزهور جاي تحف وتهندز بنفسها رجعت مثل گبل وازيد
گامن البنوات يمزقن عليها ونذكرها شلون جانت تصرف وتبجي وهاي نكرت الحجي كله
اجت جوانه وكملت عليها خلتهن يفحطن من الضحك تعيب على زهور زعم گايله اني بشاربك يشيخ اريدك تعالجني فاتتني جم ليله
زهور : يالجذابه امت گلت گومي من هين انتي نفس رجلج بالفاگه
جوانه : اول ما طابت وجان تگول لعمي اطلبك عشر ليالي
دله : هههه يهالعثره
زهور : يولي ايمت شو گومي فارجيني
ديالا :جوانه خلت زهور تفحط وترجد بروحها
اجه عماد هو والشيخ عثمان وعمر تلگيناهم
گعدو وجان عماد بشرني بليال طابت ردت اهلهل والله بس تذكرت حميد ودمعو عيوني
عماد : الشيخ گال لازم نروح نفل السحر
جوانه : اي نروح
ديالا : وين مهيره روحج اني اروح
عماد : ولا وحده منجن بس اني والشيخ نروح
ومريت اخذ رئي ابو نشمي
ديالا : انتظرو ابو نشمي واجه هو والولد ومن عرف ليال تعافت كيف وحضن عماد
عماد : ها ابو نشمي گلت نروح اني والشيخ
صياد : لا يابه اهجب اهين
عماد : عجل منهو يروح
صياد :اني والشيخ وجوانه
ديالا : كيفت جوانه ونشمي عگد حواجبه عبن ابو ما شاره اني هم اريد اروح مگدر اظل هين رحت اتوسل بشاكر
شاكر : وين رايحه يولي وانتي مريضه گوه تمشين
ديالا : امانه خليني اروح والله اظل واگفه وما اسوي شي بس اريد اروح لحيت وما انطيت مجال لحد ما خليته يوافق
شاكر : تروحين بس بشرط ما تمدين ايدج بشي
شفتي شصار بيج من دبجتي عالنسوان جان راح الجاهل وربج سترنه
ديالا : ما اسوي شي ابد
رحت لبست الصايه وحدرت صعدو الشيخ وصياد گدام واني وجوانه وعمر وره
طبينه بيت شكحه
شفت غازي گاعد عالممشى مالهم
و حاط ايده على خده
وشكحه ورافده گاعدات بالطرمه
من شافونه طبن جوه ركض
اجه غازي سلم علينه
صياد ردله السلام. من گفه خشمه
صياد : عمر وليدي روح جيبلنه كرك
ديالا : راح ركض جاب الكرك واجه وصياد شمر اردانه وراح يحفر جوه الشجره
غازي ظل مستغرب ويدحگ علينه ويخاف يسأل لا صياد يهبده بالكرك
حفر داير مداير الشجره وجان يطلع
نايلون جبير اخذه الشيخ وگام يفتح بي ويقرا
وغازي فاك اثمه
غازي :هاذ شنهي
صياد : هاذ انجازات ربعكم الي رادت بنت عمي تمنعه
بنت عمي الي ارجل منكم
ديالا : دنگ غازي وما حجه شي
كمل الشيخ يفل السحر جان شي ما اگدر اوصفه شي ما شفته بحياتي وان شاء الله ما يشوفه كل مؤمن
عثمان : هسع روحو جيبو الملابس
ديالا : راح عمر وجان يرجد الباب قوي
فتحه على كبره وطبينه جوه
ماكو احد الضاهر سدن على نفسهن الباب رحنه على حجرة ليال
والشيخ وصياد ظلو واگفين بره
جانت الحجره على حطتها من شفناهه اخر نوبه
عمر راح يدور بالملابس وطلع الأتگ النيلي شفته من طرفه مگصوص وجاب الدشاشه هم
كحشت ملابس ليال كلها
وشديتهن بجرجف
طلعنه حطيناهم بالسياره شفت غازي يحجي ويا صياد ومدنگ لزمه صياد من ياخته وصاك على سنونه دفعه وجان يجي نفض ادينه
وجان نصعد وعمر ما يفعل يروح
عمر : روحو انتو اني اريد اظل هين
ليال : فتحت عيوني على احلى شعور
جان عثمان يفلي بشعري سحبت ايده وبستها
عثمان حبيبي احنه شجابنه هين واختك وين ما شفتها دنگ باس راسي
عثمان :عمي صياد جابنه
ليال : صياد ؟ شجابه علينه
عثمان : سالفه طويله امي ارتاحي هسع
ليال : نهضت راسي وتربعت
لزمت ادين عثمان سولف امي شجاب صياد علينه
فاتت امل شايله بنيه جنها بنتي بس هاي جبيره مفرهده
گعدت يمي واني عيني عالبنيه
والله جنها بنتي راح يمها عثمان ويلاعب بيها
اريد اسأل وخايفه من جوابهم بلعت ريگي
هاي بنتي
امل : نسيت نفسي واجيت شايله البنيه على ليال
نسيت انها جانت بدون عقل ست شهور وما اتذكر شي تورطت وگلت اي بنتج
فتحت عيونها واثمها وادحگ على نفسها
ليال : اني وين جنت وما شفت بنتي كبرت
امل : هيه اول وتالي راح تعرف
انجان اليوم او باجر خن افهمها بنفسي احسن ما تعرف بالصدفه وتنصدم حجيتلها كلشي صار من عدا موت حميد
دنگت وگامت تبجي
بتعب ما بيها حيل حت تگهد
ليال : ما انصدمت ولا ستغربت
هنه رادن يموتني يا امل نتلني بالكهربا وسون بيه الفعايل ياريتني متت ويه ابويه وما شفت هاي البلاوي
امل :حضنتها اهجدها منين اجوسها تصيح
لا تگولين هيج يروحي
احمدي ربج يحبج ويبليهم
انفتح الباب فاتت عمتي معاضد
تسحل بروحها شافتها ليال وانبهتت
يتبع………… .