الجزء الثاني # عشق أهل الأنبار
#للكاتبة رواء هادي #قراءة ممتعة لجميع
وقبل كلشي خلوا لايك وعلقوا
بين الفقرات.
بالليل كعدت اراسل زينب والصدمة إلي كالتلي مصفي المنهولة معترف الها بحبه ويريد يتقدم يخطبها من بيت أهلها صرت اضحك من العصبية من كالت مصفي
المنهولة يحبها ويريد يتقدم الها كمت شعلت جكارة وبقيت صافن بالرسالة وكل ثانية اعيد قراءة الرسالة
قررت ارد رد بهدوء "
وأنتِ هم معجبة بي ؟
ثلاث دقائق بالضبط يلا ردت "
لا أبداً
_طيب شنو قرارج تقبلين بعرض الزواج ؟
_مستحيل أقبل
_طيب ليش ماتقبلين بي ؟
_مايعجبني هيج شخص
هنا نفخت هوى برتياح ارتاحيت كلش وصرت
اضحك رديت شلون يعني ؟
_مايعجبني مو الرجال الحلم بي
_غير أعرف شبي الولد وماتحلمين بي أني شفته
خوش ولد وحلو ومبين زنكين شتردين
بعد ست زينب
_صعب ادخل إنسان ثاني لحياتي وقلبي مايتحمل يحب
_ليش قلبج عشكان ؟
_ههههه
_هاا شبيج تضحكين ؟
_ حبيت ابو علاوي مرة وماكدر أحب مرة ثانية
راسن طكيتها بضحكة عالية ونمت على ظهري فرحان بردها ادري بيها تحبني بس جانت تكابر وهسه عترفت
رديت وابتسامة شاكه حلكي شك .
_وبعدج تحبين ابو علاوي
_اذا كتلج لا اكذب عليج بعدني احبه مثل قبل
ومحتمل أكثر الليل والنهار افكر بي
_بعدج تحبي برغم السواه بيج
_اي
_مجنونه أنتِ اكو وحدة تحب طليقها
الخانها واخذ منها ابنها
_ هو خاني خاني اي وهاي صعبة وكلما اتذكرها اعصب بس ماكدر اكرهه ومال اخذ ابني مني أني اعرف ليش اخذه
مني وحرمني من شوفته
_ليش ؟
_علمود اطر ارجعله
_وهسه إذا تقدم الخطبتج مرة ثانية تقبلين ترجعين
_ مادري
_شلون ماتدرين ؟
_ والله مادري بس افكر شلون خاني وي ام سعودي اتخبل وعقلي يطير شلون طاوعة قلبه خله هاي الهايشة بحضنه ويبوس بيها وج نفسي تقرف منه
برغم أحبه بعدني بس القرف اكثرمن الحب والمرأة إذا قرفت من رجل ماتكدر تتقبله وأني صعب اتقبل رائد
مرة الخ حتلوه احبه .
_هاي مشكلة
_اي مشكلة هو اكبر مشكلة بحياته عشقه للنسوان
وأني ماكدر اتحمل واحد ابو نسوان
_طيب اذا حلف لج يتوب ويعبدج أنتِ
بدل النسوان ترجعين له
_على كولته " ناووو " ابو طبع مايغير طبعة غير الجفن وهواي حلفلي وكل حلفه جذب بجذب
ماعنده الصدك رائد .
_ماكو إنسان يبقى على طبعة السابق كل إنسان يتغير
للافضل او للأسوء لا تحكمين على
شي أنتِ ماتعرفي
_ اي طبعآ بس وي رائد لا
_شمدريج أنتِ ؟
_أعرف رائد شنو مستحيل يتغير ويترك النسوان
_سمعة زفرة ابو النسوان
_هاي سمعته والكل يشهد عليها
_عوفينه من رائد وهسه احجيلي رديتي جوابج لصافي ؟
_اي رديتله الجواب بسرعة
_وشكانت رد فعله
_كال براحتج أني ماجبرج على شي ماترديه وراها راح
_حلو الرجال متفهم
هي بقت تكتب خرجت .... من المحادثة اريد انام باجر اطلع لاربيل نمت بسرعة كعدت الفجر صليت واتصلت بزوج رهف كال هستوني طالع انتظركم بشقتي
بفلان مكان والمفتاح .... تلكاه موجود جوه شتله
الورد اللي بصف الباب "تمام .
رجعت اتصلت بمصطفى كال ......أنتظرك بره بدلت بسرعة وطلعت حتى لأهلي ماكلت طالع لاربيل طلعت بالسيارة شفت ابو الصوف كبال باب أهله ينتظر أخذته وطلعت جانت بنيتي أخذ قاسم بس كلت خطية البارحة تصالح وي مرته
ماريد تكب بي وتكوله رايح لاربيل شعندك تدور نسوان مرته بله أسود مال غيرة ونكد "طول الطريق نحجي بخصوص زينب نسيت فوفو اليوم آخر
يوم اله وراح نطشر عرضة طشر حلفت الا ازين شاربه بإيدي على دكته الناقصة والله وصلنا لاربيل أخذنه رنو وعدل
لشقة زوج رهف وفهمت رنو
كلشي شسوي .....ماتسوي وكالت العصر هو كال أمر بيج عالساعة بال4 " عفية عليج وهسه راح يوصل بعد ساعتين يلا امشي أدخل للغرفة الثانية
اندك الباب واحد يباوع للثاني عبالي هو اجه...
هذا شجابه هسه ؟
مصطفى _شجابه ولك رجل رهف بعده ماجاي
رائد _ كلتله تعال بسرعة هسه شلون ورطة روح
افحص الكاميرات بسرعة رنو روحي
شوفي منو بالباب
راح مصطفى للكاميرات طبكت صفحة رنو باوعت
من الباب رجعت اشرت الي مو هو "
تلفوني رن رفعته جان زوج رهف داز رسالة "أني بالباب "اشرتلها تفتح الباب فتحت الباب دخل يباوعلها من فوك ليجوه جانت لابسة تنورة جلد سودة قصيرة
وستره سوده فاتحه الشعر ومكياج وهي حلوة رجعت
باوعلي يضحك "جايبين غير حاته ههههه
رائد _هههه تأخرت
زوج رهف_ جنت يم أختي وجهالها لزكوا بي
بالكوه فلتت منهم
مصطفى _كلها شغاله
زوج رهف_كاميرات ؟
مصطفى _اي علمود نوثق كلشي لابو يونس وزوجه رائد
زوج رهف_فكرة حلوة شوكت يجي ؟
رائد _عالساعة بال4
زوج رهف_مابقاله شي يابة يحلوة جيبيلي ماي
كعد مصطفى كعد زوج رهف بقيت واكف مستند ظهري على الحايط شعلت جكارة جابت ماي رنو لزوج رهف شربه ويباوعلها مصطفى ضاج وصاح بي
مصطفى _مو للبيع هاي
زوج رهف_ ههه لعد لشنو هاي ؟
رنو_ بيعيش ؟
زوج رهف_ شراي وداعتك هههه
مصطفى _عيونك رب الكعبة عيونك شبيك ماشايف بنية
زوج رهف_مو بنية ضيم ولج أنتِ من وين ؟
رنو_من بغداد
مصطفى _لاتحجين وادخلي جوه
رنو_حاظر
زوج رهف_هههه اوف الغيرة ههههه
مصطفى _كشفت معلومة عنك عقلك وسخ ويحب النسوان
زوج رهف_اخرب على النسوان بالأخص الحلوات والصغار
بقيت اراقب واشرب جكاير مبتسم بخفه على مصطفى يغار على الكحبة مالته من زوج رهف وزوج رهف
ساقط من طراز الأول .
رفع تلفونه مصطفى وباوعلي ...
فوفو اجه يلا بسرعة دخلوا
بالغرفة
رائد _دخلوا أنتو اني راح افتح الباب اله
زوج رهف_لا تخرب كلشي هسه يشوفك ويفلت
مصطفى _والخطة
رائد _خل تولي أني اعرف شلون اخلي يعترف وينكت
كلشي ارجعي يابة رنو أني أفتح
مصطفى _اترجاك ارجع ولا تخرب كلشي رائد
رائد _ارجع مصطفى
كام مصطفى يريد يوكفني زوج رهف هم وكفت وره الباب طلعت المسدس رفعته عليهم "ترجعوا للخلف لو
انطلق النار للخلف بسرعة
زوج رهف_تورطت وي مخبل
مصطفى _ارجع والله بس نزل السلاح
رائد _لداخل بسرعة
زوج رهف_استغفرالله امشي يابة لا يكتلنه هالمخبل
دخلوا جوه رجعت المسدس وره السترة بسرعة اندك الباب باوعت من الباب شفت فوفو لابس بنطرون ازرك وقمصلة سودة طويلة جنه بطريق ههههه
باوعت وره ظهري مصطفى وزوج رهف مادين راسهم من باب الغرفة رنو ماكو وياهم ضحكت رجعت فتحت
الباب وبقيت وراه
فوفو_رنو هاي أنتِ
دخل وي دخلته سديت الباب قوي
انصدم من شافني "رائد
أبتسمت بهدوء "
شلونك فوفو ههههههههه
طكيتها بضحكه عالية خطية مات بدمه راد يطلع بدون كلام وكفت وره الباب "وين فوفو بعدنا
باول السهرة .؟
فائق _ شتريد مني ولك وخر اريد اطلع
رائد _لاحبيبي ماكو طلعة تفضل استريح رنو
حبي جهزي اثنين جاي بسرعة
انصدم أكثر من شاف رنو طلعت من الغرفة
تضحك "تدلل ابو علاوي
غمزت عين الفوفو خطية راد يفقد الوعي "
أنتِ ويا
ضحكت ضحكة مستفزة "
ههههههه
ودخلت للمطبخ اشرتله يستريح "
استريح يابة
_شتريد مني ؟
_استريح يابة شبيك واكف؟ِ!
_ أنت وره كلشي
_طبعآ أني دستريح مو رجلي تكسروا من الوكفة
_ماتحجي عليش هيج سويت ودزيتلي هالبنية ولك
شتريد مني ماكفاك نقلي للموصل لوين
تريد توصل رائد؟
_وغلات علاوي الا انقلك للبصرة واخلي راتبك يصير كراوي
_رائد
_وزقنبووووت ينام بنص قلبك كلب ابن الكلب شلون
تشوه سمعتي وتخلي المرة تعوفني اليوم محد مايخلصك
من بين ايديه فائق الكللللب
فقدت من اجت بالي زينب اخر مرة شفتها بالمحكمة وكالتلي تحلم بعد شوف طولي رائد وله اخذ غيرك واحرك قلبك مثل ماحركت قلبي توليته ضرب
شلته وشمرته فوك الكرويته وصرت فوكاه ماخليت غلط وسب وافشار مانزلته عليه ماحسيت مصطفى وزوج رهف يجرون بي بالكوه شالوني من فوكاه
مصطفى _ولك كافي راح يموت بإيديك
رائد _عوفوني خل اكتله هالكلب عوفوني
زوج رهف_اني ماريد موته اريد اثبت براءة مرتي
هدي رائد وخلني احجي ويا
رائد _ عوفوني
صحت بيهم عافوني عيوني على فائق كعد بالكاع متوجع وجه خريطة صار خشمه طاك دم يمسح بالدم بإيده
رفع رأسه باوعلي بأبتسامة مستفزة
فائق _ حركت قلبك مثل ماحركت قلبي رائد
رائد _فائق ... عوفني مصطفى عوووووفني مصطفى
صحت بي تخبلت اريد اتهمج عليه واكفر بي كفران اجت بالي اكتله واخلص منه دفعت مصطفى بعيد ورحت الفائق
صدني زوج رهف ردت ادفعه
كام فائق راد يفلت كرصة .... مصطفى راحله زوج رهف قبلي تحقيق ويا هو مايجاوب ساكت ربع ساعة يحققون ويا
واني واكف على صفحة ماتدخلت
بس اتدخل اقتله اعرف ......نفسي اعصاب وماكدر اتحكم بأعصابي بزعت روحي رحت للغرفة لكيت رنو كاعدة اول ماشافتني كامت جانت خايفة ومرتبكة
رنو_شراح تسوون بي ؟
رائد _انطيني علاكة
رنو_غير افهم شراح تسوون بالرجال ؟!!
رائد _مالج شغل وياني وياج تسوين حركة طايشة منا
او منا بالقرأن اشمرج من الشباك للكاع
بسرعة علاكة .
سكتت وراحت الكنتور تدور على علاكة لكت علاكة بيضة جابتها الي ترجف من الخوف "ابقي هنا لتطلعين
خارج الغرفة لحفظ سلامتج
رنو_ماطلع بس أريد أرجع هسه باجي تقلق علية
رائد _باجي يايوم تقلق على كحابها بلا عيارة
ماردت كعدت ودموع... بطرف عيونها صايرة طلعت سديت الباب وراي سمعت فائق كال "اي أني لفقت كل الكلام علمود انتقم من رائد واخلي ابو يونس يكعده
للحك ويطيح حظه .
مصطفى _بلا شقبضت من أفعالك القذرة غير الذية
وهجمات بيتين بدل بيت واحد شتكل
الربك باجر عكبة
زوج رهف_اني الغبي صدكت بيك
رجعت للغرفة يم رنو " انطيني شفرة حلاقة عندج ؟
رنو_شفرة شلك بيها ؟
رائد _اريد ازين شوارب فوفو مويلعبون نفسج
رنو_كلش اي عندي بالجنطة وين الجنطة وين ... هاا هوينها
كامت راحت للجنطة فتحتها .....طلعتلي شفرة صغيرة باللون الوردي أخذتها منها ورجعت الها العلاكة
"اخذتها ورجعتها ليش ؟
_عترف الساقط مراح انسالج هاي الخدمة رنو الجميلة
رنو_ولا يهمك تدلل ابو علاوي
رائد _فديت
طلعت لكيت زوج رهف .... كاعد شاعل جكارة ويباوع الفائق مصطفى كاعد بصف فائق ويرزل بي "تعرف ؟
مصطفى _اي
رائد _سجلتوا اقواله
مصطفى _اي
رائد _كملتوا شغلكم منه لو بعد عدكم شغل ثاني
زوج رهف_كمل الشغل اخذوا غسلوا وجه وطردوا
كام فائق أبتسمت " هسه راح يجي شغلي أني
فائق_شتريد مني ؟!!
رائد _لزمه مصطفى زين
زوج رهف_كافي رائد فسخته تفسخ ماريده
يموت بإيديك ونبتلي
رائد _اطمن مو ضرب ماتلزمة
مصطفى _افففف تمام
لزمه مصطفى زين طلعت الشفرة من شافها مات بدمه صار يصيح لزمت وجه وذبيت شاربه كله زوج رهف يباوع
وينفخ دخان باوعتله وابتسمت ...
رائد _هسه حلو يلا عوفه خل يولي
عافه وجره للحمام مخرس كلمة وحدة مايطلع من الخوف يدري بروحة بس يحجي يبتلي على عمره شوي وطلع مصطفى مغسل وجه
باوعتله " جهز نفسك راح انقلك للبصرة
واخلي راتبك يصير كراوي
فائق _لا عليك الله رائد لتنقلني
رائد _ابتليت على عمرك مو تورطت بي تدري بي ورطة شورطك بي جربوع المجاري يلا اشمره من كدامي
لو اشمره من الشباك .
فائق_عوفني مصطفى خل اتفاهم ويا
رائد _كلت اشمره
عاند ردت أرجع اضربه مرة اللخ صاح بي زوج رهف رجعت كعدت كدامه طلعه مصطفى ورجع شوي وطلعت رنو رادت نرجعها لمكانها زوج رهف ماقبل
وكال بقوها عندي .... الليلة وأني صبح أوديها بنفسي تعارك مصطفى وياه صاروا ملخ اباوعلهم وأضحك تعاركوا
على كحبة امده حظي
رائد _رنو تبقين
رنو_هذا شغلي
رائد _سمعت مصطفى تريد تبقى يلا امشي خل نطلع
مصطفى _مو بكيفج تبقين امشي وياي
رنو_ابقى هنا عود غير يوم اجي وياك
زوج رهف_ شعليك أنت من مكانك كبيت هي البنية قابلة
خزرها وطلع طلعت المحفظة انطيتها حقها خليتهن فوك الطبلة وكتلها " هاي كراميتج يابة رنو ... قبل لا اطلع
أريد اتأكد ترجع مرتك ؟
زوج رهف_اي طبعآ ارجعها ان شاءالله هاليومين أمر
بيهم للبيت واشوف الدليل وعلى امل
ترجعلي مرتي وبنيتي
رائد _ان شاءالله يرجعون ... رنو لتتصلين بمصطفى بعد
رنو_ليش ؟
رائد _مراح يرد خلص من اليوم لا تعرفينه
ولايعرفج في امان الله
رنو _ابو علاوي فهمني ليش ؟
رائد _علمود بقيتي وكسرتي كلمته
رنو_ليش يزعل هذا شغلي وكل يوم وي واحد وهو يدري
زوج رهف_دتعاي انعل ابو مصطفى مو حركتي
اهل اهلي بجمالج هههه
حمه على البنية كدامي خليت وطلعت سديت الباب نزلت لكيت مصطفى كاعد بالسيارة ويجر جكاير صعدت
شغل السيارة قبل لا احرك
رائد _كلتلك ماتفيدك
مصطفى _انتهى امرها بعد
رائد _الحمدلله
حركت السيارة وصلنا فلان مطعم نزلنا اكلنا واجرنا غرفة بفندق اتصلت بأهلي أمي كالت عمتك اليوم تبات عدنا
وباجر الفجر ترجع لاربيل .
أنتو شوكت ترجعون ؟
_باجر الفجر نطلع وجهزي غراضج اخذج لزيارة
_تحجي صدك رائد
_يايوم مجذب عليج شوفي ابوي هم يروح
_هسه اشوفه ابو صدام تروح لزيارة ؟
اسمع أبوي يكوللها "
زيارتيش ؟
امي_كربلاء المقدسة والنجف الاشرف
أبوي _ويامن ؟
امي_وي رائد ويامن قابل
أبوي _اي اروح بس بسيارتي أني أروح
أمي _هاهية بسيارتك ... يروح يمة
رائد _هاهية لعد جهزوا غراضكم بس اجي
ان شاء الله الفجر نطلع
أمي _وعلاوي ترى هم أخذه مابقي عد الجناين
رائد _بكيفج يمة يلا في أمان الله
امي_الله وياك يمة ديروا بالكم على نفسكم ومن
ترجعون لاتسوقون سريع او خلي
مصطفى يسوقلك .
_ان شاءالله الله وياج يمة
مصطفى _ترحون لزيارة
رائد _اي
مصطفى _كلكم ؟
رائد _بس امي وابوي وأني وعلاوي هم نأخذه
مصطفى _خل اجي وياكم
رائد _هههه خوب أنت علاكة سودة لازكة بي
مصطفى _لعد وين انطي وجي اروح يم عمامي يخبثون علية يم خوالي بس أنت زين وقاسم ومحمد واحد أناني يبقى يضحك علية خل اروح عليك الله
رائد _تعال يابة منو لازمك
مصطفى _أنت الحب والعشق ابو علاوي
رائد _طبعآ الحب هههه
ثاني يوم الصبح .... رجعنا بوجي لغرفتي لفيت رأسي ونمت كعدت العصر روحي بخشمي صايرة شايفين واحد من ينام الظهر ويكعد العصر عبالك جان داخل بحرب
العالمية وكرهان روحه هيج حالتي شفت أمي كاعدة
بالصالة رحت شمرت روحي عليها خليت
رأسي بحجرها
_شبيك يمة
_تعبان _هستوك كاعد من النوم وتكول تعبان أخاف جوعان
_هو جوعان وتعبان
_دشيل راسك خل اسويلك اكل تاكله
_فروحة تسويلي
_فروحة اخذت علاوي وراحت لأهله اخوك
صدام داز على علاوي
شفت فاضل دخل يفر بالسبحة ...
الله جابك بوجك للمطبخ
سويلي اكل
فاضل _تأمر امر عمي
راح فاضل للمطبخ امي صارت تفرك برأسي بإيدها ...
اي احجيلي شصار وياك وكدرت تحصل
دليل برائتك
باوعتلها مستغرب باوعتلي مبتسمه ...
شمدريج ؟
_أدري بيك احجي حصلت دليل لو لا
_اي حصلته بعدين أشوفه الج
_عفيه عليكم خوش اشتغلتوا شغل وماسويتوا مشاكل وطلايب اريدك هيج تشتغل
شغل دفن وبي نتيجة
_صار تدللين
_نروح للزيارة ونرجع اريدك ترجع زينب
أبتسمت ورجعت راسي لحجرها ...
هاا شبيك ؟
_شيليها من بالج يمة
_ليش يمة اشيلها من بالي بعد ماجبت دليل
برائتك أكيد راح ترجعلك
_ختولي ماريدها
_رائد عليمن تجذب على نفسك لو على أمك
باوعلي ليش داير انظارك عني
_تعبان ماداير انظاري عنج
_تعب غياب زينب أثر بيك
_ههه لا
_ايي مو لا
_مو رائد فراق مرة يأثر بي
_واضح كلش مامتأثر جيب الطبلة يمة فاضل قبل لأكل
فاضل_هسه يمة
جاب الطبلة فاضل خلاها كدامي كعدت اباوعلها أضحك أني بطبعي مابين حزني وجعي مرات ابين لأمي من أنفرد بيها لو القاسم غير شخص مابين كدامه
مادام فاضل هنا ماحجي ولااجيب طاري ادري بي يحبني ومن يسمع فراق زينب ماثر بي أخاف يأخذ خطوة خطرة
ويروح يتعارك وي زينب
ومن تعرف بي متأثر ..... بفراقها راح تشوف حالها وتروح تجرحني أكثر بأفعالا جاب الأكل فاضل كعدت أكل
اندك الباب راح فاضل يفتح
سمعت صوت .... عمتي ام نزار وقاسم ومسك دخلوا للصالة أبتسمت "أهلا ومرحبا بالغوالي
قاسم _هلا بيك شلونك
رائد _على الله تفضل
قاسم_دام فضلك حبيبي قبل شوي اكلت
ام نزار_شلونك رائد اخبارك
رائد _على الله بخير
مسك_ شلونك رائد
رائد _بخير ام عطوب تعال رضاوي بوس عمو تعال
مسك_لتكول ام عطوب روح لعمو حبيبي روح
رائد _قابل مجذبين ياعمة ههههه
ام نزار _مامجذب ههه
كعدوا يضحكون .... اجه رضاوي لعندي باسني بخدي شلته خليته بصفي شلتله خاشوكه اكل ماكال باطل
فتح حلكه صار ياكل
رائد _موتين الولد جوع
مسك _لا والله اكل وي قاسم هذا هو ياكل
وي الرايح والجاي
رائد _يأكل وي الرايح والجاي وجنه
مصطفى بطرك الخدود ههههههه
مسك _هههه من الوكاحة
قاسم _ مصطفى قبل ضعيف بس هالسنتين
سمن وجسمه هاهية
ام نزار_ياا رائد منو ضعيف مصطفى
رائد _اي عصفور مكسر وزنه كله ٨٣ كيلو وانوب
طويل ويلعب حديد صاير عصفور
معضل ههههههه
قاسم _هذا أنت تعيب على الرايح والجاي ولك كافي تنمر
رائد _ههه مو بإيدي يلا افتح حلكك اجت
الطيارة .. عفيه بالشطور
جاب الضيافة فاضل وشال الصينية الاكل من كدامي كمت غسلت ورجعت امي وام نزار يحجون ويباوعلي مريم
تضحك قاسم كذلك شكيت بالموضوع
رائد _خيركم يول ؟
قاسم_لكينالك شلون مرة
رائد _اللهم صل على محمد وآل محمد
مسك_بس هي تلوكلك ابو علاوي
رائد _شوقتوني منو هاي لتلوكلي
ام نزار_مرتك ام علاوي جهز نفسك راح نروح نخطبها لك
رائد _ام الصخول ؟!!!
امي_هاي شبيك ؟
قاسم _ههههههههه
مسك _ماناسي لقبها القديم هههههههه
ام نزار_شنو هاي عيب عليك عمه شنو ام الصخول
رائد _هذا لقبها ام الصخول هسه شجابكم شوداكم عليها
بلا مو تطلقنها قبل كم شهر لو أريدها
مجان طلقتها .
مسك _طفي رائد رجاءً مو أنت الطلقت هي طلبت الطلاق وعافت علاوي وشردت منك خطية عبالها انت رجال فاسد اخلاقياً ماتدري بيك رجال صالح
قاسم_كلام مسك صح هي طلبت الطلاق وأنت انجبرت
تنطيها حريتها وادري بيك تحبها وتريدها
رائد _ماريدها
ام نزار_لو ماتريدها صدك جان قبلت بنات عمتك وقبلت بالبنات لجبتهن الك قبل فترة خوب يخبلون جنهن ملائكة بس أنت مثل قبل ياهي النجيبها الك ترفضها لان تحب زينب ولحد الآن تحبها خلنه نردلك مرتك ام ابنك وبدون عناد
امي_وياكم أني والله الولد خطية جاي يكبر بدون أمه
رائد باوعتلهم بصفنه أدري بيها راح ترفض وتكسر قلبي عارضت صاروا يلحون هم عارضت اجه أبوي وكال
باجر رايح اخطبها وغصبا على رأسك
رائد _هسه كوه
ابوي_اي كوه اخطبها الك
أمي _تريد ماتريد إحنا رايحين باجر نخطبها الك
وام نزار ومسك تعالوا ويانه
مسك _اول الناس جاية مو قاسم
قاسم _اي قلبي نروح نخطب ام علاوي لابو
علاوي الورد هههه
رائد _بكيفكم أنتو
مسك _اي بكيفنه نريد ام علاوي
رائد _ والله العظيم ماكو غيرج انتِ خليتيها براس قاسم وقاسم اجه حجه وي امه وامه وصلتها لعمي وعمي وصلها لابوي وامي وتفقتوا كلكم منورة ظهري مووو
مسك _اي هههه
رائد _اني اعلمج ام عطوب
قاسم _ ههههه
مسك خربنه ضحك أني وقاسم هو عصب كلش بس عيونه بيهن لمعة واحس بي جاي يمثل علينا رحت يم قاسم اخاف يهفني بمخدة لو بشحاطة وأني حامل منا
مخبل وكلشي يطلع من ايده سوالي حركة اصبريلي سويتله حركه إنتصار رجع قاسم سواها اله " النه الانتصار
بأذن الله ههههه
رائد _الكم الخسارة ان شاءالله
ابو صدام _مو كافييييييي جنك غراب ابكع بس كال قااااق قاااق خلص جاب الفال الاسود للبيت ولك
بطل سوالفك بطل
رائد _اشوفكم إذا مانطرتوا من الباب فلا اطلع ابو
علاوي الورد على كوله ام سعودي
هههه
ابو صدام _انعل ابوك يابو ام سعودي هو شطيح
حظك غيرها ياكلب ياابن الكلب
رائد _تفضل يشتم روحة
قاسم يعض صبعه له يريده .يسكت ويبطل تفاهة تعصب عمي وهفه بالسبحة لزم سبحة عمي اخذها وطلع يفر بيها ويغني بصوت عالي " عريس وربعة يخطبوله من باب
الحوش يطردونه ههههه
عمي هاض بي اباوع القاسم كاتمة ماتحمل وضحك ..
قاسم خرب من الضحك
_غاسل ايدي منه من زمان ههههه
_هههه مخبل
_من طراز الأول هههه
كعد عمي متعصب ماخله حجايه لما حجاها عليه هو عار ابن عار ماتصيرله جارة منو وراه شردت المرة شلون مره جانت درة مال ذهب الله ينتقم منه .
ابو الكحاب ما يجوز من درب الكحاب .
كام قاسم شلت رضاوي ورحت وراه لكينه رائد كاعد فوك الدرج يسبح بسبحة عمي يباوعلنا ويضحك
رائد_عود تنتقمين مني ام عطوب علمود رديتج القاسم
مسك_أصلا فرحانه رديتني القاسم وقررت اسوي وياك مثل ماسويت وياي واردلك مرتك علمود تفرح مثل
مااني فرحانه بقاسم حبيبي .
قاسم_شوف مرتي كريمة
رائد _واضح واضح كريمة
مسك _كلش ديلا افردها وخلنا نروح نخطبلك ام علاوي
رائد _انعل ابوكم يابو الخلفوكم ولكم شبيكم انتو رب
الكعبة بس ترحون يطردونكم من الباب
يردونها من الله يذلونكم
قاسم_متوهم أنت
رائد _ماتوهم
مسك _موعدنا دليل برائتك بعد عليش يطردونا
رائد _دليليش ؟
قاسم_دليل برائتك وصل لابوي من المسؤول ابو يونس قبل كم ساعة ودزنه عليك علمود نردلك المرة وابو يونس كال لو يطر الامر أني اجي وياكم واحجي كلشي في
سبيل ترجع المرة .
رائد _عود يجي يعدل الكحلة بعد ماليصها النذل الله
لاينطي الصحة والعافية شوه سمعتي الحلوة
بين العربان طلعني كواد
قاسم_ديلا عاد هي شلونها سمعتك بين العربان
رائد _ولك
قاسم_ام ساندي تسلم عليك ههههه
رائد _تفووو ناقص
مسك_قسوم مو ناقص كامل مكمل
رائد _قصدي ناقص اخلاقيا
مسك_لا والله اخلاقه عالية
قاسم_شفت الرد كل الناس تعرف بس ابو
اخلاق عالية وأنت لا هههههه
رائد _ديلا فد نعال الناس
مسك _ولك لسانك هم العالم منو اقرب الناس الك
رائد _طزز بيهم
مسك _طز بينه رائد صدك
رائد _والله وطزز ومليون طزز بكل شخص ماخذ نظره سيئة عني اني مايهمني رأي العالم بي اهمشي أني اعرف
نفسي شنو ومنو
قاسم_ تعجبني ثقتك بنفسك صفلي خل
اكعد يمك مشتاقلك
رائد _وأنتِ هم تعاي خلوني بنصكم وكعدوا قنعوا
بي تعجبني الفكرة مال تقنعون
بي هههههه.
مسك _اكعد بداية الدرج أقنع بيك هههه
رائد _وانت عمو هم تكعد تقنع بي هههههه
مسك_طبعآ يدور عرس حتى يركص ههه
قاسم_ اي ابني يريد يعرس عمه اخو ابوه شدها بعد
حيلي على كوله محمد حرامات ماجه
ضحكنه من سمعنا صوت محمد "
شدها بعد حيلي راح يعرس الهيبة رائدنا
على ام علاوي كللووووش
رائد _هسه كملت السبحة
قاسم_اي كملت شراح يخلصك هههههه
رائد _ابو حيلي شجابك
محمد_شميت ريحة عرس واجيت ركض ههههه
قاسم_ان شاءالله قريب
محمد _أقرب وقت العرس صاير مو عمو رضاوي هههه
رضاوي يضحك مايفهم... شي صعد يم رائد وقاسم خلوا رائد بالنص وكعدوا يقنعون بي وهو مايقبل لا ترحون ولا ترحون هسه مايقبلون وتنهان كرامتنا وكرامتي
طلع عمي وكاله "رايح أني حتلوه يرفضون راح أبقى اروح وارجع لما يبزعون وينطونها الك برغم أنت ماتستاهل بس احنا نستاهل جنه مثلها.
_سوي ليعجبك أني ماعلية
بقينا للمغرب وراها رجعنا للبيت خالي متعصب من ابو يونس ويحجي يكول دمر حياة رائد واحنا ماصدكنه كعد اعاقل واستقر وي المرة ليش هل تخلف
وسوالف الإنتقام تمشي بدمهم ....سمعت هيج كلام عن بتك تعال لعدنا وافتهم السالفة مو تروح وتسوي من رأسك أني رزلته ومن فشلته كال أني مستعد اروح ارجع
المرة بنفسي ومستعد أدفع نص المهر اذا اطرت الأمور من فشلته ماعرف شيحجي وشيكول كلتله احنا ماعايزين الفلوسك بس اللي سويته غلط
وماينغفر عليه بس لانك .... صديقي وبيناتنه ملح وزاد راح افوتها الك .وباجر أني رايح بنفسي وتصلت بشيخهم
كال راح اكون حاظر هناك
كل همي براءة رائد وارجعله كرامته وهيبته حتلوه مارجعت المرة أمشي ترجعله سمعته .الجناين شبن بالنار من سمعوا
راح أروح وياهم ومناك نزور الإمام علي(ع)
من ودهن يشربن .... من دمي ام سارة تخزر بي بس ماتريد تتعارك وياي بس مرت محمد وياي طابكة وتوصي بي إذا نزلتوا سوك شي يجبيلي حلويات
يكولون حلويات النجف طيبة خطية مارايحة ولا مرة للزيارة أني رايحة ويه أهلي وكل مرة أبوي جان ياخذنه للزيارة اما هنا سجن فرعون ماكو طلعة بالبوكة
قاسم يطلعني .
جهزت الجنطة ورضاوي راح اخلي . يم مرت محمد هي تحبه ومن يبقى عدها ومتعود عليها وأمينه نمنه وكعدنا الفجر قاسم أخذ الأغراض خلاهن بالسيارة
وأني نزلت رضاوي هو ونايم انطيته المرت محمد نومته عدها وراها طلعنا أني وعمتي ومحمد وقاسم وعمي اجوي بيت عمي ابو صدام خاله ام صدام وعمي ابو صدام وجابر
واخت رائد الجبيرة ورائد ماكو وعلاوي كذلك
ماكو سألت عمتي "ليش ماجابوا علاوي ؟
عمتي_ رائد مايقبل
مسك _راح يصعب الأمور هيج
عمتي _هو دومه صعب واموره صعبة شسويله
محمد _ مو كتلهم جيبوا وياكم علاوي خل تشوفه امه
بلكت الله تشوفه وقلبها يرف علية
وترجع للهيبة مالتنا
ابو نزار_ لاوين جايبين الطفل الطريق طويل
قاسم_صح كلامك يابة .
حركوا السيارات احنا بسيارتنه .. مخليني بالنص قاسم وعمتي كاعدة وكاتمة ضحكتي عمتي ماعارضت روحتي وياها يمكن اجت الصالحي الحجي الطلع من البيت
زينب" رحت للدوام ثاني يوم الصبح تلكاني صافي يريد يتقم لأهلي ويخطبني شلون ضوجني مصارلي شهر من داومت وهيج حبني وتعلق بي .
صافي_زينب دنطيني فرصة وحدة اوعدج ماراح تندمين
زينب_فرصة شنو صافي أفهم ماريدك ماريد ارتبط
بيك ليش ماتفهم وتقدر ظروفي
صافي_مو ماترديني أعرف بيج تخافين من طليقج ابن الغربية لتخافين زينب أني سبع موجبان وراح اواجهة إذا تعرض
الج لو الي اخذيها وعد مني
زينب_ ليش تدخل بالمشاكل
صافي_مستعدل ادخل الجهنم علمودج زينب افهميني والله أحبج وماكدر انساج كل مرة اكول انساج واطلعج من بالي ترجعين تدخلين بالي شسوي أني زينب ماكدر انساج
زينب_استغفرالله صافي إنساني أترجاك
أترجاك إنساني والله مافيدك
صافي_مانساج وتفيديني
زينب_ صافي شبيك
صافي_بيه أنتِ زينب ابوس ايدج انطيني فرصة
وحدة اثبتلج حبي وصدقي الج
زينب_ماكدر صافي ماكدر أفهم
عفته ومشيت مقهورة ....على الولد وتندمت قبلت اداوم بالمدرسة وخليت الولد يتعلق بي وإذا دره بي
رائد راح يشرب من دمه
ودمي ودم أهلي اعرفه واحد أناني لأقصى حد من الحدود ومستعد كلشي يسوي علمود يرضى نفسه وصافي ماعندي أدنى فكرة عن رائد وخباثته وخطورته
حتى مشايفة ولاشايف شكله " ألمهم ثاني درس اجت وحدة من المدرسات وفتحت وياي موضوع صافي ونزلت على رائد دوسة ونص هذا ابن الأنبار الجلح الملح
الكاتله الضيم بالجيش بل سنة حسنه يلا يسبح كاتله الوسخ عليش تدمرين نفسج من وراه وترفضين أستاذ صافي
النظيف الراقي المحترم المثقف .
علمود واحد مثل ...رائد هو منو وشنو كله على بعضه مجرد ضابط بالجيش "تمنيت هسه رائد يسمع هذا الكلام
بحقه جان شرب من دمها هههههه
ضحكت ههههه
_مو بلا كاتله الوسخ بالجيش
جريت النفس بشوق اله وتذكرته من ينزل ينكط ورد
وابتسامة تزين ملامح وجه الحلوة
"ينكط ورد
_تشاقين هههه؟
_والله شبيج نظيف لدرجة ويحب الكشخة
ويعتني بروحة مو شلون مجان
_جذابة ههه
_لاوالله ماجذب
_قابل انظف من استاذ صافي واحلى منه ؟
_اجمل من صافي واكشخ
_اوووي
_شبيج مامصدكة
_ولا اصدك ميلهم اهل الأنبار يلعبون النفس شوارب لو للحاياهم مثل للحاية داعش وايععع لعبان نفس
بالقرأن شفتي منه واخذتي
_ هههه مو لهل درجة يمعودة
_ مو جاي اشوفهم على الانستغرام واليوتيوب
_أنتِ لو تشوفين رائد ولد عمامة وخوالة تطمين نفسج
من شدة جمالهم وهيبتهم واحد يكول للثاني
أني احلى منك واكشخ
_وين اكو انباري بهيج صفات ههههه
_هههه أني جنت مثلج اكول وجنت متخيلة رائد وابن عمه قاسم جلحان ملحان كاتلهم الوسخ
بطرك الشوارب ههههه
_لاوالحلو اسمه قاسم هههههه
_والله العظيم بدون مبالغة قاسم وعلى اسمه
_لا تضحكين علية هههه
_جديات جاي احجي قاسم كلش جميل المظهر
وحتى احلى من استاذ صافي
_تحجين الصدك ؟
_اي والله كلش جميل وهادئ وأخلاق عالية ربي يحفظه ويحفظله مرته مسك وابنه رضاوي
_زين رائد هم يشبهه
_شبه بيناتهم قليل ورائد اكثر سمار من قاسم
_اسمر والعيون وساع جتالة هههه
_اي والله اسمر والعيون وساع جتالة ههههه
_هاا زينب
_ههههه
_تحجين والعيونج تلمع بالفرح لهل درجة تحبي
_حبه راح ويا
_نسيتي
_اي والحمدالله
_الحمدلله والشكر هسه ماعلينا بالانباري علينا باستاذ
صافي فكري بالموضوع زين حرامات تطيرين
هيج صيدة مثل استاذ صافي
_هههه
_شبيج تضحكين
_صيدة شنو
_هو صيدة من صيدة بعده صغيرون وحلو جنه جكليت وزنكين وين تلكين هيج واحد وهسه بالمجتمع المطلقة منبوذة ومايجي عليها غير الشايب
ولعنده عشيرة جهال ... لو مرته ميته لو مطلق وراه عشيرة جهال لو رجال يريدها زواج متعة فوك مرته استاذ صافي لكطة حرامات تطيري من ايدينج
الرجال هاويج وشاريج شبيج يحظي شغلي
عقلج واستغلي الفرصة وقبلي بي .
يتبع ...
اهمشي تفاعلكم بالقصة اريد الكل تتفاعل وتقدر تعبي وكل شخص يعلق 5 تعليقات حلوة ويخلي لايك علمود يصير
عندي واهس وانزل البارت ال15 بسرعة .