نبدأ بذكر الله ﷽💛✨
لاتنسون التصويت وتعليق ع الفقرات أشهباتي ..
ونكول .. شنو نكول ؟ اسمع !
_ ولقاءنا چان مَليان نَظرات مُحبه أَكثر من سوالفنا
_ أي والله ..
بقلمي _ رهف علي
____________
سيلينا ..
فتحت الباب ونصعقت وانا اعاين ع الشخص
الواكف كدامي فتحت حلكي عشر أمتار
وعيوني حتى البؤبؤ وكف مايتحرك
ماحسيت الا طكه صارت كدام عيوني
سريع رمشت وانا اشوفه طك اصبع الإبهام بالسبابه وصدر صوت رمشت عيوني اكثر واردفت ..
دابر !!!!
ابتسم بهدوء واردف
دابر : السلام عليكم
سيلينا : سديت حكلي شكد فشله ياربي
هسه شنو يكول عليه شبيها هاي
صافنه عليه عزززه هسه عباله انا مُعجبه بي
لالالا فشله
رديت عليه وانا اضيع نظراتي ، وعليكم السلام
دابر : اردف بهدوء ، شنو بويه ناويه تشتليني بالباب ؟
سيلينا : يااا اعتذر منك اتفضل ادخل
دخل للبيت عاد انا سديت الباب ومشيت قبله حتى انطي خبر لأهلي
هو وكف بمكانه فتحت اله باب الديوانيه
تفضل ادخل هسه انطي خبر لبابا وماما
دابر : هز راسه واردف ، جا خوش
سيلينا : ماعرف شبي كلبي يدك بقوه
يمكن لان مصدومه بشوفته
وهاي اول مره يجينه هينا ع كولت دهليزه
ولا مره بحياته واصل هنا اقصد يمكن جاي
للعمارة بس ماشايفته ابد واصل لبيتنا
خليت ايدي ع كلبي وانا احاول اهدي دكات كلبي
المزعجه ليش هيج تتسابق بينهن ما اعرف
رجعت ضربت مكان كلبي المزعج وهزيت راسي
حتى اشتت أفكاري
رحت طايره ع بابا لكيته كاعد يقرأ قراَن وماما بصفه كاعده يا الله شكد احب منظرهم هذا
احس بشعور حيل حلو
حمحمت بهدوء واردفت ، بابا ، دابر اجه
ابو زياد : عقد حاجبه منو ؟
سيلينا : دابر ، همست وانا ارمش بعيوني
ام زياد : هلا بي يمه شو خلي اكوم اشوفه وانتِ يمه
روحي جهزي لضيافه
سيلينا : هزيت راسي وطلعت للمطبخ وهم راحو
يسلمون عليه واسمع صوتهم وصل لوين
وهم يضحكون سوا
ابتسمت ماعرف شنو الشعور الي اجتاحني
صحاني من صفنتي صوت القوري الجاي يفور
صبيت الجاي وأخذت الصينيه ورحت اوديها
وصلت لعند الباب و وكفت ..
هسه انا شلون ادخل اوف احس وجهي صخن وصار نار
توترت رفعت ايدي وضربت راسي وانا أشعل بنفسي واطفيها
أنت تقرأ
دجن الضليع
ChickLit#خيالية الـريــڤانـا عُذراً فـ أنا لستُ أنا أنا تلـک الفتاة التي حصدت ما زرعو اهلها أنا تلـک الفتاة التي واجهت خطأ ارتكبهُ غيرها تجردت من اسمهُا واعطو لها لقب يجر فيه اذلال الخيبه وأنتهكو حقوقها عُذراً فـ أنا لستُ أنا أنا تلـک الصامده المُغامره...
