هَلاا يَا كُلشي وبَعد كُلشي ،
ومَا بين الضوه ورُمشيّ♡.
غياهب الغانِيَات
بقلمي.(ريـــبـال)
لاتنسون التصويت والتعليقات بين الفقرات
______________________________
ٕ
ٕ
ٕ
وخلصنه دوام وامتحانات نهد حيلنه بفتره الامتحانات نفسيتنه كلش ادمرت وأســـد مانطانه مجال الصبح كملنه من رجعنه لكينا موجود حته يرجعنه للبصره شلون نقنعه احنه منكدر نتوالم بالعيشه الهناك ماادري
افراح.. هاج هاي هم اخذيهن
فرح.. شسوين بيهن
افراح.. احسن ترا احنه رايحين هناك احتمال مانوصل لهنا بعد
فرح.. اووف مايقتنع أســـد ويخلينه نبقه هنا وهو يضل يروح ويرجع علينه مثل ماكضينا هاي الفتره
افراح... لو تموتين ميقبل احمدي ربج خلانه نكمل هاي السنه عله خير وماتركنه
فرح.. اي ولله
ندك الباب وفات أســـد مبتسم
الأســـد... ها بنياتي كملتن
افراح.. اي تقريبا
الأســـد... يله استعجلن
افراح.. اي
الأســـد... ليش وجوهجن مكلبه
افراح... تريد الصدك
الأســـد... اي ولو انه ادري بس ميخالف هم اريد اسمع منجن
افراح.. منريد نروح هناك
الأســـد... اذا تنطني سبب مقنع اخليجن هنا
باوعتله ودنكت مايفيد لو شحجي
الأســـد... ها اها ماكو سبب مجرد تعويد وانشاء الله تتعودن عله هذاك البيت بسرعه واحنه يمجن قابل باقيات ويه ناس غربه
افراح.. ماعرف والله
الأســـد... يله كملن وانزلن
هزيت راسي عافانه وطلع كملنه لم اغراضنه بدلنه ونزلنه
الأســـد... هله
طلعو الاغراض هو وأسيــد واحنه بقينه واكفات طلع آســر ينشف بوجهة
آســر... هيج طلعن؟
فرح.. شنو يعني
آســر.. قصدي عله ملابسجن ترحن بيهن هيج
فرح.. اي ليش
آســر... دمشي يابه امشن البسن عباه لو جبه يلا
افراح... هاي شبيك آســر سالمين
آســر.... ها حجيت شي غلط
افراح.. اي شبي لبسنه قابل
آســر... موخوش لبس امشن سون الكلت عليه بدون نقاش
افراح فريت ايدي
آســر.... ليش ماتحترمين
افراح.. لان حجيك مابي منطق
آســر.. ولبسج هذا ابو المنطق كله
فات أســـيد
أسيــد... يكول أســـد يلا اطلعن
لتفتنه نريد نطلع وركض آســر سد الباب
افراح... هاي شبيك
آســر.. كلت ماتطلعن هيج
أسيــد.. شكو آســر
آســر... ركزلي عله ملابسهن وتعرف شكو
باوعلنه من فوك ليجوه
أسيــد... بله صدك تحجن تردن ترحن هيج
افراح.. ترا لابسات ملابسس؟؟
آســر.. انتِ الزمي لسانج
افراح... لازمته ولله بس انتو مدري شلونكم
أسيــد.. تجفن الشر والبسن شي مستور يله عيني
افراح.. يحسسوني طالعه بشورت
آســر... اكص لسانج يعني يله توبين
افراح.. درووح
آســر.. مااريد امد ايدي بس طلعه ماكو بهذا الخـ**
افراح.. تمام مااروح لعد
عفتهم وفتت للصاله كعدت عله القنفه
آســر.. هيه عناد
ماجاوبته
ام سالم.. ولجن يمه تجفن الشر والبسن جببجن
افراح.. ولله مااطلع يتعلمون علينه نوب بعد ماطلعن بدون جبه مستحييل
ام سالم.. بس هل مره مايتعودن ولله
افراح.. چؤؤ
أسيــد.. يعني متتحركين
افراح.. اذا اطلع بهاي ملابسي اجي مترضون مااطلع وابقه هنا
أسيــد.. واذا سحلتج واخذتج
افراح.. جرب وشوف
ندك الباب مال المطبخ فتحه آســر
الأســـد... بله صدكون تجذبون صارلي شكد انه من كتلك صيحلهن
آســر.. ميقبلن يرحن
عكد حواجبه أســـد
الأســـد.. وليش بله
افراح.. مو مااريد أروح بس همه سوولهم عليه سالفه
الأســـد.. غير افهم شكو
آســر.. يردن يطلعن بهذا شكلهن ومن كتلهن البسن شي مستور كالن مانروح اتفضل انت
الأســـد... رايحين من الباب للباب
آســر.. كلشي يصير انه ماامن ميطلعن هيج
الأســـد... البسن غير شي يابه
افراح.. كتلكم اذا ابدل مااطلع
آســر.. تسمع لسانهة لو لا ولله كوه لازم روحي
الأســـد.. اسكت انت وانتِ بله طوله لسان وتحركن يله
افراح.. مااكوم
الأســـد... ليش
افراح.. احسن من يوم يومنه هذا لبسنه ليش حته نغيره هسه
الأســـد... دكومن هسه البسن غير شي وبعدين نتفاهم ولله تعبان
افراح.. شطلعت هااي
الأســـد.. دكومي يا بابا لخاطري يله
أسيــد.. هيهه شنووو غصبننن عليهااا تبددل بكيفهةة يعني
الأســـد... انجب لاتعلي صوتك طبعاً بكيفهة وهيه هسه ادري بيهة ماتكسر حجايتي ودكوم مو صح بنيتي
باوعتله بفشله ولله يعرف شلون يجيب راسي ويخليني اخضعله وانفذ الي يكوله واني الممنونه
افراح.. لخاطرك بسس
الأســـد ابتسم.. عفيه ياروحي يله استعجلن
صعدنه فوك اخذنه جبب عدنه لان احنه اصلا منلبسهن هواي لبسنه ونزلنه
ردت اطلع وباوعت عله آســر
افراح.. ارتاحيت هسه
آســر.. تقريباا
خزرته وطلعت صعدنه بالسياره متوجهين للبصره مشينه شويه وتجيت راسي عله الجامه وغفيت صارلي فوك الاسبوع مانايمه مثل البشر....
ورا فتره وعبالك نايمه سنه فزيت مطيت جسمي والسيارة بعدهي تمشي
افراح... هاي شنو بعدنه ماواصلين
فرح.. ششوفين
افراح... استغفر آلَلَهّ شنيه وين صارت البصره
الأســـد... مابقه شي نص ساعه ونوصل
رجعت راسي عله الجامه وضلينه نتصفن لحد ماوصلنه مكسرات نزلنه دكينه الباب فتحتهة بنين
بنين... هله والله شتاقيتلجن كوومه
الأســـد... چؤؤ رجعي الباب ولج
فتنه ورجعنه الباب سلمنه عليها وفاتو أسيــد والأســد شايلين الغراض
الأســـد... وين شهم ليش انتِ فتحتي الباب
بنين... نايم
الأســـد... وبس انتِ بقيتي
بنين.. اني وميس اجت يمي والولد طالعين قابل تجي مشمشه تفتحلك الباب
ضحك أســـد
الأســـد.. كاعده
بنين.. اي بالمطبخ تفتر علينه بحجلتهة
الأســـد.. ديله فوتو
فتنه جوه واجت شهد بالحجله ضلت تهومش عله أســـد وهو يحجي وياهة من بعيد ذبحت روحهة عليه تقرب رفعهة حاضنهة ويبوس بيهة وهيه تضحك شكد حلوه
الأســـد... شلونج خيتي
ميس.. هله ابو شهم الحمدلله انته شلونك
الأســـد.. عله الله الاهل شلونهم
ميس.. بخير يسلمون عليك
الأســـد. الله يسلمج
لتفت عله بنين
الأســـد... تعالي اخذيهة اريد اصعد
تقربت بنين اخذت شهد من ايده وهو صعد
بنين... ميس هذني حمواتج افراح وهاي فرح وهاي العاقله الهادئه مالتهن فرحه وهاي ميس مره نمــر
تقربت علينه باوستنه
ميس.. فدوه ولج هذني حبابات
بنين.. هههههههه اي يخبلن صديقاتي وانتِ هم هسه كبل تذبين ميانه وياهن
ميس... دروحي وره رجلج وخليني اني اذب ميانه وياهن
بنين... ههههههههههه تسوين فضل اذا تاخذين هاي هم
ميس.. مو مال واحد ينطيج وجه هذني عماتهة ونطيهة الهن
افراح.. جيبيهاا هاي الحلوه
ماصدكت كبل نطتني ياهة وصعدت
عفتهن وصعدت يمه هسه الكه حبيبي روحه رايحه من التعب فتت للغرفه نازع ملابسه وواكف يم الكنتور يطلع غيرهن شافاني لتفت مبتسم فتحلي اديه ركضت الحضنه
الأســـد... ياروحي
بنين... تعبان حبيبي
الأســـد.. حييل حيل تعباان
بنين... ياعمري سوده عليه
الأســـد... ههههههههههههه
بنين... ها شبيك
مشه لجربايه كعد وكعدني عله رجله
الأســـد... اذكرت فرح كل ماتسألني تعبان واكللهة اي دكلي سوده عليه وماترضه من اكللهة عجوز
بنين... يااا يعني هسه قصدك اني عجوز
الأســـد... اااخ گليبي اذا انتِ عجوز چا منو ست البنات
بنين... معليه اني انت كلت
الأســد... انه كلت عله فرح مو عليج
بنين... اممممم
كرص ايدي
الأســـد... اي ميحتاج تفكرين
بنين... اوويي أســـد لاتكرصني حبااب
الأســـد... صار مااكرصج بس اعضج
سحب ايدي عضاهة
بنين... لاااا انيي صوجي اجيتك ولله سنونك تأذييي
الأســـد.. چاا اعض شهد ماترضين اعضج ماترضين شني اختاري لو انتِ لو بتج
بنين... وانت شنو اله تعض
الأســـد.... چا شلون غير انه أســـد لازم افترس
بنين... ههههههههههه اروح فدوه للأســـد مالي
الأســـد... كافي يله انه تعبان واجيتي لهيتيني بسوالفج
بنين... قابل شسويتلك اووي
الأســـد... بطلي الـ أويي لاتعرفين شيصير
بنين... لساني ماخذ عليها شسوي قابل
الأســـد... اڪصه
خليت راسي عله صدرة وايده تمشي عله شعري
بنين.. هسه خواتك ميكولن اووي
الأســـد... منتبه عليهن يكولن بس مو بكثرة مثلج كل حجايه والثانيه وعطتي اوييي
بنين... تمام احاول اخفف اكلك
الأســـد... ها
بنين.. آســر مو جان وياكم شو ماشفته
الأســـد... اي اجه ويانه بس مشتاق لدياحه بوجهة وله الجماعته السرسريه
بنين.. خطيه مشتاقلهم
الأســـد.. دكومي مني يله طلعيلي ملابس اريد اصلي
بنين... صار
كام فات للحمام واني طلعتله ملابس طلع متوضي نشف واخذ ملابسه لبسهن ووكف يصلي تعاجزت انزل تمددت عله الجربايه كمل صلاته واجه تمدد دنيت عليه نمت بحضنه
بنين.. شنو راح تنام
الأســـد.. اممم تعباان كوه مفتح
بنين.. اجيبلك أڪل اكل ونام
الأســـد... مااريد
بنين.. بكيفك
خليت ايدي عله عيونه رفعت جفنه
بنين.. هههههههههه
الأســـد.. اكعدي رحمه لاابيج تعباان مابيه حيل سوالفج
تقربت منه اكثر خليت طرف شعري عله خشمه ادغدغ بي
حك خشمه متنرفز
الأســـد... چؤؤ راح اطردج ولله
بنين... غير جاي العب وياك شبيك
الأســـد.. من اكعد شتردين تسوين سوي بس هسه فكيني
بنين.. تمام بس من تكعد شنو تتفرغ اليه لو الشهم
الأســـد.. شبي نوب
بنين.. يبوو غير موتني شل حالي شل شبع بجي يكولي بابا راح الجماعته ومااخذني ويا
الأســـد.... ههههههه شلون انه بهل ولد هذا يبتلي واحد يسويله شي يلزك
بنين.. انت علمته كل ماتروح تاخذه وياك وهو من تعجبه الشغله يجلب بيها
الأســـد.. سهله عود اخذه يدلل روح ابو شعندي غيره
بنين.. واحنه شنوو
الأســـد... شنو انتِ خير
بنين.. شنوو خيير اذا هو روح ابوو چا انيي شنوو
الأســـد.. وكعتي كلبي عبالي تردين تطلعين اذا عله هاي سهله هو روح ابو وانتِ روح وكلب وعمر وحيل ورجفت ڪليب الأســـد
بنين... اووي ياعمري الأســـد
الأســـد.. شكلنه
خليت أيدي عله حلكي اضحك
بنين... آسفه
الأســـد... يله بسج لغوه اريد انطمممر
بنين.. نام حبيبي نام ياكلبي ناام يااروووحي نووم الهنااا نوم العواافي
الأســـد... بنين كومي اطلعي بره
بنين.. يااا شبيك فوك مااتمنالك الاحلام السعيده
الأســـد.. ولجج مااريد ولله مااريد بس خل انااام
بنين... ناااام نام هسه اني حجيت شي ولله يالله فوك مااحاجي حجي حلو حته ينام عدل اطلع اني الموخوش بس هو كالو سوي خير وذب بالشط نوب مايرضـ
بعدني مامكمله دفعني وكام جاب شالي خلا عله راسي وسحلني من ياخه الدشداشه طلعني برة
الأســـد... روحي يم بنتج موتيني ساااعه ماتفكيني اناامهة شلون صرتي أم ماادري
بنين... اي سوي روحك ماتدري شلون صرت أم غير من ورااك
دفرني يضحك
الأســـد... امشي انزلي لسانج شطووله وكعديني العصر لاتخليني نايم الغروب
بنين... اله اخليك ناايم الغرووب حته يجيك الجنيي
ركضت نزلت وهو يضحك عليه فتت للمطبخ لكيت بس ميس
بنين... ها وين البنات شو بس انتِ
ميس.. راحن يبدلن ردت آخذ شهد مارضن روحي جيبيهة خل ينامن خطيه راح يوكعن من التعب
بنين... اي ولله صدك هسه هلكانات
طلعت من يمهة دكيت باب غرفتهن وفتت
بنين.. شيسون الحلوات
فرح... هلو جاي نلعب ويه هذا العسل
بنين.. اوووي ياعسل تشلع الكلب
فرح.. ههههههه ولله عسل
بنين.. جيبيهة نطيني ياهة ونامن شويه
فرح... ايي رااح اموت وجو الغرفه كلش يساعد عله النوم
بنين... ههههههه يله لحكن نامن لان بس يقرب الغروب يجيجن أســـد
افراح... صدك هو نام
بنين... اي صله ونام حته أكل ماقبل ياكل
افراح.. تعب ويانه حيل خطيه
بنين... ولله اذا يسمعج يعلكج بهاي البنكه
افراح... ههههههه شسويت اني
بنين... سلامتج كلشي ماسويتي يلا ماما تعالي نروح
شالت شهد وطلعت واحنه نمنه جفي من التعب.....
بعد ماكعدنه اله المغرب وأســـد ينده بينه وماعافانه اله كمنه غسلنه وطلعنه يمهم بالهول
أســـد... آســر المسربت بعده ماجاي
بنين.. لا مااجه
الأســـد.. وشهم وين
بنين.. كاعد بس زعلان منك يكول مااريد اشوف بابا
الأســـد... هههههههه شلون انه بشهم صيحيله كليله ابوك يريدك واذا مااجه اسحبيلي الآيباد نقطه ضعفه
بنين... عوفه خلي يولي يجي هسه بس يشوفك يذكر وشيخلصنه
الأســـد.. ميخالف صيحيله مشتاقله ولله وميهون عليه يضل زعلان
بنين..صار بكيفك بعد
كامت صعدت تصيحله
افراح.. هذا ابنك شبي هيج مكروه
الأســـد... اهاا ولج شهم مكروه
افراح.. ايي مو مثل مافهمت قصدي يعني تصرفاته تزعج شويه عنودي وكح
الأســـد... هيه هاي حلاه الولد بوكاحته
افراح.. ولله
الأســـد.. اي ولله
فاتت بنين لازمه ادين شهم وهو منزل راسه وحواجبه معكوده
الأســـد... هله بالبطل مال ابو تعال صدك زعلان عليه ولك
ساكت ميحجي
الأســـد.. ويامن احجي انه
حجه وهو منزل راسه وحاصرته البجيه
شهم... انت غحت ومااخذتني وياك
الأســـد.. رحت بشغل انه
شهم.. اي هم اغوح وياك بشغل لان جبيغ اني
الأســـد...شتسوي تجي وياي
شهم... اساعدك
الأســـد... هاهيه بابا المره الجايه اخذك
شهم.. كل مغه تكلي وتعوفني
الأســـد... بعد مااعوفك يله تعال شو
فتحله اديه راحاله شهم كعد بحضنه
الأســـد.. شنو رأيك من نروح ناخذ مشمشه ويانه
شهم... لا لا متغوح ويانه
ألأســد... ليش خطيه
شهم.. ميصيغ تغوح احنه غايحين الجماعتك همه ولد هيه بنيه عيب بابا
ألأســد... هههههههه تعرف العيب انت
شهم.. اي انت كتلي
الأســـد.. خوش چا بعد انت ماتروح ويه امك من تطلع لان هنه بنات وانت ولد
شهم.. لاميصيغ لازم اغوح
الأســـد.. ليش بويه شني وحد انت
شهم.. اي مو هنه يغوحن بس بنات لازم وياهن ولد حته يحميهن
ضحكنه عليه وأســـد تخبل يكله منين جايب هاي سوالفك من هسه خوش يلوف هذا
شهم.. بابا هذا آسغ المكغوه وينه
الأســـد.. شتريد منه
شهم.. اغيد العب ويا
الأســـد.. وهو شوكت لاعب وياك مو مكضينهة عرك
شهم.. لا نلعب
الأســد.. شو خل اخابره يجيك واطيح حضه
اخذ تليفونه دك عليه شويه وجاوب
الأســـد... ها وين انت طايح الحض اول ماوصلنه سجيت وبعد ماروايتنه وجهك دايح
آســر.. عله كيفك يابه تريد شي
الأســـد.. وين انت
آســر... يم ڪرار ببيت عمي بشير
الأســـد... ايا سرسري شوداك هنااك
آســر.. قابل وين رايح همه بيت عمي
الأســـد.. اي خطيه دتعال هذا شهم يريدك
آســـر... شيريد مشتاق للتكفخ
الأســـد.. توب من الولد وتعال خلصني
آســر.. خوش شويه واجي
الأســد... ماكوو شويه هسه تجيي
آســر.. استغفر آلَلَهّ خوش جاي
سدا وشمره
الأســـد.. هذا آســر هسه يجيك
شهم... شكغا بابا
الأســـد.. تدلل بويه
وفعلا ماجذبت من كلت أســـد صكارهم عشر دقايق وفات آســر سلم وكعد وشهم بحضن ابو يباوعله يبتسم ويضم وجهة بصدر ابو
آســر.. شمالج خيه خجلانه
شهم... انجب
آســر.. مو اجي اكص لسانك لك
شهم... آسف
أشرله آســر يروحله راحله يبتسم خجلان ماعرفته ولله كعدا بحضنه يبوس بي
آســر.. شلونك ولك مشتاقليي صددك
شهم.. اي لان محد يقبل يلعب وياي بس انت تلعب
آســر... ليش محد يلعب وياك
شهم.. ماادغي ماما وعمه كل ماكلهن ميقبلن وعمو أڪبغ وعمو نمغ كل ماكوللهم يكولون عدنه شغل ومشمشه صغيغه متعغف تعلب وباقي اني
آســر.. خطييه مسكيين يله حبيبي هسه اجيتك انه اطلع اللعب من خشمك
ضحك شهم
آســر.. اي كضيهة بس هههه وهههه زين اكلك وخالو مهيب مالعب وياك
شهم... اي لعب مغه وحده بس لعبه مو حلو
آســر... هااا يعني تبطرت عليه
شهم... لا هو مو حلو
آســر... من تلزك بحجايه تلززك خووب
ندك الباب طلع أسيــد يفتحه دقايق ورجع بس مو لوحده
أسيــد... تفضل حبيبي
الأســـد... منو اجه
آســر... شدراني مو هل كاعد يمك
فات أسيــد
أسيــد... أســـد هذا مهيب
الأســـد... چا وينه
أسيــد... فات بديوان
الأســـد... صدك جذب خلي يجي هنا شنو قابل غريب لو اول مره يجينه صاير مدري شلونك انت
لتفت أسيـــد باوع علينه
أسيــد... البسن حجابات
افراح.. اي اصلا راح نصعد
عفناهم وكمنه صعدنه للغرفه شمرت روحي عله الجربايه
افراح... خير تباوعن عليه
فرح... هيج ماكو شي
فرحه... افراح النتائج شوكت
افراح... هااااا هااا سالميين تووج خلصتي امتحانات حته يوم مامر
فرحه... يبو شمدريني خايفه لأن هاي السنه تعلعل دوامنه
فرح... اي ولله حته اني خايفه ماننجح ويطيح حضنه
افراح... اسم الله بيش طالباتنه عزه ولله فشله اذا رسبنه خو هذا أسيــد يشرنه عله الحبل
فرحه.. اويي اسكتن لاتقلقني كافي عليه افكاري
فرح... هففف راح نضل ناكل برواحنه لحد مانستلمهن
افراح... نشاالله خير
نفتح الباب وفاتت بنين
بنين... بنات يكول أســـد تعالن
افراح.. شيريد
بنين.. هيج
افراح.. والولد الجوه راح
بنين.. چؤؤ
افراح.. لعد شنو ننزل استحي ولله
بنين.. دمشي لج ابن عمج تره
افراح.. اي واذا ماشايفته اني شنو ابن عمي هففففف
بنين... دمشييي ولله اخوي لطيف
افراح.. يعني اخوج هو!!
هزيت راسي مبتسمه
افراح.. الله يطول بعمري لحد مااعرف هاي العائله واحد واحد
بنين.. هههههههه ولله ياسوالفج دمشن خلصني
افراح... اي اي
لبسنه شالات طبعا اوامر السيد أسيــد ونزلنه فتنه للهول سلمنه بصوت ناصي وكعدنه
مهيب... هنه هذني الخابصنه بيهن
الأســـد... ها ماعاجبك
مهيب... لايابه شلون ماعاجبني شلونجن خويه
.. الحمدلله
مهيب.. فقيرات
الأســـد... كافي لاتلح
مهيب.. شنو هسه انه شحاجي ترة من جانن صغار اذكرهن
الأســـد... اي طبعاً تذكر جنت بكد الثور
مهيب... ههههههههههه انعم الله عليك وها هم اذكر وحده من عدهن جنت دوم اشيلهة واجيبلهة ككو وينهة ياهي منهن
ضحك الأســـد واشرله عله فرحه نزلت راسهة خجلانه وحجه هو
مهيب... چؤؤ مو هايه
الأســـد... چا منو
باوع علينه لحد ماوكعت عيونه عله فرح ابتسم واشر عليهة
مهيب... هايه جنت اجيبلهة ككو بلون عيونهة البنيه
ضحك أســـد حيل
الأســـد... زين والله ذاكرتك قويه
مهيب... چا شعبالك
ضلو يسولفون ويحجي ويانه أســـد عنده كلش عادي بس أسيــد وآســر ضايجين بشكل كلساع واحد نافخ لحد ماكام آســر
آســر... تعالن يله خل نلعب شهم الخايس
ضلينه صافنات عليه خزرنه كمنه ويا صعدنه فوك ولله يالله مخابيل
آســر... فوتن
طبينه الغرفه شهم اول مره نفوتلهة شكد حلوه طلع آســر البلي شكلو بتلفزيون وكعدو يلعبون واحنه يمهم
آســر... تعالن منو تلعب
أسيــد... وين يعرفن من اول دقيقه يطلعن سحل
فرح... ياا ولله علمنه حته نسحلك
أسيــد... وشتردين اعلمج حته تسحليني!!
فرح.. اكيد
آســر.. تعالن باوعن علينه وتتعلمن
نزلنه تربعنه يمهم وهمه يلعبون
افراح.. اي آســر وين جنت من اول مااجينه ماشفناك توك يله اجيت ولو ما أســـد متجي
آســر.. شعليج بيه
افراح... ها هيج صارت
أسيــد.. مشتاق الطيطي راح يشوفهة
افراح.. لا لا اوكفو عده الشقه أســـد يدري بيك تحبهة
آســر.... اي يدري
أســـيد.. ليش شكو
افراح.. ماعرف يعني هو من خابره وكاله يم بيت عمي يله ضاج وكاله هسه تجي
آســر... استغفر الله عباله اسوي مكسورة لو احجي وياهة ولله العظيم عايش عله الثواني الاشوفهة بيهن
فرح.. اووي فدوه
فرحه.. آســر عليك الله خلي نشوفهة
هز راسه مبتسم
آســر... عن قريب كلش يومين بس ترتاحن ويجون
افراح.. مرتاااحين ولله خلل يجوون
آســر.. نجبي قابل هو بكيفي غير أســـد كال
افراح.. هففففف خل نكله احنه
آســر.. لااااا دير بالج وعلي يطيح حضي
افراح.. ليش
آســر... يكلي طلعت عينهن
فرح... هههههههههه ولله ياسوالف أســـد
أسيــد.. اي ولله سوالفه مدري شلونهة
الأســـد.. منو هذا السوالفه مدري شلونهة
لتفتنه عليه واكف بالباب ومجتف أديه
أسيــد.. هذا آســر كلش طايح حضه
الأســـد.. ها كتلي آســر
أسيــد.. اي اي اكيد
آســر.. سهله يروح لو لا
أسيــد.. دسكت هسه يمعوود
الأســـد.. انتم ليش جلاب وماتستحون
أسيــد... چؤؤ ليش آســر انت جلب وماتستحي
آســر.. صارن ثنين
الأســـد... انجبو ثنينكم جلاب اريد افتهم شوكت تكبرون انتم
آســر.. ياخويه قابل هو بأيدنه
الأســـد... سددد حلككك مامشاقي وياك
سكتو ثنينهم من شافو صدك ضايج
آســر.. شكو شبيك شسوينه نوب
الأســـد.. انت بذات اغلاطتك كثرت حسابك بعدين مو هسه
أسيــد.. الحمدلله يعني انه معليه
الأســـد.. ساس البله انت
أسيــد.. تموون
الأســـد... بله بس فهموني شكالتلكم روحكم من هيج سويتو يعني الولد غريب ها خليتو يتصفن منحرج خطيه بس شكول مربي مطايه
آســر.. دخل يولي ماشفته شلون صلافه
الأســـد.. شسوووه وين الصلاافه هي ڪ***
آســر.. اجيبلهة ككو بلون عيونهة البنيه ابو اللثك
الأســـد... كاافي راح اجيك ولله
هز راسه آســر
الأســـد... هذا عود مهيب الزلمه الجبير العاقل هيج سويتو بي چا المسربتين شلوون
أسيــد... اشكهم بنص ولله اصلا لايجون ولايفوتون علينه منرييدهم
مسح وجهة أســـد مبتسم
الأســـد... شدعوه هاي الغيره كلهة
باوعو علينه وحجه آســر وعيونه تلمع
آســر... خواتي لك احس احساس عجييب من اكول خواتي ومن احس بمسؤوليتهن من احس هنه عرضي اغار عليهن وحمايتهن واجبي ماعرف ولله مااعرف
أسيــد... اني هيج اريد اضمهن ضم لحد يحجي وياهن لحد يضحك ويشاقه وياهن بس احنه ولله عده الشقه صدك احترك كلبي منه
الأســـد.... خواتكم مايطن مجال لايسولفن ولايضحكن هم كالبات وجوهن ارتاحو
آســر.. لككك اروحلهن فدوه وبذات هاي هاي(وأشر عله افراح)
افراح غطيت وجهي خجلانه
افراح.. اووي خجلتووني
أسيــد.. صدكت روحهة البت
آســر... تروحلهة فدوه
أسيــد.. مو اجييك
الأســـد.. كااافي نوب راح تتعاركون عله افراح
افراح... ها عيني شبيها افراح
الأســـد... تخبل
ابتسمت
الأســـد... صدك اتذكرت العصر لو باجر بلهواي اخذجن للسوك
افراح.. ليش
الأســـد... تشترن ملابس ولجن ثوب واحد ماعدجن كله تراكات
افراح... ايي شنسوي بيهن
آســر... لا نجبي تونه نمدح بيج شنيي
افراح... تمام تمام
فرح.. اني راح انزل ترا ضجت
فرحه.. اخذيني وياج
افراح.. لعد اني شعندي باقيه
نزلنه جوة البنات بالمطبخ
... هلاوو
بنين.. هله بفرحات البيت عله كوله أســـد
ميس.. هله
افراح... شتسون
بنين.. عشه
افراح.. نساعد
بنين.. لا لا اذا اجه اخوج هسه لكاجن تشتغلن يطلكني
افراح... هههههههههههه لا عيني أســـد حبااب
بنين.. حباب بس وياج خيه اني مراويني الضيم
فرح.. عزه لا صدك تره أســـد حبااب كلش والله
ميس.. هههههههههه شوف بنين وسوالفهة تره تشاقه وياجن لاعبه بزلمه لعب وهو ساكت
افراح... اييي مو اكول
بنين.. لا ولله اني فقيره وهو اللاعب بيه لعب واني ساكته بعدين علساس انتِ مقصره بـ نمــر المسكين
ميس... يااا هسه اني شاكيه انتِ حجيتي
افراح... هههههههه يممه ولله انتن تونسن وحده راح تفضح الثانيه
بنين... ها هيج احسلج
ميس.. هم رجعت علييه يبووي
فرح... انتن مو نسوان اخوانه
بنين.. ايي
ميس.. لا عيني اني هسه الم غراضي واروح البيتي تريد تكربنه لو تاخذ دور الحمايه استرو علينه
فرح فتحت عيني مصدومه... عزززا ولله بس هيج ردت اتعرف عليجن اكثر
بنين.. معليج بيها هاي احجي احجي شيخطر عله بالج
فرح... اووي فدوه المره اخوي الحبابه
افراح... بنين شكلج ليش يبين اصغر من أســـد بكوومه
فرح... حته شهم ولاعبالك انتِ امه من كد ماناعمه
افراح.. ايي شكد عمرج
بنين.. اووي ياخيه شسوي حضي هذا خلاني ازوج بعمر الـ 16
ميس.. اليسمعج يصدك ولاعبالك انتِ ذبحتي روحج عله الزلمه
بنين.. دخلينيي عايشه اللحضه شبيج
فرح.. يعني تزوجتو حبب
بنين هزيت راسي بمعنى اي والابتسامه شاكه حلكي
فرح.. هلااا طلعو اخواني كلهم يحبون
افراح كرصتهة عزه بعينج شكد تجفصين
بنين... هله منو منو يحب هاا
فرح.. شبيج هو قصدي عله أســـد ونمر اي اي هيج
بنين.... اهااا عود راح اصدك
افراح.. هسه خلتولي معليج بيها احجي يله
بنين... عمري 21
افراح.. اممم يعني مزوجه وعمرج 16 صاركم 5سنين زين زين
فرح.. صدك زوجتو حب
بنين.. واني اكول شهم عليمن طالع من يحجي حجايه يلزك بيها
ضحكت فرح
بنين... ههههههه ولله
فرح.. احجيلنه شويه احسن من الضوجه هاي
بنين.. تدللن بس ماعرف احجي اسئلن واني اجاوبجن
افراح... شكد عمرج من دريتي أســـد يحبج
بنين.. 17
فرح.. شنووو مو علساس زوجتو وانتو تحبون بعض وكذا
بنين.. لج لاا يبووي اخوج فدد عكرره جااان
افراح.. لاتحجين عليه
ميس... هههههههههه اجه اليدافعله
بنين... بعد شيخلصني بس لا ولله جان مكروه كلش نوب تدرين طلع يحبني من شوكت
افراح.. من شوكت بله
بنين.. من اول ماصرت بت عمه وزوجنه وهو ماحاجي وماكيل واحسه ماطايقني
فرح.. يااا
بنين.. ولله
فرح.. سالفتكم جنهة توتس كملي كملي
بنين.. شوفي خيه أســـد اكبر من عندي بـ 10 سنين
افراح.. عززه شدعوه
بنين.. اي ف جان عمري 5سنين اكثر بعد اني كمت اطلع بشارع لو اروح اشتري وهو جان شاب يعني عمره بالـ 14 يبوووي من يشوفني طالعه شيسوي وشيعمل يكلب الدنيا اكثر من مره ضربني
افراح.. يااا ليش
بنين.. من وره وكاحتي ولساني ومن وره ملابسي اكثر شي جانن بنات عمي ميلبسن مثلي يعني يلبسن تراك بس مستور اني لا جنت البس صلوخ ضيك قصير كلشي البس ماما متعارض لان ماما الوحيده بيهن من بغداد وعائلتهة عدهم عادي يعني ف جانت متهتم بس من تعاركو وياهة اكثر من مره كامت تنبهني بس وين اني اغافلهة واطلع اتشلتح وافرفر عله كولته
فرح.. هذا أســـد هيج يكلج
بنين... هههههههههه اي يكوم ويكعد يكلي تشلتحين وتفترين
افراح.. هههههههههه عزه اي
بنين.. اي كل مااكبر الاحض غيره أســـد تزود عليه جنت اضوج بس وره عمر الـ 13 اني حبيت غيرته كمت اتعمد اسوي اي شي يضوجه مني حته يحجي وياي ويعصب عليه
افراح... لا لا تشاقين
بنين.. ههههههههه ولله يبووي يلمواقف الجانت تصيرلي ويا الله لايخليجن بيها اني جنت اتقصد اضوجه صحيح بس هو جان زايع المستحه ويروح زايد
فرح.. شلون يعني
صفنت شويه تفكر
بنين.. امممم شوفي هذا موقف جان عمري بوقته 15بعرس ابن عمتي جنت لابسه فستان يجنن كلش حلو بس مشكلته ضيك صحيح يعني بس عادي كام اخوج شسوه اجاني يهدد بنين بدلي ملابسج بنين البسي شي مستور بنين راح اطيح حضج وعصببي مو هيج واني مغلسه شنو هو عرس واريد اتونس نوب فنج شسوه
افراح.. شسوووه
بنين.. سحلني سحل وشك الفستان
افراح شهكت... اسسسسسد
بنين.. اشش ولج لاتصيحين عززه اشتهرنه
فرح.. متأكده أســـد أســـد يعني
بنين... ايي عيني أســـد أســـد هذا الفوك
فرح.. مااصدك
بنين.. طبعاً المهم من خطبني طرررت طرت طرت من الفرحح جنت اموت عليه ومراقبه ادق تفاصيله بس هو وين شايل خشمه اصلا نصدمت من خطبني من الصدمه اول ماابوي كالي كتله موافقه ولله فشله
افراح... هههههههههه يممه
بنين... هههههههههه تنذكر متنعااد يمه اي ف وافقنه وعقدنه وهو مخنزر يا هذا شبي ماادري وزوجنه وهو هم مخنزر يعني صح جان حنون بس مو كلش يعني بس من حبلت بـ شهم تغير واني هم تقربت منه اكثر جنت اخاف ادنه عليه سوالف وشقه بس من دره بيه احبه وسولفتله شلون جنت اتقصد اسوي اي شي يضوجه وهو كالي شلون يحبني وكذا يعني وره سنه من زواجي يله علاقتنه صارت حلوه
الأســـد... بنيين
افراح.. هاي شنو بس لادره شجنتي تسولفين
بنين.. هههههههههه شبيجن اووي تره صوته جاي يصيح من فوك تعاي ميوس اخذي الكبه كمليهة خل اشوفه
ميس.. جيبيها
بنين.. فدووه فدووه لاتسولفن اي شي نتضرني اجي يلهه
افراح.. خوش ولله
الأســـد.. وييينج يمععوده
بنين.. اي اي اجيتت
طلعت من المطبخ صعدت فوك اهرول فتحت باب الغرفه وفتت كوه اتنفس
بنين.. ها عيني
الأســـد.. شبيج مخنوكه
بنين.. مو اجيت ركض
الأســـد.. ليش
بنين.. شنو ليش غير انت صحتني
الأســـد... اكبري بابا اكبريي ولج موتيني
بنين... ها يعني هسه لان اجيتك بساع صرت زعطوطه
الأســـد... استغفر الله اسكتي مو راح تبدين
بنين.. تره ساكته اني شبيك ماطايقني
الأســـد... انه ماطايقج
بنين.. اي
الأســـد... تعاي شو
بنين... ما
ضغط عله عيونه يضحك
الأســـد... تعاي احجي وياج بنيتي الحلوه
ابتسمت وتمشيت يمه
بنين... هااا
الأســـد.. تعالي هنا
اشر عله رجله رحت كعدت وهو حضني
الأســـد... انه ماطايقج
بنين.. اممم مشوف نفسك بس ترزل
الأســـد... شوكت مرزلج لو ارزل صدك ماتسوين هيج
باوعتله مضيكه عيني
بنين.. شنو عيني صدكت وتريد ترزلني
الأســـد.. اي حته تمشين عدل
بنين... لا بالله منو كلك اني مااعرف امشي
الأســـد.. اهو بنين سدي حلكج وكومي طلعليلي ملابس وبدلي الأبنج دخيل ربج شكد تلغين
بنين... وين
الأســـد.. هيج نتمشه شويه
بنين.. اخذني وياك
لزم وجهي جعصه جعص بـ أيده ايد عله خصري لازمني وأيد يعت بوجهي
الأســـد.. ولجج تووبي تووبي وين موولي وآخذج ويياااي الصبر ربي الصببر
بنين... يااا دووخر اووي شبيك شدراني وين رايح انيي
الأســـد.. اي بعد اذا متدرين لاتحجين رحمه الأهلج
بنين.. خوش خوش بس عوفنييي خنكتنيي
سحبني اله باس خدودي كل قوته موتني وعافني
الأســـد... بوويه اروح فدوه يله كومي فضيهة
بنين.. صاار شتريد بنطرون لو دشداشه
الأســـد... دشداشه رويحتي
فات يغسل واني طلعتله غراضه وكعدت عله الكرسي صافنه طلع وكف يبدل
الأســـد... انه شكتلج
بنين.. ها
الأســـد.. مو كتلج بدلي الـ شهم
بنين.. يبووي نسيت ولله كايمه خمس دقايق بس
الأســـد.. اركضيي
ركضت وهو يضحك فتت لغرفته واني اضحك يمه فدوات الهم...
لكيته كاعد يلعب بلي ويه آســر وأسيــد متمدد عله جربايته ونصه طالع منهة ولله يضحكون
آســر... ها شو هنا
بنين.. غرفه ابني عيني تعال شهم بابا وداني كال خلي يبدل آخذه وياي
شهك وشمر اليده عله آســر عورا
آســر... خرررب شبيييك طايح الحض
شهم... يله ماما بسغعه
بنين.. هههههههههه تعال
آســر.. الأســـد مخلف مجاليب
اخذته غسلتله ولبسته بنطرون وتشيرت مشطت شعره وعطرته وهو يضحك
آســر... ها ابو الشهامه وين رايح
شهم.. انت معليك
آســر.. مو توك تبوس بديه لو انت هيج بس واحد ينطيك عين تبيعني
شهم.. اغوح ويه بابا
آســر.. هاا اروح وياكم
شهم هز راسه لا
آســر.. خوش چا راح آخذ مشمشه واروح ويه جماعتي
لتفتله شهم خازره
شهم.. عييب
آســر.. اي ادري عيب بس راح آخذهة وانت مو هنا ماتكدر تمنعني
يحجي ويعيب عليه
شهم... متغوووح ويااااك اكللل الـ بااباا
آســر.. هو ابوك راح يروح وياك هم ميدري
بنين.. ياا آســر عوفه شبيك ويا
آســر.. يله بنين بدلي لـ مشمشه لبسيهة بدلتهة الحلوه آخذهة لـ علاوي يشبعهة بوس خوب مجلوب هذا يموت عله البنات الصغار
شهم اله شويه يبجي وجهة احمر وعاكد حواجبه
شهم... مااغوح اني يلا
بنين.. ليش ماما يشاقه وياك
شهم.. لا ما مااغوح هو يغيد ياخذ مشمشه وعيب
بنين.. يعني متروح
هز راسه اي
بنين.. بسيطه آســر ونبي رايحه اكول الـ أســـد
طلعت من يمهم وآســر الخبيث ميت ضحك فتت للغرفه لكيت أســـد مكمل وكاعد عله تليفونه
بنين... أســـددد
الأســـد.. ها شبيج كملتي
بنين.. هذا آســر الخبيث راح يبجي شهم كومله شلع كلبي
الأســـد... شسوه
بنين.. يكله بس تروح انت وابوك آخذ مشمشه واروح يم جماعتي وخلا يعصب يكلي مااروح ويه بابا
الأســـد.. هههههههههه شلون انه اربي شهم لو عمه وانتِ شبيج ضايجه
بنين.. عصبنييي
طكاهة ضحكه من كل كلبه
الأســـد... ولله اله اطيحلج حضه بس لاتضوجين انتِ
مديتله أيدي
بنين.. يلااا تعاال
لزم ايدي وكام لكيناهم ناصبين عليه خطيه وهو بس وجهة احمر شصاير بي
الأســـد... هااا ولدي
كعد آســر عدل وغطه وجهة ميريد أســـد يشوفه يضحك
الأســـد... يله بابا امشي مو تريد تطلع
شهم.. لا مااغيد
الاســـد... اهاا ليش مو خابصني خبيصه
شهم.. لا
الأســـد... غير اعرف ليش
شهم... هذا آسغ الخبيث يغيد من نطلع هو ياخذ مشمشه الصاحبه ويخلي يبوسهة مااغوح يلااا ابقه يم مشمشه
الأســـد... منو كالك ياخذهة
شهم.. هو هذا آسغ
الأســـد.. خلي يولي مياخذهة غير اطيح حضه شحده
شهم.. لا احنه غاح نطلع ماندغي بي
الأســـد.. هو كالك
شهم.. اي
الأســـد.. زين انه عندي حل شنو رأيك ناخذ آســر ويانه ها مايكدر ياخذهة
رفع راسه مبتسم
شهم.. اي
حجه أسيــد
أسيــد.. خوش چا انه آخذ مشمشه
هنا شهم ماكدر بجه أســـد تخبل وهذول فحطو من الضحك
الأســـد... شبيك بابا حبيبي لاتبجي ولله اله اطيحك حضكم ڪ**** مخلين عقلكم ويه الطفل
شهم.. مااغوح يلااا مااغوح
يحجي ويبجي أســـد ركع أسيــد بسبحه وهذا ميت مايكدر حته يحجي من الضحك
أسيــد... چا هو هذا حضي صارله ساعه هذا يحجي وياك انه بس كتلك بز بجيت
الأســـد.. نجب سرسري باوعلي شهم بابا حبيبي شو باوع خل نروح انه وياك ومشمشه للحديقه واشتريلكم ونرجع ها هم تطلع وهم هيه محد ياخذهة
مسح دموعه.. اي يلا وتشتغيلي سياغه
الأســـد.. تدلل ياروحي يله اسكت كومي جيبي الفصمه الموكفتنه عله تك رجل وماتدري
بنين ضحكت ورحت الشهوده بدلتلهة عله السريع وطلعت خليتهة بـ أيد أســـد شالاهة ولزم شهم من أيده ندار راد يطلع ولتفت عليهم
الأســـد.. ولله اله اطيح حضكم
آســر... الله وياكم
أسيــد.. جيبلي وياك معسل لناركيله
الأســـد.. مو سكتت وماطيحت حضك اسكت
أسيــد... روح روح معذور هسه انت ضايج
الأســـد.. ولج تعاي اخذيهة من ايدي خل اتوبه
أسيــد.. لا لا وعلي التوبه سكتت روح اخذ فروخك درب السلامه
خزره أســـد واخذ الجهال وطلع واني رجعت يم البنات
ميس.. تأخرتي
بنين.. يبوو اسكتي غير نشلع گلبي هذول آســر وأسيــد طيحو حض شهم خلو يبجي
ميس.. يااا ليش
بنين.. من وره ست الحسن شهد خانوم آســر كاله بس تطلع ويه ابوك آخذهة يم جماعتي وهذا تخبل
افراح.. يااا ويبجي من هاي يعني واذا اخذهة يم جماعته
بنين.. يااا ولج اسكتي شهم عنده كلشي ولا مشمشه يتسودن ولله محد يبوسهة بس البنات وابوهة خوالهة عمامهة بسسس عود يخلي ولد يبوسهة يبووي يلعب بيهم فلك اسود
فرح.. هههههههههه عززه الله يكون بعونج شهيده من هسه شهم لعد من يكبر شيسوي
بنين.. اسكتي خيه شالع كلبي نوب أســـد مكيف عليه يكول موزين عنده غيره ولله يالله
افراح.. مخابيل
كاعدات نسولف وندك باب الشارع
بنين... اهو هذول فوك منو يفتحه هسه
افراح.. شيرادلهة قابل اني رايحه
طلعت امشي بحيل صدر وماادري بهاي فتحه الباب راح طيح حضي واجني عله روحي من وراهة..
يتبع.....
حسابي انستا
xii.lo0