Okaido 28
Shoyo 25
tatlo nalang at maabutan na ng team shoyo ang okaido, mukhang pursigido pa lalo si fujima na masundan ang score ng okaido team dahil sa ginawa ni sakuragi sakanyang pag papahiya at pag ignora sa mga sinabi niya kanina. Bakas talaga sa mukha nito na hindi niya talaga nagustuhan ang ginawa ni sakuragi kaya gumawa siya ng bagay na tiyak nitong maipapasok na si sakuragi sa loob.
"anong pinaplano mo, fujima?" Tanong ni hanagata sa kaibigan ng makita ang kakaibang ngisi sa labi nito. Tinignan siya ni fujima ng may blangkong expression bago inilagpas nito ang tingin sa gawi ni sakuragi.
"Wala. Wala pa, hintayin mo nalang dahil gagawin ko pa." Saad ni fujima na kinataka ni hanagata.
"Hindi ka naman siguro gagawa ng bagay na ikapapahamak ng team natin, diba?" Paniniguradong saad ni hanagata sa kaibigan, pero mukhang walang narinig si fujima sa sinabi ng kaibigan bagkus ay nag ready na ulit sila dahil nasa team okaido na ang bola.
pinasa agad ni takasugi ang bola kay rukawa na agad namang binantayan ni minato, hindi naman nakitaan ng pagkabahala si rukawa sa ginawang pagbabantay ni minato sakanya bagkus ay mas lalo lang niyang pinakitaan ng galing ito sa pag ball handling, hanggang sa mabilis niya inatake ang dipensa ni minato na siyang ikinagulat ng huli, di kasi inaasahan ni minato ang gagawing atake nito dahil sa pag dribble na ginagawa nito.
Sinubukan ni minato habulin si rukawa ngunit nascreen'an siya ni shintaro kaya napatiim nalang ito ng bagang sa inis.
'Mukhang pinag handaan talaga ng okaido ang second quarter." Anas ni minato sakanyang isipan.
mabalik tayo, hawak hawak nga ni rukawa ang bola habang dinidribble at mabilis na tinatakbo ang distansya ng basket nila, hinarangan siya ni eichi at ezekiel kaya nakadouble team ang mga ito. Naging komplikado ang sitwasyon ni rukawa dahil sa pagiging agresibo ng dalawa sa kanya, pilit kasi ng mga itong inaabot ang bola mula sa kamay ni rukawa ngunit na iiwas ito ni rukawa sa kanila.
"ipasa mo na ang bola, mag 30 seconds violation kana." Sigaw ni aki mula sa bench.
Nang marinig iyon ni rukawa ay napatingin siya sa natitirang oras mula sa board 8 seconds nalang, pumikit ng mariin si rukawa bago bumuga ng hangin mula sa bibig nito at sa isang iglap lang ay kasabay non ang pag lusot ng bola sa pagitan ng mga hita ni eichi, nakuha ito ni takasugi kaya mabilis nitong naitakbo ang bola patungo sa basket nila.
"akalain mo nga namang makakagawa ka pa ng paraan para mailusot iyon? Bilib na talaga ako sayo rukawa." Anas ni eichi na nginisihan pa si rukawa, wala namang kagana ganang tumingin si rukawa sakanya bago nag kibit balikat, dahilan para maisip ni eichi na nagyayabang ito.
"Tss! Mayabang." Asik ni eichi, narinig iyon ni rukawa ngunit inilingan niya na lamang ito sa sinabi.
Tagumpay na naipasok ni takasugi ang bola sa basket nila kaya muling nag diwang sa bench ang mga kateam nila.
Okaido 30
Shoyo 25
Tinignan ni rukawa si sakuragi na nakatingin din pala sakanya ng seryoso, maya maya pa ay tumango ito na tila ipinapahiwatig sa kaibigan na nagalingan ito sa ginawa ni rukawa. Ngumisi lang pabalik si rukawa bago tinignan si fujima na nagpapasok ng bola, ang team shoyo na kasi ang may hawak ng bola kaya agad binantayan ni rukawa si fujima, hindi niya ito nilulubayan ng tingin maging ang bawat kilos nito.
sinubukan ni fujima na umatake mula sa kaliwa ni rukawa subalit na babasa ito ni rukawa, hindi naman maipinta sa inis ang mukha ni eichi dahil bantay sarado din siya ni shintaro, wala mapasahan si fujima dahil lahat ng mga kakampi nito ay may mahigpit na nagbabantay.
"NICE DEPENSA!!" sigaw ng team okaido sa mga kateam.
Mas naging ganado tuloy ang team okaido sa ginagawa nilang pag babantay, habang mainit paring binabantayan ni rukawa si fujima na dini dribble parin ang bola, napatingin si fujima kay sakuragi na nanunuod na din sa laban nila, walang kaemo emosyon sa mukha ni sakuragi, tanging ang blangkong expression lang nito ang kapansin pansin habang seryosong nakatitig kay fujima, nang kasabay ng pag kisap ng mata ni rukawa ang siyang biglaang pag atake ni fujima sa depensa niya, nabigla doon si rukawa dahil segundo lang naman iyong ginawa niyang pag kisap ay nawala na agad sa paningin niya si fujima, sinubukan ni shintaro na harangan si fujima subalit mabilis lamang siyang na cross over ni fujima.
nang malapit na ito sa kanilang basket ay wala itong sinayang na pagkakataon ay agad nitong tinira ng easy lay up mula sa ilalim ng braso ni captain tetsu, naghiyawan ang mga umiidolo kay fujima. Napatinging muli si fujima kay sakuragi na hindi rin maalis ang titig kay fujima.
okaido 30
shoyo 27
kada iiscore ang okaido ay naibabalik lamang ng team shoyo ang score pabalik sakanila, tatlo nalang ay maaabutan na sila at mukhang iyon ang balak ni fujima, ang papasukin si sakuragi sa laban.
"Mukhang gusto talagang ipapasok ni fujima si sakuragi," anas ni takasugi kay shintaro na dinunggol pa ang huli para mabigyan ng atensyon.
"Pansin ko nga rin, sa ating lima si sakuragi lamang ang mahabang nakapag pahinga, hindi rin naman natin alam kung anong rason niya kung bakit biglaan siyang nagpapalit." Anas ni shintaro
Narinig iyon ni rukawa ngunit hindi niya magawang sabihin ang dahilan ni sakuragi, at dahil nirerespeto niya rin ang desisyon ng kanyang kaibigan.. mukha rin kasing may plano itong gagawin kaya iniipon nito ang lakas bago pumasok sa laro.
Sa taas naman kung saan ang team shohoku ay naguusap sa nasaksihang ginawa ni fujima kay sakuragi, natatandaan marahil nila ang ginawa ni miyagi noon kay fujima ng yayain siya nitong pumasok na sa loob ng court upang lumaban. Ngunit sa kasong iyon ay baliktad na, si sakuragi na ngayon ang kinasasabikan ng lahat na makalaban, na maging ang isa sa pinaka magaling sa kanagawa ay inaanyayahan itong labanan siya. Nagtataka lang ang karamihan kung bakit hindi parin pumapasok sa loob si sakuragi, isang tira nalang mula sa tres ay magta'tie na sila..
*****
(A/n: tbh! Busy pa po ako ngayon dahil sa second grading exam namin, pang 2nd exam na namin bukas kaya wish me luck guys! Goodluck din sa may mga exam ngayon, yes! May one week sembreak kami🥰😍 pahinga dahil sa sunod sunod na exam.. natapos na namin ang NAT exam, and now naman is second grading exam. Sana makapasa ako😅😫🥰)