هاي
طبعا رجعت لكم بروايه فخمهه مع بدايه السنه وكذا وبأذن الله تنال اعجابكم
تحمست وقلت بكتبها وانا ما انهيت روايتي 😭
المهم ما اطول عليكم
اتمنى لكم قرائه جميله
__________________________
قاعدين تحت المطر الغزير بحضن اخوهم مايدرون ليه امهم سوت فيهم كذا بس الاكيد انها ماكانت بوعيها
يتأمل اخوانه الي فحضنه واخته الي تشاهق من البكا
عناد : بيادر تكفين خلاص لا تبكين يا روح اخوك
بيادر بلهجتها الطفوليه : م م ماما ليه ثوت كتا
عناد ما فهم عليها
هجرس : تقول لك ماما ليه سوت كذا
ابتسم عناد ؛ امي ماسوت كذا الا عشانها تعبانه بعدين بنرجع لها طيب
لينا بهدوء : عناد كلنا ندري انها مو تعبانه بس هي ماتبيناا
عناد لف لها : لينا
لينا بدت تصيح : عنااد شوف وش سوت فيك جسمك كله ندبات وحروق وكله عشان مين عشاننا ياعناد تحملت الالم بدالنا وانت عمرك 15 سنه
فاجئتها يد عناد الي سحبتها لحضنه
عناد : هشش يالينا خلاص عادي
هجرس يتأمل حب اخوهم الكبير لهم ف لولاه ماكانو هم الحين عايشين
لينا : ربي لا يحرمنا منك
ابتسم لها عناد
#فلاش باك
ساره بعصبيه : اطلع انت واخوانك معد ابيكم
عناد : يمه شفيتس هدي
ساره مسكت عناد من رقبته وابتدت تخنق فيه
جرت لينا لتنقذ اخوها سحبت ايد امها منه وطاح
التفت ساره لها
ساره وصلت قمتها من العصبيه : تعالي يابنت الكلب
لينا خافت : يمه تكفين خلاص
عناد وهو يكح : يمه بنطلع بس لا تأذينهم
هدت ساره وابتسمت وقربت وباست عناد : شاطر ولدي يلا اطلعو
لينا بهمس : وش ذي المنفصمه اولا بغت تذبحه والحين تبوسه
عناد سمع همستها وابتسم لها
ساره : وش قلت يلا اطلعو معكم خمس دقايق
عناد مسك اخته الصغيره بيادر الي تصيح وفي يده الثانيه هجرس الي مع انه صغير فالسن الا انه يعرف ان امه تكرهم جداً
عناد : لينا يلا
لينا هزت راسها وطلعو من البيت
#انتهى
عناد حس بأحد يدق كتفه
فز وهو يدور اخوانه فقد مر يوم كامل على طردهم من البيت
وجدهم جميعهم بحضنه
تنهد براحه
سعود : هييهه ولد
التفت عناد له : هلا
سعود : ليه قاعدين في ذي الاجواء البارده وين اهلكم
عناد بهدوء : اظن مالك دخل صح؟
سعود : وشفيك ي ولد انا سألتك وين اهلك
تكلمت لينا : اهلنا ماتو يالطيب
عناد فتح عيونه بصدمه من رد اخته
سعود رأف قلبه عليهم : طيب ماعندكم اقارب هنا
لينا : لا
سعود فكر وقام وراح
عناد : يورعه من طلبتس تهرجين ؟
لينا ابتسمت على لغة اخوها الي ما تطلع الا وقت يكون معصب
عناد : شسوي فيتس هاه ؟
لينا ببرائه : وي عنادوه شسويت انا
عناد : وش سويتي اجل
لينا هزت راسها
عند سعود
سمر : سعود وشفيهم ذول العيال هنيا متسدحين
سعود : اهلهم ميتين
سمر حزنت
سعود : شرايتس اتبناهم ؟
سمر : والله انها فكرتٍ ماهي ببطاله
سعود : يعني تم ؟.
سمر : تم
نزل سعود من سيارته واتجهه لهم لقا عناد يهدي بأخته الصغيره
عناد : بيادري خلاص يبابا اوششش خلاصص
سعود : عادي امسكها
عناد ضم اخته بقوه : لا
سعود : تمام
لينا : لو سمحت انت شتبي الحين
سعود : بقولكم بس لا تعصبون علي طيب
عناد : قول
سعود : ابي اتبناكم
عناد : من الحين لا
لينا : انا بعد لا
سعود : ليه انا وزوجتي نبي عيال
عناد : ليه عقميين؟
سعود وكأنه انفتح جرح قديم : للاسف اي
لينا بهدوء : طيب وش يضمن انك بتخلينا نعيش حياه زينه؟
سعود ابتسم : انتم تعالو معاي وبتشوفون
لينا التفت بهدوء لعناد وهمست : عناد تكفى خلنا نروح معه بيادر مستحيل تستحمل ذا البرد وكمان هجرس
هجرس : صح يا عناد خلنا نروح وش بنخسر
عناد تنهد : طيب
ابتسم سعود ابتسامه كبيره
سعود : الحقوني
قامو ولحقوه
عناد : يارب انك تعيننا
ركبو السياره وانذهلت سمر بجمال عناد واخوانه
سعود : ياعيال ذي زوجتي سمر
سمر : تشرفت فيكم ياحلوين
لينا : الشرف لنا
سمر : عرفوني عليكم
عناد : انا عناد وذي لينا وذي بيادر وذا هجرس
سمر : اسمائكم حلوه زيكم
لينا : شكرا
سمر : العفو يروحي
سعود : عناد عمرك 18 صح
عناد : لا 15
سعود : وين مو واضح
لينا : الكل يقول لعناد كذا بسبب رسمة وجهه وفكه الي يبين انه اكبر من عمره
سعود : اي واضح من فكه
سمر : وانتِ ي لينا كم عمرك
لينا : 13
سمر : العمر كله حلوتي
لينا ابتسمت : امين وياك
سمر : وانت يا هجرس كم عمرك
هجرس بهدوء وصوته الي بالكاد ينسمع : 8
سمر : العمر كله يعيوني
سعود : والصغيرونه الي فيدك ي عناد كم عمرها
عناد : عمرها 4 ونص
سمر : عادي اخذها
عناد : اي
اخذت سمر بيادر وقعدت تلاعبها
وصلو البيت الاشبهه بالقصر
سعود: يلا انزلو
لينا : ذا البيت ؟
سمر : ايوا
عناد معجب بجمال البيت وكبره بس ماحب الوضع
نزلو كلهم وقعد سعود يعرفهم عالبيت والاشياء الي فيه
سعود : هاه يا عناد اعجبك البيت
عناد بهدوء : ايوه
سعود : هاه يالينا اقتنعتي بتعيشين عندنا
لينا : الرأي الاول والاخير لعناد
التفت سعود لعناد
عناد : تمام
قفز سعود من الفرحه وناظره عناد بتعجب وانحرج
جات سمر وفي يدها بيادر
سمر : ياخي بيادر صارت لي لحد يقرب
لينا : اختي نعم هاتها والله ماتاخذيها
سمر : اقول ابعدي يالبزره حقتي خلاص
عناد ضحك بهدوء ولاحظه سعود
سعود: دوم ياعناد
عناد: تدوم
سعود التفت لهجرس الي من يوم ماجاء ما تكلم ولا شيء : هجرس شرايك بالبيت
هجرس : حلو
سمر : اقول بمناسبه اليوم الجميل ذا وبمناسبه انكم صرتم عيالي شرايكم نطلع السوق
لينا : الله تم
سعود : اذا لينا قالت تم فهو تم
لينا استحت ونزلت راسها
سمر : هممم لينا تعالي
لينا : تمام
طلعو هي ولينا وبيادر فوق
سعود : لا تستغرب اذا نزلت لك لينا وحده ثانيه
عناد : هاه
ضحك سعود
عناد : وش الي يضحك مافهمت
سعود : اقول اذا سمر قالت هممم معناتها بتغير كل شيء في لينا
عناد : عادي
سعود : تعال بوريك مكتبي
هز عناد راسه وراح معه
هجرس تنهد : اههخ اخيرا راحو تعبت من السكوت >> اصبر يعني ذي مو شخصيتك
هجرس : اي لا يكون تحسبيني هادي >> عزتيلي احسبها شخصيتك
هجرس : ههههه يزينك انخدعتي >> انقلع ههههه
دخل عناد : هجرس مع من تهرج >> يهرج معايا
عناد : يمه انتِ شتبين اكتبي وانتٍ ساكته >> سم يا اخ عناد
عناد : هجرس سعود يقول تعالو
هجرس : تمام
راحو كلهم وابتدو يتعرفون على بعض
بعد اسبوع
تعرفو على عايله سعود المكونه من الجد حامد والجده مزنه وعيالهم سعود وسالم وسمير وسعد وبنته سديم وسلطانه وعيالهم
طبعا الجد حامد فرح جداً انه صار فيه احد جديد بالعايله
وكلهم فرحو والعيال كمان تعرفون على عناد وهجرس وحبوهم جدا والمثل مع البنات
تعريف بعائله الجد حامد
الجد حامد : انسان لطيف عليه قليله يهبل وكيوتي بس اذا عصب اتقي شره
الجده مزنه : اهم ماعندها عيالها وزوجها واحفادها
سالم : البكر وحبيب امه عمره 39 عصبي بس لطيف زوجته ماتت بحادث مع ولده
عياله : مهنا 17 اسمر ونحيف شوي - ميلا 10 دبدوبه اسم الله عليها كيوت وتهبل
سمير : عمره 37 عسكري رفض يشتغل بشركة ابوه لأسبابه الخاصه *للحين ماتزوج*
سعد : عمره 35 يشتغل بشركه ابوه مع اخوه سالم عنده خمسه وراعين وخمسه ورعات >>في بالي حاجه بس استغفر الله << سعد: لا قوليها اشوف >> اقول ماشاء الله عليك شغال انت وزوجتك 😭 << سعد : ليتك ساكته >> انت قلت لي قولي
زوجته الهنوف : عمرها 31 انسانه ماهمها الا نفسها تقول ان كلام الناس مايهمها
عيالهم: نايف 16 ابيضض مره وحلو صابغ خصله من شعره بالاشقر سميه 12 نسخ لصق من اخوها نايف امير واميره تؤام 10 حامد 7 ترف 5 العنود سامي 3
سديم : عمرها 26 ارمله عندها بنت وحده اسمها غدي
سلطانه : 23 تدرس بالجامعه
اخيرا سعود : انسان كيوت ومتفتح جدا عمره 31 هادي بس عنادي
زوجته سمر : عقيمه تحب سعود مره اخت الهنوف عمرها 29
طبعا والحين ابطالنا الاساسيين والي هم صارو عيال سعود
عناد : 15 مز والي يشوفه يعطيه اكبر من عمره فكه حاد وعيونه رمادي تقريبا لون بشرته حنطيه شعره يوصل لرقبته وفيه ندبه في حاجبه الايسر
لينا : 13 هاديه بس قويه وشجاعه على قولتهم تحب الهوشات بس في نفس الوقت طقوعي شعرها لكتوفها ولونه بندقي بيضاء نحيفه شوي عيونها عسليه
هجرس : 8 نسخ لصق من لينا بس عيونه سود والي يشوفه يقول هادي بس هو عكس خبيث بشكل محد يتصوره
بيادر >> اكثر وحده احبها : تهبل نسخ لصق من عناد شفايفها ممتليه عمرها 4 ونص
_________________________
بعد 18 سنه
_________________________
# انتهى
طبعا اتمنى تتفاعلون زين واشكركم على قرائتكم لروايتي احوبكم
.
.
مشتقات من البارت الجاي
.
.. : اهخخ ي حيوان فكنيي
.
.. : اول شيء مالاحظتي اني بمقعد السواق
.
..: انا دخت من كلمة حبيبي
.
.. : وجع ماتشوف انت ؟
.
..: احلف لي انك بتترك حركات السربته