السلام عليكم ورحمة الله وبركاته:
بقلم الكاتبة ريماس الأحمد
تنووويه هااااام قبل القراااءة❎
روايتي بعيدة كل البعد عن الكلمات اللا أخلاقية ولا تحتوي على مقاطع مخلة بالحياء🌿، إنما كتبتها لنقل ما حدث او لعبرة او لأشارككم تفاصيل حياة غيرنا 🌼
فمن أحب طريقة كتابتي فحياه الله 🌹
واهلا وسهلا به في روايتي وكتابتي المتواضعة
لست كاتبة متمكنة لكنن أحببت مشاركتكم فيما كتبته🤍
""""
دفعني بشكل جبير بحيث ابني راح يوگع مني، بس بسرعه شاله مني دار وجهه عالباب و صاح بصوته الجهووري:
_ربااااااااااب
جانت عيني على ابني يلي مفرفح من البجي خايف وجاي يمد ايديه صوبي يريد يجي علية، گمت عليه اريد اخذه
بسرعة وجهه نظراته علية بحدة كازز على سنونه ورفع حاجبة مثل اليهدد انو أگرب
خليت ايدية على وجهي ابجي على حالي شسويت حتى يصير وياي هيج
اندكت الباب وتكون رباب:
_استاذ صحت علية
_ هاج الطفل ديري بالج عليه واهمتي بيه زين
فتحت عيوني مصدومة شنو اهتمي بيه ووين يريد ياخذه وليش يسوي هيج، ما تمالكت نفسي وحاولت اكسر حاجز الخوف العندي منه وركضت على ابني اريد اخليه جوا بگلبي ما احد ياخذه مني هاذ قطعة من روحي ولا اخلي ياخذه
لمن گربت عليه وردت اشيلنه بساع گظبني من ايدي حيل وصحت متوجعة من ايدي والتفت على رباب صوت
_اخذذذييييههه يلاااااااااااا
_حجت بتوتر وخوف: ح..ححاااضر
ابني فرط گلبه من البجي واني انهاريت ابجي واصيح ما اريده يبعد عني زاد، صرت مثل المجنونة اگمز بمجاني ما اعرف ليششش هيشذ يسوي وياااي
طلعت رباب واني مو واعية على شي خالص عيني عالباب انتظر احد يدخل ويحل السالفة
ما جنت منتبهة على شي جنت فاصلة كل الاريدنه هو ابني، حسيته لمن التفت وحاجاني،واني عيوني تروح يمين وشمال من الدوخة والرهبة الصابتني بس سمعته حجة:
_هااا گلتيلي .......
مافهمت شحجة من التعب السرى بجسمي اطرافي كلهة خدرت غوشت الصورة جدامي واحس الهوة ما جاي يدخل لصدري وبعدها ارتخى جسمي و دخلت بعالم ثاني
ـــــــــــــــــــــ
خلة إيده على شعري وشدني لعنده صار وجهي گبال وجهه، شكله يخوف عيونه مابيهن بياض كلهم دم وجبينه متعرق من عصبيته وشعره منثر شلون
عيوني ما يركزن بشي من تعبي، احس حالي راح افقد
رجع شدني يمه حيل وهمس بأذني واحس بحراره انفاسه تضرب برگبتي، حجة:
_انتي جاي تجذبين علية
غمضت عيوني حيل ونزلن دموعي، دموع انكسار وألم ووجع وحرمان هالدموع حسيتهن نار تطلع من جمر گلبي
صرت أشهگ بالبجي
بعد عني شوية واني ابجي فارطة تعبت وصلت للنهاية ما عاد أكدر اتحمل اكثر حجة:
_لاااااا تبجييييي
حجاها واني زدت بالبجي منهارة، هزني وحجة بصياح:
_أكللللللجججججججج لااااااااا تبجيييييييييييي
_انداريت عليه وحجيت بتوسل: والله ... والله.... متت حرام عليك حررااام اني متت
ــــــــــ
استفسار بدكن الرواية عامية هيك ولا بالعربي الفصيح
ولا تنسو تكتبو رأيكن بالتعليقات
في أمان الله
"