" စကားေလး နည္းနည္းေလာက္ေျပာေပးရံုပါဘဲ .. ႏူတ္ဆက္စကားဘဲ ေျပာႏိုင္ရင္လည္း ျဖစ္တယ္ "
ေရွာင္ယုယြီသည္ သူမေနာက္ေက်ာအား အဆက္မျပတ္တြန္းကာ ေရ႔ွသို႔ ဆက္သြားရန္ ေျပာေနသၫ့္ အမ်ိဳးသမီးေၾကာင့္ ရႈံ႔မဲ့သြားသည္ ။ သူမ ကုက်င္းဟန္နဲ႔အခ်ိန္အၾကာႀကီး မေတြ ့ႏိုင္ခဲ့ဘူး ။ အရင္တစ္ခါအျဖစ္အပ်က္က သူမတို႔ကို သတိထားေစခဲ့ကာ ခဏတာ စကားေျပာျပီးေနာက္ ကိုယ္စီျပန္လာခဲ့ရတယ္ ။ ၿပီးတာနဲ႔ သူမ ဒီအမ်ိဳးသမီးဆီမွာ အမိခံလိုက္ရေတာ့တာပါဘဲ ။
ထို စိတ္အားထက္သန္ေနသၫ့္ အမ်ိဳးသမီးသည္ ရွင္းေလာ္ေဖ်ာ္ေျဖေရးလုပ္ငန္း၏ ဒါရိုက္တာလ်န္ရီး ျဖစ္သည္ ။ သူမသည္ ရိွန္ေလာက္သၫ့္ အဆင့္အား ပိုင္ဆိုင္ထားသည္ဟု ဆိုႏိုင္ကာ ဤပြဲတြင္ သူမအား စကားေျပာႏိုင္ရန္ ႀကိဳးစားေနသူမ်ား မနည္းေပ ။
သို႔တိုင္ေအာင္ ဤအမ်ိဳးသမီးသည္ လူတစ္ဦးအား ႏူတ္ဆက္ စကားေျပာႏိုင္ဖို႔အတြက္နဲ႔ အလြန္စိတ္လႈပ္ရွားေနခဲ့သည္တဲ့ေလ။
လ်န္ရီး၏ တြန္းတိုးေနမႈက ရပ္တန႔္သြားကာ ေရွာင္ယုယြီသည္ သူမေရ႔ွက လူအား ၾကၫ့္လိုက္သည္ ။ သူမေရ႔ွရိွအမ်ိဳးသားသည္ အလိုမက်ဟန္ တင္းမာေနသၫ့္အမႈအရာရိွသၫ့္တိုင္ အလြန္ျကည့္ေကာင္းေနဆဲ ။ သူမတို႔အား သတိထားမိခ်ိန္ ေမွးက်ဉ္းကာ ၾကၫ့္လာသၫ့္ မ်က္ဝန္းမ်ားမွာ အေမွာင္ထု၏ ေအးစက္မႈမ်ားႏွင့္ ျပၫ့္ေနသည္ ။
ေရွာင္ယုယြီ သူမ လက္အား မသိမသာခပ္တင္းတင္းဆုပ္လိုက္မိသည္ ။ သူမထင္သားဘဲ .. လ်န္ရီးေတြ ့ခ်င္ေနတဲ့လူက ရွီးက်န္းဆိုတာ ..
" မဂၤလာပါ ဥကၠဌရွီး .. ရွင့္လို ပုဂၢိုလ္မ်ိဳး ကိုဒီပြဲမွာ ေတြ ့ရလိမ့္မယ္လို႔ မထင္ထားခဲ့ဘူး "
လ်န္ရီး ဥကၠဌရွီးအား ၿပံဳးျပလ်က္ ႏူတ္ဆက္လိုက္ကာ ၿငိမ္သက္ေနဆဲ ေရွာင္ယုယြီအား အသာတို႔ကာ သတိေပးလိုက္သည္ ။
ယုယြီ သူမ ႏူတ္ခမ္းအတြင္းသားအား ဖိကိုက္လိုက္သည္ ။ သူမ ရွီးက်န္းကို စကားေျပာဖို႔ ျငင္းဆန္ခ်င္သလို ၊ ေတြ ့ေတာင္မေတြ ့ခ်င္ဘူး ။ အခု သူမစိတ္ထဲမွာ ရိွသမ်ွက ရြံရွာ အထင္ေသးမႈေတြခ်ည္းဘဲ ။
သူမရဲ့ ယခင္ဘဝတစ္ခုလံုးက ဒီလူနဲ႔ ပတ္သက္ခဲ့မိလို႔ ပ်က္စီးခဲ့ရတာ ။ သူမရဲ့ အိမ္မက္၊ ဂုဏ္သတင္း ၊ ခံစားခ်က္ ၊ အရာအားလံုးဘဲ ။
ဟုတ္တယ္ .. ရွီးက်န္းက သူမရဲ့ အရင္ဘဝက ေယာက္်ားေဟာင္းဘဲ ..၊၊
ယခင္အျဖစ္အပ်က္မ်ားက သူမေခါင္းထဲေပၚလာျပန္သည္ ။ ထိုအခ်ိန္က သူမ အညစ္အပတ္ေတျြပၫ့္ေနတဲ့ ကုမဏီနဲ႔ စာခ်ဳပ္ခ်ဳပ္ခဲ့မိတာေၾကာင့္ သူမ ခႏၶာကိုယ္ေရာင္းဖို႔ တြန္းအားေပးခံခဲ့ရတယ္ ။ ရွီးက်န္းက သူမကို ကယ္ခဲ့ၿပီး သူမက သူ့ကို သူမရဲ့ ဘဝႀကီးလို႔ ယူဆခဲ့မိတယ္ ။ သူမကို ျမင္ျမင္ခ်င္းခ်စ္မိခဲ့တယ္ဆိုၿပီး လက္ထပ္ခြင့္ေတာင္းခဲ့ၿပီး သူမကလည္း တံုးတံုးအအလက္ခံခဲ့မိတယ္ ။ အနည္းငယ္ေတာင္ သံသယမဝင္မိဘဲနဲ႔ ။
ေနာက္မွသိလိုက္ရတာက သူက သူမကို လက္ထပ္ခြင့္ေတာင္းခဲ့တာက တိုက္ဆိုင္မႈသက္သက္ဘဲ ။ အဲ့အခ်ိန္မွာ ရွီးမိသားစုက ရွီးက်န္းကို လက္ထပ္ဖို႔ တြန္းအားေပးခဲ့ၿပီး သူက လက္ဆုပ္လက္ကိုင္ျပဖို႔ မိန္းမတစ္ေယာက္လိုေနတယ္ ။ အခ်ိန္ကိုက္ သူမက ရွီးက်န္းေရ႔ွကို ေရာက္သြားခဲ့ရံုေလးဘဲ ။
သူမ ရွီးအိမ္ကို ေရာက္ၿပီးေနာက္မွာေတာ့ သူမက စင္ေပၚမွာ အလျွပဖို႔ထားတဲ့ အရုပ္ေတြထဲက တစ္ခုျဖစ္လာခဲ့တယ္ ။ သူမမွာ ရွီးသခင္မဆိုတဲ့ အမည္သာက်န္ေနၿပီး အဲ့အမည္ေလး မေပ်ာက္ဆံုးေအာင္သာ တိုက္ခိုက္ေနခဲ့ရတယ္ ။
အရည္အေသြးအမ်ိဳးမ်ိဳးနဲ႔ အလွေလးေတြက သူမေနရာကို တပ္မက္ေနတာေၾကာင့္ သူမ ရွီးက်န္းကို မဆံုးရႈံးရဖို အႀကံကုန္ထုတ္သံုးၿပီး လွၫ့္ကြက္မ်ိဳးစံု အသံုးျပဳခဲ့ရတယ္ ။ တဖက္မွာ ရွီးက်န္း သူမကို အသိအမွတ္ျပဳလာလိမ့္မယ္လို႔ ေမ်ွာ္လင့္ရင္းေပါ့ ။
သူမကို လက္ထပ္ခြင့္ေတာင္းခဲ့တဲ့ ေန့ကလိုမ်ိဳး ၾကင္ၾကင္နာနာေလး ျပန္ျဖစ္ႏိုင္လိမ့္မယ္လို႔ ယူဆၿပီး သူေက်နပ္ဖို႔ သူမရဲ့ အရာအားလံုး အသံုးျပဳခဲ့တယ္ ။ သူမရဲ့ အသက္ေမြးဝမ္းေၾကာင္းကို စြန႔္လိုက္ၿပီး ရွီးသခင္မပီသေအာင္ ျပဳမႈေနထိုင္ခဲ့တယ္ ။ အိမ္အလုပ္ကိုတစ္စက္ေလးမွ မလစ္ဟင္းရေအာင္ ျပၫ့္စံုေစခဲ့တယ္ ။ ရလဒ္တခ်ိဳ႕အေနနဲ႔ ရွီးက်န္းက သူမကို ပြဲတခ်ိဳ႕ကို ေခၚခဲ့ပါတယ္ ။
ပြဲကို မေရာက္ခင္အထိ သူမလည္း အရမ္းေပ်ာ္ရြင္ခဲ့တယ္ ။ ဒါေပမဲ့ သူမ ပြဲမွာ အမွန္တကယ္ ေလွာင္ေျပာင္လို႔ရတဲ့လူပိုတစ္ေယာက္သာျဖစ္တယ္ဆိုတာ သိလိုက္ရတယ္ ။
သူမထက္ အသက္ႀကီးတဲ့ အမ်ိဳးသမီးေတြနဲ႔ ယွဉ္ၾကၫ့္ရင္ သူမက သိသိသာသာအိုစာေနခဲ့တာ အဲ့အခ်ိန္မွ သတိထားမိခဲ့တယ္ ။ သူမရဲ့ ပူပင္ေသာကေတြက သူမကို အိုစာေစၿပီး ဆံပင္ေတြကို အေရာင္ကြၽတ္ေစတယ္။
အရိွန္အဝါေတာက္ပကာ ခန႔္ညားေနဆဲ ရွီးက်န္းနဲ႔ ေဘးခ်င္းယွဉ္ရပ္ေနတာက အမ်ားအျမင္မွာ သူမက ရြံစရာသတၲဝါတစ္ခုလိုပါဘဲ ။ သူတို႔ရဲ့ ႏူတ္ခမ္းေတြကို ဟၿပီး သူမကို ေလွာင္ေျပာင္ဖို႔ မရပ္တန႔္ႏိုင္ပါဘူး ။
" မင္း.." ေလးလံအက္ရွတဲ့အသံက ေရွာင္ယုယြီကို ေျခာက္ျခားဖြယ္အတိတ္ကေန ႏိုးထလာေစတယ္ ။ သူမ သူ႔ကို စိတ္ဝင္တစားၾကၫ့္ေနတဲ့ ရွီးက်န္းကို ျမင္သၫ့္အခါ သူမ စိတ္ထဲ အႏၲရယ္အသိေပးခ်က္ေတြ အဆက္မျပတ္ျမည္လာေတာ့တယ္ ။
ေရွာင္ယုယြီ သူမ ကိုယ္သူမ ထိန္းခ်ဳပ္လိုက္ၿပီး ေတာင့္တင္းေနတဲ့ ခႏၶာကိုယ္ကို ေပ်ာ့ေျပာင္းေစလိုက္တယ္ ။ သူမ မ်က္ႏွာထက္မွာ လစ္ခနဲဆိုသလို အၿပံဳးေလးေပၚလာၿပီး ရွီးက်န္းကို စြဲမက္ဖြယ္ေကာင္းစြာ ၿပံဳးျပလိုက္သည္ ။ သူမရဲ့ ဆံစတခ်ိဳ႕ကို နားအေနာက္သို႔ သပ္တင္လိုက္ၿပီး လည္တိုင္လွလွေလးကို ေဖာ္ၫႊန္းေန၏ ။ သူမက တမင္သက္သက္ ၫုတုတုအသံျပဳလုပ္လိုက္ကာ
" ဒီတက္သစ္စေလးရဲ့ နာမည္က ယုယြီလို႔ ေခၚပါတယ္ "
' ရွီးက်န္းက အပ်က္သေဘာေဆာင္တဲ့ အျပဳအမႈေတြကို အမုန္းဆံုးဘဲ .. သူ ေသခ်ာေပါက္ ငါ့ကို ကန္ထုတ္လိမ့္မယ္ '
ပိုင္လင္ ရွီးယြမ္အား ေခၚကာ ဝင္လာခ်ိန္ ထိုကလူျမဴဆြယ္ေနဟန္ရသၫ့္ ျမင္ကြင္းက ဆီးႀကိဳေနေလသည္ ။ သူက ရွီးယြမ္၏ အနားနားသို႔ ကပ္လိုက္ကာ ခပ္သဲ့သဲ့ စေနာက္လိုက္သည္ ။ " မင္းရဲ့ အစ္ကိုက သူမ်ားေနာက္ပါေတာ့မယ္ .. "
" ကိုယ္က လြဲၿပီး ေရြးခ်ယ္စရာမရိွေတာ့ဘူး "
ရွီးယြမ္ သူ႔မ်က္လံုးမ်ားကို လွန္ျပလိုက္သည္ ။ သူ႔အသံသည္ သြက္သြက္လက္လက္မရိွဘဲ ပ်င္းတိပ်င္းရြဲ ႏိုင္ပံုရသၫ့္ အသံတိုးတိုးျပဳလိုက္ကာ ျငင္းပယ္လိုက္သည္ ။ " မျဖစ္ႏိုင္ဘူး "
ပိုင္လင္၏ အသက္ရႈသံေနြးေနြးက ရွီးယြမ္၏ နားအား ရိုက္ခတ္သြား၏ ။ " ကိုယ္နဲ႔အတူ သရုပ္ေဆာင္ေပး "
မၾကာခင္ ပိုင္လင္တို႔ ဝင္ေရာက္လာျခင္းက ရွီးက်န္း၏ အာရံုကို ရရိွသြားေတာ့သည္ ။ ရွီးယြမ္၏ အသံက ရွီးက်န္း မေမးခင္ပင္ ထြက္လာ၏ ။
" အစ္ကို .. ပိုင္သခင္ေလးက ကြၽန္ေတာ့္ကို စစ္ေဆးၿပီး ေဆးလံုးေပးတယ္ "
ရွီးယြမ္သည္ စကားလံုးမ်ားအား မရွည္ေစဘဲ ေက်ာ္ခ်ပစ္လိုက္သၫ့္တိုင္ ရွီးက်န္း သူ႔ဆိုလိုရင္းကို သေဘာေပါက္သည္ ။ ' ဒီေတာ့ သူတို႔ရွာေနတဲ့လူက ပိုင္လင္ ကိုယ္တိုင္ေပါ့ '
ရွီးက်န္း မသိမသာ မ်က္ေမွာင္ၾကဳတ္မိလိုက္ၿပီး မသကၤာစြာျဖင့္ " မင္းကလား ! မင္းဆရာမဟုတ္ဘူးလား "
ရွီးက်န္း မယံုၾကည္ျခင္းက မထူးဆန္းပါေခ် ။ ရွီးယြမ္ရဲ့ အေျခအေနကို ေဆးပညာနယ္ပယ္ရိွ လူအိုႀကီးမ်ားေတာင္ လက္ေလ်ာ့ထားရျခင္း ျဖစ္သည္ ။ အခု ပိုင္လင္ ရဲ့ အသက္ကို ေဘးထားလိုက္ပါ ။ သူ႔ရဲ့ ေဆးပညာခရီးလမ္းက ဘယ္ေလာက္လဲ ။ တကၠသိုလ္ ေနာက္ဆံုးႏွစ္သာ ရိွေသးၿပီး ဘြဲ႔ေတာင္မရေသးေပ ။
ပိုင္လင္ရဲ့ အေျဖကိုေစာင့္ေနတဲ့ ရွီးက်န္းက ပိုင္လင္ရဲ့ ၿပံဳးေနဟန္ရတဲ့အမႈအရာတစ္ခုကိုသာ လက္ခံလိုက္ရသည္ ။
" သူက ဘယ္သူလဲ "
ေရွာင္ယုယြီအား စိတ္ဝင္တစားၾကၫ့္ေနပံုရသၫ့္ ရွီးယြမ္ေၾကာင့္ ရွီးက်န္း ပိုင္လင္ကို ဂရုမစိုက္ႏိုင္ေတာ့ဘူး ။ သူက ေရွာင္ယုယြီကို ေမွာင္မည္းေနသၫ့္အမႈအရာႏွင့္ ၾကၫ့္လိုက္သည္ ။
ဘာေတြ စိတ္ဝင္စားစရာေကာင္းေနလို႔လဲ ..?
ဒီတိုင္း အျမင့္ကိုတက္ခ်င္ေနတဲ့ မိန္းမတစ္ေယာက္ဘဲကို
ရွီးက်န္း အလြန္အမင္း စိတ္မသက္မသာျဖစ္ေနေပမဲ့ ရွီးယြမ္ရဲ့ သိခ်င္စိတ္ကို တားဆီးဖို႔ မလုပ္ႏိုင္ပါေခ် ။ သူက အတတ္ႏိုင္ဆံုး ညင္သာတဲ့ ေလသံျဖင့္
" သူမက မဆိုးတဲ့ သရုပ္ေဆာင္တစ္ေယာက္ေလ "
" ဟုတ္လား ?.. ဒါေၾကာင့္ကိုး ..." ရွီးယြမ္သည္ စိတ္လႈပ္ရွားေနသၫ့္အမႈအရာျဖင့္ ေရွာင္ယုယြီအား ၾကၫ့္လိုက္သည္ ။
" မမ အရမ္းလွတယ္ "
ဤတခ်ိန္တြင္ မ်က္ေမွာင္ၾကဳတ္သြားတဲ့လူက ရွီးက်န္းသာ မဟုတ္သည္မွာ ေသခ်ာပါသည္ ။
" စကားသိပ္မေျပာရဘူး "
" စကားအမ်ားႀကီးေျပာတာ မင္းကို ပင္ပန္းေစလိမ့္မယ္ "
တၿပိဳင္နက္ထြက္လာသၫ့္ အသံႏွစ္ခုေၾကာင့္ ရွီးက်န္းႏွင့္ ပိုင္လင္သည္ အျပန္အလွန္ ၾကၫ့္မိလိုက္သည္ ။ ပိုင္လင္သည္ သိမ္ေမြ ့တည္ၾကၫ့္သၫ့္ အမႈအရာျဖင့္
"ဥကၠဌရွီး .. ကြၽန္ေတာ္တို႔ သီးသန႔္ေဆြးေနြးဖို႔ လိုလိမ့္မယ္ "
ေရွာင္ယုယြီအား ေမာင္းထုတ္ႏိုင္ဖို႔အေရး ရွီးက်န္း လက္လြတ္ခံဖို႔ မျဖစ္ႏိုင္ေခ် ။ သူကလည္း ေလးနက္စြာ ေခါင္းညိတ္လိုက္ၿပီး
" ရတယ္ "
ဘီးတပ္ကုလားထိုင္၏ လက္တြန္းေနရာမွာ ေရာက္ကတည္းက ပိုင္လင္လက္ထဲတြင္ရိွေနၿပီး ျပန္ေပးရန္စိတ္ကူးမရိွသၫ့္အတိုင္း ေရ႔ွကထြက္သြားသၫ့္အတြက္ ရွီးက်န္းသည္ ေနာက္မွ လိုက္လာရံုသာ တတ္ႏိုင္ေလသည္ ။
ပိုင္လင္သည္ ရွီးယြမ္၏ နားရြက္ေလးအား အေနာက္မွ အသာထိလိုက္ၿပီး တိုးတိုးေလး ညည္းလိုက္သည္ ။
" ဆိုးလိုက္တာ "
ရွီးယြမ္ မ်က္ႏွာထက္တြင္ ေက်နပ္သၫ့္အၿပံဳးတစ္ခုျဖစ္ေပၚလာျခင္းကို မထိန္းထားႏိုင္ေပ ။ သူက ခပ္တိုးတိုးျပန္ေျပာ၏။
" ဘယ္သူ႔အမွားလဲ "
_________________________
" စကားလေး နည်းနည်းလောက်ပြောပေးရုံပါဘဲ .. နူတ်ဆက်စကားဘဲ ပြောနိုင်ရင်လည်း ဖြစ်တယ် "
ရှောင်ယုယွီသည် သူမနောက်ကျောအား အဆက်မပြတ်တွန်းကာ ရှေ့သို့ ဆက်သွားရန် ပြောနေသည့် အမျိုးသမီးကြောင့် ရှုံ့မဲ့သွားသည် ။ သူမ ကုကျင်းဟန်နဲ့အချိန်အကြာကြီး မတွေ ့နိုင်ခဲ့ဘူး ။ အရင်တစ်ခါအဖြစ်အပျက်က သူမတို့ကို သတိထားစေခဲ့ကာ ခဏတာ စကားပြောပြီးနောက် ကိုယ်စီပြန်လာခဲ့ရတယ် ။ ပြီးတာနဲ့ သူမ ဒီအမျိုးသမီးဆီမှာ အမိခံလိုက်ရတော့တာပါဘဲ ။
ထို စိတ်အားထက်သန်နေသည့် အမျိုးသမီးသည် ရှင်းလော်ဖျော်ဖြေရေးလုပ်ငန်း၏ ဒါရိုက်တာလျန်ရီး ဖြစ်သည် ။ သူမသည် ရှိန်လောက်သည့် အဆင့်အား ပိုင်ဆိုင်ထားသည်ဟု ဆိုနိုင်ကာ ဤပွဲတွင် သူမအား စကားပြောနိုင်ရန် ကြိုးစားနေသူများ မနည်းပေ ။
သို့တိုင်အောင် ဤအမျိုးသမီးသည် လူတစ်ဦးအား နူတ်ဆက် စကားပြောနိုင်ဖို့အတွက်နဲ့ အလွန်စိတ်လှုပ်ရှားနေခဲ့သည်တဲ့လေ။
လျန်ရီး၏ တွန်းတိုးနေမှုက ရပ်တန့်သွားကာ ရှောင်ယုယွီသည် သူမရှေ့က လူအား ကြည့်လိုက်သည် ။ သူမရှေ့ရှိအမျိုးသားသည် အလိုမကျဟန် တင်းမာနေသည့်အမှုအရာရှိသည့်တိုင် အလွန်ကြည့်ကောင်းနေဆဲ ။ သူမတို့အား သတိထားမိချိန် မှေးကျဉ်းကာ ကြည့်လာသည့် မျက်ဝန်းများမှာ အမှောင်ထု၏ အေးစက်မှုများနှင့် ပြည့်နေသည် ။
ရှောင်ယုယွီ သူမ လက်အား မသိမသာခပ်တင်းတင်းဆုပ်လိုက်မိသည် ။ သူမထင်သားဘဲ .. လျန်ရီးတွေ ့ချင်နေတဲ့လူက ရှီးကျန်းဆိုတာ ..
" မင်္ဂလာပါ ဥက္ကဌရှီး .. ရှင့်လို ပုဂ္ဂိုလ်မျိုး ကိုဒီပွဲမှာ တွေ ့ရလိမ့်မယ်လို့ မထင်ထားခဲ့ဘူး "
လျန်ရီး ဥက္ကဌရှီးအား ပြုံးပြလျက် နူတ်ဆက်လိုက်ကာ ငြိမ်သက်နေဆဲ ရှောင်ယုယွီအား အသာတို့ကာ သတိပေးလိုက်သည် ။
ယုယွီ သူမ နူတ်ခမ်းအတွင်းသားအား ဖိကိုက်လိုက်သည် ။ သူမ ရှီးကျန်းကို စကားပြောဖို့ ငြင်းဆန်ချင်သလို ၊ တွေ ့တောင်မတွေ ့ချင်ဘူး ။ အခု သူမစိတ်ထဲမှာ ရှိသမျှက ရွံရှာ အထင်သေးမှုတွေချည်းဘဲ ။
သူမရဲ့ ယခင်ဘဝတစ်ခုလုံးက ဒီလူနဲ့ ပတ်သက်ခဲ့မိလို့ ပျက်စီးခဲ့ရတာ ။ သူမရဲ့ အိမ်မက်၊ ဂုဏ်သတင်း ၊ ခံစားချက် ၊ အရာအားလုံးဘဲ ။
ဟုတ်တယ် .. ရှီးကျန်းက သူမရဲ့ အရင်ဘဝက ယောက်ျားဟောင်းဘဲ ..၊၊
ယခင်အဖြစ်အပျက်များက သူမခေါင်းထဲပေါ်လာပြန်သည် ။ ထိုအချိန်က သူမ အညစ်အပတ်တြွေပည့်နေတဲ့ ကုမဏီနဲ့ စာချုပ်ချုပ်ခဲ့မိတာကြောင့် သူမ ခန္ဓာကိုယ်ရောင်းဖို့ တွန်းအားပေးခံခဲ့ရတယ် ။ ရှီးကျန်းက သူမကို ကယ်ခဲ့ပြီး သူမက သူ့ကို သူမရဲ့ ဘဝကြီးလို့ ယူဆခဲ့မိတယ် ။ သူမကို မြင်မြင်ချင်းချစ်မိခဲ့တယ်ဆိုပြီး လက်ထပ်ခွင့်တောင်းခဲ့ပြီး သူမကလည်း တုံးတုံးအအလက်ခံခဲ့မိတယ် ။ အနည်းငယ်တောင် သံသယမဝင်မိဘဲနဲ့ ။
နောက်မှသိလိုက်ရတာက သူက သူမကို လက်ထပ်ခွင့်တောင်းခဲ့တာက တိုက်ဆိုင်မှုသက်သက်ဘဲ ။ အဲ့အချိန်မှာ ရှီးမိသားစုက ရှီးကျန်းကို လက်ထပ်ဖို့ တွန်းအားပေးခဲ့ပြီး သူက လက်ဆုပ်လက်ကိုင်ပြဖို့ မိန်းမတစ်ယောက်လိုနေတယ် ။ အချိန်ကိုက် သူမက ရှီးကျန်းရှေ့ကို ရောက်သွားခဲ့ရုံလေးဘဲ ။
သူမ ရှီးအိမ်ကို ရောက်ပြီးနောက်မှာတော့ သူမက စင်ပေါ်မှာ အလြှပဖို့ထားတဲ့ အရုပ်တွေထဲက တစ်ခုဖြစ်လာခဲ့တယ် ။ သူမမှာ ရှီးသခင်မဆိုတဲ့ အမည်သာကျန်နေပြီး အဲ့အမည်လေး မပျောက်ဆုံးအောင်သာ တိုက်ခိုက်နေခဲ့ရတယ် ။
အရည်အသွေးအမျိုးမျိုးနဲ့ အလှလေးတွေက သူမနေရာကို တပ်မက်နေတာကြောင့် သူမ ရှီးကျန်းကို မဆုံးရှုံးရဖို အကြံကုန်ထုတ်သုံးပြီး လှည့်ကွက်မျိုးစုံ အသုံးပြုခဲ့ရတယ် ။ တဖက်မှာ ရှီးကျန်း သူမကို အသိအမှတ်ပြုလာလိမ့်မယ်လို့ မျှော်လင့်ရင်းပေါ့ ။
သူမကို လက်ထပ်ခွင့်တောင်းခဲ့တဲ့ နေ့ကလိုမျိုး ကြင်ကြင်နာနာလေး ပြန်ဖြစ်နိုင်လိမ့်မယ်လို့ ယူဆပြီး သူကျေနပ်ဖို့ သူမရဲ့ အရာအားလုံး အသုံးပြုခဲ့တယ် ။ သူမရဲ့ အသက်မွေးဝမ်းကြောင်းကို စွန့်လိုက်ပြီး ရှီးသခင်မပီသအောင် ပြုမှုနေထိုင်ခဲ့တယ် ။ အိမ်အလုပ်ကိုတစ်စက်လေးမှ မလစ်ဟင်းရအောင် ပြည့်စုံစေခဲ့တယ် ။ ရလဒ်တချို့အနေနဲ့ ရှီးကျန်းက သူမကို ပွဲတချို့ကို ခေါ်ခဲ့ပါတယ် ။
ပွဲကို မရောက်ခင်အထိ သူမလည်း အရမ်းပျော်ရွင်ခဲ့တယ် ။ ဒါပေမဲ့ သူမ ပွဲမှာ အမှန်တကယ် လှောင်ပြောင်လို့ရတဲ့လူပိုတစ်ယောက်သာဖြစ်တယ်ဆိုတာ သိလိုက်ရတယ် ။
သူမထက် အသက်ကြီးတဲ့ အမျိုးသမီးတွေနဲ့ ယှဉ်ကြည့်ရင် သူမက သိသိသာသာအိုစာနေခဲ့တာ အဲ့အချိန်မှ သတိထားမိခဲ့တယ် ။ သူမရဲ့ ပူပင်သောကတွေက သူမကို အိုစာစေပြီး ဆံပင်တွေကို အရောင်ကျွတ်စေတယ်။
အရှိန်အဝါတောက်ပကာ ခန့်ညားနေဆဲ ရှီးကျန်းနဲ့ ဘေးချင်းယှဉ်ရပ်နေတာက အများအမြင်မှာ သူမက ရွံစရာသတ္တဝါတစ်ခုလိုပါဘဲ ။ သူတို့ရဲ့ နူတ်ခမ်းတွေကို ဟပြီး သူမကို လှောင်ပြောင်ဖို့ မရပ်တန့်နိုင်ပါဘူး ။
" မင်း.." လေးလံအက်ရှတဲ့အသံက ရှောင်ယုယွီကို ခြောက်ခြားဖွယ်အတိတ်ကနေ နိုးထလာစေတယ် ။ သူမ သူ့ကို စိတ်ဝင်တစားကြည့်နေတဲ့ ရှီးကျန်းကို မြင်သည့်အခါ သူမ စိတ်ထဲ အန္တရယ်အသိပေးချက်တွေ အဆက်မပြတ်မြည်လာတော့တယ် ။
ရှောင်ယုယွီ သူမ ကိုယ်သူမ ထိန်းချုပ်လိုက်ပြီး တောင့်တင်းနေတဲ့ ခန္ဓာကိုယ်ကို ပျော့ပြောင်းစေလိုက်တယ် ။ သူမ မျက်နှာထက်မှာ လစ်ခနဲဆိုသလို အပြုံးလေးပေါ်လာပြီး ရှီးကျန်းကို စွဲမက်ဖွယ်ကောင်းစွာ ပြုံးပြလိုက်သည် ။ သူမရဲ့ ဆံစတချို့ကို နားအနောက်သို့ သပ်တင်လိုက်ပြီး လည်တိုင်လှလှလေးကို ဖော်ညွှန်းနေ၏ ။ သူမက တမင်သက်သက် ညုတုတုအသံပြုလုပ်လိုက်ကာ
" ဒီတက်သစ်စလေးရဲ့ နာမည်က ယုယွီလို့ ခေါ်ပါတယ် "
' ရှီးကျန်းက အပျက်သဘောဆောင်တဲ့ အပြုအမှုတွေကို အမုန်းဆုံးဘဲ .. သူ သေချာပေါက် ငါ့ကို ကန်ထုတ်လိမ့်မယ် '
ပိုင်လင် ရှီးယွမ်အား ခေါ်ကာ ဝင်လာချိန် ထိုကလူမြူဆွယ်နေဟန်ရသည့် မြင်ကွင်းက ဆီးကြိုနေလေသည် ။ သူက ရှီးယွမ်၏ အနားနားသို့ ကပ်လိုက်ကာ ခပ်သဲ့သဲ့ စနောက်လိုက်သည် ။ " မင်းရဲ့ အစ်ကိုက သူများနောက်ပါတော့မယ် .. "
" ကိုယ်က လွဲပြီး ရွေးချယ်စရာမရှိတော့ဘူး "
ရှီးယွမ် သူ့မျက်လုံးများကို လှန်ပြလိုက်သည် ။ သူ့အသံသည် သွက်သွက်လက်လက်မရှိဘဲ ပျင်းတိပျင်းရွဲ နိုင်ပုံရသည့် အသံတိုးတိုးပြုလိုက်ကာ ငြင်းပယ်လိုက်သည် ။ " မဖြစ်နိုင်ဘူး "
ပိုင်လင်၏ အသက်ရှုသံနွေးနွေးက ရှီးယွမ်၏ နားအား ရိုက်ခတ်သွား၏ ။ " ကိုယ်နဲ့အတူ သရုပ်ဆောင်ပေး "
မကြာခင် ပိုင်လင်တို့ ဝင်ရောက်လာခြင်းက ရှီးကျန်း၏ အာရုံကို ရရှိသွားတော့သည် ။ ရှီးယွမ်၏ အသံက ရှီးကျန်း မမေးခင်ပင် ထွက်လာ၏ ။
" အစ်ကို .. ပိုင်သခင်လေးက ကျွန်တော့်ကို စစ်ဆေးပြီး ဆေးလုံးပေးတယ် "
ရှီးယွမ်သည် စကားလုံးများအား မရှည်စေဘဲ ကျော်ချပစ်လိုက်သည့်တိုင် ရှီးကျန်း သူ့ဆိုလိုရင်းကို သဘောပေါက်သည် ။ ' ဒီတော့ သူတို့ရှာနေတဲ့လူက ပိုင်လင် ကိုယ်တိုင်ပေါ့ '
ရှီးကျန်း မသိမသာ မျက်မှောင်ကြုတ်မိလိုက်ပြီး မသင်္ကာစွာဖြင့် " မင်းကလား ! မင်းဆရာမဟုတ်ဘူးလား "
ရှီးကျန်း မယုံကြည်ခြင်းက မထူးဆန်းပါချေ ။ ရှီးယွမ်ရဲ့ အခြေအနေကို ဆေးပညာနယ်ပယ်ရှိ လူအိုကြီးများတောင် လက်လျော့ထားရခြင်း ဖြစ်သည် ။ အခု ပိုင်လင် ရဲ့ အသက်ကို ဘေးထားလိုက်ပါ ။ သူ့ရဲ့ ဆေးပညာခရီးလမ်းက ဘယ်လောက်လဲ ။ တက္ကသိုလ် နောက်ဆုံးနှစ်သာ ရှိသေးပြီး ဘွဲ့တောင်မရသေးပေ ။
ပိုင်လင်ရဲ့ အဖြေကိုစောင့်နေတဲ့ ရှီးကျန်းက ပိုင်လင်ရဲ့ ပြုံးနေဟန်ရတဲ့အမှုအရာတစ်ခုကိုသာ လက်ခံလိုက်ရသည် ။
" သူက ဘယ်သူလဲ "
ရှောင်ယုယွီအား စိတ်ဝင်တစားကြည့်နေပုံရသည့် ရှီးယွမ်ကြောင့် ရှီးကျန်း ပိုင်လင်ကို ဂရုမစိုက်နိုင်တော့ဘူး ။ သူက ရှောင်ယုယွီကို မှောင်မည်းနေသည့်အမှုအရာနှင့် ကြည့်လိုက်သည် ။
ဘာတွေ စိတ်ဝင်စားစရာကောင်းနေလို့လဲ ..?
ဒီတိုင်း အမြင့်ကိုတက်ချင်နေတဲ့ မိန်းမတစ်ယောက်ဘဲကို
ရှီးကျန်း အလွန်အမင်း စိတ်မသက်မသာဖြစ်နေပေမဲ့ ရှီးယွမ်ရဲ့ သိချင်စိတ်ကို တားဆီးဖို့ မလုပ်နိုင်ပါချေ ။ သူက အတတ်နိုင်ဆုံး ညင်သာတဲ့ လေသံဖြင့်
" သူမက မဆိုးတဲ့ သရုပ်ဆောင်တစ်ယောက်လေ "
" ဟုတ်လား ?.. ဒါကြောင့်ကိုး ..." ရှီးယွမ်သည် စိတ်လှုပ်ရှားနေသည့်အမှုအရာဖြင့် ရှောင်ယုယွီအား ကြည့်လိုက်သည် ။
" မမ အရမ်းလှတယ် "
ဤတချိန်တွင် မျက်မှောင်ကြုတ်သွားတဲ့လူက ရှီးကျန်းသာ မဟုတ်သည်မှာ သေချာပါသည် ။
" စကားသိပ်မပြောရဘူး "
" စကားအများကြီးပြောတာ မင်းကို ပင်ပန်းစေလိမ့်မယ် "
တပြိုင်နက်ထွက်လာသည့် အသံနှစ်ခုကြောင့် ရှီးကျန်းနှင့် ပိုင်လင်သည် အပြန်အလှန် ကြည့်မိလိုက်သည် ။ ပိုင်လင်သည် သိမ်မွေ ့တည်ကြည့်သည့် အမှုအရာဖြင့်
"ဥက္ကဌရှီး .. ကျွန်တော်တို့ သီးသန့်ဆွေးနွေးဖို့ လိုလိမ့်မယ် "
ရှောင်ယုယွီအား မောင်းထုတ်နိုင်ဖို့အရေး ရှီးကျန်း လက်လွတ်ခံဖို့ မဖြစ်နိုင်ချေ ။ သူကလည်း လေးနက်စွာ ခေါင်းညိတ်လိုက်ပြီး
" ရတယ် "
ဘီးတပ်ကုလားထိုင်၏ လက်တွန်းနေရာမှာ ရောက်ကတည်းက ပိုင်လင်လက်ထဲတွင်ရှိနေပြီး ပြန်ပေးရန်စိတ်ကူးမရှိသည့်အတိုင်း ရှေ့ကထွက်သွားသည့်အတွက် ရှီးကျန်းသည် နောက်မှ လိုက်လာရုံသာ တတ်နိုင်လေသည် ။
ပိုင်လင်သည် ရှီးယွမ်၏ နားရွက်လေးအား အနောက်မှ အသာထိလိုက်ပြီး တိုးတိုးလေး ညည်းလိုက်သည် ။
" ဆိုးလိုက်တာ "
ရှီးယွမ် မျက်နှာထက်တွင် ကျေနပ်သည့်အပြုံးတစ်ခုဖြစ်ပေါ်လာခြင်းကို မထိန်းထားနိုင်ပေ ။ သူက ခပ်တိုးတိုးပြန်ပြော၏။
" ဘယ်သူ့အမှားလဲ "
_________________________