Uni...
Love Like Fire ( Chapter 43)
( လူသတ်သမားငှားခြင်း)
ရှိုင်းခက်ယံလေးလံလှသည့် ခြေလှမ်းများဖြင့် သူ့အဖွားအိမ်ထဲသို့ဝင်သည်။
သူ့အားစောင့်နေသည့် အဖေ၊အမေနှင့်အဖွား...
သူ့က်ုမြင်သည်နှင့် အဖွားကဝမ်းသာအားရ လာဖက်သည်။
" အမလေး မြေးရယ်...အဖွားကအရမ်းလွမ်းနေတာ။အခုဘာမှမဖြစ်တော့ဘူးနော် အားလုံးအဆင်ပြေသွားပြီ။"
ပြောရင်း ရှိုင်းခက်ယံပါးလေးအားဖွဖွကိုင်ကာ ကြည့်သည်။
" ပိန်သွားလိုက်တာ ဒီအတောအတွင်း ဒုက္ခတွေများသွားပြီ ။ ဗိုက်ဆာနေရောပေါ့... မြေးကြိုက်တဲ့ အစားအသောက်တွေအများကြီးချက်ထားတယ်။ သွားစားရအောင်"
ရှိုင်းခက်ယံ၏ အမေနဲ့အဖေ ဘာမှပြောခွင့်
ဆူခွင့်မရှိအောင် သူ့၏အဖွားကကြိုပိတ်ထားသည်။
" အဖွား ကျွန်တော်မဆာသေးဘူး ခဏ နားလို့ရမလား ..."
ရှိုင်းခက်ယံ၏အသံမှာ အားမရှိပဲ ဖျော့တော့နေသည်။
" အမေ့ ယံယံကိုနားခိုင်းလိုက်ပါ ပြီးမှ သူ့အတွက် အစားအသောက်တွေ သွားပို့ပေးလိုက်မယ်။"ထိုအခါမှ ရှိုင်းခက်ယံ အမေက ဝင်ပြောလာသည်။
သူ့သားပုံစံက သိပ်မဟန်တာကြောင့် ဖိအားပေးလို့မရ...။
" အေးကွယ် ...နားမယ်ဆိုရင်နား ရတယ်မြေး"
ရှိုင်းခက်ယံလည်း ခေါင်းအသာငြိမ့်ပြပြီး သူပြန်လာမအိပ်ဖြစ်တာ ကြာပြီဖြစ်သည့် အပေါ်ထပ်က သူ့အခန်းထဲသို့သွားတော့သည်။
ရှိုင်းခက်ယံ၏ဖခင်မှာ ဆူဆုံးမချင်သည့်ဟန်ရှိသော်လည်း... ရှေ့ကကာနေသည့် အမေနဲ့အဖွားကြောင့် ဘာမှပြောခွင့်မရှိ။ထို့ကြောင့်
ရှိုင်းခက်ယံအပေါ်တက်သွားတော့မှ....
" မဟုတ်သေးပါဘူး ဒီလောက်ပြဿနာတွေဖြစ်ထားတာ ဘာမှမမေးပဲ ဒီတိုင်းထားလိုက်တော့မလို့လား။"
ရှိုင်းခက်ယံ မိခင် ဆိုဖာပေါ်ပြန်ထိုင်လိုက်ပြီး
"ဘာမေးစရာလိုသေးလဲ ဘာတွေဖြစ်သွားလည်း အကုန်သိပြီးသားပဲ မေးလည်း ယံယံပိုစိတ်ထိခိုက်တာပဲရှိမယ်။"
" အဲ့ဒါဆို ယံယံနဲ့ ဟိုဆရာဝန်ကောင်လေး ကိစ္စက ဘယ်လိုဆက်လုပ်ကြမလဲ"
ရှိုင်းခက်ယံ အဖေကပြောတော့ အဖွားကဝင်၍
" ဘာမှမလုပ်နဲ့ အခုလိုပြတ်သွားတာလည်း အဆင်ပြေသွားတယ်။နောက်ပိုင်းအခြေကျသွားမှ တင့်တော်တဲ့ ကောင်မလေးတစ်ယောက်နဲ့..."
" အမေ တော်ပါတော့... သမီးရဲ့အိမ်ထောင်ရေးဘယ်လိုဖြစ်နေလည်း မြင်ရဲ့သားနဲ့ အခုချိန်ထိ အမေ့သဘောပဲလုပ်ချင်နေသေးတာလား။"
ရှိုင်းခက်ယံ အမေမှာ စိတ်ညစ်စွာဖြင့် စကားဖြတ်ပြောလိုက်သည်။
" ယံယံက အဲ့ကောင်လေးကိုအရမ်းချစ်တာ။အခုဒီလိုတွေအထိ ဖြစ်လာတာလည်း အားလုံးမြင်တာပဲ။ အရင်က ယံယံအဲ့ခန့်ငြားရိပ်ဆိုတဲ့ကောင်လေးအပေါ်အနိုင်ယူပြီးတော်တော်ဆိုးခဲ့တာတဲ့ အောင်အောင်ပြောတယ်။
အခုသူတော်တော်နောင်တရနေတာ ဟိုကလည်း သူနဲ့မပတ်သတ်ချင်တော့တဲ့အထိဖြစ်နေပြီ။ယံယံကလည်း တစ်မှိုင်မှိုင်နဲ့။ကျွန်မတို့ သူ့အနားမရှိပေးခဲ့တုန်းကတောင် ဒီလောက်ထိဆိုးဆိုးဝါးဝါးသူမဖြစ်ခဲ့ဖူးဘူး။အခုကလေးဘယ်လိုဖြစ်နေလဲ မြင်ကြတာပဲ မလား။အဲ့ဒါကိုအတင်းအကျပ် ဖိအားမပေးပါနဲ့တော့..."
သူ့သမီးကစို့နင့်စွာ ပြောလာတာကြောင့်
ရှိုင်းခက်ယံ အဖွားမှာ စကားဆက်မပြောတော့ပေ...။ ထိုကြောင့် ရှိုင်းခက်ယံ အဖေကိုသာပြန်မေးသည်။
"ရှင်ရော ဘယ်လိုသဘောရလဲ...ယံယံကိစ္စ
ဘာပြောချင်လဲ..."
" ဒီကလေးက သူဖြစ်ချင်တာ အကုန်လုပ်နေတာပဲ ငါတို့တားလည်း မထူးဘူးမလား..."
" အဲ့ဒါထက် အဖေတစ်ယောက်အနေနဲ့ သားကgay တာကို လက်ခံပေးနိုင်ပြီလားမေးတာယောက်ျားတစ်ယောက်နဲ့ယူမယ်ဆို ဘယ်လိုသဘောရလဲ... "
ရှိုင်းခက်ယံ အဖေမှာ နည်းနည်းစိတ်ညစ်သည့်ဟန်ဖြင့် စဥ်းစားနေတာကြောင့်...
" ရှင်တောင်မှ ရှင်ချစ်တဲ့သူကိုပဲ ယူချင်တာမလား။ကျွန်မလည်း ကျွန်မ ချစ်တဲ့သူကိုပဲယူတော့မှာ...ယံယံကိုလည်း ခွင့်ပြုပေးစေချင်တယ်။ ဘယ်သူနဲ့ဖြစ်ဖြစ် တကယ်ချစ်ကြရင် ရပြီလေ... "
ဦးရှိုင်းထက်ယံမှာလည်း ငြင်းဆန်ခြင်း မပြုတော့ပေ...။
" ဟုတ်ပါတယ်.... မတားတော့ပါဘူး။ တားလည်းမတားနိုင်ပါဘူး။သူ့သဘောကျတာ လုပ်ပါစေတော့... မဟုတ်ရင်လည်း ဒီထက်ပိုဆိုးကုန်မယ်။
အရင်ကလို တစ်ခြားကောင်လေးတွေအများကြီးနဲ့ရှုပ်နေတာထက်...သူချစ်တဲ့ တစ်ယောက်ဆို တစ်ယောက်က ပိုအဆင်ပြေတယ်"
ရှိုင်းခက်ယံ အမေလည်း စိတ်ကျေနပ်သွားပြီး ထပ်ပြောလာသည်။
"ပြီးတော့ ကျွန်မတို့ရဲ့ အမည်ခံ လင်မယားဆက်ဆံရေးကလည်းတရားဝင် အဆုံးသတ်ဖို့ အချိန်တန်နေပြီ "
ထိုစကားကြောင့် သူ့မိခင်မှာ အလန့်တကြားကြည့်လာရင်း
" ဒီအချိန်ကြီးမှထကွာရှင်းရင် အကုန်မျက်နှာပျက်ကုန်မှာပေါ့"
" မဟုတ်ဘူး အခုဒီတိုင်းဆက်သွားနေမှ အကုန်ပိုဆိုးကုန်မှာ... ကျွန်မ တို့နှစ်ယောက်လုံးမှာလည်း သက်ဆိုင်သူ အသီးသီး ရှိနေကြတာပဲ။
တရားဝင်ပျော်ပျော်ရွှင်ရွှင်နေချင်တယ်။အမေမတားပါနဲ့တော့...အခု ယံယံကိစ္စကိုအရင်လုပ်ပေးရအုံးမယ် "
"ဘာအစီအစဉ် ရှိလို့လဲ..."
" ဟိုဆရာဝန်လေးကို သွားတွေ့ပြီး ပြောစရာရှိတာလေးတွေ ပြောရမှာပေါ့..."
" ဟိုက လက်ခံပါ့မလား... "
" အဲ့ဒါသူ့ကိစ္စ ကျွန်မအနေနဲ့ အမေတစ်ယောက်အဖြစ် ပြောစရာရှိတာတော့ သွားပြောရမယ်..."
*****
ရှိုင်းခက်ယံ သူ့အခန်းထဲသို့ရောက်တာနဲ့... ကုတင်ပေါ်ပစ်လှဲလိုက်ကာ မျက်နှာကြက်ကို စိုက်ကြည့်ရင်း...ဖြစ်ပျက်ခဲ့တဲ့ကိစ္စတွေကို ပြန်စဥ်းစားမိသည်... ။
အခုအားလုံးပြီးသွားသလို...သူနဲ့ခန့်ငြားရိပ်မှာလည်း ဘယ်လိုမှထပ်ပြီး အတူတူပျော်ပျော်ရွှင်ရွှင် နေဖို့အခွင့်မရှိတော့ချေ...။
ယခုလို အဆုံးသတ်က သူ့အတွက်အလွန်ပင်နာကျင်ရပါသည်။ကြည်သာဟန် ကလည်းခန့်ငြားအား ထပ်မနှောင့်ယှက်တာကြောင့် စိတ်အေးရသော်လည်း စိတ်တော့သိပ်မချရဲ။
သူလည်းသူ့ကတိအတိုင်း ခန့်ငြားဆီသို့သွားတွေ့ခွင့်မရှိတော့။ စုတ်ပြတ်သတ်နေသည့် ဆက်ဆံရေးကို စဥ်းစားရင်း မျက်ဝန်းအိမ်မှ မျက်ရည်များစီးကျလာသည်။အသည်းမာလှသည်ဆိုသည့်ကောင်တောင် အချစ်စစ်နဲ့တွေ့မှ ခဏခဏ မျက်ရည်ကျလို့နေသည်။
သူ့အတွက်အခွင့်အရေးသေးသေးလေးပင် မမြင်တော့။သို့ပေမဲ့လည်း သူကျေနပ်ရမည်။ရှေ့လျောက် ခန့်ငြားရိပ် ၏ဘဝမှာ ကောင်းမွန်သည့်အရာများနဲ့ ပျော်ရွှင်သည့်ဘဝသာ ရရှိနေမည်ဆိုလျှင်ပေါ့... ။
******
နောက်ရက်တွင် ရှိုင်းခက်ယံ အမေက ခန့်ငြားရိပ် အားသွားတွေ့သည်...။
" အန်တီ ကျွန်တော့်ကိုဘာများပြောစရာရှိနေလို့လဲဗျ မြန်မြန်ပြောပေးပါ...ကျွန်တော့် သမီးကိုသွားခေါ်ရတော့မှာမို့လို့ပါ။"
" အချိန်ခဏလောက်ပေးပါကွယ်..."
ခန့်ငြားရိပ်လည်းအားနာတက်သူပီပီ ငြင်းလို့မကောင်းတာကြောင့် ရှိုင်းခက်ယံ အမေနဲ့အတူ coffee ဆိုင်တစ်ဆိုင်ဝင်ထိုင်လိုက်သည်။
" ယံယံ နဲ့ပတ်သတ်ပြီး သားခံစားခဲ့ရတဲ့ အရာအားလုံး အတွက် အန်တီတောင်းပန်ပါတယ်"
" အဲ့စကားတွေ ပြောဖို့ဆိုမလိုပါဘူး။ကျွန်တော် နဲ့သူနဲ့ကြားမှာ ဘာဆိုဘာမှမရှိတော့ပါဘူး။အန်တီအနေနဲ့လည်း တောင်းပန်စရာ မလိုပါဘူး။"
ရှိုင်းခက်ယံ အမေခေါင်းခါလိုက်ရင်း
" အန်တီကတော့ လိုအပ်တယ်ထင်တယ်။ ယံယံ ဆိုးသွမ်းရတဲ့ အဓိကအကြောင်းအရင်းမှာ အန်တီတို့ မိဘတွေက အဓိကတရားခံပါ...။
အန်တီတို့ ကိုယ်တိုင်ကိုယ်က ကိုယ့်အတွက်ကိုကြည့်ပြီး
ယံယံကိုဂရုမစိုက်ပဲ ပစ်ထားသလိုဖြစ်ခဲ့တာ။ အဲ့တော့ သူကလည်း သူလုပ်ချင်တာပဲ လုပ်တက်တဲ့သူမျိုးဖြစ်သွားတယ်။ အန်တီတို့ရဲ့ဆိုဆုံးမမှုတွေ ဂရုစိုက်မှုတွေမရှိခဲ့တာကြောင့်လေ"
" ဒီအကြောင်းတွေကျွန်တော့် ကိုလာပြောရတာက ဘာကြောင့်လဲ "
ရှိုင်းခက်ယံ အမေမှာ ခုံပေါ်တင်ထားသည့် ခန့်ငြားရိပ်၏ လက်တစ်ဖက်ကို ဖွဖွအုပ်ကိုင်ရင်းချိုသာစွာတောင်းဆိုသည်။
" သားအနေနဲ့ ယံယံအပေါ် နောက်တစ်ကြိမ်လောက်များ အခွင့်အရေးပေးနိုင်မလားလို့ပါ ။သူအရမ်းဆိုးတာ သားလည်းသိမှာပါ...။
ဒါပေမဲ့ သားနဲ့အတူရှိနေရင်တော့ လိမ္မာသွားမှာ သေချာတယ်။ သူလည်းသားကိုအရမ်းချစ်တာပါ။
သူအရမ်းနောင်တရနေပြီ အရင်လိုမဟုတ်တော့ဘူး။ သူ့ရဲ့ အခုပုံစံကိုကြည့်ပြီး အန်တီတို့လည်း စိတ်မချမ်းသာဘူးကွယ်။ အန်တီတို့ အနေနဲ့လည်း သားနဲ့သာဆိုရင် သဘောတူပါတယ်။သူ့အဖွားလည်းမကန့်ကွက်တော့ပါဘူး"
ခန့်ငြား သူ့လက်ကိုပြန်ဆွဲယူလိုက်ကာ တည်ငြိမ်စွာပြန်ပြောသည်။
" ကျွန်တော်လည်း... အရမ်းစိတ်ပင်ပန်းခဲ့ရတာပါ။
သူ့အလှည့်မှာ အန်တီတို့ရှိနေလို့ တော်သေးတာပေါ့။ ကျွန်တော့်တုန်းက ၅နှစ်လုံးလုံးဘယ်သူမှမရှိခဲ့ပါဘူး။ ကျွန်တော်လည်း သူ့ကိုအရမ်းချစ်ခဲ့ပါတယ်။အခွင့်အရေးဆိုတာမျိုးလည်း အကြိမ်ကြိမ်ပေးခဲ့ဖူးပါတယ်။
အခုတော့ နောက်တစ်ကြိမ်ထပ်ချစ်ဖို့ လုံးဝအဆင်မပြေလို့ပါ။
ကျွန်တော့်ဘက်ကိုကြည့်ပြီး အန်တီလည်းနားလည်ပေးနိုင်မယ်ထင်ပါတယ်။သူ့အပေါ်မှာလည်း စိတ်ဆိုးစိတ်ခုနေတာမျိုးလည်းမရှိတော့ပါဘူး။
အားလုံးကိုမေ့ပစ်ပြီး စိတ်သစ်လူသစ်နဲ့ ပျော်ရွှင်စရာကောင်းမဲ့ ဘဝလေးမှာပဲ နေချင်တော့တယ်။အခုကျွန်တော့်နားမှာ နိုးနိုးလေးလည်းရှိနေပြီဆိုတော့ ဘာမှမလိုတော့ပါဘူး။
အန်တီတို့လည်း ရှိုင်းခက်ယံ ကိုအရင်ကလိုမပစ်ထားပဲ မေတ္တာတွေနဲ့ဂရုစိုက်ပေးမယ်ဆိုရင် သူပြန်အဆင်ပြေလာမှာပါ။
သူဘယ်လောက်ပဲ အန်တီတို့ကိုမတွေ့ချင်ဘူးပြောပြော...သူ့စိတ်ထဲမှာတော့ သူ့မိဘတွေအမြဲရှိနေတာပါ။ပြောချင်တာက ဒါပဲဆိုရင် ကျွန်တော်သွားတော့မယ် "
ခန့်ငြား ထိုစကားတွေကိုပြောပြီး စိတ်ထဲကနေတော့ သူ့ကိုယ်သူအကြိမ်ကြိမ် အားပေးနေသည်။
" ဟုတ်တယ် ငါဆုံးဖြတ်တာ မှန်ပါတယ် အခုကစပြီး အားလုံးအဆင်ပြေတော့မှာပါ..."
ခန့်ငြား ရှိုင်းခက်ယံကိုအရမ်းချစ်နေသေးသော်လည်း ထပ်မပတ်သတ်ဖို့သာ ဆုံးဖြတ်လိုက်တော့သည်။ နှစ်ယောက်လုံး တစ်နေရာစီမှာ ကောင်းကောင်း မွန်မွန်ရှင်သန်နေကြမယ်ဟုသာ ဆုံးဖြတ်ရင်း ဆိုင်ပြင်သို့ထွက်ခဲ့တော့သည်။
*****
ရှိုင်းခက်ယံကလည်းသူ့အမေ ခန့်ငြားကိုသွားတွေ့သည်ဟုကြားတော့
ခန့်ငြားကိုထပ်မရှုပ်တော့ဖို့ကတိပေးထားပြီးပြီမို့ တားရန် ကမန်းကတန်း လိုက်လာခဲ့သည်။
Coffee ဆိုင်ကထွက်လာသည့် ခန့်ငြားကိုတွေ့ပြီး
ရှေ့ဆင့်နောက်ဆင့်ပဲ သူ့အမေကိုပါတွေ့တာကြောင့်သူလည်း ကားပေါ်ကဆင်းကာ ခန့်ငြားဆီသွားလိုက်သည်...။
" ခန့် တောင်းပန်ပါတယ်... အမေ မင်းဆီလာတွေ့တာ ငါအချိန်မှီမသိလိုက်လို့ပါ။သူပြောတာတွေ စိတ်ထဲမထားပါနဲ့ နောက်တစ်ခါ အဲ့လိုထပ်မဖြစ်အောင် ငါသေချာပြောထားလိုက်ပါ့မယ်။"
ရှိုင်းခက်ယံ တောင်းပန်တိုးလျှိုးစွာ ပြောလိုက်သည်။
ခန့်ငြား ရှိုင်းခက်ယံ မျက်နှာကိုတွေ့တော့ ဝမ်းနည်းလာသည်။ကြာကြာဆက်မကြည့်နိုင်...သူစိတ်ပျော့သွားလိမ့်မည်ဆို၍
" အင်း"ဟုပြန်ဖြေရင်းဆက်သွားလိုက်သည်။
တစ်ယောက်နှလုံးသား တစ်ယောက်အပိုင်သိမ်းကာ လမ်းခွဲနှုတ်ဆက်လိုက်တော့မည်။
ထိုအချိန်ပဲ ရှိုင်းခက်ယံထံ ကြည်သာဟန် ဆီမှဖုန်းဝင်လာ၍
" ဘာလဲ " ရှိုင်းခက်ယံ ဒေါသသံဖြင့်မေးလိုက်သည်။
" ခန့်ငြား ဘယ်မှာလဲ သိလား။မြန်မြန်သူ့ဆီသွားပေးပါ။ငါ့အဖေသူ့ကိုသတ်ဖို့လူငှားထားတယ် "
ကြည်သာဟန်ကစိုးရိမ်စွာ အလောတကြီးပြောလာတာကြောင့်...
ရှိုင်းခက်ယံသူ့ကို ကျောပေးကာသွားနေသည့် ခန့်ငြားကိုကြည့်လိုက်မိသည်။တစ်ချိန်ထဲမှာပဲ ကားတစ်စီးပေါ်ကနေ ခန့်ငြားကို လူတစ်ယောက်က သေနတ်ဖြင့် ချိန်ထားသည်ကိုပါ တွေ့လိုက်ရလေသည်။
Writer Chit Khoon Cho Thar or JuliiaJune
(2.2.2023)
နောက်၂ပိုင်းဆို ဇာတ်သိမ်းပါ...ဘယ်သူသေမလဲ မမှန်းနေကြပါနဲ့နော်😷...ခွန်းကိုလည်းမေတ္တာမပို့ကြနဲ့အုံး ဇာတ်သိမ်းပိုင်းလေးကိုအရင်မျှော်ပြီးဖတ်ကြည့်ပါအုံးရှင့်💙။
(The Chainsmoker.,Illenium-Takeaway)
ဆိုတဲ့ သီချင်းလေးနားထောင်ဖို့ recommend ပေးပါတယ်ရှင့်
Zaw....
Love Like Fire ( Chapter 43)
( လူသတ္သမားငွားျခင္း)
ရႈိင္းခက္ယံေလးလံလွသည့္ ေျခလွမ္းမ်ားျဖင့္ သူ႔အဖြားအိမ္ထဲသို႔ဝင္သည္။
သူ႔အားေစာင့္ေနသည့္ အေဖ၊အေမႏွင့္အဖြား...
သူ႔က္ုျမင္သည္ႏွင့္ အဖြားကဝမ္းသာအားရ လာဖက္သည္။
" အမေလး ေျမးရယ္...အဖြားကအရမ္းလြမ္းေနတာ။အခုဘာမွမျဖစ္ေတာ့ဘူးေနာ္ အားလုံးအဆင္ေျပသြားၿပီ။"
ေျပာရင္း ရႈိင္းခက္ယံပါးေလးအားဖြဖြကိုင္ကာ ၾကည့္သည္။
" ပိန္သြားလိုက္တာ ဒီအေတာအတြင္း ဒုကၡေတြမ်ားသြားၿပီ ။ ဗိုက္ဆာေနေရာေပါ့... ေျမးႀကိဳက္တဲ့ အစားအေသာက္ေတြအမ်ားႀကီးခ်က္ထားတယ္။ သြားစားရေအာင္"
ရႈိင္းခက္ယံ၏ အေမနဲ႔အေဖ ဘာမွေျပာခြင့္
ဆူခြင့္မရွိေအာင္ သူ႔၏အဖြားကႀကိဳပိတ္ထားသည္။
" အဖြား ကြၽန္ေတာ္မဆာေသးဘူး ခဏ နားလို႔ရမလား ..."
ရႈိင္းခက္ယံ၏အသံမွာ အားမရွိပဲ ေဖ်ာ့ေတာ့ေနသည္။
" အေမ့ ယံယံကိုနားခိုင္းလိုက္ပါ ၿပီးမွ သူ႔အတြက္ အစားအေသာက္ေတြ သြားပို႔ေပးလိုက္မယ္။"ထိုအခါမွ ရႈိင္းခက္ယံ အေမက ဝင္ေျပာလာသည္။
သူ႔သားပုံစံက သိပ္မဟန္တာေၾကာင့္ ဖိအားေပးလို႔မရ...။
" ေအးကြယ္ ...နားမယ္ဆိုရင္နား ရတယ္ေျမး"
ရႈိင္းခက္ယံလည္း ေခါင္းအသာၿငိမ့္ျပၿပီး သူျပန္လာမအိပ္ျဖစ္တာ ၾကာၿပီျဖစ္သည့္ အေပၚထပ္က သူ႔အခန္းထဲသို႔သြားေတာ့သည္။
ရႈိင္းခက္ယံ၏ဖခင္မွာ ဆူဆုံးမခ်င္သည့္ဟန္ရွိေသာ္လည္း... ေရွ႕ကကာေနသည့္ အေမနဲ႔အဖြားေၾကာင့္ ဘာမွေျပာခြင့္မရွိ။ထို႔ေၾကာင့္
ရႈိင္းခက္ယံအေပၚတက္သြားေတာ့မွ....
" မဟုတ္ေသးပါဘူး ဒီေလာက္ျပႆနာေတြျဖစ္ထားတာ ဘာမွမေမးပဲ ဒီတိုင္းထားလိုက္ေတာ့မလို႔လား။"
ရႈိင္းခက္ယံ မိခင္ ဆိုဖာေပၚျပန္ထိုင္လိုက္ၿပီး
"ဘာေမးစရာလိုေသးလဲ ဘာေတြျဖစ္သြားလည္း အကုန္သိၿပီးသားပဲ ေမးလည္း ယံယံပိုစိတ္ထိခိုက္တာပဲရွိမယ္။"
" အဲ့ဒါဆို ယံယံနဲ႔ ဟိုဆရာဝန္ေကာင္ေလး ကိစၥက ဘယ္လိုဆက္လုပ္ၾကမလဲ"
ရႈိင္းခက္ယံ အေဖကေျပာေတာ့ အဖြားကဝင္၍
" ဘာမွမလုပ္နဲ႔ အခုလိုျပတ္သြားတာလည္း အဆင္ေျပသြားတယ္။ေနာက္ပိုင္းအေျခက်သြားမွ တင့္ေတာ္တဲ့ ေကာင္မေလးတစ္ေယာက္နဲ႔..."
" အေမ ေတာ္ပါေတာ့... သမီးရဲ႕အိမ္ေထာင္ေရးဘယ္လိုျဖစ္ေနလည္း ျမင္ရဲ႕သားနဲ႔ အခုခ်ိန္ထိ အေမ့သေဘာပဲလုပ္ခ်င္ေနေသးတာလား။"
ရႈိင္းခက္ယံ အေမမွာ စိတ္ညစ္စြာျဖင့္ စကားျဖတ္ေျပာလိုက္သည္။
" ယံယံက အဲ့ေကာင္ေလးကိုအရမ္းခ်စ္တာ။အခုဒီလိုေတြအထိ ျဖစ္လာတာလည္း အားလုံးျမင္တာပဲ။ အရင္က ယံယံအဲ့ခန္႔ျငားရိပ္ဆိုတဲ့ေကာင္ေလးအေပၚအႏိုင္ယူၿပီးေတာ္ေတာ္ဆိုးခဲ့တာတဲ့ ေအာင္ေအာင္ေျပာတယ္။
အခုသူေတာ္ေတာ္ေနာင္တရေနတာ ဟိုကလည္း သူနဲ႔မပတ္သတ္ခ်င္ေတာ့တဲ့အထိျဖစ္ေနၿပီ။ယံယံကလည္း တစ္မႈိင္မႈိင္နဲ႔။ကြၽန္မတို႔ သူ႔အနားမရွိေပးခဲ့တုန္းကေတာင္ ဒီေလာက္ထိဆိုးဆိုးဝါးဝါးသူမျဖစ္ခဲ့ဖူးဘူး။အခုကေလးဘယ္လိုျဖစ္ေနလဲ ျမင္ၾကတာပဲ မလား။အဲ့ဒါကိုအတင္းအက်ပ္ ဖိအားမေပးပါနဲ႔ေတာ့..."
သူ႔သမီးကစို႔နင့္စြာ ေျပာလာတာေၾကာင့္
ရႈိင္းခက္ယံ အဖြားမွာ စကားဆက္မေျပာေတာ့ေပ...။ ထိုေၾကာင့္ ရႈိင္းခက္ယံ အေဖကိုသာျပန္ေမးသည္။
"ရွင္ေရာ ဘယ္လိုသေဘာရလဲ...ယံယံကိစၥ
ဘာေျပာခ်င္လဲ..."
" ဒီကေလးက သူျဖစ္ခ်င္တာ အကုန္လုပ္ေနတာပဲ ငါတို႔တားလည္း မထူးဘူးမလား..."
" အဲ့ဒါထက္ အေဖတစ္ေယာက္အေနနဲ႔ သားကgay တာကို လက္ခံေပးႏိုင္ၿပီလားေမးတာေယာက္်ားတစ္ေယာက္နဲ႔ယူမယ္ဆို ဘယ္လိုသေဘာရလဲ... "
ရႈိင္းခက္ယံ အေဖမွာ နည္းနည္းစိတ္ညစ္သည့္ဟန္ျဖင့္ စဥ္းစားေနတာေၾကာင့္...
" ရွင္ေတာင္မွ ရွင္ခ်စ္တဲ့သူကိုပဲ ယူခ်င္တာမလား။ကြၽန္မလည္း ကြၽန္မ ခ်စ္တဲ့သူကိုပဲယူေတာ့မွာ...ယံယံကိုလည္း ခြင့္ျပဳေပးေစခ်င္တယ္။ ဘယ္သူနဲ႔ျဖစ္ျဖစ္ တကယ္ခ်စ္ၾကရင္ ရၿပီေလ... "
ဦးရႈိင္းထက္ယံမွာလည္း ျငင္းဆန္ျခင္း မျပဳေတာ့ေပ...။
" ဟုတ္ပါတယ္.... မတားေတာ့ပါဘူး။ တားလည္းမတားႏိုင္ပါဘူး။သူ႔သေဘာက်တာ လုပ္ပါေစေတာ့... မဟုတ္ရင္လည္း ဒီထက္ပိုဆိုးကုန္မယ္။
အရင္ကလို တစ္ျခားေကာင္ေလးေတြအမ်ားႀကီးနဲ႔ရႈပ္ေနတာထက္...သူခ်စ္တဲ့ တစ္ေယာက္ဆို တစ္ေယာက္က ပိုအဆင္ေျပတယ္"
ရႈိင္းခက္ယံ အေမလည္း စိတ္ေက်နပ္သြားၿပီး ထပ္ေျပာလာသည္။
"ၿပီးေတာ့ ကြၽန္မတို႔ရဲ႕ အမည္ခံ လင္မယားဆက္ဆံေရးကလည္းတရားဝင္ အဆုံးသတ္ဖို႔ အခ်ိန္တန္ေနၿပီ "
ထိုစကားေၾကာင့္ သူ႔မိခင္မွာ အလန္႔တၾကားၾကည့္လာရင္း
" ဒီအခ်ိန္ႀကီးမွထကြာရွင္းရင္ အကုန္မ်က္ႏွာပ်က္ကုန္မွာေပါ့"
" မဟုတ္ဘူး အခုဒီတိုင္းဆက္သြားေနမွ အကုန္ပိုဆိုးကုန္မွာ... ကြၽန္မ တို႔ႏွစ္ေယာက္လုံးမွာလည္း သက္ဆိုင္သူ အသီးသီး ရွိေနၾကတာပဲ။
တရားဝင္ေပ်ာ္ေပ်ာ္႐ႊင္႐ႊင္ေနခ်င္တယ္။အေမမတားပါနဲ႔ေတာ့...အခု ယံယံကိစၥကိုအရင္လုပ္ေပးရအုံးမယ္ "
"ဘာအစီအစဥ္ ရွိလို႔လဲ..."
" ဟိုဆရာဝန္ေလးကို သြားေတြ႕ၿပီး ေျပာစရာရွိတာေလးေတြ ေျပာရမွာေပါ့..."
" ဟိုက လက္ခံပါ့မလား... "
" အဲ့ဒါသူ႔ကိစၥ ကြၽန္မအေနနဲ႔ အေမတစ္ေယာက္အျဖစ္ ေျပာစရာရွိတာေတာ့ သြားေျပာရမယ္..."
*****
ရႈိင္းခက္ယံ သူ႔အခန္းထဲသို႔ေရာက္တာနဲ႔... ကုတင္ေပၚပစ္လွဲလိုက္ကာ မ်က္ႏွာၾကက္ကို စိုက္ၾကည့္ရင္း...ျဖစ္ပ်က္ခဲ့တဲ့ကိစၥေတြကို ျပန္စဥ္းစားမိသည္... ။
အခုအားလုံးၿပီးသြားသလို...သူနဲ႔ခန္႔ျငားရိပ္မွာလည္း ဘယ္လိုမွထပ္ၿပီး အတူတူေပ်ာ္ေပ်ာ္႐ႊင္႐ႊင္ ေနဖို႔အခြင့္မရွိေတာ့ေခ်...။
ယခုလို အဆုံးသတ္က သူ႔အတြက္အလြန္ပင္နာက်င္ရပါသည္။ၾကည္သာဟန္ ကလည္းခန္႔ျငားအား ထပ္မေႏွာင့္ယွက္တာေၾကာင့္ စိတ္ေအးရေသာ္လည္း စိတ္ေတာ့သိပ္မခ်ရဲ။
သူလည္းသူ႔ကတိအတိုင္း ခန္႔ျငားဆီသို႔သြားေတြ႕ခြင့္မရွိေတာ့။ စုတ္ျပတ္သတ္ေနသည့္ ဆက္ဆံေရးကို စဥ္းစားရင္း မ်က္ဝန္းအိမ္မွ မ်က္ရည္မ်ားစီးက်လာသည္။အသည္းမာလွသည္ဆိုသည့္ေကာင္ေတာင္ အခ်စ္စစ္နဲ႔ေတြ႕မွ ခဏခဏ မ်က္ရည္က်လို႔ေနသည္။
သူ႔အတြက္အခြင့္အေရးေသးေသးေလးပင္ မျမင္ေတာ့။သို႔ေပမဲ့လည္း သူေက်နပ္ရမည္။ေရွ႕ေလ်ာက္ ခန္႔ျငားရိပ္ ၏ဘဝမွာ ေကာင္းမြန္သည့္အရာမ်ားနဲ႔ ေပ်ာ္႐ႊင္သည့္ဘဝသာ ရရွိေနမည္ဆိုလွ်င္ေပါ့... ။
******
ေနာက္ရက္တြင္ ရႈိင္းခက္ယံ အေမက ခန္႔ျငားရိပ္ အားသြားေတြ႕သည္...။
" အန္တီ ကြၽန္ေတာ့္ကိုဘာမ်ားေျပာစရာရွိေနလို႔လဲဗ် ျမန္ျမန္ေျပာေပးပါ...ကြၽန္ေတာ့္ သမီးကိုသြားေခၚရေတာ့မွာမို႔လို႔ပါ။"
" အခ်ိန္ခဏေလာက္ေပးပါကြယ္..."
ခန္႔ငျားရိပ္ လည္းအားနာတက္သူပီပီ ျငင္းလို႔မေကာင္းတာေၾကာင့္ ရႈိင္းခက္ယံ အေမနဲ႔အတူ coffee ဆိုင္တစ္ဆိုင္ဝင္ထိုင္လိုက္သည္။
" ယံယံ နဲ႔ပတ္သတ္ၿပီး သားခံစားခဲ့ရတဲ့ အရာအားလုံး အတြက္ အန္တီေတာင္းပန္ပါတယ္"
" အဲ့စကားေတြ ေျပာဖို႔ဆိုမလိုပါဘူး။ကြၽန္ေတာ္ နဲ႔သူနဲ႔ၾကားမွာ ဘာဆိုဘာမွမရွိေတာ့ပါဘူး။အန္တီအေနနဲ႔လည္း ေတာင္းပန္စရာ မလိုပါဘူး။"
ရႈိင္းခက္ယံ အေမေခါင္းခါလိုက္ရင္း
" အန္တီကေတာ့ လိုအပ္တယ္ထင္တယ္။ ယံယံ ဆိုးသြမ္းရတဲ့ အဓိကအေၾကာင္းအရင္းမွာ အန္တီတို႔ မိဘေတြက အဓိကတရားခံပါ...။
အန္တီတို႔ ကိုယ္တိုင္ကိုယ္က ကိုယ့္အတြက္ကိုၾကည့္ၿပီး
ယံယံကိုဂ႐ုမစိုက္ပဲ ပစ္ထားသလိုျဖစ္ခဲ့တာ။ အဲ့ေတာ့ သူကလည္း သူလုပ္ခ်င္တာပဲ လုပ္တက္တဲ့သူမ်ိဳးျဖစ္သြားတယ္။ အန္တီတို႔ရဲ႕ဆိုဆုံးမမႈေတြ ဂ႐ုစိုက္မႈေတြမရွိခဲ့တာေၾကာင့္ေလ"
" ဒီအေၾကာင္းေတြကြၽန္ေတာ့္ ကိုလာေျပာရတာက ဘာေၾကာင့္လဲ "
ရႈိင္းခက္ယံ အေမမွာ ခုံေပၚတင္ထားသည့္ ခန္႔ျငားရိပ္၏ လက္တစ္ဖက္ကို ဖြဖြအုပ္ကိုင္ရင္းခ်ိဳသာစြာေတာင္းဆိုသည္။
" သားအေနနဲ႔ ယံယံအေပၚ ေနာက္တစ္ႀကိမ္ေလာက္မ်ား အခြင့္အေရးေပးႏိုင္မလားလို႔ပါ ။သူအရမ္းဆိုးတာ သားလည္းသိမွာပါ...။
ဒါေပမဲ့ သားနဲ႔အတူရွိေနရင္ေတာ့ လိမၼာသြားမွာ ေသခ်ာတယ္။ သူလည္းသားကိုအရမ္းခ်စ္တာပါ။
သူအရမ္းေနာင္တရေနၿပီ အရင္လိုမဟုတ္ေတာ့ဘူး။ သူ႔ရဲ႕ အခုပုံစံကိုၾကည့္ၿပီး အန္တီတို႔လည္း စိတ္မခ်မ္းသာဘူးကြယ္။ အန္တီတို႔ အေနနဲ႔လည္း သားနဲ႔သာဆိုရင္ သေဘာတူပါတယ္။သူ႔အဖြားလည္းမကန္႔ကြက္ေတာ့ပါဘူး"
ခန္႔ျငား သူ႔လက္ကိုျပန္ဆြဲယူလိုက္ကာ တည္ၿငိမ္စြာျပန္ေျပာသည္။
" ကြၽန္ေတာ္လည္း... အရမ္းစိတ္ပင္ပန္းခဲ့ရတာပါ။
သူ႔အလွည့္မွာ အန္တီတို႔ရွိေနလို႔ ေတာ္ေသးတာေပါ့။ ကြၽန္ေတာ့္တုန္းက ၅ႏွစ္လုံးလုံးဘယ္သူမွမရွိခဲ့ပါဘူး။ ကြၽန္ေတာ္လည္း သူ႔ကိုအရမ္းခ်စ္ခဲ့ပါတယ္။အခြင့္အေရးဆိုတာမ်ိဳးလည္း အႀကိမ္ႀကိမ္ေပးခဲ့ဖူးပါတယ္။
အခုေတာ့ ေနာက္တစ္ႀကိမ္ထပ္ခ်စ္ဖို႔ လုံးဝအဆင္မေျပလို႔ပါ။
ကြၽန္ေတာ့္ဘက္ကိုၾကည့္ၿပီး အန္တီလည္းနားလည္ေပးႏိုင္မယ္ထင္ပါတယ္။သူ႔အေပၚမွာလည္း စိတ္ဆိုးစိတ္ခုေနတာမ်ိဳးလည္းမရွိေတာ့ပါဘူး။
အားလုံးကိုေမ့ပစ္ၿပီး စိတ္သစ္လူသစ္နဲ႔ ေပ်ာ္႐ႊင္စရာေကာင္းမဲ့ ဘဝေလးမွာပဲ ေနခ်င္ေတာ့တယ္။အခုကြၽန္ေတာ့္နားမွာ ႏိုးႏိုးေလးလည္းရွိေနၿပီဆိုေတာ့ ဘာမွမလိုေတာ့ပါဘူး။
အန္တီတို႔လည္း ရႈိင္းခက္ယံ ကိုအရင္ကလိုမပစ္ထားပဲ ေမတၱာေတြနဲ႔ဂ႐ုစိုက္ေပးမယ္ဆိုရင္ သူျပန္အဆင္ေျပလာမွာပါ။
သူဘယ္ေလာက္ပဲ အန္တီတို႔ကိုမေတြ႕ခ်င္ဘူးေျပာေျပာ...သူ႔စိတ္ထဲမွာေတာ့ သူ႔မိဘေတြအၿမဲရွိေနတာပါ။ေျပာခ်င္တာက ဒါပဲဆိုရင္ ကြၽန္ေတာ္သြားေတာ့မယ္ "
ခန္႔ျငား ထိုစကားေတြကိုေျပာၿပီး စိတ္ထဲကေနေတာ့ သူ႔ကိုယ္သူအႀကိမ္ႀကိမ္ အားေပးေနသည္။
" ဟုတ္တယ္ ငါဆုံးျဖတ္တာ မွန္ပါတယ္ အခုကစၿပီး အားလုံးအဆင္ေျပေတာ့မွာပါ..."
ခန္႔ျငား ရႈိင္းခက္ယံကိုအရမ္းခ်စ္ေနေသးေသာ္လည္း ထပ္မပတ္သတ္ဖို႔သာ ဆုံးျဖတ္လိုက္ေတာ့သည္။ ႏွစ္ေယာက္လုံး တစ္ေနရာစီမွာ ေကာင္းေကာင္း မြန္မြန္ရွင္သန္ေနၾကမယ္ဟုသာ ဆုံးျဖတ္ရင္း ဆိုင္ျပင္သို႔ထြက္ခဲ့ေတာ့သည္။
*****
ရႈိင္းခက္ယံကလည္းသူ႔အေမ ခန္႔ျငားကိုသြားေတြ႕သည္ဟုၾကားေတာ့
ခန္႔ျငားကိုထပ္မရႈပ္ေတာ့ဖို႔ကတိေပးထားၿပီးၿပီမို႔ တားရန္ ကမန္းကတန္း လိုက္လာခဲ့သည္။
Coffee ဆိုင္ကထြက္လာသည့္ ခန္႔ျငားကိုေတြ႕ၿပီး
ေရွ႕ဆင့္ေနာက္ဆင့္ပဲ သူ႔အေမကိုပါေတြ႕တာေၾကာင့္သူလည္း ကားေပၚကဆင္းကာ ခန္႔ျငားဆီသြားလိုက္သည္...။
" ခန္႔ ေတာင္းပန္ပါတယ္... အေမ မင္းဆီလာေတြ႕တာ ငါအခ်ိန္မွီမသိလိုက္လို႔ပါ။သူေျပာတာေတြ စိတ္ထဲမထားပါနဲ႔ ေနာက္တစ္ခါ အဲ့လိုထပ္မျဖစ္ေအာင္ ငါေသခ်ာေျပာထားလိုက္ပါ့မယ္။"
ရႈိင္းခက္ယံ ေတာင္းပန္တိုးလွ်ိဳးစြာ ေျပာလိုက္သည္။
ခန္႔ျငား ရႈိင္းခက္ယံ မ်က္ႏွာကိုေတြ႕ေတာ့ ဝမ္းနည္းလာသည္။ၾကာၾကာဆက္မၾကည့္ႏိုင္...သူစိတ္ေပ်ာ့သြားလိမ့္မည္ဆို၍
" အင္း"ဟုျပန္ေျဖရင္းဆက္သြားလိုက္သည္။
တစ္ေယာက္ႏွလုံးသား တစ္ေယာက္အပိုင္သိမ္းကာ လမ္းခြဲႏႈတ္ဆက္လိုက္ေတာ့မည္။
ထိုအခ်ိန္ပဲ ရႈိင္းခက္ယံထံ ၾကည္သာဟန္ ဆီမွဖုန္းဝင္လာ၍
" ဘာလဲ " ရႈိင္းခက္ယံ ေဒါသသံျဖင့္ေမးလိုက္သည္။
" ခန္႔ျငား ဘယ္မွာလဲ သိလား။ျမန္ျမန္သူ႔ဆီသြားေပးပါ။ငါ့အေဖသူ႔ကိုသတ္ဖို႔လူငွားထားတယ္ "
ၾကည္သာဟန္ကစိုးရိမ္စြာ အေလာတႀကီးေျပာလာတာေၾကာင့္...
ရႈိင္းခက္ယံသူ႔ကို ေက်ာေပးကာသြားေနသည့္ ခန္႔ျငားကိုၾကည့္လိုက္မိသည္။တစ္ခ်ိန္ထဲမွာပဲ ကားတစ္စီးေပၚကေန ခန္႔ျငားကို လူတစ္ေယာက္က ေသနတ္ျဖင့္ ခ်ိန္ထားသည္ကိုပါ ေတြ႕လိုက္ရေလသည္။
Writer Chit Khoon Cho Thar or JuliiaJune
(2.2.2023)
ေနာက္၂ပိုင္းဆို ဇာတ္သိမ္းပါ...ဘယ္သူေသမလဲ မမွန္းေနၾကပါနဲ႔ေနာ္😷...ခြန္းကိုလည္းေမတၱာမပို႔ၾကနဲ႔အုံး ဇာတ္သိမ္းပိုင္းေလးကိုအရင္ေမွ်ာ္ၿပီးဖတ္ၾကည့္ပါအုံးရွင့္💙။
(The Chainsmoker.,Illenium-Takeaway)
ဆိုတဲ့ သီခ်င္းေလးနားေထာင္ဖို႔ recommend ေပးပါတယ္ရွင့္