الجزء الثاني # عشق أهل الأنبار
#للكاتبة رواء هادي #قراءة ممتعة لجميع
وقبل كلشي خلوا لايك وعلقوا
بين الفقرات .
بزعت روحي وهي ماترد تعصبت ولغيت.... الرسائل وانطيتها حظر انطيتها أهمية أكبر من حجمها وصارت تتكبر علية بسيطة أني اعلمج زينب .
شمرت حسابي خاص اخاف تجي تراقب بي من حساب ثاني انوب طخت بالي احذف حسابي واسوي حساب ثاني علمود اضيعها وماتذكرها لزمت الحساب وحذفته
من اساس ورجعت سويت واحد خاص وخليت اليوزر أول حرفين من اسمي والباقي ارقام مر اسبوع كامل وأني
مداخل الحسابها ولا مفكر بيها
اريد اشيلها من بالي 'واشوف حياتي "
المهم مروا " ١٥ " ونزلت أني والجماعة وقاسم هم ويانه هالمرة صار نزوله ومصطفى انجمعوا
أني قبلهم وكفت باب
بيت أهلي صوفرت الهم وصحت بصوت عالي " اليوم ثريد ثريد سوللهم ثريد زييين ههههه
خربوا من الضحك ...
مصطفى _ثريد بامية اليوم اضرب ههههه
محمد _اتصلت بامي وكتلها باجة ههههه
قاسم _ ههههههه وانت شنو ثريدك اليوم ؟
رائد _هههه دليمية هههههه
محمد _عليك الله دزلي ماعون من فوك الحايط ههههه
رائد _وأنت هم دزلي ماعون باجة
محمد _تدلل
قاسم _ صدك تحجون ههههه
رائد _اي والله مو تنسى راح ادزلك فاضل
محمد _شلون انسى ههههه
مصطفى طلع هم دخلوا ... للبيت دخلت للبيت طلعت بوجي فطيمة اجت تركض نزلت الجنطة بالكاع ورحتلها اركض
شلتها بحضني افر بيها وابوس
مشتاقلها ...
امممح امممح اروحلج فدوة امممح ولج
مشتاقلج حبيبه خالو امممح
_وأني هم مشتاقتلك كومات امممح حبيبي
طلعت أمي وأختي وابنها وفروحة شايله علاوي من مكانه يشيل ويدك بنفسه علية مشتاقلي رحت لامي سلمت عليها بس راسها وايدها واختي كذالك رحت لفروحة وراها
اخذت علاوي اكلته أكل اشرله على خدي " بوس بابا " باسني بوسه طويلة وطلع صوت أمي تضحك اختي فروحة
فطيمة علية معلمه على كل دروب
دخلنا جوه سلمت على أبوي هو بحضني صحت على أمي " يمة سوي صينية زينة المحمدنا
_ ليش راح يجي ؟
_لا ادزها له
_صار يمة هسه ادزها بإيد فاضل
انطيت علاوي . لاختي وطفرت الغرفتي سبحت وبدلت وطلعت لكيت امي مجهزة الصينية المحمدنا ومجهزة
الغدة هي وأختي اجه فاضل
سلم عليه " والله ياعمي الغيبة طويلة هالمرة
رائد _اي والله
فاضل _شعجب تاخرتوا يلا نزلتوا
رائد _عدنا انذار جان
امي_ فاضل ودي لأكل المحمد وتعال بسرعة تغدة
فاضل _صار يمة
طلعت كعدت يم أبوي جابوا الأكل علاوي كاعد بحضن
أبوي يهادد على الاكل يريد يجيت بنص السفرة
"جيت بعد ابوك جيت هههه
أبوي _خل يولي ماعلمه يصير همجي
رائد _ همجي شنو يابة ماتشوفه جوعان
ابوي_حتلوه جوعان اكو اكل له ماخلي ياكل من اكلنا
ثريد دسم وبي دهون اخاف يتمرض
رائد _ انطينياه يابه بزعك
كمت اخذته من ابوي خليته بحضني وخليت بإيده خاشوكه دحسها بل حلك اجه فاضل جايب صينية باجة ابوي
وأمي يباعون مستغربين
امي_هاي شنو ؟
فاضل _خاله ام نزار دزتها الرائد
امي_مو مسوين اكل
فاضل _شمدريني
رائد _أني طلبت باجة جيبيها يمة ميت من الجوع
ابوي_هسه باجة شنو مو مسوين دليمية
رائد _نخبط هههه
امي_موزين الخبط لو تاكل باجة لو دليمة
رائد _والله اليوم بالاثنين طامس هههه
ابوي_والله بس يتسمم حباية وحدة لا تنطي
امي_ رائد جوز
رائد _فلا اجوز دجيبوا الاكل مو متت من الجوع كاعد
على لحم بطني حتى ريوك مامتريك
جابوا الصينية الباجة كتلهم تعالوا اكلوا ماقبلوا فاضل اجه ياكل وياي وفطيمة هم اجت تأكل باجة وعلاوي شلتله كسر لحم ياكل بي ابوي يصيح امي تصيح
صحت بيهم " بس تجون علية اكوم من الأكل واروح لبيت عمتي اضرب ثريد بامية وكوللهم امي
وابوي طردوني
ايوي_مو اكلج مخبل مو صاحي راح يخرب الولد والله بس يتسمم يارائد الا اطيح حظك وحظ الخلفوك
باوعله ياكل ويضحك بوجه أبوي شلون يتعارك بالكلام " دشوف شحلاته جنه فرخ ذيب من
يفترس الفريسة ههههه .
أمي _كافي كومي شيلي
رائد _محد يكون من الاكل دعوفوا يأكل خطية شتردون منه
ان فطيمة _موزين رائد الاكل دسم مايتحمل
رائد _يتحمل هذا ابن آل ... ويتحمل كلشي يروحلك فدوة ابوك امممح دشوف هاي النسوان المعدلة لو هيج النسوان لو ماتنراد باعوا شلون تضرب باجة ههههه
ام فطيمة_يمة حظري الحبوب بسرعة هسه تتمرض
فطيمة _ماتمرض قوية مثل خالو
ابوي_هسه خالج خلال دقائق يتكوم عود كولي مثل خالج
نأكل ونترزل ساعة دليمية وساعة باجة وطرشي وخضروات وكلت علاوي همشة ثريد باجة صاحت بي أمي هو
يسوك مامصدك جاي ياكل
كملنا اكل امي اخذت علاوي ... سبحته صار كله اكل وزفرية وراه فطيمة دخلت حمام واكفلهم باب الحمام واضحك امي طلعت لافة فطيمة بالخاولي وعلاوي
كذلك اخذتهم عدل .... لغرفتها بدلت لهم دخلت عليها
خلت علاوي بالكاروك وفطيمة تهز بي ...
رائد _هاا
امي_ خل ينام
رائد _هو أني شفته منه وراح تنومونه
امي_ سبحته والدنيا بارة عود العصر تعال العب ويا
يلا أنت هم روح نام توك اجيت
من الشغل
رائد _ هاا فطيمة تمرضتي
فطيمة_ لاخالو حديد أني مثلك ههههه
امي_ههههه
رائد _هاا يمة شكلنا مو كلنا كلشي مايصير بينه
امي_ أتمنى مايصير يلا اطلع خل ينام
رائد _فطيمة تعاي لعندي
امي_ماكو ماتجي لعندك خطية سابحة واخاف تستبرد
روح نام شعندك كاعد روح
رائد_مايجيني نوم مشتاق يول مشتاق للحلوين مشتاق
امي_راح تطيح حظ الحلوين
اجاء أبوي _ شعندك واكف بنص الباب
بعدت بسرعة ...
ماكو شي
خليت ومشيت لغرفتي توني دخلت دخل وراي فاضل "
عمي اريد احجي وياك
_تعال
دخل وسد الباب كعدت فوك الجرباية كعد كدامي ...
عمي تدري زينب تنشر صورها على
الانستغرام والفيس بوك ؟
_وين شفتهم ؟
_متابعها بحساب وهمي كل يوم تنزل صورها والبارحة
منزله صورة استوري وي ولد وكاتبة بصحبة
استاذ صافي الورد
_ولديش ؟
_والله لدري بي جاي تداوم بمدرسة أهلية وهذا
استاذ وياها بالمدرسة
_متأكد من كلامك ؟
_اي والله متأكد هسه اشوفك الصورة ِ
النار شبت بصدري من سمعت هيج جاي تسوي برغم ناسيها بهاي الفترة وحذفت حسابي علمود لا تذكرها شوفني الصورة وراها أثنين بنات والولد واكف بصف البنات
شكله حلو وأبيض أني وكشخة مسوي علامة الانتصار اخذت التلفون من فاضل " عود شيسمي حركة الانتصار
عليمن انتصر هذا الجرب ؟
_ على فاينه حظة منتصر
_يريد يموت بس مايعرف شلون كم صورة عندك
_هواي قلب
كلبت كومه صور البربوك منزله واسم مغطية وجهها هذاك
هو مبين بالكامل شفت شايله طفل رضيع ...
_منو هذا ؟
_ابن اخوها الجبير قبل اربع ايام اجه للدنيا
_هاا والله عندك اخبار موثقة عليهم
_اي مو وياي علاء بالمدرسة ومتابعها هم وهي
تنشر كلشي يصير وياها
_عفيه عليك
طلعت استوديو دخلت الانستغرام اول مادخلت على حسابها جان مسوي حساب بنية وحتى مراسلها ومباركلها على ولادة الطفل باوعتله مبتسم
_ولك أنت شنو كارثة
_والله ياعمي زحمة اشوف مريتك منشورة على
تواصل الاجتماعي وتعلق للولد
_ياولد ؟
_هذا صافي وجه القندرة المصبوغة بصبغ حياطين أبيض
_تعلقله ؟
_اي تعليقات هو يعلق وهي ترد بالتعليقات هو ينزل صور وياها الستوري وهي كذلك تنزل بحسابها ليشوفه وياها مايكول مجرد زميل يكول زوج لو حبيب .
_هاا زين انطيني الحساب
_ياحساب
_هذا حسابك اريده
_اخذه عمي
_ كوم جيب تلفوني ودخل الحساب
كام جاب تلفوني .....دخل الحساب الي مابينت اله مهتم
لو متأثر وأني العكس "سجل تسجيل
الخروج من الحساب
_صار ... محتاز شي
_سلامتك
أخذ تلفونه اشرتله يطفي الضوه عود أنام طفى الضوه وطلع كعدت بفراشي الغرفة ظلمة تمامآ بس ضوه شاشة
التلفون يضرب بنص وجي .
عيوني براسي صايرات دخلت على حسابها شفت المتابعتهم جان من ضمنهم هذا الولد لاسمه صافي " ودكيتله لقب يخبل ويلوك بي مصفي المنهولة "
دخلت حسابه كله صورة عبالك عارض أزياء مو مدرس الانكليزي سيارته سوناتا مضلع بيضة " وناشر امه ادمي جبير جانت لابسة دشداشة جويتي بورد
اصغار أبيض وشيله طويله كلش بلون الأبيض وهي بيضة وجهها مدور حلوة جانت الوالدة له هو ماحبيته أبد
وكرهته كره موشلون ماجان .
رجعت لحساب البربوك هلو هلو عاملة العمايل صايرة عارضة أزياء ام علاوي وحسابها بي تفاعل اجت بالي اهكره الها مثل هذاك بس كلت لا خل استغلها
واصير صديق مقرب الها من هذا الحساب "
هو حساب بنية ومراح تشك بي ...... أني رائد ابو علاوي " دخلت ستوري منزله صور ابن اخوها الصغيرون مخليه
سمايل فوك وجه وكاتبة ...
_ابني وحبيبي رواد
حلو اسمه رواد هسه هذا صار ابنج ونسيتي علاوي ابنج من دمج ولحمج والله عندج قلب أسود زينب اسود من قلب سيرين وريتاج وابتهال وفائق النذل
ماشفت مثلج عديمة الإحساس والمشاعر اتجاه ضناها تخلت عنه في سبيل تخلص مني لو غير وحدة عملت المستحيل علمود ترد ابنها لعدها حتلوه على احساب
نفسها له هي تركته وراحت عاشت حياتها ومتونسه بالحياة بالجذب ماسألت على علاوي او تصلت بامي لو فروحة لو بوحدة من الجناين ماصدكت تركتهم
وراحت وهي كالتها من قبل بس تخوني اعوفك واعوف علاوي واروح اتزوج غيرك " بس والله لاتحلمين اخليج تزوجين غيري ويجي غيري رجال
يتهنى بيج ويجي ...طفل من غير رجال يصير ابنج ويأخذ الشي لماخذه علاوي منج مثل ماعلاوي وأني انحرمنه منج راح نحرمج من كلشي بالحياة وحالج
من حالنا يصير "
رديت بالستوري " فدوة ربي يحفظه الج لرودي
انتظرتها ترد والله دقائق ماكو ردت ...
حبيبتي ويحفظج الله
بسرعة رديت "
هذا ابنج مو ؟
ردت _ لا ابن أخوي
_هاا عبالي ابنج أني عالعموم ربي يحفظه لكم
_ويحفظج حياتي
_حبيبتي تسلمين ممكن سؤال ؟
_تفضلي ؟
_أنتِ مخطوبة مو
_لاحبيبتي
_متزوجة أكيد
_لامخطوبة ولامزوجة
_لعد هذا منو الولد النشرتي قبل أيام ادري سؤال فضولي بس حبيت اتأكد أني متابعة جديدة وماعرف عنج شي نعجبت بصورج ومنشوراتج وحبيت اتعرف عليج إذا
ماتصير زحمة الحظرتك
_لاعادي حبيبتي اسألي اي سؤال يخطر بالج " هذا الولد زميلي بالمدرسة لا أكثر ولا أقل
_أنتِ مدرسة لو طالبة جامعية ؟
_مدرسة
_ حلو
_أنتِ الاحلى حبيبتي
_مو احلى منج ومن عيونج الحلوات
_تسلميلي حبيبتي أنتِ
_عثرة قلبي أنتِ " راسن حذفت الرسالة اصابيعي خانتني للحظة جان كشفت هذا أني لو رايحة الها الرسالة عثرة
قلبي تعرف بي كلما اشوفها لو اراسلها قلبي
يتعثر ومايندل دربه .
عاد انطيتها لايك ماكدر اكمل وياها هسه افضح نفسي قلبي ثول وكام يضخ بدل الدم بحب الها طفيت التلفون وشمرته جوه المخدة وأحاول أنام
ماكدر صارت تجي بالي ذكرياتي ..... الحلوة وياها من اتعارك وياها وتروح تشرد يم أمي وأبوي وأمي وأبوي يدافعولها لو من اكرصها بالغرفة العب بيها جوله
اشتاقيت كلش لأيام زمان وصوت من داخلي يهمس الي " لا تصير عار وتخلي مرتك تروح من ايدك وتصير بين ايدين رجال غيرك انت مو رجال إذا تركتها لغيرك
أنت عار على الزلم راح تصير رائد .
كلمة عار على الزلم راح ...... تصير فوك العشر مرات نعادت براسي صارت مثل الطبل تدك برأسي دك تعصبت وكعدت بفراشي كلشي ماشوف غير الظلام
حلفت بالعباس اخو زينب الا ارجعها البيتي خلال شهرين لا أكثر ولا أقل اكون بعيد ميلاد علاوي هي
هنا موجودة .
قاسم رجعت للبيت والفرحة الي مسك متعاركة وي امي ورايحة زعلانة علمود شغله تافهة ماتسوى اووف ياحظي عزلنا ونفس السطوانة ومنا هي حامل
بالشهر 6 وبيها بنوتة
طلعت بالليل باردة كلش شعلت جكارة وطلعت اروح اجيب مسك العروس الزعلانة صارلها أيام زعلانة ماتقبل ترد على رسائلي ولا اتصالاتي اتصل بأمها بأخوها ماتقبل تحاجيني سيارة جانت بره عايفها كدام الباب
وي طلعتي شفت رائد
جكارة صفح صايرة وصافن ماعرف وين "
هييي رائد وين وين صافن ؟
انتبه علية ملامح وجه تعبانة ...
بضيم الله صافن
_خير شبيك تعبان ومهموم ؟
_ من يوم يومي متعوب ومهموم شنو الجديد قابل وين طالع
_اروح اجيب المرة
_ليش مرتك وين ؟
_عد أهلها
_من شوكت عد أهلها
_من زمان
_ولايشبعن من بيوت اهلهن
_اي والله وفوك كلشي زعلانة
_زعلانة عليش زعلانة ؟
_هي وامي
_يله تعال لعد روح نجيبها
أخذ نفس طويل من الجكارة وشمرها بالكاع اجه صعد وياي بالسيارة شغلت وحركت عدل لبيت عمي فهمت رائد السالفة هو هم فهمني سالفة من عنده إذا عاندت مسك وماقبلت ترد ويانه المهم وصلنا طلع اخوها ضرغام سلمنا ودخلنا
بالاستقبال طلعت اامها سلمت
وكعدت يمنا كتلهم صيحولي مسك ...دخل رضاوي يركض مامصدك شافني كمت شلته بحضني ابوس بي واشم بي صارلي ١٥ يوم ماشايفه مشتاقله كلش .
ربع ساعة دخلت مسك هذاك المكياج والعطر تكوللها كش تطير ابتسمت بوجهها " شلونج مسك ؟
مسك _والله موزينة وبفضلك طبعآ
قاسم _ليش شسويت
امها _مسك عيب ماما تعاي اكعدي واتفاهمي وي زوجج
مسك _ واني مجذبة قابل
رائد _ هلأ ام رضاوي شلونج يابة
مسك _على الله ابو علاوي انت شلونك
رائد _الحمدلله تفضلي استريحي يابة
الوكفة موحلوة استريحي
كعدت بصف امها تخزر بي ...
إلى متى تبقين بهذا عقلج مسك
تزعلين منورة شغله تافهة
مسك _مو شغله تافهة امك تغلط وتسب بي علمود ماغسلت الماعين وكتلها مابي حيل أنتِ اغسليهم أني كلت هيج لو ابتليت على عمري ولما حامل جان ضربتني
قاسم _ امي جديدة عنج جان خليتي مرت محمد تغسلهن
مسك _ كتلها طلعت عذر تقري الجهال
رائد _مختصر الكلام كومي يابة لمي اغراضج وتعاي وي زوجج خطية مشلوع قلبه صارله ١٥ يوم بالدوام ودك
واجبات يريد يرتاح بجاهكم انتِ وابنه ..
يلا يابة فرديها واضحكي بوجه شوفي
وجه صاير ليمونة
مسك _مارجع الا عمتي تجي ترجعني
رائد _ليش تصيرين مضحكه الريتاج والسيرين وهن يردنها من الله تزعلين وتعوفين بيتج وعيالج خليج مثل السبع
اكلهن وماخليهن يأكلني
مسك _مو مضحكة
قاسم _ مسك تعوذي الشيطان وتعاي ويانه
امها _كومي شبيج
مسك _مارجع
قاسم _اهوووووو وتالي وياج
رائد _لا ترجعين يابة ابقي يلا قاسم جيب ابنك وتعال
خل نرجع للبيت ورانه مية شغلة وشغلة
غمزلي عين رائد ماكلت باطل شلت رضاوي وكمت كام
رائد ميك طفرت من مكانها اخوها
طفر امها كذلك
قاسم _ ترجعين ويانه لو تبقين الوحدج
مسك _قاسم رجع رضاوي لا تصير أناني
رائد _والله ياختي ماكو غيرج أنتِ الأنانية حارمة الرجال
منج ليش يابة مو حرام عليج
هيج تسوين
مسك_موحرام امه مطيحة حظي خل يسوي حد
خل تحترمني على الاقل
قاسم _ اففف
صارت لاخت عسله مسك تصيح وتبجي تريد رضاوي وقاسم المسكين يحبها مايتحمل يشوفها تبجي راد ينطي الها
اخذته من ايده وطلعت كتلها
رائد _يلا عيني ام رضاوي لمي الأغراض
وتعاي ننتظرج بالسيارة
مسك _رائد رجعلي ابني رجعلياه
رائد _قابل بايكينه ياعيني تعاي ويانه واشبعي من ابنج ورجلج من كيفج خاله فدوة الطولج همي ايدج ولمي
الأغراض بسرعة الجو صار بارد...
وراح نتأخر ومنا مانريد نبين للعالم
الأميرة مسك زعلانة
امها _ ثواني خاله وتكون عدكم .. يلا
مسك روحي لمي غراضج
مسك _ رائد لا تصير استغلالي رجع رضاوي
رائد _ والله قلبي مثل النار صاير وماتحمل اشوف حبيب القلب قاسم نار مثل ناري تشتعل بي ادري بي ترف ومايتحمل مومثلي اتحمل وانتِ تعرفي اكثر مني
بعد شكثر يحبج ويعزج على كوله عمتي ام نزار
يلا ام عطوب همي ايدج بسرعة
طلع رائد يضحك شايل رضاوي تباوعلي وتخزر ...
جايب وياك البلية السودة
صاح رائد من الصالة "
اعصابج اميرتنا على اميرنا
اعصابج هههههه
مسك _ رجع رضاوي
رائد _اوووي مانرجع زلم احنا لو تحبين زلمتج
صدك تعاي ويا لبيته
مسك _قاسم اريد رضاوي روح رجعه الي
قاسم_يلا تعاي ورانه انتظرج بالسيارة لا تتأخرين
خليت وطلعت مقهور عليها بس ... بنفس الوقت فرحان رائد خوش اشتغل من أخذ رضاوي منها لكيت رائد كاعد بالسيارة بحضنه يعقوب يلعب بي ومشغله اغاني
بيبي صعدت أضحك...
شنو من عقل عندك ههههه
_ادري بمرتك ماتتحمل افراق ابنها باع طلعوا
الأغراض اجت الأميرة الهاربة ههههه
_ههه اي والله اجت هسه تتعارك وياي بالبيت
_بطريقتك سكتها وراضيها هههه
_ثواني اراضيها بالغرفة مو مثل عد أهلها
_زحمة كدام اهلها على بوسه على كرصة على حضنه ههههه
_هههههه
_هاي اجت مطنكره ههههه
_اي هههه
بقيت صاعد بالسيارة صعدوا غراضها بالصندوق وصعدت اليورة متعصبه اول ماصعدت صاحت
" انطيني ابني رائد
رائد _حرك ابو رضاوي
حركت السيارة مسافة يلا انطاها رضاوي أخذته تبوس بي كاتم ضحكتي رائد يضحك التفت عليها " والله ياريت لو هذيج الصخله مثلج لحكت ابنها
مسك _ ارتحيتوا هسه
قاسم_كلش
رائد _اي والله ارتاحينه نفسيا وجسديا ردينه الأميرة مسك
مسك _ ليش هيج رائد تسوي ؟
رائد _باعي الوجه قاسم خطية مصفر من القهر والبجي سودة علية حبيبي لكيته كاعد بالغرفة وحاضن ملابسج ويبجي شلون ترديني اتحمل اشوفه بهاي الحالة
باوعت الرائد غمزلي عين عود اسكت كتمت ضحكتي اباوع المسك بالمراية ضحكت وكالت " شهل الجذب رائد
رائد _أني ماجذب باوعيلة وشوفي بعيونج أثر البجي
بعيونه دير وجهك لمرتك خل تشوفك
قاسم_مايحتاج
رائد _مو ماتصدك ؟
قاسم_عاد هي من شوكت مصدكه بي علمود هسه تصدك بي
رائد _وسفه عليج ام رضاوي ماتصدكين برجال قسوم
ولج ليش هيج تسوين بالرجال
مسك_ من ايده مايوكف بوجه امه ويكوللها احترمي مرتي وصايرة عنده سوالف من جوه الجوه
رائد _ منو كالج ؟
مسك _ مايحتاج منو كالي هو يعرف نفسه زين
رائد _مو صوجج صوجه هو المنطيج كل المجال والحرية لو غير واحد بمكانه جان من زمان تزوج عليج وشمرج لبيت اهلج بس الرجال متحمل ..
كل نكدج وسوالفج المخربطة علمود مايخسرج وأنتِ ماكلفتي نفسج بيوم وكفتي ويا لو صدكتي بي تصدكين
بكلام الرايح والجاي وبدون
زعل دكيتلج لقب " العربانة " ياهو اليجي يدفعج
مسك _ رائد ماسمحلك
رائد _وزقنبوت ينام بنص قلبج كافي مصكوعة موتي الولد شلعتي قلبه عربانة من طيح الله حظج تغشمرج سيرين لو ريتاج ولج الرجال يحبج يحبج تعرفين شنو يحبج ؟
مسط_ لو يحبني جان كالي عندي ...
رائد _ربببببي شكو براس هالمرة شكوووو
ولج أنتِ شنو من بني آدم
قاسم _كافي رائد عوفها
رائد _خل افتح الباب واشمر روحي واخلص ولك شلون متحمل بس فهمني شلون متحمل
قاسم _ أحبها واليحب يتحمل
رائد _انعل ابو الحب يابو الحب ليخليك تتحمل نكد
النسوان مسك اسمعي كلامي زييين
قاسم_ولك كافي عوفها
رائد _ماعليك خل ابرد نار قلبي
مسك _وتبرد نار قلبك بي
رائد _ أقسم بالله العلي العظيم إذا شفتج منكدة فوك راس قاسم ورايحة زعلانة لبيت اهلج وسامعة كلام هذيج وهاي والخالق الكون راح تشوفين شي بعمرج
كله ماشفتي افتهمتي
مسك_وأنت شدخلك بيني وبين قاسم
رائد _ والله جاي اشوف ضيم قاسم وضيم قاسم من ضيمي من تأذين قاسم جاي تأذيني وأني ماتحمل احد يأذي حبيبي قسومي اكعدي عاقله وكبري هذا العقل البراسج
هاي اذا اكو عقل من أساس يعني
مسك _ قاسم نزلني
مسك_وين انزلج
رائد _لتنزلها أني راح اشمر نفسي من السيارة واموت
واخلص من النكد لعند مرتك ولك شلون
متحمل شلوووون .
فتح باب السيارة يريد يجيت صحت بي ...
ولك جاي تسوي رائد
رائد _اريد انتحر بعد ماتحمل النكد
مسك _ولك رائد أرجع لا تموووت رائد مخبل أنت
رائد _هو أني مخبل وشفت خبالج تخبلت بالزايد بعد
ماتحمل ابقى وياج بنفس السيارة وكمية
النكد هائلة عندج
قاسم _ولك ارجع لتوكع من صدك وابتلي بيك
مسك _والقرآن اسكت بس ارجع يمعود استر علينا ابو علاوي
رائد _احلفي تبطلين نكد وتراضين قاسم
مسك_ والله ابطل نكد بس ارجع مو جرشنه من البرد
رائد _تراضي
مسك_اييي ارجع
رجع ينفخ هوى من البرد السيارة صارت باردة كلش ...
ارتاحيتي هسه جرشنة من البرد
مسك _ أنت ليش هيج ماتتحمل
رائد _من الله ماتحمل النكد اتخبل من المره التنكد
وماتنطي مجال واحد يفهمها
مسك _قاسم مو وياك
رائد _هذا ميت بيج لو أني انكد فوك راسه يبتلي بي لاتشوفي فقيرون وياج ترى بلا اسود هذا قسوم
مسك _فقيرون
رائد _فقيرون بس وياج لأن أنتِ ترف وحبيبته وام ابنه بس وي غيرج أسد مفترس وماينطي مجال واريدج تنطي مجال وتراعي وتهتمين بي خطية
ترى هواي متعذب بالدوام وماشايف راحة تنطي راحة وحل وحنان ترى عمتي الضابط بس تدري بيج هيج تسوين راح تزوجه بالسر وبدون علمج عود من يتزوج دكي وزن
مسك _والله اذبحه بس يتزوج علية
قاسم _لعد اكعدي عاقلة
مسك _ هو أني لو امك
قاسم _امي ادمي جبير وتدرين بيها تتخبل
لو وحد كسر كلمتها
مسك _والله مكاسرة هي الها والكيفها نزلت بي
دوسة ونص عبالك متحمله من أيام علية
قاسم _خلص مسك سدي الموضوع
مسك _ماشي
سدت الموضوع مسك وصلنا للبيت نزلت رائد يم بيتهم ورجعنا للبيت سلمنا على اهلي ورحنا للغرفة عزلت الغرفة ونومت رضاوي بدلت وجت كعدت بحضني
_ اي قسومي سولفلي شسويت ماسويت
بهل ١٥ يوم بدوام
_بشرفج هيج وضع رومانسي جاي تسألين عن ضيم الله
_هههههه
حضنتها قوي في حيث أتمنى اكسر عظام جسمها على زعلها علية كل هاي الفترة اليوم اطلع ضيم الزعل
كله من خشمها .
ثاني يوم صبح كعدت على صوت مسك تعاركه بالتلفون فتحت عيوني بتعب "ويامن متعاركة ؟
_ هيج عمري كعدت
_اي على صوتج
_ههه ماكو شي وي امي جاي احجي يلا يمة
أني اترخص في أمان الله
عافت التلفون فوك الميز واجت رفعت الغطة ودخلت وياي بالفراش لفيتها بحضني ابوس بيها " مسك تحبيني
_شعندي غيرك قويسم احبل اجيب ههه
_ حبج الي عابر الحدود
_والقارات والكرة الأرضية وعابر للفضاء الخارجي
_اويلي يابة
_قسوم
_هاا عيوني ؟
_أحبك
_اموت عليج مسوكتي
حضنتني قوي وتبوس بي " صدك مسك اكولج عمتي راح تجي عدنا جهزي نفسج بالساعات توصل
_ياهي ؟
_هاي باربيل
_يالساعة السودة عدها بنات مامتزوجات
_اي ههههه
_خوما تبقى عدنا
_لعد وين تروح
_خل تروح يم اخواتها مو يمنى
_جا غير بيت أخوها الجبير هوو يوم يمنى ويوم يم عمي ابو صدام وشلون ماشوف هسه لو مصطفى لو رائد
ياخذون وحدة من بناتها
_رائد مستحيل ياخذ من عدهن
_ليش شبيهن ؟
_رائد عشكان
_عشكان منو والج وشمدريج
_عشكان ام علاوي
_هو صح يعشكها بس خلص إنتهى أمرهم هسه عمي
يريد يزوجه واشوف جيه عمتي
موخالي بلاش
_اشوفك لابنات عمتك ولاغيرهن راح يكدرن يغرن ابو علاوي خلص فاقل على ام علاوي واشوفك إذا
ماردها فلا اطلع مسك
_تحجين واثقة من حجاياتج سامعة شي
_لاوالله بس أدري بي وزينب جانت تحجيلي عنه هواي
_الله يسمع من حلكج تردله وترد لابنها علاوي خطية
_اي والله يقهر خطية
_ يلا كومي
_قاسم مو مال اكوم حضنك دافي ههههه
_ولا أني بس شنسوي مجبورين يلا كومي
كمنا بدلنا وكعدنا رضاوي ويانه .......ونزلنا سوت ريوك مسك وامي كالت واصلين بالطريق ساعة الساعة يوصلون لعدنا انخبص البيت خبص الجناين كلها تنضف
مسك من الناس رضاوي بحضني كملوا شغلهم اجه
مصطفى ورائد اجتمعوا كلها بالمضيف
كعدت بصف رائد
قاسك_ رائد
رائد _هاا
قاسم_سمعت اخبار تكول راح تأخذ مرة من عمتي صدك
باوعلي بضحكه " ومن قال الك هذي الاخبار السارة ؟
_يعني صدك
_والله انت بطران على نفسك أني أخذ مواليد الفين مخبل عاقل أخذ زعطوطة لاوفوك كلشي
من الاقارب العقارب
_شمدريني أني غير سمعت
_مجرد إشاعات كاذبة هاا مصطفى سمعت راح
تاخذ من بنات عمتي حسنة
مصطفى _شنو من كال ؟
محمد _لابشرفك رائد تحجي الصدك
قاسم_شنو منو كال احجي عدل صدك لو لا
رائد _مادري سمعت هيج حجي واجيت أتأكد من ابو الصوف
مصطفى _بالقرأن جذب ماكو هيج كلام
محمد _مادام طلع هذا الكلام لعد راح تصير صدك شدها بعد حيلي راح يعرس ابو الصوف هههههه
رائد _ كللووووش
قاسم_شايف خير ومستاهلها ههههه
محمد _ الا اخلي الفشك ماله والي بعرسك يالهيبة ههههه
مصطفى _ولكم جذب شبيكم ماصدكتوووووا
نصبنه على مصطفى خطية بس ماراد يبجي مايكدر يسكت رائد انفتح حلكه ومحمد بعد انكس وأني طابك وياهم
أنظم للمجموعة أخوي نزار
آخر شي زعل وكام راد يطلع جلب بي محمد ورجعة " أني ماريد من بنات خالاتي ولاعماتي أريد غريبة ماريد الأقارب لا تخلونها براس امي اترجاكم .
رائد _تودينه مطعم وناكل سمك نسكت ماتودينه
مانسكت مو محمد
محمد _اي اي
نزار_صارت الاستغلالية
قاسك_يردونها من الله يستغلون واحد
رائد _اي ههههه
مصطفى _اوديكم والله بس اسكتوا ولا تحجون كدام امي
_هاهية
شوي ودخل احمد كال اجت عمتي مصطفى انخطف لونه خطية من وده مايطلع يسلم شحطة رائد شحط وطلعه
بنات عمتي حسنة تلاثه كلهن أكبر
صغيرتهن مواليد ٢٠٠٣ .. وجبيرتهن مواليد ألفين لابسات كله طويل ومكياج حلوات هن ومرتبات رائد يغمز المصطفى خطية مدنك راسه مايباوعلهن خربت
من الضحك دخلوا جوه مصطفى .... طفر لأهله لحكه رائد يضحك اليوم يسوي ميز من الضحك دخلت جوه الجناين
كلها سلمت وأمي كعدت وكعدت مسك
بصفها ورضاوي بحضن أمي تفاجات بأمي من كالت على مسك "هاي العزيزة مرت العزيز عود ماخليها تشيله وهسة حامل وراح تجيبلنه بنوتة بالطريق
اباوع المسك تباوع لأمي بصدمة محمد كاتم ضحكته ويباوعلي "امي ذكرتني فدضابط من يجون ضباط كبارية يصير هيج يحجي وهو بالحقيقة
شالع قلبنا هههه
قاسم_خرب بيوك هههه
عمتي ماعاجبها الوضع لأن أمي على أساس مدللة مسك عود ماتخليها تشيله وكل ساع تبوس بمسك وهاي العزيزة
الغالية مرت الغالي قسوم .
وصدك سوتها ماخلت مسك تكوم من يمها أبد وعمتي النار شبت بيها خل تكوم تعاون ام ادريس شكو مكعدتها " لا عيني ماتكوم أخاف عليها مامتعودة تشتغل
وشعدنا إحنا كل الشغل مخلصي ... بس باقي صب الأكل والحبيبات أخواتها يكومن بالواجب هن هم يحبنها
ومايشغلنها لان الصغيرونة والمدللة
حسيت أمي سامعة شي كامت مسك رحت
وياها لغرفة أمي خربانة من الضحك ...
_تونست كلش من امك تدافعلي كدام عمتك ههههه
_صدمة الي صارت
_اي والله صدمة صاير شي ؟
دخلت أمي سكتنا دخلت وسدت الباب وراها " أني سمعت اخبار تكول احنا عائلتنا كلها مشاكل ومسك ماتنجرع ومتعاركة وياها قبل فترة ورايحة زعلانة
مسك_بالقرأن مكايلة ولاجايبة طاري
ام نزار_ادري مو انتِ اعرفج أني وحدة من البيت
جاي تنقل أسرار العائلة
قاسم_منو تتوقعين
ام نزار _ اعرفها وحسابي وياها
طلعت أمي متعصبه ..
مسك_منو تتوقع تطلع أسرار البيت ؟
قاسم_ماعرف بس طيح الله حظها شلون تطلع
اسرار البيت كل بيت وله أسراره
مسك _ وعمتي كاعدة بالمرصاد
قاسم_ههه هي دوم بالمرصاد
مسك _اي والله خل اروح اكعد يمها اليوم فرصتي
ابقى مدلله خل استغلها هههه
قاسم _ مخبلة هههه
مسك _ههه
مصطفى تعارك وي امه وأبوه يردونه يأخذ وحدة من بنات عمتي حسنة صار يعيط مثل الجهال المسكين مايريد منهن تعاركت عمتي ماتحملت تدخلت
وتعاركت وياهم وكلتله لم اهدومك وتعال يمي عندي غرفة فاضل فارغة اخذها الك مالك كعدة بهذا البيت تعاركت
عمتي ردت اكوم اشبعها كتل
كوه لازم نفسي رجلها يهادد ويرد " اشووووو اسكت الخاطر الله هسه تأكلون أكله ماتعجبكم ولكم شبيكم أنتو ماكو عقل براسكم شلون تزوجون الولد بنية مايريدها
عمتي_ لعد يريد منو خل يحجي عنده وحدة
ابوي_لعد اجيب الغريبة اشو لايقبل يتزوج من عمامه
ولا عماته ولاخالاته لعد يريد منو خل
يحجي يريد منو
رائد _ماعنده وحدة وعوفوا الولد براحته
عمتي_ولك جاي ا يكبر ماجاي يصغر واريد ازوجه وافرح بي
مصطفى _من كبرني توني دخلت بال٢٧ سنة
ابوي_لايابة بعدك زعطوط من كبرك ولك
احجي منو هاي التريدها
مصطفى _ماعندي الله ماعندي شبيكم تخبلتوا علية
لتخلوني هسه أرجع للدوام واخلص منكم
ومن مشاكلكم .
ركع الباب وطلع " هسه دكوا وزن هججتوا الولد
طلع بره طلعت وراه صار يشكيلي منهم يكول شالعين قلبي تعال تزوج وتعال تزوج فلانة وفلانة وأني
مالي نفس بيهن شلون اتزوجهن
وماتحمل أبقى بعد "
قنعته وأخذته للبيت حجيت لأمي السالفة تعصبت من عمتي انوب طلعلي ابوي من صفحة تعال أنت ويا اخذوا
بنات عمتك حسنة احسن مالغريب يأخذهن
تعاركت ويا.مصطفى هم تعارك زعلنا ودخلنا الغرفتي واحد مكابل الثاني كالبين خلقتنه جابولنا الغدا للغرفة أكلنا ونمته بنفس الجرباية واحد يباوع بوجه
الثاني " فتحنه موضوع فوفو وكال مثل ماتفقنه بعد ثلاث أيام نطلع لاربيل علمود نكمشه ونطلع كل كذبه
مارحت لزوج رهف
_ اتصلت بي وكلتله اريد التقي بحظرتك كال أني
يومين انزل وتعال مر بي فلان مكان
_بالموصل
_اي
_طريق طويل
_اي شنسوي لازم نحل المشاكل ونخلص
_ان شاءالله تنحل
انطاني ظهره مبين نعسان اني ..جبت التلفون وكمت اراسل بزينب على أساس أني بنية أبد مانهي الكلام وياها علمود ابقي المحادثة مفتوحة وارجع احجي
وياها شوكت مايعجبني .
بالليل عمتي ..... معزومة عدنا على العشة وأني ومصطفى طفرنه للمطعم طلعنا عذر عدنا شغله مهمة في سبيل مانبقى بالبيت ونشوف وجه عمتي وبناتها التلاثه .
الحمدلله ماباتت عدنا راحت باتت .....بيت عمتي الصغيرة ومصطفى رجع وياي زعلان من أهله أبوي حجه ويا مافاد الكلام ويا هي كوه مايريد منهن
صاح بي "أنت طيحت حظ الولد من يوم مشى بدربك
شلونه جان افقيرون ومايحجي طلعتله
كرون وخبلته رائد
مارديت بس أرد وأني أعرف نفسي ردي قوي يصير ويزعج ابوي وتكب العيطة زينب دازتلي بصمة صوت وتطلب احجي بصمة حرت بزماني بس احجي بصمة
راح تعرفني رائد باوعت المصطفى ...... وفهمته السالفة كلها ماكال باطل اخذ التلفون وصار يحجي وياها بصمات
وأني كاعد كباله وأضحك
من سمعت صوت بنية آمنت أكثر وحجتلي عن نفسها هي مفصوله عن زوجها وابنها عنده مايقبل يجيبه الها ودا تموت على شوفه ابنها وأتمنى لو أشوفه
الحمدلله مانزلت ....بي دوسة ونص بس كالت بسبب خياتنه الي انفصلنا عن بعض وهسه أريد أشوف ابني محد يقبل ياخذني لبيتهم من هو بالدوام واشوفه
لو يقبلون اشتكي علية كلها تخاف منه .
كلام يجر كلام تعصبت وكال " هو لو يحبني
صدك جان خلاني أشوف ابني
مصطفى _شراح يكون ردك ؟
رائد _ ماعرف اطلع من المحادثة
مصطفى _تمام هاي طلعت هاك التلفون
أخذت التلفون شمرته على الشحن وتقطيت هو هم
راح طفى الضوه واجه تغطة بصفي ..
مصطفى _ليش ماتشوفه علاوي ؟
رائد _ماتستاهل
مصطفى _ انطيها حقها صعبة الخيانة وهي جانت تحبك كلش وتفاجأت من خنتها وي ام سعودي لو انت
بمكانها جان شسويت ؟
رائد _سد الموضوع مصطفى
ثاني يوم اجوي أهل ... مصطفى تصالحوا ويا وردوه للبيت خل يتعلمون مرة الثانية مايجبرون الولد على شي مايريده أبوي جاز مني بعد ماجاب سيرة الزواج .
وعمتي حسنة بعدها ..... موجودة ثاني يوم أخذت مصطفى ورحنا لليت رجل رهف جان انسان محترم عرفني أني رائد خطيب رهف السابق .
فتحت وياه الموضوع ضاج بالبداية فهمته كل السالفة من بداية خطوبتي الرهف ماكلتله كبلت وياها على الانستغرام كلتله شفتها كذا مرة من جبت لبيت اهلها
ويه أبوها وشغت أخلاقها وجمالها وسلوبها بالكلام نعجبت بيها وخطبتها وأني مناه جنت أحب بنية من اهل الحلة
وابوها مجان يقبل ينطيها الي.
لان سني ورهف جانت ماتريد تبقى يم اهلي تريد بيت الواحدها وأني الوحيد باقي يم اهلي وماكدر افارق
أمي لذلك خيرتها بين تعيش يم اهلي
لو نفسخ الخطوبة عاد هي ماقبلت وفسخنه الخطوبة واذا وراها كلمن راح بطريقة لا اعرفها ولاتعرفني صارت والله شاهد عليه هاي القصة كلها
وأني ماعندي شي وي البنية والبنية جدآ محترمة والكلام الطلع عليها كله كذب مجرد تشهير بي وهذا المقدم فائق يكرهني علمود بسببي نقل للموصل
وإذا ماتصدك بي تعال للفوج مالتنا واسأل وشوف شراح يكولون الجنود والضباط علية " وبسبب فائق أنت طلقت مرتك وأني كذلك طلقت مرتي
المسؤول ابو يونس دمرتي وشوه سمعتي عباله أني شوهت سمعه بته وحتى مرتي حبيبتي تطلقت مني وشمرت الولد علية شنو ذنبي أني وشنو ذنبك أنت
وذنب أطفالنا وزوجاتنه ينفصلون منورة كلام شخص حقير وسافل وحقير مثل المقدم فائق .
صدك بكلامي لأن كلتله كوم جيب القرآن خل احلفلك على كل كلمة كلتها هو صح جذبت بخصوص البيت والخيار كله
علمود مابين حقيقة رهف القذرة
وي اهلي وشلون حجت عليهم ماريد ازيد الطين بلا
بيناتهم محتمل المرة تغيرت واخذت عبرة
من تركتها .
_حشاك من الجذب ابو علي وان شاءالله نكشف المقدم فائق على حقيقته القذرة ونشوف كلشي العمي ابو يونس
وتنحل كل المشاكل
_ان شاءالله باجر اريدك تجي وياي لاربيل علمود نكشفه
_ان شاءالله الفجر نطلع
_ان شاءالله
الحمدلله طلع الرجال متفهم ويحمد برهف يكول خوش مرة ماشفت منها شي وكل ماانزل نروح لاهلي
تساعد أمي بالشغل .
ودائماً توصي بي ماهمل اخواتي واراجعهن المرة زينة بس من سمعت هيج كلام عليها تخبلت وهي صارت تغلط ولاصت الشغلة بيناتنه وبحاله اعصاب
طلقتها والله ندمان طلقتها وأتمنى ارجعها بس اخذ الدليل لعمي ابو يونس وان شاءالله أنت هم ترجع مرتك
وره ماتأخذ الدليل .
ترخصت منه وكمت بوجهنا للموصل .
بالليل كعدت اراسل زينب والصدمة الي من كالتلي
مصفي المنهولة معترف لها بحبه ويريد
يتقدم ويخطبها من بيت أهلها .
يتبع ...
اهمشي تفاعلكم بالقصة اريد الكل تتفاعل وتقدر تعبي وكل شخص يعلق 5 تعليقات حلوة ويخلي لايك علمود يصير
عندي واهس وانزل البارت ال14 بسرعة .