💞 قلوب أرهقها العشق 💞 بالدارجة المغربية

💛الفصل 96💛

الجزء 294قلوب أرهقها العشق خنساء : توحشتك ؟! من نيتكسد الكتاب و شاف فيها بنظرات فشكل زلزلو قلبها من لداخل ...سلطان: اوا علاش جايا عندي فنصاصات ديال الليل باش كتفسريهاخنساء:و غير ما جانيش نعااس و صافيسلطان: امم و انا عاودو ليك عليا كينة ديال نعاسخنساء: و جيت نشكرك و صافي على قبل كلشي درتيه معايا الله يجازيك بخيير و شكرا على الكادو كان اروع كادو من عند افضل مغني كنموووت عليه من صغرسلطان: بصحتك تستاهلي اكثر جيسط بسيط ماشي شي حاجة حتى نتي تعدبتي معايا باش ترجعي روح سلطان القديمةتقدمات بخطوات ثقيلة و جلسات حداه و ابتاسمت ليه ....خنساء: و نتا راه كان خاصك غير اللي يفوج عليك و صافي كنتي منوض فيهم رعب عاقلة فاش جيت كنتي درتي فيا واااحد تخنزيرة جمدات ليا الما فالركابي حتى بديت كنقول اش جابني لعند هاد ميستر غضباانسلطان: [ ابتاسم بخفة ] ماشي حتى لديك درجة واخا هاكاك أنا ضريف تاكليني بحواايجي غير كني نتي معايا مزياان نحطك فوق راسي تبداي تزيكزاكي نخرج نيابيخنساء:اوا يا خويا علاه كنتي هاز شوكتك و مخرج نيابك فلول على وااالو و عائلتك كنتي نافرهم و كنتي كتقمع و اللي قرب ليك بحال قرب لشي لفعة سم اللي كنتي تخرج من فمك خطييرسلطان : [ بنظرات طفولية ] غير كتكدبي عليا انا ضريفخنساء بلا ما تحس ضحكات على نظراتو و صوتو طفولي اللي تكلم بيه و جراتو من نيفو و قالت ...خنساء: كنظن دابا تعالجتي و رجعتي سلطان القديمسلطان: انا راه غير الحالة نفسية اللي كنت فيها كانت كتخليني نتصرف هاكاك ربما كرهت راسي فهاد خمس سنين كلها و عارضت القدر خاصني نطلب سماحة من الله سبحانه و تعالى حيت فغيمون كنت ضالم راسي بزاافخنساء: المهم هو أنك درتي عقلك هههسلطان: علاه مالي كنت كنضرب بالحجر؟؟خنساء: علاين ههههسلطان : صراحة مزال كاين واحد الكادو كايساينك الاغنية كانت كادو و لكن كاين كادو اعظم منها كنظن غاتفرحي فاش غاتعرفيهخنساء : [ طرطقات عينيها فيه ] لااا ما تقولهاش أ شمن كاادو ؟؟؟؟سلطان: حتى لغدا و تعرفيهخنساء: كايستاحق نصبر هاد المدة كاملة باش نعرفو راسي غايبدا يضرني ؟؟سلطان:ما نقدرش نقولو داباخنساء ناضت من مكانها و قالت ...خنساء: تصبح بخييرحسات بيدو دافية تخللات يديها الباردين تبورشات و رجعات شافت فيه مع ابتسامة ....سلطان: تصبحي بخيرقرب يديها لفمو و باسها بوسة طوييييلة و حنينة لدرجة حسات بواحد الصهدة و داتها كترجف و قلبها كينبض بقوة هز راسو شاف فيها نظرات فشكل نظرات عندهم معنى عمييق نظرات مطولة كأنه كيحفظ تفاصيلها و كيحاول يشبع منهم قال ...سلطان : تهلاي فراسكناضت بسرعة من حداه و خرجات مشات لبيتها و تكات على الباب حيت خالجوها مشاعر فشكل مشاعر ما عارفاش معناهم نعلات شيطان و مشات حطات راسها على المخدة و نعسات .... أصبح يوم جديدفاقت خنساء على إثر شي حد كيفيق فيها و لكن ما قادرش تحل عينيها ....ميلودة : خنساااء بنتيخنساء: اممتقلبات لعندها و كتحل عين و تسد لوخرى و كتحاول تقاوم باش تفتح عينيها ...خنساء: خالتي ميلودة هاديميلودة : نوض ابنتي هاكي هاد الأمانةفاقت خنساء من فوق سرير داايخة و مبوقة بنعااس ...خنساء: إينا أمانة ؟؟ميلودة : خلا ليك سلطان هاد الظرف هداتقادات فالجلسة و كتشوف فميلودة و كتشوف فالظرف ...خنساء: علاش هو فين مشى ؟؟ميلودة شافت فيها و خرجات خنساء بقات مستغربة حلات داك الظرف و مع كل كلمة كانت مكتوبة فيه دموعها كيهبطو و شهقااتها كيزيدو ما مصدقاش كأنها كتحلم كتقرا و تعاود حتى طيحات ضرف من يديها و بقات ساهية فالفراغ مصدوووومة طاابحة ليها اليد مع رجل ربما هدا هو الكادو اللي وجدو ليها و لا صدمة اللي غترون حياتها من يدري ؟! ...