نزل من سيارته واتجه بخطواته الى قصر الفهد ودلف الى داخله فـ وجد جميع العائله جالسون في قاعة القصر الرئيسيه وعندما وجدته زوجته دالفه الى القصر تحولت نظراتها الى الغضب ....
سار ناحيتهم وقبل ان يقترب من زوجته وجد اشقائها واقفون امامه ونظرات الغضب تحتل ملامحهم بأكملها فـ قال لهم بهدوء ...
_: ياريت تبعدو ، خليني اخدك مراتي
قال له فارس بغضب شديد ...
_: انت ليك عين تيجي هنا بعد ...
قاطعه والده قائلاً بنبرته القويه التي لم يفقدها بعد تلك السنوات ...
_: فارس ، اهدى
قال فارس وهو ينظر الى الذي امامه بغضب ...
_: بس ي بابا ...
قاطعه مره اخرى قائلاً وهو يقف من مقعده ...
_: انا قلت اهدى ي فارس ، وابعد انت وفراس من قدامو حالاً
ابتعدو الاثنان على مضض من امامه فـ اقترب منه اسر بخطواته الثابته وهو يضع يديه في جيوب بنطاله فـ وقف امامه قائلاً له بهدوء ...
_: عايز اي ي ابن امجد
قال له الاخر بهدوء وهو يُشير الى زوجته ...
_: زي م قلت قبل كدا ي عمي ، انا عايز مراتي
نظر له اسر بملامح هادئة قائلاً ببرود ...
_: وانت دلوقتي منتظر مني اني اخليك تاخدها مش كدا
نظر له الاخر وقد فهم نبرته الواضحه فـ قال له ...
_: انا عايز اتكلم مع ملاك واوضحلها الموضوع لأنها فهمتو غلط و ...
قاطعه اسر قائلاً بهدوء وهو يبتعد من امامه ...
_: خدها
نظرو له جميعهم بصدمه فـ قالت عشق له ...
_: اسر انت بتقول اي ، ازاي هتسمحلو ياخد ملاك بعد اللي سمعتو
قال اسر الى ابنته ملاك بهدوء ...
_: روحي مع جوزك ي ملاك
قالت له ابنته وهي تنظر اليه بعينيها الدامعه ...
_: بس ي بابا انا ...
نظر لها بهدوء قائلاً ...
_: مفيش بس ، روحي مع جوزك وافهمي الموضوع منو كويس تمام ، يلا
انهى حديثه مُشيراً لها بعينيه فـ نظرت له بتردد ولكنها تحركت من مكانها وسارت وهي ترمق زوجها بغضب وحقد واتجهت الى حديقة القصر وهو خلفها ....
اتجهت له عشق بخطوات غاضبه ووقفت امامه وقالت له وهي تجز على اسنانها بحده ...
_: اسر انت ازاي تخلي ملاك تروح معاه عادي كدا ولا كأنك سمعت اللي قَلِتو
قال وهو ينظر اليها بهدوء ...
_: لازم تفهم منو الاول قبل م يفوت الاوان ي عشق ، وانتي اكتر واحده عارفه الكلام دا كويس اوي
نظرت له بغضب وهي تستمع له فـ قال الى ابنائه بنبره بارده ...
_: وانتو ، اي قرار هتتخذو ملاك ، اياكم تناقشوها فيه تمام
انهى حديثه بتحذير شديد لهم فـ نظرو اليه بغضب ولكن لم يكن بيدهم شيء غير الطاعه فقط فـ قال فارس متحركاً من مكانه ...
_: انا خارج
اقترب فراس من والدته قائلاً وهو يتعمد اغاظت والده واغضابه ...
_: ماما حبيبتي انا خارج انا كمان محتاجه مني حاجه
نظرت له والدته قائله بحب وهي تبتسم له ...
_: لاء ي حبيبي مش محتاجه حاجه ، خد بالك من نفسك اهم حاجه
ابتسم لها فـ نظر الى والده بطرف عينيه بمكر فـ قام بتقبيل وجنتها ثم اسرع بخطواته وهو يضحك بقوه ويخرج من القصر على ملامح والده الغاضبه فـ ضحكت عشق بخفه عليه فـ اختفت تدريجياً وهي ترا اسر يرمقها بنظرات ناريه ....
ـــــــــــــــــــــــــــــــــــــــــــــــــــــــــــــــ
وفي حديقة القصر ...
توقفت هناك في حديقة القصر وضمت يدها امام صدرها قائله الى زوجها بهدوء محاولة التحكيم في دموعها ...
_: اتكلم
اقترب منها ووقف امامها فـ اشاحت بانظارها عنه فـ قال لها ...
_: انتي فهمتي الموضوع غلط ي ملاك صدقيني
نظرت له بغضب وقالت له بدموع وهي تبعد ذراعها عن بعضهم ...
_: موضوع اي اللي فهمتو غلط ي ياسين ، انا مش محتاجه اني افهم الموضوع لأن واضح انك خدعتني من قبل م نتجوز
نفى برأسه وقال لها وهو يضع كلتا يديه على وجنتها ...
_: ملاكي صدقيني انا عمري م خدعتك ابداً ، ومش ممكن اخدعك في يوم ، بس ...
قاطعته قائله له بدموع وهي تبعد يده عن وجنتها ...
_: بس اي ي ياسين ، انت بتخفي عني حاجه مش كدا
ضم شفتيه ببعضهم وهو يتنهد ثم قال لها بهدوء ...
_: ملاك انا هحكيلك كل حاجه بس في الوقت المناسب تمام ، ودلوقتي انتي لازم ترجعي معايا لـ بيتنا
نفت برأسها وقبل ان تتحدث قال هو ...
_: ملاكي ارجوكي على شان خاطري ، طب حتى على شان خاطر ابننا ، انتي عارفه انو انا مقدرش ابعد عنكم ، ملاكي ارجوكي
وضع يده على وجنتها متحسس اياها بحنان فـ نظرت اليه قليلاً ثم قالت له ...
_: ارجع معاك وانسى خداعك ليا ي ياسين
قال لها وهو يُقرب وجهه من خاصتها ...
_: صدقيني ي ملاك انا عمري م خدعتك في حياتي ، انتي عارفه انو انا بحبك ومقدرش ابعد عنك يبقا ازاي هخدعك ،...
صمت قليلاً ثم قال مره اخرى ...
_: هترجعي معايا ي ملاكي
قالت له وهي تنظر الى عيناه وقد وجدت بهما الصدق ...
_: انا عايزه افهم حكايه الموضوع دا ي ياسين
هز رأسه وقال لها ...
_: انا اسف ي ملاكي مش هقدر احكيلك دلوقتي ، لكن انا بوعدك اني هحكيلك كل حاجه بس في الوقت المناسب
تنهدت بعمق والتفتت برأسها ونظرت بجانبها ثم التفتت له مره اخرى ونظرت له وقالت ...
_: تمام ي ياسين هرجع معاك ، بس خليك عارف انو انا رجعت معاك بس على شان خاطر ابني مش اكتر
تحركت من مكانها وذهبت من امامه فـ ابتسم بخفه ثم قال وهو ينظر الى طيفها وهو يختفي من امامه تدريجياً ...
_: مش فارق انتي راجعه على شان خاطر مين ي ملاكي ، المهم انك هترجعي بيتنا
تنهد بعمق وهو يزفر الهواء من داخله بهدوء وبعض التوتر بسبب مُهمته التي تكاد ان تُدمِر حياته ....