#ازقة_الموت
زينب العبودي
#البارت 38
السلام عليكم انتِ زهراء مو
باوعت عليه وصفنت بوجهه منين يعرفني هذا
اول مره اشوفه كتله بحديه
منوووو انتَ ومنين تعرفني
اني خزعل
ومنو خزعل منين تعرفني انتَ
انتِ زهراء لو مو زهراء
اااااي منو انتَ و منين تعرف اسمي
من ميسم
ميسم اختي كبل ابتسمت ميسم
ووووين هيه هسه
باوعلي بأستغراب
شنو ال وين غير جوه بالبيت
لا ماكو
شنو الماكو اني بيدي وصلتهه لهنا ومرحت اله من دخلت انتِ شنو تضحكين عليه مكدرت ادك الباب خاف تصير مشكله ال ميسم روحي گليلهه خزعل لازم يحجي وياج هسه
بابا افهم كاعد اكلك ميسم ماكووو
بابا شنووووووو احجي عدل
من تحجي عدل انتَ بذاك الوكت اجاوبك عدل شنو اضحك عليك كاعد اكلك اختي راحت ومااعرف وين
ليش راحت مو هي گالتلي هنا اهلي
راحت لان خالي طردهه لحظه لحظه انتَ من جماعة البتاوين صح
زين ليش يطردهه خالج
اذا انتَ من اخل البتاوين فروح اسأل هذا النذل الدازك ليش طردهه خالي
انتِ على منو تقصدين نذل
شداد مو انتَ من جماعته مبين من شكولاتكم
شايفه اذا غلطتي بعد وملزمتي اللسانج شسوي بيج والله اهفج براسدي والزمج امرمط بيج الشارع ومااگول مره
دمد ايدك اذا انتَ رجال وشوف شراح يصير بيك
الم عليك الشارع گله واكول يريد يخطفني
اللهم طولج ياررررروح اللهم طولهه الروحي ميسم شوكت طردهه خالج
من ااول مأجتي
انتِ تحجين صدك لو شنو الفلم اذا عبالج اريد اسويلهه شي لا بس اريد احجي وياهه
بابا كتلك ماكو ميسم افتهم عاد وياريت اذا تلكاهه تطمني عليهه واني احجي ويا دك موبايلي عفته وطلعت الجهاز من الجنطه باوعت علاء داخل بالفرع ويباوع عليه ومتوجه باتجاهي جاوبته واني امشي باتجاه سيارته
علاء-منو هذا الواكف يمج تعرفي
زهراء-مااعرفه سألني على ميسم يمكن من كرايب رجلهه
طبك السياره بصفي سديت الخط وصعدت
اني مو كتلج دخلي جوه بين مااوصل
وعليكم السلام حبيبي
لتستفزيني زهراء لتستفزززيني دير بالج
حبيبي ردت ادخل وكفني وسألني على ميسم
وشنو يسألج على اي أساس وشمدري انتِ اختهه
ميعرف بس لان شافني طلعت من الباب
علاء تره ماكو شي
لا اكو مااقبل بعد تسوين هيج
شمسويه اااني انتَ جاي تطلعني من الي اني بي لو تزودهه عليه اذا تزودهه خليني انزل احسن الي
واكفه ويه واحد غريب وتگولين شمسوويه
هووووووو بابنه اجه سألني جاوبته على كد سؤاله وخلصت السالفه
حرك السياره وهو يحجي
خلصت السالفه تگلي خلصت السالفه كتلهه دخلي جوه ادخل للفرع الكاهه كاعده تدك فج ويه ولد وتگلي خلصت السالفه
نزلني علاء نزززلني هم هيج طلعه متراد
سكتي سكككككككتي ماريد اسمع حسج لتلغين لغوه زايده فوكاهه انتِ تحجين وتمدين اللسانج شتريدين يعني اتقبل وكفتج بالشارع ويه واحد غريب
كتلك هو سألني
متجاوبي وتدورين وجهج وتدخلين ويريد يدك باب بيت اهلج خالج**يطلعله
انتِ نسيتي اختج بيا مصيبه مدخلتكم
ووين هيه بالبتاوووين يعني الي وراهه ناس متخاف الله وعصابات
بس تصحيح علاء اني الي دخلت اختي هناك ودخلتهه بسببك
هم رجعت هممممم رجعت الهذا الموضوع مو بسببي انتِ ماعندج عقل وتقشمرتي لو انتِ انسانه عاقله ومتربايه مجان تقشمرتي
هاي كاعد تحجي وياي هيج
ايييي هاي الحقيقه
وكف السياره علاء وكفهه بسرعه وبعد ماريد اشوف وجهك والخطوبه اعتبرهه مصايره ابد
نزعت الحلقه وشمرتهه عليه وعطت ااافتح البااااب ووكف السياره
ولا يمه بلعكس زود السرعه فتحت الباب ردت اشمر روحي وهو يعرف اني اسويهه لان من تطبك خبالاتي مااكدر الزم نفسي
وكف السياره وجرني من ايدي
بابا شبيج تخبلتي
دروووح جريت ايدي منه ونزلت من السياره
........................
خزعل- بعد ما مشت وعافتني ردت امشي وراهه لان نرفزتني ماعدهه اسلوب لمحت سياره
بقيت اباوع عليهه هي رايحه باتجاه السياره
وهي تحجي بالتلفون والي بالسياره يحجي ويباوع عليهه
بقيت مركز وياهه تنطي شبه الهاي الدخلت گلبي مدري صدك مدري اني من كد ماافكر بيهه كمت اشوف كل البنات يشبهوهه
هيج والصدفه تطلع ميسم عدهه اخت ثالثه
بس هاي شنو فلمهه اخت ميسم هاي وحده دايحه لو هذا يقربلهه الصعدت ويا منتبهت الايدهه
دگلي هورن وطبان درت وجهي عليه
أشرلي بيده وهو يخزر بيه شنو الوضع ويأشرلي ارجع
رحت باتجاه السياره وفتحت الباب وصعدت
شنوووو سالفتك صفنت خوما صفنت
اكلك ميسم عدهه كم اخت
خزززعل وصيتهه شتوصل الهه
-لا
صدك تحجي صارلك ساعه نازل من السياره وتدك فج وياهه وتكول لا
قاطعته وكتله لاااااان ماكو ميسم خالهه طاردهه
كبل توقف عن الكلام وباوعلي شنووووو ماكو انتَ مو كلت جبتهه هناااا
اكلك خالهه طاردهه تگلي مو جبتهه هنا هو جبتهه ومن جبتهه افتهمت غبي افتهمت بس اقصد
انتَ شلون تعوفهه بدون متتأكد من وضعهه
شمدريني قابل راح يطردهه
شنوووو شمدريك مفروض من تطلعهه مناك يالفهيم تحسب كل الحسابات
ووين هسه هي
واني شمدريني
ااااا اختهه شگالت متعرف وين راحت
سألتهه وكالت ماادري وهاي اختهه كوه لزمت روحي ومهفيتهه متعرف تحجي وماعدهه اخلاق وكلش صلفه تحجي بنتره وتگلي عود اذا تندلهه دليني بت ال استغفر الله
وطبان-بس ااااريد افتهم على اي اساس تقرر وحدك وتطلعهه مناك وبدون متگلي
وطبان شداد زوجهه وهو الجان مسؤل عليهه ومات الله يرحمه
والبنيه جانت تريد تطلع وتعبانه ومن زمان كايلتلي اساعدهه بس قبل جان واكف بعيني شداد هسه ماكو سبب ميخليني اساعدهه واخليهه تبقه هناك
البنيه هاي مو مناك ومتتأقلم بالبتاوين
وصراحه قنعتني شرشوبه گالت فاهم اخو شداد حقير واذا اخذهه وكال مرت اخويه بعد نقره السلام على ميسم
-وانتَ هسه حاسب روحك ساعدتهه
-اكيد جانت امنيتهه تاخذ اخوهه وتطلع مناك واني حققتهه الهه
-اااااي عفيه عليك والله حققت امنيتهه وساعدتهه عفيه
انت بس احسبهه حساب عرب
تخيل ياخذوهه اهل شداد الي همه شداد ألي من دمهم ولحمهم لعبوا بي لعب وركصوا مصلخ نسيت وطبان شنو سالفتك
وبعدين يااخي انتَ شبيك شدعوه هالكد محروك مو ساجت وابو ماشه دره كال رجع البنيه خزعل لان امانة شداد هاي كتله ماارجعهه لان احسن شي الهه تبعد كال لعد أمنهه وكعدهه بمكان امين وخبصت السالفه انتَ ليش هيج گلبت الدنيا
وطبان لتسنه شداد جان يحبهه وطبان لتنسااااا شداد الي هو اخونه
باباااا انتَ مطي تدور وتدور وترجع الهاي السالفه دير بالك تلمح بعد بهذاااا الموضوع لك اني وين وانتم وين اني الحد الان گلبي ملجوم وباوع انتَ شتسولف
وبعدين الي يسمعك اني اريدهه تبقه هناك متهمني هي بقت لو راحت بس لان امانة شداد مثل متفضلت
خايف عليهه من اخو شداد وصلني يتسأل عليهه وبايام الفاتحه الف وحده دخلت بيت شداد شمدرينه ويانه علينه وبعدين ردت تطلعهه وتحميهه وينهه هاااا وينهه هسه ماكوووو ومالهه اثر مو هيج موووهيج تحميهه
شمدريني اني خالهه نگس ويطردهه
خليت جف ايدي قريب خشمي وكتله
اشم گفه ايدي خالهه طايح حظه
جان مفروض تحسب حسااااب مو كل الناس مثل الي كاعدين بالبتاوين ولك هو احنه بمنطقتنا وبيهم هم يغسلون عار شتتوقع من الي كاعدين خارج هاي المنطقه
كلهم عشاااير ويغسلون عاااار يا عاااار هيج اريد اكول
هسه عود شنو هاي شكو تغلط
اسكت خزعل اسكت برودك كاعد يستفزني هووواي
اذا فاهم ماخذهه شيطلعهه مناك بعد مرت اخووويه يگول وظهره وتعرف ظهر فاهم شنو
لا يابه فاهم وين يندلهه شنو سالفتك وطبان
زين هسه انتَ شكو واكف خل نشوفهه ببيتهم القديم الي جانوا مأجري اكيد راح تروحله بعد ماطردهه خالهه اندله اني
هذا خالهه
قاطعته
اني هم اكول خل ننزل نرميه على هالطلعه الخايسه الطلعهه ويه بت اخته
خززززعل اسكت خزعل
دمشي شبيك والله هسه نلگاهه هناك وكول خزعل گال
وطبان-اااني بيا حال وشوفو انتووو شتسووون شحجي عليك انتَ وشرشوبه شلون يعني شلون من شوكت صايرين انتم تقررون وتنفذون وحدكم واني شنووووو كاعد طرررن
خزعل-هسه عليمن هالحجي خل نروح نشوف اني متأكد راح تروح البيتهم القديم والله طولتهه للسالفه
وبعدين تره كلنه تعبانين لا عبالك مرتاحين وشداد جوه التراب وهذا فاضل يشم الهوى وطبان لازم نكعد ونتفق شنسوي وشلون نهجم على فاضل واذا متسوون هاي الكعده اتصرف من كيفي خاف تكول مكتلي
خززززعل اسكت لا هسه اطلع حرگة الكاعد يصير بيك
خل نلكاهه الاول وبذاك الوكت نكعد
اذا ملكيتهه يا خزعل انت وشرشوبه ماارحمكم
-يابه شبيك كبرتهه اني متأكد هسه ميه بالميه راحت البيتهم القديم دطلع خل نروح نشوف البنيه
شخط السياره وساق بسرعه وهو يدخن وكل شويه يريد يسويلنه حادث
الحد ما وصلنه المنطقتهه القديمه طبك السياره گبال عماره
خزعل-يمكن مو هاي العماره الجانوا كاعدين بيهه
نزل بدون ميحجي وطبك الباب حيل نزلت وراه
وطبان-ابقه بالسياررررره هسه اجي
رحت وراه گبل وكف ودار عليه
ارجع بالسياره خزعل مكاعد اطيق اشوف خلقتك
استغفر الله
بابا ارجع راقبلي شوف يجوز احد ورانه احد ديراقب المكان
اي كول هيج من البدايه
لازم بدون ما أكول تفتهمهه انتَ شبيك شو صاير اثول
هواي
استغفر الله هم غلط شنو سالفتك وطبان اليوم
عافني وراح بقيت اباوع منا ومنا ماكو احد
رجعت كعدت بالسياره انتظره جنت تعبان وحسيت بتأنيب الضمير احاول ابين الموضوع طبيعي بس بداخلي ميت بلله صار على البنيه شي شگول النفسي
تندمت لان سمعت كلام شرشوبه شلون اني هيج سويت انوب من عرفت طارديهه حسيت بتأنيب الضمير اكثر البنيه جانت كاعده ببيت رجلهه واني شفتهه جانت متأثره عليه هواي ومكالتلي هي وديني شلون سمعت كلام شرشوبه ماادري
باوعت وطبان دخل للعماره وشويه وطلع تمشى الذاك الصوب دخل المحل
شويه وطلع منه رجع صعد بالسياره واخذ نفس
ها
شحجي عليك يا خزعل اني وين هسه وانتَ وين دخلتني
اني محتار شلون اوكع فاضل واخذ ثار شداد وانتَ رحت ضيعتبي مرت شداد
مجايه هنا يعني
محد شايفهه مالهه اثر وين ادورهه هسه
البنيه راحت هجت عوفهه طلعت من البتاوين ليش مكبر الموضوع هي جبيره وتعرف تتصرف مو كالت قبل هي مسؤله على اخوانهه وبعدين جانت وحدهه باربيل وتشتغل اكلك يجوز راح تروح الاربيل صدك
شفايتلي اذا صارت ذكيه وراحت الاربيل
اكلك ليش انتَ هيج متوتر هي السالفه بعد متخوف هو شداد الي جان لاحكهه ويرجعهه الهاي النگره والله يرحمه ميت هسه شنو فلمك وطبان
انتَ مقتنع احجي حظ وبخت انتَ هسه بداخلك مقتنع
الصراحه لا بس ماريد افاول لهاي السوالف خليك ايجابي شبيك
اللصم لا اهفك بايجابيتك هسه
يابه والله ماكو شي البنيه عدهه صديقات وعدهه هناك باربيل
كلشي ماعدهه باربيل بيت وخلص ايجاره
صديقات اكيد عدهه مو بقت فتره طويله وبعدين تره مزودهه انتَ بهذا التوتر
بابا اني ممتوتر بس واحد ميعرف شصار وياهه غير
غير شنو وطبان غير شنو البنيه بعد صارت حره عوفهه جنت تگول البنيه وعدتهه اطلعهه وخطيه ومن هذا الحجي وشداد يأذيهه شداد طلع يحبهه ويخاف عليهه
وهسه شنو حجتك بعد راح تكول مرت شداد اخويه
ارتاح شداد ميرتاح اذا جنت انتَ التحميهه
وهي مااتوقع تحتاج احد يحميهه الي كدرت تسلك وتتحمل كل الي خسرته مينخاف عليهه وفاضل اخذ ثاره من شداد موت شداد. لو جان مفكر بيهه جان كتلهه قبل شداد وحرك گلبه عليهه
مراح تفهم لو شكددددد مااشرح كلشي احجي تخلون بي انه ومتفهموني لوًشيصيرررررررر وتلمحون الشغلات مالهه اي اصل
احنه
قاطعني وطبان وكال سدددد الموضوع سده كااافي
حرك السياره قبل لندخل للبتاوين وكف فجأه وحتى وكفته مو قانونيه جانت بالعرض السياره صارت عثره للسيارات وگال
كمل انتَ رجعهه للكراج
وين رايح
طبك الباب حيل ونزل بدون ميحجي نزلت من السياره
وووين رايح مجاوب كمت اباوع عليه توجهه لاتجاه نفق الطيران
دخل جوه بالنفق وين رايح هذا صعدت بالسياره واني جاي اصعد لمحت وحده واكفه على الشارع لابسه اسود
جنت توني مدخل رجل وحده واريد اكعد رأساً طلعتهه ووكفت عدل وكلهه كامت تدك هورنات
أشرتلهم بيدي لحظه طلع راسه واحد من الجامه
ياااااخي فضهه شو سالفتك
جايك جاي هسه
عفته وركضت هي هي والله السياره مشتغله والسويج بيهه
عبرت الشارع وكلهه كامت تدك هورن لان السياره واكفه وكفه مو قانونيه
شفتهه تأشرر تريد تصعد تكسي اريد اصيحلهه اني اوصلج بس مااتجرأ عيني عليهه
الحد ما ردت اوصل الهه تقربت عليهه هي والله بس صعدت بالتكسي
صحت لااااااااااا اووووكفي يمعوده ملحكت بيهه
هي والله هي شلون صدفه حلوه ام عيون خضر هي
بقيت اباوع على ابو التكسي ووكفت متخوصر درت على السياره دتتحرك رجعت ركضت عليهه لكيت واحد كاعد بيهه والمرور واكف
هاي الك السياره
اي
اكو واحد يخليهه هيج
كصهه وصل اذا تريد وفضهه
لا مو منتظرك اني
مقصرت نزل الولد واني صعدت المرور صاح سنويتك
ولا جني اسمعه سقتهه سريع ودخلت للبتاوين
رحت الببت شداد
دكيت الباب طلعتلي شرشوبه عيونه حمر
شكد البشر ينسه انتبه النفسي ساعات اكعد اضحك واسلولف طبيعي ولا جنه شداد ميت من دخلت البيته عصرني گلبي عصر
لكيت سعيد كاعد وبيده صوره وباقي صور على القنفه
كعدت بصفهن وجريتهن
جانت صورة شداد ووطبان وابو ماشه ضحكت ودموعي نزلت
تذكرت هذا اليوم وبجيت لان شداد ماكو بعد
سعيد هنا من كمت احجي عليكم ماخذين صور ومتگولولي
غير انتَ ملطلط وتلعب بالملاعيب
باوع قاطه الملمع جان فرحان بي
لك حتى بعرسه لبسه ذاك اليوم من جان يمنه من كعدنه تذكره
شداد-تعرفون هذا قاطي بيوم اللبسته من امشي كلهه تباوعلي واني اعدل بياختي عبالي معجبات بيه
طلعن يضحكن عليه
خزعل-كمت ابجي من اتذكر سوالفه بوقتهه كتله
وبكل صلافه رجعت لبسته بعرسك
جنت اريد اذكر وطبان بهذا اليوم من جنه اخوه وواحد گلبه عل ثاني ردت اذكره انتَ اخويه
واحنه هيج شداد بعدنه
لا ماكو هذا الفلم اختلف كلشي
انجب
ولك لتگول متصوب تره اكوم اركعك بمية نعال ماانساهه الك من رفعت السلاح بوجهي بذاك اليوم
بجيت اكثر گلي بيومهه ماانساهه الك من رفعت السلاح بوجهي خره بيه شلون بذاك اليوم رفعت سلاحي بوجهه
گله من وره وووطبان شرشوبه-كافي هاااا راح ان شاء الله هم تتمالهون انتَ ووطبان
لج گلي ماانساهه الك من وره وطبان عفنه شداد
لا مو من وراه لان مشه بطريق بعد اظلم من التمشون بي گلي وطبان بوقتهه قاطعي حتى انتِ حتى يتراجع
عوفك من هاي الذكريات انتم شوكت تعوفون طريق المخدرات مااتحمل بعد اخسر واحد بيكم كافي فدوه اصحوا الزمانكم
ليش متعوفين الملاهي
مجبوره
احنه هم مجبووورين شناكل وشنشرب واذا عفنه هذا الطريقو يصفون واحد واحد بينه
مااتحمل اشوف بعد واحد يدخل للتراب كافي حسنين وشداد
بقيت اگلب بالصور سعيد كام يبجي بعلو صوته
لك شفته قبل ليموووت والله شفته جان فرحان
صدك شفته
اي والله جنت يم ابو الكباب مر من يمي كتله وين گال بشغله كتله اجي وياك مخلاني
كتله شو توزع ابتسامات اليوم
شداد-اليوم احلى يوم بحياتي كلهه من الله خلقني الهذا اليوم
ضحكت قوب وجهه من اذني
شداد-راح تصيررر عم بس لتحجي الحد ما اتأكد
جان فرحان بيومهه هواي مكملت فرحته لو ادري بي راح يموت والله ماعوفه يخطي خطوه وحده
خزعل-من كال حامل حسيت نغزني بگلبي اني شسويت شلون هسه شردت بس اسمعه يحجي
شلون بينا خزعل مكاعد اصدك شداد ماكو بعد والله مكاعد اصدك هو اخويه ماعندي غيره بهاي الدنيا من جابني الناقص ماجد وشمرني يمه اتذكر بيومهه كله الك هذا حصتك اللعب بي شتريد تلعب بس ماريده يموت احتاجه بعدين خفت بيومهه بس هو
معاملني مثل موصاه حسيته اخويه الجبيرررر والله
مسحت على ظهره ذب روحه بحضني وكام يبجي
بجاني وياه وشرشوبه هم تبچي اخر شي كمت وعفتهم
سعيد -خرعل احنه ليش كاعدين الحد هسه وعايفين فياض يشم الهوى مكاعد افتهمممم
وطبان كال نكعد ونسولف
شرشوبه-وين رايح
خزعل-هسه اجي
طلعت بسرعه وديت السياره للكراج ودخلت للغرفه ذبيت السويج وطلعت واني اطلع صار كبالي ابو ماشه
ها شصار حجيت وياهه
لا ملگيتهه خالهه طاردهه
لا بشرفك ووين هي هسه
مااعرف وفوكاهه حامل
حااامل لا عليك الله يعني شداد راح يبقى ذكراه
بس ملكيناهه
نلكاهه بس منين عرفت
من سعيد شداد گايله
مو تطشون السالفه منويد اهل شداد يعرفون
لا شطشهه دخل نلكاهه هسه
وطبان وين
فاير ونزل دخل بالوفق مشي ماادري وين راح
وين رايح انتَ هسه
ادور عليهه
وين
مااعرف راح ارجع المنطقتهه اسأل بلكت يندلون گرايب الهه
عود خابرني
هزيت راسي واخذت الدراجه ورحت والطريق كله اللوم بنفسي
............
زهراء-نزلت من السياره بعد ما وجهلي هذا الكلام وهو ورايه لحكني
الشارع منا زهراء امشي صعدي
مااصعد وماريدك بعد
اني اخاف عليج غبيه والله اخاف عليج مو قصدي اشك بيج
تشك بيه او متشك هذا الشي راجعلك الك
مااسمحلك تحجي عليه افتهمت
افتهمت تعالي صعدي بابا الناس منا
ماريد اصعد وياك وماريدك بعد انتَ محملني منيه لان خاطبني انتَ خطبتني انتَ الي دمرتني تره
حبيتك من البدايه ردت تلعب وياي ولان رفضتك وكشفتك دمرتني اعترف جان ماعندي عقل وانتَ جنت تعرف اني تعبانه ومنهاره استغليت هذا الشي ودمرتني
انتَ سبب بدمار حياتي واني سبب بدمار حياة اختي
ورغم هذا الشي بعدني احبك واموت بدونك
ليش كاعد تتلاعب بمشاعري
اني متلاعب بمشاعرج كل هذا الشي لان كتلج ليش وكفتي يم واحد غريب
لان اغار عليج واخاف عليج
لا لان ساعه تحسسني اني اعنيلك الدنيا كلهه
وساعه تحجي حجي كانما انتَ مان عليه خاطبني
اذا هيج الحب بمفهومك صياح وشك ومزاجيات
عوفني ولتكمل حياتك وياي لان مااتقبلك اذا جنت هيج
زهراء شويه شويه عليه لتطلعيني كلش اني هم تعبان مو بس انتِ
بعدني مكسور على امي وبعدني هم متأذي لان خليتج تتأذين اني هم اكره هذا الموضوع يخنكني من اتذكر اني بيوم خليتج تصيرين مدمنه بابا اني حبيتج من كل گلبي
بقه يسولف وياي الى ان تصالحنه ورحنه نفتر بالسياره ونزلنه تمشينه اشترينه كم شغله للشقه مالتنه ساعه وطبله وسطيه عجبتنه وكم تحفيه
وأكلنه بره الى ان خابر خالو گله تأخرتوا كافي
رجعني للبيت وراح
كل يوم يمر اگول اني ليش مكتله وخصمت المسأله من البدايه اغفه واني افكر بهذا الموضوع
ومن اغفه كل الي صار ويايه اشوفه افز مخروعه
انذكر من جان يتقربلي عماد من جنت ماعندي اي حل
جان حقير ثعلب ماكر متنكر الي يشوفه يحوفه
مستحيل احد يصدك وره هذا الوجه قناع شيطان
جان اسوأ من الي سلمتله نفسي بالبتاوين
عل اقل ذاك غريب وخيرني
اكره روحي من اتذكر نفسي فضلت المخدرات على شرفي
مخنوكه حيل والخانكني اكثر حبي ال علاء وخوفي يعوفني من يعرف
شلون أكله ماادري متندمه لان مكتله من اول ما أجاني
جان مفروض من عاتبته اعاتبه واكله بسببك خسرت شرفي مو بس اكله بسببك ضعت مشت الايام واني مااكدر اعترفله وكل ما انوي يلصم حلگي اكول من نتزوج اكله وارجع اخاف خاف ميتقبلني ويفضحني لو اكله هسه وهم خاف يفضحني وخالي يعرف
ومن جهه ثانيه ميسم شاغله بالي جنت بيومهه متواعده ويه ام ليث لان ليث بقه يبجي علينه فبقت تتواصل وياي حتى اسولف ويا واقنعه واخر شي قررت تسافر واليوم اروح اودعه
جنت مبدله بس منتظره علاء يجيني اجاني ورحنه البيتهم جان شكله يختلف مرتاح ونظيف كلش بس يسألني على ميسم هواي ومااعرف شكله اخر شي جذبت عليه كتله هي دزتلك بوسات وياي
كال اني هم ادزلهه بوسات
جنت ماخذتله السياره الي اشتريتهه اله فرح بيهه
ودعته وطلعت اني وعلاء بقينه نفتر كل شويه يجي بالي اعترفله واخاف الحد ما كال
بقت بس الغرفه شنو رأيج نروح نختارهه حتى نتزوج هذا الشهر
علاء
ها حبيبتي شبيج شو مفرحتي عبالي تفرحين
اني احبك هواي
مو بكدي
علاء راح اكلك شي
گولي
مكدرت اكله اخاف كتله خايفه
من شنو
مااعرف اخاف تعوفني بيوم من الايام
باعيلي مو مو النهايه للانسان هي الموت
بقيت اباوع عليه ابتسم وگال
اني نهاية حياتي اعتبرهه اذا مشفت عيونج بيوم من الايام
لو شيصير
لو شيصيرررر مااعوفج انتِ صرتي النفس الي اتنفسه والله الدرجة جنت ابويه من يهددني بالفلوس اتخبل هالمره گلي اتبره منك ا ذا تزوجتهه ومالك فلوس ولا سياره گتله ميهمني لا فلوس ولا سياره هي الاهم عندي
رجعت واني افكر بكلامه ومن رجعت خالو سوالي مشكله وكال بعد متنحمل هاي الوضعيه طبه وطلعه شوكت تتزوجون من كتله هذا الشهر رخه وسكت
وكال الكم شهر اذا متتزوجون يصير غير حجي
مرن اسبوعين اشترينه الغرفه وحجز قاعه وكلشي كملنه من التجهيزات
بقن ١٠ أيام ونتزوج افكر بيني وبين نفسي لازم احجي مو مال اسكت بعد
الحد ما كدرت اقوي نفسي وخابرته كتله لازم نسولف هو هم مصدك كال حتى نشتري البرده مال غرفه لان هي الوحيده الي مشتريناهه
اجه اخذني كالعاده الطريق كله يگلي سولفي اكله من ننكمل من السوك هناك بشقتنا هو رفع حاجبه
اخر شي گلي والله قلقتيني
اخذنه البرده وتوجهنه الشقتنه اول مدخلنه خله العلاكه بالكاع واجه عليه راد يبوسني
خليت ايدي
بعد ١٠ ايام ولج شلعتي گلبي تره المخطوبين كلشي يسوون بس انتِ شالعه گلبي
علاء
اش كافي مااتحمل بعد
علاء لازم اكلك بشغله
بوسه بس وحده واحجي منا الباجر
علاء اني اكو شي مگايلتلك بي صاير ويايه
وكف وقلص عيونه
شنو الشي المكايلتلي عليه
من جنت مدمنه واكتشفوا اهلي
اي
جان اكو واحد كرايب ابويه موجود استغل ادماني
وكام يعتدي عليه
.....................................يتبععع