✨شجن✨

البارت التاسع

البارت التاسع

في صباح اليوم الثاني
في بيت ابو عبدالله
عند ابو عبدالله و ام عبدالله والجوهره
دخل عليهم محمد صبح عليهم وجلس يفطر معهم
أبو عبدالله: ها يولدي متى تخلص أجازتك انت
محمد : بعد يومين ان شالله
ابو عبدالله: ماودك ياولدي تتزوج
وتكمل نص دينك
ام عبدالله : اي ياولدي أختار بس أنت وانا اروح اخطب لك
محمد: والله انه ودي بس شوي لين أحس اني قد المسؤولية ويصير خير
الجوهره: اي والله الواحد مايتزوج الا هو عارف المسؤوليات الي راح تجيه الزواج بكبره مسؤوليه
محمد: بظبط ياختي عشان كذا انا شوي متردد
ابي احس اني قد المسؤولية
ابو عبدالله: وش المسؤولية تتكلمون عنها انتم
اهم شي متوظف ويمشي لك دخل اقول لايكثر الكلام انا ودي أزوجك بنت ابو علي وشرايك فيها يام عبدالله
أم عبدالله الي شايفه محمد يغمز لها وفهمته
وقالت : والله اسمع ان البنت انخطبت وراحت
آبو عبدالله: افاا خلاص شوفي له انتي
ام عبدالله: ان شالله
طلع ابو عبدالله من المجلس راح للحمام يتوضى لأن خلاص قرب يأذن الظهر
الجوهره: لاتقول انك حاب ياخوي
محمد: على كلام ولدك ياختي اني عاشق
الجوهره :ههههههههههههههههه من سعيدة الحظ
محمد: ماعرف الا اسمها واسمها نوره
ام عبدالله: وينك لاقي ذي يايمه
محمد : هذي يمه وحده معنا شفتها مرتين
لأنه في قسم النساء في البنك وماتجي لنا الا تاخذ اوراق او ترجع اوراق
أم عبدالله: والله ياولدي انت أمرك صعب مره انا ماعندي خلاف دام البنت محترمه ومحتشمه بس ابوك وش بيفهمه
محمد: هذا الي موقفني يايمه
الجوهره: طيب محمد هي وشهي انت حتى ماتعرف الا اسمها غلط يا أخوي لازم تعرف اصل البنت وفصلها وين جايه منه وماتدري يمكنها مرتبطه
محمد: لاموب مرتبطه يا الجوهره
بس من زود ماهي تستحي ماقد تكلمت معي ولا حطت عينها بعيني ولو مره وهذا الي جذبني لها
الجوهره: زين اهم شي موب مرتبطه الله يكتب لك يا اخوي الي فيه الخير وحاول تجيس نبضها اخاف البنت ماتبيك
محمد: أي ان شالله اذا داومت بحاول ارسلها رساله
الجوهره: الله يكتب الي فيه الخير 
محمد : امين 
الجوهره: طيب بسألك نسيت حب الطفوله
حتى انها نفس اسم الي تحبها نوره
محمد: ههههههههههههههه وين ياختي ١٥ سنه أكيد بنسى منها
الجوهره: اي الله لايعيدها من أيام يوم جاتك النفسيه من الديره
ام عبدالله: الله لايعيده من حب صدق
محمد ولدي حبه فاشل
محمد: تكفين يايمه موب فاشل حتى البنت كانت تحبني بس عاد أمر الله الله يستر عليها ويحفظها
الجوهره: هههههههههههههههههه قوم روح المسجد تراه أذن لو يشوفك ابوي جالس بيذبحك
محمد : يلا يلا يمه بسألك تتواصلين معهم ؟
الجوهره: ها حنيت هههههههههههههههه
محمد: كني والله كله بسببك يالجوهره
ها يمه ؟
ام عبدالله : اي بس في الأعياد
محمد: بنتها نوره تزوجت لأني والله شكيت في شي
الجوهره: لاتقول الي في بالي
محمد: ايه الي في بالك بس موب أكيد
الجوهره: طيب انت حاول تشوف ملف البنت اسم ابو ولا شي
محمد : ان شالله بس خني اداوم يلا بروح للمسجد