ثأرهم وبنات المسيحية

البارت 57

𖦹 𖦹 𖦹 𖦹𖦹 𖦹 𖦹 𖦹𖦹 𖦹 𖦹 𖦹𖦹 𖦹 𖦹 𖦹𖦹 𖦹 𖦹

نفذ صبري على روحي وراح اجويها
واحسبها واذلها والة انسيها
اطـلـعلـهـا كـلـب مـو اي درب تـمـشي
وراويها وجه جناز كاضيها

........................
فيروز ::خررررب من انعل ابو حيدر لابو هادي لابو خيون هسه شعليهم بصخمان وركضووو شكو

روحي لابت اباوع على روز تتلوئ تبجي وبيان شايله ايهم تسكت بيه. بس خلنزل اشوف شكو واجي.

ركضت نزلت اباوع من باب الصاله على بيت خيون الزلم تجيهم منا ومنا ولدنا راحولهم مشي واباوع كلساع طابكه سياره عليهم ولبيوت القريبه اجوهم مشي .. هاي كلها تحبهم سالمين

جاي ارجع اصعد وطلعت خلود لابسه عبايتها ودمعتها على خدها. حيدر يصير ابن دلال ودلال اخت خلود .. اني منا حاقده عليها من رادت تشمر روز ومنا هيه مسلتت

كتلها شنو مات سئلتها باهتمام من شفتها تبجي اشو هاي كبل تفلت بوجهي وصاحت
فالج لا كبلانه ماتت روحج ان شاءالله

يابه غير تخبلت مسحت وجهي وتفلت عليها بنفس الحظه عبالج اني روز واسكتلج ..

وهيه نجنت ماحس الا شالت تحفيه صغيره علميز البلازمه وشمرتها عليه اجت سنتر براسي وتصيح
حسيت وشه ودوخه صارت سررريعه جلبت بلحايط لازمه راسي

احس شي حار نزل على وجهي اباوع بيدي مليانه دم خرب روح اهلج والله اموتج اليوم
جريتها خانكتها بعبايتها لاصريخها شفعلها ولاصريخ البنات من نزلن وشافن الدم يجرن بيه ويصرخن واني مجلبه بخوانيگ خلود

شفتها تتفل دم يله ارتاح گلبي جرني البنات
وهيه كامت تبجي وتغلط متحلفه بيناا
دشداشتها مشككه وشعرها مكفش لاحجاب لاصخام كالت افلت بروحي العزيزه جرتهن وطلعت من البيت ولسانها على فد جره بالغلط والمسبه. دروووحي جعلج لارجعتي ولت البيت خيون تبجي. درت على البنات

-هيووو شكو شكووو تجوعرن فوك راسي
كعدت على بايات الدرج ارجف وهنه يمسحن بوجهي يبجن رفعت عيني اباوع بوجهه روز
.شبيج رحمه لامج ..
ماتشبعين من البجي انتي ماتملين شتشوفيني متت عليمن تبجين

-شك شكده بررررراسج خرب. نخابر ذياب يجي ياخذج للمستشقئ لج دمج راح يخلص

-جريت الشاش من ايدها دوخري كلشي مابيه عرج مايطكني وخري. كمت للمرايه اريد الفه اشو اني شفت الجرح.واحس رجليه بادن مكدت اضل واكفه.كبل كعدت ارجف

نرجس::جلبت بيدها متخبله وجها صار اصفر
اكعددددي متاثره بالافلام الهنديه انتي دمج بطولج وصيحين مابيه شي

بيان::اي اي تقلد عليهم طلقه براسه وطلقه بگلبه ويكوم يعارك

-رفعت عيني اخزرهن بالكوا اشوف كعدت عاقله وروز تعقم  براسي لازمه ضهرها .. نباوع السيارات طلعت من بيت خيون نشوف بس التراب وراهم ..

ضلينا كاعدين بصاله لازمه كلبي.بيدي الغروب كلش يله شفنا السيارات رجعن البيت خيون ولولد ماكو روز تتصل على ذياب ينطيها رفض ونرجس شهاب ميجاوب اتصلت على اصهب من جهاز روز هم ماجاوب

كاعدين كلنا بغرفة روز ميتين من الخوف كالت نرجس وهيه تباوع البيان

-جربي اتصلي على اصف بلكي يرد
بيان::صفنت بوجها ساكته حتى ماعرف شجاوبها فيروز كالت اني راح اتصل عليه من روز وهم ماجاوبها

-شبيهم مايجاوبون هذول كعدت يم بيان اخذت تلفونها جيبي اجرب اتصل منج ..
دكيت على اصف مأيسه يجاوبون اشو هذا من اول رنه رد

-ها بيان شبيج
-جا من نتصل ليشش ماتجاوبون

-كاعدين بلمضيف مو.وكتجن شكو
-اي ومن اتصل من رقم بيان ترد
-ومرض. بيان مريضه غير اخاف بيها شي

-ديله تعالووو شنو.احنا وحدناا شصار
-شصار علكت ورب الكعبه ..خليها سكته

-يا شصار
-هذا العار حيدر بلمستشفئ مصوب
ومن احنا دكيناهم تصوبو منهم ثنين
وهسه رفعو دعوه علئ كل شباب عشيرتنا

-ياااا عزززا وهسه شلون
-نشدها بنايلون

-يا اصف احجي شلون هسه
-مادري شبيج
-هسه انتم المن رحتو شعليكم

-ااه شلون شعلينا غير اعمامنا زحمه نضم روسنا اذا السلف والعشيره كلها فزعت احنا الاقرب شي نظم.راسنا ماتصير

-زين خومو انتم الصوبتو هذوليج
-لايابه رمينا ليفوك احنا ولوما العيب جا ولا رحنا

-ديله تعالو احنا وحدنا
-جا خلود البربوك وين

-اول ماطلعتو اجت وراكم
-ديله هسه شويه واجي اني عوفيهم هذول يردون يحلونها

-ماشي...سديته منه سولفت للبنات واحنا اصلا مافاهمين شنو السالفه. يمكن مرن عشر دقايق وسمعنا صوته جوا

-وينجن فيروزه
-نزلنا كلنا حتى روز مقبلت تبقئ اول ماشافانا صفگ بيده

-عاشت اديجن باب الصاله ضال مفتوح.وباب المطبخ مفتوح غير تقفلنهن.

روز::ذياب وين اصف .. باوعلي ابتسم
-رجاءآ ست عمشه كولي شيخ ذياب ضل يفيك بالمضيف عود هوا شيخ

فيروز::اصف انته تحشش شنو.ضحك كال اكعدن وجع شبيجن ماكو شي
كعدنا يمه ابد ميباوع البيان اخذ ايهم بحضنه كال. لو تدرن العركه علئ شنو تطمن روحجن

علئ شنو احجي مانطم.روحنا

-ههههه هذا العار رايح للمحلات هناك.بصفحة عشيرة.ال..... من رايد ينطي فلوس للولد ضال يخليهن بيده ويسحبهن عود يشاقيه هوا ضاله ربع عد الولد كاله رجعلي الولد ابو المحل سوا مثله هم ضل يخليه بيده ويرجعه.
حيدر مچيت عليه طاكه بوكسي وكاسر سنه شارد ولاحكينه مصوبينه
ومسلته الله وكيلجن

بيان::اباوعله يحجي بدون ميباوعلي مرايده يباوعلي بس تصرفه يحسسني وجودي غلط كامت فيروز تسوي عشا عيني عليه التفتلي
درت عيوني بسرعه منه وكمت ويا البنات

روز::روحي طلعت منتظرته بس اريد يجي حيل خايفه وكلبي يوجعني كعدنا نتعشا واصف ويانا يحاول يطمنا ماكو شي ولاتخافن ...الناس تخبلت من الدعوا لان اذا ولدهم نلزمو ينسجنون
واحنا ولدنا الدعوه المسجله عليهم يم بالمركز اليشتغلون بيه اهل الحجيه. فماينسجنون سولفنا اصف وكال الناس تريد السالفه تنحل واحد يجر طول واحد عرض

ملينا. من الانتظار وصعدنا الغرفناا بدلت. وكفت كدام المرايه شلت التشيرت اباوع بضهري صاير زراك خفيف وعندي وجع كلش خفيف

شويه وسمعت صوتهم جوا هوسه لبست دشداشه بسرعه وطلعت طلعن البنات طلعتي نزلنا كلناا ..

خلود تبجي على حيدر واصهب وذياب لازمينها تحشيش يضحكون.واحنا جنه هابطين من.وراهم يضحكون هيج بس حتى يقهرون خلود. لمحنا ذياب واكفين على الدرج ابتسم.وكمل كلامه ويا عمو

كملنا نزلتنا وكفنا بصاله عمو يطبطب على ضهر خلود بس شافتنا صاحت

-وهذذذن بناااات اخوك.بس.طلعتو.منا دارن عليه وكتلني

فيروز::فكيت حلكي اني ساكته.وحتى ماكلت طكتني ماردت مشكله.وهيه ضلت تعد.وتصف.
شكدددد.جذابه انتي.صاح عمو.مهنا

-اكليخرره لج. كل تربيه ماعدج شني دكليلها جذابه كدامي

-ذياب يصيح على عمو شنو.دكلها ماعندج تربيه وعلكت بينهم جريت الحجاب جنت منزلته كلش على كصتي حتى مايبين. اصهب فتح عيونه بصددمه
كتله اساسا هيه الضربتني وشكت راسي .
هيه لحظه الحجيت بيها محسيت الا ذياب هجم عليها واصهب يعد.ويصف. حتى على ابوه حجه وهيه بضهر عمو.تغلط متسكت.ولولد واكفين بوجه ذياب

اشرت للبنات اصعدن. اخذتهن وصعدت وهمه صوتهم شما جاله يعله ذياب يصيح على يوم الكاها اموته وحده منهن شسوووي اباوع بوجهه والله اذبحهاا طلعت اباوع من الدرج ماسكتو لمن عمو تخربط.وحتارو بيه

-رجعت للبنات كومن نامن يله راح تصير بالوحده تمددن بان وبيان بفراشهن وايهم يمهن
بقيت كاعده بوسطتهن ضايجاات جنه خمسه انام سوا وهسه صفن بس ثنينهن

شويه وطلعت من يمهن فتت الغرفة اصهب وكفت كدام المرايه اريد اشيل الزكه من الجرح وفات اصهب بلهفه مجرد فتح الباب لمني بحضنه بكل قوته
بقيت مصتكه بس فاتحه عيوني .اصهب

ابتعد يباوع بوجهي جر الطابويه كال
-اكعدي بله خلي اشوف ..كعدت بدون ماحجي
ارتجئ على الميز كدامي شال الزكه يباوع بالجرح

-يوجعج
-لاشسالفه هلكدوته
-شهلكدوته خياط هذا
-لاخياااط.ولاشي هاي باجر يطيب.اخذت الزكه من ايده رجعتها وهوا صافن.بوجهي

-يوجعني گلبي.من.تتأذين
-ابتسمتله رافعه راسي اسم الله على گلبك ترا اني..قويه.هيج سوالف متخوفني
ضحك.وضم.ضحكته رجعت اركز.بكلامي خاف مجفصه كال

-بس.سوالفي تخوفج وترجفين .

-حجاها يضحك. خرب سكتت منحرجه دنكت وجهي. ضحك.بصوت خله اديه على خدودي حاضن وجهي ابين اديه تحسر بهدؤؤ

-احبج يريحانة.گلبي
-بلعت ريكي ساكته تقرب بهدؤؤ نفسه يرجف
همس
-بس ابوسج فيروزه؟ تعبت ..

-احس دكات كلبي واصله لصاله نفسي.مسموع
غمضت عيوني مستسلمه. هستوه يخلي شفته على شفتي ونفتح الباب بقوه دفعت ايده وكفت بسرعه من شفت ذياب فات خايف

-فيرروزه
-عمري مابيه شي
-لازم.راسي. بيده روحه رايحه هاكد خايف
شال الزكه شاف الجرح عض شفته بغضب متحلف دار على اصهب كاله

-هاي مرة ابوك لو اذبحها وترسلي كلاص من دمها اشربه مايبرد گلبي

-تلكه دمها مسموم ..حجيتها اضحك اريد اهدي. حضنته اضحك .اروحلك فدوووه لتخاف والله مابيه شي حضني متحسر صاح اصهب

-اذا ممكن تراعون مشاعري وتبطلون احضان كداامي . استحيت جاي ابتعد من ذياب حضي اقوا يبوس بخدي. واصهب يصيح هوا انا زمال خليت ركبتي بيدك

.وخرني ذياب من حضنه عاكد حواجبه باوع الاصهب وباوعلي كال
.قبل لا ادخل شجنتو تسوون

-تمنيت بهلحظه اختفي اصهب يضحك وذياب يكلي تعالي ماخليج يمه هذا ادبسزز واني من كل عقلي مشيت ويا ذياب من الاحراج ماعرفت شسوي

صاح اصهب تعاي لج شو صدك رحتي.
وكف ذياب مبتسم .. تصبحون على خير
وطلع

كعدت على الطابوريه شكد عيب خرب الحظ واصهب يضحك على شنو هلكد نحرجتي شبيج
كال راح اسبح اني هزيت راسي ساكته اخذ ملابسه وطلع

وكفت واتذكر لزمته حسرته من يريد يبوسني
رغم انتظرني سنين اصير اله عايفني على راحتي واني مستغله هلشي ..بس يحاول يتقرب صحت عفيه اصهب وهوا ميساعدني هم من كلمه يبتعد

جريتلي روب نوم لبسته بسرعه لو اعرف اموت مو اختنك ماحجي ماكدر احبه على الاقل انطيه حقه كزوج
لبست بسرعه مو مال اخلي مكياج مالحك
رشيت عطر. من جاي اطلع مشط الشعري شفت شموع صغار جابتهن عمه بالنيشان الي والنرجس

.عفت شعري وطلعت بس ثنين الحك اشعلهن
نوب حطيتهن على الميز خو اشغل اضاءة النوم احسن شهلمعمه خرب. رشيت عطر ومعطر جو بالغرفه.
مرتبكه واركض ركض. تمددت هادئه يااا ماشعلت الشموع

كمت ادور علئ جداحة اصهب. هيه كدام عيني واني ماشوفها ادوور بصفها شعلتهن ورجعت

تمددت گلبي يدك سريع ياااربي دخيل اسمك ريح گلبي وكون ماتراجع واكمل البديته هذا حق كل زوج على زوجته واني مانعته مني وهلشي يغضبك.

.صفنت اريد اتذكر روز من تخاف شتقرا ماكو جريت تلفوني ارجف نعلعله يومي اتصلت على الوتساب نطتني رفض الهايشه دزت رساله ها

*شتقرين من تخافين
*شنو
*يا ايه
*شجاي تمضرطين شبيج.

*اكلج خايفه اكو ايه تقرينها ياهيه
*ها اية الكرسي
*خوش ولي

-شمرت التلفون خليت ايدي على كلبي كلت بسم الله الرحمن الرحيم ...وصفنت اريد اتذكر الايه ماكو ... جاي احاول اتذكرها ودخل اصهب

ختلت بالفراش اكثر اباوعله صفن على الشموع وحسرته توصلي تمشئ بهدؤ نشف شعره. طفا الشموع ويهمس ..لايحركنا
خنست ساكته

تقدم لجربايه شكل روحه بلفراش تحركت لطرف.
تعالي شكو ابتعدتي. .
تقدمت الحضنه بس لو الرجفه تعووفني زهكتني عبالك كاعده بالقطب الشمالي اررجف كلي

حضني راسي على گلبه تنهدت ساكته كال وهوا يرفع بوجهي ..

تشعلين جد جدي وتتراجعين. يوميه احسج تمشيني،بحافة الموت خايف هلمره ماكدر. ابتعد اذا رفضتيني. .

-سحبت نفس مرتبكه خجلانه احجي. دنكت عيوني،اعض على شفتي همست. لتبتعد حتى لو رفضتك. هذا حقك عليه. 

-خله ايده على راسي رجعه على صدره كال بهدؤ ..خلص نامي ماريد شي. 
-سكتت فشلانه همس

-لاتحجيلي بسالفة حقي وحقك انا مارايدج بس جسد و ماحبيتج الخاطر ارضي غريزتي.
صح احتاجج وميت عليج
بس مو معناها اغصبج لو اموت ماسويهاا .

رايدج روح وجسد شلفايده اذا اجيت يمج جسمج بيدي وگلبج وعقلج وروحج بغير مكان

-مغمضه عيني واسمعله من يحجي،راسي ينرفع ويرجع ويا صدره جر مخدتي عدلها رجع راسي عليها مبعدني من حضنه باوعلي مبتسم ...نامي
رويحتي لاتهتمين الشي

-كام من يمي جر باكيت الجكاير. وكام كعد اباب الغرفه فتحه على كيف وكعد يدخن.  .يمكن عباله. افكر بغيره او اباله غير شي ماعرفت افسر كلامه احس نفسي اختنكت . باوع الجهتي،غمضت بسرعه وكف كال يالله بهدؤ
سد الباب وتقدم لجربايه بقيت ناطيته ضهري
وكف مدري. شيسوي. شويه وتمدد تغطئ يستغفر بصوت ناصي.

كال نمتي فيروزه ماحاجيته
مد ايده يتلمس كتفي رفعته كاشه وضايجه حس سحب ايده تحسر ساكت. 

-يمكن ضجتي من كلامي او حسيتي مارايدج بس ترا غلطااانه. لو اعرف تكونيلي روح وجسد ليله وبعدها اموت والله اقبل واني الممنون ..
بس مال اتقربلج. لان تحسين نفسج ما منطيتني حقي
وباجر اكعد اشوف الندم بعيوونج ماكدر اموت
انا رايدج من نفس راضيه فيروزه. 
ماريد اخذ شي انتي عازته عليه بس مجبوره تنطينه تحت مسمئ حق الزوج. 

-صفنت اركز بكلامه هوا اني من جاي اتحضرله نفسي راضيه مو قصة بس حق الزوج اني رايده اعبر هلمرحله تقبلت حياتي واقتنعت بلواقع
شعوري رايده الاصهب حتى لو ما احبه مقتنعه. حبه الي راح يكفي نعيش حياتنا بسلام

همست بهدؤ واني ناطيته ضهري انته مجاي تساعدني اصهب. اني ماعرف شنو البيه وليش اتراجع رغم احس نفسي مقتنعه ولاعبالك من اجي الحضنك افكر بغير شي.   بس مادري شنو
اليخليني اتراجع
اصهب. ترا عقلي وگلبي بوجودك ميرحن الغير مكان .

-تعالي تعالي مد ايده يسحبني الحضنه رخيت جسمي كلش خليت راسي على صدره نازع التشيرت جسمه نار عكسي
تجرأت ارفع ايدي اخليها على صدره. ساكته تنهد نفسه يرجف احبج فيروزه
شم شعري وباسني بهدؤؤ
كزبر جسمي واني اسمعه قبل كل خطوه يكول بسم الله

حاولت بكل مابيه اهداء ومارفضه خاصه بعد كلامه. تقرب الشفتي يرجف بلهفه باسني بهدؤؤ
اجذب اذا اكول ماتراجعت. وحس عليه بس
ضيعني،بطريقته ماكدرت ارفضه بحضنته الي
ابوساته بغزله اليهمسه باذني .رجفته وخوفه عليه خلاني استسلم اله
تقرب حاضن راسي اله همس.  تحمليني بس هلدقيقه مراح أذيج بشي،بعدها. .
فتحت عيني اريد اباوع بوجهه.
تقررب خله شفته على شفتتي.  تشنج جسمي موجوعه. ميلت راسي كاتمه صوتي

بهليوم صرت لاصهب من صدك بهليوم عرفت شنو حب اصهب بمعاملته الي. مايتصنع متكش نفسه مني ساعدني بكل خطوه
رغم ماعندي وجع قوي قريت الخوف والقلق بعيونه دخلت للحمام ورجعت محضرلي حبايه وكلاص ماي وبيده يمشيني للفراش .

روز:: سولفت لذياب كلشي سوته خلود. وهوا ساكت يهز راسه متحلف..
حجه هوا على خباثتها واني على صدره
محسيت بنفسي من نمت فزيت على صوت التلفون رد. وكام بسرعه اني مسطوره حتى ماكدر اركز بكلامه. جر التشيرت والتلفون على اذنه

-كول غيرررها يمعود ودوامناااا .
صحت شكو ذياب مثل ماطلع من الغرفه لبست وطلعت ورا البنات حالهن حالي مافاهمات شي وهمه بصاله يتصايحون. نزلناا يمهم عمو يصيح

-كومو اشردو هيه ليباجر تنحل بس اطلعو
واصهب يصيح اخوالك جذابين همه الحولو الدعوه من يمهم
رجع دك تلفون اصف رد وكام بسررعه صاح
كومو يابه طالع علينا فوج هسه نص ساعه هوا فوكانا

التفت ذياب شافانا صاح ماعوف البنات وحدهن
مهنا:'هسه انت حير بروكك شعليهن البنات
-هههه شعليهن ومرتك الله اليدري شراح تسوي من يبقن وحدهن وياها.

تصايحو هوا وعمو التفت علينا اصهب صاح بدلن ركض بقينا واكفين منتضرين كلمة ذياب من عاط تحركن يله رجعنا للغرف بدلنا اجه هوا روحه شايطه.  نزل غلط دوسه ونص على خيون وعلى عمو مهنا

باوعلي جر حسره. امشي يابه امشي واصف من جوا يصيح يله طلعت. اخذت ايهم من ايد بيان
ركض صعدنا بسيارات. شخطوهن طايرين وتلفوناتهم ادك كلساع واحد مخابرهم اطلعو وصلو لفلان مكان هلكد سيارات جايات. الاخبار توصلهم اول باول

وبان الرعنه تضحك ودكله همزين رجعنا شردنا احب هذا المكان. نزلنا كعدنا بيه احنا بدون ريوك ولا جايبين شي ويانا سلمو على الرجال همه نزلنا دخلنا بالغرفه فيروز حيل مطنكره. صاحت

-مو حاله هاي تررا شنو نشرد شمسوين احنااا ونشرد

ذياب:'ما مسويات شي بس ام اصهب ماموجوده ماكدر اعوفجن يم خلود

فيروز:: وكفت عدل هسه انتو المن رحتو تسجلت عليكم دعوه وانتم اصلا متحبونه الحيدر

-بعد لازم مايصير مانروح. وثانيا حتى لو مارايحين اول اسماء يخلونها احنا هيج بثواب ام البنين حتى لو كاعددين وساكتين.

ابقن هنا نسويلجن ريوك
روز::عافنا وطلع بيان منسطره كلساع وصاحت راسي حينفجر وايهم مكيف يريد يطلع الجو بارد خاصه هناا بروده قويه صاح اصهبب تعالن يابه طلعنا لكيناه مشعل نار وفارش يمها كعدنا

ولاجنهم شاردين خابرو ليث ميتين ضحك لان حتى هوا عليه دعوه كالوله لاتطلع اكعد واسكت
عجنو عجين سياح ماكو خبز ومايعرفون يسيحون نرجس كالتلهم اني اعرف خربت الاولى والثانيه بثالثه رهمت. مصار ريوك تعلعل.
ساعتين ومكامل. تريكنا وهمه يحششون خرب لو اني شارده من الشرطه جان متت بجي. ذياب نقهر على بيان بجت من وجع راسها وحبوب ماكو

اباوعلها تلوب تمددت على رجليه اعصرلها وهيه روحها رايحه صاح اصف
-اروح اجيبلها علاج يابه شنو نضل نباوع عليها
ذياب-ججج اكعد هسه اخابر اي واحد يكدر يجي لهنا

-تخابرمن مثلا حمزه دطير يابه رايح اني
-صيحو عليه رادو ماكو فر سيارته وراح ذياب شبعه مسبه صاح شجاب طارري صخام بنص ليش بكل سالفه وصاح نعال
-حتى ايهم خنس من سمع صياحه

بطرس-خاف من البروده شدي الها عمشه
بيان::مسحت دموعي وكعدت اريد امووت وجع راسي مينحمل حتى عيوني ماينفكن شدت راسي روز بشال ثاني كال ذياب كومي نامي،بالغرفه تدفين اكثر

كمت تمددت روحي تلوب وذياب مخلي ايده ابين حواجبي. غمضت عيوني اريد بس انام كال ذياب راح اشعلج الصوبه واجي
شغلها يمي غمضت عيوني ونمت فزيت على صوت تلفوني ماعرف شكد نمت. شفته اصف جاوبته.  الو

*ها بياان بعدج موجوعه
-اي شسويه
-هسه اجيتج تحملي. ربع ساعه جبتلج علاج
-ماشي.  جاي اسد الخط وسمعت صوت. طلق وصوته من صاااح خرررب. الو اصف اصف وينك اصف
بلعت ريكي بخوف ارجف اسمع صووت سياره تمشي وصوت رصاص. واصيح وماكو ....

البارت 58

𖦹 𖦹 𖦹 𖦹𖦹 𖦹 𖦹 𖦹𖦹 𖦹 𖦹 𖦹𖦹 𖦹 𖦹 𖦹𖦹 𖦹 𖦹

حـزنـي الـمبيـن بيش إسـتره
مَفضوح چن دم اعلى غـتـرا

........
ها بياان بعدج موجوعه
-اي  شويه
-هسه اجيتج تحملي. ربع ساعه جبتلج علاج
-ماشي. جاي اسد الخط وسمعت صوت. طلق وصوته من صاااح خرررب. الو اصف اصف وينك اصف
بلعت ريكي بخوف ارجف اسمع صووت سياره تمشي وصوت رصاص. واصيح وماكو ....
تخبلت بس اريده يحاجيني الخط.مفتوح وهوا ماكو.

روز::كاعدين كلنا يم النار الشعلها اصهب مفترين عليها وبيان نامت اصهب اتصل على عمه يريدها ترجع ماراهمه جيتنا وياهم لهنا.
جاي يسولفون وطلعت بيان تبجي متخبله
كمنالها كلنا ذياب بس يرريد يلزمها
صاحت ..

-اصفف اصف صوت سلاح يمه اصف
روز::كعدت على اركبها تبجي بحركه وجعني گلبي من صياحهم يردون يعرفون شگاللها وين هوا وهيه مختنگه بس تبجي ركضو يردون يرحون واصهب جر تلفون بيان سد الاتصال ورجع اتصل. بس صاح الو رجعو الولد منتظرينه يحجي

-ووووين انته اصف.  اصف احجي
-شلوووون شلون.  احلف مابيك.شي
فضها تعال. .

روز::كومت بيان صاح اصهب يگول مابيه شي راح اوصل كالته بيان مختنكه
-والله جذب سمعت صوت الرمي قرريب عليه وسمعته صاااح خررب وصوته متوجع

فيروز::تعاي غسلي هسه يجي لتخافين اخذتها غسلت وجهاا. الولد مارتاحو واكفين ويباوعن كل خمس دقايق متصلين عليه يرد يكلهم راح اوصل اجيت راح اوصل وساعه كامله وهوا ماكو صارو اعصاب ينافخون خنسنه ساكتين

صاح بطرس اجه اجه. وكفنا كلنه
دخل السياره من بين الاشجار صفاها بعده مانازل فتحت عيوني على وسعهن من شفت قميصه مملي دم الولد تخبلو. نزل وهوا يصيح
مبيه شي والله ماكو شي بيان موتت نفسها من البجي. خانگه صوتها  ذياب واصهب فوك ما الولد دمه بطوله يكفخون بيه
يردونه يحجي وهمه مينطون مجال

يريد بس ينطونه مجال ويحاجيهم ماكو جنهم مخبلين صايرين نار صيح عليهم بصوت عالي يله فكو ياخه واحد يجر بيده واحد بقميصه
دفعهم ونزع القميص
يراويهم الجرح غمضت عيووني مخترعه شخط بطول الاصبع بكتفه

اصف::اطو.مجال واحد ياكل.خرررره ويحجي يفهمكم.  الرمو ماعارفهم منين وهيه بس شخطتني وفاتت كبل لاتخرعون البنات كافي

ذياب::اكعددد اكعد اكلنه تبن وگنالك لاترووح لاتصخم تررد الكح...به ترد. وانته لا

-ذياب شسالفه البنات مناا ..هاج بيان اشربي حبايتين من هاي وهاي

بيان::مسحت دموعي ارجف عيني بكتفه ذياب مخلي القميص فوك الجرح وضاغط عليها حيل وشهاب يصيح لازم تتخيط شلون. اخذت العلاكه من ايده ابتسملي. بوجع واصهب يتصل ماعرف على منو يعارك

فيروز::لاعدنا شاش لا معقم لاشي حتارو ابيش يعالجونها. اتصل بطرس ماعرف على منو وكاله اريد هيج وهيج. واصف كاعد يم الجمر وهمه فوك راسه. يلعب باعصابهم .

اصهب اخذ من الحبوب دگاهم كلش. رشاهم على الجرح وشداه وذياب يگله خلي اجوي الجرح حتى مايلتهب وهوا يحلف كل دين لو اعرف اموت
ماخليك تجويني شويه هداؤؤ من شافوه زين كام يباوع بسيارته من يمشي يغمض عيونه بوجع بس مايريد يبين صاح شكد فكر يوميه مصلحهاا

شهاب::دعووفها هسه يابه اكعد لايصير بيك شي ليش ماتخلينه نروح للمستشفئ يخيطونها الك وعود خلنا ننسجن

-ججج مابيه شي عليمن
بيان::عاصره الحبوب بيدي روحي لايبه للمره الثانيه جا مات بسببي للمره الثانيه اوصله للموت .
اباوعله يفتر على السياره وذياب واصهب يصيحون تتعوض المهم سلامتك عيني على اصف

كام يغمض عيونه بثكل ويرجع يفتح مشيته شويه شويه تميل نتبهله اصهب لزمه اخذوه للغرفه كعدت على حيلي بچيت بقهر خفت حيل خفت

فيروز::حضنتها  على گلبي كافي شبيج عدت سلامات ماكو شي كافي باووعت الروز كاعده ايدها على خدها ونرجس على جهه يمها ايهم بان مجلبه بيد بيان بالله احنا بيها عليها يوميه
متهجولين المكان

شويه وطلعو الولد وصوت ستوته قريب علينا طلع اصهب برا الشجرات نباوعله من بينهم  تسالم ويا الرجال. نزله غراض. وطلع راح بطرس ويا اجه اصهب بيده بس علاكة علاجات وبطرس جاب باقي العلاليك مسواك

كمت اريد اخذهن ادخلهن للغرفه كال ذياب لا ضلي. هسه عوفيهن وفاتو همه للغرفه شويه وسمعنا صياح اصف ويغلط على الولد وجعني گلبي وكلما يصيح بيان تغمض بقهر حسيت على ساعه يوگف گلبها وتموت

كامت من يمنا ركض ابتعدت ورا الاشجار
وكفت بان تريد تروح.وراها ... كتلها عوفيهااا شويه وحدهاا هسه تهدئ وترجع .
شويه وطلعو كلهم حتى اصف يمشي بثگل متوجع باوعلي ذياب يتلفت كال بقلق

-وين بيان
-اشرتله عليهاا منطيتنا ضهرهاا هز راسه بقلق شكو
-ماكو شي كعدو يمنا. اصف عينه على بيان يتحسر بقهر بطرس. يجمع حطب يخلي على النار.

روز::خليت راسي على كتف ذياب همس بصوت ناصي بردانه؟
هزيت راسي لا. ورفعت عيني اباوع بعيونه
-شبيج
-مابيه شي حجيتها واشرت الايهم اجه الحضني يركض. مارتاح ذياب كلساع وكال شبيج شكو
سكتت شگله شراح يتغير اذا كتله خايفه بيوم من الايام تاخذك مني هلعركات والثارات خايفه بيوم تطلع ومترجع خايفه تعوفني ..سكتت ووهوا تحسر يستغفر ربه

باوعت النرجس وشهاب كامو يتمشون على جهه اصهب وفيروز يحجون همس. اصف وبان ثنينهن يباوعن البيان بحسره وبطرس تلفونه بيده يراسل

ذياب انتبه البان صاحالها حضنهاا
-شبيج ضايجه مو مساع دكولين همزين اجينا هنا

بان::باوعت بوجهه يباوعلي بقلق ذياب خلي نرجع البيتنا بلبصره وحتى الولد وعمه ويانا ليش باقين هنا ويوميه تصير مصيبه واحنا نخاف حباب خلي نرجع اني تعبت من كد ماشوف السلاح كمت احلم بيه ..

روز::حجت بان البگلبي ماتحملت بجت تشكي لذياب انته راح تعوفنا من وراهم ورا مشاكلهم خلينا نرجع ماريد نبقئ هنا بس مشاكل جاي احلم كومه احلام تخوف هناا  عافاها براحتها تحجي.  وتبجي حاضنها ساكت لمن هدأت وخرهاا كالها شتحلمين. باوعتله بخوف ودارت على فيروز هزتلها راسها لا بهدؤ ماتريدها تحجي

-باوعيلي بان احجي ماعليج بفيروزه احجيلي شجاي تحلمين
-مره حلمت احنا جاي نحترك اني وخواتي بالغرفه وانته جيت تنقذناا ورحت بنار ماكدرنا نشوفك بعدها

-اي وبعد شتحلمين بله
-هوا هذا الحلم يمكن تحللمت بيه مرتين لان افكر بيه قبل لا انام ومن افز احس نفسي هم حلمانه بس ماتذكر. و

-وبعد
-هزيت راسي بس هيج اخاف احجي حلمي الثاني
-اكو بعد احجي لاتخافين اصلا من تحجينه ترتاحين سولفي

-بيوم زواج البنات من نمنا بغرفتكم حلمت  وكعت بحفرره وصخه حيل اني ابجي وحيه التفت على رجلي صرخت شكد بس محد ساعدني ..حجيت وتذكرت الخوف العشته وقتها بجيت بحركه

-اششش اطغاث احلام ماكو هيج شي هههه بطلي لتصيرين دكتوره صيري مفسرة احلام

روز::كام ايهم من حضني بعصبيه لان شاف بان تبجي دفع ذياب خازره ويمسح بدموع بان وذياب خربان ضحك عليه
غابت ضحكت ذياب من شاف اصف كام تمشئ البيان. تنهد ساكت

بيان: ::التفتت من حسيت احد اجه يمشي بتجاهي بس شفته اصف شمرت العوده من ايدي ومسحت الجنت راسمته بالتراب

تقرب كعد ابعد شبرين عني باوعتله مختنكه همست. اسفه دنكت من نزلن دموعي امسحهن بسرعه مستحقره روحي حيل كال

-شبيج على شنو هلبجي. شربتي حبوب
-هزيت راسي ااي بدون ماباوعله احس بذنب تجاهه. تنهد كال

-عبالي راح امووت..
-رفعت راسي اباوعله شفتي ترجف اابتسم و كمل كلامه يباوع بعيوني

-بالحضه الصار بيها الرمي ماحسيت بايدي ساعة صواب من شفتهم كلت السياره راح ادك الناقصه وتعطل انكتل وانا سلاح ما ماخذ وياي ردت شي واحد بذيج الساعه ردت بس اكلج
جذاب الكال طلعتج من گلبي
جذاب الكالج ماتهميني
وكتها تمنيت بس اكدر اكلج يلشيرازيه اصف بعده يحبج .

-تغيرت ملامحه راسا. اباوعله بتركيز خاف تفوتني كلمه ماسمعها ماعرف ليش هلكد اهتميت الكل كلماته عيونه يرفعهن ثانيه يباوعلي ويرجع يباوع الهم ويدورهن دما بركبته يتشنچ.ويرجع يرخه نتر بعصبيه خازرني

-شمعنىىى انتي همممم ليش انتي بذااات
شجابج على گلبي مو سلمتج بيدي وانتي ابدلة عرسج مو المفروض هسه اكرهج. .
ليش دوم بتفكيررري. متحجييين صيح ونتبه لذياب يباوعلنا. دار وجهه يستغفر

همست متردده ماعرف شنو احجي خايفه اسكت وخايفه احجي. مادري هز راسه وحجه بهدؤؤ
-ماتدرين ماتدرين انتي كلشي ماتدرين

تعرفين شنو.من تناقض عشته اقنع بروحي كارهج واول مادخل للبيت عيوني ادورج
بس كون المحج بنظره حتى لو من بعيد
يوميه اعوف دوامي.واجي المدرستج
بس حتى احفظ لون عيونج بعقلي ارجع لدوام.واني اردد عينها اليمنئ عسلي واليسرئ اخضر. الكه روحي صافن ساعات احاول اتذكر نضرتج وكل موقف خليتي عينج بعيني
شنو البيهن وهيج يضيعني ليش كل يوم اشوفهن بلون. .

-يحجي بلهفه وعتب يسكت ينتظر مني رد واني منطمه وساكته بس ارمش بعيني ماعندي اي جواب. سكت يباوع بعيوني كال متحسر

-كومي روحي هناك يمهن
-التفتت اباوعلهم ذياب يباوعلنا وينصي
باوعت الكتفه مخلي ايده على بطنه ولابس قميص وفوكاهن ترواكه. بلعت ريكي رجعت اباوع بعيونه همست ليش صيحت مساع شسوولك الولد

-صارو دكاتره عليه خيطو الجرح الچلاب بدون تخدير والله استاذ اصهب درسله سنه معهد تمريض يريد يطبق براسي. .

-ميلت راسي يباوعلي بطريقه غريبه واني من يمي عقلي يفسر نظراته احسه يگلي بسببج
..ليش هيج تباوعلي

-شلون اباوعلج
-ماعرف يعني انا حاسه نفسي مذنبه ومن تباوعلي هيج اكرهه روحي

-اكرهيها ميخالف انا احبهاا
-حجه ابروود وكام وكف كال
كومي بارده هنا

-نفضت ملابسي وكمت امشي وراه خفت اباوع بعين ذياب كعدت بصف روز لمتني بحضنها وتهمس باذني ..شلون صار راسج ..

فيروز:: احس نغزات تصير ابطني وضهري شويه وتروح خفيفه.
اصهب كاعد يمي ونرجس وشهاب ضاعو ابين الاشجار دك تلفون اصهب باوعت للاسم قبله
رد على عمو

-الو هلا يابه الله يساعدك لازين والله مابيه شي. اي لااا صدك وين كضوه ههههههههه جا عمي مهدي شعليه هههههههه عاشت ايدهم.  لا لاتجي شسوي عدنا مسوك واصف زين كلشي ماكو لايضل بالك. الله وياك يابه ...

-سد التلفون يضحك كالهم
-كاضين عمار عد انسابته وسعد وعمي مهدي ثلاثتهم بسجن
-بمجرد كالهم هيج غصو من الضحك صاح ذياب

-يابه كتله لاتروح لنسابتك علاسه وهوا مجلب يمهم. حيل ااااخ شوكت يطلع وشمت بيه
اصهب:: هسه تلگاه طلعانه روحه مو من السجن يفكر من يطلع شيخلصه منه

-مايخلص.والله الزمها عليه سنه هم مسجون وهم نسابته عالسينه
فيروز::باوعتلهم يضحكون واحنا مافاهمين بس نوزع بتسامات على الواهس باوعت لذياب كتله شكو تشمت بيه خطيه كال

-لا لج مره انسجنا انا واصهب ومحمد ابن عمتي شيماء وشهاب. عمار اجه للمركز يضحك علينا يوم وطلعنا وهوا لزمها شهر كلما يجي يصيح علينا المساجين

روز::عكدت حواجبي رفعت راسي اباوعله ليش نسجنتو. باوعلي وحجه بنفس طريقتي
-كتلنه طليق زهراء وشتكو علينا

فيروز::عفتهم يسولفون وكمت ادخل الغراض للغرفه وافكر شلون وشسوي غدا خومانبقئ هيج جاي ارتب بلمسواك ودخل اصهب وكفت الغرفه ضواها خفيف وبس الصوبه مشتغله بيها

ها فيروزه
ها ..خله ايده على خدي كال بلهفه
-شنو يوجعج شي .
-شويه ضهري. همست مغمضه عيني اشو هذا كبل خله ايده على ضهري دفعت ايده متفاجئه ورجعت ليورا بصدمه وما متعوده. على قربه مدري نسيت هلشي عادي وحقه وهو زوجي  صحت شجااي تسوي.

يباوعلي بصدمه ردة فعلي حتى اني ماتوقعتها
فشلت من نظرته الي وصدمته رجعت وكفت كدامه مستحيه اريد الزك السالفه السويته همست اسفه نسيت انته زوجي

-مانسيتي بس هيه هاي انتي تعرفين ليش ماردت البارحه اتقربلج لان حسيتج ماجنتي مقتنعه ومتردده وهذا الجنت شايله هم نضرتج هاي خوفج الندم البعيوونج ..
صح سلمتيني نفسج بس غاصبه روحج. .كل تصرفاتج وياي بالغصب تحسين بذنب.  بس هاي ردة فعلج واقعيه

-اصهب لتسوي سالفه من لاشي مجرد تفاجئت لان ما متعوده لاغاصبه نفسي وللاشي شبيك انته بس تريدلك زله عليه.  ارتبكت من فتح عييونه بصدمه

-ههه ادور زله عليج بالعكس المفروض دكليلي ليش ماتشوف زلاتي ليش تعبر كل اغلاطي وياك.
المهم انسي لاتهتمين

-دار وجهه يريد يزعل وانا كل السالفه ماجانت بقصد من التوتر ماعرف شنو الاحجي لاول مره اخاف من زعل احد هلكد. ركضت قبله سديت الباب صاح وخرررري فيروزه اختنكت لزم زندي يريد يدفعني. رفعت روحي على اطراف اصابعي
بحركه سرريعه بسته بشفته

نفسها الايد الراد يدفعني بيها سحب بيها  راسي عليه باسني ومد ايده. يقفل الباب رفعني من خصري يمشيني. حاضني ويجر بالفراش يريد يمده ماقبلت ابتعدت اسحب نفس بالكوا اصهب اصهبب
رفع وجهه يباوعلي يتنقس بقووه هزيت راسي لاا
تقرب بتعب يتلمس ركبتي بشفته ويشمها حيل
مستلسمه المساته اريد اقنعه انا قابله بهلشي
مو غاصبه نفسي

اتعب حيل وبس يمج راحتي رغم اتعبيني فيروزه اموت يمج. 
-مشيت ايدي بشعره مرتاحه عكس كل مره من يحضني بغرفتنا صدك اجبر نفسي بس هنا لا بالعكس حابه هلشي ...حابه قربه احب احساسي كوني اثر عليه يتغير بلحظه من يبوسني من يحظني

رفع راسه يباوع بعيني بلع ريك نفسه يرجف همس بوسيني
-باوعت بعينه ساكته لزم خدي بيده.
مثل. مساع فيروزه بوسيني.
-تقربت بهدؤ خجلانه منه ومن نفسي هستوني جاي ابوسه وتحركت يدة الباب ابتعد هوا بسرعه صاح ااي جيت.

لفيت شالي بسرعه باوعلي وراح فتح الباب دخلت بان ما مهتمه الشي تريد ماي
من صارت عينها بعيني عكدت حواجبها تباوع بحيره دارت على اصهب شافته وجهه احمر وشعره مخربط كالت باهتمام شبيكم شكو

-باوعت الاصهب فشلانه كالها ماكو شي وابتسملها يضيع الموضوع بس ماقتنعت طلع اصهب. كالتي

-شنو تعاركتو
-لا والله شبيج
-جا شبيكم
-ماكو شي وبعد من تلكين ثنين هيج لاتسئلينهم شبيكم

-هاااااااا فهمتتتتت جنتم تسوون رومنسياااات ..حجيتها اضحك ...ضربتني على ايدي

-نجبي حماره.  شربت ماي وكعدت ترتب وياي. بان فقيررره وتخاف بشكل اذا جنه نباوع فلم وصارت لقطه البطل يبوس البطله احنا نباوع عادي بس هيه تتخبل. تغمض وتصيح استغفر الله استغفر الله واذا شافت الفلم بيه اكثر من لقطه تعوفه تطلع ماتابع ويانا .. وجهازها دائما افتشه

بحث اليوتيبوب دائما عن الدراسه وعن عواقب المايصلي الصلاه بوقتها لو عن تفسير الاحلام
بحيث باي فرصه الزم جهازها افتشه الوتساب اليوتيوب الكوكل حتى منشورات الفيس ادخل عليهن خاف اكو كروب مو حلو بس ولا مره لزمت عليها. شي ادور جهازها  مو قلة ثقه بس خوف فقيره ومتعرف شي اخاف عليها
تعرف اكو علاقه ابين الزوجين بس موكلش فاهمتها من تدرس جانت تجي تسئل. وروز التفهمها بشكل مايخليها تخلي السالفه ابالها
اقوا شي شايفته هيه البوسه وتتقزز جنه خبيثات وياها حيل

من تطلع من الغرفه ماتشوف الفلم نتفق عليها اني وروز ونرجس بس تجي يمنا نگلها البطل لزم البطله وهيج باساها وهيه تتخبل لاتحجيلي
بس احنا حقيرات

الحد ماكالت الماما البنات يباوعن على سخيف
وماما احتارت شتسوي بينا كلنا اهون الا روز شرتها على الحبل انتي متدينه وهلا هله وبالك عني وتباوعين طيحان حض لاصلاتج مقبوله ولاصيامج ولا الج اي حسنه.  بوقتها امي شالت تلفزون غرفتنا وشهر احنا نخبث على بان وبيان

من اتذكر سوالفنا قبل ابتسم جانت اكبر مشكله عدنا غسل المواعين وتنضيف البيت صياحنا وعركنا هسه صرنا وحده تخاف على الثانيه اوحده تشيل الشغل عن الثانيه

نرجس:: كعدنا ابين الاشجار ايدي بيده .كال
هناا بهلمكان طاح شهاب بعشكج يسمره
-باوعت على المكان الكالي بيه تينه اول مره
جنه نجمع حطب وكتلي تينه وقتها عبالي تتنمر علي

-هههه لا وكتها صفنت بوجهج ودنكت خجلان من نفسي ليش اباوعلها عرضي هاي... بس انا من الاول خليت عيني عليج

-ابتسمتله رفع ايدي ودار يباوع عليهم خاف يشوفونه خلاها على ركبته
-جاي تحسين بنبض الهنا
-هزيت راسي اي
-انا احسج هنا
-احبك
-اموت عليج تينتي السمره

-وخرت ايدي وسحبت ايده الگلبي اقلد عليه
خليته على صدري كتله وانت هناا بكل وقت انت هناا .نسيت مراح يفوت هيج فرصه
شد لزمته يضحك دفعت ايده خازرته عابت موصوجك

-ههههه لتخليني الزم شي هوا انا هيج وفاقد مو نوب مخليه ايدي فوكاهن وتصيح موصوجك
-شهااااااب لاتخبث
-ههههه نطمي تعودي ماتخجلين مني

-عيبت عليه ومشيت كدامه احس وجهي مشتعل نار لحگني لزم ايدي احماره وعلي احبج
-غزلك معوق جرب تتغزل بدون غلط
-ماكدر غلط وغزل يريح الگلب وكلشي

-ترررا انته كلش سخيف
-هاي عود سخيف وتموتين عليه لو مؤدب شسوين
-ضحكت على سوالفه اي كلمه احجيها يحورها
افترينا ندور فطر رغم شاردين بس احلى لحظات عشتها بهليوم وكل يوم يفوت على علاقتنا احبه واتعلق بيه اكثر

فيروز::طلعت السمج على جهه ما منضف ولا دجاجه منضفه شلت هم اني ماعرف اخربهن ولا وحده من اخواتي تعرف تنضفهن الرجال الجان هنا عايف بثلاجه بتيته وبصل وطماطه
رتبت باقي المسواك وياها وخليت السمج والدجاجه بصينه طلعتهن الهم

اصهب منو يسويهن ماعرف اني
صاح على بطرس وبطرس يصيح ماسويهن اني معليه تالي غصبا عليه اخذهن وراح لشط ينضفهن.  اباوع الروز خانسه مامرتاحتلهاا جنها مريضه وبيان بحضنهاا. ايهم يفتر يكيف من نوعفه بارض مفتوحه.

رجعنا انا وبان للغرفه طلعت الفراشات كاشه شلون انام عليهن شريتهن كلهن جريت الزوليه شلناها اجه ويانا اصهب نضفنا الغرفه ومسحناها.
فتحنا الشباك والباب وعفناها بدون فراش

اجه الرجال الجان هنا الصبح انطه الاصهب خبز وراح للگاع يسگي.  كام ذياب يشوي سمچ واجو نرجس وشهاب. مكيفه مجمعه فطر خربان

ضحكنا وتونسنا على سوالفهم ورا الغدا ضجنا من ورمت ايد اصف حتى اصابيعه ورمن
ذياب يريد ياخذه للمستشفئ وهوا مايقبل رجعت فرشت الغرفه ومديتله فراش هوا نام . ..و الولد راحو ويا الرجال لزرع وعود عافو بطرس يمنا حاط راسه بتلفون

كمنا من يمه نفتر وهوا مايدري عنه تالي نتبه
تقربت الروز ..شبيج يمعوده كلساع تعبسين وجهج
-مادري شو جاي انوجع كلساع
-ضهرج مو
-لا بطني مرات ضهري
-سكتت حايره مابيدي شي. صارت ب5 واحنا مندري شنسوي عشا بطرس يصيح نشوي دجاج وبان تصيح ايع كله شوي

سوينا سوب دجاج وكصصنا بتيته نگليها
وبيان كاعده اباب الغرفه اكثر انسان خايف على اصف كلساع تصيح على بطرس بله تعال شوفه خاف صخن تعال شوفه يون. رايحه روحها

ويا الصلاه يله اجو الولد شغلو المولد و كعدو اصف مصخن وراسه ياذيه صلو وصبينا العشا
هستونا ناكل ودك تلفون بطرس صاح اشش اشش هذا ليث جاوبه فاتح الصوت كاله

-الو هلا ليث
-هلابيك ها شلونه اصف
-زين زين خوماكلت الامي
-لا يمعود هوا انا شايفها كعدت بلمستشفئ كعده نوب انا هسه ضال بقلق خاف صاحبتلها دكتور

-انجب انجب بطل سوالفك
-لا ولك احجي صدك والله جا هيه هيام غير اطك بلگاع بس خليها تصاحب الدكتور يگولون غركان بلفلوس بلكي تطلك من ابوك وتزوج دكتور واني اريش اضل اعفط فلوس

-اكلخره لا اهينك شوكت تجي
-وين اجي
-لهنا
-لايابه ما اجي خاب بطرس صاحبت خمسه بيوم واحد المن اجي اكابل جهرتك الزفره
بس دزيتلهن صورة اصهب كتلهن هذا ابوي عود شنو انا ابوي صغير وصاك

-منين الصاحبتهن شني السالفه لاتحمئ لاتجذب
-ااه ما مجذب ولك هنه ثگيلات بس انا شلعت عليهن كاشي وحده بت خالتك والله حلوه
-هسه دوختني شتريد

اصهب::تجي لو ما اتجي الا انعل سلفه سلفاك خايس تلعب على اعراض الناس ساقط والله حتى تلفونك اخذه

ليث::هاا اصهب شبيك
-اكلخره خايس ادبسززز مو كلت بطلت
-جذب والله اجذب على بطرس.  شبيك هيه ياهي تباوعلي ... بطرس هاي وحده وياك جلب

فيروز::متنا ضحك عليهم سد التلفون وراح
وبطرس يگلهم لاتصدكون بيه جذاب هوا صيني يحمه زايد

طلعنا برا اني ونرجس غسلنا المواعين الماي ثلج احس ادي ضلن يصلن رجعنا ركض حضنا الصوبه وكعدنا روز تصبلهم چاي وايهم من كد ما افتر اليوم تعب ونام من وكت

خلصت السوالف. وضلينا.واحد صافن بوجهه الثاني. احنا كاعدين بجهه نسولف بيناتنا وهمه بجهه

كمت اريد افرش وحتاريت شلون. كام اصهب اخذهن مني هيه غرفه وحده شلون افرش بيها مادري

مد ثنين منادر يم الباب كلش صاح الاصف وبطرس هذا فراشكم. من جهة الحايط خله فراش شهاب ونرجس. ومن الجهه المقابيله فراشنا. بنص فراش ذياب وروز ورا روز بان وبيان وايهم خزرت اصهب مشيت بصفه همست شلون انام يمك كدام ذيااااب ماكدر ونرجس من جهه تحجي مانام يم شهاب استحي من ذياب

واصهب مغلس جنه مايسمعني اباوع لذياب خجلانه
سكت هوا منحرج. جاي انزل بالغطا وبطرس حضن اصف يبوس بيه ويصيح حبيتي حيااتي واصف يصيح لان هذا طخ الجرح.
صاح اصهب على بطرس ياشره على بان وبيان

طلع اصهب يطفي المولد بقت بس الصوبه مشتغله يم راسنا. تمددت بمكاني ساكته اسمع همس سوالف بس ما ميزته منو.  شهلاحراج ياربي كمت اريد انام يم بان وبيان دست على رجل ذياب صاح

-اااخ شبيج وين رايحه
-رجعت المكاني. ها ماوين. رجلين ذياب وروز علينا واصهب مارجع ركزت بصوت روز وذياب عود دتشاوره بس صوتهم كله باذني يگلها شبيج وهيه تهمس على كيف
بردانه رجلي جمدن. كالها خليهم بين رجليه ادفيهن

سمعتهم ومكدرت الزم ضحكتي ضميت وجهي بالمخده ميته ضحك.  دخل اصهب ابتعدت على جهه اضحك بدون صوت تمدد ويضوي عليه بشاشة التلفون كال
شبيج
همست على كيف بردانه رجليه جمدن صاح ذياب

-راح اكوملج فيروزه
-ضحكت بصوت عالي وهوا صاح سكتها اصهب فضحتنا موضحكه طركاعه

-شاورني اصهب شنو الفلم مافهمت
اخذت تلفونه نايمه على صدره كتبتله روز. رجليها بردانات وذياب يگلها خليهن برجليه ادفيهم عود هوا هيتر. .اهتز صدره يضحك
اخذ التلفون مني كتب. وانتي مابردانه ادفيج

ضحكنا ثينيا بصوت عالي ذياب صاح استغفرالله ربي شلون بلوه هاي.  سد حلكي اصهب بيده ضليت بس اهتز اذا اضحك وشخص كالي صوتج بعد تلقائيا ماسكت

سكتنا وصارت الغرفه هدؤؤ درت راسي اباوع اصف وبطرس ثنينهم يگلبون يتلفوناتهم وروز وذياب بعدهم يتهامسون بس ماسمعهم

نرجس وشهاب بعيدين مني كلشي ماسمع منهم
حسيت نفسي المحقق كونان اريد اسمع سوالفهم. اصهب عاقل بس حاضني
رجعت على صدره ساكته ..

روز::نايمه بحجابي ومختنكه حيل رغم هذا احس رجليه قطعة ثلج. سحب ذياب الغطا فوك راسنا همس. انزعي شالج خيولي.
نزعته لفاني بحضنه اررجف حيل همس باذني
شبيج عزيزتي

-مابيه شي رفعت ايدي افتح دكم القيص ضميت وجهي بصدره الوجع صار قوي وماكدر اكله اخاف عليه. ختلت بحضنه قوه حضنته متحسر شم شعري وتقرب همس باذني
احبج. تنهدت براحه بسته بصدره عصر زندي ماقابل
ججج لاتبوسيني هاي فيروزه شاده رادار مو اذان تسمع كلشي

-ضحكت ونمت

بيان::فزيت اريد اروح للحمام. سحبت التلفون من جوا المخده اباوع الساعه بالخمسه. لبست ترواكه ولفيت شالي بارده شلون اطلع

كمت امشي على كيف خايفه ادوس احد واول واحد دسته ذياب
فز صاح ااخ
-اسفه مادري
-وين رايحه
-للحمام
-تخافين اجي وياج؟
-لا لا ماخاف ارجع نام. رجع راسه للمخده كملت خطواتي هم دست على ايد فيررز ومافزت

طفرت بسرعه اول مافتحت الباب. التفت اصف
شاعل نار وكاعد كدامها. بدون تشيرت والجو يكص كص يحاول يلف الجرح. باوعلي ساكت
همست صباح الخير

-صباح النور شكعدج
-فزيت انته ليش كاعد سئلت وتقدمت يمه كال
-مانايم نمت العصر هواي ماكدرت انام هسه
-اباوع بيده الشاش وبصفه القميص وباكيت الجكاير عيني مركزه بالجرح كال

-كومي فوتي للحمام علمود تجين تلفيلي ايدي فتحتها وتورطت
-كمت بدون ماجاوب فتت للحمام واكل الروحي لتباوعين الصدره عيب وحرام عليج
طلعت غسلت اريد اتوضئ صاح تعالي بارد الماي هسه احميلج هنا

رحت يمه نشفت اديه اباوعله شال الشاش نطانياه بلعت ريكي بخوف خاف اجرحه لو شي
-لفيها عدل حتى ماتفلت
-تقربت على اركبي ايدي ترجف فتحت الشاش خليته على الجرح خايفه لفيته بهدؤؤ صاح راخي يابه ضبي

جنت ناسيه قربه كل همي الف الجرح بدون ما أذيه الحد مالزم ايدي مقربني اله
-شبيج ترجفين.
-خ خااف اذيك
-اذيتيني من زمان لتخافين من هاي. ماتاذي

-حجاها وعاف ايدي مدنك كلمته احسها دكت بگلبي كملت لفت الشاش ودموعي على خدي حيل قهرني. ردته يعرف ليش خفت اذيه تقصدت طخيت الجرح حيل جرني من زندي بغضب
متوجع همست ابجي. ..هاا مودكول ماتاذي

-الهدجه تحبين اذيتي
-هززيت راسي لاا بعمري ماقصدت أذيك كلشي صار غصب عني وحاولت بكل صوره ما اسببلك اذيه هدأت ملامحه عاف ايدي كال
-تحيرين اكبر واحد انتي

-كعدت يمه ساكته وهوا ساكت كلساع ارفع عيني بس اباوعله وانصي خاف يشوفني
الدنيا بارده وهوا مجروح وباقي بدون ملابس .
باوع اصف التفتلي العوده بيده يعدل بجمر
.البس القميص مو بارده على الجرح

-ماكدر من نزعته وحركت ايدي نزف الجرح
-كمت من مكاني سحبت القميص البسه اله
بدون قصد طخت ايدي بركبته ميل راسه على جهه متنهد. عفته وبتعدت هوا يدكم ..
حمه الماي كمت توضيت وحتاريت وين اصلي
لمن كعدت بان لمينا فراشنا صلينا وطلعنا يم اصف

الحد ماكعدو البقيه الجو بعده حلو. بدايت الصبح كامت فيروز خدرت الچاي ولولد كاعدين كدام الجمر وصوت الطيور يخبل

روز::فتت للحمام نتبهت عندي نرف قليل متت من الخوف طلعت ارجف اريد بس انفرد بفيروز واكلها. دخلت تلم الفراشات ورحت وراها

-وينج فيروز تقربت يمها اباوع على الباب خاف واحد يدخل فيروز عندي نزف. لطمت على صدرها خايف
اوكفي صوتج باوعلي قليل بس خااايفه

-صخام الصخمني ولج خاف يصير شي بالطفل
-ماادري شسوي
-امشي نكول لذياب مو مال نسكت
-لا اوكفي هسه راح اذا رجع اني اكله ...قنعتها سكتت تريكنا بالكوا ابلع الگمه وهوا نتبهه يباوعلي بقلق. .

كلساع افوت للحمام ماكو لتسعه رجعت انزف خفت افتر يم ذياب استحي اكله محاجيه هللكمه قبل شلون اكولها اله. سحبني من ايدي للغرفه نتر بعصبيه شبييييج موطبيعيه تراا

-دنكت ساكته وهوا صاير اعصاب
كتله بهدؤ مختنكه. ذياب جاي انزف
.فتح عيونه بصدمه متفاجئ
-من شوكت
-من الصبح
-ليششش ماتحجين البسي بسرعه
-بجيت خايفه وهوا ييصيح. جر ملابسه يلبس مستعجل شافني ابجي عافهن واجه حضني

-لاتبجين. هسه اخذج بس بدلي بسرعه يله
-هزيت راسي اي بدلت واصهب تخبل شكو اوين رايحين وذياب ميقبل يحجي لمن كاله عمشه مريضه سكت وكاله اجي وياكم ماقبل ذياب

درت على فيروز عفيه ديربالج على ايهم عفت تلفوني عده صعدت ويا ذياب الطريق عكر
صعده ونزله مشه بهدؤؤ يسب بنفسه وبخلود
يباوعلي ميت قهر واني ساكته. طلعنا من هاي المنطقه وفتنا على منطقة بيتناا

وهوا يكلي شتحسين حاجيني
-شويه وجع. مد ايده لزم ايدي عصرها بيده متحسررر. طلعنا للمدينه بعدنا ما واصلين وشاف سيطره صاح خررب راد يرجع اشروله
وقتها قطرة دم مابقت بيه نجبر يوكف.

سياره وراناا باوعلي بقلق واني ارجف
عفيه ذياب. سحب الشال على وجهي
تغطي لاتخلين واحد يشوف مرة ذياب ولاتخافين تلفونج عدج

-مسحت دموعي ارجف لااا مو عندي. دكو على جامة السياره نزللهم وهوا يصيح يابه ارجعلكم بس مرتي مريضه. روحو وياي للمستشفئ اوصلها وخذوني وهمه مايقبلون يردون يجرونه لسيارتهم وهوا تخبل يدفع بيهم اجه. ولد جندي وياهم من بعيد يصيح صاح عليه ذياب. حسسسن. يابه حاجي الهذاااا بس اوصل مرتي للمستشفئ

-هذا القائد مالهم تخبل شلون ذياب يحاجيه بهلجه حسن كاله روح ذياب اني اخذهم بركبتي مالك شغل. رجع ذياب لسياره. حط تلفونه بيدي
فرك وجهه بعصبيه كال بقهر

خابري حمزه يجيج.
جلبت بيده ابجي وين عايفني
-اشش لتخافين لتخافين
-جر ايده وراح يتلفت ..

يتبع ...................