ثأرهم وبنات المسيحية

البارت 80 والأخير

insta: ho.sa105 للتواصل

𖦹 𖦹 𖦹 𖦹𖦹 𖦹 𖦹 𖦹𖦹 𖦹 𖦹 𖦹𖦹 𖦹 𖦹 𖦹𖦹 𖦹 𖦹

يمر طيفك يناغيني
ويردني ردوّد وادري الطيف
ما ينجاس ...
اگود السُهر بـ عيوني
وترد الـ ليش بيه تعيل
واتمناني دون احـساس ..

...........

شكو شبيج
فيروز::.تعال فوت
.هسه اجيج خلي اكمل ..التفتت على صوت اصهب صاح وين ذياب جاي اكله بلباب وسمعت صوت دراجه ثواني مرن ثواني وصار صوت طلقتين. فتحت الباب طلع اصهب يركض وكف النفس احس كل الدنيا وكفت ..وانا اشوف ذياب بشارع ودم والماي يجرن سوا ...

ااخ يلمسافه البيني وبينه شكد حسيتها طويله رغم هيه كم خطوه رجفت رجليه وصياح اصهب مدري شلون وصلت لذياب ارجف كلي ماعرف شنو الاسويه اباوع بوجهه مامصدكه الجاي اعيشه واقع ابو طول الحلو امدد ودمه مله الشارع ... منين الززمك صررخت بكل صوتي جريته على كلبي ذياب ذياااب. لاا لااا ذيااب
لاا ربي دخيل اسمك لااا

ثگل حلگي كله اديه يرجفن وهمه يردون يجرونه من ايدي وكعت روز على اركبها كدامي
تخلي اديها على صدره وتسحبها متهستره  وتصرخ.

صياح وصريخ اخذوه من بين اديه وروز مجلبه بيده متخبله دفعونا للبيت بطرس وليث
الدنيا كلها تفتر بيه
.وخررر اريد اروح.وخر لطمت على وجهي

بطرس:: ووين وين البسي شيي خرب
-اخوووي مات عوفووني. عوفنني ..واشوف روز تكومت بالگاع. مالي حيل اروحلها اريد ذيااب يالله لاتكسررني باخوي

رشت عليها ماي عمه ..وكعدت متخبله بس اريد يعوفونا نروح. راد يطلع ويقفل الباب صاحت روز

روز::.والله احرررك روحي والله عووفني اروحله
نتر بصياح البسن عبي ..ركضت للغرفه ابجي وكل جسمي يرجف يااعلي دخيلك يارب دخيلك لاتاخذ روحي لاتيتمني حتى هلمره هوا كل اهلي. من عمرري على عمررره مدري شلون لبست واسمع بجي اخواتي وخاله شهلاء حايره بيهن نرجس تخبلت. هيه كوا تمشي ومتقبل تبقه واحنا ماندري ذيااب ميت عدل كل السمعناه بيه نفس
ريت نفسي الينگطع. ..صاح بطرس بالله الكريم التصرخ ما اخذهاا ..بقت بس خاله شهلاء ابيتنا

وام اصهب تبجي وتصبر بيناا دخلنا للمستشفئ نركض الولد كاعدين وواديهم على راسهم جلبت ابان دايخه اباوع فيروز ماوصلتهم.طاحت على اركبها بس ترمش بعينهاا باوعت بوجهه اصهب اتوسل عفيييه لااا كام بسرعه صااح عاايش والله عاايش ..كعدت على حيلي ابجي ياارب فدوه اروحلك احفظه الي ياارب احلفك برسولك لا تكسرني بذياب. 

فيروز::ها فيروزه هم دارت عليج الدنيا هم بجتج وين ترحين وين تشردين ياگاع تلمج وتعيشين بدون حزن

.شهكت بدون دمووع نار بگلبي مجاي تطفه اباوع الروز انتهت جنها مخبله ساعه تدعي ساعه تبجي ساعه ايدها على گلبها وكوه اجر النفس اااي هيج احنا هيج بدون ذياب نموت ونضيع ..نبجي وحرام يمر الضحك على شفتناا
ارمش بعيني اباوع للكل

بان المخليه راسها على اديها وتبجي سكته بيان الحاضنه نرجس الولد يفترون اصف حتى تلفونه مايجاوب عليه يفتر بحركه ومن لحو يدكون عليه كسره فزينا من صياحه يضرب على صدره بحركه وعيونه حمر. لازمه بطرس اجه عليه بهمه يصيح ودموعه ينزلن كللله منج كللله منج جبتيه للبصره والله اذا مات امووتج

.اباوعله وبس ارمش بجه بحركه طلعه بطرس لان صيحو علينا ..ساعتين مرن احس لا اني ميته ولا انا عايشه روز تخربطت ضغطها صفر
غمضت عيني ادعي يارب دخيلك اخذ روحي بس لايصير عليه شي انا ماكدر اعيش بدنيا مابيها ذياب والله امووت ..كومني اصهب من ايدي فتت يم روز ...بست ايدها فوگ الكانوله
اكعدي يله اكعدي ادعي الزوجج
مودكولين لكيت روحي يمه مودكولين عوضني يتمي اكعدددي ليش ربي يريد ايتمناا كلناا ليش ياخذه وهوا سندناا الووحيد. ..

فتحت عيونها ذبلانات وحمر تهمس
ذياب فيروز
.كالها اصهب
بعده بلعمليات شسالفتجن يابه جا هوا هناك وانتن كلساع متخربطات اخذي نرجس وردي للبيت

روز:: كعدت على حيلي ..ماروح مناا انا روحي ودنيتي هناا ..
دخلت الممرضه كالت ديربالج على صحتج ترا حامل
.فكيت عيني ايدي على بطني. جنت شاكه بنفسي من فاتتني بس مو وكته كلشش مو وكته رجلي ابين الحياة.ولموت ياااحمل

فيروز:: غمضت عيني يارب فدوه اروحلك الخاطر هلطفل ..كامت روز بالكوا تمشي مكابلين الغرفه وكاعدين. اجه اصف بيده بطل ماي همس
هااج اسف حاجيتج هيج
.سكتت اخذت البطل منه شويه ولمستشفئ انترس زلم معگله   وكفنا على جهه ولولد يمهم  و عمه تتوسل بنرجس ترجع وهيه قافله ..ماترجع الا ذياب يكعد مرت ثالث ساعه اصهب كلساع يهد يريد يروح للعماره وشهاب لازمه كوا خلي نطمن على ذياب ونرد سوا اسمعه يهمس بحركه ماخليه يشم الهوا وذياب امدد هنا .. كالو حالته حرجه راح يدخلون عمليه ثانيه..غمضت عيني ارجف اريد ابجي اصرخ بلكي الحركه تطلع من گلبي ماكو نار مشتعله بضلوعي وعيوني مديت ايدي اريدد امسح عيون روز همست مختنكه الكلمه كوا تطلع ..اخذي البنات وروحي الجهال مناك

روز::رفعت عيني اباوعلها هزيت راسي لا ودموعي تصب شلوون ارجع شلون اتنفس وذياب جوا ابينه وبين الموت شعره.  مسحت عيوني ارجف اباوع الفيروز تغير،شكلها كله لازمه بلحايط تريد دكوم ماكو همست فيروز عيونها اشوف بس البياض اريد الحك اكوم الزمها هستوها وكفت ونركعت بلگاع صرخت مفزوعه اجه اصهب يركض اخذوها منعندنا باستتعجال مو سالفة ضغط وجهه صار ازرك تخببلت لييش ربي شنو السويناه ونستحق هلعذاب كله ياعلي مروتك وشفاعتك يابو الايتام دخيلك

.نخبصو بيها وميخلونه ندخل روحي راحت بس نريد نفهم شبيها لايقبلون يحجون ولايخلون اصهب يدخل يمها من اجت الشرطه دخلونه بغرفه بس عمه خافت على الولد بقت يمهم رافعين دعوه على محمد وكالولهم مانكتل احنا نريده ينسجن

دخل يمنا اصهب عمه تحجي وتتوسل بيه
-فدوه اروحلك اكعد لاتعلون كلبي اخيك هل يصارع الموت ومريتك ماينعرف وضعها اكعد  اصهب

-اصهب ماهتم يحجي ويا محمد ابن عمه شيماء يريد يندل مكان محمد وعمه تبجي لازمه بيده عوفوه ينسجن لاتتورطون  سد التلفون كالها

-وحك الكفل زينب وحك الخوه اذا ماخذت ثأر ذياب اطم روحي ذياب امدد وهلنكس يفتر ياسجن هذا

-ولك اصهب ولك يمه تروح مؤبد لايبعد امك تضيع عمرك من ورا واحد نكس هسه يكضونه.وينسجن

-ههههه شيكضونه لوبيهم خير ماطلع واجه هنا ورد للعماره محد كاله على عينك حاجب لو اروح اعدام مو مؤبد هم ماعوفه

روز::مسحت دموعي وكمت اريد احاجي دخل بطرس عيونه جاحضات بصدمه بلع ريكه يباوع الاصهب كاله

-فيروزه انجلطت وسقطت

-شهكت اريد النفس يوصل الريتي لاا ياالله لااا كافي كلبي خلص ..طلعو عمه واصهب يركضون وانا مالي حيل اوكف على رجليه

وكفت اريد اطلع مايخلونه ساعه وكالو ذياب وضعه استقر. سجدت وكلبي عليه جبل هموم
فدوتك ربي دخل اصهب للغرفه وكفت

اصهب عفيه فيروزه
-زينه زينه الحمدالله على كل حال
-اريد اشوفها عفيه
-مو هسه ..كومي نرجس وبان ارجعجن للبيت

نرجس::كومي بان تعاي. هستونا نريد نطلع ونفتح الباب دخل يوسف اخو روز حضنته تبجي
.كافي عيوني انتي
روز::.ثنينهم اختي وزوجي اريدد اموت كلبي خلص والله بعد ماتحمل
-اسم الله عليج كافي يابه شلون صارت فيروز

اصهب::جلطه خفيفه الحمدالله على كل حال المهم سلامتها الطفل يتعوض ..انا اترخض يوسف بس ارجع البنات للبيت ثلث ساعات اربعه ورد

-لا خويه ربع ساعه ورجع هنا عدي حجي.وياك
-عدي شغل والله
-ادري ادرري شنو شغلك بس هيج تخسر خلنا انعارف شلون نتصرف والله انا هم رايدك تاخذ ثارك بس بدون سجن وليرحم والديك جا مو نخسر المشيتين

روز::بلعت ريكي ساكته كاله خوش اردلك اخذه بان ونرجس.وبيان ..شكو يوسف شنو راح يصير

-اصهب عرف محمد وين شارد اسعد ابن عمهم عارف وين شارد
ومتانين اصهب يرد للعماره ياخذون ثارهم

-شلون رجع للعماره وهوا شارد
-ماشارد شبيج طالع شلون مادري

-لاتخليهم عفيه ينسجن اصهب تنجن فيروز والله

-مستحيل يسكتون بس بقت كون يسمع مني اصهب حتى ماينسجن ..

-سكتت ماعرف شنو المخططيله هوسه برا جماعة.يوسف وياه والناس التعرف الولد اهل الناصريه مدري شوكت لحكو يجون بحيث مايخلونه نطلع من الغرفه يمكن ب12بليل يله الناس راحت ويوسف واصهب واصف اختفو ..
بقينا انا وعمه بالغرفه.......ابو.كرار وابنه واخوه اخذوهم البيتنا ... كلبي يم فيروزه بس اريد اشوفها

اجه شهاب كال تعاي تشوفين ذياب
.دنكت امشي بصفه دخلت للغرفه  احس الخطوه الامشيها ترجف ..اباوعله وروحي تلوب
عسئ من عمري العمرك ياروحي انته ونظر عيوني ..كعدت يمه ابجي بدون صوت ..فتح عيونه يون رايحه روحه ..صاح شهاب تعاي اطلعي اجه ابو كرار ...رحت الفيروز

.تريد دكوم تشوف ذياب وعمه ماتخليها موزين عليج
.طبني مررض عوفيني بس اشوفه راح اموت عمه
-ولج يمه انتي بيا حال تواج مجلوطه مو بس سقطتي  هينه دكومين استري علينه

-وين اصهب صيحلياه
روز::يمه ناس اصلا مادكدرين ادخلين ..سكتت مدري شلون الوكت يمشي ..رجعت نامت تلوب على ذياب. الطلقه فوك من گلبه بشويه والثانيه شطح ابطنه بس بالفراغ ما متأذي شي من اعضائه جان الخطر من اليم گلبه والحمدالله عدت على خير
كاعده يم فيروز اقرا قرأن لان مايخلوني اروح يم ذياب ودخل اصهب باوعلنا.وباوع للباب صاح تعال يوسف

وكفت على حيلي رحت اليوسف بقه بلباب ..وين.جنتو

- بلعماره
-فتحت عيني على وسعهن شصار همس اشش لاتسئلين معليج

-سكتت محتاره.والف حسبه ابالي من طلع اصهب ماقبل نبقه ..بلمستشفئ كال الصبح يجيبونجن الولد

فيروز::جلبت بيده بالكوا اتحرك..رفعت عيني اله وانته راح تبقه هنا ..دار وجهه ماحاجاني ..دخلت يم ذياب.مهدود حيلي اباوعله وكلبي نار  .دنكت بسته بكصته ...مغمضه عيني كلبي حيل يدك...ذياب حبيب روحي سندي.وقوتي هديت حيل اختك يانظر عيني. روحي فدوه الروحك فتح عينك وحاجيني لاتمرد گلبي اكثر كسرت ضهري وهديت حيلي تمنيت ميته ولا اشوفك امدد هيج.

.بسته وبتعدت امسح بدموعي فك عينه بثگل حرك راسه يهمس ومافهم شيحجي ..كال اصهب فيروزه لاتعبينه ترا حتى مايقبلون تجين يمه مايصير يتعب
.عوفني يمه انا ماكدر ارجع
.تعاي شوفي اخواتج وشوفي مرته هم خطيه اذا يشوفنج انتي بغرفه وهوا بغرفه شيبقه بيهن روحي. ارتاحي وتاخذين علاجج وباجر الصبح ترجعين

.سكتت طلعنا من المستشفئ الفجر ..دخلنا بهدؤ لان خطار بدوانيا .
روز::دنكت بست ايهم وشهم وجهه مطعون شكد باجي فزت خاله شهلاء خطيه بايته يم البنات ..اخذت فيروز سبحتها. ..غسلت وصليت يانوم اليمر علي عيوني بلحظه تبهذلنا بلحظه نمحت كل فرحتنا.

.تمددت بصفهم متغطيه ودموعي تصب لو ميت انا شسوي شلون اعيش شلون اكمل حياتي
ورجع الفيروز الي ربي لطف والجلطه عبرت خفيفه بس خسرت طفلهاا الي بقت شهر متمدده على ضهرها علموده الك بيها حكمه ربي

.بين الغافيه والكاعده اسمع حركه. كعدت لكيت خاله وعمه يسون ريوك لابو كرار ولوياه بس عمه وجهه اصفر وكلساع تگعد تمسح على گلبها كعدت ابني شبعته وبدلت اريد اروح للمستشفئ شهاب كلساع يگول هسه لمن نترت بيه فيروز وين اصهب صيحله هوا ياخذني بقه يباوع بوجها ساكت ماجاوبها

فيروز:: عمه اصهب وين درت عليها كعدت على حيلها تمسح بدموعها نخمش.گلبي شكو عمه احجي.

.نسجن

.بلعت ريكي همست كتل محمد مو؟ هزت راسها اي كعدت مهدود حيلي بعد وبعد شيتحمل گلبج يافيروز

.كال ليث
.بس لاتخافن والله ماتثبت عليه التهمه
.ضحكت مستهزائه ..ههههه ترا حتى المخبل هم يفهم وين لكيتها ماتثبت عليه التهمه

.اي ماتثبت اول شي راح للعماره موبسيارته ولا بهويته اوياه يوسف السيطرات ماتدقق تعبرهم هاي وحده الشغله الثانيه لكوه بلبصره واخذوه منا الشغله الثالثه ..محمد مات بحادث سياره هوا شارد من لجيش بالهور ونگلبت السياره ماتبين اصهب السبب  محد نقذه لان محد يمه ..شنو بعد شكو خايفين

-مسحت عيوني ..جا شكوو اخذذوه اذا حادث
-اهل محمد رفعو عليه دعوه

-طلع شهاب يغلط لان صيحنا بصوت عالي رجعت للمستشفئ ..احير على منو ابجي على روحي لو على اخوي لو على زوجي لو. اخواتي الخلصنها بجي ..حمدت ربي وشكرته ذياب احسن صح تعبان بس حجه ويانا ..بس اريد ابقه يمه مايخلوني وهوا كال روحن

رجعنا للبيت. .خبصه وهوسه ناس رايحه وناس جايه اليروح للمستشفئ يرجع يمنا واحنا مالنا حيل نتحرك ياهو الاسئله على اصهب مايجاوب
معليج هاي اليجاوبوني بيها اصف وبطرس راحو للعماره وليث وشهاب ويوسف بقو يمنا ..
متت الف مره وذياب من سامع باصهب مسجون متخبل يريد يروح للعماره ..ثالث يوم كالو يله نروح للعماره تخبلت ياعماره وين يگدر ذياب

شهاب:: تعالي شوفيه وحاجيه مايقبل واحنا نريد نرد نشوف سالفة اصهب ماثبت عليه شي بقت بس يتنازلون عن الدعوه كبل لايتحول محكمه وتصعب علينا

-لبست اركض هسه تاخذني اله ..يوسف وروز يمه كال يله تعالي
.دخلت الغرفته. ابتعدت روز ..كعدت يمه..يحجي وصوته تعبان

-ليش هيج حركتي دمج.وخسرتي طفلج
-سحبت ايده على شفتي ارجف.. اروحلك فدوه ذياب وين تريد تروح بعدك تعبان صير زين وترجع غمض عينه موجوع
-زين زين لايضل بالج اريد الحك على اصهب لايحولونه محكمه
-شلون تطلع بس اسمعني
-ابقي انتي وديربالج على اخواتج
-رجلي على رجلك ماعوفك ..تريد تروح اروح وياك. .

شهاب::هاي هيه ليث يضل يم البنات وانا اجيهن هم

روز::رجعت للبيت لميت غراضي وغراضهم وبان وبيان يبجن ..شلون يبقن بس هنه ونرجس ..علمود دوامهن مايكدرن يجن وعدهن امتحانات نصف السنه ..للعصر اجه اصف ..اخذنا احنا بسياره ماشفنا ذياب من طلعوه يجيبونه شهاب ويوسف ..كلما نقترب للعماره كلبي يدك سريع وفيروز مكسوره حيل كلساع تصيح شلون اذا نحكم اموت شسوي.

نشلع گلبنا يله وصلنا لان مضاهرات وشوارع مكطوعه. تمرمرنا وصلنا العماره الغروب ..ورانا وصلو الولد وهم ماكدرنا نشوفه من اول مادخلت وكفت بلمطبخ وناس كلساع واحد جاي محد قابل عليه حيل تعبان ولمفرض يبقه بلمستشفئ بس شيقنعه

ام اصهب:: كومن ارتاحن فيروز يمه لاتسوين هيج بروحج جا اول تالي دمعتج ماتنشف

-شرتاح عمه اصهب شنو حاله هسه وذياب شوفيه شحاله ياراحه التمر على گلبي بعد كليلي

نور::من مكسراتج وسوالفج الجايفه الله جايبج يوميه مصيبه

-غمضت عيني ساكته مالي حيلها وحيل حجيها رزلتها عمه وخلود ماسكتت ضلت تغلط على عمه ويحجن بحيلة صدر مو.مثل قبل اذا الولد موجودين يخافن يغلطن على عمه هسه مامهتمات. كل حجايه.والثانيه يصيحن نطردجن ..اخذت روز وصعدت ..

روز::لاتهتمين الها ختولي من تحكرينها تنقهر
سكتت تهز براسها دنكت على ايهم تبوسه.وتشمه تمددت بصفه ونامت ..غطيتها وكعدت شهم غيرتله ورضعته ..رجع نام وانا روحي تلوب اريد ذياب اشوفه شني السالفه شوكت يرحون ..

شويه وسمعت صوت الولد على الدرج عفت شهم بمهده وكمت فتحت الباب ..صعدوه فوك يمشي الخطوه بثگل شلت الغطا من الجربايه تمدد.وشهاب يحجي عليه راده ينام جوا وماقبل

غمض عينه موجوع باوعلي حجه بتعب
-شوفي يوسف خاف جوعان يابه الولد من اجه الهسه على فد.وكفه

-اي حبيبي هسه اشوفه غطيته..لزم ايدي
يباوع بعيني ..
.اذا ميت شسوين

-اسم الله عليك لاتحجي هيج فدوه يومي گبل يومك.....ابتسم بطرف شفته

-محروگ گلبي على هايه راح طفلها ورجلها بسجن اتخبل اذا نحكم

-بس ديربالك على روحك حتى تگدر تتصرف مو تعبان وتفتر اذا وكعت انته واصهب بسجن شسوي انا

-اليوم عدنا كعده ونشوف وين تصفه اذا تنازلو كلش سهله طلعته ماعليه دليل بس لازم يتنازلون

-الله كريم...عفته ونزلت جوا لكيت عمه تسويلهم اكل ساعدتها ..الفجر يوسف راح وكالهم ارجع بس عدي دوام اليوم

الصبح ذياب قفل الا يروح يشوف اصهب بجيت وتوسلت انته تعبان. بس صير زين وروح ولاقبل اخذوه وراحو  ..كل الوقت خايفين مامرت ساعه ورتاحينا بيها فيروز المحتاره البناات يتصلن يبجن شنو عايفينا وحدنا هنا رغم ليث بقه يمهن بس متخبلات

نزلت شهم وايهم جوا علمود اكدر اشتغل وماضل كلساع صاعده اخاف على البطني
نزلت حليبه جاي احمي ماي لترمز مالته ودخلت نور

.يله بسرعه طفي الطباخ خلصتي الغاز
فيروز:: شوفي انا روحي مفرفحه ولصراحه مابيه حيل اعارك والا وحق من انزل الحق اكتلج كتله عمر ماتنسنينها الا انسيج الحجي شلون.
هزت ايدها بضحك ..وروز تباوع ساكته كالت

-خايبه كلابج جا غير اشهرج.وخزيج بت امج وتمدين ايدج عليه

روز:: طفيت الطباخ عوفيها فيروز تولي طلعت من المطبخ تضحك.خليت ماي بترمز حيل حار تعالي كعدي يم شهم خلي انضف ..الديوان ويا عمه لان الناس تلتم هنا العصر ويرحون على هذوليج

-اكعدي انتي يمهم انا اروح ويا عمه
-سكتت كعدت يم شهم وايهم بصاله عفت الترمز مفتوح على جهه اريد الماي شويه يبرد
ابتسمت الايهم يحاول يضحك شهم وجهال نور من بعيد يباوعوله. .سكتت بگلبي حسره. ضحكنا ورتاحينا شهر وهسه طلع من عيونا..
صاحت عمه روز نطيني المكرافه ..

كمت هستوني دخلت للمطبخ اريد اخذها من يم سلة الزبل وصرخ شهم موجوع رجعت اركض لمحت نور دخلت الغرفتها. كلبي راح وانا اشوف الترمز منجفي على رجله وهوا مفرفح شلته ...يممه ابني صررخت فيروزه اجت تركض ابجي متهستره احترررك ابني احتررك ..اخذته عمه من اديناا اباوع الجف رجله من يم اصابيعه صار احمررر كلش وهوا يبجي مفرفح گلبي نمرد
خليتله عصاره تبرد رجله سكت وشهكه بصوته فيروز مخليته بحضنهاا. دارت على ايهم خازرته

فيروز::-ايهمم انته البديت الماي عليه ..خزرته اخوفه ختل بضهر روز ..همس خايف لاا عمه اشر على غرفة نور فكيت عيني اباوع الروز هزت راسها اي

.لهنا حدج طفل ماسلم منج. اطيت شهم الامه وكمت اليوم لو انا لو نور. جريت عودة المكناسه من عمه افتح اباب غرفتها قافلته ..اطلعييي نور لووو ابوج يجي مايطلعج من ايدي اليوم

-ولييي لج.ولي لا اطردج بشارع والله اشوف ياكواد يلفيج

-بت الكلب اطلللعي احاجيج ..عاطت عمه

.لا على بختج فيروزه مهناا بگبره حرام عليج

-ضربت الباب برجلي اغلط.وسب ..درت اباوع الجهالها خانسين خايفين ..نووور والله اذا ماطلعتي احرك جهالج مثل ماحركتي شهم
بجو الاطفال خايفين ..راسا فتحت الباب هيه وامها

دفعتها للغرفه جسمي تعبان بس الحركه البروحي تفقدني بلبدايه ماكدرتلهن لان ثنينهن لمن عمه كامت تتعارك ويا خلود لزمت نور كطعتها دكطع ..

على الصياح ولصريخ اجو بيت عمو مهدي سهام.ومروه فكنا وهنه حسهن يلعلع نور تصيح. هسسه اطلعن من بيتي هسه دخل عمو مهدي ورزلها وغلط عليه

دار على عمه كالها
مادكعدين انتي مره شكدج شكبرج تعاركين جنج زعطوطه كالتله عمه رحم الله والديك وسكتت بقه كاعد بصاله ..وهنه وسهام بغرفتهن ومروه يمناا

كون اكضها وحدنا محد يمنا الا اخليها جنازه
اباوع الشهم وروحي تحترك حرك رجله البيضه صارت حمرره بس ماطككت مجان كلش حار الماي وروز مكابلته وتبجي ...كله منج متوازيه تخلين الماي يمه

-بس رحت اجيب المكرافه شدراني
.دسكتي على اساس ماتدرين بيها شنو من بشر.

نزلت مقهوره على عمه وعمو مهدي دك اقامه بصاله كوا يريد يصير رجال وهوا محد معترف بيه وين صاير كلما يشوفنا يصيح انا هنا كاعد اريد وحده يطلع حسها ..

لمن اجو الولد طلعت لساحه نزل ذياب وشهاب لازمه يساعده ..سوده بوجهي كون انته المحد يلحك مشيتك على الخطوه كوه تعين جدمك

.وصل يمي عاگد حواجبه بوجع ..
ها ذياب شصار
.ماصار شي اليوم الكعده والله كريم

.دخل كعد بصاله يتناقشون السامعينه يردون فلوس يله يتنازلون بس هوا ماثابت عليه دليل ويخافون يصعد محكمه ..ويلزمون عليه دليل ذياب مخليله محامي. طلعت نور وخلود من جحرهن يتسمعن

كال عمو
شهني اليردونه ويتنازلون
ذياب:: الله كريم ختصير الكعده ونشوف شكد يطلبون ادفع كلشي المهم يتنازلون ويطلع اصهب لو اشوف ابيع هذا البيت هم اطلعه

نور:: ياااا واالله يابيت هذا التبيعه عيني البيت باسمي شحده اليوصله. ويااريت باسرع وكت تلمون غراضكن وطلعون بررا ..وهاا ازيدك من الشعر بيت رافعه عليكم قضيه اي واحد يمد ايده عليه ينسجن اشتكي عليه.وينسجن

فيروز::الكل ساكت مصدومين بكلامها وامها تأيدها نتر اصف
-شجاي تليصين انتي

-ابوي مسويلي وكاله من كبل وهسه درته باسمي واعرفنكم جلاب وتطكوني سويت بيان اي واحد يمد ايده عليه اشتكي عليه

فيروز::كام شهاب بهمه يريد يضربها لزمه بطرس محد مصدك حجيها صيح عليها اصف ..دخلت خلود للغرفه وشمرت عليهم نسخه من طابو البيت خلتهم وسط صدمه ..دفرها شهاب للغرفه كالها خلي اموتج.وانسجن ميخالف

طلعوها من ايده جنازه وياريت لو تسكت كل هذا وهيه تصيح اطلع برا ماريد اشوفك ابيتي
والله اسجنك ويا اصهب

.طلع شهاب من البيت يسب بابوه وعمه تبجي وتتحسب على نور وخلود باوعلي ذياب مصدوم
كال حتى انا الي بيه شني عمي شلون يسوي هيج

.نور تصيح اطلعو من بيتي والله اشتكي وعمو يكلها انجبي وسكتي وين يرحون. مو بس البيت باسمها الارض كلها. اصف كابلها مفرفح يحلف كل دين يتبرا منها دكله وتبرو وجعلني لاشفتكم بعد ماريدكم

عيشتنا حاله من الصدمه صاح ذياب تعالي صعديني فوك احس بطني راح تنفجر

وكفت بصفه. مشيته. كوا يتحرك كال جا
روز وين
.بغرفتك فوك
.دخلنا للغرفه باوعلها عيونها مورمه وشايله شهم تفتر بيه عود خزرتها حتى ماتحجي ايهم طفر اول ماشاف ذياب كاله
.ذياب شم احترك

.باوعلها ذياب عاكد حواجبه
روز::بجيت. مدنكه عاف فيروز واجه بسرعه خايف همست مختنكه برجله شويه ..طلع رجله يياوعلها نتر شلووون حجتله فيروز السالفه اخذه من. ايدي يبوس بيه

فيروز::تمدد شويه ذياب والله موزين عليك عوف شهم مابيه شي جيبه اخذته منه ..تمدد على فراشه محتار..نزلت اسويله شوربه ولولد متخبلين يكسرون الگلب

اصف خابر على رجل نور بلكي ترد منه كاله جاي هسه افرك حلكها. صدك. شويه واجه دخلوه الولد لديوان بطرس واصف وعمه كاعده يمي تحمد برجل نور ماراح يرضه على سوالفها هسه يگلها اطلكج ..عود جاي نحجي وكبت العيطه بالديوان راحت عمه تركض. وانا وراها
لزمو رجل نور كطعوه وهوا يصيح البيت  باسمهاا انتم اطلعون برا اليمد ايده على مرتي مايلوم الا نفسه.

صعد بسيارته وراح كعد اصف على حيله بساحه مصدوم
لج يمه هذاا النگول عليه زين هذا النگول يخاف ربه علمود الفلوس والبيت شفتيهه شسووا

طلعت خلود صاحت حدكم الباجر تلمون مواعينكم وتشيلون ماريدن اشوفنكم لاتخلونا نسجنكم

روز:: اصف يصيحلكم ذياب ..كام فرك وجهه بعصبيه باوعت العمه العيونها ورمن من القهر كتلها حتى انتي يريدج. صعدنا يمه. كال

-باجر نرد للبصره ماحسبنا عمي يسوي هيح سالفه بس الضاهر خلود غاسله عقله عدل

اصف:: الله يرحمه ابوي اكبر كوا*د

-انجب. يله انجب وسد حلكك اخذ السياره هسه بيعها ابيش ماجان وردلي

فيروز::بدت الناس تجي تجمعو بديوانا.نوب راحو الهذوليج ..كعدنا بصاله ادينه على خدنا شوكت تفض.ونخلص عمه كالت فرغن غرفجن ولمن كل غراضجن هسه يجون يحملونهن بعتهن ماخليهن لخليده
سويت مثال ماكالت عزلنا كلشي اطلع غراض اصهب وروحي تلوب اريد الزم دموعي ماكدر
يروحي انته .. بالاربعه ونص  اجت مريه وياها سيارتين حمل ..صعدت شافت الغرف تعاملت وياها وباعت حتى غراض غرفتها لان حتى لو تاخذهن للبصره ماعدنا مكان. كل الغراض الباعتهن صارن خمس ملايين رغم هنه الغرفه الوحده بمليونين.ونص وبثلاثه واكثر  ..حملوهن.وعمه دموعها تجري ومابلسانها بس حسبنا الله ونعم الوكيل انشعل ونطفي من اشوف نور تضحك.رغم.والله وجهه مورم من الكتل

كافي عمه لايصعد ضغطج
-شذنبهم.ابوهم هيج.يسوي بيهم يخلي هاي الخايسه تطردهم انا من يمي مفرفحه شلون گلوبهم همه ماوكفت بعينها وكفات اصهب الها

.الله كريم لاتهتمين تعاي. اخذتها الغرفتها بس الزوليه ممدوده وغراضها لامتهن على جهه عفتها وصعدت يم روز ..تعزل بالغراض ..

روز:: شلون هسه فيروز
-الله كريم بس خلي اصهب يطلع وكلشي ينحل
-خابري نرجس جونيش مريضه ماخذينها لدكتور وبان فلاونزا كلش.

-استغفرالله ربي وتالي يالله وتاالي ..خابرت نرجس كالت يم العياده صايره هوسه
سديته منها وخابرت بان اكلها شبيج.

دكلي مريضه عليكم لان عفتوني

.نجبي.وصيري زينه موعندج صخام امتحانات
-ااي تعالو انا من اشوفكم ارتاح وكدر ادرس من ترحون كلكم احس روحي صدك يتيمه بس اذا انتم يمي احسكم اهلي ماضوج

-بان فدوه كلبي ماعايز قهر فدوه ديربالج على نفسج بس يطلع اصهب نجي كلنا حتى عمه ولولد

-وبطرس

-جا بطرس مو من الولد

-هههه همزين يعني شوكت تجون
-مادري يله ادرسي عفيه سديت التلفون منهاا..اجت روز يمي ..ها وينهم
-نامو شهم بس اطخ شي برجله يفز..تعالي ننزل يم عمه لاتتخربط خطيه

فيروز: :اريد اكول لذياب بس استحي كليله انتي مايگدر يروح يم  اصهب ويتصل  بس اسمع صوته راح اموت روز

-اسم الله عليج انا اكله بس خلي يجون ان شاءالله تخلص اليوم ويطلع اصهب

-ان شاءالله نزلنا من الدرج نسمع بت نور تبجي. بلمطبخ وصوت نور وخلود ..باوعنالها

خلود كاعده على جهه تصكع بشعر الولد ونور مخليه طشت كدامها وريحت النفط تخنك. لعبة نفسي من المنظر .فاتحه شعرها وشعر بتها تخلي نفط وتمشطه بطشت ولبنيه تبجي ..كعدنا بصاله يم عمه وعينه عليهن. كلساع ساطره البنيه راشدي شلون ترفع راسها والنفط ينزل على هدومها اييعع اطيح الدود من شعرها بطشت وتصكعهن.وتسوي احييييه هيج كون اصكع ناس واموتهم .كالتلها عمه
.حررام عليج البنيه كسرتي ركبتها الدوا بخمسمية دينار شذنبها غطيتيها بنفط
.ماعليج غير انضفهاا اندري منين جابته النا من اجينا هنا صار بينا من خيستجن
-كامت البنيه تبجي اجت يمنا ..مانكسر خاطري عليها بس روز اخذتها للحمام تغسللها ونور تصيح عليها سبحيهااا عدل لج اجر كعدتكم ابيتي..كوم ولك ختسبحك انته هم
.اجه الوليد وكف بلباب ..وهيه تمشط بشعرها رجع يم امه كالها استحي عمه تسبحني
انا من يخلصن اسبح بس انا مابيه دود بس انتن بيجن
-اي ميخالف اسبح بيك ريحه
-كامت خلود تمشط بشعر نور بطشت كون اصورهن ونشرهن ..يضحكن بحقاره وعلى اعصابي ساكته .طلعت روز البنيه لفتها بلبطانيه يم الهيتر....عمه جاي دكلها هاي هيه معليج لاتمشطينها .. وكبت النار وصرريخ اشوف نور تركض كدامي مشتعل راسهاا وخلود اديها ثنينهن گابات..ركضنا مفزوعين مانعرف شلون نطفيها جريت البطانيه. وهيه تركض منا وتجي منا مدري شلون لفيت راسها بيه شكد ماكرهه وموت منها بس منظرها هزز گلبي..خلود من حلات روحها حطت اديها بسطل الماي . ركضت عمه على بيت عمو مهدي ..ونور بس تصرخ. من وجهه لابقه شعر لاشي وخلود تبجي من اديها
اجه سعد عيونه حمر.ويمشي صفح شارب وريحته تكتل اخذوهن هوه.وسهام .. .اباوع بلمطبخ مصدومه هنه كاعدات شلون نار الطباخ لاحتهن كالت عمه لا لمحت نور. وكفت وكبت وخلود جاي اطفيها.وهيه اديها بيهن نفط وكبت

.رجعتت اتصل على الولد محد يجاوبني للغروب يله اجو شايطين واعصاب اهل محمد ماقابلين يتنازلون ولايردون فلوس حسيت النفس مايوصل الريتي اباوع لذياب مختنگه ..فرك وجهه يباوعلي ..ودك تلفونه ..جاوب وطلع بساحه ..عمه تبجي ..على اصهب ..وسولفتلهم على نور حلفو مايرحون ولو يعرفون ميته مالهم شغل بيها ..

رجع ذياب مصدوم يباوع بحيره كالهم
ذياب:: ابوه كبل شويه يجر الحجايه جر ويصيح مانتنازل نريده ينحبس وهسه يگلي 100مليون وتنازل بس طلع العشيره من الموضوع

-عكدت حواجبي ابوه مو مجلوط مدري مات
-كلشي مابيه الله وكيلج انا المجلوط

.كعدو محتارين خابرو المحامي كالهم. اي دليل عليه ماكو بس سالفة التحقيق.جر.وعر بيها
مجنه نفهم حجيهم ..وهوستهم. ..لليل اجت بس خلود. ..لافه اديها وتبجي وتدعي عليناا تفلت على الولد
كله منكم نور احتركت كالها اصف

.جا احنا كايليها خلي يصير بيج كمل هيه خايسه

-اطلعو.يله من بيتي. ماريد اشوفنكم
-غلسنا منها وسهام دخلتها الغرفتها نور منومينها مستشفى وضاله يمها خالتها شكد عيب احتركت لان غاسله شعرها بنفط

.عفتهم وصعدت فوك من صدك بجيت كلبي يوجعني حيل ..بس اتخيل حياتي بدونه شنو اسوي. وشيصير بيه. شكد لازم اخسر بعد حتى ارتاح بحياتي. مادري بروحي شوكت نمت حسيت على ادين روز من كعدتني

.هااا كعددت على حيلي مفزوعه  مغطيتني ابيش الساعه
-ب8 الصبح البارحه لكاج ذياب نايمه غطاج ماقبل اكعدج
-شصار
-راحو يبيعون كلشي
-شيبيعون
-شهاب يبع قطعته وذياب واصف سياراتهم واني وانتي  وعمه ذهبنا وفلوس الغرف ويا العدهم

-شهم شلون صار
-زين بس نور متشوهه وجهه يگولون
-جعلها بلموت
-لاا فيروزه حرام ..كومي يله ننزل جوا. اخذتها ونزلناا يم عمه خلود رجعت يم بتها ورجل نور وده اخوه على جهاله اخذهم. عمه اخذت ذهبنا ونطته العمه شيماء تبيعه ..ولولد تأخرو نتصل ومايجاوبون ..

بقيت اتصل على شهاب لمن رد
وين انتم
.ليش شكو
ذياب ليش مايجاوب ...سكت ماحجه بلعت ريكي خايفه..شهااب ذياب بيه شي

-لاتخافين بس تخربط.واخذته للمستشفئ. مو رجلج واحد يشلع الگلب بشر يگله اكعد تتخربط مايسمع الكلمه ...

.عفيه شهاب عليك الله مابيه شي
.كلشي مابيه هسه راح نجي والله

.سديت التلفون منه روحي تلوب فعلا يشلع الكلب اكو واحد مضروب طلقتين ويطلع لو يمه بان جان كالتله تقلد سلمان خان

فيروز:: الضهر ويا الصلاه اجت خلود ونور ودلال وياهن عزا بعينها ليش طلعتها فاتن مايحجن ويانا. نور وجهه ماينشاف ودلال التمشيها ..صاحت خلود تشمتن وكيفتن عبالجن ماتت كلشي مابيها ..سكتنا مينحجي وياها شي مريضه والله مو صاحيه ..

لمن رجعو الولد وعمه لمو الفلوس. ياخذون ابوه يتنازل وينطونهن اله كعدو على الحديده مليون مابقه عدهم وسياراتهم باعوهن كلهن بقت بس سيارة بابا بلبصره شهاب الجان ناوي يبني قطعته باعاها عمه كومه ذهب عدها كله راح وفدوه بس كون يرجعلي اصهب ...اشويه وراحو علمود الدعوه ..

خلود ودلال اخذهن حيدر ابن دلال الواحد يسوي علاج طبيعي خاص بلحروق.وهوا اصلا مو دكتور مدري شلون يأمنن هيج. ..ويا الصلاه يله رجعو

كال ذياب هاي هيه تنازلو هسه صارت سهله يوم يومين يطلع
.باوعتله عيوني مدمعه. بلع ريكه
.بس لاتخليني اشوف دموعج وحگ عيوونج كلشي يهون

-مسحت عيوني اهز براسي لا ما ابجي ..اجه يوسف جايب فلوس تخبل من لگاهم بايعين سياراتهم... بورا العشا ..من رجعن نور وخلود ..نصدمنا بسيارة شرطه ..طلعولها الولد وخلود طلعت من الغرفه تصيح هيج يله اطلعون من البيت

.دخل شهاب متخبل يريد يكتل خلود ويوسف لازمه تنسجن يمعود اركد ..من صدك صدمتنا
خابرو على محمد ابن عمه شيماء اخذو سيارته وسيارة يوسف بيك اب ...وطلعنا من العماره بليل عايفه وراي كل حياتي عايفه روحي هناا غمضت عيني والف حسبه ابالي. ..اسمع يوسف وذياب يحجون ويطلع وسهله بس كل هذا وانا گلبي رايح اريد الايام تمشي بسرعه بس اريد اشوفه گدام عيني

.وصلنا ب10:30 البيتنا ....دخلت لصاله ذياب مرتجي عليه فكت عينها بان تبجي حضنته تشهك وهوا مغمض عينه موجوع ..لماهن بحضنه ..يطمنهن...شهاب ركض البنته يبوسها ويشمها وليث يصيح والله بعد فلا ابقه ويا نسوان حتى طبخ خلني اطبخ

روز:: شبيج بعدج ضايجه فيروز..كالج ذياب لو باجر لو عگبه يطلع اصهب لاتنقهرين..هزت راسها ساكته ..كمت فرشت للولد بدوانيا ..ميتين قهر من نور بس ليث يضحكهم ..ويوسف شويه غير جو عليهم ...فرشت العمه والبنات بصاله وشهاب ونرجس بغرفة البنات .

.فتت الغرفتنا لكيت ذياب ينزع بقميصه سديت الباب مرتجيه عليه من اباوع الصدره وبطنه ملفوفات گلبي ينقبض.وغصب عني ينزلن دموعي سحبني الحضنه..اشش كافي دموع بعد ماريد اشوفجن تبجن كافي
.بسته بركبته ارجف ..اموت بدونك والله امووت

اسم الله عليج... روزايتي عمشتي كافي هاي اني كلشي مابيه. تعالي عقميهن الي

-مسحت دموعي تمدد وجعني گلبي حيل من. منظرهن رجعت لفيتهن اله مبتسم على رجفة ايدي ودموعي ..مادري بيج هلكد تحبيني

.خليت ايدي على رگبتي ..وسحبت نفس بحسره..ويا النفس انته من احس بيك متأذي النفس الاسحبه يوجع گلبي

-اروح فدوه الگلبج تعاي دنكي خلي اشمج
-دنكت رگبتي الوجهه باسني وشمني تذكرت الحمل ...ابتعدت كتله انا حامل

-هههه عاشت ايدي. شهم ماصارله خمس اشهر
-ابتسمت كال
.خوماتراجعتي
.لا والله ...تمددت يمه حسره بگلبي شگدها شلون راح نعيش ذياب

-مادام ماكاعدين بشارع وبيتنا ملك ..وعدنا وضيفه نعيش بخير لاتفكرين ..صح نتبهذل لان بيتنا صغير بس تنحل ان شاءالله

-الله كريم غمضت عيوني مفتقده هلأمان من فتره بس اريد انام براحه ..

فيروز:: متغطيه بلبطانيه واباوع بصوره وحده وحده مفتقدتك حيل شلون جنت اكول اكدر بدونك اكبر جذابه انا لاشي بدونك ..سحبت رجلي من حسيت احد داس عليها وخرت الغطا
اشوف بيان واكفه منحرجه...وين موليه دستيني

-اسفه مادري شسمه اصف جوعان ..رفعتلي حاجبها حتى وهيه ضايجه ماتفوتها همست خوش وكليه عدل ..طلعت كلبي يدك سريع عبالك راح اشوف صاحبي مو رجلي..اتختل من ذياب. فتت للمطبخ سد الباب ..حضنته. ..مشتاقتلك
.وانا ميت عليج. بله فكي ايدج خلشوف وجهج
.فكيت ايدي من رگبته. نزلت مبتسمه كرص خدي كال
.مو حاله هاي الجو بارد اريد مرتي ادفيني شنو انا بمكان وانتي بمكان.
تعال يمنا بصاله
.اي والله اجي بس كون امي نايمه استحي منها
.اي نايمه ..اخذته من ايده.الضوا خفيف شاف فيروز تتگلب ضربني على راسي يأشر عليها بدون صوت خاف تفز بعدنا ماواصلين فراشي كعدت على حيلها وكفنا نباوعلها وهيه تباوعلنا هزت ايدها اوكفت

.كبور جنكم حراميه
اصف:: ترا بارده اريد ادفه
-احضن الهيتر وتدفه
-لا عدي مرتي
-انطمر بالمطبخ
-ثلج
بيان:: كرصته يسكت ابتسمت فيروز  وطلعت

.تمددت بحضنه دافنه وجهي بصدره ورجليه فوگ رجليه كال
-ادري اخطبوط انتي خليني اشوف ابوس اشم جا هيج هيه
-ابتعدت اضحك سد حلكي
.خرب يومج راح دكعدين امي وهيه منا محروك گلبها تطردني وعلي

-جا انته ليش ما محترگ كلبك من السوته نور
-لا طبعا محروك حرك بس ..احس ربي عاقبها وعاقب امها وخليها تتهنه. بلبيت احنه هم مانريده واصهب باجر عگبه يطلع والحمدالله على كل حال.

-خوش دفيني بردت..ضميت وجهي بركبته اضحك من يكزبر جسمه لو يرجف وهوا يغلط بصوت ناصي. لاتسوين هيج ماكدر ..ضم وجهه برگبتي ونام ..

فيروز:: كعدت بطارمه رغم الجو ثلج بس كلبي نار جريت نفس بغمج بس اريد العبره والحسره الخانكتني تروح. ..نص ساعه مرت احس جسمي يرجف ..رجعت اباوع بتلفون اكلب بالفيس وبحسابه جان مايمر ساعه اذا مافتح فيس .. اباوع بدون عقل ..طلع مقطع اغنيه لحسين الجسمي فگدتك يا اعزز الناس من اول كلمه سمعتها نرزلن دموعي

.طلعتها على اليوتيوب ..وكعدت اسمعلها
هيج صايره ضعيفه هيج دمعتي بسهوله تنزل
غمضت عيني وباالي كله يم كلمات الاغنيه
فزيت من حسيت احد گعد يمي ...مسحت دموعي بسرعه ...بعدك كاعد

ذياب-لاجنت نايم.وفزيت ..
-جريت التلفون طفيته سحب راسي على صدره بهدؤ
-ليش تبجين موحلفتلج يطلع ..ماتثقين بحجايتي
-بلعت ريكي مختنكه ..اثق بس ذياب انا تعبت احس بعد ماعندي طاقه تتحمل والله احس گلبي خلص مابقت مصيبه ما مرت على راسي اخر خساره طفلي

-يجي غيره ليش هيج شايله الدنيا على راسج
عليمن كليلي ..عليه شو انا بخير وكلشي مابيه على اصهب والله العظيم يوم يومين ويطلع يوسف باجر يرد للعمارة وانا بس اكمل الدوام اروح. بعد شكو على البيت بس نلم فلوس ونبني تحملن جم شهر لان محد بينا عده فلس

-عسئ مانگعد بخيمه بس.كون كلنا سوا وبخير مامهتمه للبيت والله ..كال تعالي يله بردت عبر ايده على جتفي ..يريد يوصلني لفراشي.وانا منحرجه لان ادري اصف.وبيان جوا فتح باب الصاله ..تمددت.باوع البان مخليه كتابها يم راسها ضحك ودار يدور على بيان غمضت عيني فشلانه من شفته شلون مركز باوعلي كال منو

-زوجها ..عوج.راسه يسوي ايبااه ..دفره برجله فز اصف
-كووم لك.كووك
-حتى هنا لحكتني الله اكبر...وحگ الزهره مرتي مررتي مو صاحبتي شبيك.حضي المصخم.يجيبك عليه

بيان::بقيت جوا البطانه كلبي يدك سريع من الفشله. مسويه نفسي نايمه ..رجع اصف نام حاضني يگل لذياب ما ما اكوم ..دنك ذياب يجر بيه بس ثنينهم يضحكون خنك خاف تفز عمه
دفعت اصف فشلانه ماريد يحضني. لمحني ذياب كاعده كال

-هنا الحجي ام خنيس نطمر يله ب3اكعدكم والله
اصف:: ديله عسئ ما ب2 بس ولي مني

فيروز:: باوعلي ذياب يضحك كل هلسالفه سواها علمود يضحكني فات الغرفته ورجعت لفراشي فزيت من حسيت حركه بلمطبخ ..كعدت ويا روز ...الساعه ب3:30راح يرحون. لدوام. صباح الخير

روز::صباح العافيه. شكعدج
-هوا كوا نمت. حضرت وياها ..دخلت راسي لصاله بان ماكو بفراشها ...بان وين

-مادري غير نايمه
-مشيت للغرفه مالكيتها..لفيت شالي عدل.وفتت لدوانيا بطرس موجود اشرتله اجالي .خازرته وين بان..بلع ريكه ساكت

بطرس::شنو.وين بان غير نايمه ..دخلت للبيت كلبي يدك سريع وينها تعاي شوفي الغرف فاتت فيروز للغرفه جاي اصيح على ذياب وشوف واير الهيتر داخل للحمام دفعت الباب طاير گلبي فكيت عيني مصدوم ..كل عقلج
كاعده بالحمام ادرسين ..مخليه الهيتر كدامها و وتدرس بدون صوت وكفت خجلانه وفيروز تهمس برزاله ادرسين بلحمام تخبلتييي

بان:: جا كلكم نايمين ماكدر اشغل الضوا..وين اروح اطير ..فيروز غمت كصتها وبجه شهم راحت تركض ..وبطرس يباوعلي مبتسم ..دخل للحمام وسد الباب رجعت ليورا ..وخر والله اصيح لذياب

-شدكليله
-اكله يريد يبوسني
-انا جاي ادرسج ماريد ابوسج ليش هيج تحجين تردين ابوسج
-خزرته ساكته هوا انا كل ما اشوفه يقشعر بدني وتذكر البوسه...وخر خلي اطلع يله ..صار على جهه مشيت اريد افتح الباب سحبني من ايدي على الحايط. فكيت عيني حيل. بطررس
همست عينه على شفتي
.عيونه
.شتريد

.ابوسج
.بلعت ريكي ساكته اباوع بوجهه ونفسي يرجف رفع عينه العيني همس امنعيني ..سكتت ارجف كلي. تقرب بهدؤؤ خله شفته على شفتي باسني وبتعد جريت نفس. ..اغلط على نفسي ليش ما امنعه ليش حابه هلشعور

-دخيل الله ودخيل عيونج اذا خدرت

-دفعت ايده من خصري دنكت اريد اشيل الهيتر واطلع ندك باب الحمام وصوت ذياب يهمس منو هنا..همس بطرس خرررب وكتك

.دمعن عيوني خفت من ارتباك بطرس دك الباب حيل رفعت ايدي ارجف فتحت الباب الكتاب ولهيتر بيدي فك عينه حيل مصدوم. ورفعن حواجبه بصدمه من شاف بطرس وراي

.هاي شنوو
بطرس:: وحق هذا الله الفوگي وفوگگ جانت تدرس هنا واني وفيروزه ندور عليها عبالنا مدري وين هاي كل السالفه لايروح بالك بعيد

بان:: دنكت ساكته اذا يسويلي بز ابجي. كال ذياب
.بان ..اطلعي.وانته ابقه ..
اخذت الهيتر والكتاب وطلعت ركض. اجت فيروز ..تسئل شكو

فيروز:: امداج وخري رحت للحمام فتحت الباب ..ذياب لازم بطرس جوا الماي البارد
ضحكت على منظرهم كاله
.كل ما الكاك يم بان اسبحك بماي بارد
بطرس: : ماصارت هاي بعد اسوي شي يستحق اتسبح عليه

فيروز:: ضحكت غاصه وذياب تخبل غط راسه بالانجانه ..طلع يرجف ..تفل عليه
.تف عليج اجيتي وياي اخذيها وطلعي  الا تخلينها يمي

.طبك وجع ليش تتحارش. باختي
.مو متحارش بموزنيلا هيه كلها كلها بان طيرة الفطره

.ومنو هاي موزنيلا
.ماعرفها هيج اسم اجه على بالي وحجيته
.سكتت منه اضحك راح يبدل ..جاي اجيبله منشقه نرجس وشهاب كاعدين يسولفون ويضحكون...يارب ماناقصنا غير اصهب ياارب احنا هنا وهوا وحده هناك

.تريكو الولد وطلعو الدوامهم.ولبنات راحن الاخر امتحان عدهن عمه خطيه بعدهي مقهوره وحقها محد يكدر يلومها اول شي ابنها مسجون ثاني شي نطردت من بيتها

كعدتنا يمها تذكرني بامي من جانت تشعل الصوبه وحنا داير مدايرها هسه هم كاعدين.بس اليختلف يمنا جهال شهم وجونيش وايهم ..خو جونيش ماطاحت من حضن عمه

بالعشره ونص ندك الباب كمت افتحه كالت بان اني فتحت الباب هاا مجاوبه
دخلت.وراها بيان كالن اي.مجاوبين مبتسمات جاي اسد الباب وندفع فكيت عيني شاهكه من شفت اصهب كدامي فات وسد الباب مبتسم
حضنته ابجي

-ااخ ولج.جسمي.مهدود
.ابتعدت ابوس.بوجهه. ودموعي تصب وبان تضحك ..همس
.كافي حبيبي البنات منا

مسح دموعي دخل لصاله يباوع العمه كاعده وجهال يمها منا ومنا ابتسم بس لمحته بجت ماكدرت دكوم كعد يمها حضنها يبوسها.وهيه تبجي
.يمعودات لو محكوم سنه سنتين شتسون

ام اصهب:: انا مالي گلب يحمل فراگ.واحد بيكم ربيت.وتعبت ومن تالي تروحون من كدام عيني اموتن

-اسم الله عليج حجيه الج طولة العمر
فيروز:: جابتله روز ماي اخذه منها يباوعلنا بحسره كال
من.وراي مابقالجن شي

روز:: المهم سلامتك خويه كلشي يتعوض

ام اصهب::شفت اختك شسوت
-والله يا يمه الصوج.بابوي من.سولفلي ذياب كلبي راد يوكف من القهر جا احنا بتعبنا وبفلوسنا فلشناه وبنينا ..شنهي يوكل نور على يا اساس ..بس هاي هيه وحگ موت الاخذه انا من هليوم متبري منها لا اختي ولا اعرفها لو اعرف الجلاب تنهش بلحمها مايرف گلبي بعد عليها

فيروز::  كوم حبيبي اسبح.ورتاح الله كريم هز راسه ساكت فات للحمام دخلت اجيبله ملابس دك تلفوني ..ذياب ابتسمت جابوته
-هااا رجعلج مثل ماوعدتج
-الله يخليك.ويديمك خيمه النا
-بعد روحي بنيتي يله يابه ديربالج عليه ولاتقهرينه ترا كوا متحمل وكلبه يوجعه

.ان شاءالله سديت التلفون منه اخذت ملابسي دكيت عليه الباب همس بتعب
.تعالي مفتوح
.فتت للحمام كاعد بس.بشورت علكت الملابس
اباوعله صافن ..اصهب
همم رفع عينه الي تحسرت
.روحي عمري لاتفكر بشي. هاي هيه نبدي من نقطة الصفر بحياة بعيده عن خيون ونور وسهام وكل الماشفنا منهم غير المشاكل

.هز راسه ساكت رفع عينه ميت قهر همس
.بس والله انا ماقصرت وياها بشي حتى على الولد ماجنت اقبل يضربونها. حتى من جانت عد زوجها. كل راس شهر اوديلها مصرف وكل عيد اشتري ملابس الها والجهالها
هسه حتى من گالولي احتركت احس گلبي حجر ماهتميت ابد

.هاي هيه انسه اعتبر البيت انباع علمود نطلعك. ونور ميته

-.وانتي هم صارت عندج جلطه هم طفلنا ..راح ...ولولد شهاب بايع قطعته واصف وبطرس وذياب كل فلس عدهم حطوه صفو حتى سياره ماعدهم ولج يرحون لشغل بسيارة عمي عامر كلهم واحنا جنه كل ثنين بسياره

-كعدت كدامه. حاضنه.وجهه ابين اديه ..نطيني شي واحد من العديتهم مايتعوض

.ترا بس الموت ماكو شي يعوض مكانه والف الحمد والشكر كلنا بخير .وكل خساراتنا بسلامتكم هيه ربح ..ابتسم بتعب ..خله ايده ورا راسي وتقرب باسني يهمس
.احبنج ريحانة روحي
.اعشگنك بلسم روحي .

.فتحت الماي وسبحته يضحك يگولي كل يوم اسوي نفسي تعبان ومريض حتى تسبحيني ..طلعت من الحمام قبله نرجس وروز يتغامزن ....دخلت للمطبخ اريد اسويله اكل ما مهتمه

نرجس:: عاد خليه يرتاح شبيكم مستعجلين
-درت عليها شنو ضحكت هيه.وروز
.وجع شبيجن ترا بس سبحته غيرر ميته انا ليش يروح بالجن لبعيد

روز:: ندري ندري نريد نضحكج..صدك فيروز ..شلون انام السالفه اتضحك ..البارحه اكول لذياب انخلي فيروز واصهب ياخذون غرفتنا يكول لو تموتين

.ههههه مانريد انام بدوانيا
نرجس:: انا وشهاب بغرفتنا هههههه
بيان::وانا واصف بسطح صدك تحجن هههههه

فيروز::ضحكت كملت اكل اصهب كعد يم عمه شهم بحضنه وجونيش بيده وايهم حاضنه من وراه منظرهم يخبل يلعبهم ويضحك ويا عمه
كعد ياكل وكلما اتذكر سالفة النومه اضحك ..
كعد ليث عيونه مورمه رزلته عمه يسهر كالها

.جا لاشغل لاعمل عاد نسهر ويا البنات. شلونك اصهب الحمدالله على سلامتك

-انجب من باجر اطلع دورلك شغله
-ولعباس طلعت قبل بيوم عود ادور شغل الشارع متروس بنات ضليت امشي وارقم جبت تلاثه

-ليش تخليني اخذ تلفونك
-اخذه اضل اصاحب بسطوح هسه انا احب البنات انتم ليش تضوجون

-كلتبن لك عرض العالم شنو تحب البنات
-تغار لان ماتكدر تصاحب حقك تخاف اذا انته متزوج القبضاي

فيروز::خزرته اضحك اليوم محد يكدر يضوجني ..جاب تلفونه واجه يمي طلع رقم واتساب ومحادثه. عززززا بعينك ..لا ليث عيب
جوارينااا يعرفونه شلون جبته

-ههههههه جبته شعليج
-غميته بكصته جبح هلوجهه هسه لو حلو ميخالف على شنو.تصاحب

.عزيزتي اهم شي الاخلاق وجمال السان

روز::ابو جمال السان روح جيبنا معجون عفيه
با وعلي رافع حاجبه

-هوا انا ما مطيح حضي ومخرب هيبتي غيرج كلساع وصاحت جيب بيض جيب معجون جيب بهارت الخدامه مالتكم كله صووج ذياب بطل يصيحلج عمشه

فيروز:: ركضت ورا روز بجفجير طلع يركض ..مرات احس ليث الكوميدي الوحيد بهل عائله صاحتلي روز غاصه من الضحك هيه والبنان بلمطبخ مدمعات ..شكو شبيجن ..رفعت التلفون بيان تريد تراويني محادثه وتضحك ماتكدر اخذته من ايدها اضحك. اقرا وحلكي مشكوك. اصف كاتبلها

افرشيلنا بلمطبخ يمعوده هم قابل اذا ماكو حتى لو بسطح ونتغطا بهواي بطاطين ترا طك كلبي لو انا اكلج شتسوين اطردي نرجس من الغرفه خلي يأجرونها النا بسبوع يومين يلكعبه عريس محروم والله

-باوعت البيان اضحك ..صدك لج..انتو من العرس مو هزت راسها اي خجلانه..خطيه الرجال طاحضج

روز::والله انا عندي حل صدك..فيروز انتي واصهب نامو بدوانيا واصف وبيان بصاله هاي
ونرجس وشهاب بلغرفه.وعمه وبان وليث وبطرس نفرشلهم بلموزع من نسد الباب ونشغل الهيتر يصير دافي ترا

-يتخبل ذياب بطرس ينام بنفس المكان يم بان ياخذ بان ينومها يمكم وميخليها
-ههههههه

بيان:: صفنت ساكته ومبتسمه كلبي ينغزني صح تعودت على بوساته وحضنه بس من اتذكر السالفه يقشعر بدني ..سوينا غدا وضحكنا واصل الوين رغم جان ذاك البيت كلش جبير ..بس ابد مافرحنا بيه ورغم هذا البيت كلش صغير وماعدهم لاسيارات ولافلوس نضحك ..المه شكد حلوه...ل2 يله اجو الولد

دمعن عيوني من كام اصهب حضن ذياب وعيونه مغرغرات ..وعمه تدعي.الله يحفظهم البعض ..كعدو مختنكين وصوتهم مبين خانككته العبره..رحنا صبيا الغدا
وكعدنا نسولف ونضحك من جد كعدتنا ماتتعوض..بكل مال الدنيا

بان::كمت من مكاني باوعلي ذياب كعدت يمه خازره بطرس
ذياب::شبيج
-كل ما اسويلي حفره بلتمن يخربها...ضحكو بصوت عالي ..خزرت بطرس بزعل انا بطني قبل گلبي عبالك احبك اخليك تاكل من صحني

فيروز::لاصتها ورب الكعبه...اصف طلع التمن من خشمه.ولولد يضحكون سكته دار عليها ذياب كالها

.اذا مرة الثانيه كتيله كدامي احبك ماسويلج شي بس اطيح حضه
بطرس::خاب. دسكت ولعباس ماسامعها هستوني سمعتها اسكت اسكت عوديها طيرة الفطره
ذياب': انجب كلها بان لاتضل تطلعلها القاب

اصهب::ريحانتي انطيني كلاص ماي

فيروز::باوعت لاصهب غاصه شهاب كبل باوع النرجس سوالها بوسه وكالها تينتي واصف كال البيان احبج شيرازيتي ...

متنا ضحك وذياب يصيح
هوا انااا حماااار انا زمال مادرري بيكم كو.اويد وزوجتهن الكم همزين لحكت على بان بطلت مازوجها البطرس

بطرس: : جا هيه تفتر تفتر وترجع على بطرس هلمسكين انته وين تلكه نسيب مثلي

فيروز:: بس شربو الجاي نامو بقينا احنا بصاله
اباوع البيان جابت خيط حفيتها ودخلت سبحت وخلت مكياج ..شجعتهاا اصف يستاهل ادلله مو بس تكشخله محد تعذب بالحب كده

لليل قبل لا احنا نحجي عمه كالت افرشن هنا وهنا ..فرشتلنا انا.واصهب بدوانيا لان السالفه مطوله مو مال يوم ويومين ..رحت البيان.واكفه ويا روز بلمطبخ مستحيه ..باوعي هيه مو اول مره صح وحقج تخجلين بس انتي تعودتي عليه
صارلج شكد تنامين بحضنه وشوفي شكدد صبر وياج.وتحمل خطيه ترا كل رجال
يحب من صدك راحته بحضن اليحبها لاتحرمين اصف من هلشي

بيان::دنكت ساكته مادري ليش من صارت صدك تراجعت وترددت تذكرت ليلة زواجنا ومعاملته الي ..بقن يحجن وياي بساعه ولبيت هدؤ

..فتت لصاله كلبي يدك سريع قفلت الباب اباوعله بفراشه نايم على بطنه.  سحبت نفس
ليش هلكد متوتره مو يوميه انا بحضنه ..طفيت الاضويه ..نزعت دشداشتي بقيت بسيت نوم الف مره اتردد البسه ..رجعت اريد البس الدشداشه وتذكر حجاية فيروز ..تمشيت بخطوات ثگيله..كلبي يريد يطلع من مكانه ..سحبت الغطا وتمددت بصفه ساكته.غمضت عيني من نگلب همس
.تأخرتي
. احم جنت يم البنات ..مد ايده يريد يحضني استغرب ملمس ملابسي. رفع ايده يتحسس زنودي جريت نفس روحي راحت. سحبني الحضنه متحسر
.بيان اسسف واتمنئ تنسين اول مره تقربتلج بيها لو بيدي امحيها ورجع حرمت نفسي وحرمتج منها. ...همست مختنكه...احلف ماترجع تعاملني هيج ..
.وحگ عيونج الضيعني ماتنعاد ..انسيها لاتذكرينها اعتبري هاي اول مره ابينا.  شيرازيتي
.همم عضيت شفتي متقلصه كلي تقرب يبوس خدودي عفت شفتي باسني بهدؤؤ ونزل يبوس ركبتي وجوا ربكتي لمساته هادئه وبكل لمسه يهمس احبج شيرازيتي. ياراحتي.  .يسحب ملابس بهدؤ دنك الشفتي. يهمس بوسيني احضنيني  لاتستسلمين بس الي خليج وياي
عبرت ايدي على ركبته. رفعت راسي ابوس صدره تنهد بحسره ..وزع بوسات متفرقه ..حسيتت بوجع بس خفيف ..دلغمت من اتذكرت موضوع الاطفال وهوا يبوس .بيدي ويهمس بصوت ناصي...بس هلمره
.ماحسيت بوجع قوي
.جا شبيج ضجتي
.لا حضنته احبك اصف. حضني بقوه يبوس براسي
.احبنج. ...

.....
فيروز::مرن كم يون اصهب احسه الهسه مطالع من صدمة نور دائما مقهور وضايج وحتى ذياب احسه مختنك بلمدينه الولد بدو يطلعون ويا ولد بيت خاله شهلاء حموينها وزوجها تصادقو
رغم احس اصهب ضايج وذياب مختنك بس حياتنا حلوه
بان وبطرس وعركهم اليخرب ضحك يكلها ماتعرفين تحبين زعطوطه وهيه تنجن اعلمك اذا تريد علحب ...
حب بيان واصف الهسه يله بدو يعيشونه بادق تفاصيله يرجع من الدوام يطلعون يفترون وترجع متونسه ويافرحتي من اشوف ضحكتها

نرجس وشهاب اليتعاركون لان يكلها بعد اسمي بنتي تينه يغور بيها وهيه متخبله عليه وتغار بشكل بحيث مكالمه مايحجي بعيد عنها حتى لو ويا مديره بشغل يحجي يمها وهوا مكيف بغيرتها
اما روز وذياب موضوع اخر ..كلساع اسويلهم كبسه لو الكاهم بطارمه لو بالمطبخ ذياب كرهني كد ما اطلع بوجهه

ليث المابطل مصادقات وجذب اذا اطلع للحمام بليل الكاه كاعد بطارمه بيده كلاص جاي وتلفونه على اذنه جاي وجذب ساعه يكلهن انا بلحشد ساعه مدير اعمال ساعه معيش اهلي وانا بس هلواحد المصيبه بس وحده تضوجه  يكلها انا اجدي بتقاطع يتيم. ابوي مات بحرب ايران وامي ازوجت وعمامي شمروني تقبلين بيه ..هاي هيه ولي يله بربوك بعد لاتخابرين ولد مودكولين اهلي ما مقصرين وياي ليش تخابرين ولد ..انجبي انجبي بربوك  ...بلوك الجهرتج تذكرين من كتلج جنج كمر جذب بلعباس شكلج يسد النفس ....اي عيني احذفهن احذفهن بس ولي يله.الوصخه شهر ماتسبحين شعر اديج اثخن من شاربي

-هاي مره طلعت وسجلته كعدت اصبح اسمعه للبنات ميتين ضحك ..ولود مجازين ماكعدناهم من وكت ..بس ذياب راح لسوك ..لمن اجه جايب كومه معقمات وكلور وكمامات ..خايف من كورونا بدت تنتشر

واكف على راسنا مادخلن شي لثلاجه اذا ماتغسلنا ..صار بس روح اكعد احنا نغسله

.لا اغسلنه وانا اروح ماكعدتي رجلج
.لاعيني تعبان خليه يرتاح ضربني على راسي يقلد عليه. راح كعد يم عمه. بان وبيان كاعدات مقابيله يدرسن بيان دكلها ماكو دوام المن ندرس وبان دكلها انا اصيرلج مدرسه.وناخذ تحاضير مثل المدرسه ..جانت مخبله مال دراسة

مرات تنام ب8 وذياب يتخبل اذا لكاها نايمه بدون عشا شلون خليتنها تنام ومامتعشيه يروح يجبلها من المطعم.بس الها عود يحرك بگلبنا لان خليناها تنام يكعدها ياكل هوا وياها وترجع تنام تكعد ب3 تروح الاصف وبيان دكعدها سحل غصبا عليها تخليها تدرس

بطرس كلش وكف وياها بهلفترا. اشوفه كل حجيه.وياها عن الدراسه.ويجبلها ملازم واسئله يمكن خاف يأثر عليها وماطلع معدل
..
وهيه حتى تغيرت من كد ماتدرس حيل تعبت
الولد خافو على عمه لان همه يداومون ماكعدو من شغلهم.وهيه صحتها موتمام ضغط.وسكر خافو يجبولها كورونا جانو كلش متشددين كمامه وجفون..ويغسلون بطارمه يله يدخلون للبيت لمن اجو بيوم وجوهم مايكصها السيف كلنا خفنا نسئل شكو

صبينالهم تغدو اصهب ماقبل ياكل راح لدوانيا رحت وراه تمدد ايده على راسه
.رحت الحضنه ساكته ماله خلك حتى يحضني
حبيبي شكو
ماكو شي
.سكتت .محتاره ..عبر ايده على خصري تحسر بقهر. همس

.نور بايعه البيت والكاع ضحك عليها رجلها
.ختولي واذا باعت شعليك
.انقهر فيروزه كاعنا وتعبنا والمكان النولدنا وتربينا بيه
.بس مارتاحينا بيه. خيولي
.ولج انا مصدوم رجلها جان خوش رجال ليش هيج تغير
-الفلوس تغير

-بايع البيت وبانيلها مشتمل يم بيت اهله هيه وامها هسه يومين ويطرد امها وتاكل تبن

.طبها مرض
.مرضين هاي هيه
.لاتضوج..تنهد بقهر..طلعانه روحه ..تقربت ابوسه بصدره غمض عينه مستلسم. بسته بركبته بلعت ريكه. ابتسمت. بعدك ترجف يمي
.شفتي شلون هههه والله بلمسه منج احس نفسي اشتعل وانطفي
.حضنته اضحك. وهاي اول مره يتقربلي بعد ما. سقطت

..
روز::متت من القهر على عرس يوسف صار سكته  لاحفله ولاشي ولا رحنا. لان اساسا حضر بس الولد جانو يرحون الشغلهم اباجات الدوام
بطني بدت تكبر وشهم.وايهم شالعين گلبي ايهم
يحب شهم بس يغار
بيان عينها دائما على بطني ردتها تحس بكلشي اصيحلها دائما اخلي ايدها على بطني ابنج هنا
لو اكلها المفروض على كل يوم تنطيني الف شايله ابنج ابطن كلمات من احجيهن احس بفرحتها مرات انتبهه حتى اصف يباوع البطني
اول شهر كلها خايفه من كورونا نوب ضربوها عرض الحايط محد اهتم

كل حياتنا ماشيه حلوه.وتمام.عمه بدت تتعود ابد مانخليها تشتغل تكعد وجهال يمها .وخاله شهلاء تجي تسولف وياها وفرحانين بهلشي .. كالو عرس بطرس وبان بس تنجح من السادس
.واحنا من هسه متحضريله ..رغم كالو بيناتنا لان حضر وممنوع.

كبر شهم وكبر البطني وياه ثگلت حركتي ..كالت فيروز نروح لدكتوره انا هم اشك بنفسي حامل
اخذنا بيان ويانا علموود تشوفه بسونار
وذياب واكفلنا بلباب كمامه جفوف معقم لاتلامسن لا تلزمن اي شي..اخذناا ويوصي
خلصن بسرعة ..دخلت لدكتوره سوت سونار
بيان تباوع ودموعها على خدها تكسر الگلب كالت بيج بنيه..ضحكت بيان كبل كالت شسميهاا
.مادري بعد ثلث اشهر اشهر اختاريلج اسم انتي واصف

فيروز::خلوني انا اسميها شبيكم..عيبت عليه بيان تضحك فرحانه ودموعها على خدها
بدون تحليل ادري بدروحي حامل بس ردت اتأكد رجعنا ويا ذياب يضحك كال

.هاي بعد سنه من صدك البيت مايكفيناا. .متحلفات انتن
.اي اني بس اجيب احبل مرة الخ
.عاادي يابه هيج كون يصيرون فد 16طفل وكلهم يصيحون خالو

.ههههه انا اخلي نص بنص نص يصحلك خالو ونص عمو ..رجعنا للبيت..بيان تكمز اصف. حتجينا بنيه
اصف::هههههه شبيج.ولج
بيان::شنسميها خلبت ايدي بحلكي افكر وهمه يضحكون عليه مايدرن احس نفسي انا الحامل بيها حبيتها وهيه بعدهي ابطن روز كال اصف

.نسميها شيراز

.باوعتله مبتسمه ولولد يصفگوله.حضنته اضحك وذياب يصيح

الا كدااامي الا كدددامي ابتعدت وهمه يضحكون صاحت بان
تعاالي يله ادرسي
كعدت يمها. ادرس.وضحك حيل فرحانه ..

نرجس::حبي يمكن انا هم حامل. فك عينه حيل ضحكت جذب جذب اريد اصدمك

.لا بداعتي مو هسه شنو انا من جونيش ضجت اخذتج مني

.اي احسن حتى  بعد لادكلها تينتي  ..دنك عليها يبوسها .تينة ابوها فدوه اروحلهاا عيبت عليه وكمت ويا البنات نحضر العشا ونباوع من الشباك فيروز واصهب بطارمه ..يسولفون نوب حضنها ضحكنا حيل باوعلنا اصهب وبتعد منحرج.فيروز تأشرلنا بيدها انا الجن ..دخلت تضحك

-جلبات شبيجن
.اوجع الا بطارمه
.بكيفناا. اكلجن ليش احسهم ضامين علينا شي شو امس لكيتهم يسولفون بدوانيا من اجييت يمهم سكتو ومساع هم اسمعهم بطارمه يحجون من شافوني سكتو

روز::يجوز على الدوام شبيج
.مدري ..سكتت مرن هلكم شهر وبدت بان وبيان يمتحنن..تعقدن خو بان صارت تخوف النهار كله كتابها وتفتر وذياب وبطرس ينگلون عليها حلويات الكه بطرس كاعد وياها قبل لايروح الدوامه من اصعب الفترات المرت علينا ..فترت امتحاناتهن ..الحد اخر امتحان رجعن كبل نامن منا للخمسه العصر من اجو الولد كعدهن ذياب

بدلو وطلعهن يتونسن ويغيرن جو اخذوهن على الشط لان المدينه مقفوله.. تعبن حيل بكل خطوه ادعي ربي مايضيع تعبهن .روز على ابواب ولاده وانا ماقبلت اسوي سونار وشوف بنيه لو ولد.شو عجبني ابقيه هيج ..لمن رجعو ..بديت ارجع اشوف بطرس يتقرب البان بس بحدود ..الكاهم كاعدين يسولفون لو متمدد على رجليها احسها تغيرت بدت تفهم تغار وتتعارك وياه ..اذا تأخر ما اجه ماتنام والمصيبه الاكبر ماتستحي من ذياب اذا كاعد ناكل ..تشيل من ماعونها تنطي البطرس هاك حبيبي لو دكله احبك كدامه تخليه يشيط ولولد يضحكون عليه

بفترة.كورونا ملل وكلش قليل طلعه كلشي محضور. اشوف بيان بهلفترا حتى شغل بلبيت قليل تشتغل نهار كله بتلفون..خفت مادري ليش
اجيت بيوم لكيتها متمدده تلفون بيدها وعيونها تصب
عززا شكوو
غطت وجها بيدها تشهك وتهمس. ماتت رويده
صخااام يارويده
.بت شدن
.ياااشدن بت الاوادم خبلتيني
.اعصابي ضلت ترجف هبطتني تالي طلعت تقرا قصه ..اجن البنات يضحكن عليها ..نزلنا البرنامج كلنا وقرينا نفس القصه الهيه قرتها ...كلنا منسدحين ونقرا لا نشتغل لا مسوين غدا. صاحت عمه

-كومن ولجن راح يجون ازلامجن ونتن تبحوشن بتلفون مادكومن
.شافتنا كلنا دموعنا تصب تخبلت شنهي شكو ..كعدنا سولفنالها القصه ..طلعت لطارمه شويه ورجعت بيدها الماسحه...كومن. الشغلجن احسلجن
كمنا نركض ونضحك .وكل سالفتنا بالقصه
كالت بيان نراسل الكاتبه تكتب قصتنا بلبدايه ترددنا بعدين تواصلنا ويا ايلول وقررنا نكتبها

.اتصلت عمه شيماء تحجي وياعمه كملنا الغدا صاحت تعالن اسمعن
ام اصهب::رجل نور طارد خلود وراده ويا اخوتها حال الضيم حالها
.ونور ضحك عليها ماخذ الفلوس والبيت البانيه الها يم اهله طلع بسمه مو باسمها وماكله تبن دكول عمتجن صايره خدامه الشريجتها

فيروز::  خاف دكولن حرام بس والله هسه احس ارتاح كلبي..ربي لايراويها الراحه مثل ماعذبتنا
مدري على شنو نزلن دموعي وانا اتذكر العشناه
سكتت من شفت بان وبيان يلوجن. على اساس اليوم نتائج ...وكلش خايفات ..رجعو الولد من شغلهم. سامعين بنور وماهتمو سكتو
ثاني يوم مجازين وعلى اساس ذياب دوام بس من شاف روز موجوعه اخذ اجازه ..انشرن النتائج ..وكعدنا كلنا انا من يمي ارجف وباوع البنات كعدن يدعن خايفات واكثر واحد حسيته خايف ذياب ..ماقبل يطلع النتيجه هوا ...شهاب يدورها ..كال بان وسكت اخذ كلبنه نتر ذياب

احجييي يابه وكفت كلبي انااا

شهاب ::هههههه بطله دكتورتنا والله 99;

فيروز::شهكت بان تبجي. وبيان مغمضه عيونها تدعي كالها

.87 بيان

حضنهن ذياب يبوسهن ويكلهن يرفعة.راسي حتى نتيجة بيان جانت كلش مفرحه النا.
وروز الرعنه مالكت وقت تولد بيه غير بهليوم
اخذنها للمستشفئ بيان.واصف ويانا
من اسمعها تصرخ اخااف ..لمن ولدت خلو البنيه بلخدج كالو شويه تعبانه اباوع اصف وبيان مكابلين غرفة الخدج وكاعدين يكسرون الگلب

ساعات ونطونياها ..اصف شايلها وبيان تبجي
اخذها ذياب بس كبر باذنها ونطاها الهم. ومن هليوم سجلوها باسمهم ..بيان ماقبلت تخليها على حليب تخلب روز ترضعها وتاخذها يمها وكلش هواي تعوفها بحضن روز عود روز دكلها لا اخذيها خلي تتعود عليج بس ماتقبل دكلها اصلا اخليها دكلج ماما ...

كلنا فرحانين راح نحضر العرس بطرس وبان فجاءه ذياب كال مو هسه اصبرو مجنه فاهمين شي ومن نسئل مايحجون ..اجو بيوم كالو تعالن
شكو وين مندري. صعدنا ويا ذياب وهمه اجو ورانا ..مشت السياره هواي الحد ما وصلنا المنطقه زراعيه ..نزلنا يم بيت عالي طابقين الضحكه مرسومه على وجوهم كال اصهب

بيتنا الجديد
.باوعتله مبتسمه جذذب
ذياب::والله العظيم بيتنا ..اداينا ورواتبنا هلجم شهر وشترينا

.دخلنا للبيت فرحانات موكلش جبير بس كلش حلو وغرفه على عددنا ..صاله وديوان صغار مرتبات يابه الفرحه الاني بيها مسايعتني ...باسرع وقت فرشناه ونتقلنا بيه بس خاله شهلاء ضاجت حلفلها ذياب كلما تريد تجي يمر هوا يجبها النا ....بدينا نحضر العرس بان وبطرس. اشوفها طايره من الفرح وهيه الماقبلت تسوي حنه صارت ام بيت وتخاف على فلوس رجلها ..بيوم عرسها عندي وجع موطبيعي. اباوعلها ودموعي ينزلن

بان:: عفيه لاتبجين شو انا وياجن بنفس البيت قابل وين رايحه..مسحت دموعها ..كالت
.هاي اخر وحده من بنات جنيش تودع العزوبيه
.سكتت متوتره ..حيل حبيته البطرس بس حيل خايفه من حجي فيروز وروز ..مجانت اكو زفه مجرد سيارتين. وبيت خاله شهلاء وكم شخص كلش صغير عرسنا بحيث بس غطيت زنودي وبقينا سواا موكلمن وحده ..لمن صعدني البنات للغرفه لا عاد لهنا وكافي

.اخذني وياجن بطلت
روز:: دنجبي اليوم يومك يابطل
-بااعيلها فيروز تخوووف بيه
فيروز::شبيج كله جذب اصلا ولاتخوف معليج بيها

-كامن يردن يطلعن جلبت بيدها ارجف كالت ولج فضحتينا ترا يطلكج ..عافني وطلعن. قفلت الباب ركض ركض بدلت. لبست دشداشه وكفت كدام المرايه امسح بلمكياج ...ندك الباب خرطت العافيه
.اوكف هسه اجي

ولج افتحيلي الباب يمعوده
.اوكف شبيك هسه
.بان مو وكت قفلاتج

.لا تلح شبيك ..باوعت وجهي مابيه ولاقطرة.مكياج سحبت نفس بغمج.وفتحت الباب ..دخل يباوعلي فاك حلكه

.هاي ليش هيج
.هزيت راسي اعصاب مادري شبيه. شكو. ابتسم قفل الباب يضحك
.ليش معصبه
.شعلك انته

.خرب ضحك
.انلام من اكول طيرة الفطره
.سكتت اباوعله ونصي جابو العشاا..شويه فكيت اكلت براحه ضحكت وياه وسولفت نسيت الموضوع. ..

كملنا وكفت كدام المرايه اخذت كلنس امسح بعيوني بعد بيهن كحل وحجي وياه منطلقه عبالك فيروز كدامي
والله قوي هذا الكحل تشلعن عيوني وهوا مايطيح..سكتت بلعت ريكي من حضني من خصري ..بطرس
.عيونه
.سكتت مقشعر بدني من شواربه الصارو بركبتي.
سحبني لجربايه

.جريت ايدي منه تقرب حضني
.تخافين مني بان
.بلعت زيكي حاضنته ما اخاف اصلأ اأمن بحضنك
.ليش هيج تسوين اجمل ليله بعمرنا هاي
.سكتت طفا الاضويه تمددت بحضنه ..تقرب يبوسني ....ضحك همس
هوا انتي من بوسه تموعين ادري بيج
جريت نفس  واحس بكل لمساته بس مدفعته.
بهلساعه  ملكني  روح وجسد. ..ضعت بيده بهدووء بغزله..احس ودعت بان الطفله ..من اجمل ايام عمري ..كمل وبتعد باسني بكصتي
.الف مبروك دكتورتي
.فيروز:: رغم بساطة عرس بان بس جان اجمل عرس بينا كلنا لان كلنا فرحانات ..ثاني يوم زواجها ..ولدت ولد سماه اصهب علي