ثأرهم وبنات المسيحية

البارت 65

insta: ho.sa105

𖦹 𖦹 𖦹 𖦹𖦹 𖦹 𖦹 𖦹𖦹 𖦹 𖦹 𖦹𖦹 𖦹 𖦹 𖦹𖦹 𖦹 𖦹

حبني،
‏حتى امطر شكو بروحي محنة بگاع روحك،
‏حبني، حتى ارسم الدنيا شلون ما رادت جروحك،.
‏حتى كلما اشمك اعشگ روحي بيك،
‏وحتى تزغرلي طفل،
‏واكبر،
‏والوحك

...........................

مسحت دموعي وكمت. اباوع بالمرايه عيوني حمر ومرمات. ضفرت شعري ايدي ترجف فتحت
الجراره ادور مكص مالكيت
رجعت الغرفتنا طلعت المكص ورحت الغرفته ماعرف هوا وين ...رغم شكد احب الشعر الطويل ..بس ماريده كد ماشفت الكسره بعيون اصف كد ماكرهتهه

كلبي يوجعني.ويا كل نظره الشعري
جريت الكصيبه ايدي ترجف كصيتها من يم متني واحس المكص يمشي بگلبي مو بشعري
اباوعلها بيدي وارجف مسحت دموعي كمت على حيلي خليت كصيبتي على الجربايه والمكص بصفها

جريت نفس احاول ابني شكو شي.متهدم بداخلي بس شيفيد

شيجبرها كسره البروحي .

حجايات اصف تتردد بعقلي وكلبي ينمرد
باوعت بالمرايه اميل بشعري بعد ماينضفر حد وحد ويا متني غمضت عيني نار تاكل بگلبي
مسحت دموعي وطلعت دخلت لفراشي لامه رجليه على گلبي ..
دموعي يحركن وجهي ونار تاكل بروحي
ابجي بدون صوت شكد تمنيت اغمض عيني وبعد ماكعد ...

اصف :: فزيت من وصلت جمرة الجكاره الاصبعي طفيتها اريد اكوم حيلي مهدود

الومها وادري مالها ذنب ومن حركه البروحي ارد عليها.. ليش
كل الاتمناه حمزه ياخذه ..
احترك.ونطفي من اتخيله فك شعرها لزمهاا شافهاا وهيه باسمي مرتي ..

.كمت غسلت وجهي وصعدت كون مالكاها
بالغرفه كلما اشوفها
اتخيل حمزه شلون شافهاا

دخلت للغرفه عيوني ادورهاا ها يگلبي السبع
مو هستوك تتمنئ ماتلگاها ليش دكاتك تزيد ودر بلكن تلمح خيالها

نزعت قميصي اريد انام كون مافكر بشي
رحت لجربايه بلعت ريكي واحس النفس ثگل وانا اشوف كصيبتها الروحي بيها
عايفتهاا وبصفها المكص
مديت ايدي متردد
جريتهااا كعدت على حيلي . راسي نمل وجع بگلبي يهد جبال شسووويت انا شلون حاجيتهاا هيج

خليتهاا على وجهي اشمها بكل قوتي
شلون كصيتيها شلون اطاج گلبج
الهدرجه اذيتج بحجيي وكصيتي شعرج.
جذذب والله جذذذب ماكرهه شي بيج انا روحي معلگه بروحج بتفاصيلج بعيونج بنبرة صوتج  بممشاج ..شكره منج يا ضياع اصف

بيان::مسحت على گلبي وجع فضيع كلما اخلي ايدي على شعري ابجي. نفتح باب الغرفه فجأة وخرت الغطا من وجهي اباوع ضلمه بس من صوته عرفته اصف بس كال بيان
اجه بسرعه جر الغطا وسحبني من ايدي كمت ويا بدون ما احجي حرف
يسحبني ورا الغرفته. رخيت جسمي خطوتي تتبع خطوته