✨شجن✨

البارت الخامس

البارت الخامس
في اليوم الثالث من أيام العيد

عند بيت ابو عبدالله الظهر  /
عند الحريم الي كانوا يصلحون الغداء 

عند ابو عبدالله في المجلس
ماودكم ياعيالي تزوجون عيالكم ونفرح فيهم ذالعطله البنات صاروا حريم والعيال كلهم متوظفين ومستقرين
ابو خالد : الا والله وودنا يايبه بس مدري عن العيال
ابو سليمان : والبنات والله ماندري عنهم بعد
ابو عبدالله : أنتوا صاحين تسألونهم
انتم اعرف بمصلحتهم
أبو خالد وأبو سليمان : أن شالله
أبو سليمان لأبو خالد بهمس : ياخوي اطلبك طلب وأتمه
ابو خالد : ابشر ياخوي اطلب
ابو سليمان : ياخوي مستحي منك اطلبه
ابو خالد: افا وانا اخوك مالنا الا بعض انا
ابوسليمان : ابي رعد لأميره ياخوي
ابو خالد : غالي والطلب رخيص
جاء الغداء وتغدوا
وكل واحد راح غرفته

غرفة
ام خالد وابو خالد /
ابو خالد : أبوي اليوم قال ميدنا ان ذالعطله نبي نفرح في عيالكم وش رايك يارفعه ناخذ أميره لرعد
ام خالد : وشهو انت ماتشوف رعد وحبه ل نوف المشكله انت ألي منبهني عليه
ابو خالد: أنا عارف بس وضع نوف الصحي ..
ام خالد :وش فيها مافيها الا العافيه
ابو خالد: بقولك يارفعه بصراحه انا مستحيل ازوج رعد نوف لو تنطبق السماء والأرض
اول شي بسبب وضعها الصحي وش ذنب ولدي يبتلي فيها إذا هو مايعرف مصلحته أنا اعرفها وهذا بس طيش وفتره ويهدا
ثاني شي اخوي ابو سليمان يقولي أن سعادة بنته أميره بدنيا وأن أميره وتبي رعد
وانا يبنت الناس  عطيته مابي اكسر اخوي
الي اول مره يطلبني عشان سعادة بنته
ام خالد: انت صاحي ياعبدالله لاتشبك الأمور في بعض أخوك على عيني وراسي بس كل شي له حدود وبنته بتلقى السعاده مع غير رعد ان شالله وثاني  وش طيشه انت ماتشوف رعد منهبل عليها أنا سكت في خالد وفارس وقلت أبوهم واعرف بمصلحتهم اما رعد اسمحلي راح اوقف معه
أبو خالد : قلتيها خالد وفارس شوفي حياتهم وشلون سعيدين ومرتاحين
أم خالد : يمكن خالد مرتاح في حياته
بس فارس الي كل يوم يشكي لي من زوجته
يأبو خالد البيوت أسرار
و كانك تحبني وتغليني
خل  الولد ياخذ الي يبيها ولاتجبره على شي
ورعد موب مثل خالد وفارس بيتنازل لك
انا علمتك يأبو خالد وانت كيفك وتراه ولدك
لاتضحي بسعادته لسعادة غيره
سكت ابو خالد واهو موب مقتنع في كلام ام خالد

أما في غرفة
ام سليمان وأبو سليمان
ابو سليمان كان يعلم ام سليمان وش يقول لهم ابوهم الضهر
ام سليمان : ها عسى قلت لاخوك ان بنتك لولده
ابو سليمان: اي قلته وانا والله موب راضي عن الي قلته بس عشان سعادة بنتي ويوم علمتيني من تبي ماهان على قلبي اكسرها
ام سليمان: زين والله يكتب لهم الي فيه الخير

أذن العصر
والكل راح يصلي
وخلصوا صلاه ورجعوا
عند ابو خالد رجع غرفته ونادى رعد وكانت امه في الغرفه
أبو خالد : رعد يابوك تبي رضاي
رعد : اي والله يا يبه وش يرضيك بس انت
أبو خالد : اليوم قال جدك لنا نبي نزوج العيال في العطله
رعد : يبه قبل لاتكمل انا بعد عندي طلب
ابو خالد : لاتميت طلبي ابشر بطلبك بتمه لك
بس طلبي يمكن ثقيل عليك
رعد :افاا مافي شي ثقيل علي وانا ابو عبدالله
ابو خالد : طلبي انك تاخذ بنت عمك أميره ونفرح فيك
رعد : يبه تتدري أنك بذا الطلب كنك تتطلب مني أنهي حياتي
ابو خالد :ماتبي رضاي انت
رعد :الا بس موب بكسر قلبي يايبه
وكنت جايك بطلب انك تزوجني نوف بنت خالتي

ابو خالد : تبي الزبده نوف مب لك ولا انت بتتزوجها ولو تنطبق السماء على الأرض تفهم
وغير ذالكلام ماعندي
رعد : انا بعد غير نوف ماني بماخذ لو اكرس عمري ماتزوجت ولاخذيت غيرها
ابو خالد : صفق رعد كف بأقوى ماعنده
وقال ماربيتكم وجبتكم عشان تكسرون كلمتي
ام خالد : مسكت وجه رعد وقالت لعبدالله وكسر ماقلت لك لاتجبره على شي
رعد : افاا تطقني عشان ذالسبب يايبه
و طلع رعد
ابو خالد : ماكان ناوي توصل لذالدرجه بس أستفزه رعد ولا قدر يتحكم بأعصابه

عند رعد ركب سيارته واهو يضرب راسه على الدركسون كانت ضايقه فيه الوسيعه
ركب معه عزيز : وقف يولد وش اتسوي
رعد :وش تبي ياعزوز انزل
عزيز : ماني بنازل وامش
رعد : انا بروح للموت تبي تروح معي
عزيز : الله يكفينا شرك امش يارعد
شوي الا ركب محمد وراهم
محمد وين بتروحون
رعد : للموت تخاوينا
محمد : يلا قدام
رعد : مانتم نازلين يعني
عزيز ومحمد : لا وحرك خن نروح نموت
رعد: والله اني تعبان انزلوا بتمشى شوي الحالي واجي
عزيز : نذر مانزل انت ماتعجبني افكارك اخاف تروح تسوي في نفسك شي
محمد : انا بعد حالف مانزل
رعد: طلبه انزلوا والله ماسوي شي في نفسي
محمد : ناظر في عزيز وغمز له بمعنى خن ننزل ونلحقه
نزلوا : محمد وعزيز
محمد : ياولد وش فيه
عزيز: هذي بداية انهياراته في الحب
محمد : اشوى ياولد ارتعت
عزيز : ها نلحقه
محمد : لادام الموضوع فيه حب موب ميت
عزيز : والله انت ماسمعت صفقت خالي له
محمد : وشهو اخوي عبدالله صفقه كف وش عشانه يصفقه
عزيز : والله علمي علمك سمعت صوت خالي مرتفع شوي الا صوت صفقه ولا ادري وش صار في الغرفه

عند ام رعد الي خايفه على رعد لا يروح يسوي في نفسه شي واهي تعرف رعد من النوع المتهور لا عصب و ساره كانت عندها وتهديها

عند البنات /
منال :سمعنا اليوم في البيت فيه خطبه
أميره:لاتقولين كذا استحي
فهده :الله يوفقكم ياقلبي
أميره :امين
هيا :ماكانت تتدري تبارك او تتجاهل

اما عند الجوهره /
كانت تنادي عزيز عشان يوديهم المطار  يودعون هيثم ويرجعون
راحوا وودعوا هيثم في المطار
و في طريق الرجعه
عزيز :يمه صاير شي الضهر اليوم
الجوهره: اي ابوي اليوم الله يهديها يبي يزوج العيال على قولته
اما اخواني
اخوي ^سعود ^(ابوسليمان )طلب رعد لأميره
واول مره يطلب حاجه كانوا جالسين جنمبي واسمع كلامهم
عزيز : وانا اقول ليش خالي صفق رعد
الجوهره :وش صفقه الله يصلح اخوي ماكان توصل ضرب
عزيز :عاد طلع رعد معصب مرهه
الجوهره: ياويلي عليه عاد عصبيته شينه

عند جوجو الي من يوم سمعت وش صار في البيت واهي متوتره ماتدري كيف تعلم نوف باللي صار

عند نوف الي رجعت من المستشفى
وكانت تنتظر جوجو تجيها وتعلمها وش صار عندهم وليش رعد طالع معصب لأنه كانت شايفته من الشباك لاحظت من تعابير وجهه انه معصب 
لأنها ماكنت تشوف الا الشارع الي بينهم
دقت على جوجو /
نوف : الو جوجو وينك
جوجو :هلا موجودة ياقلبي
نوف :اذا فاضيه تعالي لي مصلحه لنا قهوه من صبح انتظرك ولاجيتي
جوجو : يلا شوي واجيك
نوف :تمام

على طلعت جوجو من باب الشارع بتروح لنوف
وصلوا عزيز وعمتها الجوهره
صارت عمتها ترحب فيها ها وين على الله
جوجو :والله لنوف
عمتها :لاتتأخرين ترانا نشتاق وهي قاعده تضحك
وعزيز ووصل جوجو بيت نوف
عزيز :ابشري يمه
مشت جوجو هي وياه جوجو كانت ساكته
عزيز :وش اخبارك الجوهره
جوجو : والله الحمدالله وش اخبارك انت
عزيز :حمدالله بس لهالحين تعورني ضمتك
جوجو :الله ياخذك اسكتت لحد يسمعك ويحسب اني منحرفه
عزيز :وهو يضحك ووصلنا ادخلي ادخلي
قعدة واقفه تطق الباب ومانفتح
عزيز :اخاف موب موجودة
جوجو :الا موجود وروح لا اكرهك زياده
عزيز :والله ماروح لين تتدخلين
جوجو :تكفى عزيز بطلبك طلب
عزيز :لاتقولين تكفى يبنت الناس
جوجو : لعد تذكرني بالسالفة مره ثانيه
عزيز : بس غالي والطلب رخيص وكنت استهبل معك والله وانتي ماقصرتي انا عارف نيتك بس قلت بطقطق عليك شوي
جوجو :الله يسامحك من امس وانا يدي على قلبي لايدري رعد والله كان يذبحني 
عزيز : يخسى يلمسك وانا حي
عند نوف كانت قاصده ماتفتح الباب لانها سمعت اصواتهم ويوم جاء طاري رعد فتحت الباب علطول جوجو : التفت على عزيز مشكور
عزيز : لاشكر على واجب وراح عزيز للبيت

جوجو ونوف /
جوجو : وينك ياحيوانه مافتحتي
نوف : قلت اخليكم تسولفون شوي
جوجو : واخيراً صرتي تعجبيني وتفكيرك مقارب  لتفكيري
نوف : ههههههههههههههههه ادخلي ادخلي
دخلوا المجلس وصاروا يسولفون
نوف : اشوف رعد طالع معصب وش فيه
جوجو : قولي والله مازعل
نوف : قولي لاتوتريني
جوجو : تخيلي ابوي العصر ...............................
نوف : حسبي الله على الي كان السبب تتوقعين ابوك رافضني عشان مرضي
جوجو : لا ابداً نوف تستهبلين ابوي ابداً مايفكر في ذالأمور هذي بس عشان عمي اول مره يطلبه
ومايبي يرده
نوف : الله يقلع اميره مالقت تحب الا رعد
جوجو : تكفين كل البلا من تحت راسها
نوف: حسبي الله عليها الحين رعد طلع معصب 
جوجو :في شي يهديه بس احتاج موافقه
نوف :قولي
جوجو : انك تكلمينه وتقولين انك
منتظرته لأخر العمر
نوف : ماقدر ياجوجو انتي تعرفيني مره استحي منه
جوجو : طيب كيف وش الطريقه
نوف : اكتب له رساله
جوجو : يليل انتم تحسون نفسك في عصر الجاهليه
نوف : تكفين لاتطقطقين علينا  
جوجو :ترسلين له فويس
نوف : وش اقول طيب
جوجو :الي انتي اتقولينه لي دايم
نوف : احس رساله أفضل
جوجو :الي تبين من جوالك ولا من جوالي
نوف :لا اكيد من جوالك
جوجو : يلا امسكي اكتبي

✨رسالة نوف لرعد ✨

ابيك دنيا اعيشها طول الأزمان
‏و ابيك شوقَ كثر ما ابيه يبينيِ

‏ابيك حبَ ما شعر فيه إنسان
‏وابيك عشقً بين قلبي وعيني

رعد لاتزعل يانظر عيني
ولاتخاف بنتظرك طول عمري

نوف 😔💔

نوف : ارسلها
جوجو : أي
نوف :طيب في قلبي كلام من امس ودي اقوله له
جوجو : أكتبيه طيب
نوف : اخاف ماتوصله مشاعري
جوجو :طيب والله اقولك مكالمه
نوف : عادي اصيح
جوجو : ها اخلصي
نوف : وشرايك اقول ميده يجي ورى بيتنا واكلمه
جوجو : حلو اي ارسلي له في الرساله
نوف :اخاف اسكت لاجاء واتوهق ياجوجو استحي منه
جوجو : يارب الهمني صبر
نوف :خلاص خلاص برسله ذالرساله بس
جوجو : تبين اجهز لكم لقاء
نوف : لا لا خلاص انا بحترم نفسي
جوجو : هههههههههههههههههههه يلا ارسلها
نوف : خن نشوف اهو متصل ولا لا
جوجو :لا ياعمري اخوي اخر ضهور له امس
نوف : جوجو اخاف مايشوف الرساله
جوجو: عاد رعد نادر يشوف الرسايل
نوف :خلاص لاترسلينها بعطيك ورقه توصلينها
له اضمن انه بيشوفها
جوجو : تمام روحي اكتبيها
و امشي نروح للبنات هيناك
نوف : يلا بكتبها والبس ونروح

تكملة /
عند البنات /
سالفتهم الوحيده
رعد وأميره
دخلوا جوجو ونوف عليهم وصاروا يسلمون على بعض جلسوا كلهم
أميره : نوف باركي لي
نوف بأستغبى : لأيش
أميره : ل خطبتي انا ورعد
نوف : ها الف مبروك يأميره
جوجو : هذي وين عايشه بالله متى خطبوا
نوف : خليها وش علينا منها
جوجو : بتجلطني اتقول خطبه وهم بس كلام

عند ابو عبدالله /
ها متى تبون الملكه
ابو خالد : بعد اسبوعين ان شالله
ابو سليمان : وين رعد ناخذ منه متى يبي يملك
ابو خالد : معليك رايي انا ورعد واحد
ابو سليمان الي اتشوفه
محمد : راح دق على رعد
رعد مايرد صار ^يحاتي^  بمعنى يقلق
يخاف صاير له شي
محمد جلس جنمب عزيز /
محمد : عزيز رعد مايرد دقيت عليه خمس مكالمات ولارد
عزيز : بسم الله وين راح يعني
محمد : نطلع ندوره من العصر ماشفته والحين الساعه ٩
عزيز : طيب لانطلع بدون مانعطي احد خبر
محمد : طيب بروح اقول ل خالد
عزيز : يلا
راح محمد ل خالد
محمد : خالد شفت رعد من العصر ماشفته وادق عليه ومايرد
خالد : لا والله ماشفته
محمد :طيب ترى بنطلع انا وعزيز اندور لاتخلي ابوي يلاحظ ويفقدنا
خالد :طيب طمني اول بأول
محمد :ابشر

طلعوا عزيز ومحمد /
محمد :وين تتوقع راح
عزيز :أنشوف العزبه
محمد :يلا
راحوا بس مالقوه
عزيز :وين راح يعني
محمد :مدري تكفى فكر بديت اذل عليه
عزيز : أركب اذا مالقيناه في المكان الي بنروح له ف  أكيد صار له شي
محمد : يلا يلا
عزيز ومحمد راحو لجبل كان يطل على بيوت الديره ولقوا رعد جالس وسرحان ويفكر
عزيز : وينك ياكلب متنا من الخوف عليك
محمد جاه يركض يمسك شعره
ورعد الي التفت بغى يطيح الا محمد يمسك شعره ويسحبه
وعزيز ميت ضحك عليهم
قعدوا حوله وصاروا يسولفون يغيرون جو رعد الي كان مكتئب
محمد :وينك ادق عليك ماترد
رعد : والله مانتبهت ل جوالي

محمد : ليش محد علمني عن ذالمكان ياكلاب انا صارلي قرون عايش في الديره ولا دريت عنه
عزيز ورعد : هههههههههههههههه هذا البلا
محمد : بصارحكم في شي
عزيز : وش
رعد : قول
محمد : انا أحس اني احب ومحتار اذا هو حب أو اعجاب بس 
رعد وعزيز فزوا وجلسوا  قريب منه 
وقالوا :من سعيدة الحظ
محمد : وحده معي في البنك وتميم يدري
ودايم يقولي تبيها اخطبها وفك عمرك من الشقى
رعد: طيب وش المشكله روح اخطبها
عزيز : لاتقولي انها اجنبيه
محمد :لا وش اتقول انت بس اخاف ترفضني
رعد :ليه بترفض
محمد : شوفوا هي والله البنت محترمه مره وبنقابها وبحشمتها ولا مره ارفعت صوتها ولاحتى تختلط بس هي في قسم النساء وبعض الأحيان اتجيب لنا اوراق وانا مره محتار فيها
رعد :لا ان شاء الله مب رافضتك بس أنت شوف مشاعرك
تكملة /
عزيز :شوف ياخال بسألك كم سؤال اذا جاوبتهم
بعلمك انت اي طريق
محمد : أسال
رعد: أسئله عزوز الي يسألني اياه كل يوم
عزيز : اسكتت وندمت انك كذبتني
رعد : أي والله اسمع له يامحمد
محمد وش الأسئله ياعزيز
عزيز  /
أول سؤال
لاشافتها يدق قلبك بسرعه ؟
محمد : أي حتى ماقدر اغض البصر عنها

طيب أذا جات تبي تكلمك وش يصير فيك ؟
محمد والله انه ارتبك واتوتر وودي يطول الكلام معها

طيب اذا ماجات الدوام تخاف عليها ؟
تكفى اسكت اخر مره يضحكون علي
الحريم من كثر ماسألهم عنها

والله ياخال حالتك جداً صعبه
انت وصلت اخر مراحل الحب والي هو العشق
أسال الله لك الجبر منه

رعد :الي يصير لك ياعم صارلي مع نوف
محمد : طيب ياعزيز كيف نقدر نوقف من ذالشعور انا ورعد مادامك فاهم في الحب

عزيز ورعد /
ماتووو من الضحكك
رعد : لو في حل مالقيتوني هنا اشكي همومي لكم
عزيز: وهو ميت ضحك الله يسعدك ياخال مافي حل غير انك تتزوجها وتعيش معها احلى حياه

محمد : الله ياخذكم وافتكم منكم وانا جاي اشكي لكم عشان تعطوني حل اخر شي كذا حلولكم
الخبل الي يجلس مع بزران
فجاءه دق تميم على محمد /
تميم :الو وينك فيه 
محمد : جابك الله انا  وعزيز ورعد في الجبل
تميم : أي جبل هههههههههههه
محمد : لاقدك قريب من العزبه دق علي اوصف لك
تميم : جويعين
محمد : اي والله
تميم :ابشروا بجيب لكم بخاري واجي
محمد : يلا ويلوموني فيك
تميم : هههههههههههههه يلا يلا
سكر تميم
رعد : اربه بيجي نبي نقعد هنا
لين يرقدون الي في البيت
محمد : اي اي
عزيز : اربه بيجيب لنا اكل
محمد : اي ياقلق انت وياه

محمد :رعد بقولك شي بس لاتزعل
عزيز : صار يغمز ل محمد
رعد : قول وانت ياكلب تغمز
محمد : ابوك حدد الملكه
رعد : ومتى ان شالله
محمد : بعد أسبوعين
رعد : اصلاً انا نهاية الأسبوع هذا بتخلص اجازتي وبروح لرياض وماني براجع الا للخير ان شالله
وخل ابوي يمشي كلمته على نفسه
عزيز : لا يارعد هذا ابوك مايصير وانا اخوك
غيرك يتمنى الأبو والسند له
وأنت اصبر وحاول بالهداوه العناد موب نافعك تروح وتترك كل شي بدون ماتقول شي هذا اكبر غلط بتسويه في حق نفسك وحق البنت وش ذنبها
واترك اليومين هذي لاتقول شي لين يهدا الوضع بعد يومين تعال لأبوك بهدوء وتفاهم انت وياه بس لاتروح الرياض وتترك ابوك كذا بيعاند زياده ومارح تاخذ الي تبيه انت عطه التنازل من طرفك يمكن يرحمك ويتعاطف معك
رعد : وش اتقول يامحمد
محمد : مثل راي عزوز وانت تعرف ابوك لو تعاند بيوقف في وجهك ف أنت لاتصير مثل أخوانك وتعانده
رعد : والله انكم طرحتوا الثقل الي كان على كتوفي
انا ودي اصارح البنت بمشاعري ل نوف يمكن هي ترفض
واقبل انا قدام ابوي وهي من الطرف الثاني ترفض وانا اطلع منها

عزيز : لا يارعد لاتسويها
رعد :ليه
عزيز : امي اليوم تعلمني
أن اميره تحبك وتبيك ولو ماتحبك ماطلب خالي سعود من خالي عبدالله يزوجوك أميره

رعد :انت صادق ياعزوز  اذكرها تكرهني من وين نزل انها تحبني فجاءه
عزيز :جاك العلم يا رعد لاتوهق بس وتقبل خلك رايك واحد واهو الرفض
رعد : اي ان شالله عقب كلامك
ليتني راقد انا وخططي الفاشله بس
محمد : خلاص غيروا السالفه بيجي تميم الحين
شوي الا جاء تميم ومعه العشاء
سلموا عليه العيال وقعدوا وتعشوا وتسدحوا
تميم : أي وش عندكم في ذالجبل
رعد :والله كلنا منكسرين عاطفياً ولقينا بعض هنا
تميم : زين تعالوا اقربوا ابي اخذ رايكم في شي خاص مره صارلي ثلاث شهور وانا ضايع مدري وش مشاعري
جلسوا كلهم حوله
واول مره تميم يسولف عن حياته الخاصه
لأنه فعلياً ضاع ولا يدري وش يسوي
تميم :عيال بقولكم سالفه بس لاتفهموني غلط انا ناويها بالحلال ان شالله
رعد محمد عزيز : اسلم
تميم : صار عزيمه في بيتنا وامي عزمت الكل
جيت ادخل العشاء للمجلس ويوم طلعت للمغاسل
وصدمت في وحده حسيت انها شلعت قلبي من مكانه
رحت اسأل اختي وعلمتني من هي
محمد :طيب وش انت ضايع فيه ياحظي دامك عارف البنت وشلعت قلبك
تميم : اخاف انها ماتبيني وانا من ثلاث شهور وانا حتى الصدفه ماصادفتها
رعد : طيب اكتب لها مكتوب وخل نوف توصله لها يمكن انها تبيك بعد
تميم : تقوله يارعد
صارلي ثلاث شهو وانا ضايع من يوم شفتها وانا افكر فيها لهالحين
عزيز : خلاص سوو الي قاله لك رعد وانت مقصدك شريف ياتميم
تميم :خلاص ان شالله بحاول اكتب لها ذاليومين
العيال :يلا يارب نلقى احد فينا يفوز بالحب
تميم : ليه من الي خسر
بدوا العيال يسولفون ويعلمونه
وش صار معهم.............

تكملة /
عند البنات /
هيا وفهده ومنال كانوا قاعدين يتكلمون عن أمور الزواج
هيا :والله انا يبنات ماصدقت تخلص ليلة الدخله بسلام
فهده :لاتذكريني يبنت اخس ليله مرت في حياتي
منال:ان اشهد أنها اخس ليله مرت على كل متزوجه
هيا :موب اخس من الوالده تكفون
ساره بأستغراب : ليه وش فيها
نوف :يبنات لاتخوفونا
جوجو :يليل ي السوالف المتزوجات غيروها بالله لاتجينا عقده قبل نتزوج
أميره : لالا فيه من بيتزوج قريب تكلموا
هيا :بدت تسولف لهم عن الزواج ومتطلباته
فهده : مانصحكم تتزوجون وش لكم بالنكد
منال: والله شوفوا الزواج فيه جانب سلبي وجانب أيجابي
السلبي :
يمكن ما يتوافق فكرك وفكر زوجك مع بعض
ويمكن حياتكم ومجتمعكم يختلف عن بعض 
يمكن تاخذين واحد عديم شعور او أحساس
يمكن يكون راعي بنات
يمكن ماخذك عشان شي واحد وكلنا نعرفه

الأيجابي :
انه يكون رجل يخاف الله فيك
رجل حنون ويهتم فيك واهم ماعنده راحتك
رجل صدق يبي يشارك حياته معك يبي يعيش معك
يبي يكمل باقي حياته معك

والزواج ي بنات  موب بس عقد نكاح وأطفال لا
الزواج يبي : حب ، عطاء ، تنازل، صبر، هدوء، تحمل، اهتمام، عطف، تشارك ،
الزواج له متطلبات كثير لاتاخذكم يبنات لحظة حب وتنسون اشياء كثيرا انتبهوا الحياه الزوجيه موب كلها حب فيها نزاعات والأمر يبي تحمل وصبر
والرجال موب على كيفك دايم فأنتي ركزي وأنتبهي لزوجك وبيتك

هيا : والله كلام منال في محله
فهده : والله الرجال يبغى له بال طويل وصبر
ساره : الله يجبر بقلوبكم يبنات حمدالله على حياة السناقل
نوف : بس والله البنات وش يبون غير الأهتمام والحب
جوجو :عز الله انك صادقه
أميره : اكثر ثنتين يحبون ومحد حولهم نوف وجوجو هههههههههههههههه
نوف: اي مخلين لك الساحات افرحي فيها شوي
جوجو : انشهد

في الغرفة
عند ابو خالد وأم خالد /
ابو خالد : تتوقعين رعد زعل من صفقتي له
ام خالد : والله ياعبدالله حركتك مالها داعي
ولدك طولك وتصفقه
ابو خالد :لحظة غضب ماقدرت اسمع كلامه واسكت له
ام خالد : انا معلمتك من اول رعد مستحيل يتنازل فأنت اقطع السالفه دامه ماصار شي
انا اعرف رعد غير عن باقي عيالي
ابو خالد : الملكه حددتها مع ابوي بعد اسبوعين
ام خالد: وشهو ياعبدالله انت في عقلك
ابو خالد : وش اسوي يارفعه عطيت اخوي كلمه
ام خالد: طيب انت الحين لو ماجاء رعد للملكه توقع وش ردة فعل اخوك وبنته والله بتطيح من عينهم لأنك قلت شي منت بقده ي عبدالله 
اسمع بكرا اعتذر من اخوك وقول مافي نصيب
ابو خالد :لا بحاول في رعد ذالأسبوع واهدده
بكم حاجه يمكن ينفع
ام خالد :أنت الي بتضيع ولدنا وتصرفاتك وش تهدده بأي قرن عايشين احنا الشي يجي بالتفاهم واخوك ابو سليمان راح يقدر وضعك
وماراح يقول حاجه لأن الأمر موب في يدك
ابو خالد : خلاص يارفعه انا قررت ي أنا يا رعد
أم خالد : اسمع عاد جيتك بالكلام الزين ماثمر فيك
اذا صار لولدي شي والله شوفني قاعده احلف انك بتفقدني سمعت
وبتبيع روح وقلب ولدك عشان الغير يرتاح
ابو خالد :تعوذي من ابليس يارفعه نامي الحين بكرا نتفاهم
أبو خالد كان منصدم من ردت فعل ام خالد عليه ماتعود انها تكلمه بهالطريقه كان يحبها حب جنوني وعشان ام خالد تعرف نقطة ضعفه
قاعده تستغل الغلا والحب

عند العيال/
الساعه ٢ اليل
تميم : ياعيال ماودكم نرجع انا ذبحني النوم
محمد : أي والله حتى انا
رعد وعزيز : يلايلا
ركبوا السيارات ومشوا
محمد راح بسيارته علطول البيت
وتميم بعد
عزيز الي ركب مع رعد /
رعد :وشرايك انجيب للبنات مفرحات
عزيز : تبي وش انت بضبط
رعد : ابي لقاء
عزيز : قول كذا من البدايه
طيب دق على اختك شووفهم نايمين ولا لا
رعد : طيب يلا
وتراني كاشفك يسلوقي العب على غيري
عزيز : وش فيك
رعد: انا عارف من ماخذه قلبك وساكت
عزيز :هههههههههههههههه من ياترى
رعد : الي بتسمع صوتها الحين
جوجو : الو رعد وش تبي
رعد : والله ابد عزوز قال دق على جوجو وسألهم اذا نايمين عزوز الي يطق رعد مايبيه يقول كذا ورعد ميت ضحك على جوجو الي اتقول اي اي صاحين عزوز وش بغيت
عزوز الي استحى واحمر وجهه
رعد :تراه الحين مستحي
عزوز الي نزل من السياره وقعد يلعن رعد
رعد : نوف معكم عشان اشوف اجيب ولا ماجيب
جوجو : جيب جيب معنا معنا
رعد :طيب يلا مع السلامه
تعال تعال يالخفيف
عزيز : اسكت لا ادفنك هنا ياكلب وانا مسوي غامض قدامك وكاتم مشاعري عشانك ياحمار
رعد : انت مغمض موب غامض الله يسلمك حبك مفضوح علناً الكل يدري من حركاتك تراني مخليك ذاك اليوم على راحتك يوم غصيت وانقذتك جوجو قمت وراك دريت انك غاص شوف الوفاء وين وصلني ماقدرت ابعد شرفي الي هي اختي عنك
عزيز : يابعد راسي والله كبرت في عيني جيب راسك احبه الله لايخليني منك يارعد ولامن زوجتي
رعد : أي خلك مضبوط واسعى في حبي انا ونوف واسعى معك
عزيز : ابد عندي بعد لك خطه لقاء لي ولك
اكيد ذالثنتين في المطبخ الحين وشرايك انجيب فار واندخله في المطبخ وندخل عليهم عساس ننقذهم
رعد: ماكأني عطيتك وجه
عزيز : سم سم أبشر اسف ماكان قصدي
رعد: ماسك الضحكه وهو يشوف عزيز صاد منه ويتأسف كنه مسوي جريمه
تكمله /
رعد: مهيب شينه بس انت ماتتدخل معي
عزيز: موب عشاني بس انت ماتحب الفيران
بدخل عشان الفار ولا موب قصد شي استغفر الله
رعد: طيب ياحمار وين نلقى لنا فار في ذاليل
عزيز : محل الحيوانات تتوقع مسكر
رعد : مدري خن نشوفه
ووصلوا ولقوه مسكر
خن نطق على العامل غرفته
رعد يلا طق وصاروا يطقون على العامل فتح لهم
العامل : ها وش تبي انا نوم
رعد : نبي فار
العامل:  مجنون انت اجي ٢ بليل ابي فار
عزيز: بعطيك ميه ريال ابي فار
العامل : مافي فار فيه حيه ابي
رعد طالع في عزيز لا يارجل
عزيز :لالا في شي غير الحيه افتح المحل بنشوفه
فتح لهم العامل المحل :
قعدوا يشوفون مافيه الا حيه
قعدوا يناظرون بعض
عزيز : اخاف تقرصهم يا رعد
رعد : والله العظيم ماتسوى نبي لقاء
العامل : شوف هينا موجود أرنب تبي
رعد وعزيز : ههههههههههههههههه الي ماجاء لقاء اليوم
العامل: أنت اي يبغى
رعد : نبغى شي خوف منه بنت
العامل : انا مجنون افتح لكم محل انت نفر خربان أطلع اطلع
رعد : وقف وقف ياعزيز ابي لقاء
عزيز : طيب هذي حيه موجود سم
العامل وهو يكذب لا هذي مافي سم شيل ميه ريال
عزيز : والله اني خايف انه يكذب علينا يارعد
رعد : بنكون عند الباب ونذبحها علطول
عزيز : وش رايك نهون انا خايف عليهم
رعد : خلاص مارح ناخذها يلا نطلع
عزيز : جبها الله يلعنها من الساعه لو تقرصني انا بس ماشوفك كذا
خذوا الحيه وهم خايفين كلهم ولاصدقوا العامل
عزيز : استودعتهم الله يالله انها تجي فيني ولا فيهم
رعد : تكفى اسكت لاتوترني
عزيز :دق عليهم وقول لهم يروحون المطبخ يسوون القهوه جايبين لهم شوكلاتات
رعد : طيب يلا
دق رعد على جوجو صلحي القهوه ترى جايبين لكم شوكلاتات
جوجو يلا نوف
سمعها وتقفل الخط
رعد : عزوز انا متردد خايف عليهم
عزيز : حتنى بس عشان عيونك
رعد : مالنا غير ذالحيه نقدر انشوفهم
عزيز: انا  اصلاً مانقابلهم الا اذا فيه مشكله
رعد : خن نروح اندور فار
عزيز :وين بنلقى لك فار  في ذاليل
رعد : قعد يفكر وصرخ جربوع روح البر  ياعزيز بسرعه ذالحيه مارتحت لها
عزيز :كفوو عليك
رعد : كفوك الطيب
راحو البر بسرعه وحذفوا الحيه
ولقوا جربوع ويالله مسكوه
ورجعوا مسرعين

بس رجعوا ومالقوا احد في المطبخ
لأنهم تأخروا

رعد : يليل وش ذالحظ
عزيز : هههههههههههههههه صامل تبي لقاء
رعد : ايه
عزيز : طيب خن ندخله في مجلس البنات ونضحك عليهم واكيد بيطلعون كلهم من المجلس
وانت عاد ناظر معشوقة القلب والعين
رعد: جبتها ونضحك على إشكالهم بعد ههههههههههههههههههههههههه
عزيز :يلا تعال

عند البنات :
جالسين يسولفون عن الجن أذا عشق أنس
نوف : يمه بس احس انهم مخلصين لحبهم
جوجو : اسكتوا تكفون
أميره : يمه يبنات
منال : هههههههههههههه يبنات لاتخافون لو عارفين ماتكلمنا عندكم
هيا: أي والله حسيت بذنب
فهده : لا يبنات كلها خرافات
شوي الا جوجو تصيح : شفتوا وش دخل يمهه وراحت الزاويه
نوف : يمه يمه وش وش وشفتي ياجوجو
أميره : صارت تصارخ وتبكي يمههههه جني جني
منال: بنات اذكروا الله وش فيه ماشفت شي
هيا : منال شوفي يمين يمهه خذت بنتها وصارت تصيح
فهده : هذا وش يبنات يمه يخوف مستحيل هذا فار

عزيز : يلا ندخل
رعد : يلا
دخلوا عزيز ورعد بقوه عليهم  وبصوت عالي
وش فيكم
البنات بدوا يصيحون شوفوا تحت تحت دخل علينا جني
رعد : وش وين الجني
أميره : شوفه عندك
رعد: رفع عينه الا نوف صاده بوجها عند الجدار ومغمضه وجوجو جنمبها
نوف : جوجو وش دخلهم علينا ذولا
جوجو: والله اني مدري صديت معك مافي وجهي شي 
نوف :جوجو احس شي بين رجولي
جوجو : نزلت عيونها يمههه عند رجليك يانوف
البنات : يمه نوفف لاتقربين منا
نوف :  ماتت من الخوف ونطت الا هي ورى ضهر رعد يمه شيله شيله واهي تصيح
البنات ورعد ماتوا ضحك عليها
ونوف : منهاره من الصياح
نط الجربوع الا انه عند جوجو
جوجو الي صرخت صرخه من الخوف وصارت تبي تبعده واهي تبكي
عزيز الي التفت شاف جوجو
واهو منهار ضحك عليها رعد افزع لاختك ياكلب
رعد : خلها شوي تتأدب واهو ميتت ضحك
مافزع لها الا نوف نطت وشالته في يدها وهي مغمضه وتبكي اخذوه اخذوه من يدي
جوجو: فكيه يانوف شكله يخوف نوف ماتبي تبي تشوف شكله وتبكي
رعد وعزيز والبنات : ميتين ضحك على نوف وجوجو
نوف : صارت تبكي من قلب
رعد : انتبه انها تبكي صدق وجاء عندها
نوف فكيه باخذه
نوف : اخذه من يدي واهي ميته من الصيح
رعد : طيب فكيه باخذها انا بس فكيه
نوف: ماقدر يدي ماحس فيها وهي ميته من الصيح
رعد سحب يدها بسرعه وحاول يفكه بس ماقدر
عزيز تعال فكه منها
عزيز ماقدر وانا اخوك جات جوجو تبي تفك يد نوف ماتنفك
مات رعددد من الضحك معد قدر يوقف صار يضحك اهو وعزيز لا إرادي من كثر خوف نوف ماكانت قادره تفك الجربوع
نوف : جوجو اخذيه
جوجو : باخذه بس فكيه
رعد: مسك يدها بعد لثلاثه فكيه وانا باخذه
نوف: وهي تبكي لا لا انقلع عني بس انت
نوف صارت تحاول في يدها ويالله فكته يوم فكته وهي اتبعد رعد عنها كانت منقهره منه
والجربوع راح للبنات وصاروا يصارخون بأقوى ماعندهم

قام البيت كله على صراخهم
ابو عبدالله وام عبدالله
ابو خالد وام خالد
الجوهره
وابو سليمان وام سليمان
العيال
نايف
وخالد وسليمان
وفارس

ابو عبدالله : وجع وش ذا  الصراخ
رعد : وهو يضحك الحقوا على حريمكم الجربوع بياكلهم
خالد : وش وين جانا الجربوع
عزيز ورعد ميتين ضحك ويناظرون بعض
ابو عبدالله:اي الكلب انت وياه امشوا قدامي
أادبكم
العيال ركضوا لحريمهم
ومسكوا الجربوع
عند المغسله جوجو ونوف الي يغسلون يديهم و وجيهم
جوجو :نوف وش في يدك
نوف :من الجربوع الله ياخذه
جوجو :امشي احط لك مرهم الله لايوفق الجربوع كذا يسوي
نوف : ههههههههههه مسكته عشانك مادريت انه كذا
جوجو : نوف لاتعذبين ضميري الحين تعالي امسكي يدك لاتنزف زياده

وعزيز كان منتبه لهم

عند أبو عبدالله
كان مايدري وش يعاقبهم فيه
لأنهم تمادوا ويبي يأدبهم
أبو عبدالله:خالد خالد
خالد :لبيه
روح ب ذالكلاب للعزبه وتعال وخلهم يخيسون فيها
ولو ادري انك ماخذهم مكان ثاني ماتلوم الا نفسك
انا واثق فيك لأنك اكبرهم واعقلهم
خالد: ابشر ولا يهمك غالي والطلب رخيص
عزيز ورعد :
عزيز بهمس لرعد  : يقلد صوت رعد أبي لقاء اخلا منك انت وحبك الفاشل
رعد وهو ميت ضحك ماقدر يمسك ضحكته
ابو عبدالله:كنه معجبك ال روحه للعزبه خالد لاتوديهم للعزبه احذفهم في البر وتعال
ابو خالد :لايبه بيهلكون هناك
الجوهره :لاوالله اسمحلي يبه 
رعد : يتخيل شكل نوف وكل شوي يضحك زياده
عزيز :الله يقلعك اليوم يوم موتنا وانت تضحك
رعد: تكفى خلني اضحك اخر شي بيوقفنا على الجدار جدي واعرفه بس
عزيز : شوف نظرته والله انه مايمزح

ابو عبدالله: خلاص عشان عيالي بس ولأنتم اكلاب ماتستاهلون الرحمه وقفوا عند الجدار لين يأذن الظهر

عزيز : ابشر
ابوعبدالله: شكل الي جنمبك فقد الأحساس
عزيز : اي والله يجد مسكين ماعليه شرهه
رعد : انا ماعلي شرهه ياكلب
عزيز : اسكت الله يقلع عدوك قاعد اضبطك
سكت رعد
وأذن الفجر والكل راح يصلي ويرجع ينام الا
عزيز ورعد عشان عقاب جدهم لهم واقفين عند جدار غرفة جدهم الا كان مربط في رجليهم ب حديد وقفل ورابطها ابو عبدالله في يد
يعني لو يموتون مايقدرون يفكونها

الساعه ٦ الصبح
رعد : عزيز انا تعبت
عزيز : انا مت واخر مره اسمع افكارك
رعد : انا هلكت ابي مويه
عزيز : عشان الضحك الي ماله داعي وشلون انجيب لك ماء الحين
رعد: خن ننادي محمد يفكنا
عزيز : محمد ماقام على ذالصراخ كله
وجدي التهى عنه ولا قومه لصلاه
رعد : ههههههههههههههه ربي عاقبني على ضحكي على نوف
عزيز : ياولد انت وش فيك ماخذيته من البنت
رعد: متت عليها ماقدرت اخذه
عزيز : سمعت صوت جوجو تقول ل نوف امشي احط لك مرهم واضغطي عليه عشان ماينزف كثير
رعد :وشو عزوز انت صادق
عزيز :أي والله يومك تضحك ياحيوان البنت كانت صادقه
رعد :تكفى اسكت يكفي الضمير الي بعذبني
في داخلي
عزيز : انا تعبان والله يارعد بنام
رعد :خلاص انسدح
وجدي بعد الله يهديه يحس انا مسوين جريمه

عند البنات /
ناموا كلهم
الا نوف و جوجو كانوا يناظرونهم من بعيد
جوجو: والله عزوز مايستاهل ماسووا شي كله من رعد
نوف: اي ياحيوانه حتى رعد ماسووا شي يبي يضحك المسكين
جوجو: كان يضحك على حسابك يالخبله
اكرهيه معي
نوف : ماقدر والله اني يدي تعورني منه ولا كرهته
جوجو: الله يقلع الحب الي بيدهور حياتنا
نوف: انا تدهورت وخلصت
جوجو: تكفين يانوف شوفي حالتهم يكسرون الخاطر
نوف: والله العظيم اخاف تجيهم ضربت شمس
جوجو: وش انسوي
نوف: والله ماعندي حلل
جوجو:  طيب وش رايك  نروح المطبخ انجيب سكين ونفكهم
نوف : جوجو شوفي السلسله وشلون قريبه منهم احس مايمدي
جوجو : بنسألهم وش يبون
نوف : ماتشوفينهم ناموا كلهم
جوجو : يليل خلاص خن
ننام والصباح خير
نوف : اي

ناموا كلهم
وأذن الظهر

يتبع >>>>>>