الجزء الثاني # عشق أهل الأنبار
#للكاتبة رواء هادي #قراءة ممتعة لجميع
وقبل كلشي خلوا لايك وعلقوا
بين الفقرات .
قاسم جان عندي التحاق رحت لبيت عمي باردة كلش جانت الدنيا ومغيمة هو بارد يضرب بالعظام المهم طلع عمي سلمت وكعدنا جاب فاضل الضيافة سألت على رائد كال عمي
عمي_والله طالع ؟
قاسم_وين طالع بهاي الحالة ؟
عمي_لدكتور يكول صدري يأذيني حيل ماكدر أنام
الليل من الوجع بلكت الله يكتبلي شي
شياتين يهدأ الوجع
قاسم_اففف خطية هواي متأذي مابي غير
العافية أني اترخص عمي
عمي_وين كايم توك اجيت
قاسم _ والله عمي عندي التحاق
عمي_مادام هيج الله وياك ديروا بالكم من الطريق
لا تسوق سريع ماوصيك بعد
قاسم _ سلملي على رائد وخاله سهاد
عمي_الله يسلمك وليدي
طلعت راد يطلع ويانه ماقبلت خطية يطلع باردة وي طلعتي اجه رائد مخلي قمصلة جلد سودة على كتوفه ومعلك
ايده بركبته يطكطك من البرد
بصفه خاله سهاد محمله بالعلاليك هي ومرتضى ...
هااا رائدنا شلون صرت
رائد _راح يموت رائدكم
قاسم_ليش شبيك ؟
رائد _وجع وجع موطبيعي بصدري قاسم ماكدر اجر النفس
قاسم_مابيك غير العافية حبيبي
رائد _الله يعافيك شلونك
قاسم_على الله
سلمنا عليهم راد منه ندخل جوه ماقبلت كلتله
مستعجل وكف بصفي وهمس ...
رائد _مراسلتني
قاسم_زينب ؟
رائد _تعثرت قاسم بالقرأن وكعت من شفت رسالتها
قاسم _ اويلي على القلب اويلي
رائد _اي والله انثولت وكعت وكعة مال موت
قاسم _تحجي الصدك ؟
رائد _اي والله من الفرحة نثولت وكعت على
صدري وشاطت روحي للستار
قاسم_يابة الحب سطرك سطرة العباس هههههه
رائد _هي ساطرتني من زمان
قاسم_ اي وشسويت ؟
رائد _مو انثولت وعدل للدكتور وبعد مارد شتكول احظرها
قاسم_دنجب شتحظر استغل الفرصة واحجي وياها
وإذا رادت تشوف علاوي شوفها علاوي
وانتهك الفرصة
رائد _احظرها احسن
قاسم_دولي شنو تحظرها استغل الفرصة وبحجه تشوفها علاوي اكعد احجي وياها بلكت الله قلبها يحن
عليكم وترجع لكم
أنت تقرأ
عشق أهل الأنبار {مكتملة }
Romanceقصة حقيقية ٫ تدور أحداث القصة حول ضابطين في الجيش العراقي يواجهان عدة مشاكل وعقبات في الحياة، أولها مشاكل الحب من طرف واحد، #للكاتبة رواء هادي
