جحيم ليلة ديسمبر

البارت الثالث

جحيم ليلة ديسمبر
بقلمي انا .. ﭑلـ نَور

لتنسون التصويت + التعليق الحلو بين الفقرات ومتابعة NON4_13 فـراشاتـي
insta : 4lno13

احـبـكــم❤️

♣️♣️♣️♣️♣️

. قد يكون الغبار المتشكل في الهواء
تذكارآ مؤقتآ
برههٌ تدل على ان ما مضى
انما يمضي
مع اشياء اخرى ماضيه
زمن عنيد
يحمل في صلبه
زمنه الخاص :

لكن كتله من الحجر
تبتر الديمومه
تقول ان انعدام الزمن
يرسم الزمن المسترسل كالعاده ...

♣️♣️♣️♣️

:- گعدت الصبح مثل كل يوم عادي
مكسرة احس نفسي واگعة من اعلى بناية بالعراق أخذت ملابسي وكلشي احتاجة ودخلت اسبح
بعد مده طلعت
باوعت الشُكلي المغيرة السادس حجيت بيني وبين نفسي

:- اوووي الحمد لله من خلصت وياربي اطلع المعدل الاريده ،نشفت شعري وضفرتة

ونزلت صبحت عليهن وكعدت اكل ،امي تطبخ
، ومنى تنضف ود كل عادة نايمه تخلصها روايات
ليل والصبح نوم رفعت راسي ع صوت امي

:- بنات حضروا نفسكم اليوم العصر
نطلع ابوكم بلغني ع مود لتكولن ليش مكلتونا من وقت

:- حجيت واني اخذ رشفة من الشاي ،
وين يوم اني مااطلع من هسه

اردفت معارضة كلامي

:- ليش يابنتي مو تعبتي من السادس وعندج استراحه استغليها

حجيت بملل واحس راسي حينفجر من الوجع
:- عوفيني حنونه مااريد اطلع فدوه

افأفت وسكتت عني
وهاي كلعاده تركتني براحتني مراح تحصل شي بالضغط علية وگفت وياهن اساعدهن ايد لأمي وايد المنى

للضهر صعدت فرشت سجادتي
كعدت اصلي واقرأ زيارة عاشوراء كلش احبها ومفيده راحه نفسية

لميت السجادة وعطرت غرفتي ونزلت جوه
طلعت للحديقة نضفتها ورشيتها
اخذت نفس براحه واني اشم ريحه التراب
وريحة الزرع شلون تجنن

نفضت اديناتي وگعدت بالمرجوحة ،عيوني
للسماء والغيوم المتفارقات وشلون السماء حاضنة الغيوم ،وصوت العصافير اليخبل
يخليني غصب عني ارجع لأيام البستان البيت جدي

:- flash back

جان اشوف كرة قدم لمعت عيوني بوگاحة ،حجيت بفرح

:- يلااا يلا شكلن فريق دنلعب بنات ..

احنه ستة يعني متعادلين
واني صايرة نور صبري مرة ومرة هجوم
ابتسمت بخفة وفرح بس بيت جدي اهل امي اخذ راحتي واحس هذا بيتي وممقيدة ابد

اخذنا مده نلعب والبستان يجنن وبي مي
يسوي واهس ينام مو بس يلعب

واحنه نلعب مااحس الا اسلام واكف على راسنا اتأفافت بضجر واني اسمعه يگول

:- ولجن شبيجن وحدتجن بكد البقرة
وتركض وره الطوبة جاوبني شخليتن للولد ها

اباوعله يحجي بـ إعصاب ويخزر مرديت

- شبيجن انخلستن موو

البنات بخوف

:- هـ هاي رحيل مو احنا
رمقني بخزره وهمس من بين اسنانة

:- بعد يوم تتزوجين وانتي بعقل الزعاطيط هذا ثاني يوم ترجعين لاهلج وتكعدين على افادهم

رمقتهن بنضرة غضب وهمست من بين اسناني

:- اني الجن سهلة الا اكطع ال ٤٥ مال امي ع راسجن هنا انخسرن

رجعت رمقتة بتحدي وعيني بعينة ضحك تك خد واردف بإستهزاء

:- اي رحيل خاتون انتِ شنو ولد وجامعة هذني وياج متكولين عيب ها

حركت شعري بغرور ورجعتة بطرف اصبعي ورى اذني وهو عيونة تتحرك وي حركة ايدي حجيت بخبث ..

:- لا قابل شمسوين احنا دنلعب ومحد موجود اصلا والبستان مسيچي انتو رفعت تك حاجب وكملت لو اني غلطانه ابن خالي

:- ميخالف عيب ليجي احد والولد داخلة طالعة

حجيت بنرفزة واني اقلب عيوني بضجر
:- مسوينه شي ترى لتكبرها هو دنلعب عادي قابل شايفني صعدت النَخل

رد موسع عيونه بصدمة
:- لا لا هاي عايزة تصعدين النخل شنو انتي قرد جربي سويها اشمرج بنص الشط وگولي اسلام سواها

رمقتة بخزرة وأشرت براسي للبنات ،بمعنى كدامي حجيت بلا اهتمام ومريت من يمه ، كلمن يشوف الناس نفسه ،حجيتها وسرعت خطواتي وصلني بس كلمتة الأخيرة مو عيون طرگاعة

غلست عليه مرديت اني وين وهذا وين
دخلت بسرعه للأستقبال كعدت بصف امي
لفت انتباهي حديث خالو محمد وي امي

:- شگلتي حنان احنا شارين البنات ونخليهن بعيونه الله شاهد اسلام يدللها لرحيل وسيف بعد احسن منه يخلي منى بعيونه

فتحت حلكي عزززا بعين مرت عمي هاي شنو صاير
ردت امي

:- والله ياخويه ما الكه احسن منكم انطيهم البنات والولد والنعم منهم بس القرار الأول والأخير الأبوهن مو يمي

بوقتها ابويه رجع ثالث يوم البغداد
طفرت احجي

:- لا خالو بعدي صغيرة ما ازوج وماريد
اسلام اصلا دخل المسعد بـ اخر كلمه الية
رمقني بخزرة شلتني شل بس اني رحيل عود اخاف لا ابد رجعت خزرتة واني ارفع تك حاجب

عفتهم يحجون ويتناقشون اعرف ابوية
ميزوجنا اذا منخلص دراسه
وهمينه اني مااتزوج ماريد
منى بوقتها هالسنه سادس يعني مستحيل
ينطيها

دخلت للمطبخ طخيت بنت خالي وگعت السراحية
منها رفعت ايدي بـ استسلام وحجيت بضحكة

:- انتي عيونج متشوف اني شعليه ..

مگالت شي ضحكت وراحت للأستقبال والبنات وياها ينقلن للاستقبال الا اني الاميره ديانا على راسي ريشه ما الي خلك اساعد بشي ومرت الايام هيج بيت خالي كلش ارتاحيت من جو بيت جدي

الا مابيوم قبل لنرجع

كعدنه احنه البنات بالبستان مقابل الشط وكل وحده
تسولف وتضحك
الا اني
اباوع شارد فكري للبعيد
لأيام القهر
بيت جدي تحديدآ ..

:- Flashback from the depths

الوقت الثانية والنصف ليلاً ..

جان عمري وقتها ميتجاوز السبع او الثمان سنين
هيج طفلة وكلشي ما اعرف بعدني روح الطفولة
بداخلي كلشي ماخذته بروح طفلة بريئة وكلشي ما اعرف

نايمة بين اخواني وحاضنة ود القلبي بعدها طفلة
بينا فرق سنتين او ثلاثة

ماحسيت الا خطوات اقدام تتقدم ناحيتنا بالبداية
عبالي امي تتفقدنا مهتميت شوية واحس الخطوات يمي وبدت الأيد تتسلل الناحية جسمي تشنچت بخوف ورجفة احتلت كل جسمي رفعت راسي بخوف واشوف وسام عيونه حمر ويباوع بنضرات
معرفت افسرهن قبل ولا عرفت شيريد يسوي
بس كل العرفتة الديسوي غلط حسيت بخطر
فزيت ارفس برجلية بخوف ورعب

اصرخ بكتم وهو ساد حلگي بكف ايده الكبيرة
اريده يعوفني ماكو ميگول طفـلـــه ميگول بنت
اخويه ياناس طفله زين الاطفال تذكر طفولتها
تضحك الا اني شذكر منها التحرش لو الضلم
لو الضرب بدون سبب

شذكر احس عقلي يوگف بيوم بسببهم
يمرر ايدة الثانيه من رجلية لرقبتي
وياخذ نفس واني ميته اريد احد يجي ماكو
امي وين اخر شي ماعرفت شنو صار بعدها حسيت انغمى علية من الخوف

فزيت الصبح بخوف ورعب واني اركض الامي واصيح بصوت عالي

:- ماما مااااما وينج

اجاني صوتها من المطبخ

:- تعالي بنيتي تريگي

حجيت بنشغة وشهگة، دخلت بحضنها
واني احجيلها الصار وابجي بخوف ورعب احتل كلبي

ردت بصفنة وتمسح ع شعري

:- اش لا حبيبتي هذا حلم لتخافين اني البارحة كل شوي اشوفجن ووسام نايم

حضنتها حيل
:- بس اني خايفه ماما

مسحت دموعي
:- اش مسحي دموعج هذا حلم

:- اومأت براسي اي رحت اغسل ونسيت السالفة الصارت طفلة ما افهم شي وصدگت كلام امي انو حلم

بس الصار بعد فترة انعاد نفس الشي
ونفس الأيد وهالمرة دخلت بين رجلية بجيت بشهكة وخوف واني ارفس بين يدة
يبوس برگبتي ينهش نهش الحيوانات في سبيل يخلص غريزتة وينهش بروح طفله كلشي
متعرف بخوف عضيت ايده وصرخت
حيل حسيت انياط گلبي تقطعت واني ابجي بخوف

هو طفر لغرفتة وقفلها
اجت امي تركض وراها أبوية
اني شفتهم لو كأنما شفت الامان بجيت بحرگه
وخوف واني اشمر نفسي بحضنهم
واشهك بصوت بعدها محسيت الا واني
بحضن ابويه يمسح خشمي من اثر الدم
وهو بكل عين صلفه كاعد ويسأل شبيها

عيني بعيون امي واباوعلها بنضرات كلها خوف من الشخص المقابيلي بالمقابل هي ترمقني بنضرات مليانة امان واطمإنان وكأن تكولي اضمج بروحي لتخافين بعدها محسيت الا واني نايمة بحضن ابوية

:- Back between the past and the present

انتبهت لأسلام گعد قريب الشط وعينه عليه
بعد ما البنات دخلوا يجيبون كرزات فززني صوته من صاح

:- الوووو وينج وين صافنة

:- اومأت براسي وباوعت بصفي اشرتله وياي

هز ايدة مستهزأ
:- لا يابة للمطي اللي بصفج

جاوبته بفهاوة وكل عقلي التفتت بصفي
:- بس ماكو مطي شبيك شارب

ضحك حيل ومن بين ضحكاتة رد
:- اخ اخ خرب يومج

ابتسمت الضحكتة ورديت بعدم فهم

:- قابل اجذب عليك گلت الك ماكو يمي

يباوعلي ويرجع يضحك حجيت بيني وبين نفسي
:-اووي هذا شبي بعدها يلا طخت بعقلي بعد ما قلصت عيني واني افكر شيقصد عود
صحت بصوت عالي

:- عزززااا هاي علية وگفت متخوصرة اله وهو لو بيدة ياكلني ، حجيت واني امشي اتجاوزك بـ اخلاقي حجيت هيج ومااحس الا خمط ايدي وگعدني

:- دكعدي لج دگمة شايفه نفسج

حجيت بغرور
:- والله ياعيني اذا معاجبك فارگ المكان
وخر مني محد جابرك تگعد اهناية

جاوبني وهو صافن
:- كعدي سمعيني وروحي

حجيت بنتر لأن اعرفة شيريد يكول
:- خوووش اسمعك غرررد يله

-خزرني وكمل كلامة
:- گععدي ولدوخيني ما ال بشر اني

:- اوووي وشرايد مني غير افتهم

تنهد وگال
:- سمعيني زين بنت عمتي من الاخير لاعندي لف ولا دوران اني رايدج على سنه الله ورسوله

جاوبتة لدون مقدمات بعيون ذبلانه وخوف من الماضي
:- بس اني مااريدك اسلام معتبرتك اخويه وبعدني صغيرة

جر نفس واسترسل بكلامة

:- خليني اخلص كلامي ولتقاطعيني اذا معجبج كلامي اعتبري ماانحجى اصلا هيج تمام

:- اومأت براسي صار كمل

:- بـ ابتسامه شگت حلگه ايي
عيونه لبعيد ويحجي

:- انتضرج تخلصين دراستج كلها معندي شي اتعلق گلبي بيج من عمرج شهر اول طفله
اشيلها بين اديه جنتي نايمة بوقتها
واخذتج من عمتي اباوع البشرتج بيضه بوردي
مو طفله وكأنوا ملاك وخلو بيدي

واني صافن بيج جان تفتحين عيونج بتململ
ونعاس باوعتيلي ابرائه مو نضره كأنما سُهام وصابت قلبي واخذته مني بثانية
ومن يومها بقت نضراتج ابالي دخلتي لگلبي
من عمرج شهر لهذا يومج

اباوعله يحجي متلهف ويشرح بحيل قلب وكأن عنده بذاك الوقت قطعة ثمينة ويخاف يفقدها وعيونه تشرح حبه الضامه من سنين حجيت بمتمته بعد ما بلعت ريگي

:- عفيه اسلام اني ماافيدك بعدني صغيرة والله والفرق بينا جبير اني مااتزوج اريد اخلص دراستي عفيه شيل هالموضوع من بالك وربي يرزقج بنت الحلال التسعدك ..

حجيت هالكلام كله دفُعة وحدة وگفت انفض التراب من ملابسي

عفته واني اهرول بمشيتي ومسمعته شنو حجى بعد غلط اگبر غلط ماكو شي بالچبر الحب يجي بدون مقدمات للشخص الصح للشخص اللي تحس اتجاها من صدك سند وظهر الك مو چبر ولا بالكيف والله شنو اني احبج تعالي حبيني وبادليني هالشي اكير غلط وراح يبقى الشخص كل عمرة متندم لأن ارتبط بشخص ميحبة وانما يصير بمرور الوقت تعلق لا اكثر وليس حب

دخلت للبيت احس گلبي صار بطني من كلامة
بوقتها الكلام لو مصارح اي بنت معجبه بي
جان بوقتها طارت من الفرح بس اني غير اختلف عنهن دخلت للغرفه خزرتهن وغميتهن

:- انتن مو على اساس تولن تجيبن كرزات

جاوبن وگوة لازمات ضحكتهن

:- ايي دخلنا ردنا نجيب وشفنه مسلسل
حلوه ونسيناج

عفتهن ورحت لأمي كعدت يمها وهي دتجمع
بملابسنا ابويه اجه اليوم وباجر نطلع

رجعنه الصبح من بعد السلام
واسلام اخذله صفحه بحجه ياخذ الجنط من
ابويه وتقدم الي

:- فتحي ايدج هاي گلادتج وگعت منج

بـ استغراب وعكده حاجب
:- وينها

اخذ ايدي سريع وخلا بنصها الگلاده
وشد عليها حيل انيت بوجع وحجيت

:- ايدي ايدي اسلام شبيك

رجع للخلف ويرفع بشعره النازل متمرد على عيونه

نزلت عيني لايدي واشوف هاي مو الي
رفعت راسي اله

:- بس هاي مو ال....

بعدني ممكمله كلامي عافني وراح فتحت ايدي اشوفها سنسله فضه سوره الكرسي استغربت منه باوعت الايدي صايره حمره من اثره لزمته شمرتها بالجنطه وطلعنه البغداد مرت ساعات والطريق كلش طويل صافنه على الشارع والخضار تمنيت بوقتها ابقى يمهم ما اريد ارجع للجحيم برجلية
بس مجبوره مجبوررره ياربي من بعد طريق طويل وصلنه باوعت للبيت من برا يقبض الروح تصاعدت انفاسي واني احس

بضوجه لأن كبرت وعرفت الدايصير شنو
قررت اواجها واصير قوية ما ابقى هيج
ومرت الايام وطلعت النتائج والحمدلله كلنا
نجاح ودخلت مرحله جديدة وصف جديد وكلشي
جديد ولازم اختار يا علمي يا ادبي ..

:- Back to the present

نزلت دمعة حارة تحرگ گلبي مو بس خدي
واني اذكر كلشي واسترجعة بذاگرتي مسحتها بطرف اصابعي واخذت نفس قوي الله موجود ياخذلي حقي نزيت على الباب انفتح

دخل ابوية وراة اوراس ركضت اله
بوسته وحضنته واني احجي

:- شلونك حبيبي الله يساعدك

جاوبني بحنية
:- بنيتي رفعة راسي بخير اذا انتي بخير

بوسته بخده مره ثانيه حيل ورديت
:- دووومك حبيبي دومك

نزيت ع صوت اوراس يحجي بعصبية مصطنعة

:- شنووو اني خراعه خضره هنا ما الي حصه

ضحكت بصوت عالي وحجبت بخبث

:- اوي حبيبي يغار ركضت الحضنه بوسني براسي
وشددت على حضنه ،جريت نفس من عطره يخبل
اموت عليه سندي من بعد الله وابويه

دخلنا المطبخ حاضنتهم كل واحد من جها واشوف ماما ومنى وياهن طابگة ووود حجت بخزرة

:- ايي شنووو بس ست رحبل الها الحضن
والبوس

ضحك ابوية ع ردة فعلها وجاوبها

:- تعالن تعالن عزيزاتي قطعة من روحي انتنَ
شعندي غيرجن

كلنا حجينا بصوت واحد
:- ربي يحفضك ويطول بعمرك يابة

بوس راسنا وگال بضحگة ويغمزلي

:- اليوم نروح زياره للكاظمية
ومناك اخذكم افركم وللمكان التحبي

طفرت حضنتة حيل
:- فدوووه العينك حبيبي

بعدها حضرنا الغدا وتغدينا وكل واحد راح الغرفته واني صعدت اركض احضر ملابسي نضفت وجهي ماسكات تقشيرات طلعت الق لق باوعت النفسي بنظره اخيره احوووي فديتك ايه الكمال ده يعسل يا اشطى يوليه

دخلت منى مستغربه الوضع حجت بإستغزاب
:- لج رحيل تحجين وحدج

هزيت يدي واني اضحك
:- اكيد لا داحجي ويي خيالي ، داحجي وي نفسي يحضي تخلون الواحد يسولف وي نفسه بلوه بلوه انتوا

جاوبت
:- دنجبي انجبي اجيت اخذ الحمرة منج واروح

شمرتها عليها
:- هاج بس خلصيني منج

اخذتها وهي تضحك
:- خبله خبله الله يساعد الياخذج يرجعج ثاني يوم علينا ويطفر بريشاته المگرود

خزرتها
:- اصلاً اله الشرف وين يحصل جمال واخلاق وگياته مثلي فديتني

هزت يدها
:- ايي ونسيتي خبلة هم

حجتها وطفرت
لبست رسمي باوعت الشگلي نظرة اخيرة وخذت جهازي ونزلت واطقطق بالگعب ع الدرج رفعت راسي ع صوت اوراس

:- لك هلا هلا شنو هذا الجمال

چاوبتة برفعة خشم وغرور واني اجر بالكلمة چر
:- طالعه عليك غير

طلعنا كلنا بسيارة ابويه قريب منوصل السيطره شفت سيف واگف بطوله أبتسمت والتفتت للأخت فاتحه الحلگ للأذن ضربتها بعگسي تسد حلكها فضحتنا

وگف ابوية بصفة والثاني اكله اكل بالسلام وعيونة ع منى وهاي بغير عالم

:- يابه هلا وكل الهلا شلونك عمي مشتاقين

گرصتها بخاصرتها
:- كافي لج فضحتينا

همست من بين سنانها
:- والله ما غيرج الفضحنا

جاوبة ابوية
:- حبيبي وليدي الحمد لله شلونك الاهل شلونهم

:- برحمه ونعمه من الله يسألون عليكم
التفت الأمي بغمزه ، عمتي الصاكة شلونج مشتاقلللججج

اخر كلمة جراها ، چاوبتة امي
:- حبيبي امي الحمدلله

بهالاثناء اتقدم شخص طبطب على چتف
سيف حجى وياه ودنگ راسة لبابا يسلم فتحت عيوني بصدمة ممصدكة الداشوفةةة
مقابيلي عززا ...

:- يــتـــبــــع ...

♣️♣️♣️♣️

# ملاحظة ..
(عزيزاتي الامهات والاخوات الاكبر اقروا البارت مره وثنين وثلاثه ) الاترجاة منكم صادقوا بناتكم اخواتكم الاصغر منكم لأن كلشي بالطفولة يصير حيترسخ بعقلها ومراح بيوم تكدر تتخلص منه كونوا اصدقاء الهن سمعوهن نصحوهن مو كلشي يجي بالتهديد والضرب لا ابد عمر الضرب مراح يجيب نتيجه ... ركزوا بالبارتات القادمة لطفاً .

♣️♣️♣️♣️♣️

مساء الورد فراشاتي الحلوات
شنو رأيكم بالقصة والاحداث وشنو توقعاتكم للمستقبل

لتنسون التصويت + التعليق الحلو بين الفقرات ومتابعة NON4_13 فـراشاتـي
insta : 4lno13

احـبـكــم❤️

دمتم برعاية الله وحفظة ...