مسحت البارتات لان صار اكو خطأ🤍.
لاتنسون النجمه وتعليقاتكم ترفع الروايه🤍🤍.
___________________________________
بارت 27
ويمنعني الحياء والكبرياء
برغم اني اكاد اموت من حبي اليه
وفاء...
راح وطن وضميت الهدية لكلبي مداصدك صار عندي ذكرى من وطن وينج جوري تجين تشوفين ابن الشيخ شسوا بحالي وشلون طالع اليوم جان لابس دشداشة لون حليبي وغترة بيضة وجاكيت اسود فوكهم طالع يخبل كل ما يمر من كدامي يعيوني تراقبه وفاضحتني يمكن الكل انتبه اكو شي بداخلي تجاه وطن لمحت محفظةبابا بل سيارة يبووو اكيد نسا ياخذ علاجه طلعت العلاج ونزلت من السيارة ورحت لبابا حتى انطي وصلت يمه ملتهي يسولف عليت صوتي وحجيت بابا هذا علاجك مالت الضغط ناسي بل سياره هاك اشرب هسه تتخربط ويصعد ضغطك
ابووفاء: اي والله همزين ذكرتيني اني اكول شبي راسي مصدع ويكلولون ليش تحب اكثر منا
ابو وطن: ها ابو ايمن تفرق بينها وبيت خواتها
ابووفاء: ربي يشهد ما مفرق بينهم بس الكلب وما يهواه وهيه اكثر وحدة ارتاح بشغلها سريعة وما تضوج وتكملها على اتم وجه ومرات اتعصب واصيح هيا تبقى تبتسم بوجهي واني من اشوفها هيج كبل ارجع اضحك
ابو وطن: شفتي عمي شكد يحبج ديري بالج علي
وفاء: بعيوني
ابو وفاء: ماازوجها ابقيها يمي مكدر على فراكها
كرار: عمي اني اتزوجها واسكن يمك بس اتزوج عليها لان اكبر مني بهوايه
وفاء: بابا تسمع كرار شيحجي
فارس: معليج بي عمي اني مااقبل ما انطيج الا واحد يستاهلج
كرار: ها يابة انت هم صفيت ضدي
ابو وفاء: يغني هذا معليج منا يحلم يشوف اظفر منج
وفاء: رفعت حاجبي لكرار وشافني وطن
ابو فهد: عمو وفاء انتي مسويه الدولمة
وفاء: اي اني ليش شبيها
ابو فهد:تجنن عاشت ايدج اني اول ما ضكتها كلت وفاء مسويتها
وفاء: الف عافية عمو يلا اني اترخص
وطن: ما توقعت وفاء هيه المسويتها حيل طيبة هم بيها بلى نص شبر وتعرف تطبخ ههههه
كرار :شباب شرايكم نلعب لعبة (انت كدها)
فهد: شنو هاي اللعبه
كرار: نكتب تحديات على قصاصات ونخليها بعلبه وتختار وانت وحظك
فهد ووطن : حلوة شرايك عبدالله
عبدالله : نلعب ليش لا
انس: نلعب وحدنا لو شلون
كرار: اذا الشباب ما عدهم مانع نلعب فريق بنات وفريق شباب
وطن: عادي احنا اهل روح صيح البنات واني اروح اعمر النركيلة
فهد: خرب يومك حتى هنا جايبها وياك
وطن: هوا اليوم انسب يوم الها
وفاء: اجا علينا انس كال راح نلعب جماعي حظرو كعدة مرتبة بعيد عن الاهل ولاتنسون الحبشكلات فرشنا وحدنا وحطينا الحبشكلات بل نص وصاروا الشباب مقابيلنا كملنا وكرار بعده يدور على دفتر وقلم هههه هاي بعدك ادور
كرار: اي والله دخت
وفاء: روح على سيارة بابا تلكه بل جكمجة مالتها دفتر صغير وقلم بابا مخليهم احتياط هناك
كرار :افدي عمي دوم ينقذني
وفاء: هههههه ابتلى صار عمك
فاطمة:هذا ابن عمج تحفه دك ميانة معاج
وفاء: غير ربيت بنصهم وكضيت كل حياتي ابيت جدي وهذا كرار التشوفي جنت العبه من جان صغير وهسه شوفه عينج شلون يقلد علية ويقصف عود صاير شاب واطول مني
فاطمة: ليش انتي اكبر منه ولامبين بيج
وفاء: اي هو بعمر انس وعمرج تقريبا فرق كم شهر
فاطمة: هنيالج ابن عمج ينحب مو مثل ولد عمي كل ما شافوني كالو طبي جوة او سوينا جاي
وفاء: هههههه الله يساعدج كلهم عكضة بس فهد حباب
وطن: جبت النركيله وكعدت مقابيل فاطمة ووفاء مدري شتحجي مع فاطمة ويضحكن واني عيني عليها شلون طالعة اللون ياكل ويشرب عليها وانوب راسمة العين طالعه ضيم بنت اللذين اني اجر نفس من النركيلة وانفخ عليهم وهما ولا عبالك
كرار: والله حطيت تحديات ما انزل الله بها من سلطان
وفاء: الله يستر منك بس
كرار: ادعي من الله ما يطلعلج السوال الي ابالي
وفاء: فال الله ولا فالك
كرار: منو يبدي اول يا فريق
انس: فريق البنات وابدي بريم لان اكبر وحدة
كرار: خطبت الورق يلا ريم اسحبي
ريم: تمام سحبت قصاصة فتحتها مكتوب بيها (اذا كدها اكتب على وجه واحد)
كرار:ها شطلعلج
ريم: هاي
كرار: حرامات عبالي تطلع لوفاء يلا مو مشكلة اكتبي على كصه فهد احبك بل قلم
فهد: لا والله
كرار :منو معايا ومنو مع فهد
الكل: ويا كرار
ريم: امري لله اخذت القلم وكتبت على كصته والكل يضحك علينا
كرار : دوركم شباب وعبدالله انت اكبر واحد بينا اسحب
عبدالله: سحبت وطلع تلعب شناو بطن عشر مرات
كرار: يلا عبود ابدي كمل تحديه واحنا نضحك
كرار: دورج وفاء اسحبي
وفاء: سحبت وطلعلي (اغنيه تحبها وليش)درت الورقة عليهم باوعت على وطن وحجيت (شمسويلك لقيس هشام) احسها تمثلني
وطن: من باوعت عليه حسيتها تقصدني غلست صار دور فهد وغنا لريم وكل شويه الدور على واحد صار دوري سحبت الورقة مكتوب بيها(كم مرة حبيت بحياتك /ج)درت الورقه عليهم باوعت لوفاء وحجيت ما حبيت ولامرة ولا راح احب
صار دور فاطمة تقلد احد وطبعا قلدتني ودور كرار جان يقلد الديك متنا علي ضحك ترخصت منهم وعفتهم يلعبون لان كل ما تجي عيني بعين بوفاء احسها تكلي انت المقصود رحت لسيارتي لزمت موبايلي لان عندي نت بحثت عن الاغنية وسمعت اول مقطع منها (شمسويلك كل يوم مسهرني بليلي وانت بسابع نومة بليلك بيش ادعيلك ياربي يخليك تحبني وتسهر مثلي وينهد حيلك تتفنن ليش بتعذيبي وليش براسي تزيد شيبي ياابن الناس ارحمي دخيلك دخيلك)سمعتها وحسيتها عليا وعلى وفاء معقولة احساسي بمحله وتطلع وفاء تحبني لاشهل خرط طردت الافكار من راسي رجعت كعدت يمهم واركز بتصرفات وفاء تصرفتها شكل و نظراتها شكل مر الوقت ورجعنا للديرة وسالفة الاغنية ما تروح من بالي
ريم: رجعت مع بيت اهلي واحس بتعب الطريق كله استفرغ وامي شاكة بيه حامل وصلنا البيت وفاء مطنكرة معرف شبيها دزيت انس راح جاب اختبار حمل خابرت هناء وعلمتني شلون استعمله سويت مثل ما علمتني وكعدت انتظر النتيجة وخايفة ومتوترة صار خط واحد بعدين صار خطين من شفته بقيت ابجي واشكر الله وما مصدكة طلعت بشرت ماما والبنات وامي تهلهل وفرحو بيه خابرت هناء بشرتها هم باركتلي ترددت اخابر فهد بعدين كلت اريد اشوف رده فعلة اذا عرف بقيت يومين عد اهلي بعدين اجه فهد عليا ورجعت لبيتي نزلني وراح عنده شغل بلغت عمتي وفرحت وضل تصلي على النبي وتوصي بيا ومنوع شغل ومعرف شنو كتلها اريد اني ابلغ فهد رجع بليل انتظرتة يبدل ويكمل حتى احجيلة
فهد: ريم استكان جاي من ايدج الحلوة
ريم عوف الجاي عندي خبر حلو
فهد: بلهفة احجي حبيبي اسمعج
ريم: اني حامل اباوع لفهد مصدوم بعدين نزلن دموعه
فهد: ما مصدك انتي حامل الحمد لله والشكر يارب تزوجت الاحبها وهسه هيا حامل بابني ريومة كلبي حاملة ابنها بداخلها
ريم: يعني فرحان
فهد: الله شاهد ما منطي فرحتي لاحد تعالي خلي ابوسج اطلبي واتمني ياروح فهد
ريم: شايلني ويفتر بيا ويبوس بطني اريد سلامتك والله يطول عمرك ونربي ابنا سوا
فهد: باجر نحلل دم ونتاكد ونعرف كم شهر حامل
ريم: نمت بحضن فهد وكعدت الصبح البيت كله يبارك وفاطمة خابرتني تباركلي العصر رحنا اني وفهد وعمتي للدكتور سويت فحص دم وكعدت انتظر النتيجة شوية وصاحو اسمي طلعت النتيجة ايجابية وطبيت للدكتورة سوتلي سونار كالت عليج شهرين ديري بالج على نفسج وكتبتلي مقويات طلعت ابشر فهد
فهد ها بشري شكد صارلج حامل
ريم: شهرين
فهد: ههههه شهرين وما حاسة على نفسج
ريم: غير ملتهية بل امتحانات
فهد: يلا مشينا
ريم: رجعت والطريق كله فهد يوصي لا تشيلين شي ولاتعبين نفسج كلشي يجي لعندج
ام فهد: سمعتي الكلام بنتي
ريم : شلون اعوفج وحدج
فهد: بلا لواكه امي طول عمرها دايرة البيت وحدها
جوري: طبعا من رجعت من اخر امتحان نسوان اخواني ماصدكن على الله وراحن لهلن واني استلمت البيت رتبته ونظفتة مر كم يوم ورجعن الجناين وامي قررت تروح لخوالي رحنا لبيت جدي طبينا ولكينا البيت مليان وبيت خالي هم هناك وكل خالاتي متجمعات وبنات خوالي اموت منهن رب النفاق بل وجه مراية وبل كفه سلاية وحدة منهن حجت ها جوري اخبار الحب ما حبيتي ما نخطبتي بل جامعة
جوري :تعصبت منها ورديت اعتقد الجامعة مكان للدراسة مو للحب وحجت خالتي الجبيرة
وشدعوة ضجتي مجرد سوال بعدين شوكت تتزوجين ونفرح بيج
جوري :اللي تريد تزوجني خلي تزوج بنتها اول شي كلهم سكتوا اول مرة بحياتي ارد عليهم تذكرت وفاء من تكول رزليهم بردي كلبي هسه حسيت بشعورها كل مرة وفاء ادافعلي واني معرف ارد عليهم لان استحي وهيا تنزل بيهم بكرة حيل ضجت منهم ورجعت بليل مع ابويا وامي وخواتي بقن هناك دكيت على وفاء حتى اشوف شصار معاها ردت علي بصوت مخنوك
وفاء ها جوري
جوري: خير شبيج وفاء شبي صوتج تعبان
وفاء: هذا الحقير وطن ضوجني
جوري: خير شبي غربة
وفاء: اول شي انطاني هديه لعيد ميلادي عود من نلتقلي تشوفيها اي ويضحك وعادي بعدين كعدنا نلعب وسالو تحب باوع عليا وكال ما حبيت ولا راح احب
جوري:خلي يولي مايستاهل تضوجين علموده انتى اقوى من هيج
وفاء: ضوجني مو بيدي اي انتي شصار معاج هل يومين
جوري: ملل بس ابشرج رزلت بنات خالتي وخالتي هم
وفاء:كفوو هسه صار ينشد بيج الضهر
جوري:هههه وطن يضوجج واني اغير مودج بقينا نسولف واحجيلها على الصار معايا بهل يومين وهيا تحجيلي مرة تضحك مرة تعصب اخر شي سالتها على عدي
وفاء: سمعت من ريم مسافر ومايرجع الى نهاية الشهر وموصي وطن يجيب النتيجة مالته
جوري: امممم اكلج ابويا جاي يصيحني بعدين نكمل
وفاء: تمام وسلملي علي امنة
جوري: الله وياج يوصل
بعد مرور اسبوع
طلعت النتائج ورحنا استلمنها و طلعنا ناجحات ودرجاتنا عالية وعدي هم نجح وطن اجه ووفاء دارت وجها عنه ما جنا ندري هذا اخر يوم النا بل دوام واني ماراح اشوف عدي
ورا يومين سمعنا بموجه كورانا والحدود راح تنسد خابرت ريم وكالت عدي رجع من سمع راح تنسد سبحان الله وصل يوم ٢٤ بشهر الثاني يوم ٢٦ سدوا الحدود والرحلات الجوية توقفت
فهد: عزلت المطعم مالتي لان صار ممنوع تجول والعام الدراسي تاجل الى اشعار اخر والناس بدت تنصاب بل فايروس واني فرحت لان ريم ماراح ادوم واضل كدام عيني بدت الاصابات بل ديرة والفايروس يقرب عيلنا ونص الكرايب نصابت ليش ما بيوم من الايام تتخربط ريم ورحت اركض بيها للمستشفى وحطولها مغذي ورجعنا بس ريم من رجعت نصابت تخبلت عليها شلون تنصاب وهيا حامل وحملها ضعيف قررت تحجر نفسها بعيد عن العيلة بس حلفت يمين مااعوفها واضل وياها لو اعرف انصاب واكعد واكابلها ولا اعوفها وحدها
ريم: نصابيت وفهد ما تركني ولا لحظة وينام ولازم ايدي اني فقدت الشهية وبديت اضعف ونفسي يثكل واختنك نص الليل وفهد يفز مفزوع ويحطلي اوكسجين رجعت اتنفس ومرات احس على فهد يسويلي كمادات من ترتفع حرارتي ويبجي عليا بديت اتحسن شوية وتركت الاوكسجين رجعت اكل بس ما احس بطعم نهائيا بس اللي ما جنت اعرفه انو فهد نصاب معايا ومايعلمني الامرة حسيت علي مختنك وجه ازرك اريد اشيلة من الارض ما اكدر لان حامل وفهد ثكيل نزلت ابجي على عبدالله وجا مفزوع وساعد فهد وحطو بل جرباية
عبدالله: احتمال انصاب البس كمامة واجي يمه
ريم: ببجي اني يمه ما اعوفة لاتشيل صعدت عمتي تبجي وعمي لازمها يم الباب ما يخليها اطب لان عدها ربو ونخاف عليها لا تنصاب لان احتمال تروح بيها حملت نفسي والتهيت بفهد لدرجه حتى علاجي ما اخذه انام بل ارض وايدي لازمه فهد احس اخذ قوتي منه مشاعري تغيرت تجاه فهد كمت احبه ومن نصاب فهد وحسيت نفسي راح اخسره تاكدت اني احبه واحس روحي تروح من يفز مختنك ومن يتوجع اني هم اتوجع فهد بدا يتحسن ويكدر يحجي وعاف الاوكسجين
فهد: ريم عطشان
ريم: يا عيون ريم هذا مي شربته شلون صرت هسه
فهد: بتعب احسن ليش هيج صاير بحالج يابعد حيلي
ريم: بجيت وما تحملت
فهد: ليش البجي ياعمري
ريم: رميت نفسي بحضنة احبك فهد والله من تمرضت جيت امووت وراك
فهد: عيدي شكلتي
ريم احبببببك
فهد: ياروح فهد ياعمر فهد وانا ميت بهواج واخيرا سمعتها قبل لا اموت
ريم: حطيت ايدي على حلكة اسم الله عليك لاتكول هيج
فهد:ههههه مو كتلج سنة٢٠٢٠ سنه خير عليه
ريم: مسحت دموعي وابتسمت اي
فهد: لو اعرف خوفج عليا يخليج تعترفين بحبج جان انصابيت اول واحد
ريم:عابت اي والله
فهد: هههههه
.............
وطن:....
اني من اجت الموجه اخذت كل احتياطتي من الجفوف والكمامة والتعقيم واني اغسل ملابس الدوام حتى لا احد ينصاب من ورايا الدوائر انسدت كلها واضطريت اكمل شغلي بل بيت النهار كله مكابل اللابتوب واشتغل اخواني كلهم انصابوا
وابوي وامي خفنا عليهم وحظرنا غرفة بيها اوكسجين وكل مستلزمات العلاج والحمد لله ما نصابو والناس بطلت تجي للديوان تخاف لا تنصاب كلمن كاعد ابيته وساكت رغم الفايروس المنتشر عدي وخالد بقو يجون يمي وخطية فهد نصاب ومقبل نروحله الا تعافه وريم خم نصابت وخفنا عليها لان حامل وفاطمة تبجي عليها وامي طايرة بينا لان مكابيلها وكاعدين تحير شنو تطبخ والحلويات هيا تسويها حتى سمنت بفترة الحجر اجانة رمضان وهذا جان احلة رمضان يمر علينا دلال وكعدة بل بيت والراتب لي يمنا والعيلة يوميا متجمعين سوالف وضحك
يتبع.....