نبدأ بذكر الله ﷽💛✨
قبل القراءة مُتابعه للحساب قلبي akyta_98
للتواصل ع حساب الانستا akyta_98
التصوووويت لاتنسوا داده التصووويت💞
گلبَت كُل الدرابين القديمة
التِهت بيهن وَحيد ،
ودورتهن خطوة خطوة
رِدت الگالي طريق
يگودني الرُوحيّ الغريبة
ومَاكو كُلشي
صعبة كُلش من تدورلك
مَكان تريد تبچي ...
_________________
سيلينا : سلمت الورقه بيد الشرطي وانا اضغط
ع نفسي في سبيل ما انهار غصب عني حابسه
دموعي وماريد ابجي ضغطت ع شفايفي
الشرطي لتفت يريد يروح ولمحت سيارته من بعيد
واكف فتحت عيوني ع وسعهن
بقيت صافنه معقوله !!!
داركت نفسي هزيت راسي ب اسف دخلت للبيت وسديت الباب
كل هذا بابا واكف بصفي الحد الان ما ادخل
لان يريد راحتي ويخاف عليه بس شسوي
موبيدي ياربي مو بيدي
لهنا وصلت يدزلي إبلاغ عن الطلاق وبيد شرطي
الهناااا يريد يخلص مني وبهاي السهوله
ليششش اريد افهم المفروض يجي يتوسل بيه
حتى ارجع مو راح يرفع دعوه طلاق ويدزلي
تبليغ بيد الشرطي والباب بيتي
تركت اهلي بدون ما احجي وصعدت الغرفتي سديت الباب وقفلت انا ارجف رجف مو طبيعي
ركضت ع الجهاز ب ايد ترجف كتبت اله
رساله
( ماجنت اظن اهون بس للاسف هنت )
شاف الرساله ومارد بعدها بشويه
دز الي
( ماهنتِ وغلاتج عندي ماهنتِ بس بعد صارت هذا هوَ مثل ما تريدين كلمن بطريقه )
ردت اضرب راسي بالحايط
يابو يابروووودك راح تنتهي حياتنا وهو ماحاووول
ولا شويه رجعت كتبتله شعر جنت شايفته
بالفيس حفظته ورجعت دزيته اله
بوقتها جان مكتوب ..
ماتلكه مثلي يهدلك حيل تعبان
بس يسهرلك اليل يعتذر منك وانته غلطان
ومن اليغثك دوم زعلان
بالمختصر لاتحب لاتحب لاياذونك
خايفه عليك خاف من البشر خاف مايفهمون عيونك حساس اعرفك تره خايفه لمن تنهضم مايعرفون شلونك
مو مثلي لمن جنت من جنت ماعيش من دونك
هاي الرساله بدمي تنكال
باجر تصادف كل الاشكال
ماريد تحس بحناني وتتمنى لو ينسد مكاني
خلي ع بالك باجر تعيش ومحد يسأل بايعه بيش وياهو الي يكلك ليش ماليش بس البجنحك هذا ياريش ؟
بس خلي ع بالك انته طيري ومحد يعوضك بيه غيري
كانت هل عباره او الشعر صدفه شايفته بفيس وحرفياً تنطبق ع وضعي ويا دزيتها اله
وانا ابجي ..
بقى دقيقتين يقرا بعدها رجع دز الي
( الزمن نساي ونساج وتنسيني صدكي مثل ماانتِ طلبتي الطلاك ع مود غلطه يجرالج يبا يجرالج يالوعتي وبلوتي )
انا شفت الي دزه لو احس خبال صرت
بدون ما ارد اله حظرته وحذفت رقمه
شمرت الجهاز وكعدت ابجي
شكدد خبيث ليش هيج يسوي بيه
فوك ما هو غلطان فوك كل هذا هسه
نوب بكل برود يدز ويحجي غررريب
شلون يطاوعه كلبه هيج يسوي شلون
اندك الباب وكفت مسحت دموعي وانا ابتسم
ماريد اخليهم ينقهرون عليه
كلش حقدت ع دابر انا اعلمه شايفني احبه
وصار هو القوي بسيطه خلي اشوفك
سيلينا شنو تسوي بيك
اطلع مو بنت ابويه اذا ما خليتك تتوسل بيه
كافي ضعف لهنا وصلت حدها يا انا يا هو
فتحت الباب صارت ماما كدامي
طبعا ماما شكد حنونه ويانه وعاطفيه
بس هي أشرس يعني حديه اكثر منه
تحب الصح حتى لو كان ع حساب السعاده
سحبتني من ايدي وراحت كعدت ع السرير
جرتني بحضنها راسي صار ع صدرها
حضنتها من خصرها وغمضت عيوني
صارت تلعب بشعري وتحجي وياي بهدوء
حتى نعست
ام سيلينا : اغني الج مثل قبل حتى تنامين ؟
سيلينا : اممم
ام سيلينا : جنتِ من تبجين وانتِ صغيره
اخليج بحضني واغني الج وانتِ سريع تغفين
مثل الملاك
سيلينا : اردفت بهمس ، غنيلي
هي دخلت اصابعها بشعري وصار أدلك راسي وتغنيلي ..
دللول
دللول يالولد يا ابني دللول
يمه عدوك عليل و ساكن الجول
يمه انا من اقول يمه يموت قلبي والله يمه
يمه يحقلي لاصير دلي
ترى اطلق الدنيا وولي
يمه هب الهوى واصطكت الباب
ترى حسبالي يا يمه خشت احباب
يمه اثاري الهوى والباب كذاب
خويا ماريد من قدرك غموس
والله ولا اريد من جيبك فلوس
يمه انا يحقلي لايصير دلي
ترى اطلق الدينا واولي
يمه على ظليمتي من دون حلي
يمه ترى ابني واريد رباي منه
يمه جبتيني للضيم يا حبيّبه يا يمه
يمه اتيات الطرف لاذلهم
ترى جيت اسأل غراب البين عنهم
يمه اهلنا حموله اش ضل منهم
يمه قلبي .. اي والله قلبي
ترى مطرور بطر اللوح قلبي
يمه تمنيت طارشهم يجيني
خويا وتسايله وتنام عيني
يمه تسايله ويبطل ونيني
غفيت ع حنيتها وصوتها البي كله امان
ثاني يوم كعدت الظهر ابتسمت بوجه المرايا
وصبحت ع نفسي صباح الخير سيلينا القويه
نزلت الهم ابتسم جانوا ضايجين من شافوني
ابتسم صاروا يضحكون ع ابتسامتي
مر اليوم وصار العصر
اندك الباب جنت كاعده بالصالة بس استغربت
كلامهم بالديوانية جان هادئ بعدين شوي شوي صار عالي عقدت حواجبي ورحت يم ماما
سيلينا : شكو منو اجه ؟ ليش بابا هيج عصبي
ام سيلينا : بارتباك ، ها ماما ماكو شي
سيلينا: عقدت حاجبي ، شبيج ليش هيج مرتبكه بعدين اصواتهم طالعه اكيد صاير شي شنو ماما
احجي ، ماحجت لتفتت ع فرح ماحجت اكتفت
برفع اكتافها واردفت
فرح : ماعرف صدكيني هستوني اجيت مثلج اريد افهم شكو
سيلينا : رجعت ع ماما ، منو اجه ؟؟؟
ام سيلينا : نسيب دابر
سيلينا : من جابت اسمه توترت ، شكو ليش اجه
شبي ؟؟؟؟
ام سيلينا : والله يا ماما ما اعرف هسه يطلع ابوج
ونشوف شنو يريد
سيلينا : تمام عفتها ورحت كعدت بس رجليه صرت اهز بيهن بدون ما انتبه اريد اعرف شنو يريد
وليش اجه معقوله هو دزه لو اجه ناوي ع صلح
يصلح الي بينه
او يبرر لدابر
ماعرف بقيت انتظر واصواتهم عاليه
ورى فتره طلع نسيبهم وبابا سد الباب ودخل
كفت ع طولي وماما سألته ..
ام سيلينا : ع شنو جاي ؟؟
سيلينا : بابا عاين عليه بس كان متعصب
اردف وخلاني بصدمتي..
ابو سيلينا : دابر رجع خبر بيد نسيبه يكول بيه ، لغيت دعوه الطلاق لا هي تروح ولا انا وخلي دعوه الطلاق تنكعها وتشرب مايها ولا تفكر اتركها ارجعها يعني ارجعها ...
سيلينا : فتحت عيوني مم صدمتي شنوووو شجاس يحجي شلون يحجي بهاي الطريقه اصلاً شلون يسوي هيج شنو انا لعبه بين اديه ، حسيت نفسي
صدك لعبه بين اديه واطلع غبييية لو رجعت اله
يعني هو بكيفه يطلك وبكيفه يرجع
شنو انا ما الي كلمه يعني امشي بمزاجه !!!!
مستحيل اسوي الي يريده ، رفعت عيني بعين بابا واردفت ...
بابا انا مو غصنك ؟ ترضى غصنك تنكسر ع ايد
شخص ما يقدرها ؟ ولا يحترمها !
اذا ما ترضى بهذا الشي ترجع اله خبر انا اريد
اطلك واخلص منه واذا ترضى عليه الذل والكسره معناها رجعني اله ..
ابو سيلينا : شتحجين انتِ بابا انا اكيد اريد
راحتج هاهي مادام انتِ ما تريدي معناها مستحيل
ترجعين اله وانا ارجع اله هذا الخبر
وشيريد يسوي بالطكاك خلي يسوي مايهمني
ام سيلينا : شتحجون انتوا
ابو سيلينا : شنو الي ترتاح هي اله انسوي لو شنو ماكان
ما مستعد اخسر بنتِ علمود شخص ما قدرها
ام سيلينا : تمام
سيلينا : رفضت رفض قاطع اكون ويا و ارجع اله
الي تركني اتركه اهم شي نفسي كافي عاد
هاي مو. حاله خلي يتعلم من اغلاطه
مو يوميه مسوي شي وانا اتغاضى عنه بحجه ضعفي وحبي اله هل مره من صدك كافي
رجعت لغرفتي وحتى دمعه ما نزلت من عيني
اريد اكون سيلي قويه تختلف عن
قبل بس تبجي لشوكت ابقى هيج هالمره غير ..
مرت 3 أشهر وانا بيت اهلي وبعدني حاظرته
وكل ما يتصل من غير رقم ارجع احظره
وماا افتح خط عليه ابد
وهو بقى مصر يريدني ارجع
دز نااس هواي يريدون الصلح بينه
وانا ما اقبل لعبانه نفسي وما اريد حتى ارجع
ماخله شيوخ ، كبار صغار دزهم وانا انا ع نفس
قراري ورفضي اله مستحيل ارررجع
كلش كارهه نفسي وكارهه اليوم
الي تزوجته بي
بس الي مستغربته ولا مره دز اهله يعني يدز يانسيبه
يا ابن عمه لو عمته بس ولا مره دز اهله
أيقنت هنا هم يريدون ننفصل ب اسرع وقت
ممكن وما يريدون النا الصلح لهذا ما يريدون
اصلاً يحاولون ولا يريدون يرجعونه سوه
وانا هم ما اريد ارجع
يعني بهل حاله بس هو الي يريد نرجع ويريد ينقذ
هاي العلاقه من الهلاك
كالعاده كاعده بغرفتي وسمعت صوت
رساله ع الواتساب تأفأفت ورحت للجهاز من رقم جان
بدون اسم عرفته هذا دابر
بس ماعرف ليش صابني الفضول اشوف
شنو داز الي لان مو رساله كتابه حتى اشوفها من فوك
هاي صوره لازم ادخل المحادثه واشوفها
نوب حظي مامفعله حفظ الصور تلقائي للاستوديو
اول ما فتحتها وكعت عيني ع الصوره
توسعت عيوني بدهشة
جان دازلي صوره لصدره وتحديدًا مكان كَلبه
جان مكتوب اسمي ع صدره وشم يعني واشم
اسمي ع صدره !!!! بقيت صافنه مصفصفه من
الدهشة معقوله وصلت بي يكتب اسمي
ع كَلبه معناها هو يحبني هواي
زين ليش هيج والله راح اتخبل
ثواني و وصلتني رساله منه ..
" مشتاكلج بكد رحمه الله ارجعي وارحميني "
للحظه ردت أضعف وارد عليه بس قويت نفسي
حظرته وطلعت من الواتساب
صح هل شي حرك مشاعري
بس يستاهل الي صار بي خلي يعرف سيلي منو !
بس هو ما مل ولا كل مستمر
ماعرف عبالك الشركه اله يوميه مشتري
رقم ولا يتوب وفوك هذا يوميه يدز
ناس عباله كسران الخاطر هين ! لا بالله حيل صعب
من بعد اخر رساله وراها بكم يوم توقف
بعد ما كام يحاول يدز اي شخص
ولا يدز رسائل ولا حتى يدور ورايه
او يتصل من أرقام جديده
وهل شي حيل وترني وخوفني
وبقيت هواي اسأل
نفسي ليش , شبي ؟ ليكون صاير ويا شي ! معقوله
مريض ؟ هواااي اسأله وكلش خفت عليه
اي اعترف خفت لان يبقى الانسان الي حبيته
ويبقى هو زوجي اخاف عليه شلون ما اخاف
نوب ماكدر اسأل اهلي هسه شنو يكولون
اوووف تعبت
استمر هل وضع شهرين كاملين وهو مختفي
ماعرف شبي ولا وينه ولا شنو اخباره
كاعده وعايشه بقلق عليه..جاي افكر
بي وفجأه وصلتني رساله
سريع فز كلبي ورحت للجهاز فتحتها
لكيت هم من رقم وعرفته هوَ
جان دازلي رابط اغنيه
سريع فتحتها جانت كلمات الاغنيه توصف
الحال وكلش صارت غصه بصدري وانا اسمع
الها ...
مو حالفين نضل سوه شو بطلت چنك
هو انت منك ينشبع! حتى اني امل منك
ذكرني بأيام الصغر! من چنت اناديك ؟
وچنت من الهوا تغار حا چيني واحچيلي الصدگ
ماصدگ من ايدي رحت گلبي اشتعل نار
شحچيلك مضيگات خلگي الليالي
مو چنت منطيني وعد يمي تضل للدوم
ومايجي يوم ونفترگ والله واجانه اليوم
فارغ بلياك الحضن مانام بعدك يالچنت بفراگي متنام
عايش بدونك بالحزن مليت ابچي وتعبت من ضيم الأيام
يادنيا بس بالليل خل عيني تنام
ومن الصبح للضيم اتحزم احزام
انا سمعتها وعيوني بقت تصب دموع
فعلا حسيتها من كل كلبه هاي الاغنيه
دازها الي بس بعد يفيد هو الي هدم كل هذا
طلعت من الاغنيه ورحت دزيتله
اغنيه رد مني ع كلامه ..
لا منرجع لا
لا بعد اشتاگ اله
ولا بعد يشتاگ الي
انتهت قصة هوانه
وانتهى الحب القوي
وبعد لا يحچي علي
لا يگول الوي اديه
عيب يحچي هل كلام
اني ربيته بدي
چان روحي وغالي عندي
وماثمر تعبي وياه
اني من هسه نسيته
يعني ماحاول انساه
باعني والله يوفقه لا منرجع لا
لا بعد كلشي خلص
طلع ماعنده وفه
قبل ما احتاج حبه
ضيع الحب وختفه
خلي بس يلزم لسانه
لا يضل يجرحني عاد
روحو گولوله نسيته
وگلبي من همه اكتفه
ذكرياته بگلبي ضلت
لحد موتي ماتروح
تاج چان وفوگ راسي
وجابلي بس الجروح
باعني والله يوفقه لا منرجع لا
مابقه بعيني دمع
خلص من گد مابچيت
والحچي ميفيد اصلا
ياما ياعالم حچيت
خلي يتوكل على الله
ولا يرجعلي الهموم
واني متندم احبه
وحيل متندم وفيت
چنت احسه ويه دمي
عايش يضل للابد
ماشفت ميت بعمري
مات من فرگة احد
باعني الله لا يوفقه لا منرجع لا
بقى يمكن 6 لو 5 دقايق يسمعها
وانا باقيه انتظر اريد اشوف رده فعله شنو
بعدها دزلي رساله مارديت بعدها اتصل فتحت الخط..
دابـــــــر : كافي الله يخليج والله تعبت حسي بيه
سيلينا : انتَ الي كاااافي ترى والله بعد مابيه
حيل حس بيه يا اخي
دابر : يا اااااااخي ؟؟؟؟ هيج صاااارت يعني
سيلينا : اااي اخي
دابر: انعل **** شبيييج لج شبيييج متخبله عليه
مو مشيت الناااس كلها عليج ومافاد سحلت نفسي
سحل وما فاد كولي شنو اسوووي الج حتى
ترجعين فهميني والله تعبت
سيلينا: اردفت بهمس ، ما اعرف
دابر: سسسيليناااا
سيلينا : ترى اسمع مو طرشه
دابر : لا اله الا الله صدك مخبله
سيلينا : الفضل يعود الك
دابر : شني بويه كابله وبز بعينه
سيلينا : منك تعلم اخي
دابر : هم كالت صخمممممي راح اجي انعل سااسسسج
سيلينا : اذا انتَ رج... ردت اكمل وصميت حلكي
دابر : شكلتي ؟؟؟
سيلينا : هاا ما كلت شبيك
دابر : بسيييطه ..
سيلينا : يا هذا شبي سد الجهاز بوجهي
استغفر الله ماعرت للموضوع اهميه
لهذا ماسويت شي
بسسس انصدمت ورى تقربيا ساعه بصوت الشباك
يندك هنااااا حسيت بالرعب ، كلبي ووووكع ببطني
اكلت طن هوى رجليه صارن يرجفن من الخوف
ماكدر اتحرك لا اطلع برى ولا اكدر اتقدم اشوف
شنو هذا والزاد رعبي هو صار الصوت
اقوه عبالك واحد يريد يدخل
نوب انا بندت بمكاني ماعرف شنو اسوي
حصرتني البجيه وردت اطكها بصرخه
افزز سابع جار
شووي وسمعت صوت همسس استغربت
بس هذا الصوت نو غريب عليه تقربت وانا
رجل اطك برجل بعدت البرده وهناااا الصدمه
فتحت عيوني ع وسعنها وصرخت
دابــــــــــر !!!
هو يأشر الي ع الشباك عود افتحي
من الصدمه تقدمت وفتحت الشباك
وهو دخل وسده بس شنو
نظراته مال واحد يكول ( اليوم وين اطيرين مني )
من فهمت نظراته طكيتها بركضه
ردت اطلع بس هو اسرع مني
وانا جسمي من الصدمه تخردل هو سحبني وقفل الباب
حط راسه بقرب من راسي واردف ..
دابر : يا انا يا انتِ اريد اشوف عنادج اليوم وين يوصل
سيلينا : كل هذا وانا بصدمه شمرني
ع السرير وقيد اديه وهو مقتحمني وجهة بوجهي
خزرني وصاح بوجهي ..
دابر : ااااااخي مو ؟؟؟ واطلع مو رجاااال موووو ؟؟؟
سيليييييي لهنا وصلت بيج
بس بسيطه انتِ جنيتي ع نفسج
سيلينا : بقيت اراوغه ماريده يتقرب مني
عاد هو لزمني من فكي بقوه وخازرني صدك
بوقتها خفت
دابر : مااااترديني مووو ؟؟ انا اعلمج والله الا
اخليج بلسانج تروحين دكولين ل اهلج اريد ارجع
لرجلي وكولي دابر ما كال
ورب العز ورب هذا العرش بكبرى الا اخليج برجليج
تروحين ل ابوج وبلسانج تحجين رجعوني
اريد ارجع بسسسيطه ...
سيلينا : بقيت فاتحه عيوني هذا شيحجي
بس شنو كال بسيطه بحده وهو كاز ع اسنانه
كلت اكيد تكسرن اسنانه شدعوه شاد عليهن هيج
ابتعد عني عاين عليه بنظره اخيره بعدها
طلع من نفس المكان الي دخل منه وعافني بذهولي
شبي هذا اجه مثل الاعصار كركب الوضع
وطلع ترك الوضع متخربط وبس الآثار متروكه ورى
نفضت الافكار من راسي وما عرت للموضوع اهميه..
بس ما جنت متوقعه كلامه راح يكون صحيح
ولا متوقعه راح يصير هيج ابدددد !!!! ...
بعد مرور ايام ...
جان بوقتها دابر دز عمته بس اهلي قابلوا بالرفض
ومن طلعت بقوا هو وعمي يتناقشون
انا بوقتها ماعرف شصار بيه دخلت الهم
للديوانية وكفت كدامهم واردفت ..
بابا انا اريد ارجع لزوجي فدوووه بابا اريد ارجع ..
________________________
دهليز :- بقيت ارمش بعيوني ما مصدكه هذا
شبي شنو يريد يخرب حياتي بعد ما خربها من
قبل الرساله جانت كلها غلط ب غلط
مكتوب بيها " دهليز انا احبج والحد الان منتظر
الشي الي يصير حتى ترجعين الي وانا راح ابقى انتظرج انتِ الي مالتي انا وبس وغلطت من طلكتج
غلطت "
مسحت ع وجهي بنفاذ صبر شبي هذا اي حب
يحجي عنه ما انا صارلي قرب السنتين متزوجه
عقد سيد ومحكمه من اللهيـــــم بس باقي العرس
يعني انا هساع مرتو شبي تخبل شنو ينتظرني
اكيد صاير الو شي حلمان بيه حتى هساع
يدزلي هل رساله وربي لو اللهيـــــم عرف بي
دازلي هيج الا يروح يكتلو
انا اخوتي صارلهم سنه من استشهدوا الايام تمر ركض
بس الجرح بعدوا كان جديد وكأن الحد صار
بهذا اليوم لهذا ما تخطينا ولا نسينا
الحلوو بالموضوع ماما رجعت صحتها
ورجعت صارت تتحرك وتمشي ع رجليها
من خلال العلاج واحنه ما تركناها ولا مره لوحدها
وبابا وكل اهلي صح مانسوا بس رضوا بالحكم الي انحكم النا والقدر المكتوب
حمدنا ربنا وشكرنا مهمها يكون يكفينا
معرفه انُ الشهيد منزلته تختلف وأبواب الجنه
مفتوحه اله وانُ هم من الأساس جانوا رايدين الشهاده هاي الأمور كلها تخلينا نصبر ع فراقهم
هزيت راسي ب اسف ماعرف شنو اسوي ويه
بشار من وين طلعلي بهذا كلامو ما اعرف
حذفت الرساله ومارديت الو
رجعت كملت دروسي بس تعبت فد مره اهجس
الامور كلها صارت فوك راسي وهاي ضيعت
سنتين بالسادس وماكدرت أنجح واللهيم شكد يحاول
يدرسني هم ما أنجح ماعرف شبلاني وليش
هيج صاير وياي ماعرف ادرس ماعرف أنجح
يوم بعد يوم يسوء وضعي وخربت دراستي
اليوم استلمت النتيجه وهم طلعت راسبه
بلغتوا وزعل مني شكد اتصل بي مايرد عليه
اخر شي رحت للمنقذ مالتي اتصلت
عليها هي ردت ..
دهليز : ول انقذينننني
كيناز : هاي يولي شمفينه هساع
دهليز : ماناقصتج كينازه انا بشاربج
كيناز : شاربي زينتو ماعندي
دهليز : انا ب****
كيناز : عزززززه لج لولو صخام منين متعلمه هل
كلام السسزز
دهليز : ول وريتيني ور ساعديني
كيناز : كولي
دهليز : اللهيـــــم
كيناز : شمفينه ويا
دهليز : خليني اكل *** واحجي لاتقاطعيني
كيناز : ها ااها يلا اكلي
دهليز : ول اشو ماتستحين
كيناز : ترى خبلتيني تحجين لو أسدو للخط
دهليز : يلا اسمعي ، طلعت مُكمله واللهيم زعل مني
مايرد عليه
كيناز : مو ثوووله شكد يقريج شبيج انتِ ترى خبلتينااا
دهليز : عوفج من اللوم وخلصيني ول يابه ترى روحي
دتفور
كيناز : تستاهلين
دهليز : ترى والله بعد ما اراسلج سااااعديني
كيناز : يلا خلص اوكفي
دهليز : كاعده مابيه اوكف لج امشششي
كيناز : لحظه ..
دهليز : بقيت انتظرها ع الجهاز وهي راحت
وراها يمكن ب عشر دقايق رجعت
بشررري
كيناز : هاهي هساع يتصل بيج
دهليز : شنو ليش شكلتي
كيناز : عود من يتصل تفهمين بس عود شنو تحملي
الرزاله يلا باااي لولو
دهليز : ياااا غلقت الجهاز بوجهي وراحت صخام
هساع انا شنو عرفت هي شنو كالت الو
شنو ليش مافهمت اي شي ..
ثواني والجهاز صار يرن
الابتسامه وصلت ل اذاني والله صحيح
اتصل خاب كيناز ما هساع ابوس شاربج
والله كفوو ، فتحت الاتصال بعدني ما كلت الو
ماهجس الا اجاني صوتو وهو يصيح ..
اللهيـــــم: لججج حاظررررتني
دهليز : هاا شنو مافهمت منين
اللهيـــــم: من صخام الصخمني
دهليز : ها
اللهيـــــم: وعلااااااا ، حاظرتني حتى ما اشوف
الحاله مالتج وانتِ منزله صورتج ولج تردين تجلطيني
دهليز : ش..شنو ياحاله ياصوره
اللهيـــــم: لاتخبلييييني
دهليز : ثواني يلا استوعبت الوضع يعني هاي
خطه كيناز ماتحملت لزمت وطكيتها بضحكه
وهو صوتو عالي بس يتصايح وأنا فرطتت من الضحك
هو من عرف هذا ملعوب
سد الجهاز بوجهي بس شنو اهجس انتعشت
يلا ميخالف المهم هو اتصل ..
بعدها بكم ساعه رجع هو دزلي كاتب الي..
اللهيـــــم: اشتاكيتلج خيط النفس ..
دهليز : فدوه العمره ابد ما يحب يزعل او يبتعد عني
هواي علاقتنا انا واللهيم جثير حلوه وكلها
حاسدتنا عليها ياهو الي يشوفنا يكول
( ها عصافير الحب ) بكل شي حلوين سوه
بكل شي وماكو واحد اذا ما مر منه اذا ما يدحك
علينا بنظرات حلوه كأن يكول شكد حلوه
علاقتكم ، طلعاتنا ودخلاتنا سوه جانت جثير حلوه وحيل مميزه وحبي ل اللهيـــــم يوم بعد يوم يزيد اكثر
وهو نفس الشي بحيث صار جثير متعلق بيه
مرات يكعد من النوم ويتصل عليه
وأما لو بعز نومتي افتح الخط واحجي ويا
واحد مرتبطه روحه بالثاني اذا انا تمرضت
هو يتمرض واذا هو تمرض انا اتمرض
اهجس فعلان ارواحنا مرتبطه ب بعض
وهذا الشي حيل حابينوا ادمان صار واحد للثاني
يعني حرفياً لو شكد ما احجي عن علاقتنا
يمكن تكون عند البعض
شي مو طبيعي او مُبالغ بي لكن احنه هيج
عوائلنا جانوا يهجسون هل شي مبالغ بي
بس بعدين بالعكس صاروا يعرفونا اكثر من نفسنا
والبعض صار يغار بشكل مو طبيعي منه
البعض البنات عبن مو مثل هل علاقه والبعض
الشباب واحنه فاضحين نفسنا بنفسنا مو بيدنا
هو الحب يفضح ..
االي عكر صفو حياتنا هو بشار ماعرف شبي
صار يلف ويدور وهذا الشي حيل خوفني
إلى أن فعلا سواها وخلاني اشيل روحي
واركعها بالكاع انهاريت انهيار تام من عرفت
بس مسوي هل مصيبه واكيد راح توكع فوك راسي
بيومها اتصلت عليه وانا ارجف
دهليز : ل...ليش فهمني ل..يششش
بشار : كتلج ارجعيلي وانتِ معانده
دهليز : ضربت ع وجهي وصرخت ، لك انا
متزززززوجه الله أكبر
بشار : اردف بهدوء ، اي عادي انفصلي عنو
وارجعيلي
دهليز : اردفت وانا ابجي ، لك حرام عليك
ليش هيج تسوي انا عايشه حياتي وفرحانه
بيها لاتسوي هيج لاتخرب حياتي اكثر ما خربتها من قبل ..
بشار : انا كتلج والقرار بقى يمج شنو تختارين
دهليز : ماااا اختااار مااا اختااار يا ظااالم
الله ينتقم منك الله يبلييييك ياحقيررررر
بشار : اششش بدون هل حجي وكولي قرارج
دهليز : كعدت وانا اريد اقوي نفسي
اردفت بغصه ، ما اختار اعلى مابخيلك اركبه، لزمت وسديت الجهاز بجيت بجي الحد ما فاض الصبر
ماخليت لا شعر لا وجه لا ادين
ليش هيج يسوي يعني والله ما ناقصني
لزمت جهازي واتصلت ع اللهيـــــم..
اللهيـــــم: ها حبيبي شبي صوتج
دهليز : ل...لهيمي
اللهيـــــم: عيون لهيمج روح لهيمج شبيج ابويه ليش هيج ترجفين راح تخبليني
دهليز : ب...بشار
هو انا كلت اسمو لو صاح بصوت عالي
اللهيـــــم: انا مو كلت الج لا تنطقين اسم هل ****
دهليز : غصيت بالبجي هو من سمعني هيج تخبل
اللهيـــــم: لج شبييييج احجي لاتخبليني
دهليز : بشار خيرني يا ارجع الو واتزوجوا وانفصل عنك يا ياخذ ابني وحضانتوا بالمحكمه الصالحوا عبن المحكمه بجيبو ويعرف القاضي كال الي ما اخليج ادحكينوا كدامج مهله اختاري بيها ورديلي الخبر ..
_____________________
ريفان : التوتر والخوف الي عشته واني بالشقه
الوحدي فوك الخيالي اكثر من الي عشته
قبل يعني اول مره ابقى لوحدي كل هاي الفتره
صارلي خمس ايام وانا الوحدي قافله الباب الف مره
وكل ما اريد انام اتأكد مليون مره خاف ناسيه
الباب مفتوح يلا انام مو بس هيج
حتى من ادخل غرفه النوم اقفلها وكل شوي افز
خاف احد يدخل حرامي ونوب اني لوحدي
واروح بيها منو يساعدني وقتها ؟ محددد
رهبار وماكو بيمن استنجد
من غير شي التفكير اكل مخ راسي
افكر شنو راح يصير معقوله ابقى هنا هيج
معقوله راح تخلص حياتي واني محبوسه
هنا زين شنو اسوي بعدين
وأهله ليش رافض يحجي عنهم
ليش رافض يحجي ليش انفصل عن زوجته
شنو حلال عليه يعرف عني كل شي وحرام عليه
اعرف عنه أي شي ؟ هاي وين صايره
نوب من اسأله مايجاااوبني موتني
دمرني
هاي خمس ايام وهيج اني ع نفس الشي
ادمرت والله ومليت
قبل لا ينزل اتصلت عليه بوقتها ماجان اكو شبكه
بالكوه حصلته لان الوضع كلش صاير مُزري
ويخوف الشبكات تروح وترجع خاصه هو
يلتحق ب اماكن خطره
وبالي كله يمه حتى اخاف واموت من الخوف
عليه احس انهلك وادمر من اسمع أصوات
الطلق والقصف يمه هو يحجي وياي سريع
خاف لا الشبكه تروح وهم يخاف عليه اسمع
هيج اصولت واخاف لهذا مايبقى وياي بس دقايق
لهذا من اتصلت عليه اخر مره رد عليه
والحمد الله ماكو اي أصوات الوضع يمه هادىء
ريفان : غهباغ عفيه وينك صاغلك هواي ما نازل شوكت تغدج والله خايفه الوحدي وخايفه عليك
حباب اغجع
رهبار : بنيتِ عيوني الباجر انا نازل بس يطر الفجر
انا اطلع واجي
ريفان : سحبت نفس من اطمنت راح ينزل ، شلونك انتَ خما يمك باغده ، جوعان تعشيت ؟
رهبار : ظهرت قهقه طريفه بعدها اردف ،
صوتج دفاني من البرد الي احس بي وخوفج
خلاني ارتوي ..
ريفان : ابتسمت ع كلامه اردفت بهدوء ، الله يخليك انتبه النفسك تغى اني ما الي غيغك بس انتَ بقيت الي لا تحغمني منك
رهبار : لا ابويِ انتِ وياج انا للوحه
ريفان : اطمنت عليه وسديت الخط بعدها كمت دخلت للغرفه وقفلتها ونمت مر الوقت ماعرف شكد
بس حسيت اكو صوت بس شنو هل صوت ماعرف
توقعت ناسيه شي ع الطباخ لهذا كمت فتحت قفل الباب
وطلعت وكفت بصدمه من شفت الطباخ فارغ
ومصدر الصوت اجه من باب الشقه
هنا رجليه صارن خيوط من الخوف بقيت جامده بمكاني شنو اسوي شنوو منو هذا االي يريد يدخل للشقه دخيلك ياربي لا الا هل شي اموت نوب يطلع حرامي يموتني لو يعتدي عليه دخيلك ربي ساعدني
تراجعت للورى من صار الصوت قوي وكأن هل شخص
يدفع بالباب بس الدفع مالته يخوف هو الباب سميك
بس مع هذا من يضرب بي يطلع صوت
وهل شي يرهبني كأن باي لحظه يدخل هل شخص
وماعرف اذا لوحده او ويا احد
ركزت بالصوت مافهمت بس الي تأكدت منه
جان اكثر من صوت واحد ومو بناااات !!!!!
يعني شباب هنا هاهي حسيت نفسي انتهيت
رحتي بيها ياريفان والله رحتي بيها
نوب رهبار مو هنا
صوت ضرب الباب صار قوي اخر شي انفتح !!!!!!
لزمت رجليه وطكيتها بركضه للغرفه لزمت وقفلت الباب بس شنو ارجف رجف مو طبيعي
اسمع أصوات صارت عاليه بس ولا فهمت حرف واحد منهم كأن يهلوسون او شي ثاني ماعرف
الدم جمد بجسمي الخوف والتوتر والقلق الي عشته
يرررهب يموت
اريد اعرف منو هذول شلون يدخلون
بهاي الطريقه للشقه مو مالتهم ليش يدخلون الها
لزمت وفتحت الباب بس ع كيفي واني خايفه وميته
خوف فتحت الباب وعاينت بس من الفتحه الصغيره
اريد اشوف منو هذول
هنا جمد الدم بجسمي وتصنمت ب ارضي
شفت 3 شباب طوال وضخام بس مو بوعيهم
يروحون منا ويرجعون منه واضح عليهم سكارى!!!!!
وضحكهم كلش قوي كأنهم مجانين
يسولفون بطريقه غريبه واضح عليهم أصحاب شرر
يعني اذا يلزموني يعدموني والله يموتوني ب ارضي
رجعت سديت الباب ع كيف حتى ما يسمعون
شهكت ونزلت دموعي خليت ايدي ع حلكي
اكتم بيها شهكاتي حتى ما يسمعوني واروح بيها
صرت ادور ع الجهاز مالتي اريد اتصل ع رهبار
حتى يساعدني ويجي حتى لو جان با اخر الدنيا
بس هو العندي قابل استنجد بمنو منووو يجي يساااعدني احس راح اضيع راح امووووت
من الخوف
لكيت جهاز جان ع الميز ركضت اله وفتحته
واني ارجف طلعت اسمه واتصلت
هو سريع فتح الخط بس جان خايف من صوته
لان الساعه متأخره واتصلت عليه
رهبار : شكووو صاير شي ليش تبججين
ريفان :الله يخليك غهباغ غاح اموت من الخوف
ا..اكو 3 زلم د...دخلوا للشقه واني ح..حبست نفسي بالغغفه وقفلت الباب س..ساعدني تعااال الله يخليك
هو من سمع هيج انتفض احسه شوي ويطلع
من الجهاز صاح بصوت يمكن المقر كله سمعه
رهبار : اااااابقي وياااي ع الخط لااااتروحين
البااااب ديربالج تفتحي لووتعرفين تضمين نفسسسج بقوطيه ضمييييها بس لا تتتطلعييييين مفهووووم
ريفان : ابجي واحجي ويا وهو يشيل روحه ويلزكها
يريد يوصل بسرعه اسمه شلون يركض حتى انفاسه
بلكوه يلقطهن ويحجي بعصبيه
ومنا اني انتهيت لان صوتهم كلش مرعب
و...والله خايفه عفية غهباغ ...
رهبار : ابويِ انتِ وربي اجيتج ماا اعووووفج هاي اني
طلعتتتت بس اصبري فدوه لعمرج لا تتطلعين برى لاتخليهم يسمعون صوووتج هذول ال *****
نوب يدخلون للغرفه وربي اموووت انااا
ريفان : خ..خايفه ااصواتهم ت..خوف
رهبار : هشش بويه انا يمج مستحيل تخافين وانا يمج
هسه اسوي الطريق قصير واجيج ما أطول هاي الشوارع فارغه مابيها احد وربي اوصل سريع بس
قوي نفسج قويها رحمه ل ابووووج
ريفان : هزيت راسي بخوف وكأن جاي يشوفني وأما اسمع كلامه كل شوي يهدي بيه ما تركني ولا لحظه
شوي وسمعت الصوت صار قريب
همست اله بخوف ..
عفية هذا.. صاغ قغيب من الغغفه الصوت قغيب
رهبار : هاااي دخلت العماره انا بس اصبري غديتلج فدوه كومي اشششو كومي اوكفي ع طولج
ريفان : ش..شنو شسويت ، عاط بيه بصوت عالي
رهبار : كومي افتحي الكنتور
ريفان : كمت فتحت الكنتور ، ششسوي هسه ؟
رهبار : مدي ايدج جوه اكو درج بالنهاية
ريفان : مديت ايدي وفتحته
رهبار : هسه اكو مكان صغير افتحي منه راح يطلع مخزن سريع افتحي
ريفان : سويت مثل ما كال اول ما وقعت عيوني عليه شهكت ...
ريفان : غهباغ هذا سسلاح!!!!
رهبار : جااا **** اكيد سلاااح اسمعي مني وطبقي مثل ما أكول ترى إذا ماسويتي مثل ما الكلج اموتج
ريفان : ش..شنو ، عيني ع السلاح واني اسمع صوته
رهبار : الزمي وخليني اعلمج شلون ترمين
بسرررعه الوقت يداهمنااا
ريفان : فزيت خايفه شلت السلاح جان ثقيل لزمته واني خايفه منه وهو صار يهدي بيه ويعلمني شلون
استخدمه بجيت بقله حيله ماعرف شنو اسوي
بس غضب عني انجبرت اسمع اله حتى احمي نفسي
خاف هذول يتقربون الي لازم ارميهم
علمني صح ماعرفت اي شي بس ع الاقل
صارت عندي معلومات لو صار اي شي اطبق الي
كاله والسلام عليكم شيصير خلي يصير
الخوف موتني ولازم احمي نفسي واصبر لبين ما يوصل هو ويحميني
سحبته ب ايدي ورحت بين السرير وبين الحايط كعدت
خاف يصير شي وهو وياي ع الخط دموعي ماخلصن
مرت فتره واني عنفس الحطه ماعرف شبيه
بس جسمي يرجف كلامه صح يطمني هو وياي
بي مجرد بيني وبين هذول لأشخاص بس باب معناها اني بقمه الخطر ومن حقي اخاف
لتفتت ردت اعدل نفسي والم رجليه لصدري
جان توكع المزهرية واطلع صوت
شهكت وخليت ايدي ع حلكي هسسه اكيد يسمعوني
رهبار يهدي بيه بي اني وين
شوي وسمعت باب الغرفه يريد ينفتح من محاولاتهم
هنا هاهي كلت خلاص بي يفتحون الباب اروح بيها
من صدك دك ناقوص الخطر عندي
صرت اهلوس بكلامي وهو يشيل روحه ويلزكها بالكاع
يريدني أهدأ..
الباب تهجم صاروا يدفرون بي واني اشهك بالبجي
بقوا بس كم دقيقه اخر شي اختفوا
بقيت جامده
هي ثواني وماحسيت الا اندفع الباب بقوه وانفتح
دخلوا هم ال 3 يترنحون بمشيهم وكفوا يم الباب
شافوني وصاروا يضحكون بصوت عالي...
اني من شفتهم صرخت بصوت عالي ، غهبااااااااغ
سسسسسساعدني دخلوا والله غااااح يمووتوني ..
الجهاز ماعرفت وين انشمر بقيت اتلمس بالكاع
اريد الزم السلاح ماعرف وين راح
حسيت صار قريب مني لزمته رفعته وجهته عليهم
وهم ما خافوا بالعكس يضحكون بهستريه
عبالك شايفين كدامهم لعبه كدامهم وفريسه سهلة
صرخت بصوت عالي ..
وووووو الله بسس تتقغبووون مني اقتلكم اغميييكم
واموووتكم لاااا تتقغبوووون ..
هم ماسمعوا مني وتقربوا خايفه ارمي واقتل بشر
ومن جهة ثانيه خايفه لا يتقربون عليه
رفعت المسدس فوك وضغطت ع السلاح ثارت طلقه بالسقف وارتديت للخلف من قوه الضربه
هاي اول مره ارمي وماعرفت هيج يصير هم
بحيث اول ما ثارت الطلقه صرخت وياها
بصوت عالي ..
هدوء عم المكان رفعت راسي ارجف خايفه
لكيتهم ع نفس مكانهم يعاينون عليه
خفت من نظراتهم
ماحسيت الا هجموا عليه
صرخت بفزع واني احاول اهرب منهم بس ماكدرت
لزمني واحد من ايدي ودفعني بقوه
وكعت ع الارض هم بالكوه يمشون
تمنيت عندي القوه بهاي الحظه بس احس
بالعجز وجسمي باد حيله من الخوف
رجعت للورى بخوف واحد منهم وكع اثر الثماله
واثنين تقربوا مني
واحد منهم تقرب مني ولزمني من رجليه
لو روحي راحت دفرته بقوه اجتي
الضربه ع المنطقه الحساسه هو صرخ وبعد عني
لازم المكان الي انضرب بي وبس يفشر الثاني تقرب عليه ضربني بكف خلاني ادوخ
صار فوكايه يحاول وياي واني فرفحت من البجي كتم ع حلكي حتى ما يطلع صوتي
وهو يشتم ب ألفاظ تقرف اول مره اسمعها
حيل تقززت منها
بقيت اصارع ويا واتلمس ب ايدي اريد شي اهفة براسه
حسيت صار شي يم ايدي هذا السلاح
لزمته وبقوه ايدي ضربته ع راسه
بس هو ملخني الحقير
بعد عني يصرخ صراخ يوكف يرجع يوكع واني
لكيتها فرصه وكفت ع طولي
وركضت طلعت برى اركض بروحي العزيزه اريد اهرب
اريد اطلع منا فرفحت متت من القهر
والخوف
اني هيج يصير بيه هيج ليش ياربي والله ما مأذيه
بشر ليش هيج يصير بيه
تركت ورايه كل شي ما أخذت لا السلاح ولا الجهاز
اريد بس اخلص
وصلت الباب الشقه هستوني ردت اطلع
وماحسيت الا انضربت بجسم صلب
وكعت ع الارض وصرخت بفزع من حسيت
ايده صارت ع ايدي بقيت ارفس برجليه وادفع ب ايدي بكل قوتي واني ابجي واشهك بالبجي صرخت بصوت عالي ،
لااااااا عوووفني الله يخلييييك
عوووفني ، غهبااااااغ وييييينك تعاال ساااعدني
غااااح امووووت ....
_________________
للحكايا بقايا ♡ ...
بمناسبه دخولنا السنه 2023 حابه اكول الكم
سنه سعيده عليكم وان شاء الله سنه خير
وفرح وسعاده واحلى من القبلهاا
دمت يارب بحفظ الله من كل سوء وشر 🫂🤎
التواصل ع حساب الانستا عيوني 🦋
akyta_98