ثأرهم وبنات المسيحية

البارت69 -                 
                                         

مساء الخير ...

             

                     

insta: ho.sa105 للتواصل

                     

𖦹 𖦹 𖦹 𖦹𖦹 𖦹 𖦹 𖦹𖦹 𖦹 𖦹 𖦹𖦹 𖦹 𖦹 𖦹𖦹 𖦹 𖦹

                     

نَدم ع الماعرَف گدري ..
‏نَدم ع القَدَّست عذره ، ورفَض عذري…

                     

.........
رجعتي ياغمج.ذياب
ولخلقج احبنج ..

                     

بوس ايدي هوايه.غطاني.وراح تمدد
بمكانه.منطيني ضهره. ..اذا ماخليتك تعض اصابيك ندم ياذياب بسيطه. .

                     

كمت ماكدرت انام يمه لو اني لو هوا بالغرفه
طلعت اريد افوت الغرفة البنات لكيت شهاب
فاتح الباب على كيف يباوع النرجس مقابيله كلش التفت من طلعت اني. سد الباب يباوعلي

                     

.شلونك شهاب
.جر حسره. الحمدالله شو كاعده بيج شي
.ها لا اجيت يم البنات . كعد على حيله اباب الغرفه صوته اختنك كوه يحجي ...
بس فهمنني شبيها ليش جاي تسوي هيج ولج والله بكلمه ماضوجها اني اذا صارت ابينا لغوه حتى لو هيه غلطانه اجي اعتذر ماكدر اخليها ضايجه ليش نفرت مني .

                     

.كعدت على بايات الدرج مقابيله. ماعرف شحجي واواسيه يحجي ميت من القهر
.الله كريم. كوم نام ورب العالمين ماينسه عبده .
هز راسه ساكت
كام حاني ضهره يكسر الگلب فات الغرفته
رجعت دخلت يم البنات كلهن نايمات
تمددت بصف ايهم حاضنته يروحي،انته يا اجمل شي،بحياتي

                     

سمعت حركه يمي وصوت البنات بس مابيه اكوم بقيت مغمضه عيني،لمن سمعت ايهم يبجي وفيروز تحاجي ..وخرت الغطا مني اباوعله ناط من البجي

                     

ايهم حبيبي التفتلي يشهك بس،شافني اجاني،يركض يبجي ويرجف حاضني
يمه يروحي ايهومي
راح انتي ماكو باي ..جريته الحضني ابوس،بيه رجعت يضي عيني ماروح بعد
مجلب بيه بقوته يبجي .ويصيح روح انتي ماكو راح باي ..روحي راحت عليه كد مابجه

                     

فيروز:'كافي ايهم لاتبجي تروح ..شبكها يباوعلي يبجي مبرطم صارت خبط ددموعه وخشمه
صحت ايععع باع وجهك شصار اضحك عليه

                     

.لافيروز لادكليله هيج بعد ماعوفك تعال نگوم نغسل ..مسحت ووجهه اباوع النرجس،شلونج
هزت راسها مبتسمه بس عيونها ذبلانه حيل

                     

.الحمدالله اكلج شوكت اعرف بيه بنيه لو ولد
.ههههه مادري ثلث اشهر يمكن عضت شفتها بفرح تفكر

                     

.اووي كون بنيه وسمينه مدفشه وبيضه مثل ابوها. وشعرها بلون شعرج وعيونها كون بلون عين بيان الخضره وخدود بان. وهيج اسويلها شعرها عنوزات منا ومنا اوووي اشبعها عض

                     

فيروز:: بعد انا ماطلبتي شي من شخصيتي البنتج ..ضحكت حاضنه البطانيا على گلبها تصفن وتضحك وحدهاا ...شهاب واصهب وذياب راحو  الدوامهم. شهاب  طلع ويوصي بالج عليها فدوه فيروز خاف يصير شي بس خابريني اجي
بطرس اخذ اصف للمستشفئ.ومناك يرحون لدوام اصف لان مقيدين عقده ...

                                 

             
                   

غسلنا وبقينا بالغرفه فرحانين بيها تضحك وايهم حتى ميقبل ينزل من حضن روز اجت عمه خطيه مسويه ريوگ هيه خلت الصينيه بالگاع شكد احب هاي اللمه تذكرني باهلي

من تگعد عمه هيه تصب جاي واحنا داير مداير الصينيه
راسا اتذكر حياتنا قبل
ضحكنا رزايل ماما النا حتى تفاهتنا اشتاقيتلها
من جنه نتعارك على الصمونه
وحده دكل لثانيه اني لزمتها بالاول اخذي غيرها
ومحد بينا تتنازل تذكرت الموقف من اني وروز ثنينا صارت ايدنا على نفس الصمونه كصمتها بنص نطتني اوكلت ايهم بدون ماتنتبه
ماتدري بيه وين رحت بتفكيري
ااخ لو يرجع الوكت لو ميته ولا قابلين نجي لهنا
ساعة السوده يوم الاجينا شحلصنا خسرنا اهلنا
اوحدتنا همها يهد جبال الشي الوحيد الربحناه

عمه ام اصهب وطيبة گلبها حنيتها وخوفها علينا حتى اذا صارت مشكله ترزل الولد متحاجينا ابسط شي من بيان كصت شعرها لامت اصف
كله منه هوا الضغط على البنيه

اخو مثل الجبل محتمين بيه ودام هوا بضهرنا مأمنين  ..وزوج لو الف الكون مالكه مثله مو بس عن اصهب  حتى شهاب
رغم اعرف شكد يحبها النرجس بس من تمرضت وشفته شكد خايف عليها الدرجه ينزل دمعته كدام الكل بدون مايخجل
عرفت شنو تعنيله نرجس .. فززني من تفكيري
ليث من دفع الباب ودخل لا احم ولادستور.

اجه مغمض مرايح لشغله اليوم دفع بان وكعد يريد ياكل عاطت بيه عمه
.غير ادك الباب بالله وحده متكشفه
خله الكمه بحلكه ورفع عينه يباوعلنا يعوج بحلكه ماعاجبه

.بربج يمه وحدتهن جنها. نعال. مال احترم ذني من حشه مرت الذيب هاي. نخاف من رجلها مجبورين نحترمها

روز::هههه لاعادي معليك منه
.متأكده مو انا واحد طايح حض بس تنطيني مجال شويه اضل اعاملج كله غلط وبنعال مثل ما اعامل فيروزه

فيروز::دكل تبن لا اكلب القوري على راسك
مو محترمتك ليس تخليني اطيح حضك

انجبي انجبي انا متاني شوكت تفرخن زعاطيط اشبعهم كتل اطلع حيفي رجولتجن كل كتله كاتلينها الي اخذها من فروخجن

.ضحكت عمه خنك باوعلهاا هوا اي اضحكي اضحكي نسيتي شمسوين بيه .
من سوالفك الغبره يطبك مرض

بان:: شمسوي عمه عليج الله سولفينا ..تربع ليث عدل كال اني اسولفلجن ..بس.دصبي جاي هيام

.اي باوعي هاي مره من جان عمري 14 اصف عده دراجه مايخلوني اطلع بيهاا
غافلتهم بگتها وطلعت. اثول ماعرفلها. مره وحده سايقها كوه مدبرها. .
المهم رحت للگهوه المانعني منها اصهب وبوي
كعدت أرگل واسوي حركات وكذا
واحد نغل ابن نغل صورني وموديها الاصهب خابرني يرعد هسه تجي
انا الزمال من خوفي رجعت اركض نسيت جاي بدراجه ..وصلت للبيت. كتلوني اصهب وذياب لان اشرب نركيله ..

نوب اجه اصف. مدخن جنه ثور اجه عليه سنتر
كال وين الدراجه ..
هنا انا تذكرت رحت بدراجه ورجعت ركض حافي القدمين
راح للكهوه دور عليها مالكاها بايكينها
الجلب هم رجع كتلني .. ثارو عليه وليه مال غمان

           

             
                   

ام اصهب::هههههه ومن جان عمره عشره. جان ياهي اليشوفها يكلها تزوجيني انتي حلوه
ويوميه مفشلنا تالي جانو يمنا ناس عدهم بنيه عمرها 8 حلوه تخبل

يوم من الايام اجو يدورون عليها وماكو
نخبص السلف كلنا ندور فطنت ليث. هم ماكو
ساعه ولنه جاي على الشارع هوا وياها ماخذها ورايح للمحل العلئ السده يشتريلها
بايك فلوس من جيب ابوه جايبلها حلويات
وجاي وهم كضو وكطعوه غير كون يتوب

فيروز:: عمه تسولف احنا نضحك.وهوا يهز براسه متحسف كال
.بس.جانت تشك شك مره حصرتها وبستها
حجه هيج.وعمه لطمته على حلكه
ياساقط ياسرسري بان الرعنه دكله

يعني مثل المسلسلات فاكه عينها على وسعها صاح
.لا لا حرامات جنت بريئ بخدها بستها

طردته عمه من يمنا. هستوه طلع ورجع دخل
كعد مقابيل امه

يمه شوكت تزوجيني ليش محد تريدني شبيه انا
.من تصير زلمه ازوجك

ااه هيام شني صايره تحششين اكعدي راحه انا خايف منج خافن تقررين تزوجن.وضلن انا محد يزوجني

فيروز::ضربته عمه.راشدي.وهوا خربان ضحك.نوب كالها لا يمه لا نحجي بجديه
شو زوجتي ولدج مرتين. مرتين وانا ولامره
حجاها وخله ايده على حلكه بصدمه .. يسكت بنفسه.ويباوعلنا

غابت ابتسامتناا مصدومين بحجيه. وجديته بالكلام ومن انتبه النفسه ونصدم
وعمه تباوعلنا وتصيح ياا ياا تريد تسودنهن انته

.بعد انا حجيت والعباس اصهب وذياب وشهاب واصف وبطرس وحق هوا ابو فاضل كلهم مزوجين

-بلعت ريكي مرتبكه وحده تصفن بوجهه الثانيه وعمه من شافتنا صدكنا بحجي ليث تكتل بيه وهوا مستمر يحجي بجديه ويحلف

.وروح ابوي متزوجين ماجذب اني والعباس مزوجين شني يمه عووفيني احجي شني شبيج

.ولك.ولك كوم اطلع برا كوم جلب
.طردته برا سدت الباب تباوعلنا بصدمه
ترا يشاقه.والعباس ..يا شمالجن مصدكاته

روز::صارله ساعه يحلف ما معقوله كل هلحلف جذب ..حجيت هيج وعمه تحاول تقنعنا ليث جذاب رجع دك الباب غاص من الضحك فتحته عمه دخيل يضحك طاح متمدد.
صاح يلثول يلفاهيات جا غير متزوجينجن شكد غبيات انتن

فيروز::طاحضك وحض سوالفك
كالت عمه لحد تنزل. هسه اجيجن ..بقينا كاعدين بالغرفه عيني النرجس كلساع. عاكده حواجبها بضوجه تمددت صافنه على السگف بان رجعت تدرس بكتب السادس باجر ينطونهن النتائج وروز ملتهيه بايهم

عشر دقايق وصععدت عمه يمنا كالت
كله من ايدي انضف ونطبخ وهنه على الحاضر
يجن ياكلن كلشي مانسوي اليوم عفت البيت كله حتى غدا مانسوي

.يا عمه جا ولولد من يجون شياكلون
.معليجن نودي ليث يجيب سمج مسكوف ..هسه انا اريدن اروح الهاي العلويه واخافن اعوفنجن شلون

           

             
                   

.روحي معليج منين تخافين شحدهن يوصلن يمنا الا اكسرهن ..راحت عمه
وحنا بقينا بالغرفه نامت نرجس. وكلنا كاعدين يمها
اني احجي ويا اصهب ماده بس رجليه ماحس الا نرجس

فزت تصررخ...وتملخ بشعرها ركضت بس اريد الزمها والمها بحضني روحي راحت جمر بكلبي الخوف الجاي اعيشه بحياتي ماخايفته ..متخلي احد يلزمها اكض ايدها تضربني وروز تخبلت اول مره تشوفها هيج فقدت ...
لميت اديها بحضني متعجبه على قوتها ملختني. واخواتي وحده لاطشه بوحده يبجن
اششش اششش كافي يمج هاي اني يمج
حجيت ابجي وصيح عليهاا ...

هدأت بحضني بس تباوع جوا جرباية بيان وفاتحه عينها على وسعهن ضمت وجهاا بصدري خايفه وتبجي. بصريخ
حضنتها حيل صرخت صرريخ احس بلعومي تجرح
شبيجج شجاي يصير نرجس ولج راح اموت احجيلي ...بس اريد ارفع راسها من صدري واحاجيها. مجلبه بكل قوتها تبجي ومادري شتحجي

.تقربت الاذني تهمس راح يموتووني يخنوكني بس انام يخنوكني. يلفون شعري على ركبتي همه وشهااب. لاتخلينهم لاتخليني انام راح يخنكوني مايخلوني اتنفس تحجي متهسستره

.بلعت ريكي ويا حجايتها  احس اسمع صوت النفس من اجره بس عيوني ترمش كلبي دكته سريعه خوفي وخوفها بجي البنات ودموعها
صوت روز تقرأ ايات بصوت عالي وتبجي. .
شهاب. وذياب امي وابويه وايهم احس كلشي
صار عباره عن صور كدامي. .ثكل جفني ونفسي
راسي فتر عبالك نضربت ضربه قويه وكعت فاقده.

روز::دفعت ايهم من حضني.وركضت الفيروز اصرخ تخبلت بيان حضنت نرجس
رغم شكد صرخنا محد صعدلنا لا نور ولاخلود
اضرب على وجه فيروز ورش ماي اريدها بس تكعد تخبلت  لاتحرك ايد ولا رجل
فقدت املخ بروحي ماعرف شنو الاسوي ندفع الباب وفات ليث
فك عينه على وسعهن اجه يركض عليها
ويصيح
لحظات احسهن اخذن من عمري عمر لحظات ذكرني بحادث قتل اهلي لمن فيروز فكت عينها روحي راحت تباوعلنا وجهه ذابل كعدت جرت نرجس الحضنهاا متحجي ونرجس هادئه بحضنهاا.

بجي بجينا بهليوم عيونه ورمت. اجت ام اصهب متخبله.وكبل تعاركت ويا نور وخلود تمالخن نزلت فيروز تركض .. رجعن صعدن يمنا هيه وفيروز مادري شخلطن بماي واخذن نرجس يردن يسبحنها ماقبلت تريد تسبح.وحدها
عمه كالتها اني اطلع فيروز تسبحج.

طلعت صاحت تعالن وياي
مشينا وياها الغرفة شهاب مسحت دموعها بحسره
.اريد دگلبلي الغرفه كلاب اي شي غريب تلكنه بيها نطنياه

سوينا مثل ماكالت دورنا شكد.مالكينا شي.
رشت الغرفه.وتقرأ ايات شغلن قرأن.وطلعنا فيروز تمشط بنرجس وهيه بس ترمش بعينها
نزلت عمه شويه ورجعت بيدها كلاص عصير شربته الها
ونامت

فيروز::شكالتج العلويه عمه. حجيت اباوع بعيونها صوتي احسه رايح هزت راسها بقهر وتمسح دموعها بطرف شيلتها
.ساحراتها الجلباات والله عرفتهن

           

             
                   

.وجعني كلبي ويا حجايتها يعني هيه كالتلج نور
.لا ماتطي اسم هيه بس منو غيرهن يسويها
.وشلون هسه شنو هذا الرشيتي وسبحتها بيه

.ماي مزور ومقري عليه بس يهديها مايفك شي لان المريه ماتعارف بس تاخذ خيره. 

.سكتت صافنه على منظرنا روز تمسد على راس نرجس وتقرأ قرأن ..بان وبيان دمعتهن على خدهن بس صافنات
وانا الحيره كاتلتني شسوي اموتها النفسي اذا صار شي على اخواتي وقبلها اكتل نور وخلود موت

.كمنا صلينا الضهر كعدت نرجس مبيها اي شي ردناها تصلي ماقبلت حيل هادئه بس تلزم راسها وتشكي منه. نطيتها حبايه. .

عفتهن ونزلت جوا خلود ونور وجهالها كاعدين بصاله وهنه يسولفن ويضحكن
دخلت للمطبخ عمه تغسل بالمواعين
دارتي بتعب
ها شلونها نرجس
هزيت راسي ساكته طلعت لساحه افتريت للحديقه ورا البيت. اكو سعف نخل مجمعينه على جهه ميبسينه. جريت وحده منهن كسرتها من النص وكعدت على جهه اشلع بورگها گلبي نار. نضفتها صارت عوده تخبل تبجيلها على واحد ينكتل بيها

اباوع اديه ملح ومشخطات من السعفه اخذتها فتحت ماي الحديقه غسلت وكمت ..افتريت من ورا خاف عمه تلزمني دخلت من باب الصاله ..
باوعلي ثنينهن معاجبهن
تقربت يمها بسرعه بدون مقدمات شلت العوده وضربت بكل قوتي مادري الضربه تجي بيها بامها اضرب على العمياوي وكلبي مايبرد ..صريخهن
وانا اغلط وصوت اخواتي علئ الدرج وعمه مجلبه بيه. وهنه يجرن العوده من ايدي. ارفعها بكل قوه ورجع اضرب بكل حيليي نجريت منهن ليورا وهنه يهدن وليث يغلط. عليهن

كعدت على حيلي الهث ابااوع لاحجاب لاشي ودشداشتي مشگگه ..نور وخلود املخات ثنينهن نور وجهه متروس دم كعدت هادئه بس ارريد اعصابي تبرد. وعيني عليهن جهالها يبجون
وليث وعمه يتصايحون وياهن .هددن ابيت خيون صاح ليث

.خاب من نعال على راسجن وراس خيون فد قندره هسه هوا وتهددن بيه منو معترف بيه
شيخ السرسريه كحا...ب انتي انتي نور اكبر بربوك

.غلط عليها وهيه تخبلت تريد اطكه لفاها لف بيده شبعها راشديات.دفعها للغرفه يصايحن نروح البيت خيون كالهن تسون فضل كون ماتجن طلعت راسها نور من الغرفه

.بيتي هذذا بيتي اجي غصبا ماعليك انا ابقئ وكلكم اطلعوون بررا ..ركضلها ليث يريد يضربها جرتها امها للغررفه وقفلت الباب ..كعد بلباب يقسملها

خليده ام الدرابين صار براسج خيرر هسه
صايرتلي مره انتي وبتج ..اذا اهلج نشالين وامج طشاشة فال شنترجه منج تصيرين
شيخ جامع طبعا تصيرين سحاره
انا من شفت ابوي ملفيج غسلت ايدي
ام السحوره البربوك

وعمه تسد بحلكه عفتههم اخذت اخواتي وصعدت فوك. جسمي يرجف تمددت على رجلين روز. .اباوع النرجس تعصر برجليه خايفه

           

             
                   

.عفيه فيروز لاتضوجين ترا انا بس احلم لاتخافين

.ابتسمتلها ساكته باجر اربعينة عمو وعمه تلوب تخاف تعوفنه وتروح. خلود ونور ولن البيت خيون نرجوسه ورا ماسبحت ونامت كالت ننزل جوا ختنكت اخذتها ونزلناا ليث رايح يجيب غدا
كالت عمه انا ماروحن ماعوفنجن

-لا روحي ماعدنا شي غير هنه هم يولن وياكم
.اي
.هاي هيه روحي لاتخافين علينا ..صفنت محتاره خطيه اجه ليث يغني يماخذين الولف وليفي وريدنه.  كمت ويا روز حضرنا الصينيه واسمع ضحك نرجس ويا ليث وروحي تورد يكون دوم اسمع ضحكتج يعافيتي انتي.

اخذنا الصينيه كعدنا نتغدا بس بان تضوج اطلع عضام السمج  ماكلت. كالت بعدين اكل.مجوعانه.. بتحشش ليث سوالفه وهوا يقلد عليه من ضربت نور وخلود  يكل الامه

ولجن جنها الشمر. كاضه العوده اواهكه بيهن وين اليوجعجن ..بس الخايسه هم كاتلاتها. النوب من تردن تعاركن التمن كلجن سوا حتى مايكدرلجن خليده البربوك وبتها الك... استغفر الله

.كملنا الغدا هستونا نغسل المواعين واجو الولد بس دخل اصهب للمطبخ اني.واكفه على السنگ اغسل ودي مدمره عكد حواجبه
شبيج

ابتسمتله مابيه شي عمري الله يساعدك
عاف الجنطه واجه لازم خدودي ابين اديه
شصاير شكو شبيج ..هوا يحجي خايف.
وانا اباوع ورا لايفوت ذياب ..بتعدت ماكو شي لاتخاف حبيبي. .

دخل ذياب عيونه ادور درت وجهي ماريد يشوفني ويسئل شكو بس كتله الله يساعدك حتى ماجاوبني
بقئ بمكانه

شبيج فيروزه
.دنكت ساكته هلكد مبين عليه. فاتو الولد بقو واكفين يصيحون شكو. .. درت لذياب بس باوع بوجهي توسعن عيونه بصدمه اجاني خايف شبيه وجهج
دفعت ايده مدنكه مبيه شي

بس ردت عمه تجي وتنقذني ..خاف احجي الحقيقه وماتقبل دخلت للمطبخ ..كالتلهم ارتاحو واني احجيلكم بس ماقبلو لحو سولفتلهم كلشي
ساعه عمه تحجي وياهم وتهدي.
وشهاب بس صافن وجهه تعبان وعبالك شايل هم الدنيا على اكتافه همس وهسه نرجس شلونها
اطلع من البيت خاف تشوفني وتتخربط

ام اصهب::لا لا هاي شحلاتها هلكاعده فوتو جوا
دخلو همه.وشهاب بقه اخر واحد غسل وجهه كلب قميصه نشف وجهه عيونه حمر
دخل مبتسم دخبت وراه نرجس يسولف وياها
ذياب بس لمحته واكف اباب الصاله اول شي غابت ابتسامتها تالي وكفت مبتسمه

الله يساعدك حبيبي
.تقرب لمها بحضنه كدام الكل وهيه فاتحه عينها بصدمه خجلانه وتهمس. شهااب
.وخرها يباوع بوجها عيونه مدمعه
وهيه وجهه ضل يطي الوان من الخجل. تباوع لذياب وتنصي ميته كالها شهاب بحسره

.انا بس من اشوفنج تضحكين احس بروحي عايش ..يبعد عيون شهاب

.ابتعدت مبتسمه الرعنه روحها راحت ..كامو غسلو.واني اصبلهم غدا اجن ورايه نرجس وروز
عززززا.
شكد عيب.من ذياب يبووي والله فشله هههه بس حيل فرحت شكد احبه لشهاب

           

             
                   

.ابتسملتها ..ديله ام شكد احبه تعالي هاج كملي الزلاطه ..عفتها تسوي زلاطه.وابتسامتها شكدها تكصص.وتضحك.تغطي.وجهه بيدها خجلانه تخرب ضحك

شهاب بس بدل اجه كعد يمهاا وهيه تباوعلنه. وتحجي وياه همس
كعدو بصاله ياكلون وبان كالتها عمه تغدي وياهم لاتضلين مصفصه همه يطلعولج سمج كعدت بصف ذياب تاكل ومن جهه الثانيه بطرس
يلفون وينطونها. واصهب وشهاب يسوون لفات الاصف هم مايكدر من ايده ياكلون ويحجون على الزياره

بس ذياب يبقئ ويانا ومياخذوون سياره على حسابهم كارهين الكل يرحون بسياراتهم بس عمتي شيماء وياهم ونور وخلود. 
اباوع لذياب لفه ياكلها ولفه البان.وبطرس هم.يسويلها ..باوعتلي رفعتلي حاجبها مكيفه الحماره

بان:: الله لايعوزني الجن باوع ذياب مساع مكاللي تعالي اكلي احنا نطلعلج سمج فكرن ابطنهن ماهتمالي ..باوعلي يضحك.

.هاج هاج خيولن..اخذت الفه من ايده اكلتها اضحك.نطاني بطرس هم اخذتها درت عليه
عفيه عفيه يوم التوكل بطه هيج.
ضحكو.كلهم.وعمه غمتني ..اكلت الفه.واحس عيوني طلعن من الحروره كحيت مختنكه.ركضت اغسل حلكي.واغلط عليه. وهوا.يضحك.بصوت عالي.ووذياب يرزل بيه

عيوني طلعن احس حتى معدتي احتركت حرك من الفلفل. اشرب ماي وبعدني محتركه فيروز نطتني شكر
.صيحت وخرري ماريده
.لج اكلي.والله يبرد حلكج.بسرعه.
.اخذته اكلته عيوني مدمعه...رجعت لصاله والقررران يابطرس الا اسوي بيك.ساالفه تفشل شوف

ذياب::تعاالي.كملي غداج خيولي هلجلب مو انا انطيج ليش تاخذين.منه.
.عبالي.صاير حباب هوا الزمال يبقئ زمال

.نجبي راح اكوملج صايره.هواي تغلطين عليه
.رووح.وحق الله زاعلتك من صدك.كوون ماتزوج.بطه.وكون اهلها يطردونك.من الباب الغوريلا..جاي اكله بيك خير مو.جسمك.نصه شعر خزرني سكتت والولد.واخواتي يضحكون.
رجعت كعدت.متحلفه. بيه.وافكر شنو الاسويه .

روز:: كمت غسلت مواعينهم.وفيروز تصب جاي كالت
.صالحتي ذياب
.لا.ولا راح اصالحه..ابتسمت
.ايدج الج. عسئ ماتبقين.سنه زعلانه.منه انا وياج.حيل.وياه خلي يبطل يمد ايده عليج

.اي اتوبه ..نضفت السنك. اريد اصعد فوك.كدامي نرجس وشهاب صاعدين فاتو الغرفتهم ..دخلت للغرفه بس اخذلي ملابس.وروح.الغرفة البنات ...فات هوا

التفتتله. بس لمحته واكف مرتجي على الباب رجعت اباوع. للكنتور رغم كلبي بوجوده تتغير دكته بس كلما اشوفه اتذكر شلون ضربني طلعتلي ملابس ومشيت اريد اطلع سد الطريق منين ماروح يصير.  وكفت خازرته ..يباوعلي اميل ركبته عبالك ايهم من يسترعن واخزره

.مو كتلج اجي ارجعج ليش ماقبلتي. وخليتي يوسف يجيبج.
.ضحكت مستهزاءه عيوني نترسن دموع ..دنكت ماريد اخلي عيني بعينه تغشني هلعيون تراويني برائته وهوا عباره عن جلمود من القسوه.

.لان رجعت الاخواتي مو الك رجعت الخاطرهن
ولتنسه انته الكتلي من تردين ترجعين اخوج يندل الطريق .رفعت عيني بعينه اجذب على نفسي.وادعي القوه ..لم شفته الداخل حلكه اعرف سوالفه من يحس بندم ومايعرف يبرر موقفه يضل يدير عيونه منا ومنا يدورله على عذر

.يعني هسه بس انا غلط انتي ماغلطانه من نزلتي وجسمج واضح وضوح الشمس

.تمام هم غلطت مالحكت اتستر واني اسمع ايهم شلون يبجي بس غلطي ميستحق تضربني علموده اقسئ عقوبه استحقها هيه تكدر تزعل مني مستحيل توصل لضرب. ..هيج ..شلت الدشداشه من رجليه اراويه الزراك. باوعلهن بلع ريكه. نزلت ملابسي مسحت دموعي

فرك وجهه بثنين اديه مختنك. باوع بعيني همس
.ريت ايدي مكسوره وما مادها عليج شسووي هذا انا افقد بلحظه اكسر.واخرب الدنيا عبالج عاجبني طبعي. بالقرران اكرهه نفسي بسببه
بس مجاي اكدر اسيطر على اعصابي

.باوعتله اعصابي ترجف. وخر ذياب اريد اروح
ابقي هنا اني اطلع من الغرفه لاطلعين انتي
.ماريد بس وخرر
.سكت ابتعد على جهه طلعت من يمه للحمام كعدت ابجي شنو اني بحياته ملطشه بس عصب ضربني ..
مايتغير بس اسامح يرجع يضربني ..ولا اسامحه
سبحت احس اعصابي رخت ..

فيروز:: خفت على نرجس واستحي اروح الغرفتهم بقيت الوب بغرفة البنات ....رحت مستحيه دكيت باب غرفتهم على كيف ..همس شهاب بصوت ناصي منو
.اني فيروز
.ادخلي
.فتحت الباب برهاوه اباوعله مبتسملي حاضنها على گلبه نايمه. همس
.ها
.ماكو شي بس ضل بالي يمها
.ههه اطمني ماكو شي...روحي ارتاحي
.طلعت سديت الباب يارب ويطلع كلشي مابيها. شو ورا ماسبحناها كلش زينه.

.دخلت الغرفتنا لكيت اصهب متمدد يباوع بتلفونه. من دخلت قفله يباوعلي بحسره سوالي بيده تعالي ..تمددت بحضنه بعدني يباوع بوجهي
يمشي ايده على الشخوط البرگبتي من كد ماعارك جسمي كله مشخط ..دنك يبوسهن غمضت عيني ..  ابتعد باوعلي

.ليش تعاركين فيروزه ...
.اذا نرجس مصارت زينه كل يوم اكتل نور وخلود
.شحدج
.والله
.شنو.والله اول شي خلود مره جبيره زحمه وحرام. ثاني شي مهمها يكون نور اختي واكبر مني اني استهظم اطكهاا

.والله اختك كح..به شتريد اسويلها يعني. حجيت هيج خزرني بغضب ..
رفع ايده بوجهي يحذرني
.ديربالج اسمعج تگولين هلكلمه هاي مرة الثانيه مو بس على نور على اي شخص ماريد اسمعج تحجين هيج الفاظ

.اي خوش. عفته ودرت وجهي منه صرت اخاف اغلط وياه بكلمه ..تمددت منطيته ضهري استغفر ربه وكام. كعد على الطابوريه يدخن
طفيت الضوا وغطيت حتى راسي
ليش يدافعلها وهوا يعرفها شنو.
لو مثل قبل ما احبه جان حجيتلي جريده غلط وفشار على نور بس اخاف من زعله ..

هستوني جاي اغفه ورجع تمدد حسيت بي
من ضم راسه بركبتي جر نفس بحسره
رجف گلبي من حجايته
ريحانتي ااخ ياوجع گلبي
شگد احبنج. شطب ريحان ذخيل من خلقج بهلجمال

           

             
                   

صفنت عاوجه حلكي انا بهلجمال شبيه اصهب خاف مسحور اني اشوف شكلي عادي واصلا
ضخمه الزلم ادور ناعمات. واصهب مسحول
عليه سحل
ابتسمت المهم يمه ابين اكصر منه المهم من يلمني بحضنه اصير هلكدوتني. ..بوس رگبتي.
خله شفته ثابته.

خله اصبعه السبابه بنص ضهري مثل الديأشر على شي وبنهاية ضهري
همست ذايبه شدسوي اصهب
رفع ايده الزندي ..وبطني فخذي
شجاي تحسب نجوم شبيك

.شاماتج حافض اماكنهن بدون ماشوفهن
.ها كول والله هوا انا عندي شامات؟
درت عليه. ضم وجهه بصدري.

اي كوومه عندج حافضهن كلهن
.اممم وينهم بله .. خله ايده على بطني همس هنا ثنين وحده سوده اوحده صغيره جوزيه
مادري شايفه وحده اني ..نهاية ضهري لزمها كال هناا وحده ادوخ بيهاا
خليت ايدي فوك ايده وخر بله خلي اشوف خاف تقشمر عليه ماتذكر عندي شامه هنا ضحك

عفته كمت للمرايه شغلت الضوا الخفيف رفعت دشداشتي هاي صدك عندي ..درتله اضحك ..وين بعد
ضل يگلي اماكن بجسمي ومن اريد اشوفه حافضهم صدك اكله وينها اشر عليها
يلزمها وفعلا تطلع نفس المكان. .
رجعت الحضنه ابوس بيه احبك اهمس باذنه وهووا منتهي بيدي عبالك سكران بس فاتح عينه عاصرني بحضنه ..سكتت اباوع لتأثيري عليه بلمسه مني يتغير همس بعد احجي بعد
ضحكت خليت وجهي بركبته ابوسه صوت حسرته شعلوهااا تقربلي بالهفه يرجف عبالك اول مره يلزمني.  كمل اخذني الصدره نام مرتاح ..

روز:: نثولت من صوت بان تقرا بصوت عالي
وبيان مكابلتها تريد تبجي بس خلينا نكمل شهرين من العطله وندرس وهيه قافله متقبل من هسه ندرس هاي المره الثانيه تعيد كتب السادس تدرس على اليوتيوب مخبله مال كتب

وايهم شعوط گلبهن يريد يشخبط على كتبهن
كعدنا نباوع اني وياه على ماشه ..صاير يفتهم هوايه حتى ماينضحك عليه ..

بيان::هزيت ايدي ساكته ماكدر ادرس اريد اتقيئ مليت دراسه دراسة بس بان شيقنعها متقبل تدرس وحدها تزعل ادري بيها تسوي هيج المصلحتي بس تعبت
ماصدكت خلصت من الخامس
وهيه كل شويه تصفن.وتردد باجر نتائجنا
يارب اطلع الاولئ. ..وصلت رساله التلفوني
عفت الكتاب اريد افتحها جرته بان

.لااا وكت دراسه
.بس اشوف من منو
.اني اشوف ..فتحتها اضحك ..اصف كاتبلها بيان تعالي شويه اريد علاجي ..كتبتله جايه حبي. دزيتها. وهيه تباوعلي مستغربه صاحت جيبيه شبيج ضميته وراي ...كومي اصف يريد يشرب علاجه

.هاا ..باوعتلها وباوعت الروز راسا توترت. كالت روز كومي شبيج..وكفت اعدل بملابسي لميت شعري عدل لفيت شالي وطلعت
شبسرعه ارتبكت ..فتحت بابا غرفته.
كاعد على الجربايه تلفونه بيده باوعلي فاتح عينه بصدمه ينصي على التلفون ويباوعلي

دخلت متوتره ..ها اصف
.ها. احم علاجي اريده
.طلعتله حبوب من الجراره. اخذت بطل الماي خليتهن بيده. شرب عينه بعيني. مادري شلون يباوعلي جر ايدي تعالي كعدي هنا

           

             
                   

كعدت بصفه. عدل كعدته يباوعلي متوتر اكثر مني كال
بيان نزوج ورا اربعينة ابوي
.فتحت عيني على وسعهن. جاي اكله لاا سكتت مدنكه خفت حييل خفت غلطت قبل ماريد اكرر الغلط اريد ادرس وبس

.ها بيان شكلتي
.رفعت عيني اريد ابجي. همست مختنكه ماريد ازوج اصف قبل كسرت كلمة امي وشفت الصار بيه هلمره ماريد اغلط اريد اكمل دراسه.

.اي تكملين دراسه زواجنا مايمنع وانسيلي قبل كله امحيه من حياتج لاتتذكرينه اصلا

.دنكت هزيت راسي لا جر حسره
.زين ليش لا ...تكرهيني؟

.لا والله ماكرهك بس كتلك ماريد ارجع اغلط اريد ادرس

.وانا شنو
.ميلت راسي مبرطمه ودمعتي على خدي ماعرف شنو الاسويه اريد احد يكلي هذا الصح روحي عليه وانفذ بدون خوف وحدي ماعرف شنو اسوي

.شوفي الج منا الشهر فكري عدل بعد شهر راح ارجع اسئلج نفس السؤال

.هزيت راسي اي خوش. لميت اديه اريد اكوم
لزم ايدي باوعت الايده بلعت ريكي متوتره
جراها الوجهه مشاها على لحيته جسمي كزبر
رجفت ايدي بيده. وصلها الشعره من يم اذنه مغمض عينه همس

بس ابقي هنا عوفي ايدج بشعري لمن انام
.مسحت دموعي همست تمام ..كمت كعدت على الجربايه بصف راسه
وخر المخده خله راسه بحضني جمدت بمكاني جسمي يكزبر وكلبي يرجف من يتحسر ويكول ااخ يايابه روحي تروح ويا حجايته ..مشيت ايدي بشعره. احركها على كيف جراها من شعره الشفته. ثبتها بوجهه جر نفس بقوه باسها غمضت عاضه شفتي وجهي شتعل نار. سحبتها بهدؤؤ

رجعت العب بشعره بحركات عشوائيه متوتره ماعرف الجاي اسوي طخت ايدي باذنه همس ااه روحه رايحه رجعت ايدي الاذنه يجر حسره نفسه ثگيل ويهمس ااي عفيه ..شويه كال

بيان
همم
تردين تشوفين اسمج هنا
اشر على صدره بس مره وحده شفته اول مادكه ودخلت الغرفته بالصدفع بعد ماشفته من دخل مستشفى وهاي الفتره مخلي عليه بلاستر ابد ماسئلت ليش ..بقيت ساكته. فك عينه يباوعلي
هاا.
.بكيفك همست ..

مد ايده يفتح دكم القميص احس نفسي صخنت
وخر القميص من صدره استحيت اخلي عيني عليه مباوعت ضحك باوع بعينه
شبيج
.هزيت راسي ماكو شي
.باوعي ليش خجلانه شمراويج قابل
.توترت رفعت عيني الصدره ونصيت بسرعه

.سحب ايدي من شعره خلاها على الوشم گلبه يريد يطلع من مكانه هلكد مايدك سريع. روحي راحت يحرك ايدي على الاحرف ويهمس
كلج هنا
انتي اسمج روحج كلج على بعضج بگلبي
شيرازيه

.فكيت عيني العينه صارن حمر وصوته شويه شويه يخفت كال وايده فوك ايدي على گلبه
.ابقي هيج اريد انام مرتاح
.هزيت راسي اي. غمض عينه بثگل سحب ايده من ايدي الفوك صدره

بقت ايدي على صدره خاف اسحبها ومستحيه اخليها بقيت ثابت ماتحرك لمن ثگل نفسه داسحب ايدي. باوعتله نايم اجرأت. امشي اصبعي فوك اسمي،بضبط ...سحبتها شويه شويه
حسيت رجلي نملت
سحبتها على كيف فز باوعلي عيونه دم
كتله رجلي نملت جر المخده جوا غمض وهوا يكلي اسف شيرازيتي ..

طلعت من غرفته جريت نفس بقوه هنا يله كدررت اتنفس. رجعت يم البنات خجلانه اخلي غيني بعينهن انتظر فيروز احجيلها وشدكلي اسوي

روز: :العصر نزلنا جوا الولد طلعو وخلود ونور ماجو وفيروز مكيفه بنرجس زينه شهاب مكابلها وكاعد. ..تعشينا وكعدنا نساعد عمه يطلعون ب3الفجر.
اجو الولد اخذت ايهم وصعدت نومته بغرفة البنات واني افكر انام يمهن لو هناك واحرك گلبه

رجعت الغرفتي تمددت محتاره انام هنا وماصالحه حتى اضوجه بزايد
حجيت ويا يوسف كتله تصالحنا وعتذر مني ماردت يضل باله يمي طمنته ونمت ..حسيت بيه من دخل للغرفه رجف گلبي وجع وشتياق زعل وحب .كلشي تجمع بهلحظه
غمضت عيني مغطيه وجهي خاف يكشفني كاعده فتح الكنتور وطول يله اجه حسيته

وخر الغطا من رجلي روحي راحت مشه ايده
فوك الزراك بضبط. دنك باسها بهدؤؤ كزبر جسمي. ورجف گلبي ..سحبت رجلي كعدت اباوعله وكف خجلان من تصرفه ميباوع بعيني
كمت اريد اطلع كال

.ابقي ابقي اني اروح يم بطرس ..اخذ تلفونه وطلع ...

يتبع............