جحيم ليلة ديسمبر
بقلمي انا . ﭑلـ نَور
لتنسون التصويت ورداتي والتعليق بين الفقرات ومتابعة NON4_13
insta : 4lno13
♣️♣️♣️♣️
ماعدت اعرف اين تهدأ رحلتي
وبأي ارض تستريح ركابي
غابت وجوهٌ ، كيف اخفت سرها
هرب السؤالُ ... وعز فيهِ جوابي ...
♣️♣️♣️♣️
:- رحيل
نايمة واحس انفاس شخص قريب مني وانما كهيئة انسان تبخ حرارة وكأنما نار مشتعلة بصفي
حجيت بملل ونعاس
:- شنو هاي يا ربي
فزيت وجان اشوف محد مسحت ع رگبتي بحيرة وحجيت
- لعد شنو هاي
رفعت راسي الساعة ٢:٣٠ ص
- مسحت وجهي بتأفأف واستغفرت ربي
نزلت رجليه بتعب من اثر النوم وبطني تصيح
الغوث من الجوع غسلت ونزلت جوه
البيت اضلم
وهدوء بشكل مريب بحيث حسيت احد يمشي
بصفي وعين تباوع عليه خفت كلش خفت
بس سميت بـ اسم الله والتفتت بخوف بس محد استغفرت ربي وهزيت راسي متوهمة يجوز هاي من كثره النوم وتأثيره هذا وداهلوس فتحت الثلاجه مبقيلي
من العشه خليته بالمايكرويف بس يحمه انتضرته يخلص وطلعته كعدت اكل بهدوء وعقلي بدأ يسترجع كلشي مر بحياتي بيت جدي
:- flash bak
الوقت الثامنة ليلاً
وقت العشاء على السطح وكلام جدي لبابا وعمو حسام فزينة على صوت هوسة وصراخ ، كلش زين اعرف هالصوت المنو هاي وووود
نزلت اركض قبلهم واشوف وسام لازم ود ويعت بيها مچنزها تجنز وهي بين اديه مثل الطير المذبوح بس تهومش بيدها
ركضت الها داوخرها من بين اديه بس بحركة سريعة منه ضربني ع خشمي خلاني اگمز من الألم احس فرفحت روحي
صاح بي ابوية وهو يبعد ود من ايدة
:- لك وسام انت متجوز من بناتي لك طفلة مسلمت من ايدك لك انت شنو متخاف الله فهمممممني
صاح اخر كلمه بصوت عالي
رد وسام بحقد وشر
:- ولي انت وبنتك
ابويه سمعه هيج گال وهجم عليه رغم ابويه مو صاحب مشاكل بس تعب منه ومن سوالفه
زنگه من ياخته رگعه گله ورجع ركعه بوكس
طفه عينه بيها
بهالاثناء محسينه غير بيبتي وگعت من طولها كلها
تقدمت الها تاخذها من الارض واولهم ابويه وسام واكف على صفحه يخزر بود وهاي ترجف
سحبتها من بينهم ودخلتها الغرفه حجيت بعصبية
:- انتي مو جنتي يمي شنزلج ولج
::- رحت اجيب مي فشنو هو صاحني واني
مسمعته ابد ولا سمعت شراد هو يشاور نفسه مدري شنو كتله مااسمعتك شنو ردت
:- رد من بين اسنانه لج بنت الح *** شلون
مسمعتي تغلسين ولج
من بين شهكاتها كملت كلامها
:- اني كتله لتغلط على بابا لو ابتليت على عمري استلمني ضرب هاج شوفي شعري گطعة ورجعت النوبه البكاء وهي مقرفصه على نفسها
-: اباوعلها تشهك وجها صاير عبارة عن اصابع
بحيث صاير دم من الضرب والبجي وتشهك بصوت
عالي يفطر باب الكلب سحبتها الحضني وامسد على شعرها اريدها بس تسكت ماكو اتحسب عليه بداخلي هو هذا وسام بلوة عمره بالثلاثين بس عقله بعقل الاطفال
ماخذ الدنيا طول بعرض وبس هو وبس ومن يلزم
واحد ميتركه الا وهو مچنزة بسبب او بدون سبب
وحتى عمتي الجبيره مخلصانه من اللسانه يغلط
على الجبير والصغير ومايحترم
ليش شنو سببها
اني اكولكم سببها الدلال جدي وجدتي دللوه دلال
مصاير بحيث اذا يطلب لبن العصفور يجيبوة اله
ومن كبر حتى احترام الهم مخلا ابد فياريت من
الاهل لتعلمون الطفل من الصغر
على الدلال ،دلال عن دلال يختلف اكو دلال بحدود
يعلمون الطفل من صغره
على الصلاه والعيب والحرام ويعلموا العطف
على الصغير قبل الجبير ودلال بس هاك شيطلب ينطوا بدون تربية بدون محاسبه مخلينهم شيردون
يسوون وهذا اكبر غلط بهالحاله شنو يسبب
راح يسبب قله احترام سب كفر باالله واهل بيته
زنا مشاهده ماحرم الله ويكون عاق لوالديه
وعلاقته بـ اخوانه والبعض شبه منهاره
ولا يحترم احد منهم وتكون العلاقه بينهم دائمآ
متوتره على اقل شي تگب العيطه بينهم
فياريت من الاهل ينتبهون الهالشي ..
:- بعد مده انتبهت الـ ود غافيه بحضني والدمعه
بطرف عينها خليت المخده
جوه راسها وبستها بخدها غطيتها وطلعت
شفتهم هستوهم داخلين وبيدهم بيبتي وجها
اصفر
مهدود حيلهم عليها بسبب هالعاق
همزين اتلاحكو الها جان انجلطت ضغطها صاعد
جدتي حلوه رغم عمرها ب ٦٥ ماعرف اكثر بس
بعدها بحيلها عيونها كبار كلش وبيضه
والشعر الهذا يومي طويل رغم كبرت بس بعده
بطوله بس بعدين راح ينهد حيلها وحتعرفون
شيصير الها
مرت الاشهر
وبدينه مرحله جديدة كعدت ع صوت امي
:- لج بناتي كعدن راح يتأخر الوقت كوومن
:- بـ استغفار صار يوم گايمة گايمة
مابين غسلت واكلت كم لگمه والبنات ويايه
طلعنه اني مخليه راسي بالكتاب ودنيا مشتيا
ومااسمع غير واحد مليق يصيح ورايه
اروح فدوه لهالخشم مو خشم ليكول طماطه
البنات ضحكن بهمس يعرفني اذا حجن او ضحكن
بالطريق اخلسهن
دخلت للصف اول درس كان امتحان احياء والحمدلله زينه الاسئلة شفت روان صديقة الطفولة ونفس الصف احنا بس اليوم متأخرة العروس اتقربت ناحيتي تحجي
:- بشري شلون الاحياء
رديت بضحكة خبث
:- الحمد لله تسلم عليج
:- عود تحشش لمولها ضحك فصاعين
التفتت للبنات مقلصة عيوني
:- بناتي شلونجن
ود ، ارجوان بصوت واحد
:- الحمدلله بس سؤال دخت بي
:: عادي اهم شي البكلوريا
وهيجج خلص الدوام
ومرت ايام الامتحانات ليل نهار نقرأ وخلصنه
والحمد لله نجاح ومن غير احلامي المفارگتني دقيقه وكوابيس التعبت نفسيتي بشكل كارثي
حلمي جان اطلع طبيه وان شاء الله احققه
ابويه دكتور جامعي وايام فراغه يطلع وي جدي
هو وعمي حسام بما انو متعلمين المهنة منه تأسيس بيوت ومنها يساعدون جدو ، البيت يريد وكلشي بالحياة يريد وبما انو راتب واحد ميكفي فكل شخص يكون عندة شغلتين بستند عليهن بحياتة
حضرنه كلشي وبدينا نطلع صادف وقت الفجر
بس اكيد اوراس ميروح ويانه واحنا طالعين بيبيتي اعترضت طريقنا وحجت بنترة
:- وين مااخذ البنات مو كلت ميرحن شعدهن موليات غاد وعدهم شباب
رد ابوية
:- حجيه بناتي وياي اجيبهن وبناتي اعرفهن
ميسون الغلط
:- رحيل
بوقتها خفت حيل لا تبقينا لان اعرفها
حيل متسلطه وانانية بس حنينة وجدو احن منها
قريت الفاتحه لأم البنين تسهيل امر يسهل امرنا
ونروح بدون عرضه ،رفعت راسي ع صوتها وهي تنتر
-: خووووش روحو عشر ايام وترجعون
ابوية باس راسها وهمس
:- صار يوم
-: كلنه سلمنا عليها وطلعنا لبشارع واشوف الدنيا
بعدها مكاشفه والجو يجنن يخليك غصب عنك
تحس بالطمأنينه والراحه النفسيه غمضت عيني واني اجر النفس بعمق بحيث اريد اخزنة بريتي على گد ما الجو يجنن صعدت السيارة
مكاني يم الشباك ود بسرعه خلت راسها بحضني
ونامت على رجلية صفنت على الشارع والزرع يجنن
:- صفنت لي ورا بذاكرتي بعمق العمق وذكرياتي المليانة جرح وآلم
:- flash back
دنيا صيف واغلب العوائل تنام بالسطوح
كهرباء ماكو وحاره
فـ اتذكر مره من المرات نايمين بالسطح
فـ عندي طبيعه كلش محلوه
من انام ماانتبه على نفسي انام مخربط
عكس البقيه ومرات لا ابقى على نومتي للصبح
وعلى حضي المصخم اليوم صبحت على الذبان
فوك وجهي واني ابعد بي واتأفأف
كعدت على حيلي واني اتذمر وصارت عيني على وسام كاعد شوي بعيد بس يصير مقابيلي يشوفني
واشوفه صافن على رجلية موسع عينه ويبلع ريگ
من نضراته رجف جسمي كلش وخفت بيومها
خزرته وبصقت بالأرض
وبسرعه وگفت واني اگعد البنات بطريقي ،نزلت
اركض بيومها متت وكلش خفت من نضراته المقززه تحسس البشر ملابس شي
:- Back to the present
فزيت على ايد طبطبت على جتفي
التفتت ود اتنفست الصعداء وحجيت
:- خوفتيني غير تطلعين صوت
تحمحمين جنج خفاش الليل مينسمعله صوت من يمشي وبعدين تعالي شعندج كاعده ها
اردفت ابرائة وترمش بعيونها
:- داقره روايه هسه خلصت ونزلت اشرب مي نسيت اصعد ويايه
رديت بتعب وعيون ذبلانة
:- يلا بنيتي شربي مي وتوضي وصلي الشفع والوتر
واهم شي ورقه من القرأن على مود تتوفقين
بحياتج
جاوبتني برضا وابتسامة تبوس بخدودي
:- ان شاء الله تصبحين ع خير
عيني عليها توضت واخذت مي وصعدت بهدوء رجعت شردت بأفكاري
:- flash back
واني بالسياره وافكر بيوم وفاه جدي ابو امي
:- نايمين الصبح مثل كل مره واجتي بيبيتي
ام ابويه دكت باب غرفتنا حيل وتصيح
:- حناااان يااا حنان كومي اجت عمتج تشوفج
وكفت امي بسرعه وهي تلبس حجابها وتحجي
:- يا ساتر شنو الصار والخلا عمتي تغبش من السبعة علينة لطمت خدها يمه ابوية بس لا صار شي اله سودة بوجهي طلعت بسرعة
رجعت اريد اغفى ومرت دقايق لا اكثر واسمع صريخ
امي رج البيت رج كلنا طفرنه للاستقبال
لكيتها مزقه دشداشته وحالتها حاله
والخد مصبوغ دم حضنتها ماما عفيه لتسوين هيجج وحالتي حاله ابجي بخنكه لان كلش احبه اتذكر وقتها امي كلش انكسرت بوفاته الله يرحمه
جانت حيل متعلقه بي
:- رجعت للوقت الحالي والسياره وكفت
گبال المطعم
حجيت بهمس
- ود وده حبيبتي كعدي
وصلنه للمطعم خليت ايدي ع معدتي ، يمه متت جوع وتكسرت من السيارة
حجت منى
:- يله حبيباتي نزلن ولطلعن صوت
رديت اني ود بتلاعب
:- تدللين
قلصت عينها علينه وحجت
:- شوفن دير بالجن تسون شي يفشلنا شايفات ال45 مال اميهذا جبته ويايا اللعبه على ضهرجن يله كدامي
ردت ود بتذمر وضوجه
:- هسه احنه شسوينه وانتي تهددين والله ياالله
منى بخزرة
:- كلت كدامي
:- دخلنا غسلنا وطلعنا رحت بصفهم
كعدت نزلوا الاكل بدينا ناكل بهدوء الا ود بلوه تاكل وتحجي وتضحك وامي تخزرها ولا يمها وابويه يصيح عوفيها هاي العزيزه بعد رحيلي
:- ابتسمت الكلام ابوية واني ارفع عيوني صارت ع النادل يباوع من جوة الجوة ويسوي حركات تلعب النفس ومن يشوف ابويه يباوع يلتفت يخاف منه
ويغمز وامانه الله من اطلع اصلا لا اخلي عيني
بعين احد اروح بطريقي واجي بطريقي الا ذاك اليوم
خلصنه اكل ورحت اغسل ود ورايه
اجيت التفت مااشوفه الا ركعني بجتفي ومد ايده
يريد يخلي الرقم بيدي
وسعت عيني بصدمه من سوايته
بعدت من طريقة بعد ما بصقت بوجها وشمرت الرقم عليه حجيت بصوت واضح
:- انت شنو متستحي متخجل معندك اخوات
مو جنك زودتها مال العمى ان شاء الله
طلعت من الحمام شايطه
لعبها النفسي يعني يشوف بشر لا يمه ولا متقربله
بعد ليش يتحرش مااعرف رغم حتى لبسي
مستور مبي شي كله عريض
رجعت لمكاني وابويه راح يدفع الحساب طلعنه رجعنه الاماكنه بيومها اتذكر ربي حمانه من عرضه بيبيتي ردنه نسوي قدر لولا ستر الله حمدت ربي وشكرته
وصلنه لبيت خوالي لگيناهم منتضرينا لان قبل دقايق خالي خابر وابويه كله دقايق ويمكم خوالي ٢ وولدهم وياهم استقبلونه ذاك الاستقبال اليخبل
صارت عيني على اسلام ابن خالي محمد
عيونه بكصته ويفر بسويج سيارته معاجبه العجب
كلت بگلبي عوذه شبي هذا يربي
انتبهت اله يباوع على لبسنه ومعاجبه بالاساس اني دائمآ من اشتري كله اجيب اكبر من قياسي يصير عريض ومريح الي احبهن جنت لابسه بنطرون اسود وبدي كريمي وكوت طويل اغمق بكم دجه وشوز ابيض واخواتي نفس الشي بس غير اللوان صرنه
مشكل يالوز
:- قلصت عيوني اتجاها الشعر اسود على بني
منطي الوجهه جماليه ورونق وي عيونه البني الفاتح
متمرد على كصته بعناد بطول لا بأس بيه ضخم
بطول مناسب اله بالمختصر حليو الله يحفظه بعد السلام دخلنه ومن وحده الوحده يمه تعبت شنو عدهم فرريق ماشاء الله
كعدنه بعد ماغسلنا وارتاحينا وبدأت السوالف وره فتره فرشوا السفره وكلها كعدت وحضي المصخم
كعد مقابيلي اسلام
اني عادي اكل بس اموت ولا واحد يكعد مقابيلي
ابقى مااعرف اكل نقشت شلون مجان صار نقاش بين ابويه وبين خوالي، الاوضاع والسياسه وكلمن
ينطي رأيه خلصنة وكعدوا يسولفون
گال خالو محمد
-: يا ابو اوراس مشتاقيلكم صار زمن ماجايين
رد ابوية بتعب وأبتسامة
:- والله يا ابو اسلام تعرف الوضع بالعراق شلون وبالاخص بغداد القتل بفلس
الخال
:- بهاي حقك بس شنسوي نعتب عليكم من معزتكم بداخلنا ونشتاق الاخيتنا
جاوبت امي بأبتسامة
- تعرفون كلش اشتاق الكم وبين فترات
اتصل بيكم بس تعرفون بعد بنات ودوامات
والمسؤوليه جبيرة
:- عماد
- ايي ياخويه وانت ادرى بعد وهاي جبتهن
الكم
رد خالو بضحكة
:- لا يابه مقصرت حقك مالومك
التفت ها بنات شلونجن ان شاء الله مرتاحات
وترفعون راسنه بنجاحجن
حجينة بصوت واحد
:- الحمد لله خالو
:- لج تفاحه شو خانسة ماكو صوت
اسلام بهمس
- مو تفاحه ضيم صوبت كلبي
:- خزرتة لأسلام والتفتت الخالو
- لا خالو بس طريق طويل وتعبانه ونعسانه ابتسمت بشر من باجر تشوف رحيل خالي تدلل
التفتت الماما عفيه وحجيت بنعاس نعست اريد انام
نمت بيومها وكأن اول مره انام براحه وبدون تقييد
ومرت الايام عاديه بين البستان وبين عزايم
خالاتي الا مابيوم طلعنه للبستان
وشفت ...
:- Back to the present
:- نفضت الافكار من راسي بخيبه امل
وأبتسامه بطرف شفتي لابد يجي يوم
انسى الصار انسى كلشي خرب طفولتي وكسر
ضحكتي واتناساه ماا ابقى هيج اني بنت ابويه الملقبيه اسد ماانكسر بسهوله
جنت احجي وما اعرف الايام ضامتلي ضمه
من صدك بيها كسري وكسر كل ثقه بالناس
تنفست بعمق ومسحت وجهي بكفوف ادية وگفت
غسلت كلشي ورجعته المكانه صعدت بخطوات ثابته اثبت النفسي
اني قووويه واكدر اتجاوز الصعب كله بس
هيهات اقل موقف او كلمه ترجعني النقطه الصفر
احس الذكريات تاخذ روحي واموت قهر طفله مشفت
شي بحياتي بس بعدي قويه واسند اهلي بكلشي
دخلت الغرفتي الشاركتني اغلب ذكرياتي
بخطوات متهالكه كعدت بسريري بهدوء
صفنت يا تري الايام الجايه شنو ضاملتي وشنو وراها
نفضت كلشي من عقلي ومديت يدي ادور جهازي
لگيته بصف السرير واكع
فتحته روان والبنات مراسلاتني
روان متصلة اكثر من مره واني ما ادري اغلب اوقاتي
اشمر جهازي واخلي صامت بدون اهتزاز وانساه
اصلا دخلت للأنستا نزلت ستوري
النص .. اين الملجأ حين نهرب من انفسنا
بعد مده شفت اهوايه ردود
ومن ضمنهم اكو رد كلش عجبني
يجوز بوقتها احتاجيت قوه او احد ينطيني
القوه فـ الرد كان
:: كن قويآ وان كان صعب تضاهر بذلك
سكرنت الرد وتركت الجهاز
ردت انام بس شبعانه نوم
توضيت وبديت اصلي صلاه قضاء مافي الذمه
خاف بيوم مطلوبه لو ممقبوله
مرات اجمعهن مال يوم واصليهن ومرات كل
فرض وياه فرض قضاء وهيج
بعد مدة خلصت الصلاة فتحت القرأن لي وين واصله
خلصت قراءه وكعدت اسبح تسبيحاتي المعتادة
• لا حول ولا قوه الا باالله العلي العظيم ١٠٠
• ربي مسني الضر وانت ارحم الراحمين ١٠٠
واستغفرت وصليت على محمد وآل محمد
حسيت ارتاحيت ومي بارد نزل على گلبي
بديت اصلي صلاه الليل وبعدها دعاء الحزين ، خلصت بقيت استغفر انتظر الصلاه
وعلى نفس گعدتي بعد محسيت الا
واني واكفه بستان يخبل اخضر يجنن بشكل
بحيث تحس براحة نفسية عجيبه
ولابسه فستان يجنن واني على نفس الوكفه جان اشوف هيج فجأه ولد شاب انطاني طاگ يخبل
اردف بابتسامة
:- اخذي هو هذا التردي انتي
اخذته منه وبعدها اختفى بقيت ادور عليه ماكو اختفى فزيت على صوت الأذان يأذن
ونفسيتي مرتاحة وكفت ورحت جددت وضوئي وكفت اصلي بكل خشوع وحب للـه
خلصت وبقيت استغفر ، بداخلي اهوايه كلام وي ربي
كلشي يهون اهم شي رب العالمين راضي عليه
كله امتحان لابد بيوم تشرق الشمس واشوف نورها
ربي يحبني لو مايحبني ما يختربني هالشكل
واني راضية بكلشي اهم شي رضاه
بقيت على نفس الكعده
منا لما حسيت عيوني بدت تقفل وحدها ونمت
بجادر الصلاة .
:- يـتـبـع ...
♣️♣️♣️♣️
مساء الورد فراشاتي الحلوات
شنو رأيكم بالقصة والاحداث وشنو توقعاتكم للمستقبل
لتنسون التصويت + التعليق الحلو بين الفقرات ومتابعة NON4_13 فـراشاتـي
insta : 4lno13
احـبـكــم❤️