💞 قلوب أرهقها العشق 💞 بالدارجة المغربية

💛الفصل 56💛

مسؤولخبير بالمجموعةالجزء 167قلوب أرهقها العشق حل عينو بتثاقل نظراات قبيحة بزااف عينو حومر ما بقاش قادر يستحمل هادشي كاامل كره الحياة كره راسو كره العائلة باغي غير تطلع روحو بهاد التصرف لي دارو فكروه فالماضي اللي ياريت لو يرجع ليه و لكن ما قادرش كيحس بالعجز هو براسو ما كرهش يحتافل و يجلس معاهم و يرجع لسلطان الحقيقي ماشي هاد شخصية المصطنعة اللي كيحاول يبين بيها راسو قوي و لكن ليس كل ما يتمناه المرء يدركه ....كلشي واقف كيشوف فيه كينتاضرو منو يقول شي كلمة ...وفاء: سلطانكانت صدمة قوية فاش بدا كيصفق بيدو و مع ملامح جامدة و تخنزيرة خلاتهم كلهم يعرفو بلي القادم أسوء . توقف على التصفاق و قال بصوت قاااصح ....سلطان : ما عندي ما يتسالكم شكون كتب ليكم هاد المسرحية اللي مثلتو عليا بيها مدام وفاء و لا موسيو فريد اللي هما الواليد و الواليدة ماشي فعايلكم هادو يقين مراد ميلودة مروان منار ما عمري ماشفت منهم هاد التصرفات بقى شخص واحد ....خنزر فخنساء اللي كتحس بتوتر كبيير و كمل كلامو ...سلطان : باين أن مول الفكرة برهووش فدماغو و مزااال ما كيعرفني مزيااان شكون انا واخا حاولت نعطيه لمحة عليا و لكن باين ليا أن داك البرهوش بين قوسين مزال باغي يكتاشف شي حوايج خاايبين فيا اللي انا براسي ما بغيش نجبدهم حبذا لو انكم تقريو داك البرهوش الجديد اللي ما زال ما عارف والو و عاد حطاتو الطيارة و باغي يدير ليا انا طيارة فدماغي بلي سلطان ماشي كيرضع صبعو باش تحكم فيه و تكدب عليه من الفوق الا سكت المرة اللولة ما غانسكتش المرة الثانية و ما غاندوزهاش بسااهل حيت أنا مااشي سااهل انا قبييح و بزااافكلهم سكتو كيسمعو ليه و عارفينه كيمعني على خنساء اللي غلباتها البكية من كلامو الجارح ما عجبهاش الحال يلقبها ببرهوشة شكون هو باش يعطيها هاد اللقب و من الفوق ما دايرة ليه واالو فقط بغات تعاونو باش يحتافل بعيد ميلادو كانت كظن بلي هو فقط ولف انو يبقى فبيتو و بغات تخليه يدير الخطوة الأولى باش ينزل و لكن لااا حياة لمن تنادي سيد شااد على راسو بسبع قفول و باش غير تفتح القفل الأول خاصها ما هي و ما لونها و عاد زيد عليها شخصيتو قبيحة و قوية و لسانو مااضي تعطيه كلمة يعطيك عشرة عمرها ضنات بلي سلطان غايكون بهاد الشخصية فالواقع ...يقين نطق و قال بصوت حنون ...يقين : هاد البرهوش اللي جالس تعاير فيه من صباح كان قصدو انو يعاونك ماشي باش تسبو بهاد الكلام أو لا اسلطانسلطان رمق يقين بتخنزيرة و جاوبو بهدوء...سلطان : حتى انا قلت ليكم خاصكم تقريوه حيت مزال ما كيفرق بين مساعدة نااس و يدخل سوق جواه و يتكمش و ما يتدخلش فحياة سلطان و ما يكدبش عليه حيت انا ما كنتاضر من حتى شي حد باش يعاوني و الا بغا داك البرهوش يعاوني فشي حاجة يعطيني غير تيساع و نتوما اللي مسايرين هاد شخص و مثلين معاه طلعتو براهش أكثر منوفريد: سلطااان ما تندمناش الله يرضي عليكسلطان شاف فباباه ] سمحولي و لكن نتوما بغيتوني نهبط ما عندي ما ندير ليكم ها أنا هبطت و تحملو العواقب و اون بلوس نتوما عارفين بلي انا ما كنحملش الكدوب و كلكم سايرتو داك البرهوش و مثلتو معاه الا بقيتو على هاد التصرفات اللي ما ليها معنى ما غاتعاودوش تشوفيني مزال فهاد الداار و نتمنى ما توصلونيش باش نتاخد هاد القرارمراد لمح دمعة طاحت من عينين خنساء حيت كان حداها بقات فيه تنهد و عنقها جنب و همس فودنيها من جديد ...مراد: خنساء عفاك براكة راه هادشي غير شوية من الصعرة ديالو راه لسانو حاار و لكن و الله حتى ضريف غير ما تديش عليه راه معصب بزااف هادي ماشي هي شخصيتو نتي هنا باش ترديه كيف كان ما تستسلميش من ديبار عفاك مسحي دموعكسلطان لمح ديك دمعة طاحت من عيون خنساء اللي خلاتو يكره راسو للحظات حيت عرف راسو جرح أنثى اللي ماشي من المبادئ ديالو و لا شيم ديالو و لا علاش تربى و لكن هي اللي بغات هادشي عارفهم باغيين غير يعاونوه و لكن هو كيعطيهم القاصح باش يكرهوه و باش ينفروه و باش يبعدو عليه كيفما تخلى عليه كلشي باغي يبقى غير بوحدو ....ضغط على داك الزر اللي عندو فحافة الكرسي و ضورو باش يمشي بحالو باش ما يضعافش و يصدق طالب منها سماحة و هو هادشي اللي ما باغيش ؛ و لكن صدمة هي منين سمع صوتها اللي انساب لودنيه....خنساء: دقان فالخوامي ما كيتسمعش أ سي سلطاان دق فالباب نيشاان باش نقدر نسمعك مزيانالجزء 168قلوب أرهقها العشق ضغط على داك الزر اللي عندو فحافة الكرسي و ضورو باش يمشي بحالو باش ما يضعافش و يصدق طالب منها سماحة و هو هادشي اللي ما باغيش ؛ و لكن صدمة هي منين سمع صوتها اللي انساب لودنيه....خنساء: دقان فالخوامي ما كيتسمعش أ سي سلطاان دق فالباب نيشاان باش نقدر نسمعك مزيانلحظة صمت كلشي تصدم من كلامها و لكن زادو تشوكاو فاش شافوها كتقرب لسي سلطان حتى وقفات اونفاص ليه بنظرات واثقة و صوت رغم أنه مجروح قوي ..خنساء: ديك البرهوشة اللي من قبيلة و نتا كتعاير فيها ما تنساش هي اللي قدرات تنزلك من بيتك اللي طول هاد خمس سنين و نتا جالس فيه تصور هاد البرهوشة شنو قدرات دير و هي بلا عقل [ ربعات يديها و حنات شوية باش تجي فنفس مستواه ] تصور كن كنت بعقلي شنو نقدر ندير أسي سلطااااان [ضغطات على سميتو و غمزاتو ] ...للحظات تجمد دم فعروقو و حس بقلبو كينبض كان قادر يسمعو و يحس بيه أكيد إحساس فقدو من زمان عينيها و نظراتها الثاقبة الواثقة كلامها خلاه يشعر بأحااسيس أخرى عمرو ما حسها مع كائنة أخرى يا الله شنو طينة هاد الإنسانة ياك عاد شاف دمعة طاحت من عينيها كيف وقع باش رجعات كتكلم بهاد القوة و بهاد الثقة ....ما قادرش يزيح عينو على عيناها سوداوتين يا الله شكون هاد البنت هادي و من إينا معدن هي باش تخليه يرتابك غير بهاد النظرات الواثقة شنو هاد شخصية عندها لمس حس الإختلاف فشخصيتها كيفما لمسو فلون وجهها فنهار واحد قدر يشوف ضحكتها و ضعفها و ثقتها و قوتها كلامها كيتكرر فودنيه بطريقة سريعة و خصوصا جملة "تصور هاد البرهوشة شنو قدرات دير و هي بلا عقل " بصح قدرات تخليه يسهى فيها و يرتابك بكلامها و هي بلا عقل أما الا شافها و هي عاقلة شنو غايوقع ليه صرط ريقو بصعوبة و كيحس بداتو كتعراق عينيه كيرمشو بسرعة البرق فيها ما قادرش يجاوبها او بالأحرى ما عرف ما يقولها تصدم و لكن علاش حس براحة تسللات لأحزانو كلما أطال النظر فعينيها و كأن الإجابات على أسئلتو كاينين تماااك فعمق مقلتيها معقول تكون خنساء هي هبة الله لقلبو من يدري ؟؟ ....فكاد صوتها أن يغلِب قلبي فنظرت الى عيناها فغُلِبت كليخنساء: شفتك سكتي جاوبني و عطيني خو كلاميزاد سكت و هو كيشوف فيها لأول مرة ما كيعرف باش يجاوب شي إنسانة زمتاتو ما توقعش أنها غاتكون بهاد الجرأة زعما كانت باينة ليه بريئة و ضريفة و يقدر يركب عليها و يجري عليها دغيا و لكن بدا كيتاضح بان الأمر ماشي بنفس السهولة اللي كان كيضن داكشي علاش خاصو يدوز للمرحلة جوج ....سلطان : ناس اللي بعقلهم ما كيديروش راسهم فالبراهش او بمعنى اصح كيفما كيقول المثل المغربي اللي دار راسو فنخالة كينقبوه دجاج داكشي علاش انا من اللول ما نقربش لنخالة باش ما ينقبونيش دجاج اللي هما فهاد الحالة البراهش اللي هما نتيخنساء رجعات وقفات و كتصرط القمعة عطااهاا عاوتاني و ما قدراتش تجاوبو حتى تشوفو شنو غايقول ...سلطان : مستواك و مستوايا ماشي بحال بحال دخليها لراسكخنساء استفزها ما قدراتش تزيد تسكت و هي تعطيه من جديد ....خنساء: شحال خاصني من درجة باش نهبط لمستواك أ سي سلطانمراد حط يدو على فمو كيضحك و قال مع نفسو ...مراد: تمريرة تسديدة و هدف نااري عطاتوسلطان هز حاجب و نزل لاخور ما نطق ما تكلم عض على شنايفو و جمع يدو على شكل لكمة و رمقها بوااحد تخنزيرة يا سلام خلاتها تراجع على كلامها و الخوف يتسلل لعظامها ...سلطان : مروااان تبعنيكانت هادي هي آخرة جملة نطق بيها قبل ما يزيد بالكرسي المتحرك جهة الأسانسور ....الجزء 169 قلوب أرهقها العشق أصبح الصباح وتذكرت أنّ القمر ذهب ليختبئ في مداره، ليفسح مجالاً للشمس كي تشرق من جديد، ذكَّرني هذا بنظام الخالق ، فتمنيت لو أنّ البشر يسيرون على نظام مقدّس لعيشهم، فيستفيدون من وقتهم لتسير حياتهم على أكمل وجه.واقفة فالكوزينة لابسة بيجامة بيتية عبارة عن تيشورت مع كولون و طالقة شعرها الحريري الأسود و كتشوف فأتاي اللي كيغلي على البوطة باش تحطو ليهم باش يفطرو حيت ياقوت مقابلة ولادها و بالتالي هي اللي تكلفات بالفطور وجهها أصفر و مداق المرار كتحسو فحلقها وجع خفيف كيزورها فكرشها شكون من غيرها زينب اللي ما بقاتش حاسة براسها مزيان واحد العيا رهييب كتحس بيه ما واقفة غير بزز سااهية و قابطة فالسنسلة اللي فعنقها اللي عطاها ليها عصام اللي ما بقات سمعات عليه حتى خبار من آخر مرة همس فودنيها و قال قريب ما غاتبقايش تشوفني يا ترى شنو قصة عصام ؟؟و علاش كان كيتصرف معاها بداك الشكل ؟؟ و منين جاب عليها داك المعلومات ؟؟ معقول يكون هو اللي هدد سراب الباطرونة الكبيرة اللي خدماتها فمجال العهر ؟؟ و علاش بغاها تجيب مزيان فالباك ؟؟ و علاش كان كيتصرف معاها بديك طريقة ؟؟ أسئلة كثييرة ما لقات ليها جواب أسئلة حمقاتها فدماغها طيلة هاد الأيام ما عاودات سمعات عليه حتى خبار شنو زعما غايكون رجع لإيطاليا ؟؟؟ غالبا لانه ما عاودش بان ...هادشي اللي قدرات تقنع بيه راسها مؤقتا و هي فخضم تفكيرها كانت ساهية فالفراغ و اتاي كيتبخ و هي ما مسوقاش ليه حتى حسات بياقوت وقفات حداها و طفات على البوطة ...ياقوت: اويلي واش انا حاطك هنا ديكور فين ساهية اصاحبتيزينب : ما ساهية فحتى قنت غير مع الباك كنفكر فالنتائجياقوت : و ما عندك مناش تخافي انشاء الله دابا يكون خير و تجيبها بنقطة وااعرةزينب :من فمك لربي اللهم أمينياقوت : زينب ديرينا البيض الله يرضي عليكزينب :واخا أريهزينب دارت المقلة فيها زبدة و كتسناها دوب باش تلوح فيها البيض و لكن ديك ريحة ديالها غيلفااتها و روعات ليها قلبها الشيئ اللي خلاها تطير للمرحاض و ترض تبعاتها الياقوت و منانة اللي كانت جالسة كتقرا فالقرآن وااقفين عليها حتى سالات على خاطرها و شللات فمها و ضارت عندهم صفرة ما فوجهها قطرة ديال دم . و باينة فيها مطحطة دياااال بصح ...منانة : زينب مالك ابنتي وليتي صفراا كي المرقة ديال جنون و هاد تقية هادي لي من ول باارح و هي دايرة ليك هاد الحالة راه ماشي هي هاديكياقوت : انا قلت ياكما فرعها البرد و لا كلات شي حاجة ما وافقاتهاشمنانة :و الله و اعلم عرفتي شنو عطيني جلابيتي نديها لطبيب هو اللي غايقطع لينا الشك باليقين نخافو يكون عندها شي ميكروب و لا شي عجب كحلزينب : غير البرد ا خالتي دابا يفوتني الحالمنانة : ما كاين ما ولكن دابا غانمشيو لطبيب رجلي برجليك و مزيان نيت اللي ما فاطراش يقدرو يطلبو لينا تحاليل و لا شي حاجةزينب قبطات فكرشها و تكات على الحافة ديال الباب كتحس بيها كتعطيها الحريق ...منانة: شفتي ها اللي قلت ليك سيري ابنتي الياقوت جيبي ليا جلابة نديها لطبيب دغيا دغياانصارفت ياقوت و ما هي الا ثواني قليلة حتى جابت ليها ياقوت جلبتها و عطاتها ليها لبساتها مع درتها و قبطات لزينب فدراعها و قالت ....منانة : زيدي قدااميزينب نطقات بتعب ...زينب : و نبدل غير حواايجي بعدامنانة : تي زيدي قدامي اينا حواايج و اينا زمر صحتك هي اللولة [ شافت فياقوت ] ياك داك طبيب اللي فدورة مزيانياقوت : آه أ مي غزاال داك طبيب بالشفاءانشاء الله مايكون عندك باس ا زنوبة