فجروا امها سكراتي تفاعل🧡......
دخلت غرفتها وجلست بسريرها واخذت جوالها تطالع فيه جتها رسالت بحر استغربت ودخلت عليه وردت : وعليكم السلام ورحمه الله وبركاته.
بحر وصلت له رسالتها جلس بنص السرير وكتب لها : كيفك بيلين
بيلين شافت رسالته وتوترت ترد اولا لا قررت بالنهايه ترد عليه : الحمدلله تمام ،كيفك انت
بحر : ارسلت لك هالوقت وادري متاخر بسحبيت ابلغك افتتاح الشركه بكره
بيلين: تمام يعطيك العافيه ارسل موقعها علي اذا ماعندك مشكله
بحر : موقعها قريب منك امرك اخذك معي وبعدها تعرفين الموقع انتِ
بيلين خافت احد يشوفه ويفهمها خطا وقالت له : لا مافيه مشكله عنطني الموقع وانا اجي
بحر ماحب يضغط عليها وارسل الموقع والوقت وكل شيء عليها وقفل تلفونه وصلى الوتر ونام
_____________________
بيلين سكرت تلفونها وقامت فتحت دولاب ملابسها وطلعت لها لبسه وجهزت كل اغراضها ونامت عشان تصحى بدري وتسوي فطور اهلها قبل لاتطلع للداوم .
______________________
في الصباح صحت بيلين وراحت تسوي فطور امها وابوها وخلصت وصحتهم وسلمت على رووسهم وجلست تفطر معهم وخلص ا وقالت لهم انها بتطلع للشغل واتصلت على اوبر وطلبت سائق منهم وقامت تتجهز قبل يجي السواق خلصت ولبست عبايتها وركبت واعطته الموقع وكان فعلاً قريب منها وصلت للشركه وشافت الزحمه مو طبيعيه وواضح انها شركه معروفه من زحمتها سمت بالله وفتحت الباب ونزلت ودفعت للسواق مشت وكانت تناظر حولها تبي احد يعرفها لانها ماعمرها اشتغلت بنفس هالاماكن شافت وحده من البنات وواقفه لحالها وراحت لها : سلام عليكم
البنت : وعليكم السلام ورحمه الله وبركاته.
بيليين مدت يدها ونطقت : معك بيليين بشتغل في هالشركه وماعرف احد
البنت ضحكت ومدت يدها وقالت : تشرفنا يابيلين معك توق انا اعرف هالشركه تكون الفرع الثاني لشركه ال ماضي وعياله واحفاده
بيلين : الشرف لي ياعيوني . وبدت توق تعرف بيلين على الشركه والاقسام وبيلين منبهره من جمال الشركه وكانت تمشي مع توق رفعت عيونها يوم سمعت صوت تعرفه صصوت بحر وشافته مشغول بالناس الي حوله ويرد على مباركه الجميع ......
_________________
تعريف بسيط عن توق: تكون من اهم البنات في شركه بحر لانها معهم من اكثر ٣ سنوات وتكون بنت صاحب نايف اسمه مشعل
مشعل : صاحب نايف ويبلغ من العمر ٤٤سنه وزوجته ريناد تبلغ من العمر ٤٠سنه اولادهم
- توق والبنت الكبيره عمرها ٢٠ هادئيه اجتماعيه تحب الكل وقلبها طيب تخب تشتغل ودخلت شركه بحر عشان تمسك قسم المحاسبه .
- ذوق اخت توق وعمرها ١٧ تدرس ثاني ثانوي وبنفس مواصفات توق
- بدر اخوهم الوحيد عمره ١٠ سنوات
_________________
اما بحر كان جدا مشغول ويرحب وبين الفتره والثانيه يناظر بالباب ينتظرها تدخل وهو مانتبه عليها لما دخلت كان جداً مشغول بالاستقبال والرد على الناس الي يباركون له ومفتخرين فيه كون شاب بعمره عندها انجازات وكان نايف ابو بحر اكبر شخص مفتخر في ولده رغم انه مو موافقعلى شغله بحر بهالفرع الا انه مفتخر فيه وبقوه خلص الاستقبال وبدت تخف الزحمه راح بحر لمكتبه يرتاح شوي بعد التعب دخل وسكر الباب وراه وجلس وسند راسه على الكرسي .
_________________
اما عند بيليين وتوق كانوا مستمرين في الاقسام بعدها راحت توق لمكتب بحر وطرقت الباب سمعت صوتها يسمح لها بالدخول دخلت توق وكانت بيلين واقفه من لما وصل لصوته مسامعها عجزت تتحرك سحبت يدها توق معها رفع راسه بحر وشافها واقفه امامه ومنزله راسها بالارض تكلمت توق ؛ اهلاً استاذ بحر .
بحر كان في عالم اخر انتبه على نفسه ووقف ورد على توق : اهلين توق كيفك.
توق : الحمدلله تمام لفت على بيلين وقالت هذي بيليين واتوقع تبغى تشتغل معنا بالشركه .
بحر: هلا والله بيلين وكمل كلامه لتوق اعرفها ياتوق وانا الي موظفها معنا .
توق هزت راسها واستاذنت بالخروج ولفت بيلين معاها بس وقفها صوت بحر طالب منها البقاء طلعت توق من المكتب ...
__________________
جلس بحر وطلب منها الجلوس امامه وتكلم :شفتي كيف الشركه ولا باقي .
بيلين: شفت بعض الاقسام مع توق .
ضحك بحر بخفه وقال هالتوق ماتخلي عادتها كل ماجاء موظف جديد ورته الشركه كلها.
ابتسمت بيلين لان توق حرفياً دخلت بقلب بيلين من لطافتها .
اكمل بحر كلامه وقال : باذن الله بنبلش من اليوم في الشغل عشان نمسك اغلب المعاملات ومكتبك بيكون المكتب هذا واشر على المكتب بجانب مكتبه وكان بينهم شباك زجاجي ووظيفتك بتكون دايم معي كاسكرتيره .
هزت راسها بيلين بالموافقه وجلس بحر يخبرها اغلب الاشياء الي بتكون مطالبه فيها بيليين وراح الوقت بدون ماحد يحس بعد وقت دخل فهد المكتب بدون مايطرق الباب :سلام ووقف كلامه لما شاف البنت الي جالسه امام بحر وهو يتكلم
بحر رفع راسه وقال: اول شيء وعليكم السلام يافهد ثاني شيء متى تعرف تطق الباب بدون ماتهبد كذا على طول وجلس يضحك
تكلم فهد : والله انا انسان ماعرف ادق ادخل على طول وبعدها لف على بيلين وقال : اهلا موظفه جديده .
بيلين : هلا فيك اي .
لف فهد على بحر ينتظر منه شيء لانه اول مره يشوفها كذا والمعروف عند بحر قبل التوظيف لا م يختار اشخاص بعنايه تكلم بحر وقال: بتكون سكرتيره حقتي .
فهد عقد حواجبه باستغراب : كيف بتكون سكرتيرك
بحر: بتكون معي بدل محمد لان محمد بيكون معك بالشركه .
فهد: طيب براحتك انا بطلع اذا خلصت ارسل لي .
تكلم بحر لاتطلع اصلاً قربنا نخلص والداوم بينتهي بعد شوي بطلع انا وانت سوا .
جلس فهد على الكنب الموجود بالمكتب وكمل بحر كلامه والاشياء المهمه لبيلين وبعد نص ساعه خلصوا وكل كل الوقت فهد يراقب حركات بحر وهو مستغرب كيف يشرح لها اشياء المفروض هي تكون فاهمتها طلعت بيليين ولف بحر على فهد الجالس كان بحر يفهم فهد من نظراته وتكلم قبل لا فهد يسال امش نطلع نكشت وبعدها اشرح لك هز فهد راسه وطلعوا كلهم مرو من بيلين الواقفه عند الباب تنتظر السواق كان الاغلب الموظفيين كلهم قد طلعوا ماكان باقي الا بيلين وبحر وفهد والحارس الشركه تكلم بحر: وش تنتظرين هينا ماعاد باقي احد.
بيلين بصوت هامس : انتظر السواق لسى ماوصل .
تملم فهد : نوصلك معانا ؟
هزت بيلين راسها بالنفي وقالت : لا روحوا انتوا اصلن قرب يوصل ورفعت جوالها تتبع السواق من الجوال .
بحر : عطيني اشوف وين موقعه قريب او لا .
مدت بيلين الجوال لانها ماكانت تعرف له كثير وشاف بحر انه يبي له ربع ساعه على مايوصل . وقال : اذا ماراح تركبين معنا احنا نجلس عندك لين مايوصل لانه يبي له ربع ساعه . سكتت بيلين وماتكلمت وجلست على الكراسي وجلس فهد وبحر امامها بس بعيد عنها شوي وكان بحر بين الفتره والثانيه يرفع راسه يراقبها بعد ربع ساعه وصل السواق ومشت بيلين ومرت من عندهم وشكرتهم وطلعت للسواق وركب فهد وبحر سياراتهم وطلعوا للصيد ...
وصلوا ونزلوا اغراضهم وكلس بحر يسوي القهوه تكلم فهد وهو ماعاد فيه حيل ينتظر : ممكن تتكلم وتقول من هذي الي موظفها عندك .
بحر: شوي شوي بجاوب بجاوب هذي سلمك الله وحده جتني وطلبت من اوظفها وانا قبلت اوظفها بحكم انها تمر بظروف "طبعاً بحر كان من اتفاقه هو وبيلين ماحد يدري عن الاتفاقيه بينهم وتسديد الدين"
فهد: وانت وظفتها كذا بدون ماتعرف شيء عنها .
بحر: ياخوي ماوظفتها كذا انا اعرف ظروفها ووظفتها وبعدين وش بتسوي مثلاً
فهد: نبهتك وانتبه ياخوي ماحد تعرف ظروفه وعلى حقيقته.
بحر خبط على كتفه : ابشر ابشر .وكملوا قهوتهم وصيدهم مثل العاده وخلصوا وشالوا اغراضهم ورجعوا لبيوتهم .
________________
عند بيلين وصلت للبيت ونزلت اغراضها واخذت لها شور وبدلت وطلعت لاهلها وسلمت على روسهم وجلست تسولف معهم سالها ابوها: اقول بيلين يابوي كيف شغلك اليوم .
بيلين : الحمدلله مر اليوم الاول بشكل حلو وتعرفت على بنت مره تهبل وبدت تسرد لهم كل شيء صار معها وخلصت سولفهم وقامت تسوي لهم العشاء واعطتهم ابوها دواه وخلصوا العشاء ورجعت لغرفتها بعد ماناموا اهلها واخذت جواله تكلم ريفان ...
توقعاتكمم للبارتات الجايه..