تكمله....
......
كانو العيال نايمين اخر اليل كالعاده وفجاء يسمعون صراخ اسماعيل وقامو مخروشين كلهم والي طلع ببطانيته ع بطنه والي قام مسك اقرب عصى
عزوز : وش بلاك انت وش بلاك مصحينا ذا الوقت ؟
اسماعيل وهو يحاول يتكلم ولاكنه يلقط انفاسه المتسارعه وقال بصوت متقطع : انتم الي وش فيكم ماتسمعون حتى الاصم الي باخر القريه سمعني وانا اقول فيه كلب يلاحقني
نايف بصوت نعسان وعين مفتوحه وعين مقفله والبطانيه فوق راسه :
انت الاجرد حتى يالاجرد وش موديك للوادي بذا الوقت
سعود : يعمي لو انا بكلب بنحاش منك دام جايني ذا الوقت
الكل بصوت واحد ايه والله
طلع ابو محمد : وش فيكم يسرابيت منتو نايمين
سعود : يلا يلا يبه داخلين
ودخلو العيال للمجلس ويحاولون يمسكون ضحكتهم ع اسماعيل وصياحه وماقدرو وانفجر الكل يضحك ع شكله وهو يضحك لين دخل ابو محمد
ابو محمد : ان سمعت سربوت منكم يضحك لا اقطع احبال الصوتيه حقه وطلع وقفل النور وابتدت الضحكات تختفي حتى نام الجميع
في صباح اليوم الثاني جت فطوم تداعس بينهم
لين وصلت عند نايف
نايف : اح يراس العمى منهو ذا دعسني ومسكها مع رجلها وطيحها فوق بطن سعود
سعود: يويلي ويله وشذا وقعد يلمس ع راسها وقام يصارخ يعيال جنيههه انحاشووو وقام الكل مخروش لين فتح اسماعيل النور
نايف : يايجعلش للماحق يالخبله وش وراش تدعسيني( بين مكانت فطوم ميته ضحك ع خرشة سعود
فطوم بنظره خبيثه لسعود وتقلد نبرة صوته : يعيال انحاشو جنيه
مسكها سعود من شوشتها وقالها بنبرة تهديد سعود : والله انش جنيه دامش جايه تداعسين خوانش وهم رقود يالعميه
فطوم : يمه منك اقول ابي الشاحن
عزوز بصوت كله نعسان : مافي شاحن
واحتد الهواش بينهم وطلع ابو محمد
ابو محمد : جهال انتو مهاوشه ع شاحن بعدين انت وراك ماتعطيها الشاحن
عزوز : ها يبه انت تعرفني امزح وكذا معاها ولا هي اختي حبيبتي مايغلى عليها غالي وحضنها وقام يقرص
ناظر ابو محمد لنايف نظره مثل السيف
نايف : ايه صح صح مايغلى شي ع القعده لو تطلب عيونا نعطيها كم عندنا فطوم
عند فطوم الي دخلت تاخد الشاحن وبخباثه وقفت عند الباب : انهاشووو يائيال جنيه ورمى عليها صعود الزنوبه ( وانتو بكرامه )
وقام الكل صحصح الساعه ست ونص ع ريحة الاكل والغيوم والعصافير واتجه الكل للمطبخ وكان هناك ام محمد
نايف ببتسامه شاقه وجهه : تسلم يدش يالغاليه مكان كلفتي ع نفسش كان قلتي لاي وحده من البنات ولا قلتي لنا نشتري لش من برا
جت عهود: اقول مني مستعده اني اخرب مناكيري عشان بطونكم يالجحش الي يبي فطور يروح يشتري
ام محمد : عيب عليش هذولي اخوانش
اسماعيل : اقعد يالمناكير حقها عاد منزينها اخضر مسويه بقدونس
الكل قام يضحك عليها
وجا صوت فطوم من بعيد
فطوم : اقول هيهي انت وياه تراه مناكيري لحد يغلط
نايف : جاك زارع وحاصد البقدونس وقامو يضحكون ويطقطقون عليهم لين طلعو من المطبخ
بعد الفطور نزل مطر قوي مره وكان فطوم واقفه عند الكهرب وماتدري انه يدق ماس وشافها نايف وهو قاعد بصاله والباب مفتوح وكان يصارخ عليها وماتسمع بسبب ان صوت المطر قوي مره وكل مايجي لها تتقرب منه اكثر واكثر وقام من نط من فوق الطاوله حق الشاهي والمكسرات وتقربع وقام يركض لين عند الباب وزلحط وطاح ع ظهره وقام الكل مفجوع بس ماتضرر مره وقام يركض ورا فطوم وهي تضحك ع طيحته وهو يلاحقها يبي يجلدها لين تعب وخلاها ولهى مع المطر وقام يلعب معاها وطلعو باقي العيال عهود واقفه عند الباب
ام محمد : غريبه ليه ماتطلعين مع اختش واخوانش
عهود : لا يمه مابي اخرب كشختي
كان هايل وياشر لاسماعيل واسماعيل فهمه ودف عهود لبرا بين المطر ومسكها بدر وكتفها
عهود وهي تصارخ : يالعمى فكنيي كشختيي راحتت
وكتفوها باقي العيال لين غرقت رسمياً وفكوها وقامت تلاحقهم بالحجران وهي معصبه وهم يضحكون
نايف وهو فوق الجدار : اهخ يالقهر تخيلو اكشخ عشان صديقاتي فنهايه اخواني يغرقوني
بدر : اوميقاد مقدر لا لا ولا بدون ماحط مناكير البقدونس
فطوم : يبههه تعالل اطلعع شف عيالك يخزونن الجيران بسرعهه
من الخرشه طاحو لورا عند الجيران وتورطو صدق قامو يتسلسلون لعند الباب عشان يطلعون لاكن صادفهم ولد الجيران بالغلط ومن سوء حظهم كان ظلام وحسبهم حراميه ورجعو طلعو فوق الحوش مره ثانيه ورجعو البيت وابو محمد كان قاعد يصارخ يلي ماربيتكم ياقليلن الادب هاذا وانتم كبار وهم مكملين الركض لين دخلو الباب
ام محمد بخرشه : بسم الله يمه وش بلاكم
طلعو السطح وقفلو الباب وهم ياخذون انفاسهم
بدر : والله ماخلي ذي الفطوم الكريها
نايف : احس قلبي يلعب دوسري
قامو يطلون للتحت الحوش وشافو ابوهم يتكلم مع ولد جيرانهم
ابو محمد : ياوليدي مافي حراميين لاكن لو لقيت مصعت رجلينهم وقفل الباب
ودخل يدور الخيزران والحبل
وطلع السطح يدق الباب ومن سوء حظهم كان ابوهم عندهم المفتاح وفتح الباب ونايف وهو يركض زلقت فيه رجله وطاح من السطح بس حسن حظه طاح بين تراب
الكل طلع مفجوع ومنهم ابو محمد الي نزل وهو ماسك ع ظهره وبطنه
وطلعت ام نايف ام محمد مفجوعين وانصدمواكثر من كمية الدم الي قاعد ينزفها نايف نزل بدر يركض ويتفقده وقلبه بايده وبسرعه شاله هو و سعود للمستشفى وابو محمد ماسك راسه وخايف
(بعد ماشالو نايف )
في البيت عند فطوم الي تصيح وتلوم نفسها ان ذا كله حصل بسببها ويهديها هايف وعند ام محمد وام نايف يصيحون وعزوز يهديهم
عزوز : ماصار شي ياعيوني انتم تفائلو كل خير
لان كان بنسبه لهم نايف مو عادي والا انه غالي عليهم وعلى قلب اي احد من البيت من اصغرهم لاكبرهم
(بالمستشفى )
عند اسماعيل الي كان يحاول يتماسك نفسه عكس بدر المنهار تماماً لانه يحب نايف بشكل محد يتصوره وقريب منه ولو صار شي بنايف بدر مستحيل يعيش من بعده
بعد نص ساعه طلع الدكتور
الدكتور : انتو اهل المصاب ؟
الكل تجمد مكانه والكل خاف
بدر بصوت خايف والغصه : ايه ايه يدكتور شفيه نايف تكفى
الدكتور : نبغى له تبرع دم سريع لان حالته صعبه
قام اسماعيل بسرعه : انا ابترع له
سحبو الدم وبعد انتظار طويل طلع الدكتور
الدكتور : الحمدالله حالة نايف استقرت بس
ابو محمد بخوف وعصبيه : ايش الي بس !
الدكتور : عنده كسر بالساق والم بظهر والرقبه واما ع النزيف الحمدالله وقفناه وان شاءالله بعد نص ساعه تقدرون تدخلون عنده
الكل ارتاح ودقو يبشرون ام محمد وام نايف
عند ام نايف بعد مادق الجوال قامت ردت بسرعه
ام نايف بصوت يبكي وخايف : شفيه نايف تكفونن شفيه اخوكم ردو
بدر : يمه اذكري الله نايف مافي الا كل عافيه بس حصله كسر ورضوض خفيفه ارتاحي تكفين لا تشيلين هم ونهاذا نحنا بعد نص ساعه بندخل عنده وبنخليه يكلمش ..وقفل
بعد نص ساعه دخلو عند نايف
اسماعيل وهو حضان نايف والعبره بحلقه : تكفى ينايف خوفتني عليك
نايف : مافيني الا كل عافيه
ابو محمد : ان شاءالله اخر الاوجاع ماتشوف شر
نايف بوجه تعبان وهو يشوف بدر واقف عند الباب وهو يدري شكثر خايف عليه ويغليه
نايف بصوت متكسر وتعبان : الا الي عند الباب مابيجي يتطمن على عضيده
سمعه بدر وتحرك فيه الف شعور والدموع تجمعت بعيونه وتقدم عند نايف ودموعه خانته وبدت تنهمر
بدر بصوت كله حنيه وحزن : يانايف يجعلني ماشوف فيك يكسر ظهري ياخوك
وحضنه ودموعه قاعده تنهمر على صدر نايف
ابو محمد وهو يتدارك الموضوع: الا تعالو يسرابيتت وش موديكم لبيت الجيران
عم الصمت وكل واحد يناظر الثاني
قطع بدر سكوتهم : بدق ع امي عشان تتطمن عليه
دق ع ام نايف
ردت بصوت كله موجوع وخايف: اخر الاوجاع ياقلب امك ماتشوف شر ياعيوني ينايف
نايف : الشر مايجيش يايمه مافيني الا كل خير ياحبيبتي وطمني عمتي علي وقولي لها اني بخير
ام نايف : ابشر ياعيون امك
قفل ونادو الدكتور عشان يطلعون وكتب الوصفه والعلاجات وطلع وكل البيت يتحمدون عليه بسلامه ودخلو كلهم المجلس الا نايف بالبيت ودخلت فطوم الغرفه بخطوات متردده والخوف متملكها والندم
فطوم : نايف صاحي ؟
وحسبته نايم وقربت منه ومسكت يده وحطت راسها على حضنه وبدت دموعها تنتثر على صدره
وتقول بصوت كله ندم وحزن : والله اني اسفه مادري ان بيصير الموضوع زي كذا
بين ماكان نايف صاحي ويسمع كلامها وصياحها شال يده بكل جهد وحطها على راسها ناضرت فيه بنظره كلها برائه وندم
فطوم ببكى : اسفه والله
وبتقوم من على صدره . وسحبها ورجعها على صدره
وبدا يقول بصوت تعبان وابتسامه تعبانه وبحنيه قال : اخت نايف ماتبكي اخت نايف اقوى من كذا دامش صحتي وضعفتي انا من مين باخذ طاقتي .. لا تضعفين عيونش وانا اشوف فيها كل طاقتي ودنياي
فطوم ببكى مكبوت : ومن وين اخت نايف بتجيب طاقتها من غير اخوها وكيف بتقوى على قسوة الدنيا بدون نايف وهي تشوف سندها سادح على السرير تعبان
نايف بصوت خفيف وحنون : سندك معاك حتا ان لمستك شعره وقلتي اح ماحدً بيرضى عليش لا انا ولا اخوانش انتي غير انش ساكنه بالبيت الا انش ساكنه بمحجر عيونا
فطوم ببتسامه كلها فرحه : يجعلني مافقد عيال عبدالله بيوم
وهي قايمه مسكها نايف بنظره تعبانه
نايف : ابيش اليوم تنامين على صدري وتسمعين صوت عروق قلبي وهي تبي ترتوي كل حزنش وهمش ... وغير كذا ابي نرجع ايام يوم انش تخافين من الظلام وتجين تنام بجنبي
ناظرته فطوم بنظره رضى وهزت براسها ايه
وعلطول كلهم دخلو بنومه من التعب
النهايه بارت (3)