الكاتبــهہ""بنت مـهہدي🫀
نتناغه بعشكَنا
فرق الأصوات
شجاب ألبومه صوته
على الحمامه
اكو واحد
تحبه بحرگ الأعصاب
واكو واحد تكره من أبتسامه
من كَد ما أخاف
أجرحلي أنسان
اذا ما عنده شامة
ارسمله شامة
أنترك بيه أثر
چن شايب يموت
وقبل ليموت
أشر على الملامه
🦋 ... 🦋... 🦋
تلعثم مصطفى وماعرف شيحجي وره دقايق صحه على نفسه وشال عينه عني ورجع يخربني بعين مالك
مالك تاثر ومن مصطفى ضل يصيح علي كال
مالك:- انتِ طالك وحتى العقد اشككه
مـصـطـفى:- لا عليمن اني اشككه
فتح جنطه جانت موجوده عرفتها لمالك
طلع ورقه راواها لمالك وشككها
وسحبني من ايدي وطلعني من شاف عمار واكف يم سيارته اشرله اجه بسرعه ودخل للمخزن
وصعدني السياره وفوراً رجعنه للبيت
مـصـطـفى:- خلصنه من وحده
زمــرد:- مااعرف شلون اشكرك
مـصـطـفى:- عادي يابه لو اي واحد مكاني
مراح يسكت على الي يصير بيج
ويمكن راح يتصرف اكثر اني على گدي
ضحكت وباوعتله هو ضخم حيل
زمــرد:- اذا على گدك كلش زين
باوعلي وتذكرت كلامي وي مالك
زمــرد:- الله يطيح حضي لازم اطيح حضي بايدي
يلا ارتاح
مـصـطـفى:- شنو؟
زمــرد:- هاا لا ماكو شي
شفته كح شوي ولزم راسه ركض رحت جبت العلاج وانطيته الا
باوع لوجهي وابتسم سحبها مني بخجل
مـصـطـفى:- راح اتعبج وياي
زمــرد:- بالعكس اني الي تعبتك وياي معرف شلون ارد هل معروف الك صارت زحمه
مـصـطـفى:- رحمه بويه صدك جذب
اني بعدني بالعبايه واجه اتصال
فتح الخط
مـصـطـفى:- الوو
شفته فتح عيونه بوجهي سده بدون لا يجاوب وسحبني من ايدي طلعني من البيت
زمــرد:- وين رايحين شصاير
مـصـطـفى:- امشي بابا مابيه حيل امشي
صعدنه بالسياره وهو يشغل كال
مـصـطـفى:- عمج يمكن كدر يحصل معلومات
واذا لكانه ياخذج
زمــرد:- عمو نزلني
وخر ايده من الستيرن وباوعلي بصدمه
مـصـطـفى:- شنو؟؟
زمــرد:- نزلني اني خل ياخذني ترا ياذيك وياي اني تعودت واكيد مراح يخلوني عايشه على القليله اموت ولا هل تختل تعبت
ضرب الستيرن حيل وصاح
مـصـطـفى:- مااعوفج لو السمه تنكلب على الارض
والخلقج مااعوفج بس لازم نروح نزور الج عقد زواج
سكتت واني كلبي ياذيني واكول بكلبي راح يتورط وياي
وصلنه بدايه شارع نزلنه ورحنه لبيت مشي مسافه بس مصطفى جان متوتر بالشارع حيل
دك الباب طلع ولد من عمره سلم عليه سلام حار ودخلنه
حسام:- مشتاقلك هواي وانتَ ماتجيني
مـصـطـفى:- والله من الدوام للبيت اعذرني
حسام:- معذور معذور
مـصـطـفى:- حسام انتَ صاحبي ومااثق بس بيك واني جايك بطلب
حسام:- ابشر
مـصـطـفى:- اريد عقد زواج لهاي البنيه مزور
حسام:- مزور؟؟
مـصـطـفى:- يي لان سالفتها
حسام:- تجي هسه نروح اني وياك ونشوف بس اني اكلك المزور يطول يمكن اسبوعين هيج يلا تكدر تخلصه مو مثل العقد الصحيح
مـصـطـفى:- العقد الصحيح شكد وكت يرادله
حسام:- ميطول اصلا الوز الموضوع من يمي باقل الساعه اكمله كله
زين تعال نطلع ناخذها نوديها للبيت ونروح نشوف شنو السالفه
حسام:- تمام ماعندي شي بس ابدل
راح الولد وضلينه اني وياه
مـصـطـفى:- اوديج لبيت مسره ديرن بالچن الباب لا تفتحنه ضلي يمها لحد مااكمل الموضوع واجي
زمــرد:- تمام
اجه الولد طلعنه وياه صعد بسيارته فتح مصطفى الباب الي بالخلف
مـصـطـفى:- صعدي بابا
صعدت سد الباب وصعد بصف صاحبه
ضلو يسولفون الطريق كله لحد ماوصلنه يم بيت مسره ضل يباوع فتره طويله حتى يتاكد محد بالباب
همس
مـصـطـفى:- غطي وجهج بالعبايه
صدك سويت مثل ماكال ونزلت بسرعه لبيت مسره لكيتها واكفه بالباب بس طبيت حضنتني حيل
مـسـره:- شتاقيتلج يالمعزايه
زمــرد:- يعمري اني هم اشتاقيتلج
مـسـره:- تعالي جوا تعالي
دخلنه يم الحجيه بستها براسها وكعدنه اني انزع بالعبايه والحجاب واحجي
زمــرد:- ولج مسره ولج ماتدرين اصار طاح حضي
مـسـره:- اصار خايبه احجي
زمــرد:- روحي جيبي ماي وتعاي لان راح نعطش
مـسـره:- ياااع هلكد عندج حجي بعدين شو كومي كومي البيت وتندلي والماي موجود جيبي وتعاي
صدك كمت ركض جبت ماي لان ميته عطش واجيت يمها
زمــرد:- هاج كضي
مـسـره:- دعوفي هسه واحجيلي شكو
ماخليت شي يعتب علي حتى سالفه مرض مصطفى حجيت وهيه بس
لو تكول يبوو وتلطم
لو تفتح عيونها بوجهي
زمــرد:- وهسه جابوني يمج وهمه راحو
مـسـره:- وليش يزورون العقد خايبه عقدي صحيح وي مصطفى هم مايجوز كاعده بنفس بيته سوا وحدكم حرام وهمين بسرعه تفض حتى من يجون عليج يوكف بوجهم
زمــرد:- لا شنو عقد صحيح منو كلج هو يريدني
مـسـره:- خايبه لو مايحبج مايسوي هيج علمودج ويوكع روحه بخطر بعدين هو مو من تمرض كالج مدري شنو
زمــرد:- فص كلبي لاتعوفيني
مـسـره:- وهو زين هم كالج مااعوفج
خو ابدال ماكاعده يمه حرام كعدي حلال ومن يجي واحد عليج مايكدر يمسج هو بضهرج أأمن الج من كل النواحي
زمــرد:- بس عيب اكله تعال نزوج شنو مااستحي وبعدين هو مو كتلج مريض
غمتني وكالت
مـسـره:- خايبه امداج ايي والله
زمــرد:- ليش؟
مـسـره:- دصبري وكعدي هنا شوي واجي
زمــرد:- وين رايحه؟
مـسـره:- شعليج رجلي انتِ اكلي مطي وانطري هنا لحد مااجي
راحت شوي واجت وعلى ذانها تلفونها
مـسـره:- يي يالمسربت هاي يمي هاج خل يحاجيج
اخذته منها
زمــرد:- الو
مـصـطـفى:- الو ها بابا
زمــرد:- هاا
مـصـطـفى:- راح نجهز اوراق وشوي واجي اخذج نعقد عقد صحيح وتبقين مثل ما جنتي بالبيت ولا تفكرين فد يوم اجبرج لو اضوجج مهما يكون
زمــرد:- ماشي
مـصـطـفى:- ماشي جهزي نفسج
سديته وباوعت لمسره مجتفه ايديها وابتسامه نصر على وجهه
مـسـره:- قبل لا تبلشين سؤال وجواب من الاخير اني كتله وكتله انتِ قابله بس راد يسمعها منج
زمــرد:- شلون تكوليله هيج؟؟
مـسـره:- انتِ شبيج جنج صخله مسودنه ومفرعه انوب ضبي شالج خطيبج راح يجي
زمــرد:- خطيبي؟
مـسـره:- يي مصيطف الوكح
زمــرد:- الوكح؟
ادنت علي وضلت تهوس وتهز وتهلهل خبصت الدنيا
مـسـره:- فرحنه واليحبنه يفرح ويانه وهذا اول فرح شفا بدنيانه
ضحكت عليها ورحت للغرفه اعدل بحجابي اجتني تركض
مـسـره:- تردين يطردوكم وما تم على خير ؟؟
زمــرد:- ليش؟
مـسـره:- هو وجه هذا هسه يكولون غاصبهة مايعقدون
زمــرد:- ليش شبي وجهي
مـسـره:- شو بالله تعاي كعدي كدامي وسدي عيونج خل اشوف شبي
كعدت وغمضت ماحسيت غير لزمت حواجبي
مـسـره:- اكلي مطي خل اكمل هو هذا وجه عروس؟
سكتت مايهمني بس كلتلها
ضليت اتصايح من الم حواجبي
مـسـره:- ولج بس ارتبهن سكتي حتى اعرف ارتبلج مكياج همين هيج يطلع مبهذل
زمــرد:- اذا شفته ثخين اغسل وجهي والله
ماجاوبت وره شوي كالت
مـسـره:- انتِ بجنطتج ما لكيتي مخليات الج مكياج؟
زمــرد:- اكو مكياج و اقنعه وحتى سوالف ما اعرف الهن
مـسـره:- جا خوش اذا اكو مثل هذا هيج يتخله شوي هنا وشوي هنا وهذا هيج تخلينه وهذا هنا بس وهذا القلم للعيون وهذا جنه قلم يطول الرمش وهذا نسيته وكفي هاا هذا للحواجب هيج يتخله والحمر واضحات
خلت شوي حمره وانداريت على المرايه
انصدمت بالشكل الي سوتني بي
زمــرد:- هاي شلعبتي
مـسـره:- هو انت حواجبج ثخان بس رتبتهن وعيونج
سود كبار رهمت اله الكحله
زمــرد:- لا فشله راح امسح
مـسـره:- شنو ماكله جلب شو هواي تنبحين
زمــرد:- احجي صدك
مـسـره:- هسه اتصل بي واكله شردت مني وكوه
لزمتها الحكني
زمــرد:- تشاقين؟
مـسـرهہ:- اسويها والله
كعدت البس الشال الي سحلته من وجهي اجت نزعته الي
زمــرد:- ولج شبيج
مـسـره:- لابسه شال اسود شكو مسره ماتت؟
زمــرد:- اسم الله عليج
فتحت الكنتور وطلعت حجاب ابيض وبي ورد ازرق
طبكته سوت شكله مثلث وخلته على راسي وخلتلي دنبوس وشالت العبايه ولبستها الي حتى مايخرب المكياج
مـسـره:- مو تبجين تصيرين فزاعه ولا تمسحين وجهج بشي حتى ايدج
دك تلفونها بس مااهتمت
زمــرد:- لج خاف مصطفى جاوبي
مـسـره:- عوفج تعاي سحبتني وطلعت يم باب المطبخ وسدت الباب حتى امها ماتكعد جابت خشبه فتحت الباب وضلت تدك وتهلهل
مـسـره:-
عروستنا كمر فدوه الحلاها
الشمس تاخذ ضواها من ضواها
مدري منين دورها ولكاها
حبها ورادها وتالي خذاها
اجه مصطفى يركض يريد يفهم شكو ضل يباوع بوجه مسره
مـصـطـفى:- هم دايحه وهم مستهترة
دروحي صيحيها خل نروح نعقد
باوع للباب شافني دار وجه وكال
مـصـطـفى:- خويه بلا زحمه صيحيلي زمرد
مـسـره:- لك هيه زمرد
مـصـطـفى:-تضحكين علي غير اعرفها تشبه ملازم اول قحطان
هاي منو شو حلوة؟
مسره تريد تلزم روحها من الضحك ماكو
انوب طلع يم الباب صاحت مسره
مـسـره:- خدها طماطه لاتكول محمرة
رجع عليها مصطفى لازم خشبه
مـصـطـفى:- ابد مامحمرة هسه من نروح ويشوف صورته والحقيقه مو يكول جذب شكله؟؟ حكها تطلعلك مثل الرصيد
وبعدين ليش ملبستها ازرك طالعه جنها العفريت الي وي علاء الدين
ضليت مصدومه من كلامه اصلا ماباوعلي بس مرة وحده شهل قابليه
مـسـره:- والحمزه تخبل
مـصـطـفى:- الحمزه يخبلج
مـسـره:- العباس يعقلك
مـصـطـفى:- العباس يرحمج
مـسـره:- الحسين يصلحك
مـصـطـفى:- الحسين يهديج
ضحكت تقرب بسرعه جرني من ايدي طلعني وسحب باب بيت مسره حتى ينسد
بس هيه تكعد فتحت الباب وهلهلت راد يرجعلها بس سكت ضل يستغفر وصعدنه بالسياره
شغل الاضويه الي بالسياره والفلاش مال التلفون وخلاه علي
مـصـطـفى:- شنو هاي؟
زمــرد:- والله مسره مو اني
مـصـطـفى:- عاشت ايدها
زمــرد:- مو توك ضليت تعيب علي
مـصـطـفى:- اضوجها بس
سكت وضل بس يباوع بلع ريكه ومسح وجه
مشه بالسيارة واني هادئة بس هو فاتح الجامه
وتنفسه صعب
زمــرد:- عمو تعبان
مـصـطـفى:- لا لا ماكو شي
وصلنه كدام بيت صاحبه
زمــرد:- ليش مو لازم محكمه؟
مـصـطـفى:- انتِ عليج شكوه مااكدر اجازف هنا نكملها واكو قاضي يعرفه حسام هو وياه يرتبوها على السريع
دخلنه لكينه ثنين يمه وهو كاعد
كعدت بصف مصطفى
عرفت انو همه الشهود
كملنه العقد بخير وبصمنه ووقعنه وكومني صعدنه بالسياره راح الهم شوي واجه واجه وراه حسام
حسام:- باجر امر عليك وانطيك العقد كامل
مـصـطـفى:- ماقصرت حبيبي
حسام:- ولو هذا قليل كدام السويته وياي
ضلو يحجون وتوادعو وبارك النه صديقه ودخل للبيت
بسرعه فتح تلفونه وكال
مـصـطـفى:- جيبي ايدج
زمــرد:- ليش؟
مـصـطـفى:- جيبي اصور الحبر الي باصابعنه
صدك صورة وكال احتفظ بي ذكره ورجعنه للشقه بس دخل راح شرب العلاج
دخلت للغرفه ذبيت العبايه وبدلت ملابسي لفيت حجاب وطلعت للمطبخ اسوي اكل لان ماتغدينه
دخلت للمطبخ لكيته يم باب الشارع جاي يدخل مسواك وعلاليك وحتى صينيه مال اكل
زمــرد:- ليش اني ردت اسوي؟
مـصـطـفى:- مو على الاساس الغده باختياري اختاريت اجيب جاهز
زمــرد:- كعدت ارتب المسواك بالمطبخ وهو يفتح بالاكل وخلاه على الطاوله
مـصـطـفى:- غسلي اديج وتعاي ناكل
زمــرد:- حاظر
كعدت كدامه وبلشنه ناكل
زمــرد:- عمو؟
مـصـطـفى:- ها عمو
زمــرد:- مرضك الا علاج؟
وكف عن الاكل وباوعلي
مـصـطـفى:- ليش سالتي هذا السؤال هسه
زمــرد:- من شفتك تاخذ مهدئات كلت
رجع ياكل وكال
مـصـطـفى:- لا ماكو الا عمليه ومااريد اسويها
زمــرد:- ليش؟
مـصـطـفى:- خطرة بالدماغ
زمــرد:- مافهمت شنو هو المرض؟
مـصـطـفى:- ورم ياثر على كلشي بيه مرات مااتحكم بجسمي ومرات بتصرفاتي وكلامي
شهكت انتبهه علي خفت حسيته ضاج
زمــرد:- ان شاء الله تلكه دكتور يكدر يسوي هل عمليه وتخلص
مـصـطـفى:- ان شاء الله رايح انام كملي اكلج
زمــرد:- بس مااكلت شي؟
مـصـطـفى:- شبعت اصلا ماكل برا
زمــرد:- تمام
مشه للقنفه نام اني اكلت شوي وشبعت لميت الاكل وخليته بالثلاجه ورحت الغرفه دخلت للحمام سبحت طلعت كعدت على الجربايه افكر بحياتي ونمت مااعرف باي ساعه وباي موضوع جنت افكر اخر لحظات صحوتي
كعدت على دك بالباب مال الشارع تفلش فتحت باب الغرفه ردت اطلع
دفعني مصطفى للغرفه وكال بصياح
مـصـطـفى:- رجعي قفلي ولا تفتحي ابد
يتبع.....
🦋 ... 🦋... 🦋
شلونها القفله؟
شنو رئيكم ببارت اليوم؟
شنو تتوقعون يصير بالبارتات الجايه ؟
من دق بابنا 😅❤ ؟
يوزري @ayat_almahdi
لاتنسون التصويت للبارت ❤️🩹