هلاو حبايب قلبي شلونكم شخباركم ؟
هسه ادري الكل متفاجأ بنزول بارت الإضافي فجأة بدون مانطي خبر على حسابي على الانستغرام "
قراءة ممتعة 🌼📙
كاعد بره وكاتلني البرد كتل دزيت مصطفى على كلاص جاي يجيبلي تأخر وأني بطبعي اكره لشخص الي يتأخر احب
كلشي بالاستعجال المهم ضجت وصحت
بصوت عالي "
ولك وين صررررت ؟ ادري دازك على كلاص
جاي لو على تنظيف باجة ؟!!
طلع يركض شايل كلاص جاي "
ايي غير الماي بارد كزاز
_ الماي شعلي انت جايف انطيني مو كتلني البرد
_هاك
جريت الكلاص من ايده '
دجيب
شربت وشفايفي ترجف من البرد هو
واكف بصفي يرجف "
رائد
_هااا
_ باجر نزول
_اي
_وراس السنة بعد يومين
_اي
_وين تروح
_وين اروح اكعد يم اهلي وانجب
_لا عليك الله خل نروح لاربيل احنا والربع نتونس
_روحوا انتو اني ماروح
_ليش ؟
_اكضي هذا اليوم ويه عائلتي وكل مرة يحتلفون بدوني
وهل مرة اريد احتفل وياهم
_زين نأخذ الاهل ونطلع لاربيل
_ماكدر
_اهووو
_ماتنجب شلون اخذ زينب لاربيل والطريق
طويل وهي مناه حامل جديد
_شكو عليها
_لاخطية كلشي ماعليها ولك غبي حامل جديد واني اخاف عليها من الهوى الطاير شلون تريدني اخذها لاربيل هو
لاهلها ماخليها توصل مناه لما تجيب
_سويتها قصة عنتر براسي
_ تريد تولي ولي انت ماعليك بي
_مو الطلعة ماتحلى بدونك
_لعد اكعد وانجب بالبيت وجيب كيك وجيب اهلك
وتعال احتفل ويانه بالبيت بدون صرف
فلوس وشيل اذنوب.
_عادي على صرف الفلوس هو يوم بالسنة اما
سالفة الذنوب منين جبتها
_انت اول ماتكمل احتفالك تحضنلك وحدة لصبح وتنام
_لااا
_لاخطية يروح يفرش مصلاية ويكعد يصلي بالبنات عليمن ولك هاي سوالفك ماتعبر براسي خابزك وعاجنك
واعرف كل دروبك
_يابة طلعة عائلية
_عمتي تسس تروح وياك ؟
_اي
_زين لعد تطمنت مراح تشيل ذنوب هواي
_ذنوبيش رب الكعبة ؟
_هناك البنات لبسهم شلح واعبر
_واني شعلي بيهن
_ اي ماشاءالله عليك عينك عين سيد رسول الله من
تشوف البنات تغطي راسك وتمشي
_رائد ماطلعت وياك انت كول ماريد اطلع واخلص
لاتسويلي سالفة من سالفة وتلعب نفسي
_تلعب نفسه ولك انت تكيف على البنات
_ اي بس نفسي تلعب والله
_يالله دعاء فقير نفسك تلعب وتبطل ماتروح
_منو فقيرون ؟
_اني مو بعينك فقيرون
_من انهجم بيتي إذا انت فقيرون ولك انت غضب أسود
_انجب اني فقيرون أنتو ماعرف شبيكم
_كلشي مابينه انت بيك شي وتشوف نفسك
فقيرون وانت العكس
_لاوالله فقيرون
_لابربك صدك تحجي
_اي والله ماكو فقر مني أصلا احس نفسي ملاك
بنصكك كاعد وانتو الشياطين
_اشككك ملابسي هسسسسسه
_شكك منو لازمك
_ولك منين جاي فقيرون انت نسيت سويت بأهل زينب
نسيت سويت بام سعودي وبفائق وبغيره
وبغيره مو لعبت جوله بالعالم
_هاي افعال فقيرون مو افعال وكح
_يعني تسمي افعالك افعال فقيرون؟
_ اي
_ اكتل نفسي هسه
_روح هناك واكتل نفسك كدام الجنود لا تكتل
نفسك كدامي وابتلي بيك انوب
_رائد راح تخبلني بالقرأن
_اللهم آمين
_اروح اشرفلي والله بس ابقى واكف يمك تطير عقلي
_هو طاير ومكايل لا
_الله مطولج ياروح
راح من يمي واني بقيت اشرب جاي واضحك عليه الجنود يفترون كدامي اجه بصفي محمد كاتله البرد متلفلف
بالبطانية ويجر جكاير
_ مال كلاص جاي معدل هسه
_ماتطلب
_مصطفى ماكو علمود ادز
_كدامك خير من الله الا مصطفى
_مصطفى خوش يسوي جاي
_مصطفى راح لف راسه ونام
_هاا وانت شعندك كاعد الهسة مو إنتهى واجبك
_الكعدة حلوة وحلتلي
_وين حلوة اشو السما جاي تمطر برد على روسنا
_احب هيج أجواء باردة
_ماشاءالله صاير مصاص دماء
_يمكن جاي اتحول
_ههههههه خررر... بسوالفك رائد ولا تعقل
_واني شبي واعقل
_حرامك كلشي مابيك
_نعست اروح انام
_هاا وين
_انام
_مو توك تكول تعجبني هالاجواء وين شارد
ابو الأجواء الباردة
_خلص واجبي من زمان ومرت على كعتي هنا ساعتين باع الساعة صارت بال ١١ بالليل وتريد تكضي
واجبك بي مو
_ههه خرر... بعقلك يلكطها على الطاير
_اعرفك چلب وين چلبك عمر اشو ماكو مامبين
_شمدريني بي
_مو عاتك هاي متيه ولفك
_تاه من ايدي اليوم دبقى شوي والله ملل وأجواء باردة يحتاجلها واحد مثلك وسوالف وشقا لما
يكضي الواجب
_ لا تحلم تكضي واجبك بي
_رائد ارجع الخاطري
_للأسف ماعندك خاطر عندي باي
_صدك ولك ماعندي خاطر عندك
_ولاذرة خاطر ماعندك عندي باااي باااي باااي هههههه
_هاي شنو انوب باااي باااي ههههههه
_حركة مشهورة هاي هههه
_وجبتها صح انوب ههههه
_هههه يلا باي
_تعال عليك الله..والله امل بسرعة تعال أرجع .. هسه تجي
_ناووو
_كال ناووو لو تنطبق السما على الكاع مايغير رأيه
_اي
عفته ورحت للغرفة .... لكيت مصطفى نايم صفح من فوك الغطه شفت ضوه تلفون قتربت منه اريد اسمع ماكو صوت صامت رفعت ايدي وجبته بكفخة معدلة
وصحت "ولك كوووم إنذار عدنا كووووم
انشمر هناك وين لازم التلفون بيده بطرك الفالينة والبجامة جان دفيان الناقص " نذاريش عدنا ؟!!!
_هجوم كحاب هههههه
_شنو هاي رائد
_ههههههه
_صدك جذب تضربني على راسي واني عبالي صدك عدنا إنذار يمعود بطل سوالفك هاي عيب عليك برتبه رائد وسوالفك سوالف جندي شاخط
_ شعندك تراسل كحاب تالي الليل بدل ماتنحم تراسل كحاب
_كحابيش
_جيب التلفون خل نشوف
_مانطي
كعدت انزع بالبسطال وكالتله "
رنو مو ؟
_رنو ؟ شذكرك بيها هاي
_لا تغشم روحك وكولي من شوكت انت وياها على تواصل
_موهي
_شلت دك البسطال وهفيته بي "
تجذب عينك عينك واني قبل ثلاث ايام شفت تلفونك دازتلك حبيبي صوفي مشتاقة لحضنك الدافي تعال براس السنة
ولفني بحضنك ناقص لا تجذب كول اي
_استغفرالله العظيم
_جيب البسطال وخلي يم اخوه لما اغسل واجي
كمت خزرته خاف مني وبقى واكف بمكانه دفرة وحدة مني اشمره خارج الغرفة رحت للحمام غسلت وطلعت لكيته
مرجع تك البسطال ومخليهن صفحة
ومطلعلي ملابس خوش ادمي صار بدلت ونمت على ظهري تغطيت بالغطة ونداريت عليه كاعد يباوعلي مثل
الچلب المذلول المكتول
_من شوكت تراسلها
_قبل شهر
_أنت شنو من بني آدم
_اممم
_كافي امممم وامممم جنك بنية جاي تتلوك براس حبيبها ولك انت شنو من بني آدم شلون تراسلها بعد لسوته بيك ولك لو اني بمكانك طلقة براسها وانعل شيب
الخلفوها من عمت عينك كحبة بت شوارع وملاهي تجرك وراها مثل الچلب المطيع ولك وين اوديك بس
فهمني وين اوديك
_هو شنو ...
_اشششش لتخليني اكول اخلي بالبسطال بحلكك وحلك الخلفوك كوم جيب التلفون لو اكوم اطكه
براسك كووووم
كام يرجف من الخوف ماشاءالله علية صوت يرعد رعد جاب التلفون وفتح الرقم السري وانطاه لي بدون ماحجي نمت
على ظهري وكلتله بهدوء
_ادخل واتساب وافتح بصمة
_ليش ؟
_سوي المطلوب ولا تطلع صوتي الرقيق
_هاك احجي
_شوو اي ... رنو الكحبة بت الشوارع والملاهي تجرين عدل تجرين لو بالقران اخلي الحبل باركبتج واجرج جر بنص شوارع اربيل أنتِ والوياج ....
جم مرة اكلت خرر...وكلت لا تلفين على مصطفى العار ابن العار هاي اول ومرة الج تلفين بس اشوفج مراسلته لو
ملتقيه بي بالقران اسوي سوايتج سوايه
واخلي كل العراق والدول العربية يحجون بيج ويحجون صارت كذا وكذا بفلان بنية تشتغل بملاهي اربيل اني
حذرت واني من احذر احذر
ومن افعال افعال وتدرين بي شكدر اسوي .
دز البصمة ايديه ترجف من الخوف "
سجل بصمة ثانية
_ماشي يلا احجي
_تالي عمرنا نخلي البرابيك تتامر براس ضباطنا لاربحنا ضباطنا صاروا جلاب الج والامثالج ضاع العراق
وضاعت هيبة الضباط ...
من وراج ومن ورة جم ضابط چلب صارت سيرة الضباط على كل السان وصاروا العالم تشوفنه بنظره موحلوة اني كلت وحجيت بعد وتعرفين بي ماكرر كلامي
مرتين وان تكررر اشكج نصين انتِ والوياج .
ويلا ولي ولا تخليني لشوف ركعه
وجج الوسخ .
دز البصمة ...
بعد لو هاهية
_جيب التلفون وروح انحم
_هاا
_روح انحم عزيزي وراك نزول الصبح
_مو دزيت بصمات لها بعد شلك بالتلفون
_اني شكلت ابن عمتي الحية مو كلت روح انحم
لو تريدني اكوم احمك بطريقتي
_هاا لا انام عود من تخلص من التلفون خلي جوه راسي
_انحم وماعليك
راح انحم غطيت رأسي وبيدي التلفون اكلب بالانستغرام ماشاءالله عليه مامخلي بنية بالعراق والسعودية والكويت والإمارات ماحاجي وياها
ونوب مكبل ويه كومه لاوحدة ولا اثنين ادري مايتعب ايدك من المراسلة ليشوفه يكول انسان مثقف ومحترم وابن ناس وعالم واحد ثقه مايدرون بي چلب
مال بنات .
هاي أني ماجنت مثله هلكد اراسل صح جنت اراسل بس كل أسبوع ويه وحدة شكل مو مثله باليوم أراسل عشرة
عشرين مسوي الانستغرام والتيليكرام بداله .
رنو ردت دخلت على حسابها كاتبة"
صار تدلل سياتك
حذفت كلشي مني ومنها وطكيتها ....... بحظار رحت على الانستغرام حظرت كل البنات وشكو ينية لغيت المتابعة
منها وانوب انحظر الانستغرام ههههههه .
رحت على واتساب هم .....حظرت البنات والتيليكرام هم حظرتهن كلشي ماخليت عليه وشكو رقم البنية نحذف مخليتله شي والصور هم حذفتهن
تارس تلفونه صور بنات العالم .
جت بالي افرمت .... التلفون انوب كلت لا اخاف بي شغل ويروح الشغل رفعت رأسي اشوفه كاعد يباوعلي ابتسمت وكلتله " ادري چلب مال بنات انت
_ليش تدخل بخصوصياتي
_اتدخل ونص اني الفستك واريد اصلحك
_تصلح شنوو ؟
_هاك تلفونك حذفت كلشي روح سوي حسابات جديدة
_ليش هيج خبيث
_مو خبيث ملاك صالح وجاي اصلح بيك عزيزي
_رائد ليش هييييج حذفت كلشي
_اريد اصلحك عزيزي
_شتصلح رب الكعبة راحوا كل حبيباتي
_حتى الله مايقبل بيها مصاحب بنات خارج العراق الله من انطه للرجال فرصة يتزوج اربع نسوان ماكاله روح
تزوج كل بنات العالم ..
وأنت رحت كبلت ويه كل بنات العالم بس ناقصك بنات الأجانب مامكبل وياهن
ضاج وطك التلفون بالكاع كل قوته "
موو هيج
_الحمدلله كسرته اخاف بنيتك ترد شي بعد كله راح ههههه
_الله يأخذني ويخلصني منك
_لتخاف الله ماياخذ العارات الله بس ياخذ الزينين
والمعدلين سامع بيوم عار مات ؟
_وانت أولهم
_مانكر اني اول عار بالعائلة
_افففففف ليش هيج رائد تقبل هسه اتدخل بخصوصياتك واحذف كلشي من تلفونك ؟
_مو كلتلك اني الطلعتك من الطريق اريد اردك للطريق
_تكسر وترد تجبر !؟
_اي
_ماعلية اني تجيبلي تلفون جديد تكسر منين اجيب تلفون
_هههههه راحت الفلوس ههههههه
راح للتلفون مقهور بس ماراد يبجي شاله بيده اشتغل كلشي مابي باوعلي يضحك " كلشي مابي امممح
امممح ههههه
صار يبوس بالتلفون ...
انوب يكول علية شاخط وهو طلع
اشخط من الشاخط
_كومة فلوس مشتري حتى مامتهني بي
_محد كالك ذب فلوسك على تلفون
_شلي بالفلوس لعد
_عندي فلوس احرمهن هنا وهناك اليوم عندي باجر ماعندي
_باع منو يحجي بالصرف تذكر ايام زمان
يجي الراتب منها يخلص منها
_أيام زمان ولت وعساها راحت ماردت جاي انصح بيك واريدك تاخذ بنصيحتي مادامك بأول ايام شبابك والله حرام عليك تضيع نفسك وشبابك منورة رغباتك
وتركض وره فلانة وفلانة علمود رغبتك تريد مرة تزوج واشبع من مرتك بالحلال وجمع جم فلس وروح اشتريلك بيت
ولك سيارة ماعندك وتشتري تلفونات غالية
بلا جم تلفون عندك ؟
_تلاثه
_وتلاثنهن غاليات واول كصة بالسوك مو صح
_اي
_بلا لو جامع هل فلوس وجامع راتب كم
شهر موتصعد احسن سيارة
_ يمعود خل اونس نفسي
_ونس نفسك منو لازمك كلب ابن الكلب من اليوم اني براسك بعد واريد امشيك مثل الساعة واعيد تربيتك عدل هاي
امك ام السحورة وابوك ابو صلعة
مايعرفون يربون اني اربيك واردك للطريق الصح
_لاوالله
_وجععععععه من الله يلا كدامي للفراش
_هاي شبيك نكرصت
_بس ابعد الغطة من فوك جسمي يطلعوك جنازة
_بدت رحمة الله وياك صارلك كم يوم كاعد عاقل
اليوم شبيك تسودنت علية
_مادلك الحبل واليوم اريد اكطعة بيك
_دومك تمد وتكطع هي الكطعة
_يلا نام
_هاي نمت ارتاحيت هسه
_اي غطي راسك
_شنو جاهل كدامك
_غطي راسك كلت
_وهاي غطيت ارتاحيت حبيب ام سعودي وام ساندي
_تروحلهن فدوة
بعد الغطة من فوك راسه وصاح "
انعل ابوهن يابة الخلفوهن هذني شنو
اروحلهن فدوة
_ذني الغاليات
_وزينب شنو لعد
_عثرة قلبي هاي وام جهالي وحبيبتي وعشيقتي
_ولك انت واحد ملعب ومحد يكدرلك
_غطي راسك لو العب بيك طوبة غطي راسك
_غطيت
غطه راسه واني هم لفيت راسي ونمت كعدت الصبح نزلت اني ويا محمد وعمر مانزلوا ويانه صارت
اجازتهم عكس اجازتنا .
نزلنا اثنينه واحد بصف الثاني نمشي تعبت مابي
حيل اشيل جنطة انطيتها لمصطفى "
_شيل بعد عمك مابي حيل
_ادري هناك مسكطني بالكتل وهنا مسويني حمال
_غير ابو صابر مالتي ههههه
_رائد عقل عليك الله
_ماعقل الحب مالتي ينتظرني بررره ....
صوفرت بصوت عالي من شفت امي وعلاوي وفطيمة بره واكفين بالباب فتحت ايديه فطيمة سبقت علاوي
وطلعت تركض واني هم فتحتت
اديني ورحتلها اركض العشق مالتي فطيمة علاوي وراها يركض مابي حيل هههههه
فطيمة_خالو حبيبي مشتاقتلك
رائد _ياروح خالج تعالي
حضنتها كل قوتي وشلتها بحضني احضن وابوس وهي هم تبوس بي فرحانه "الروح مالتي العشق مالتي امممح
حبيبتي فطيمة اممممح
_احبك خالو اممممح
_روح خالج هلا هلا بالضابط مالتي ههههه
مصطفى _ علاوي تفله معدلة البابا يلا بعد عمك
فطيمة_لاعيب علاوي هذا بابا دزله بوسة
وكف يخزر بي ضحكت وبقيت ....شايل فطيمة بيد وحدة رجعت شلته بعده مخنزر بوجي يغار انكس من امه
ويريدني بس اله واني ماكدر اصير
بس اله اول جنت الها وراح أبقى لها"
ابن الكلب شبيك مخنزر
علاوي_ بابا ماتي لوحي لوحي
فطيمة_ خالو مالتي كبل لايصير مالتك روح لامك روح
مصطفى _تعاركوا يلا دك بوكسات ههههه
رائد _امممح لابابا عيب هيج تصرف اني الك
ولها يلا بوسها لداداه يلا بوسها
فطيمة _هسه يعضني مثل الچلب
مصطفى _على ابوه ههههههه
رائد _انجب ابو رنو يلا بوسه البابا يلا ابن الكلب بوس
دار وجه مايقبل يبوس عاد شلون عناد اني شمرته بالكاع
تعاند ابوك هذا مكانك يلا حبي
أمشي ههههههه
صار يرمح بالكاع ويعيط صاحت امي من الباب "
صدك جذب رائد راح يموت علاووووي ارجع شيله لو
اكسر راسك رائد مو احجي وياك
مصطفى _مخبل ماعليك عتب تعال
عمو هذا ابوك مخبل
رائد _ مايمشي وياي الثكل كاعد يبيع ثكل براسي الكلب ابن الكلب يمة اروح لفدوة للبنات امممح هاي الروح والرية هاي العشق كله مو علاوي الكلب اممممح
شاله مصطفى وبعده يجوعر امي ضاجت ونزلت بالشارع بطرك ثوبها تخزر بي كلشي عدها ولا علاوي يعيط
جيت احضنها صاحت بي
_لاهلا ولامرحبا بيك وخرر من يمي
رائد _صدك جذب يمة مشتاقلج وتطردين بي
امي_شلون طاوعك قلبك تنزله بالكاع وتخلي يعيط فوك ماكاعد ينتظرك بالشارع هيج تسوي بي
انطينياه مصطفى راح يموت
رائد _مو شفتي يبيع ثكل
مصطفى _جاي يدلل عليك
رائد _اكره هذا الدلال
امي_طاح حظك راح يموت من القهر اشمرها
من ايدك لو اطيح حظك وحظها
رائد _لو اموت مااشمرها من ايدي هذا حفيدج واخذي
الج يلا حب نروح نسبح وناكل
ميتين من الجوع
امي_ ولك شنو من اب انت بس فهمني شنووو
رائد _هي كوه ماحب الخبيث وهو صاير خبيث مثل
خواله خل يتعلم يصير كريم مثل ابوه
امي_اوووف منك اسكت ماما خل يولي هذا
چلب وحرامات تصيحله بابا
رائد _يتعلك بذلايلج يمة
مصطفى ناوشني الجنطة أخذتها وبعدني شايل فطيمة هي مجلبه بركبتي وبوس بيها على عناد علاوي سكت
بحضن امي تفل علية
امي_هاي من مقامك
رائد _ اعيد تربيتك بس خل ابدل وارتاح
امي _علمود اعيد تربيتك من جدة وجديد حيوان
مخلي عقلك بعقل طفل صغيرون
رائد _ على خواله على خواله
امي_وانت هم على خالك طالع
رائد _تاج على راسي اخلي خالي العزيز هههههه
امي_اي اثنينكم طايحين الحظ
رائد _مقبولة منج امممح
امي_ولك لتبوس ماريدك بعد
حضنتها قوي وصرت ابوس بيها ضاجت مني علمود شمرت علاوي بالكاع اني بطبعي اتخبل من الجهال ليعيط
ويرمح بالكاع وعلاوي
تلزمه رعيصة ويكوم يرعص بالكاع .
_دوكفي شكد عناد امممح احبج امي الغالية ومشتاقلج امممح
_ولك كافي فضحتني مناك العالم
_ياناس ياعالم باعوا شلون ابوس بامي هههه امممح..وهاي الك ابو رعيصة امممح عود خوش
ارعص بالكاع بعد
اكلتها اكل هي وعلاوي ودخلت جوه تمشي وراي وتحجي واني اضحك طلعت بوجهي اختي بوستها وانطيتها
الجنطة ونزلت فطيمة
رائد_هسه نور البيت بجيتي
اختي_اي والله جان اظلم ونور بجيتك شلونك اخبارك
رائد _الحمدلله زين مرتي وييين ولج ام الصخول وينج؟
امي_وتالي وياك جم مرة كلتلك لتكوللها ام الصخول
رائد _مرتي وادلعها شعليج اروح فدوة للمزنجر هههه
امي_طاح حظك بعد اكبر
اختي_هاا شبيكم
فطيمة_ماما علاوي مخبل مايقبل ابوس
خالو وخالو شمره بالكاع هههههه
أختي _ياا ليش رائد خطية يحبك ويحرص عليك
رائد _آخر همي حرصه علية ويمنعني من غاليتي فطيمة
امي_اخوج مخبل وغاسله ايدي منه من زمان
رائد _عادي يمة وين صارت هاي ؟
امي_جاي تسبح
رائد _ادري هسه تسبح المفروض تتلكاني بالباب
مو تسبح ... ام فطيمة فدوة جيبيلي
كلاص ماي
فطيمة _اني اجيبله
رائد _اروحلج فدددوة اني وعشيرتي
امي_عشتو والله
رائد _شبيج يمة ههههه
امي_مخبل
رائد _أعشق خبالي اويلي عليك علاوي هههههه
امي_جوز منه
رائد _جايز ابوي وين
اختي_طلع هو وعمو ابو نزار
رائد _خير ان شاءالله
أختي_ماعرف والله استريح عليش واكف
رائد _اريد اسبح وابدل عاش عاش بالعشق
مالتي انطيني بعد خالج ...
أخذت كلاص الماي منها وشربته رجعته لها كالت "
بالعافية بعد حيلي
_اني وحيلي كله اروحلج فدوة تعاي اممممح
شلتها بحضني ابوس بيها اكلتها اكل وهي تضحك امي تباوع وتخزر علاوي هم يخزر بي مطنكر بحضن امي واني
ماهامني شي اهمشي عندي معشوقتي
فطيمة أحبها وأموت عليها "
فطيمة_خالو روح بوسه خطية
رائد _خل يولي ابو الوسخ
امي_ماكو غيرك ابو الوسخ
رائد _وين الوسخ باعي اخبل وانكط ورد يلا انزلي خالو
اختي_تخبل
رائد_طبعآ اخبل ام فطيمة ترى ميت من الجوع
فدوة اسبح واطلع الكه الغدة جاهز
اختي_بعيوني الاثنين
مشيت وكفت بعتبه الباب امي وعلاوي يباوعولي معصبين بست ايدي ودزيتلهم بوسه _وهاي السهودة
وحفيدها الزنجر ههههههه
امي_لانريدك ولانريد بوستك
رائد _اخذوها اجتكم صلي امممح امممح امممح ههههه
امي_وتالي وياك ولك اعقل
رائد _ماا اعقل امممح هههههه
عفتها تحجي عليه ودخلت للغرفة بدون مادك الباب زينب فزت جانت تنشف بشعرها من شافتني أبتسمت
سديت الباب مبتسم بوجهها "
_هلا رائد شلونك
_موزين
_ليش شبيك ؟
_ليش مانتظرتيني بالباب ؟
_والله اكون انتظرك بس ماكدرت
_ليش ماكدرتي شنو المنعج
_فدمرة صايرة ونفسي تلعب قبل ساعة فدمرة
صرت وسبحت شوي صرت احسن
الحمل موتني
_تهون يقلبي تهون تعال خل ابوسج بلكت تطيبين
_هههههه
رحت لعدها حضنتها ضميتها لصدري "
شلونها فطومة ؟
_منو يكول فطومة ؟
_غير اشنقج إذا ماجت فطومة
_قابل بيدي يارائد هو رزق بيد الله
_ونعم بالله بس اريد بنية
_مو بيدي هذا الشي اول بيد الله وثاني
الزرع زرعك مو زرعي هههههه
_لا غسلت ايدي لعد جاي محمد لامحال
_يمكن والله
بعدت عنها اباوعلها مستغرب "
تحجين الصدك ؟
_اشك حبالتي مثل حبالتي بعلاوي ماكو إختلاف
_لعد لمي هدومج روحي يم امي وابوي
_ رائد شبيك
_وعلي اسوي حرب بس يجي محمد بدل فطومة
_صدك جذب رائد تعارض أمر الله
_مامعارض أمر الله بس اريد بنية والله باقية بقلبي تجيني بنية حلوة مثل فطيمة وتصيحلي بابا
وعاند علاوي بيها
_شمسويلك علاوي شان الحرب عليه
_صاير خبيث مثل اخوج مؤمن
_ليش ماتكول طالع عليك نسخة ثانية اخوي موخبيث
_لاخطية اخوج نملة لا تهش ولاتنش
_اي والله اخوي بطرك الكلام مو مثلك كلام وافعال وابنك طالع عليك لا تعتب ولا تكول هذا
بزرك وتحمله
_فدمرة سووني فرعون
_هههههه
_فوكاها تضحكين
_شسويلك لعد مخلي عقلك بعقل علاوي
_هو علاوي لو بله أسود
_اي على بابا طالع بله أسود هههههه
_عمي ميلي بله أسود هو اكو افقر مني
_لاوين اكو افقر منك خل اطلعلك ملابس تسبح
_عوفي الملابس وتعال مشتاقلج يول
_مو وكتها رائد ههههه
جريتها لحضني وبستها بخدها بوسة ام الطكة "
لعد شوكت وكتها هههه
_والله مابي حيل تعبانة وانت توك جيت
روح اسبح وبدل لما اجهزلك الغدة
_اتغدة بيج هههه
_لاا عليك الله
_عقلج راح لبعيد ههههههه
_شنو ؟
_اني بس اريد بوسة وانتِ تردين ....
_لا والله بس...
_بس شنو ؟
_اووف رائد دومك تتمسخر علية عوفني
_وين اعوفج واني صارلي أيام مفطوم منج ومن حنانج
_دعوفني ابو الحنان هسه خل اجهزلك الحمام اسبح
وبعدين تعال اخذ حنان يلا عوفني
_مو مال حمام مال الفج بحضيني
_وتكول أنتِ تردين
_هههههه اموت عليج زوبتي اممممح
حضتها بيد وحدة وصرت ابوس بيها وراها بعدت عنها جهزتلي الحمام وطلعت سبحت وطلعت بوجهي للمطبخ
لكيت صابين الغدة لكيت علاوي زعلان
ومطنكر واكف بصف الثلاجة شلت بيد "
منو ويه علاوي ؟
علاوي_دينب
باوعت على زينب ضحكت امي خربت من الضحك "
ولج دينب شمسوية بعلاوي ؟
زينب_حرامك إذا مسوية شي
رائد _قابل علاوي يجذب
زينب_اي هههههه
فطيمة_ راد يخلي ايده بالمركة وصاحت عليه هو زعل
رائد _عوفوا خل يطمس ايده بالمركة بس لا تزعلوا
امي_اي عفية خوش علمه يحرك نفسه بس لايزعل
منو لزعله بره وعافة يرمح بالشارع
رائد _اني
زينب _ عليك حلال وعلينا حرام
امي_دتعال اكل وانطيني علاوي اني اراضي
رائد _ناوو اني اراضي بطلي حبيبي علاوي بوسة البابا
باسني بخدي "
الثاني هم بوسة يلا بابا ...
رجع باس خدي الثاني مديتله شفايفي "
هنا هم بوسة ام الطكة اريد يلا بابا علمود انطيك
المسدس تكتل دينب بي
ضحك وباسني بشفايفي قوي امي صاحت من مكانها "
خوش تعلوم تعلمه من هسه على السلاح وتالي
وياك رائد راح تفسد الوليد
رائد _اريد اعلمه من هسه على كل دروب
جريت الكرسي وكعدت فطيمة اجت كعدت بصفي
وامها هم وزينب وامي كدامي تخزر بي
وجان انفجر بوجهي
امي_لاتنسى بطريقك علمه على درب ام ساندي وام
سعودي لا تخلي شي بنفسك كل مالاتك
خلهن بي
رائد _كلهن اخليهن بي الا ذني
امي_وغلاتك ذني راح يستارثهن منك مثل ماستارثهن مصطفى واركان ولك انت ليمشي
وياك يطيح حظه
رائد _بالعكس سويت منهم زلم
امي_زلم جوه رجلين ام سعودي وغيرها خاب دنجب انت وتعلومك لطايح حظه شلعت قلبي شلع لماجبتك للدرب وتبت خلف الله على زوبة توبت عليها وستجنيت
جنت مثل الچلب مدودية اذانه
رائد _رحمه والديج يمة على هاي الرزالة
المعدلة هاك بابا اكل
امي_ ماعاجبتك الرزالة
رائد _لابالعكس حلوة وانتِ شيطلع منج حلو
اختي _يمة اروحلج فدوة كافي عوفي خطية
توه اجه من الدوام
امي_انجبي انتِ الثانية هذا بس انطي
مجال يرجع لدروب ايام قبل
امي تحجي وأني اباوع لزينب تاكل وتضحك تذكرت ايام قبل من جنت اركض وراها وتذكرت من شفتها بالشارع
هي وعلاء دخلوا محال يشترون
وكفت الرتل كله ونزلت اشتري عود وهناك شفتها من
شافتني ماتت بدمها واخذت جيس
الجبس منها ههههه
امي_شفتي صار يضحك مشتاق لأيام قبل
رائد _اي والله مشتاقلها وأتمنى تنعاد
امي_علمود اعيد تربيتك من جديد ولك
ماتعلمت من أخطائك
رائد _زينب تعاي خل نتعارك وروحي زعلانة لاهلج
واجي اني اتعارك وياهم واردج مشتاق
لأيام قبل ههههه
امي_ ولك شنو انت
زينب_لاعيني ابد بعد ماروح لاهلي ههههه
رائد _لاعليج الله روحي زعلانة وعاندي
امي_رائد شبيك ؟
رائد_اريد مغامرات واريد اعيد ايام قبل ويه ام الصخول
زينب_لا تحلم اعيد هذيج الأيام
رائد _زينب لتخليها بخاطري
امي_تعال خل اكتلك وروح زعلان يم بيت عمتك واحنا نجي نردك وانت عاند احلى مغامرة اسويلك والله
حتى اجيك بالتفك واردك
رائد _ يلا لعد كتليني هههههه
امي_انزول على قلبك رائد ههههههه
كضينها ضحك على الغدة استفقدت فروحة "
فروحة وين ؟
زينب_بيت أهلها
رائد _صوحوها اريد اشوفها
فطيمة_هسه يلا علاوي تعال نجيب عمه فروحة
علاوي_مالوح
فطيمة_لاعفية علاوي كوم وياي
علاوي_ماا لوحي تي
رائد _عوفي جايف مابي حيل يروح ههههه
امي_لترحين هسه اتصل بيها واجيبها
كمت علاوي بحضني غسلت ايديناته وكعته فوك السنك غسلت واخذته وطلعت للغرفة العب وياه مشتاقله بس
بي طبع احب عانده واخلي يعيط
احب اعذب لشخص لاحبه من الله "
خليت راسي بحضنه "
يلا افرك راس ابوك وكل ماتفرك براسه بوس
المكان بابا واواه
علاوي_هنا واواه ؟
رائد _اي هنا واواه بوسه
يفرك براسي ويبوس مطيع حبيب قلبي
شوي واندك الباب "
دخلوا هههه
باوعت بتجاه الباب فاضل وفروحة "
تعالوا ساقطين وين مولين
فاضل_يم أهلنا ههههه
فروحة_والله امي صاحتلي انظف بالبيت علمود راس السنة
رائد _تعالوا بوسوا عمكم وافركوا رجليه وكتوفه
ترى ميت من التعب
فاضل_تدلل عمي
جوي بوسوني اني ونايم ...
رجل لك ورجل الفروحة
فاضل_مد رجلك عمي هههه
فروحة_وعلاوي جاي يسوي هههههه
رائد _هذا اختصاصه يفرك راس ابوه ويبوسه
فاضل_خوش لعد ههههه
صاروا يفركون برجليه وعلاوي براسي زينب واكفه بعتبه الباب وتباوع وتضحك بسكوت غمزتلها
وصرت اغنيلها غنية .
والله لكسر سجنها باثنين اديه احضنها والله لكسر سجنها باثنين ايديه احضنها باثنين ايديه احضنها روحل لو تكرب يمها تحيى لو جانت ميته تحيى لو جانت ميته
فاضل_الله على صوتك عمي
فروحة_عمي صوتك يشبه صوت المغني وليد العيساوي
رائد _هو أعشقه وأعشق اغانيه
زينب_ لمن هالاغنية ؟
رائد _لام سعودي ههههههه
فاضل_لابشرفك عمي ههههههههه
زينب_شنو ام سعودي وخروا خل اكسر احواله اليوم
وخروا من صدك يضحكون فاضل جر علاوي كعدت بسرعة اجت لعندي تريد تضربني عود لزمت ايديها ألاثنين
وكعدتها بنص حضني
رائد _صايرة سباعية ام علاوي ههههه
فاضل_في امان الله ههههه
رائد _تعال وين طافر
فاضل_عيب ههههه
زينب_عوفني حبيب ام سعودي
بستها بخدها وكتلها "
شبيها غاليتي زعلانة مني واني
على نيتي هههههه
فاضل_ترى يشاقه وياج عمه يلا تعال فروحة
زينب_ولك لا هو مشتاقلها من يوم لرجعت بي للانبار
فاضل_لا أبد عمي يحبج
خذوا علاوي وطلعوا وسدوا الباب وراهم جتفت ايديها على لبطنها باثنين ايديه ورجعت بست خدها "
_ عوفني لتبوس روح بوس ام سعودي
_ زينب تدرين اول ماشفتج بي صار بحالي
_كافي جذب عوفني ولك عوفني كسرت ايديه
_سمعت غنية وليد العيساوي تذكرت من شفتج اول مرة شصار بحالي هالاغنية تمثلني والله
_ابقى اضحك عليه بصوتك الحلو
_ماتفرحين مزوجه انباري وصاك وضابط ومطرب
_ويحب ام سعودي الهايشة ام باب الأبيض
_ ههههههه
_عوفني والله زعلت منك
_يله لعد كومي لمي هدومج وروحي زعلانة لبيت عمي ابو نزار بدل اهلج واني اجي اردج وانتِ عاندي وخليني
اتعصب واخطفج ههههههه
_وانت هذا لهامك
_اي والله اريد ارد ايام زمان
_ماريدها اني عوفني مرتاحة لو ماتكدر تشوفنه مرتاحين ساعة وحدة الا مشاكل وعرايك وطلايب ولك
عوفني لتبوس زعلت زعلت
_اممح الروح والرية زوبة
_هسه صرت الروح والرية
_انتِ من زمان الروح والرية بس انتِ ثولة ماتشوفين
_منو ثولة حبيب ام سعودي
_من نهجم بيتج ام سعودي كلها تحبج واسمج
مايوكع من حلوكهم ههههههه
_لا تذكر اسمها رائد اكرهاا ماحبهاااا
_من انهجم بيتج على هذا الصوت العالي ههههه
_عوفني
_بوسة امممح
_دكافي مو موتتني بوسة بوسة ام سعودي ولك عوفني
نفسي صارت تكلب هسه ازوع عليك
رائد راح ازوع
من كالت هيج ونفخت خدودها عفتها بسرعة كامت بوجهها للحمام كمت وراها صارت تزوع بقيت اباوعلها مذهول هاي صدك بس ذكرت اسم ام سعودي صارت تزوع
_هيج اسمها يخليج تزوعين
_افففف ولك حامل حامل وتضايقت من وراك
_مادري والله
_راح اموووت اااه افففف
_بي ولابيج غاليتي ماكملتي
_لاا
_اسف غاليتي والله مادري عبالي مثل قبل
_بس اسكت ولا تجيب طاري ام سعودي اني اصير بخير
_أبد ماجيب طاريها بس يصريلي بخير
_اصير بس بطل من سيرتها
_هاي بطلت يلا غسلي وتعال ارتاحي
غسلت وجهها وطلعنا نامت فوك الجرباية قطيتها وبستها بكصتها "طالع اشوف علاوي وين وارجع " طلعت شفت
ابوي جاي سلمت عليه وعلاوي كاعد بحضنه
رائد _تجي لو تبقى علاوي
ابوي_عوفه عندي
رائد _ماشي
طلعت صادفني فاضل "
عمي باجر تحتفل بالبيت لو
تطلع لاربيل ؟
_تردون تطلعون لاربيل اطلعوا اني
باقي بالبيت
_الطلعة بدونك موحلوة
_ماكدر اعوف زينب بالبيت واطلع احتفل بدونها
_ماشي احنا راح نطلع ويه بيت عمي ابو مصطفى
_اهلك هم
_اي كلها
_ترحون وتردون بالسلامة
_الله يسلمك
عفته ومديت راسي من باب غرفة امي كاعدة هي واختي بالكاع يسولفون " هم ترحون لاربيل باجر ؟
امي _شصخم باربيل بهالبرد
اختي_والله ماجايزة من روحي وجهالي اطلع
للشمال بهذا البرد احتفل بالبيت واسكت
رائد _اخواني كلها راح تطلع
امي_شعلينه بيهم علينا بنفسنا وانت خوما تروح
رائد _لا
امي_مو من عوايدك
رائد _كل سنة اطلع احتفل بعيد عنكم وكل مناسبة اني بالدوام وماحتفل وياكم وهل سنة قررت ابقى يمكم ام فطيمة
العصر جهزي نفسج نروح نتسوك
أختي _ تدلل
فطيمة_اني هم اجي خالو
رائد _اول وحدة انتِ بالسيارة الكاج
فطيمة_هاهية ههههه
امي_شوكت ناخذ سونار لزينب ؟
رائد _بشهر الرابع يلا يبين جنس الطفل
امي_هي مودخلت بالرابع ؟
اختي _هسه ثلاث أشهر وأيام خلوها بالشهر الثاني
رائد _الله كريم
امي_واني عبالي اربع اشهر ونص
رائد _منين يمة ههههه
امي_شمدريني
رائد _يلا مصار شي
عفتهم وطلعت عدل للغرفة دخلت سديت الباب باوع لزينب نايم خطية الحمل شالع قلبها شلع طفيت الضوه ونمت يمها كعدت العصر عفتها نايمة رحت لفروحة
سوتلي اكل كتلهم جهزوا روحكم راح نروح للسوك .
والله اخذت علاوي وفاضل واختي وفطومة وفروحة رحنا للسوك اشتروا شجرة عيد ميلاد متوسطة الحجم واغراض زينة وحلويات كومه اغراض .
علاوي شاف الكيك وتخبل الا هسه تأخذلي كيكة عاد اخذتله كيكه وشموع وعصير ورجعنا للبيت لكيت زينب كاعدة راحوا نصبوا الشجرة وزينوا الاستقبال .
وكعدوا علاوي سووله عيد ميلاد هو فرحان ويصفك بصفه فطيمة وابن اختي زين اليوم كاعد عاقل ومايسوي مشاكل كصوا الكيك وكعدنا ناكل كيل
اتصل مصطفى "
هاا شبيك ؟
_اريد اسم القصة
_ياقصة ؟
_قصتنا الكاتبها وناشرها مدري وين؟
_لاتحلم
وسديت الخط بوجهه ماريد انطي القصة اريد اشلع قلبه واخاف منه يعرف بمرضي ويعرف شسويت باهل زينب وشلون سممت الدجاج واخذت
زينب بدل الفصل ويروح يفضحني يم محمد وعمر وغيره واصير شهيرة بالعشيرة كلها رائد سايكو وره العشا اجه
تعارك وياي علمود القصة اجت بالي
اشيله ودكه كدام الكل بس لزمت اعصابي سكت من دخلوا الكل يتقفون ويه اخواني علمود روحة لاربيل والله
اتفقوا وثاني يوم الصبح طلعوا
واحنه بالليل عالساعة بال١٠ حفلنا ابوي نعست وعلاوي وفطيمة وابن اختي خطية كملنا احتفال وغسلوا
الماعين اتصل مصطفى وكال "
مصطفى _مو برد ضيم
رائد _الله عادل بيكم
مصطفى _لو ادري هيج احتفال ممل وكلشي
ماشوف فلا رحت بالقران
رائد _زدحام وكلان خرر...
مصطفى _فدمرة مالك محط رجل
رائد _مو كتلكم لا تطلعون مو كتلكم احتفلوا بالبيت لو
دودة وحيدة بيكم الا تطلعون خارج البيت
بهاي الازدحام
مصطفى _الفاس وكع بالراس هسه دخلوا للمول
ونفس الشي ازدحام
رائد _حيل بيكم
مصطفى _اي والله حيل تعال اكولك واحد من ربعي اتصل بي وكالي سوي هاي الشغلة وراح تتحقق أمنيتك
رائد _شنو هالشغلة بلا ؟
مصطفى _من توصل الساعة بال١٢ بالليل براس السنة اذبح قربان لوجه الله بطة لو وزة وكتب امنيتك بورقة وخلها
بحلك راس البطة لو الوزة ودفنها
رائد _ماشاءالله عليكم تقدمون قربان للشيطان
مصطفى _خايب ياشيطان
رائد _ والله اني ما امن بالخرافات وهاي كلها خرافات تريد شي روح أدعي الله بمراقد المقدسة وستعين باهل البيت (ع) وسيله بينك وبين الله وشوف شلون
تتحقق كل امانيك جايني وزة وبطة من عمت عينكم وعين كل واحد مثلكم يصدك بهاي الخرافات وعبدة الشيطان بعد
فدمرة ذبحوا صخله سودة ودفنوا
راسها بعتبه الباب
مصطفى _ شمدريني هو كالي وكال مجربة
رائد _هذا زمال مثلك ماعلية عتب يامن براس الوزة يحقق امنيته ومايامن بالله ومادري هو الله حققله امنيته من شافه زمال وحاير شيسوي وتحقق امنيته
مصطفى _شورطني وكلتلك
رائد _تعرف بي ماحب هيج أشياء شورطك وحجيت
مصطفى _ تورطت يلا باي
رائد _لا هلا ولامرحبا بيك ابو البط والوز
مصطفى _شراح يخلصنا بعد من لسانك
رائد _تورطت
فصلت الخط بوجه شوي وكمت للغرفة زينب كاعدة كدامي كدام الميز تعدل بشعرها رن تلفوني شلته
بيدي المتصل محمد ..
_هلا محمد شلونك
_بالبيت تعال مر بي
_مابي باردة
_ولك جبت وزة
_شلك بالوزة
_احقق امنيتي
_خرررر..بيك حتى انت طلعت زمال مثل مصطفى
وغيره تامن براس الوزة يحقق أمنيتك
_اهووو صار ابو عذراء براسي موصوجك صوجي كلتلك
_عارات ماعليكم عتب
_دولللي
سد الخط بوجهي ضحكت زينب كامت تباوعلي وتضحك "
ههه حتى اهلي مسوينها ههههه
_صدك تحجين
_اي واني هم سويتها قبل
_اي عاد تحققت امنيتج ؟
_تزوجتك بدل ماتزوج الكوري ههههههه
_خررر. بيكم وبتفكيركم انتو العراقيين سالفة من سالفة وتصدكون بكلشي يحجوه الكم غيركم
_اي هههههه
_الله كالج تعاي شلون ضاملج كوري معدل
_طلع ضاملي انباري معدل هههههه
_الله حبج من رزقج بي ماعرف شمسويه
يم رب العالمين ورزقج بي
_ الله عاقبني بيك لان جنت احب الكوررين
_صدك ولج اني عقاب
_اي والله اكبر عقاب لي وتبت على ايدك من الكوريين
_ولج هاي مو عقاب هاي محبة من الله الج
_واضح محبه تذكر جنت شسوي بي
_لا ماتذكر بس اتذكر يوم عرسنا جنتي خايفة وصارت
الليلة ممله ولافرحت منورة السحارات
_وثاني عرس
_خوب ثاني عرس جنتي فرعون وجبرتج
_اممم
_روحي لبسي سيت نوم ابيض وخل نعيد عرسنا
_ههههه ناوي اليوم
_اي والله ناوي وهاي التلفون قفلته ادري بيهم طالعين
وماراح يجوزون مني وخل
يصفالنه الجو .
_مراح اخليها بقلبك ههههه
_ادري بيج
راحت بدلت ولبست سيت نوم قصير كمت لعدها اغنيلها اغنية انتِ الشيخة والدلة وانتي الفنجان ... أنتِ الشيخة والدلة وانتي الفنجان ... وأنتِ بس نظرت
عينج تسوى النسوان ...
_ هههه هيج تحبني
_واكثر شيختي وغاليتي امممح
حضنتها وبستها بكصتها هي هم بادلتني الحضن"
زوبة غنيلي مثل مااغنيلج
_ماعرف وصوتي محلو مثل صوتك
_حتلوه
_لاا رائد ماعرف لتخجلني فدوة
_وليش تخجلين
_صوتي مزنجر مومثل صوتك جوهرة
_اويلي على الجوهرة تعال خل افر بيج الغرفة فر
شلتها من خصرها بأثنين ايديه راسن جلبت بركبتي خايفة
دخيلك رائد هسه ازوع وادوخ
_تخربين لحظة
_اي اكعد راحة
_ههههههه
_تمام غاليتي تعاي انطيني بوسة اريد روحي ترد
_ليش روحك وين ؟
_طبت بيج ههههه
_ههههه
بستها بوسة طويلة من الشفايف اجت بالي اشيلها وافتر بيها بس خفت تدوخ وتخرب كلشي هههه المهم جانت الليلة من العمر وياها والصبح بالدفرات كعدوني
من كعدت شفت الساعة بال ١٢ والأهل كلها جاية من اربيل ومرضى خربت من الضحك مصطفى نايم بالفراش عمتي الحية البيضة ابو صلعة بس اركان صاحي
بيهم فاضل فروحة خطية كاتلهم البرد هناك.
وره الغدة رحت شفتهم ....خربت ضحك عليهم يكولون فلا تونسنا لعبان نفس وهناك الولد مجلبه يشعلون ألعاب نارية جوة رجلين البنات وخربوا كلشي
وباردة بشوارع والعالم كلها طالعة تحتفل لو ندري هيج فلا طلعنا وكعدنا بالبيت وسكتنا.
مصطفى _رائد دخلنا سنة جديدة فدوة
العمرك انطيني اسم القصة
رائد _وابشرك القصة عبرت مليون قارئ
مصطفى _صدك تحجي ؟
رائد _اي والله وان شاء الله عن قريب ٢ مليون قارئ
مصطفى _طشر عرضنا انفضحنا بين العربان
رائد _ ماتنجب اني النشهرت لا انت ولاغيرك
مصطفى _مو ذاكرني بيها شلون تكول مانشهرت
رائد _ذكرك قليل بالقصة وكافي كل ساعة جاي لعندي القصة والقصة كافي مولعبت نفسي ساعة السودة اجيت اشوفك بيها مو صوجك صوجي اسأل عن أحوالك
مصطفى _تواصل ويه الكاتبة وكللها خل تحميني من القصة
رائد _أصلا راح اتواصل وياها واخليها تعيد كتابة القصة وانطيها احداث قوية تخلص هههه
مصطفى _دخيلك بعد محد يتزوجني
رائد _ هو هذا المطلوب محد يتزوجك وتبقى
معنز على قلب امك الحية البيضة ههههه
مصطفى _رائد كعد راحة وعيب وخلي العالم تقرأ قصة حياتنا وتسوينه مضحكة لليسوى والمايسوى ولك عيب استحي
على نفسك ضابط وتعرض قصة حياتك للغير
رائد _هدفي من مشاركة القصة اخلي العالم تتعلم من أخطائي وتجاربي بالحياة وماكو إنسان يبقى على حاله كل إنسان يتغير للأحسن واللاسوء
مصطفى _اعرف بس لا اني
رائد _والله ذكرتك بالقصة لان وياي جنت وذكرتك
هواي بالجزء الثاني من القصة
مصطفى _سويت القصة جزئين؟
رائد _اي جزئين
مصطفى _بعد بيتي فضحت نفسك وفضحتنه بين العربان
رائد _عادي مايهمني المهم شاركت حياتي ويه العالم
مصطفى _وعاد حبوك كرهوك
رائد _البعض حبني والبعض كرهني واني اتفهم حبهم وكرههم
مصطفى _واني
رائد _يضحكون عليك هههههه
مصطفى _الله لاينطيك سويتني مضحكة للبنات
رائد _افعالك هي المضحكة مو انت عزيزي في امان الله
عفته وطلعت كام وراي "
اروحلك فدوة بس انطيني اسم الكاتبة خل
اتواصل وياها
رائد _ماتقبل
مصطفى _ليش ماتقبل
رائد _ماتحجي ويه زلم
مصطفى _لعد انت شنو مو رجال
رائد_اني أخوها واني غير منك مو مثلك زاحف محترف
مصطفى _خلف الله عليك شهرتني حتى يم الكاتبة وخليتها تطفر مني ليش هيج شوهت سمعتي ليش ولك
ليش بيش طالبني بيش ؟
رائد _مو احبك
مصطفى _حبتك حية ام راسين اكووون
زعل ودخل جوه خربت من الضحك عفته ورحت للبيت مرت الأيام وقبل لا نلتحق للدوام بيوم هو جانه بالليل تعارك وياي صرنا ملخ علمود القصة تعصبت وضربته
راشدي فريت وجه فر دخلت امي وزينب وفاضل شكو صاير صاح بصوت عالي " الله يقبل محمد يقبل رائد كاتب قصة حياتنا وانشرها يم كاتبة روائية
امي_شنوووو
زينب_رائد صدك كلامه ؟!!!
رائد _اي صدك ومحد له دخل حياتي واني حر بيها
مصطفى _شارك حياتك مو حياتي وحياة غيرك عيب عليك
رائد _خلي العيب الك مو لي
امي_ شلون تخطي هيج خطوة وتنشر قصة حياتك
مصطفى _وبشرج خاله القصة راح تدخل ٢ مليون قارئ
امي_صخام براسك صاير مشهورة وشاهر العائلة كلها
زينب_اثنين مليون ؟
رائد _اي يمة والعالم حبوج ويموتون عليج
امي_راح تهجم بيتنا رائد
مصطفى _انهجم وخلص هسه ننعرف ونصير
شهيرة بالمنطقة كلها والعشيرة خاله
سمعتي طشرت
رائد _والله ماكلتلك صاحب الكحاب وتريد تزوجهن ههههه
امي_ شكلت النفسك بلا من نشرت القصة ؟
مصطفى _يدور شهرة
رائد _انجب ماتهمني الشهرة لو تهمني الشهرة جان انطيت حسابي للمتابعين اني تهمني العبرة واخلي العالم تستفاد من اخطائي بالماضي ويتعلمون الشباب
لمثلي مايسلكون مثل طريقي ويمشون وره رغباتهم وثاني شي ماذكرت أحداث معروفه للاقارب والعالم ذكرت بس احداث بيناتنه احنا اهل البيت
وتعال ترى ماذاكرك هواي بس ذكرت طلعاتك وياي وبالشغل ماجبت طاري عن حياتك الشخصية غير سالفة رنو وطلعت منها جزء بسيط والي مرتبط بي
مصطفى _انطيني اسم الكاتبة خل اشوف بلا
رائد _وحق العباس ابو فاضل مانطيك اسم الكاتبة واسم القصة ولا تحلم انطيها الك مو عبالك فضحتني راح
اتعرف واكول لا عزيزي ماكول
والقصة قصتي ومحد له حق يعترض لا امي ولازينب ولا انت ولاغيرك مفهوم ويلا توكل بالله
مصطفى _اطلعها مو اليوم باجر واخذها وعد مني
رائد _انت رجال طلعها
مصطفى _رجال ونص وشوف شلون اطلع كاتبتك
من جوه الكاع
رائد _طلعها منو لازمك
مصطفى _اشوفك
رائد _نشوف اني لو انت بالملعب
مصطفى _اليوم الملعب الك والطوبة برجلك
باجر الملعب لي والطوبة برجلي
رائد _مابي حيل اهفك بزيج
امي_كافي لعبتوا نفسي وتعال كلي شنو قصة وين نشراها وهاي الكاتبة منين وشكبرها ومنين عرفتها ؟
رائد _ عرفتها على الانستغرام قبل سنة وكم شهر صغيرة عمرها ٢٥ سنة وبعدها ما مزوجة
وصاكة وتطك بالكاع
مصطفى _هسه يطلع زاحفلها زينب رجلج زاحف بالقران
رائد _من شالك القران ان شاءالله
زينب_ اني أثق برائد مستحيل يخوني
مصطفى _وقابله ناشر القصة ؟
زينب_اي عادي ماعندي اي أشكال وبالعكس حلوة منه نزل قصته علمود يعلم الشباب وهدفة هو تعلم مو
هدفة الشهرة لو غير شي
امي_ انتِ ويا لازم
زينب _لاوالله مادري بالقصة وأصلا ماقرئ قصص
رائد _مرتي قابله بعد شكو
امي_واني ماقابلة
رائد _هسه تقبلين من تقرين التعليقات وتشوفين البنات
شكد حبوج ويتمنون النسوان يصيرون مثلج
ويعتنون بالجناين
امي_ ياريت لو يصيرون مثلي بس هي نفوس
وكلمن ونفسه واطباعة
رائد _اي هاا شبيك واكف
مصطفى _صورة للكاتبة واوعدك ابطل منك ولا اجيب طاري
امي_شلك بصورة بت الناس والعالم
مصطفى _اشوفها صدك صاكة
رائد _تموت هههه
امي _هسه عرفتك ماتدك على القصة تدك على بت الناس والعالم طايح الحظ ماتبطل من سوالفك لبعمرك
مزوج وعنده خلفة
مصطفى _هو اني شكلت كلت اشوفها وهسه
عادي ناشرة روحها
رائد _لاماناشرة روحها وأصلا ماتنزل صورها
مصطفى _لعد وين شفتها ؟
رائد _وانت شعليك
اجه ابوي دخل سلم على ابوي وطلع الحمدلله خلصت منه امي تباوعلي تريد تعرف بقية التفاصيل ابوي كام اجت
امي يمي هي وزينب يسألون
دخلت على الواتباد وشوفهم القصة كلشي مايعرفون واول مرة يدخلون عالم واتباد ويقرون قصص فتحت التعليقات لامي تخبلت على بعض البنات كله حجي
افشار ومايليق بابنية ..
من قرت بعض كلام البنات شوي هدت وقرت بالقصة كالت لاماراح تنعرف ماذاكر شي معروف عنك بالمنطقة ولا ذاكر عركة من عركاتك القوية بالمنطقة.
زينب تقرأ وتضحك على البنات شلون يدافعون لي ومايدافعون لها "
زينب_انطيهم حقهم ماعاشوا لعشته اني ولا يعرفونك انت شنو ومنو وانت ذاكر جزاء بسيطة من القصة وماذاكر اهم الأحداث بحياتك لو يعرفوهن هم راح يحبونك هههههه
امي_هاي هن البنات يطربن على الضابط والحلو
رائد _لاوالله اني طيب القلب بس شوي بي طكه خبال
امي_يعترف هو مخبل
رائد _تعرفين بي صريح واحب الصراحة
امي_ شو خل اشوف التشبيه بلا
فتحت بارت التشبيه طلعوا الصور امي من شافت الولد تفاجات وكالت " هذا يشبهك بس انت اسمن منه
واضخم والبنية نسخة من زينب ههههه
زينب_اي والله كاتبتك خوش تطلع أشباه
رائد _بعد رنوشة
امي_هاي تشبهني ههههه
زينب_اي والله نسخة منج يمة ولك هاي
منين تطلع هيج أشباه
رائد _هذا شغلها بعد وتدقق بكلشي
زينب_ حلو سردها للقصة وبسرعة تفهم الاحداث مصطفى هذا الولد يشبهه بس مصطفى شوي خشمه جبير
وجه اضعف من هذا هههههه
امي_اي خوب الشوارب والجسم نفس الشي هههه
زينب_اي والله رائد عادي اشوف الكاتبة
رائد _والله اني شخصيا ماشايفها
امي_مو كلت المصطفى حلوة وصاكة ؟
رائد _هي مبينه حلوة وصاكة بس الله شاهد علية ماشايف شكلها كامل قبل لا اتعرف عليها نزلت صورة لنص وجه الها وجانت صاكة مبينه بعد مانزلت ولا صورة
من هذاك اليوم سألت كالت عندي أعداء وأخاف ياخذون صوري ويسوون حسابات وهمية باسمي لان فعلآ جانوا مسوين اكثر من حساب باسمها
زينب_حقها لعد ماتنشر روحها انت دزيتلها صورنه
رائد _اي
امي_ماخفت منها تطلع مو ثقه
رائد _البنية ثقة وسألت عنها قبل لا اكتب القصة وكالوا عنها خوش ابنية وبت ناس وعالم معروفة وحتى اعرف وين
ساكنه ومن يامنطقة بديالى
امي_ماشاء الله عليك جايب معلومات كاملة عنها
رائد _اي والله
زينب_خاف تلزمك من ايدك توجعك انت لازمها
من اثنين ايديها
رائد _لاوالله أبد خوب هي كالتلي عادي إذا ماتدز صورك وتخاف ماكو اي شكال بس دزلي اشباه واصلا ماطلبت
وين ساكن ولا سألت حتى
امي_خوش لعد انت هواي صارلك وياها وتاكدت منها ثقة
رائد _اي تعال خل اشوفج صورتها من صغيرة
امي_اي شوفني
دخلت على الانستغرام الكاتبة شوفتها صورتها امي كالت من صغيرة حلوة اكيد هسه من جبيرة احلى بعد صارت ومن شافت ابن اخوها هادي تعجبت بي وبجماله
امي_يمة يمة اروح فدوة ولك هذا لوليد ينكرط كرط
رائد _ابن اخوها هداوي هذا
زينب_فديته يخبل وابو خدود مثل علاوي ههههه
رائد _اي هم مثله وكح ماينجرع
امي_ ماينطونياه
رائد _لا هذا ولي العهد وشايل اسم ابوها الله يرحمه
امي_الله يرحمه
زينب_ابوها ميت
رائد _اي من زمان
زينب_الله يرحمه ويرحم جميع الأموات
رائد _اللهم آمين
زينب_عادي احجي وياها واتعرف عليها
رائد _اي عادي هاج التلفون احجي وياها
زينب_اخاف نايمة هسه
باوعت للساعة جانت بال ١١ ...
اي نايمة هسه خليها على
الصبح راسليها
امي_الصبح مو تروح
رائد _اخذي حسابها على الانستغرام والتيليكرام وتواصلي وياها بنفسج واني راح انطيها علم أنتِ
تردين تحجين وياها
زينب_اي كوللها
رائد _تمام يمة فدوة رحتلج لا تجيبين طاري لاحد عن
القصة ماريد احد يعرف بيها ويعرف
بمرضي شنو
امي_لايمة ماراح اكول ولا اجيب طاري هسه تأكدت ليش ماتريد تنطيها المصطفى علمود مرضك
رائد _اي تعرفينهم من يلزكون بحجاية يلزكون بعد
شوي حجيت وياهم وكمت للغرفة زينب وياي خطية ماحجت ولاجابت طاري ولا شكت خوب صارلي هواي انقل
بالقصة ويه الكاتبة ماهتمت
ولا غارت ولا زعلت نمته والصبح كعدت من وكت علمود التحق لدوام راسلت الكاتبة وكتلها زينب
راح تتواصل وياج .
ودعت اهلي وطلعت لدوام ويه مصطفى مصطفى مجاب طاري ولا حجه حجاية للعصر هو ساكت وماله طك
راسلتني زينب وكالت تواصلت وياها وكلش
حبابة وطيوبة وحبيتها
_مو كلتلج حبابة وبت ناس وعالم
_اي صدك
_هسه صرتوا أصدقاء ؟
_اي هههه
_هاهية صيروا أصدقاء وحبايب قلب
_هو صرنا مصطفى اخباره؟
_كاعد وساكت كلمة وحدة ماينطلع مبين جاي يراقب بي
_خطية هههه
_خطية عين جدي خل يولي ابو البنات يكتل روحه على البنات نهار كله يراسل بنات ومن اجي اسأله
ميلي وحدة ماعندي .
_اغلبية الشباب مثله
_للأسف اي
_جاي تسوي ؟
_والله كاعد وساكت وهسه راح اطلع اخذلي نظره وارجع
_تمام اخذ راحتك ودير بالك على نفسك
_ان شاءالله يقلبي وانتِ هم ديري بالج
على نفسج وعلاوي واهلي
_ان شاءالله عمري باي
_هلا بغاليتي الله وياج
سدبت الخط وطلعت بره أراقب بالاجواء مصطفى واكف يم فلان ضابط ويضحك طلعت لبره ساعة زمان ورجعت وثاني يوم من الصبح طلعنا واجب
ندور على عناصر داعش نزلنه بنص مقالع كلها ماي وكصب والماي بارد خليت رجليه بالماي تجمدوا والجنود والضباط كدامي تمشي بالماي كل ساع واحد واكع
بالماي والطيارات فوك روسنه تفتر "
ششششح شششح يمة البرد يممممة وج يممممة لحكيلي اشششششح مصطفى خرررر.. بيك
متتت من البرد ...
مصطفى كدامي شايل دفتر بيده صاح بي "
لعد احنا ربنا واحد مانبرد يمممة يمممة ...
هاي خليت عينك وكعت اااااخخخخ
وكع مصطفى بنص الماي خربت من الضحك جروا الجنود وشالوا سلاحه عنه متت ومجلب بالجندي لوياي
اخاف اوكع وتبدلل بالكامل
رائد_بس اوكع براسك
الجندي_ سيدي هي كلها جاي توكع بقت علينا مانوكع هههه
رائد _عزيزي احنا ضخمين وعيب نوكع
الجندي_هو مقلع وكله كصب وطحالب وباردة
والمشي صعب بي مابقى شي ونعبره
رائد _اي مابقى
عبر مصطفى والضباط والجنود وراي كومه جنود وضباط عبرنا المقلع ودخلنا بزوره ماتشوف كدامك فجأة وصار
الرمي كلها ختلت وره شجار وكصب
علمود تحمي نفسها وترمي صار رمي من الطيرات عليهم خفت لا توكع ضحايا وشهداء واحنا مانريد شهداء توكع نريد سلامتهم قبل اتمام المهمة بنجاح
كام جندي واني اعرفه عريس صارلة ١٠ ايام من معرس شايل السلاح يريد يكوم باوعت بصفي حجار شلت
حجارة بيدي وهفيتها براسه
رائد _انبطح كلللب لو تريد تموت روحك
الجندي _اااخخ سيدي روحي فداء للوطن
رائد _الوطن مايريدك تروح شهيد يريدك ترجعله سالم
ديروا بالكم تتهورن وتطلعون ترمون
عشوائي مفهوووم
الجنود_صار سيدي ... تأمر
بعد نزاع ساعة ونص تقريبآ وياهم كدرنا نلزمهم لزمنه اربعة منهم واثنين ماتوا والحمدالله ماوكع عدنا شهداء بس جرحة تلاثة ونقلوهم حالا بالطيارة للمستشفى.
ادور مصطفى وين انوب اجت بالي بس لاوكع جريح واني ماشفت الجرحة توني جاي اسأل طلع كدامي كله صخام
وسخ وجه ماينعرف من الصخام الأسود
رائد _حمدالله على سلامه ملازم اول مصطفى
مصطفى _الله يسلمك رائد رائد سلام
رائد _حلوة هاي تلفضون اسمي مرتين هههه
مصطفى _اي ادور عليك ماكو وين صرت
رائد _ويه الربع صرت انت وين
مصطفى _تيهتك بالرمي ونوب كتلني القلق عليك
رائد _لتخاف عار مايصيرلي شي .... يلا توكلوا بالله
صار يضحك رجعنا بالماي انكفر بينه كفران اليوم رجعنا للفوج مالتنه بوجهي للحمام سبحت وبدلت وكعدت كبال
الصوبة النفطية ارجف من البرد .
كضت الأيام من المداهمات وملاحقه عناصر داعش والإرهابية شغلنا جدآ متعب خاصتن بفصل الشتاء والاغلبية
تتمرض من التعب وضغوط الشغل .
بس الحمدلله والشكر مسيطرين على الأوضاع وحاصرين دواعش والارهابية حصره الچلب " المهم بشهر الثاني من
نزلت اخذت زينب وامي وديتهم
للدكتورة علمود ياخذون سونار اريد اعرف جنس
الطفل والله ساعتين رجعولي يضحكون
انقلقت وتأكدت ولد ..
رائد _محمد بدل فطومة
امي_الف مبروك يمة راح يصيرلك الولد الثاني
رائد _ هذا هم حظي
زينب_كول الحمدلله والشكر شبيك كالب خلقتك
رائد_اهم شي صحتج وتمام الخلقة
امي_الله الطفل صحته زينة وزينب هم
رائد _هو هذا الي اريده
حركت السيارة ومطنكر روحي بخشمي صاير جنت متمني بنية وجاني الولد الثاني زينب كاعدة بصفي تباوعلي
وتضحك امي كذالك فرحانة الا اني
كالب خلقتي ....شفت ام سعودي لابسة جبه سودة والشال شامرته شمر على رأسها وصابغة شعرها أشقر يلمع لمع مثل الذهب ولبي مايخليني وكفت السيارة
هي بمنطقتي وبيتها قريب لبيتنه زينب شافتها وهي هم شافتنه وكفت وتخوصرت تضحك
زينب_ليش وكفت السيارة ؟
رائد _مو اني هي وكفت ماعرف ليش ؟
امي_بس لا عطلت ؟
رائد _يمكن خل انزل اشوفها
زينب_كلشي مابيها انت وكفتها شغلها هسه
رائد _وكفت كلت
فتحت الباب ونزلت ام سعودي بقت واكفة بمكانها ضحكت من زينب نزلت وياي فتحت بنيد السيارة على أساس اشوف شبيها زينب وكفت بصفي
زينب _كلشي مابيها السيارة حديث انت وكفتها علمود
تشوف ام سعودي الشقرة امشي
رائد اصعد امشي
رائد _انعال بوجه ام سعودي جاي اكلج وكفت يمكن حمت
زينب_انت حميت موهي
رائد _ههه استغفر الله وهاي صارت
زينب _هو انت سويت وصارت
رائد _نزلتج ههههه
زينب_ليش هيج تسوي وتحرك قلبي
رائد _مثل ماحركتي قلبي وجبتيلي الثاني بدل الأولى
زينب_هو بيدي
رائد _ احبج زوبتي يلا اصعدي
زينب_اني اعلمك رائد بسيطة
زعلت ودنكت للكاع شالت حصوه بيدها عبالي
راح تضربني "جاي تسوين زينب؟
زينب_اليوم انعل ابو الخلفوها شعدها واكفة وتباوعلك
رائد _بالزوج كلشي حلال لاحرامات مو بالهدف ههههه
زينب_انتِ شكو واكفة وتباعين ماتخجلين على نفسج
نزلت امي هاي من شافت امي طفرت وراحت تمشي سريع ودخلت بفرع بعد مابينت ..
امي_هاي شكووو ؟
زينب_الحقيرة ام الزلم جانت واكفة وتباوع الرائد
امي_وانت شعندك نازل
رائد _مو السيارة وكفت يلا ختولي اصعدوا
عيب مناك العالم
امي_ هسه عرفت وكفت السيارة علمود تنزل تصخم
عيونك بهاي الساقطة ام الزلم
رائد _هو العنده غزالة ينزل يباوع لجاموسة
امي_والله انت تنزل تباوع لچلبة المجربة مو لجاموسة
رائد _صدك جذب يمة شماخذه عني نظره
امي_دمشي اصعد لو اسحلك سحل بنص الشارع امشي
طايح الحظ حن لايامك القذرة امشييي ولك
امشي لو اهفك جلاق
رائد _لا نوب صار بيها جلاليق ههههه
امي_طايح الحظ امشي يمة اصعدي
زينب_اصعدي بالصدر يمة وشبعي كفخات
امي_لعيونج
صعدت اضحك .. هو اني بالعمدة نزلت اريد اتعارك وياها وتزعل واروح أراضيها شغلت السيارة صعدوا امي نزعت العباية من راسها خلتها على كتوفها
متحلفة بي كلمة وحدة ماطلعت ... هسه تسويها وتضربني بالسيارة كدام الوادم وتطير الهيبة زينب مطنكرة تباوع لبره من الشباك وصلنا نزلت بسرعة زعلانة
امي بقت كاعدة وتباوعلي "
ارتاحيت هسه
_ واني شمسوي
_لايمة كلشي مامسوي تنزل تشوف الكحبة ام باب الابيض
وتزعل مرتك لسحلت روحك سحل علمودها وتالي وياك
رائد ماتجوز من سوالفك القذرة
_ والله ماتهمني ونزلت بالعمدة ردتها تغار وتزعل
_وليش هيج تسوي موحامل وخطية
_اريدها تزعل واروح اراضيها ههههه
_من عمت عينك
فتحت الباب ونزلت بسرعة سدت الباب قوي حسيت الباب انشلع من السيارة قلبي انقبض فتحت
الباب وصحت بيها
_يمة شلعتي قلبي من طبكتي الباب
_واكسرها الك واشلع عيونك
_لابربج
_راح انزع من رجلي وهفك
_صدك جذب رجال بطول وعرض وضابط برتبه رائد امي تهفني بالشحاطة صايرة دايرة
_ لو رئيس العراق هم اهفك بيها موضابط طايح
الحظ عدل نفسك لو اخليها هي تعدل
_عمي والله عادل وامشي مثل المسطرة
_ نحدرت اليوم ولو منطينك مجال عبرت المسطرة
ومشيت بدرب العوج
_لا ابد اني احب غاليتي
_تحبها وتحب عشرة فوكها انتو الزلم مابيكم أمان
_ لاوالله
_انجب رائد وروح راضيها لو اسود عيشتك اليوم
_كلشي ولا اعصابج سهودة هههه
_كدامي طايح الحظ
_لااليوم طيحتنه طيح ست سهودة هههههه
دخلت قبلي دخلت وراها ....فروحة وفاضل جوي باركولي بالطفل الجديد واني اضحك مابينت الهم مطنكر علاوي
جاني يركض شلته بحضني ورحت بي
للغرفة لكيت زينب مبدلة وكاعدة فوك الجرباية مطنكرة سديت الباب " شبيها غاليتي ؟
علاوي_دينب بيج ؟
زينب_واواه
علاوي_ واواه
زينب_اي رائد ضربني وسواني واواه
سديت عيني من ضربني قوي على عيني "
موحطية دينب واواه
رائد_كلب ابن الكلب شوكت مسويها واواه
علاوي_دول
زينب _بعد ماما اضربه
صار يضرب بي وجعني الكلب ابن الكلب شلته وشمرته فوك الجرباية صاحت بي " على كيفك رائد ويا طفل
رائد _هذا ابنج طلع كلب وخاين للعشرة
زينب_ابن امه مثل ما انت ابن امك
رائد _شديتي حزام ظهرج بعلاوي وبمحمد ؟
زينب_اي جان واحد صاروا اثنين تعال ماما
شالت علاوي بحضنها كعدته يباوعلي ويخزر النذل نسه كل ذاك التعب بي ويدافع لزينب اخذ ايدها يبوس بيها ويحجي وياها واواه دينب واواه بابا دبيه .
رائد _جذب مو اني هذا محمد سواها واواه
علاوي_الببو
رائد _اي بس لا تضربه خطية
علاوي_ابوسه دينب ابوسه
زينب_اي ماما بوسه يلا بوسه
صار يبوس بطن زينب ويحجي عود ويه محمد واني كعدت فوك الكرسي اباوعلهم ونار الغيرة شابه بقلبي ردت بنية تحبني وتعتني بي مثل فطيمة
اثاري راح يجيني ولد ويروح لزينب مثل علاوي حرمته من امه اشهر وبالاخر حن لها وعافني اني التعبت بي زينب تباوعلي وتضحك بانتصار
واني اعرف شلون اردها لها صرت اغني على ام سعودي "
هلا يل شكرة التلمع .... من شفتج عيني تدمع ...من شفتج عيني تدمع هلا يل شكرة التلمع ....من شفتج عيني
تدمع... من شفتج عيني تدمع ...قلبي لو شافج يفرح ...
حبج وبيج تولع ...حبج وبيج تولع
بقت تباوعلي فاتحة عيونها علاوي يصفك بدينه الاثنين فرحان ابوه جاي يغني وصوته حلو ..
زينب_حبج وبيج تولع الشكرة التلمع اليوم اسويك
شكرة تلمع من صدك رائد رديت السوالفك ؟!!!
رائد _ناوو
_ شفتها وحنيت
_ناوو
_ولك احجي إذا تريدها ونفسك بيها روحلها والله مامنعك
_وايععع
_علية وليعع اي صدك صرت ويعع وام الولد وماخلف بنات بس ولد مو صوجك صوجي اني باقية يمك
شالت علاوي ورادت تطلع وكفت كدام الباب فاتح ايديه "
ام الصخول موعليج وايعع على ام سعودي الشكرة هو اني اكدر اشوف غيرج انتِ غاليتي وام علاوي
الغالية وتاج راسي
_لاتاج راسك ولا بطيخ وخر اريد اطلع
_ماوخر
_توخر لو اضربك
_اضربي
_اذيك
_عادي ضربه بس لا تزعلين وترحين
_ زعلت وخلص مو تريدني ازعل هاي زعلت
وبعد مارضى أبد وخرر
_تفضلي روحي زعلانه بس لا تحلمين اردج
_ ياريت والله
_طلعتي أنتِ تردين تزعلين
_مليت منك وطكت روحي صدك من كالوا ابو طلع مايغير طبعه غير الجفن عاد أنت هسه وخرر
ابو غاليتي الجذب
_والله غاليتي
واخرت من الباب فتحت الباب وطلعت هي وعلاوي تباوعلي "جذاب مو غاليتك لو غاليتك
ماتسوي بي هيج ؟
صحت عليها بصوت عالي "
انتِ لاشيخة ولا دلة ولا فنجان انتِ عوبة ومامحسوبه
على النسوان ارتاحيتي هسه
_ اي شفت ام سعودي وختلفت وياي هسه صارت الشيخة والدلة والفنجان واني صرت العوبة ومامحسوبة على
النسوان اصبرلي اني اعلمك رائد
راحت يم ابوي وابوي بالغرفة ثواني وكبت العيطة طلع ابوي يغلط عليه ماخله كلمة لما نزلها
بحقي واني ساكت مارديت أبد امي ... طلعت تهرج طيحو حظي واني كلشي مامسوي بس غنيت أغنية ابتليت وياهم وزعلت ورحت بيت اخوي صدام زعلان
وره العشا واني زعلان ماروح لبيتنه بعد فرشولي فراش بالاستقبال نمت صدام واكف بصفي "
_تعاركت ؟
_ملخ
_شكو ؟
_امي وابوي مايكدون راحة مني
_شبيهم وياك ؟
_شفت ام سعودي بالشارع والسيارة وكفت ماعرف ليش نزلت نزلت وراي زينب ورمت ام سعودي بالحصو وراها امي نزلت اكلوني حاصل فاصل ويكولولي انت
شفتها وحنيت لايام زمانك بشرفك هذولة شتحجي وياهم
_والسيارة ماتوكف الا كدام ام نعال ؟
_اي شسويلها وكفت
_اممم خير ان شاءالله نام لما اروح اشوف شنو علتكم
مارديت لفيت رأسي ونمت اخذت دور ....الزعلانة تذكرت الكاتبة رواء كلت خل اراسلها خل تراسل زينب وتفهم
السالفة عاد راسلتها على التيليكرام
وره عشر دقائق يلا ردت .... حجيت وياها وكتلها بالسالفة ترزلت منها ماشاءالله عليها انكس من امي طلعت عاد قنعت وراحت الزينب رجعت كالت ماترد
_شلون هسه
_مو انت ردتها تزعل ؟
_اي
_اي روح راضيها وإذا عاندوا اهلك دخلهم إنذار
_الله عليج رنوشة هههه
_يلا روح
_رايح واسمعي اخر الأخبار شراح اسوي بيهم
_دير بالك تتهور ترى اهلك ذولة
_اي وإذا
_شنو وإذا رائد مايصير تجاوز عليهم وانت الغلطان
_عمي ماغلطان والله بس ردتها تغار شوي
شمدريني راح اصخمها
_ارجع امسح الصخام وارجع كحلها عدل
_ماشي
_الله وياك وان شاءالله تقنع زوبة
_اغشمرها
_استغفرالله شنو تغشمرها كول أقنعها عيب هيج تكول
_دروحي صارت امي الثانية
انطت لايك بعد ماردت كمت من افراشي رحت لاهلي عدل حتى مالبست شي بطرك تيشرت نصردان والبجامة
والشحاطة فاضل لبستها رجلي
طالعة متره منها
وكفت كدام باب البيت فتحته ودخلت اسمع ابوي يكول..
هو ناقص ومايبطل سوالفه مرته عاقله بس هو مو عاقل ابد وبس مايجر عدل اهججه من البيت
صدام _يابة والله مو قصده والسيارة هي واكفة هو قبل كم يوم كالي السيارة توكف ماعرف شبيها كلتله وديها للمصلح خل يشوفها الك لا تذبون لصوج بي
رائد تاب وصار صايم ومصلي وعيب عليكم تتعاركون ويا صار رجال مزوج وعنده طفل وهسه مرته حامل وفوك كلشي ضابط وبرتبه رائد مو شلون مجان
رتبته على اقل حترموا لشغله حاميكم وحامي
عرضكم وعرض الناس
ابوي_هو كاتلني القهر شلون انطوه رتبه رائد
رائد صحت عليه من الصاله "
مو بزود احد جبت هالرتبه جبتها بزودي
وبتعبي وبسهر ليالي
ابوي_تعال خل اشوف طولك
رائد _ماجي تحسدني
ابوي_تفضل صدام اسمع راح يخبلني هالرجال
رائد _هو اني راح اتخبل منكم مو انتو تتخبلون وين مرتي
ابوي_مالك مره
رائد _مالي مره خوش لعد انت هم مالك مره
عندي يمممة تعال يمي بالغرفة
ابوي_تاكل خر...رائد
رائد _لاوالله مو حلال عليك تلف مرتك بحضنك
بهل برد واني كاتلني الضيم والبرد
صدام _رائد عيب
رائد _انعل ابو العيب وصلت حدها وياهم انطوني مريتي
ابوي_مانطيها
امي_ سالمين حظره الرائد رائد سلام شعندك جاي
رائد _اجيت اخذ مريتي الغرفتي عندج مانع ام صدام
امي_هسه صارت مريتك
رائد _هي مرتي وام جهالي انطونياها
ابوي_لا تنطينها له خل يولي
رائد _والله احرمك من امي
ابوي_اشو انت مجلوب ومحد براسك
قبل لا يطلع رحت لامي شلتها بحضني وطلعت بيها لغرفتي امي تصيح وتضرب بي شمرتها فوك الجرباية وطبكت الباب بوجه ابوي وقفلته وكلتله "
رائد _انحرم من غاليتي احرمك من غاليتك
ابوي_افتح الباب وطلع امك لو اكسره فوك راسك
امي_طاح حظك شنو هاي رائد
رائد _انتقام
امي_انتقاميش ولك تخبلت شلون هيج تسوي بي
رائد _العين بالعين والسن بالسن والبادي اظلم
صدام _رائد بله خبال زايد طلع امي وخل نتفلهم
رائد _ماكو تفاهم جيبولي مرتي وابني اتفاهم وياكم واطلع امي يابة موت من البرد اليوم ههههههه
ايوي_انعل ابوك يابة الخلفوك افتح البااااب
امي_صخام براسك ولك ماعندك خجل من اهلك
رائد _انعل ابو الخجل يابة اسمع هاي الك ...
ابوي_تفتح لو اجيبهم يكسرون الباب
صدام _رائد افتح لا تصخمها
امي_افتح الباب رائد
رائد _يمة اكعدي راحة وخليني اتفاهم ويه ابوي
امي_شتتفاهم ولك انت الغلطان
رائد _مغلطان انتو كبرتوا الموضوع
امي_ماشي افتح الباب
رائد _مافتح الا احرك قلب ابوي شوي وخري خل اغنيله
امي_ولك شتغني ؟
رائد _اغنية من زمان بالي اغنيها له
امي_تخبلت
رائد _لعد اني عاقل مو بي مرض نفسي وخري سهودة
ابوي_هسه تفتح لو لا
رائد _اسمع وراها فكر ترد مريتي لو لا
ابوي_شسمع شيب الخلفوك ؟
صدام_ربي شكد عناد انت المطاية ماشايله عنادك
رائد _يابة هاي مخصوصي الك اسمع سلام ... غاب الكمر وثريته كلمن نام ومريته كلمن نام ومريته ...
ابوي_كام يأكل نعل افتح الباااب
امي_ولك اسكت راح يكسر الباب فوك راسك
رائد _خل اكملها له واشوف رد الفعل .. واني لمتاني رائد بلكن ينطيني مريتي بلكن ينطيتي مريتي ههههه
ابوي_ هاااي عليمن تغني وتضرب مسامير رائد
رائد _والله لكسر سجنها باثنين ايديه احضنها ...
باثنين ايديه احضنها ....
امي_الله صوتك يخبل رائد
رائد _عجبج يمة
امي_تمثل حال ابوك وكف كدام الباب
ينتظرك تنطي مريته هههههههه
رائد _اروحلج فدوة هههههه
ابوي_اكسر الباب صدام خل اكسر راسه هذا انچلب
رائد _يلا تعال خل نبدل تنطيني مريتي انطيك مريتك
ابوي_لا تحلم انطيكياها وطلع امك
سمعت صوت زينب "
عمي ابوس ايدك عوفه قابله ارجع
بس لا تتعاركون
ابوي_خل يولي خليني اسويله جر اذان
رائد _مو مطي وتجر أذاني
ابوي_المطي احسن منك عنده احساس مو مثلك
رائد _اني جبل والجبال ماعدها احساس يلا غاليتي تعاي
ابوي_غاليتك ام سعودي الشكرة التلمع
رائد _تذكر من ردت تزوج الشكرة التلمع يمة تذكرين لو لا
ابوي_من صخام براسك تريد تهجم بيت امك وابوك
رائد _تهجم بيتي واعوف بيتك عامر لاوالله يمة تعاي خل اكلج على سوالف ابوي من يطلع بالفصول
شيسوي ومايسوي
امي_ليش شيسوي ؟
ابوي_جذاب لا تصدكين بي ولك افتح الباب
انفتح الباب وتفاجات بدخول ابوي وصدام وفاضل ابتسمت بوجه أبوي متعصب عيونه بكصته صايرين طفرت
وره امي امي ضاجت منه
ابوي _اريد انچلبت انهمشت رائد افندي
امي_دير بالك تقترب صوبه وتعال كلي شسوي يومه طالع ويه ابو نزار للفصول وماتجي تالي الليل شنو هاديلك وحدة ومتزوجها بالسر ومادري
رائد _اشك بالموضوع
ابوي_انهجم بيتك رائد على هذا الجذب
صدام _يمة اروحلج فدوة لا تصدكين بي والله كلشي ماكو
رائد _يمة حققي ويا يجوز يطلع اكو
امي_شاكة بطباته وطلعاته كثرانه هالايام
زينب_يمة شبيج صدكتي بكلام رائد شنو ابوي
صغير يدور نسوان تالي عمره
رائد _اي بعده بحيله ومن يطلع كشخة وصاعد سيارة آخر موديل وعنده راتب بت ١٤ تركض وراه مو على
نفسه لا على افلوسه
امي_تعال احجيلي شسوي يوماطلع هسه اروح
لبيت ابو نزار وافتهم السالفة اريد
ابوي_ لا اله إلا الله
امي_تحجي لو اروح
ابوي_وغلات علاوي كلشي ماعندي هو يطلب مني اجي ويا وإذا ماتصدكين روحي لو اتصلي بي
امي_اروح باجر وافتهم السالفة زينب تعاي يم رجلج صدام روح لبيتك ولا تجيب طاري متعاركين
صدام _شكول اصلا عركة تافهة وماتسوى وهاي انتو تتعاركون على أشياء تافهة
امي_ماتجين
زينب_اجيب علاوي واجي
امي_بسرعة يلا اطلع سلام وتعال خل نتفاهم بالغرفة
ابوي_الله لاينطيك رائد خبلتها تالي الليل علية
رائد _اني شعلي تذب الصوج بي
ابوي_تشعل النار وتكول ماعلية
رائد _الك الله يل فقير شيصير يذبوه براس الفقيرون رائد
ابوي_ولك انت عربيد أسود
رائد _ناووو حية بيضة كيوت مثل عماتي
ابوي_بسيطة اني اعلمك الصبح
رائد _هاي اذا بقيت عايش لصبح
ابوي_تريد ابوك يموووت انطينياه ام صدام
طفرت وره امي تعاركوا من وراي واني بس اضحك طلعوا ابوي ودخلت زينب وسدت الباب مطنكرة ابوي يغلط ويفشر عليه من الصالة امي تعاركت علمودي .
اعرف شلون اكسب الأمور الصالحي رحت قفلت الباب "
ارتاحيتي هسه
_والله انت ارتاحيت هسه اهلك تعاركوا من وراك
_لاوالله من وراج أنتِ
_اني شكو من وراك انت ام انعال الشكرة لتلمع .
_هي اغنية غنيتها شوكت جايب طاري ام سعودي
_هي ماكو غيرها شكرة وتلمع
جريت علاوي من ايدها ورحت ...كعدت فوك الكرويتة هي راحت طلعت ملابس ودخلت للحمام طلعت كعدت
فوك الجرباية تفتح بشعرها .
علاوي كاعد بحضني "
بابا
_عيون بابا
_دني
_اغني
_اي ماما جابت ببو هههه
_لاموحلوة هاي اسمع هاي من بابا ...
زينب_راح يغنيلك الشكرة التلمع هههههه
_انجبي أنتِ
_هه
تمددت فوك الجرباية وتباوعلي اني وعلاوي حزام ظهرها قوي وابوي وامي وبالاكثر ابوي يلكاها ويلا من
اتعارك وياها يجيني بالتفك
_دورتج وماجيتي ... ولا مرة حنيتي ...دورتج وماجيتي...ولا مرة حنيتي ...عفتيني وبقلبي النار ...والشوك هايم بية ..عفتيني وبقلبي النار...
والشوك هايم بية ...
_ولا اجيك ولا حنلك
_ام الصخول من اكوم اسويج صخله ام عداي من صدك
_رجال ليوصل حدري
_اوصل حدرج واخليج جواي سد لعيونك بابا
راح اجرم بماما
_رائد لا عليك الله والله اشاقه وياك اني احبك واموت عليك وافرح من اشوفك تغنيلي اغاني حلوة بس ضجت من غنيتلي انتِ العوبة ومامحسوبة على النسوان
_بعد تحلمين اغنيلج
_لاعليك الله
_روحي اسمعي اغاني الصخول وصخله ام عداي بعد ماكو اغاني حلوة ونبارية جنبتي على روحج
_رائد لاا
_وجعااا نعست بابا
_اممم
نام علاوي بحضني كمت خليته بنصنه وطفيت الضوه وجريته لحضني " رائد حبيبي قلبي ابو علاوي
الهيبة مو احجي وياك
_انبجي روحي يم اهلي
_هو اني شسوى بدونك
_تسوين والله
_لاوالله ماسوى شي بدونك انت الغالي مالتي والهيبة
_باع جذب النسوان
_لاوالله ماجذب احبك كومات بس انت بسلامتك ماتكعد راحة مني ودومك تذكر ام سعودي واني ماحبها لان من وراها نحرمت منك ومن علاوي
_من غبائج نحرمتي
_مو انت جنت وياها
_وإذا
_فوكها تكول وإذا
_اي خطأ جانت وهسه عرفت أخطائي وصلحتها بس انتِ انتِ بس اتعارك وياج تطلعين عدل لابوي وتعرفين
ابوي يلكاها وليه علية
_ اي احسن ماروح اكول لاهلي اكول لاهلك ههههه
_اني اعلمج بس تجيبين محمد شوفي شسوي بيج
_وبابا سلام وين رايح
_هو احنا شطيح حظنه غير بابا سلام
مدت ايدها وحضنتني اني وعلاوي "
حبيباتي انتو كليباتي انتو هو اني
شسوى شي بدونكم
_تسوين راس بصل
_رائد قلبي عافيتي كلها كافي زعل ماتحمل اشوفك زعلان
_يصير ادمية لعد
_ليش اني مو ادمية
_اليوم لا
_مو انت ردت ازعل وهاي زعلت اشو من صارت
صدك الزعلة طفرت لبيت اخوك واخذت
دور الزعلانة هههههه
_تضحكين ام الصخول
_اي هههههه
ردت ادفرها برجلي بطلت ...اخاف عليها حامل هو لازم ايدي حامل وماكدر اسويلها شي عاد راضيتها ونومتها بحضني هي من جهة وعلاوي من جهة ...
جنت جاي ارسل الأحداث للكاتبة وامي كالت لا تذكر اي شخص بعد لا مصطفى لا اركان لاعمتك لا اي واحد
منهم تريد تنقل أحداث جديدة بس احداثك
انت ومرتك واهلك غير ناس لاتذكر اروحلك فدوة وهذا آخر شي تدزه للكاتبة ماريد مشاكل وفضايح وماريد احد يعرفك هذا انت من قصتك ويعرف شبيك مابيك
_ان شاءالله يمة
_صدك يمة شصار ويه هذا الضابط فرقد ماتزوج سلسبيل
_هههه لا بعده
_اشو تضحك
_شنو متابعة القصة ؟
_اي زينب تقراها ومن تقراها تكعد تسولفلي
_ والله مادري بعد يزوج سلي لو غير وحدة هو الولد متأثر بمرته الأولى واحس وراه أسرار منورة تصرفاته
الغريبة والغامضة
_واني هم شكيت بالموضوع
_نتابع القصة ويه رنوشة والله كريم
_ زينب كالت توقفت الكتابة هسه
_اي فرقد عنده شغل بس يكمل شغله يرجع يكمل نقل القصة
_ان شاءالله مايتاخر خطية المتابعين ينتظرون
_أولهم انتٓ وزينب ههههه
_اي والله ومن وراك صرنا نتابع قصص
_واني شعلي
_مو علمتنا على القصص احنا وين نعرف قصص
_اي موزين تلهون نفسكم بيهن
_اي بس نبقى بقلق نفسي هاا صار هاا شراح يصير
_اي وشنو توقعاتج للقصة
_يتزوج سلي على عناد مرته الأولى
_مو توقعات نار يمة هههه
_احساسي يكول وان شاء الله يزوجها خطية خوش بنية وحبابة وعلى نياتها مثل مرتك زينب بس هو مخبل مثلك سبحان الله هاي انتو الضباط نفس
الشي كلكم اطباع وحدة
_يمة يختلف عني هو خبيث اني فقيرون
_اووي خطية وين اكو افقر منك انت من قريت قصتك انصدمت بافعالك ويه زينب وعفارم عليها شلون قبلت
بيك مادري صدك لو كالوا الحب اعمى
_اعمى مايشوف والدليل فرقد عاف سلي الحلوة
وحب الزركة حنونه وبالاخر ضربته بوري
وخانته ههههههه
_ههههه مثلك من ركعتك بوري حبيبتك وتزوجت ههههه
_الله طلع حوبتي بيها وماتت هههه
_الله يرحمها اسأل الكاتبة شوكت تنزل البارت ٢٢
_وحافظة يابارت والله وصرتي اوتبادية للنخاع هههه
_شعبالك لعد بس انت ههههه
راسلت الكاتبة وكالت بعدها مامكمله نقل الأحداث كلت لامي ضاجت تريد تعرف شنو تاليتها ويه فرقد وسلي ابطال رواية الهجرس ادور غش من رنوشة تكول ماعرف
هو مامكملي الأحداث .
وبس يكملون الأحداث أنزل بسرعة .
المهم مرت الأيام والشهر وزينب جابت ولد سميناه محمد صاروا عندي اثنين ولد واتمنى تجيني بنية وان شاء الله الله يحققلي هاالامنية وتجيني بنوتة حلوة مثل فطومة
وحياتي كلش حلوة ويه عائلتي واهلي وخالية من المشاكل صح تصير مشاكل بيني وبين زينب وره ساعة زمان نصالح
علاوي يغار من محمد يريد امي سهاد بس اله
مايريد احد يشاركها بي عاد امي تراعي مشاعره مو مثلي احب اقهر بي واخلي يغار ويزعل .
وهاي آخر أحداث بقصتي شاركتها وياكم وأتمنى عجبتكم وأتمنى من كل قلبي محد يسأل عني وعن مكان شغلي وعن مكاني وين صاير بالضبط يم الكاتبة ويحرجها .
#النهاية .
#مع تحياتي لكم الكاتبة رواء هادي '
حسابي على انستغرام معرف الحساب royan4h@
قناتي على التيليكرام معرف القناة royan74h@