✨شجن✨

البارت الثالث

البارت الثالث

حَوقِلوا ،فوالله ما فُكَّت العُقَد بِمثلها ،
‏        لاحَول ولاقّوة إلا بالله

في ليلة العيد
في بيت ابو عبدالله
الحريم يرتبون البيت
في المجلس الي يطل على الحوش
البنات وعمتهم الجوهره يصلحون حلويات ومعمول العيد

ام عند العيال //
محمد ، رعد ، عزيز
العيال بما أنهم طفشانين ماعندهم شي يسوونه
رعد :عيال وشرايكم نغسل الحوش
محمد : توني بقوله
عزيز : ههههههههههههههههه يلا قوموا
رعد وعزيز ومحمد رفعوا ثيابهم وشغلوا صنبور الماء شوي الا ارتفع صوتهم بضحك
وصاروا بدال ماينظفون يلعبون بالماء ويتزلقون في الحوش

البنات بما انهم اسمعوا صوت الضحك
قاموا كلهم عند الشباك يشوفونهم
وميتين ضحك عليهم

طلعت جدتهم وهي تسمع الضحك
ام عبدالله : ياعيال لا لا بيطيح واحد فيكم الحين على راسه
رعد : ههههههههههههه لا أن شالله ياجده تعالي تزلقي معنا
عزيز : اي والله تعالي
محمد : وهو يضحك عليهم
خلاص لايجي ابوي ويشوفنا نلعب بالماء
رعد : شوي شوي وطفه
عزيز : اي والله

شوي الا زلق رعد زلقه قويه
رعد بصوت عالي : واهو يتوجع من الطيحه
عزيز : انتبه ان طيحته قويه جاه يركض
اما محمد راح يطفي صنبور الماء ماشاف طيحة رعد
ام عبدالله وهي تصيح : قلت لكم وقفوا بتطيحون بس ماتسمعون
وكلهم اجتمعوا حول رعد في الحوش
وقت طيحة رعد كان على الشباك: نوف وأميره وجوجو
ونوف كانت مره مركزه على رعد قبل يطيح
يوم طاح رعد : خافت نوف وتوترت يوم اجتمعوا عليه ماكانت شايفه شي منه بس كانت تسمع صوته واهو يتعور بعدها ماسمعت شي
عمتهم الجوهره :بسم الله من الي طاح
جوجو : رعد ياعمه روحي شوفي تكفين
لاحظت عمتهم الجوهره خوف نوف عليه من عيونها اللي صارت كلها الدموع وخوف على رعد لايكون صار له شي
الجوهره : اهدوا يبنات بروح اشوفه وان شالله مافيه شي
ونوف : الي انربط السانه ماكانت قادره تقول شي لأن لو بتتكلم بتصيح
جوجو : مسكت نوف اهدي يبنتي لا يلاحظون عليك
نوف : ماقدرت امسك اعصابي امانه روحي شوفيه
بخير

في الحوش
عند طيحت رعد
جدته ترش على راسه ماء وتسمي عليه والكل حوله يسألونه رعد رعد بخير
رعد سووا نفسه مغمى عليه
عزيز خاف عليه لايكون الطيحه أثرت على راسه
صار يبعدهم هو ومحمد ورفعوه من الأرض وركضوا به لسياره
الكل : زاد خوفهم عليه وام رعد تبكي وجوجو وساره يبكون على اخوهم مايدرون وش فيه والجده تبكي
الكل صار يبكي من الخوف عليه
نوف : يوم شافتهم خذوه ماتت من الصياح في المجلس ماكانت قادره تتطلع لهم وتشوفهم شافتها جوجو وركضت لها
نوف : تكفين ياجوجو
جوجو : والله مافيه شي بس اغمى عليه من
وودوه المستشفى
نوف : وهي تبكي
جوجو :تحاول تهديها

ام عند العيال //
كان عزيز مره خايف على رعد
ومحمد كان ورى المرتبه مع رعد ويصحيه
ومايصحى
رعد : يوم شاف انهم ابعدوا قام ومات من الضحك
عزيز : التفت
الا ياكلب ياحمار ياحيوان يا ***** مخلينا ميتين خوف وانت تضحك
محمد قام يطقه لأرادي من القهر
رعد : تكفون اصبروا بفهمكم و شصار معي
عزيز : قول يا ******
رعد :يوم طحت ركزت ان البنات يشووفون من الشباك وقلت اكيد نوف شافتني وانا طايح اكيد لو اقوم مافيني شي بصير الموقف بايخ في عينها
محمد : مشاعرنا هباء منثور اهم شي عندك كبريائك وماتقوم متفشل ياكلب ماشفت امي وامك الي ماتوا من الخوف عليك ي ابن الحرام
رعد :هههههههههههههههههههههههه ماتوقعت اني غالي
عزيز : وش الحل الحين
محمد :روح المستشفى خلهم يطلعون فيه عله
ونرتاح منه ومن كبريائه
رعد :وشرايكم ف الصمله بالله موب ضحك
محمد : عزيز وشرايك نحذفه من السياره
انا فاقع كبددي معد اقدر اتحمله
عزيز : تسوي فيني خير
رعد وهو ميت ضحك عليهم وعلى خوفهم وتعابير ووجيهم
ووصلوا المستشفى
ونزلوا
شافوا رعد مافيه شي ويده مافيها كسر
قالو روح انت طيب
محمد مسك الممرضه يطلبها تلف على يده شاش
عزيز : تكفين بعطيك بخشيش لفي على يده
رعد :والله شوفي يدي تعبانه لفي عليها
لفت على يد رعد عشان يسكتون ويطلعون من المستشفى
من يوم ركبوا السياره وهم يضحكون
على أنفسهم

عند الحريم //
جالسين في المجلس والكل على اعصابه
دخلوا الشيبان لأنهم كانوا في العزبه
ابو رعد : عسى ماشر وش فيكم
ابو سليمان : علامكم هادين
ابو عبدالله جاء عقب عياله واهو يصرخ في الحوش على ام عبداله وسألها بحده وش فيك ياساره
الجده رعد طاح على راسه وودوه العيال المستشفى
ابو رعد : وش وش تقولين يمه اي مستشفى بروح لهم
ابوسليمان: افاا يارعد كل هذا صاير فيك وانا ماندري
الجوهره عمتهم : مايحتاج ياخوي توني مكلمه عزيز ويقول طالعين الحين المستشفى

عند العيال /
محمد : كيف نقنعهم انك طيب الحين
عزيز : الله يسلط على رعد وكبريائه
رعد : بمشي الفلم عليهم بس انتم بعلمكم وش اتسوون ....................................
العيال : خلاص تم

دخلوا عليهم في الحوش والكل كان واقف ينتظر دخلتهم
ورعد قاعد: يهيئ نفسه للتعب وفك اللفه الي على يده وقال لعزوز لفها على راسي
عزوز : يلا تعال
ولفها عزوز على راسه يوم وقفوا عند باب البيت
محمد: تعال بمسكك
رعد :يلا عزيز تعال مع الجهه الثانيه

دخلوا عليهم ماتوقع ان السالفه وصلت لذالدرجه يوم شاف كلهم في الحوش ينتظرونه
محمد ناظر عزيز وعزيز يناظر في رعد ورعد يناظر في محمد
كلهم متوترين مايعرفون وش يقولون

ابو عبدالله : وش بلاكم وش صار عليك يارعد اجلس اجلس
ابو رعد :بسم الله عليك خطاك السوء ياولدي تعال اجلس علمنا وش صار معك
ابو سليمان : ماتشوف شر ياولد اخوي

جلس رعد وجلسوا كلهم حوله

محمد : واضح انه مبتلش
عزيز :اسكت لايلاحظون ويعيدون علينا ويصير العيد عيدين
محمد : اي والله

عند البنات //
نوف خوفها كاتمته بعيونها والكل لاحظ عليها ذالشي حتى ام رعد
اما جوجو :كانت قاعده تفكر وش بيصير معهم
على دخلتهم نوف اول من قام على الدريشه تبغى تشوف قامت وراها علطول جوجو عشان مايلاحظون عليها
نوف :حمدالله ياربي
جوجو :شفتي انا اقولك مافيه شي
ام سليمان : راحت لأميره عساس تتطمنه حمدالله تطمني رعد بخير
أميره : الحمدالله والله اني خفت عليه بس جات سليمه
التفتو جوجو ونوف عليهم مستغربين كلامهم مره
نوف اللي الغيره صارت تلعب فيها :جوجو بطلبك طلب
جوجو : عيوني لك
نوف : ابي اكتب رساله وتوصلينها لرعد
جوجو : ابد روحي اكتبيها واعتبريها ووصلت

حَوقِلوا ،فوالله ما فُكَّت العُقَد بِمثلها ،
‏        لاحَول ولاقّوة إلا بالله

رسالة نوف //
كتبت الأبيات واهي تعنيها

ليتك تمر اليوم عندي واحاكيك
وأقولك من كثر شوقي اعلومي

حتى القمر لو تطلبه قال لبيك
يخضع وتخضع من وراه النجومي

ماسر قلبي غير حبك وطاريك
أشتاق لك حتى وأنا في حلومي

ليتك تتدري وش صار فيني يوم شفتك على الأرض وماسمعت حسك والناس حولك

نوف

جوجو : عطيني الورقه
نوف : يلا بس بحط اسمي
جوجو : انا بقوله مايحتاج
نوف : لا عطيه الرساله بس
جوجو : خلاص ابشري

اما عند ابو عبدالله //
بدا رعد يحكيلهم وش صار معه
والكل يتحمد له بسلامه
ابو عبدالله روحي ياولدي لأمك الحين خايفه عليك
رعد يلا يلا

طلعت جوجو واهي تدور رعد ومالقته
راحت تشوف امها الا رعد منسدح عندها
كانت ودها انها تتطلع الورقه وتعطيه
بس قالت لا راحت امي عطيته
سكتت وجلست عندهم
ام رعد لرعد :ها ياقلبي اروح اسويلك شي قبل اذان الفجر
رعد :لا جعني ماخلا منك مابي شي
ام رعد خلاص : انا بروح اشوفهم شوي وأجيك
وراحت امه
رعد :ها انتي وش عندك ^يقصد جوجو ^
جوجو : عندي لك مكتوب يارعد
رعد فز :وش مكتوبه عطيني اياه اقراها
جوجو :بشرط
رعد :تم قبل لا أسمعه
جوجو عطت رعد المكتوب وطلعت
رعد جلس وفتح الرساله وبدا يقراها
سرح شوي وقال لهدرجه يانوف شايله كل هالحب بقلبك ولا صارحتيني يربي وش اسوي الحين
والله ونذر لو أني داري انك بتخافين كذا مافكرت
امثل ولا اكذب اتفشل اهون من دموعك علي الحين وش اكتب لك يانظر عيني ماخليتي لي شي
قعد يفكر رعدد
وطرا على باله ابيات وقررا يكتبها لها

لا تسهرين إلا على قلب مغليك ، ولا تنعسين إلا على رمش عيني .

ولف الورقه يبي يوصلها لها
مالقى جوجو فاضيه
اذن الفجر والكل صار في حوسه ورسالة رعد ماقدر يوصلها لها وقف وقال لنفسه خيره اصبر تأكد من مشاعرك
لاتعلق بنت الناس فيك وانت بس أعجاب
وطلع وشقق الورقه

وراح للعيال
عند العيال
الي يدور سرواله والي يدور غترته والي يدور ثوبه
كانو في حوسه

عند البنات //
الي تستشور
والي تحط ميكب والي تحط مناكير
الكل مشغول محد فاضي لحد

عند نوف /
الي راحت بيت اهلها تتجهز عشان الصبح العيد في بيت ابو عبدالله
كانت قاعده تفكر وسرحانه وش رد رعد على رسالتها وياترى بيجيني رد منه ولا قطعت كلامها امها دخلت عليها : وش فيك يايمه احسك اليوم زعلانه
نوف :مافيني شي والله
ام نوف :صارحيني اذا ماقلتي لأمك اسرارك من بتقولين له
نوف :والله يمه رعد طيحته اليوم أثرت علي مره
ام نوف : افا والله ان رعد بخير انا ماسكته وشايفته
ومافيه الا العافيه ان شالله انتي بس لاتفكرين مره واخلصي بنروح انساعد خالتك والبنات
نوف : ان شالله
طلعت ام نوف وهي اتقول في نفسها
وشلون أصارحها ان ابو رعد يبي أميره لرعد والكل داري
الله يجبر بكسرك يابنتي

عند بيت ابو عبدالله /
جاء خالد واخوه فارس وزوجاتهم
وهيثم جاء من الدمام
والكل
ويرحبون فيهم ويسلمون عليهم
واذن اذان العيد والكل راح للمسجد يصلون
بعد الصلاة راحوا الرياجيل لمجالس الديره
والحريم في بيت ابو عبدالله مختصر
واليلل الجمعه الكبيره
محد كان يتكلف الصبح من البنات
لأن اليلل وناستهم الصبح رسميات
قعدوا يسلمون على بعض وياخذون اخبار بعض

جوجو : طلعت تجيب القهوه من المطبخ
وفي نفس الوقت
عزيز كان طالع من المجالس راجع البيت لأن رعد كب على ثوبه القهوه عشان يضحك
عزيز قاعد عند المغسله الي جنب المطبخ واهو يغسل ثوبه ويدعي على رعد
وهو يغسل ثوبه كان البلاط معبى مويه جات الجوهره وهي تركض تبغى اتجيب القهوه
وعزيز في نفس اللحظه يفرك ثوبه و ماركزت ان عزيز عند المغاسل ودخلت الا شوي وتطيح عزيز لأن شافها مسرعه مسكها مع يدها لاتطيح
عزيز : انتبهي في مويه واهو منزل عيونه لأن جوجو ماكان عليها شي
جوجو : بصدمه ماكانت تتدري وش اتقول الا رفع عزيز عيونه عليها وناظره وصد وراح
وصار يدعي لرعد بدال مايدعي عليه
ماكان مصدق ان هذي الجوهره
العيون الحاده والملامح ضاع وقته عزيز
ولقى الصدفه الي من جاء واهو يدورها
اما جوجو : كانت منصدمه اول مره تناظر عزيز واهو يناظرها بدون كلام توترت مره
الا نوف : دخلت عليها وش فيك يبنت تأخرتي كل هذا رايحه تجيبين قهوه
جوجو: عشانك ماتتدرين وش صار معي
اه تخيلي....................
نوف : صارت ترقص من الوناسه اكثر من جوجو حمدالله وحده فينا بتكسب في مسار الحب واخيراً ياجوجو واخيراً عقبال ماشوف بنتكم نوف ياربي
جوجو : هههههههههههههههههههه عقبال مافرح فيك انا من الوناسه
دخلت عمتهم الجوهره: انا قايله ذالثنتين لايجتمعون خصوصاً في المطبخ الحريم ينتظرون القهوه
جوجو: يلا ياعمه جينا التهينا في السوالف والله

انتهى صباح العيد بخير
وصار وقت قيلولة ضهر العيد
والكل مسك له مكان ونام
حتى عند الحريم

تكملة البارت الثالثه

اذن المغرب والكل صار يقوم غصب عنه لأن في حفله عند ام عبدالله والبيت مايكون فيه ولا رجال
بس رعد انخش في غرفة جده ونام لأنه مانام الا العصر
وطلعوا الباقين الي راح للمجالس والي راح للعزبه

ام عند البنات /
استشوارات وازعاج
وميكب والكل ماخذ راحته في لبسه ومحد له شغل بأحد دام البيت مافيه احد

فرشوا الفرشات برا جابوا كراسي حطوا سماعه
عشان يرقصون

عند البنات /
جوجو : كانت لابسه فستان أبيض مكشوف من فوق
و نوف : فستان اسود ضيق من فوق واسع من تحت وكان مفتوح من عند الرجل لين الفخذ
كانت نوف قاعده تعدل على ميكب جوجو
نوف : جوجو بسألك يوم عطيتي رعد الرساله قال شي
جوجو : ماقال شي الكلب حتى ماعطاني رساله اعطيك اياه
نوف : هههههههههههههههههههه يلا يلا خن نطلع لهم
جوجو : شكلي حلوو
نوف : خيال شكلك
جوجو : طيب تعالي ناخذ صوره ونطلع
نوف : يلا
خذوا صوره واطلعوا للمعازيم
والكل يسأل من هذول لأنهم اخر من طلع
بدوا يشغلون السماعه ويرقصون

عند رعد الي قام على صوت السماعه واستوعب متأخر انه ماقام وطلع مع العيال
رعد :كيف اطلع الحين يليل
طالع من عند الدريشه الا نوف واقفه وكانت نوف جميله لدرجة ماقدر يبعد نظره من عليها
صدد بقوه واستغفر ربه لأنه ناظرها
كان عارف انها نوف لأن جوجو كانت تطقها وتضحك نوف شوفي هذي
ابتعد من الشباك وسكره وقال في نفسه
حيوان يوم قلت بفكر بحبها انا هيمان ولا انتبهت لنفسي 💔

عند البنات /

نوف : جوجو شوفي الي لابسه عنابي هذي هي عزه الي اقولك
جوجو : اما وش هذي قمر ماشالله تميم عرف يختار
نوف : اسكتي توو ماتأكدنا
جوجو : خن نروح نجلس معها وانسولف
نوف : يلا
راحو عندها نوف وجوجو سلموا عليها وجلسوا جنبها
نوف : وش اخبارك عزه قلبي
عزه : والله الحمدالله وش اخبارك انتي
الا مين الي معك
نوف : هذي الجوهره بنت خالتي رفعه
عزه : ماشالله كبرتي من زمان عنك
الجوهره :الله يسلمك والله حتنى ماعرفتك لين علمتني نوف متغيره ومحلوه مره
عزه :ياقلبي والله من بعدك
قعدوا يسولفون
منال وأميره :كانوا قاعدين يرقصون
والحريم معهم يعززون لهم
هيا كانت قاعده تصفق لبنتها رفعه ومبسوطه فيها قد الدنيا وكانت حامل في اشهر الأول
اما فهده كانت قاعده تناظر نوف بحقد وغيره
نوف ماكنت منتبه لها مره بس تعرف ان فهده مره ماتحبها وكانت مطنشه مره لأنها ماتهمها

عند رعد /
رعد قعد يفكر وش يسوي يبي يطلع من ذالغرفه كان قاعد يفكر في داخله بنادي جوجو بصوت خفيف يمكن تسمعني بدون مايلاحظون
ومن حسن حظه جوجو كانت مره قريبه من الشباك
رعد : جوجو جوجو
جوجو : التفت بقوه الا رعد في غرفة جده الي تطل على الحوش
راحت للشباك بسرعه رعد وش اتسوي هينا ليش ماطلعت مع العيال
رعد :مانتبهت خذاني النوم ولاصحيت الا على صوت سماعتكم الحين طلعيني من ذالغرفه تكفين
جوجو :تستهبل كيف اطلعك ماتشوف الحريم
رعد : مالي دخل طلعيني
جوجو :طيب شوي واجيك
جوجو راحت تنادي نوف
نوف نوف
جوجو :رعدد
نوف :وش فيه ، فيه شي تكلمي جوجو رعد فيه شي
جوجو :لالا يبنت الحلال في غرفة جدي خالد
غطه النوم ولاصحى الا على صوت السماعه ويبي يطلع من الغرفه
نوف :اه الحمدالله
جوجو :الحين انا في مشكله يقول غصب طلعيني كيف اطلعه
نوف :مافي الا حل واحد بس اتوقع انه بيرفضه روحي قولي له يلبس عبايه ونقاب ويطلع هههههههههههههه
جوجو :نوف تستهبلين مستحيل يلبس
نوف :خلاص خله يخيس في الغرفه
جوجو :خلاص بروح اشوفه واقوله فكرت نوف
ههههههههههههه عشان تعرفين تضحكين
نوف :لا جوجو امانه
جوجو راحت وسفهتها
دخلت على رعد الغرفه
جوجو :رعد في حل بس نوف الي قالته
رعد :علمتيها ياحيوانه اني في الغرفه
جوجو :تبي تطلع ولا لا
رعد :الا بس كيف

جوجو :بجيب لك عبايه ونقاب واطلع غير هذا الحل مافيه
رعد :روحي قولي ميد نوف
موب رعد الي يتشبه بالحريم بقعد
هينا لين يأذن الفجر ان شالله
جوجو : خلاص اقعد وبجيب لك قهوه وحلا
راحت جوجو للمطبخ
وتشوف نوف تحط له قهوه وحلا
جوجو : هههههههههههه توني جايه اجيب له قهوه وحلا
نوف : هذي مجهزتها
جوجو : نوف وشلون دريتي انه بيرفض
نوف :خبز يدي اعرفه بس وش قال اكيد سبني
جوجو :لا بس قال موب رعد الي يتشبه بالحريم
نوف :حمدالله جات على كذا ههههههههههه
بس الحين كيف نوديها للغرفه
جوجو : بشيلها وانتي تعالي قدامي
نوف : يلا
فتحت جوجو باب الغرفه وكانت وراها نوف
التفت الا عينها بعين رعد اختلفت نوف وصدت بسرعه دخلت جوجو سكرت باب الغرفه
نوف :وهي قاعده تصارع مشاعرها تجاه رعد لأنها حست انه مايبيها عشان كذا مارد على رسالتها
رعد :الي انهار في الغرفه وجوجو ميته ضحك عليه
اهدى وش فيك طلعت خفيف
رعد :من شاف نوف يعرف الثقل
جوجو كانت متقصده تخليهم يشوفون بعض بدون يدرون الأثنين لأنها فتحت الباب مره وعارفه رعد جالس قبال الباب وطقت نوف من خصرها عشان تشوف رعد ولحظة الي لفت نوف عينها بعين رعد
وكذا صار اللقاء العيون

وصار وقت العشاء
نوف : جوجو وشرايك نطلع رعد الحين مادام الحريم يتعشون
جوجو : يلا بعد الباب الخلفي مافيه احد
طيب تعالي معي
نوف : يكفي حركتك الأولى هههههههههههههه روحي بلحالك
جوجو : هههههههههههههه يلا يلا

عند رعد /
الي كتب لنوف أبيات وكان يبي يوصلها
شوي الا تتدخل عليه جوجو اخلص تبي تتطلع
رعد : اي بعد
جوجو : الحريم يتعشون بسرعه وقف عند الباب شوي واجيك
رعد يلا يلا
جوجو : نوف نوف
نوف : هلا
جوجو : بيطلع الحين زين
نوف : يلا يلا بروح اوقف عند مجلس الحريم خليه يستعجل لاينقفط
جوجو : يلا
رعد اطلع بسرعه ومع الباب الخلفي رعد واهو طالع قعدت عيونه تدور نوف ماسمح من شوفها
دزته جوجو بسرعه ياخي الي ادورها موب هينا في المجلس استعجل
رعد طلع وقال لجوجو عطي ذالرساله لنوف جوجو مارح اوصلها الا بفلوس خلاص تم بحولك بس وصليها يرحم امك
جوجو ابشر

✨رسالة رعد لنوف ✨

دفنت الغرام بـ خافقي والقلوب أسرار
‏مشاعر .. هقيت ان الليالي تضيّعها

‏جحدت الغلا لين أمتلى بـ الخفوق وثار
‏قصايد عساها اليوم تطرق مسامعها

وكانت هذي رسالة رعد لنوف

وانتهى اليوم الأول من ايام العيد
كان جميل ومفرح ومتعب للبعض
لكن دايم اليالي السعيده متعبه

حَوقِلوا ،فوالله ما فُكَّت العُقَد بِمثلها ،
‏        لاحَول ولاقّوة إلا بالله