رواية # لم تكن طفلة
#الكاتبة راوء هادي # قراءة ممتعة لجميع
وقبل كل شيء ، اترك تعليقًا وإعجابًا
بين الفقرات.
اسمي لبنى مواليد ٢٠٠٤ من البصرة ولدت بعائلة محافظة جدآ جدي ابو والدي شيخ عشيرة والكل تهابة وتحترمه وجدتي شيخه الي مسؤوله على كل جبيرة وصغيرة بالبيت ومايصير شي بالبيت الا بشورها عندها خمس اولاد ابوي {جواد }
وعمامي اربعة كلنا عايشين بيت جبير كلش وجدي باني كل شخص بيت بس مفتوحات على بعض واحنا عايشين ويه بيت جدي امي الوحيدة الغريبة من
بينهم وعمامي
كلهم متزوجين بنات عمهم اخوات تلاثه احنا هم النا بيت بس بدون مطبخ طبخنه ويه بيت جدي لان امي اخر زوجه لاولاده عمي الصغير بعده مامزوج هي الي تطبخلهم وقايمة بواجبهم تكعد امي من بالستة الصبح
تروح لبيت جدي ماتجي إلا بليل كلش ورة ماتخلص العشا والمواعين وخطار جدي يلا تجينه عندي اثنين اخوان واثنين اخوات علاء وعبدالله واخواتي ازهار وسوزان وأني
جبيرتهم امي من تروح لبيت جدي
تاخذهم وياها وأني ابقى اتفرج على التلفزيون وابوي نائب ضابط يداوم بغداد فدائما واحدي بالبيت بيوم من الايام اجه ابن عمي حسام جايب جكليت بايده امي ماموجوده
جانت بيت جدي تقرب مني
حسام _ تردين جكليت لبو
طفله جنت بوقتها عمري 5 سنوات بس ضحكت وكلتله" ايي اريد "اقتربت له اريد اخذ الجكليت جر جسمي عليه وحضني بكل قوته بقه يشم بشعري ويسوي شغلات مقرفة واني مستغربة الي كاعد يسويه مافهم شي ؟
نزل على بجامتي راد ينزعنياها اني هنا بقيت ابجي واكول وخر وخر شسوي وادفع بيه لزم حلكي
عصره بإيده قوي
حسام _ اششش والله اذبحج اذا احد اجه
وسمع اموتج فهمتي لو مافهمتي
شالني واخذني على جرباية اهلي نزعني ملابسي ونام فوكي هو ضخم كلش ورجال بالغ عمره ٢٥ سنة واني طفلة كلشي مافهم ابجي و اصرخ وهو ساد حلكي بعد ماخلص
لزمني من اركبتي راد يخنكني
وعيونه مركزه بعيوني مليانة دموع "
والله اذا كلتي لاحد اموتج
رديت بصوت يرجف وعيون مدمعه ومختنك "
لا لا ماكوول لاحد والله بس عوفني
شال أيده وباسني بخدي وكال "
اي عفيه هيج اريدج مطيعة وتسمعين
الكلام احبج لبو امممح
رجع باسني مرة ثانية وكام لبس ملابسه رجع باوعلي ابجي بهستيرية ومختنكة من البجي وادور على
ملابسي فوك الجرباية
_مال ارجع انوب العب وياج بس مابقى وقت وعندي شغل ارجعلج بغير مرة لبو اممممح
كال كلامه المقرف مثله وطلع ماعرف شلون لكيت ملابسي وبدلت وكعدت ابجي بغرفة أهلي أريد أمي كمت غسلت وجي أريد اروح لبيت جدي وكوللها
حسام شسوه ....بي توني طلعت بوجي أمي جايبه العشا بالصينية دخلت وكالت " سدي الباب
سديت الباب بعد مادخلوا اخواتي "
تعاي وراي للمطبخ
اخواتي كعدوا كدام التلفزيون رحت وراها بالمطبخ خلت الاكل فوك الطبلة كعدنا بالمطبخ
باوعتلي تخزر بي
امي_ ماما حبيبتي حسام شنو جان يسوي هنا ؟
توني ردت اكوللها جان يسوي وياي شغلات ابد موحلوة وعيب بس تذكرت كلامه من كالي اذبحج وأني أخاف منه كتلها "ماما جابلي جكليت
ضاجت ورفعت صبعها بتهديد "
مرة ثانية لا تدخلينه وأني
ماموجودة فهمتي
هزيت راسي ورديت "
ماشي ماما
وراها اذن صلت امي وصبت العشا وكلت اخواني وشالت الصينيه راحت بيت جدي تغسل المواعين
ورحت وراها كالتلي
امي_ شعجب جايه ورايه مو من عوايدج
رحت يمها لان خايفه يجي مرة ثانية ويسوي
الشي الي سواه وياي قبل كم ساعة
لبنى _ اجيت العب ويه عبدالله يلا عبدالله امشي نلعب
امي _ روحوا لعبوا بس مو تطلعون بشارع
لبنى_تمام ماما
اخذت عبدالله ورحنا نلعب ختيلان والمظهر المقرف ويه حسام بعده طابع بدماغي والخوف متملك قلبي
اخاف اشوفه مرة ثانية اجت علينا
امي _يلا ماما لبنى عبدالله امشوا نروح
للبيت خلصت شغلي
رحنا للبيت قفلت امي الباب وفرشت فراش نومتنه ونامت ثاني يوم الصبح راحت امي واخذت اخواني مثل كل يوم ورحت وياها خوفا من حسام
يجي شفت امي تروح منا وتجي منا واني افتر وراها لحد ماعاطت لبنى شبيج تفترين وراي كعدي حتى اعرف اشتغل تفترين وراي دوهنتيني كعدي
وسكتي ضجت من امي ورجعت للبيت سديت الباب
وشغلت التلفزيون شويه ودخل حسام
حسام_هاا يحلوة
جنت نايمة على ظهري وجوه راسي مخدة اباوع فلم كارتون السنافر من سمعت صوته فزيت كعدت اباوعله حسيت قلبي راح يوقف من الخوف رفعت ايديه
خايفة منه رديت "
لا الله عليك لا لا تسوي مثل البارحة
والله خايفة
كعد على اركبه كدامي ومسح دموعي بكل
حب وحنان وكال بصوت هادئ "
حسام _لا لا تبجين اني جاي العب وياج مو ابجيج امس هاي لعبة جديدة سويناها كاعد نلعب احنه أنتي مو
تحبين تلعبين واني دا العب بيج
لبنى_ ماريد العب عوفني
هو عصب عصر جتافاتي حيل وكالي "
سمعين كلامي لو اذبحج
سكتت كلمة ماطلعت بعد وتقرب مني يبوس بحلكي بكل عنف وأني ابجي ودفع بي مابي حيله رجال كدام طفلة شراح تسوي هالطفلة غير البجي والعياط هو وارجع شالني
وذبني عالجرباية كمت اصرخ وابجي
لبنى_ الله عليك عوفني وداعة امك عوفني
وانا ابجي يبوس بيه ويعصر بصدري ونفس الي سواه عاده مرة ثانية وجعني النذل بلمسانه المقرفة صرخت بعلو
صوتي هو خله ايده على حلكي يمنع
خروج صوتي وفجأة دخلت امي نصدمت من المنظر الي شافته تخبلت واجت تضرب بي هو نايم فوكاي
من شاف امي انصدم
امي_ ولك ساقط ادبسز الله اكبر عليك ولك طفلة شكاعد تسوي وياها هنا امي" لزمته من شعره حييل جرته وضربته راشدي يسوه عمره رادت ترجع تضربه
بالمكناسة هو خله وشرد رجعت لعندي .... تبجي حضنتني حضنتها وابجي شوي وبدلتلي ولبستني ملابس سترت جسمي وخذتني من ايدي لبيت جدي جانت مرت
عمي ام حسام كاعده يمها
امي_ عمه لحكي علية شوفي حسام شمسوي ويه البنيه طبيت عليهم لكيته فوكها جنه ثور الله لا ينطي
حسبي الله ونعم الوكيل
ام حسام من سمعت كامت على حيلها ورادت
تهجم على امي
ام حسام _ شكد سافلة أنتِ تتهمين ابني باطل شايفة ابني كواد ياقليله التربية والأخلاق
جديتي _ كعدي ولج أني كاعده مالي احترام شنو اكعدي
ام حسام _ ولج شوفي بنتج شم طلعتله شلون غاريه ابني
امي_ الله أكبر عليج من مرة أنتِ من كل عقلج تحجين بنيه عمرها 5 سنوات شتطلع شتفتهم تحجون على بنيه عمرها 5 سنوات ماتحجون على شاب عمرة ٢٥ سنة
جديتي _ام لبنى تعاي اكعدي يمي اجت كعدت يمها امي لازمتني من أيدي قوي ومرت عمي تخزر بأمي
تريد تكوم تهد عليها وتضربها
جديتي _ سمعي ام لبنى اذا اسمع هاي السالفة طالعة ماتلومين إلا نفسج وبعدين هاي سمعه عائلتنا
شيكولون علينا العالم يغتصبون بناتهم
أمي_ليش عمه صدك تحجين يعني البنيه
ماهامتج هامتج سمعة عائله
جدتي_كافي يلا ماريد اسمع حجايه زايده لا منج ومنها سكتن ودفنن السالفه ماريد اسمع سيرتها
ام حسام _لتريدينه عمه
امي نزلوا دموعها ماتكدر تعارض هي غريبة وتخاف تخرب ابوي على أمي عاد كالتلها
امي_ ان شاءالله عمه
كامت راسن اخذتني امي ورحنا لبيتنه سدت باب الغرفه وبقت تبجي بعلوا صوتها وتشهك اجيت
امسح دموعها
لبنى_ ماما لتبجين ماكدر اشوفج تبجين
حضنتني وبقت تبجي بزيادة وتشهك" يمه بنيتي حبيبتي شلون احميج من الغابة الي عايشين بيها بوقتها ماجنت
افهم شنو كاعد تكوله اخذتني فرشتلي
اني واخواني فراش
ورادت تنيمنه وصاحتلي لبنى ماما تعاي يمي رحت يمها عالجربايه كالت اريدج تنامين يمي الليلة نومتني
بحضنها وتمسح على راسي وتكول
اووف يابنيتي ياريت اخذكم ونروح مكان بعيد حتى احميجن من الوحوش الي عليشين وياهم شوكت تكبرين وتفهمين وتدافعين على نفسج لو
اني اموت وين تروحون شنو يصير بيكم وبقت تبجي وتدعي حتى رب العالمين يطول عمرها على ماتكبرنه وأني صافنة عليها كلشي مامفتهمه من كلامها اخذتني النومه وأني
بحضن امي الله شحلات النوم
بحضن الام عافيه الصبح كعدت امي بالسته كعدتني هالمرة وياها كالتلي من اليوم ورايح ماتبقين بالغرفو وحدج تمشين وياي حالج حال اخوانج واني وافقت ومشيت وياها راحت امي سوت ريوك لجدي وجدتي تريكوا
وغسلت المواعين اتصل ابوي وكال باجر انزل هنا طرنه من الفرح واخيرا راح يجي بابا صار ١٥ يوم ماشايفيه خلصت امي شغلها بسرعه ورحنا نمنا ثاني يوم كعدنا امي نظفت بيتنه وطبخت الاكل الي يحبه ابوي
وخلصت طبخ راحت تمكيجت ولبست ملابس حلوة وسبحتنه وبدلتلنه وخلت بخور طلعت امي عروس رحت اني وعبدالله وازهار ننتظر بابا على الشارع نشوفه من يجي ساعه ونص هيج شفنا نزل من سيارة
رحنا ركض عليه حضنا وبوسنا ولزم ايدينا ورحنه للبيت سوة دخل على جدتي وجدي سلم عليهم اول
شي باس أيديهم وراسهم
ابوي_ الله يساعدكم يابه شلونكم
جدي وجدتي _اهلا وليدي الحمدالله والله
البيت بدونك مو حلو
ابوي_ شسوي يابه حكم شغلي بس اني مقدم على
طلب نقل للبصرة بلكت الله يقبلون
جديتي _ ان شاءالله وليدي تنقل للبصرة وتفتك من الطريق
أبوي _ ان شاءالله يلا من رخصتكم رايح ابدل وارتاح
جديتي وجدي :مرخوص
راح بابا وهو ميت على شوفه ماما مشتاقلها
هواي صاح على أمي" ام لبنى وينج
طلعتله ماما بكل اناقتها صفن عليها وكال بكل لهفه "
الله شهل جمال ام لبونه مشتاقلج حبيبتي
خجلت أمي وكالت "
ياا جواد الجهال يمنه
عيب هههه
ابوي_ ياجهال ماشايف شي غير عيونج الحلوات
ضحكت ماما بخجل وكلتله "
اكيد تعبان تعال بدل خلي اصبلك الغدا مسويتلك
سمج شوي بالحشو الي تحبها
أبوي_ الله انتي كلشي من ايدج حلو ام لبونه
امي_ تسلم حبيبي
دخل بدل وصبينه الغدا وتغدينه وابوي وامي راحو ينامون لان تعبان من الطريق وماما كاعدة من الصبح رحنا اني واخواني نتفرج على التلفزيون بالغرفة الثانية
شوي ونسمع عياط ابوي
امي_الله يخليك جواد لاتسوي مشاكل عمتي
كالت لاتكليله اني شلون ما سمعت كلامها
جواد _اليوم انهيه هذا الخر***
طلع أبوي متعصب وامي طلعت تركض وراها وإحناهم طلعنا وراهم مانعرف شكو وشصاير وكف باب بيت
عمي يضرب بالباب قوي بإيديه
ابوي_ ولك ساقط اطلع ادبسز تتعدى على بنتي اروح لدوام واكول مامن مرتي وجهالي يم اخوي تالي ابن اخوي
يغدر بيه طلعلي الساقط ابنك وين
فتح الباب عني وصاح "
شبيك جواد كول يا الله بعدك
ماجيت شصاير؟
ابوي_ كول لابنك العار شمسوي لبنتي لو مو ام لبنى
ملحكة على بنتنه جان الله اعلم شسوة
وياها بعد
ابو حسام _ اسكت الله يخليك لا تشهر بنتك
بعد محد ياخذها
ابوي_الا اكتل ابنك يلا يرتاح قلبي طلعه الي ابو حسام طلعععععه احسلكككككك
انهار أبوي بالصياح ودفع عمي ودخل للبيت طلع حسام خايف من غرفة اهله هو توه كاعد من النوم هجم عليه ابوي دك بوكسات ويضربه برجلينه بكل عصبيه وجنون ولك سااقط عااااار انوب ويه بنتي الي عمره ماتعدت
ال٥سنوات الله لاينطيك ياساقط
يريد عمي يفك ابوي من فوك ابنه مايكدر موته تموت وجانت بنيته يخلص عليه مرت عمي دفعت أمي قوي وكعتها اهناك وين وصارت تغلط وتفشر عليها
وراحت تصيح لجدي وجديتي اجه جدي يركض ويصيح "
شكوو شنو هالصياح شصاير ليش هيج
ويه ابن اخوك ؟
ابوي_اسئله شمسوي ويه لبنى هذا الساقط هاي
الامانة الي امنها عدكم يابه
جدي_ شكو فهموني ؟
ابوي_هاي الامانة ابن اخوي يعتدي عليهاااا ألله اكبر ابن عمها يعتدي عليها وهي طفلللللة انطونيااااه خل
اعدمه انطونيااااه
جروا حسام من جوه أبوي ودخلوا بالغرفة قفلوا الباب عليه جدي حب يهدأ الأوضاع
جدي_ هدي ابني لا تسمع الجيران والعالم تاكل وجوهنه
لخاطري ابني سد هاي السالفه وانت ضربته ماقصرت
وياه وبعد مايعيدها
ابوي_ شنو يابه واني انتظره يعيدها
جدي_ أهدى وليدي لخاطري كافي
ابوي_ اني مالي كعده بهذا البيت اذا ماتنسد فتحه الي بيناتنه يلا امن على جهالي من هذا العار
النكس الوسخ
جدي _ شنو تهددني ولك بكعدتك اني مسوي البيت حتى
تلتمون بديوان واحد وانت تريد تهد
جمعتكم ولمتكم
ابوي_يابه هذا شرطي ماتسون الشرط اخذ جهالي ومرتي واهج الديرة ماتعرفون بيها اختار يابة
اهج لو تبني الفتحة بيناتنه
ابو حسام _تدلل خويه بس عوف الولد بحاله
راح يموت بيدك
ابوي _ من اليوم تباشرون بالبناء
عمي_ان شاءالله
اخذته ابوي للبيت وعيونه تجدح نار وماله خلك كلشي اجت جدتي ورانه تعاركت ويه امي تهد وترد عليها " ام
المصايب ارتاحيتي هسة فرقتي الاخوان الله
لاينطيج ولايعافيج
ماسكتت الها أمي وردتها "
تدعين عليه عمه ترديني اسكت على حق بنتي اذا اسكت راح يتوقع احنا نخاف منه وراح يرجع يكررها كافي عمه ملينه البنيه صايرة تخاف وتبجي وحالتها حاله بسببه شنو ذنبها وهي بهذا العمر تشوف هاي الاشياء
جدتي _بسببج انتي ماتعرفين تديرين بالج عليها
امي_ شلون مادير بالي عليها واني بيتكم من الصبح لليل بس شغل وكرف وخطار مايخلص حتى كعده مالحك اكعد هذا جزاتي لان خادمتكم طلعت ماعرف
ادير بالي على بنتي
جر خلك ابوي طويل وكام صاح "
كافي يمه لخاطر الله صارلي ساعه اسمعج وساكت ومتحمل ترة لعبت روحي ماريد اسمع شي بعد على هذا الموضوع مدام راح يسدون الفتحه الي بيني وبينهم ها هي
ماريد مشاكل كافي تعبت أني ومرتي تشتغل بيتكم مثل الخدامة شوكت تلحك تداري جهالها وتنتبه عليهم شغلي جناينج مو بس على مرتي الشغل
جديتي_من عمت عينك هم حاسب نفسك رجال تسمع كلام النسوان امداك وامده مرتك ويااااك
كالت كلامها وطلعت وخطية ابوي صار يبجي من القهر ماجان متوقع ابن اخوه يتحرش بي وابوه وامه يذبون الصوج بي مو بأبن اخوه لان ولد
وأني ابنية .
صدك ورة اربع ايام كملوا بنيان وسدوا الفتحه البيناتنه لا احنا نحجي وياهم ولا همه يحجون ويانه وابوي اشتره اثاث مطبخ وصرنا نطبخ بيتنه حتى امي
ماخلاها تعبر على أهله مرت السنين واحنا على نفس الروتين صرت بثاني ابتدائي وهم اشوف حسام بالشارع يشمر بالحجي حجي لعبان نفسج
مارد عليه اعوفه وامشي ادخل جوه بالبيت صايرة بي خوفه من وراه والله أيام واسمع ابوي يكول لامي اخو مرت عمي ام حسام مطلق وعنده اطفال
عمره ٤٠ سنة مشتري بيت عدنا بالمنطقة وبيته قريب عنه ويدور على مره يريد يتزوج واخته دا تدورله كاعد واحدة بالبيت ومأثثه أثاث كامل بس ناقصة
المرة بعد .
الصبح رحت للمدرسة الواحدي شفته واكف كدام باب بيتهم يباوعلي بنظرات خبيثة مقرفة ويشرب جكاير شمر
كطف الجكارة وكالي "
رياض_ اويلي لو اكرصج له اشكج نصين ههههه
بقيت اباوعله بصدمة هذا شبي وياي شسويتله وهيج حجي رد كال " تعاي يحلوة عندي لج حلويات طيبة وراح
تعجبج تعاي يله شبيج تعاااي
من سمعته هيج كال تذكرت كلام ... ابن اخته حسام ورحت ركض للمدرسة حيلي كله يرجف من الخوف مرت الأيام
وصار حباب كلش من يشوفني ويه أبوي
يشتريلي حلويات لي ولاخواتي ويكعد يبجي يكول "
كلما اشوفهم اتذكر فروخي مرتي حرمتني منهم وبالسنة حسنه أشوفهم وبالاخص لبنى
تذكرني بتي دعاوي مشتاقلها
أبوي ينقهر عليه ويخلي يكعد يمنا ويشتريلنه حلويات لحكم هو رجال جبير ومشتاق لاطفاله تعودت عليه ونظرتي تغيرت اتجاهه جنت اروح للمحل اشتري اشوفه يشوفني بالمحل يشتريلي وينطيني فلوس ويتشاقه
وياي ويدغدغني بالشقه هو جبير بالعمر بالاربعين لحد مايوم من الايام طالعه اشتري مثل كل يوم بوقتها جان الشارع فارغ كلش ورايحه للمحل شفت رياض
الي هو اخو مرة عمي صاحلي رحت اركض شالني بسرعه وركض بيه للبيت مالته شافتنه بنت عمي صاحت بي "
خالوو رياض رجع لبونه رجعهااا
صاح بيها _ اموتج بس تكولين يله ارجعي للبيت ارجعي
صاح بيها هي خافت منه وطلعت تركض ماعرف وين صرت اصيح سد حلكي بإيده قوي خنكني منع عني النفس أيده جبيرة وسد خشمي وحلكي .
دخلني لبيته وشمرني بالكاع وقفل الباب ورجع وباوعلي بنظرة خبيثه وكال بضحكه "
رياض _ اخخ واخيرا طحتي بايدي
وانا خايفه وابجي وجسمي كله يرجف وترجاه يتركني " لا عموو لاتسويلي شي الله عليك اني اخاف
رياض _ لتخافين بس العب وياج وج تعاي صارلي أيام منتظر هاي لحظة تكونين جواي تعاااي
يحلوة ههههه
وبقيت اركض من غرفه لغرفه حتى اتخلص من عنده آخر شي حصرني بغرفته ختلت جوه الجرباية وسديت حلكي حتى ماطلع صوتي واحس احد جرني من رجلي
عطت بعلوا صوتي لااااااااا
طلعني وشمرني فوك الجرباية انهاريت بالبجي والخوف أسر قلبي أسر بقيت اتوسل بي "لا عمو أني بكد بنتك لا تسوي وياي هيج عمو فدوة اروحلك وهو ولا كأنو يسمع كلامي شكك ملابسي الي عليه وسمعنه
صوت الباب يدك بكل قوته حسيت الباب انشلع من قوة الدك كام من فوكي متعصب وطلع قفل باب الغرفة علية استغليت الفرصة وكت اصيح وادك بالباب
لبنى_ياناس ياعالم لحكوللللي راح يموتنييييي
ماماااا وينج ماماااا
سمعت صوت أمي عالي جان كلش "ولك ساقط طلع بنتي وينها دخلت للبيت تركض تدور عليه واني اعيط عليها "ماما اني هنااا ماما خلصيني فدوووووة
امي_يمة بنيتي لبنى
فتحت الباب وشافت ملابسي مشككه نصدمت وعيونها كامن يدمعن وهجمت عليه تضرب بيه ولك ساقط ماكلت عندي بنات واخاف يصير بيهن هيج
الدنيا دين الله اكبر عليك شنو من بشر انت الله لا ينطيك ولايوفقك دنيا واخرة الله يوريني بيك يوم حسبي الله ونعم الوكيل بيك وتضرب بيه بكل قوتها
وتبجي دفعها وشرد وكعت امي ورحت اركض عليها ماما حبيبتي كومي لخاطري ماسمع شي بس تون من الالم لان وقعت على راسها رحت ركض لبيت جدي طبيت اصيح
جدوو جدوو الحكني ماما ماما طلع
طلع جدي يركض" خير شبيها امج وشنو هاي
شصاير بيج ليش ملابسج مشككه ؟!
لبنى_ جدوو امشي وبعدين اكلك
جدي_ وينها امج ؟
لبنى_ جدوو ماما بيت عمو رياض
جدو بستغراب وفك اعيونه وكال "
شتسوي بيت رياض ؟!!
لبنى_ جدو امشي الله يخليك هسة
جدي_ امشي خل اشوف امج شسوي بيت رياض امشي ولج
اخذت جدي ورحنا لبيت رياض شاف امي واكعة ودم يجري من راسها شالها وركضنه بيها للمستشفى دخلها الدكتور للغرفه يخيطون راسها ويخلولها مغذي
وجدي كال سولفيلي شصار سولفتله كلشي عصب جدي كلش وعيونه كامت تجدح نار كالي ولج شلون ترحين ويا كلتله جدو مارحت ويا هو شالني
جدي _ اني الك رياض اذا ماندمك على الي سويته
أتصل جدي على ابو رياض "
الوو شلونك ابو رياض
ابو رياض_ هلا بيك خويه
جدي_ شوف ابو رياض بعد بيني وبينك الدواوين
ابو رياض_ خير خويه شصاير ؟
جدي _ابنك العار الي كعدنا يمنه حاول يعتدي
على بنت ابني الطفلة
ابو رياض_ شنو لا ابني مايسويها ؟!
جدي _ خلص الحجي بيني وبينك عندك حجي بعد بالديوان باجر نحجي بيه سد جدي التليفون واجه الدكتور قال يصير تاخذوها اخذنه امي ورجعنه للبيت
لزمت امي نزلتها من السيارة وساندتها وصلنه لبيتنه دخلتها للغرفه وخليتها على الجرباية وغطيتها وهي تون من الم راسها بقيت ابجي اسفه ماما
كله بسببي هيج صار وبقيت ابجي والوم بنفسي رفعت ايدها بالكوه وخلتها على رأسي وكالت بصوت
كلش تعبان وخافت
امي_ حبيبتي أنتِ مالج ذنب الذنب ذنبي لازم
ماخليج تطلعين
لبنى_ كافي ماما راسج ياذيج نامي لتحجين شي
امي_ماشي ابنيتي كومي بدلي
وصارت تبجي كمت بسرعة بدلت ملابسي وكعدت بصفها ابجي اجوي اخواتي يباعون على امي ويبجون على حالتها مثل الجثة ونايمو النذل اذاها
كلش بدفعته الها .
نظفت البيت ورحت شفت أمي بعدها نايمة طلعت بره بالطرمة وسمعت صوت كلش عالي وهوسة بالمظيف جدو هو بصف بيتنه بس الحايط بيناتنه
جدي _اسمعني أبو رياض طلعلي ابنك من جوة الكاع ابنك تعدى على شرفنه وتريدنه نسكت وندفن السالفة
انت صدك تحجي اريد ابنك
ابو رياض_ أنت شتريد اني حاضر بس ابني مانطيك يا
جدي_ واني ماريد شي غير ابنك
ابو رياض_ كول يا الله احنا اخوان ومانتخارب علمود هيج شي صلي على محمد وفكر بغير حل
جدي_ ابنك اذا ماعاقبه واخذ حقي بيدي مارتاح
ابو رياض_ والله اذا قربت صوب ابني اطلع سالفة واكول ابو جواد لكه جنته ويه ابني وتخرب سمعتكم وهو
ولد ماتقرب عليه العيبه
ركضت يم الحايط وباوعت من زرف بالحايط صاير جان جدي واكف بالحديقة وكدامه ابو رياض تعصب جدي وجره من ياخه دشداشة قوي عليه
وكاله وبنبرة عصبيه وحاده "
تهددني ولك ادفنك وانت عدل والله
ابو رياض_ استهدي بالرحمن وخل انطيك
حل يرضينه اثنينه
عافه جدي عدل ملابسة وكال جدي "
شنو الحل ؟
ابو رياض_ انطيك فصل وابني يبتعد بعد مايتواصل وياكم ولا تشوفونه ولا تسمعون حتى اخباره ليش تريد تسويها دم وكتل مايخلص انت تكتل ابني واني اكتل ابنك وراح تستمر هاي سالفه الثار ابني يبتعد واذا شفته بعد اني
بنفسي اكلك كتله
جر الكرسي وكعد جدي بقى يحجي بصوت ناصي ماسمعت شي بعد رجع صاح جدي وكال "
جدي_ بس والله إذا اشوفه اكتله افتهم وافلوسك ماريدها اريد ابنك يطلع من البصرة كلها وماريد اشوف
ركعة وجه الزفرة
وراها ابتعدت ورحت للبيت اركض خايفة ماعرف شراح يصير وياي ويه العائلة كله بسببي أهلي دا يعانون
وامي جان ماتت .
نزل أبوي من الدوام وشاف امي وراسها ملفوف
ونايمة عالجرباية صاح
ابوي_شكوو شصاير ام لبنى شبيج شبيها امج ؟
كمت ابجي وكعدت بصفه حجيتله السالفة كلها تفاجئ ابوي جرني من ايدي قوي وداني لبيت جدي طلع جدي من غرفته تعارك ويه جدي عياط وصياح صاروا
جدي_ هااا شكوو شبيك جاي تصيح ؟
ابوي_بويه صدك الشي الكالته لبنى ؟!
جدي_ شكالتلك ؟
ابوي_ رياض معتدي على بنتي
جدي _ هاا اي صدك واني حاجيت عمك ونطيته
كلمةوفضت السالفة
ابوي_ شنو كلمتك بلا اللي نطيتهيا ؟
جدي_ ماريد نسوي مشاكل ويصير بيها دم اتفقت اني ويا ابنه مانشوفه بس نشوفه نكتله ومايطالبون
بيه اذا طلع كدامنه
ابوي_ واني شيبرد كلبي بويه
جدي_ يبرد كلبك انت اهدى واني منطي كلمه لعمك نسد السالفه وفكر بسمعة بنتك اذا الناس تسمع
بعد محد يدك بابها
وأخاف يشوهون سمعه مرتك وتصير سيرتنه على كل السان واحنا اشيوخ والنه سمعتنه وهيبتنه بين العربان ترضاها على نفسك تخرب السمعه وتصير ثارات
ناس تقتل ناس تقبل ولدك ينكتلون واخوانك جاوب تقبل
مارد ابوي جرني من أيدي ورجعنا للبيت عافني ودخل للغرفة قفل الباب على نفسه والدنيا ضلمت بعينه مايكدر يكسر
كلام ابوه واني حسيت احساس
بحياتي ماحاسته ليش اني ليش دائمآ يختاروني من بين كل بنات العالم شنو الشي المميز لبي الي يخلي الرجاجيل
تتعدى عليه بقيت افكر وابجي
وقلت لازم اكتل نفسي حتى اخلص اهلي من عندي حسيت انو اني سبب المشاكل وتعاستهم رحت للمطبخ وطلعت السجينه حتى اطعن روحي لحظات خفت
وتراجعت مرت سنين على هاي الحادثة لا سمعنه خبر عن رياض ولا شفنا ابد سمعت من نسوان عمامي ع اساس هاجر ومن هذاك يوم الحادث واني كلشي بيه مات صرت
ماحس بالفرح ومنعزله
ماحجي ويه احد صرت بثالث متوسط ماعندي صديقات كله وحدي جانن اكوو ٣ بنات دائما احاول أقرب منهن بس اتراجع لحد مايوم من الايام اني كاعده بالرحله واجني ثلاثتهن بشرى وفاطمه ونبأ
بشرى_ هلو
لبنى_ هلوات
بشرى_ يصير نحجي وياج ونطلع للساحة سوة ؟
ابتسمت ورديت "
ايي طبعآ
نبأوفاطمه_يلا امشن
كمت وطلعت وياهن نتمشى بالساحة لكينه
مكان كعدنا بي .
نبأ_ لبنى ليش دائما كاعده وحدج وماتطلعين بساحة ؟
انوار_ متعودة دائمآ وحدي
فاطمه_ بعد ماكوو تمشين وحدج احنا وياج بعد
فرحت من كل كلبي ورديت عليها "
ان شاءالله
بشرى_شنو برامج عندج
لبنى_ يوتيوب
طكنها بضحكه عالية كلش وأني اباوعلهن مستغربة عليش يضحكون ؟ رديت عليهن"
ليش تضحكن ؟
بشرى_اكوو وحده بثالث متوسط هسة ماعندها برامج مثل الانستغرام تليجرام واتساب يعني
ماعندج اي واحد منهن
لبنى_ هاا ماعرفهن بس امي عدها واتساب
فاطمه_واحنا شلنه بواتساب امج نريد رقمج أنتِ
لبنى_ماعندي والله
نبأ_اوك نزلي انستغرام حتى نضيفج ويانه بالكروب
لبنى_ شلون اسوي؟
بشرى_ انتِ مو عندج يوتيوب تعلمي من اليوتيوب وفعلي
لبنى _هاا اوك
وراها دك الجرس ورحنه لصفنه كملنه المدرسه ورجعنه
للبيت اول مادخلت بوست ماما
امي_ هلا بنيتي هلا حبيبتي شسويتي بامتحانج اليوم ؟
لبنى_ والله صعب ماما عفيه كولي لبابا يخليني ادرس عند مدرسه خصوصية بس الرياضيات باقي المواد
أني اعتمد على نفسي بيهن
امي_ الله كريم خل يجي بسلامه واحاجيه هسة روحي بدلي حتى اصب الغدا
رحت بدلت وشفت تليفوني طبيت على اليوتيوب اشوف شلون اسوي الانستغرام شفت المقطع شلون افعله نزلت الانستغرام وصاحتني
ماما على الغدا رحت تغديت وغسلت مواعين خلصت وكعدت ادرس شويه خليت امي تنام وطبيت على الانستغرام خليت
رقم امي ودزا الكود على موبايلي امي بقيت امشي
على كيف سحبت الموبايل من جوة مخدتها ودخلت الرقم السري بموبايلي ورجعت تليفون ماما جوة راسها حطيت صورة بنيه لابسه شال اخضر وكتبت اسمي لبونه ماخليت بايو لان ماعرف بعدني مبتدئة ثاني يوم رحت
للمدرسه لكيت البنات واكفات
لبنى_ هلو بنات اشلونجن تباوسنه
البنات_أهلا لبنى اشلونج
لبنى_ الحمدالله بخير
لبنى_ بنات نزلت الانستغرام هسة شلون اتواصل وياجن
بشرى _راح ننطيج حساباتنه طلعي ورقه وقلم سجلي
طلعت ورقه وقلم وسجلت حساباتهم رجعت للبيت كبل لتلفون خليت حساباتهم وانطيتهم متابعة وراسلتهن
هلو اني لبنى شويه وشفت نفسي
بكروب بيه هواي بنات ولد
لبنى_ ولج بشرى هذا بيه ولد الكروب ّ!؟
بشرى_ ايي عادي حبي هذول اصدقائنا
لبنى_لا أني راح اطلع
بشرى_لا ليش تطلعين شبيج مجرد اصدقاء و
صدكيني راح تتونسين ويانه
بقيت افكر وافقت ابقى بالكروب
راسلت بالكروب هلو
رد عليه ولد اسمه فيصل
هلوات وردة شخبار ؟
لبنى_ تمام وانت
فيصل _ الحمدالله+دومج
لبنى_ سلم
صاحتني امي لبنى تعاي تغدي تركت الموبايل ورحت اتغدى تغديت وخلصت شفت موبايلي فيصل داخلي
خاص كاتب هلو لبونه اشلونج؟
رديت وكلتله _قبل شويه كتلك زينه ليش ماتحجي
بالكروب داخلي خاص ؟!
فيصل _أعتذر مادري بيج ماتحبين ادخلج خاص
رديت بعصبيه "
ايي ماحب اطلع بسرعة واحذف المحادثة
فيصل _بس ردت اسئلج سؤال
لبنى_ تفضل شنو ؟
فيصل _أنتِ منين تعرفين بشرى ؟
لبنى_صديقتي بالمدرسى ليش ؟
فيصل_ لا هيج مجرد سؤال
لبنى_ تمام مع السلامة
فصيل _باي
عفت التلفون ورحت أدرس وخلصت داومت ثاني يوم
شفت البنات وكعدنا نسولف كالعادة عن الانستغرام والفيس بوك وغيرها من البرامج وصداقات
بشرى_صدك لبنى انتي عندج اخوان اكبار
لبنى_ لا أني جبيرة
فاطمه_ هنيالج
لبنى_ليش ؟
فاطمه_ لا احد يكلج وين رايحه ولا يحاسبج على
ملابسج ولا على مكياج ليش مخليه
ضحكت وكلتلها "
ههه اني لا من النوع الي يطلع ولامن النوع
ليخلي مكياج
نبأ_صدك ماتخلين مكياج من ترحين مكان
لبنى_ ايي والله ليش متفاجآت
فاطمه_ لابس غريبة ماكوو وحده ماتحط مكياج بهذا الوكت
لبنى_اي صحيح بس أني ماحبها
بشرى_ كول بنات
كلنا كلنا فرد كلمة وبصوت واحد
كولي ههههه
بشرى_ اليوم يجي فيصل وأصدقائه
لبنى_يافيصل ؟
بشرى_ولج هذا ويانه الي بالكروب امشي ويانه
من ينتهي الدوام لان صديقه يونس
يصيرحبيب نبأ
نبأ ضربت بشرى كلتلها "
ولج فضحتيني شبيج
تفاجأت من كالن يطلعن لعد انتهاء الدوام يشوفون ولد خفت وكتلهن " بنات روحن انتن ماروح اخاف
بشرى_منين تخافين شمسوين احنا قابل
لبنى_ لاخاف احد يشوفني وياخذ عني نظرة مو حلوة
نبأ_ لا شبيج قابل احنا راح نمشي وياهم بس
راح نشوفهم من بعيد لبعيد
بقن يلحن حتى اروح وياهن وافقت والله بس خايفة كلش وحيلي يرجف من الخوف إنتهى الدوام بالمدرسة وطلعنا سوة اكوو محل يصير مقابل المدرسة
بشرى _ امشن للمحل وهسة يجون
توترت كلش رحنا للمحل سوينه نفسنه نشتري
بشرى نبزتنه وكالت "شوفن بنات اجو
باوعت عليهم شفت واحد بيهم ضخم عضلات وعنده شوارب وللحيه وعيونه عسليات وابيض وشعرة شوي عالي رافعه ليفوك نعجبت بشكله بقى صافن بي
ابتسم إبتسامه جانبية خجلت بسرعة ودنكت راسي جسمي صار يرجف من الخوف وقلبي يدك حيل يريد بس مايريد يطلع من صدري أول مرة بحياتي اخطي هيج
خطوة وأروح ويه بنات أشوف ولد .
يتبع ...
موعد التنزيل غير محدد هذا أول بارت بالقصة واريده الكل تتفاعل وتخلون لايكات وتعلقون أكثر من تعليق لان القصة كلش حلوة وبدايتها عبرة لكل ام وأب
علمود مايثقون ويامنون على بناتهم ويعوفوهن واحدهن بالبيت لو يخلونهن يطلعن بره البيت بحجه أروح اشتري لو اروح يم صديقتي العب بالشارع
وظاهر التحرش بالأطفال هواي دا نسمع بيها ونشوفها عبر تواصل الاجتماعي وأتمنى من الأمهات تحافظ على بناتها وماتخليها تطلع الواحدة ولا تخليها
بيت شخص الواحدها .