ثأرهم وبنات المسيحية

البارت41

𖦹 𖦹 𖦹 𖦹𖦹 𖦹 𖦹 𖦹𖦹 𖦹 𖦹 𖦹𖦹 𖦹 𖦹 𖦹𖦹 𖦹 𖦹

قبل مانقرأ البارت نحجي شويه عن
المرض
(السادي)
(والسايكوباثيه)

طبعآ. كل هلامراض عباره عن اضطرابات نفسيه
السادي
بصوره عامه عدائي يحب السيطره على المقابل
اجرامي الى حدآ ما يضرب يعذب
يذل. ويستمتع بهلشي

اما السايكو باثي
السايكوباثية هي اضطراب في الشخصية يتميز صاحبه بالعديد من الصفات، أهمها سلوك ضد المجتمع والغطرسة والخيانة والتلاعب بالآخرين، مع افتقاد الشعور بالتعاطف مع ضحاياه، وعدم الشعور بالذنب أو الندم على أفعاله الخاطئة، وهو أمر غالبا ما يقود إلى سلوك إجرامي.
تكون شخصيته عدائية، ومخادعة، ومتهورة، بالإضافة إلى عدم اهتمامهم بمشاعر الأفراد الاخرين

................................

فيروز::نزلت روز كالت بيان كعدت والبنات وذياب يمها...ولولد كعدو بعده الريوك مكامل
دخل ذياب للمطبخ...صب جاي بكوب وكعد.يشرب...شمر الكوب وكام من سمع صوت السياره
وعمه لطمت على صدرها وهيه تصيح.
دهر صابك يحمزه نوب اجيته برجليك
تريده يموتك

.وكفنا كلنا بلباب ..ولولد وعمو طلعو لساحه
بس نزل حمزه من السياره هد ذياب عليه
يضربه
وحمزه ميرفع حتى ايده
الحقد الحقدته على حمزه بهلحظه مينوصف
بحيث اشوف ذياب يضربه واحس مايشفه غليلي

هوستهم بساحه. سحبو ذياب عمو مهنا واصهب
كعد حمزه بالگاع يمسح بوجهه

ذياب::غدررتني مرتين ربيتك على ايدي
عيوني اطيهن الك ولك طااالب جامعه
ومااعندي واشتغل علمود ادخلك خصوصي
لك فضلتك على روحي تغدددني وانااا المانام اذا عرفت بيك ضاااايج..ولك اتعاارك ويا ابوك من يطكك

غدرتني وضحكت على عقل طفله طفللله خليتها تتعلق بيك ماستحيت مني ماوكفت بعينك
وامنت بالله وسااامحت ونطيتكياهااا شلون
نطاك گلبك مزوووج واجيت تخطبها مني ولك انااا اخوووك مايوم كتلي مزوج ..وبليلة عرسك
على اختي اعررررف بيك مزوج وفوك
كل هذاااا مريض شنوو من كلبك عدك وتغدرني هيج حقيررر موو صوجك صوج هلكلب اصف
تفف عليك وعليه واحد انذل من الثاني

فيروز::مركزه بكلامهم وكانو. اريد اكشف الغاز
اصف تخبل ويصيح. ويحلف
مادري بحمزه مزوج جنت ادري بيه
مريض وراجع دكتور كالي تعااالجت وقبل لايخطب بيااان خابرته ورجعت سئلته
وقسملي بالقران تعااالج انا شدراااني

باوعت الحمزه الي الهسه مانطق حرف
بجه وهوا يحجي ويا ذياب ابد مانكسر كلبي من شفت دموعه كسرت بيان خلت كلبي صخر

حمزه::ذياب وعلي ابن ابي طالب ماجنت مزوج ابوي لح عليه وكتله بس اعقد عليها سيد ومحد يعرف..قبل ...وماصارلي هواي وراا فاتحت ابوك
عقدت
والله العظيم بس عقد سيد
مابينا شي ..ماغدرتك والله ماغدرتك

-انجبببب لك كو...اد وتجذب امسسس كتلي عقد سيد ومن زماااان وهسه دكلي مصار هواي شووووف لك
تطلگ بيان وماريد اشوف خلقتك بعد

مهنا::ذيااااب اسكت شو شني يطلكها بت البارحه عرسها شني تطلك شدكول عليها الناس وين نظم وجهنا من الوادم

ذياب::ك.....اخت الناااااس. اريد كوا...د يجيب طاريها على الساااانه الا احط. رجلي ب.....امه

حمزه::ميخاالف اطلكها بس لاتخرب وياي انا ماعدي سند غيرك انته ابوي مو بس اخوي لاتضن بيه غدار وانا ماغادرك مجتف لبوفاضل
مايوم فكرة اغدرك...

.ولي مناااا ولي ماريد اشوفك لاتجبرني اصير كتال اخوي ولو هلكلمه هوواي عليك

فيروز::كام حمزه صعد سيارته وحرك ...رجع ذياب على اصف يريد يضربه واصف ميخليه دفعه حيل وكعد.يصيح بوجهه

.نهيييت على بيااان لان جنت رايدها ودوم
اكله اناا اريد اخت ذياب دوم اكله تعلگت بيها
جم سنه واخطبها من ذيااب
تااالي اجه خطبهااا شلون تريدني ما انهي
عليهاا ورجعت قبلت لان تمرضت ماااردت اكسر بيها وهيه تحب ...جنت ادري بحمزه مريض
ورحت وياا لدكتور من قبل سنتين
وتعااالج وقبل لايخطب بيان رجعت خابرته لك اجبر رووووحي اسئله وحلف تعاالج على شنو جاااي تلومني

سملتهااا بيدي الحمزززه وكلبي عليهااا نار
متت الف مره وانا اشوفها تحضر العرسها
وتحملت وسكتت لجل عينهااا وهسه انته دكلي نذل وتلوممني

فيروز: :لاتكذب لاتكذب تدري بيه مامتعااالج
انته بلسااانك كايل البيان حمزه راح يأذيج
التفتولي كلهم

اصف::لان خفت عليهااا ردتها تجوز منه
ماجنت اقصد ياذيها بمرضه جنت اقصد يخونهاا ياذيهاا بتحكمه ياذيهاا بعلاقاته ..ذيااب
وحگ علي الفحل مادري بيه مامتعالج

مهنا::ذياب رد البت الرجلها شهر شهرين وطلكهاا
مو راده بليلة عرسهاا لاتخزينه ابين الناس يبوي

فيروز::عافهم يحجون وفات للبيت وهوا يصيح
لووو بتك جا خفت عليهاا ماخفت من حجي
الناس

وعمو مهنا شاااط شلون ذياب يحاجيه
هيج ..كلمن يحجيله بجهه
رجعنا للمطبخ .وعمه طلعت تتعارك ويا عمو
ودكله اسكت ... اخياته وخايف عليهن ماعليك بحجي الناس

وهوا يكلها كله من اختج. فشر عليها وعلى اختها كبو الولد بوجهه ماقابلين يغلط على امهم
عاف البيت وطلع البيت خيون ..

اجت بان تركض.
.يكول ذياب سوي ريوك البيان بسرعه
روز::كملي انتي ريوك الولد اني اسوي لذياب وبيان ...
بان روحي الايهم عفيه

فيروز::باوعي من كعدت بيان شلونها
روز::رفعت عيني اباوعلها ساكته ..دنكت ماعندي جواب ماعبالك بيان كانو شخص ثاني
حاجتنا ومستوعبه الصار بس التتقرب يمها حتى لو مجاي. تلزمها تخزرهاا بس ذياب
من فتح باب الغرفه فتحتله اديها حاضنته

.تحسرت فيروز ساكته ..اخذت الريوك للولد بصاله
واني اخذت البيدي وصعدت فوك
خليت الصينيه على ركبتي وفتحت الباب كامت نرجس
توخر بلمخاد ...خليت الصينيه بنص. وعيني
على ذياب ..نزل من الجربايه لازم بيان
رفع عينه باوعلي

.صيحي فيروزه وينها وتعالن تريكن

.دخلت فيروز باوعلها واشر تعالي يله
التميناا كلنا على الصينيه يمه.وايهم بحضني

فيروز:: شلون صرتي بيون...باوعتلي عيونها ذابله

-زينه زينه لتخافين عليه اخت ذياب ماتبجي
وماتنقهر باوعيلي اصلا اضحك

-باوعتلها ورجعت اباوع لذياب ساكت
..يسووي لفات ويوكلهاا..

بيان::عود ليش ماتاكلن شنو مقهورات عليه
كلهن خلياكلن ذياب مايشوفني مابيه
شي ليش ضايجات

-معليج هسه هنه ياكلن المهم انتي
تاكلين وتشبعين....ماشي

-اي بس اكلن انتن هم عفيه لاتباوعلي
هيج ضايجات ومقهورات عليه ماحب تباوعلي هيج

فيروز::خزرنا ذياب..دنكنه ناكل..ساكتين وهيه تسولف ويا ذياب ..ودكله

اني بعد ماريد حمزه
ماما شورت بيه لان ماسمعت كلمتها راح ادرس واصير شاطره علمود ماما ترضى ومتزعل مني
وذياب ضال بس يگلها اي وكلما تجيبين درجه عاليه اخذج المكان تحبينه

تسولف ويا ذياب ومندمجه ..وايهم يفتر
ابيناتنا..من شاف ذياب يسوي لفات البيان
هوا هم سوا لفه بدياته الصغيرونات وكام
افتر البيان يريد ينطيها الها بس لزمها من كتفها ..دفعته بقووه فازه وصيح لتلزززمني

.ركضت روز حاضنه ايهم التخبل بلبجي
وذياب حاضن بيان. .وهيه تعتذر متهستره

مااادري ماقصدي ادفعه هيج ..خفت جسمي
ينجرح من يلزمني ..خفت باااوع باوع اديه شلون انجرحن من حمزه لزمني يوجعني
باوعلهن

.دارت على ايهم ..تباوعله شلون يبجي
وتعتذر منه ..اسفه اسفه ايهومي حبيبي
اسفه ماادفعك بعد ..حبيبي اناا اووه لتلزمني
باوع اووه

.بان ونرجس يباوعلها ..يشهكن بدون صوت
حضنهاا ذياب وروز اخذت ايهم وطلعت تسكت بيه...

.شلت الصينيه نزلتهاا.هستوني دخلت للمطبخ وفاتت خلود

-مبروووك خزيتناا كمت استحي اكول انا مرة عمهن..وحده اسبوع وطلكت اوحده بليلة عرسها ردوهاا

-باوعتلهاا ساكته لشتي ترجف....مو مال اتعارك
وبيان بهلحاله....اباوعلها ساكته شمرت الصينيه على السنك وطلعت من المطبخ
دخلت ام اصهب عيونها حمر

ام اصهب::شلونها اخيتج يمه

-فزيت من صفنتي درت على ام اصهب ..كعدت على حيلي..وايدي على حلكي ..اختي راح تتخبل..شلوونهاا ..

.دنكت حاضنتني وتسمي برحمن
.لاتحجين هيج.يمه اسم الله عليها مصدوومه
حقهاا شويه شويه ترد.كلشي مابيهاا

.كمت من يمها مسحت دموعي ايدي ترجف...
عمه اعذرريني ماكدر الزم شي.اريد ارجع يمها

.روحي بنيتي ماعليج ..روحي

-غسلت وجهي وصعدت ..تحاجي ايهم وتضحكه من بعيد...ذياب.كاعد.يمها لازمه ايده بقوه
وتضحك بايهم..كعدت بصف.روز اراقب منو الكدامي معقوله بياان ...مابيها روح
خايفه ومرعوبه تدعي القوه ..

سحبها ذياب كعدها عدل..سكتت تباوع بوجهه باهتمام

ذياب::بيون يانظر عيني.

-ههه فدوه اروح العينك

-خله ايده على خدهاا.مختنك وصوته مبحوح
....موكتلج انتي
اخت ذياب ومحد.يكدر.يكسرج.
وكتلج انتي قويه ....بس.مو معناها ماتبجين
لاضمين بگلبج..البچي مو ضعف. ابچي صرخي كسري....شسوين سوي
بس لاتخلين القهر بداخلج..وتاذين نفسج

-هههه لا والله مانقهر ولاضوج.يولي
بس.باوع ذياب من اتذكر البنيه كالتلي انا زوجته شو گلبي يضل يوجعني حيل حتى البارحه بليل عبالي راح اموت كلبي عليه شي ثگيل يخنكني

-سحبها ذياب الحضنه يمسد على شعرها
ويهمس بهدؤؤ.

اسم الله على كلبج.يابعد.كلبي

لزمت بطنهاا وكالتله
.ذياب وخر خلي انام عمليتي شو توجعني

وخر ذياب من جربايتها تمددت وتغطت تلفونها بيدهاا..فرك وجهه بعصبيه وطلع من الغرفه
صاح فيروزه

طلعت وراه الغرفته
يفتر بالغرفه متخبل

.ماااتنزلين وتعوفينها وحدهاا فهمتي ماتعوفينها لو شيصير

-هززيت راسي اي ...كعد مخلي راسه ابين اديه
ويصيح..لازم ارووح لدووام ورا الغداا شلون اعووفهااا شلون ..ولا كلب ابن كلب قبل يطيني يووم

-رووح لاتخاف يمي

-باجر العصر انزل ..فيروزه ديربالج عليها من خلود

-باوعتله. بلعت ريكي بخوف ..شقصدك

-ماقصدي شي.بس تشمر عليها حجي وتقهرها لاتخلينها تشوفها

-تمام لايضل بالك

روز::عفت ايهم عد بان ونزلت ويا عمه اساعدهاا هيه مهدود حيلها وتجي تنضف وتغسل مواعين

ام اصهب::شوف حضي المصخم. جاب خيون
واجاني شماله هذا الزلمه تسودن تالي عمره
مايعارف ذياب يتخبل من خيون

-مديت راسي اباوع عمو مهنا وعمو مهدي وخيون وابنه عمار ..بساحه فاتو لصاله سلمو عليهم
الولد وعمه حضرت الماي

صاح خيون شني وين ذياب

اصهب::شتريد منه عمي

-خيكوم يرد البت لرجلهاا شني سالفته هذا

شهاب::عمي الاحسن لاتفتح السالفه هاي وي ذياب شلون يردها وهوا مجذب علينا وطلع مزوج اذا ذياب قبل يردها احنا مانقبل

مهنا::نعبنكم ماتحشمون ولاتخلون قيمه الچلمة الچبير ..انا ماراضي على حمزه وبلوكت نفسه
ماراضي بحجي الوادم..بتنا ردت بليلة عرسها
شنكول وشنحجي

ام اصهب::اركضي صيحي لذياب ..
خليه يطيح حضهم..خلود كاعده كعده لمهنا فاره عقله فرر...

روز::مسحت ايدي..وطلعت من المطبخ..يشوفوني من اريد اصعد لان الدرج على الصاله..صعدت بدون ما اسلم وخيون يكلهم

.ااها دهااك شوف..موش عقد على هاي الماينعرف اصلها منين..ويوميه واحد ناشدني. شني ذياب مزوج نغله

اصهب::عميييي بت ابوها اجه لهنااا. وربت عد عمي وامها وابوها معرووفين هذاااا يا ناقص غيره جابها على السااانه كلي كلييي ياهو خلني انا اعاررررف اجاوبه

-صعدت ركض كلبي سدك سريع وكلمته ترن باذني فتحت الباب وعيوني مليانه دموع
باوعولي هوا وفيروز

.احم.خيون جوا وعمه كالت صيحي لذياب
..وكف بغضب وصاح هاي الناقصتني

وخرت من الباب .طلعنا ورااه اني
وفيروز وكفنا على الدرج..
دخل لصاله سلم وماكعد.

خيون::شني ذياب هاي عمله تعملها ترد اختك بليلة عرسهاا ..وين عقلك انته ماتفكر
الطمها على حلگهااا وكها كعدي وسكتي ابيتج واذا مزوج ضليلج شهر شهرين عجبتج العيشه خير على خير ماعجبتج عود تطلكين

-رجع ذياب ليورا مرتجي على الحايط ما مهتم الكلامه..ورث الجكاره وخيون يحجي ومهنا يحجي كملو كلامهم كالهم ابرود

- عوف هذا الرطن كله اطلعلي بنضيف..هسه انته شتريد

خيون::افاااا انا صار حجيي رطن..
مهنا::ذيااب بووويه ثمن جلمتك

-عمي وليرحم.والديك انته ماقدرتني ورحت جبت عمك وجيت شنو عود اخاااف منه لو ياثر عليه تدررري بيه. ماعترف باكبر راااس

خيون::الاااا تعترف وانته الممنون وغصبا ماعليك تردها ..ولا وروح ابوي افصم ضهرك فصم

روز::عيني على ذياب وكف عدل وعيونه مخنزرات بعصبيه شمر الجكاااره..وصاح..
كوووم اطلع برررا.

.وكف خيون ...ويغلط عليه وعلى اخواتي

.تزووجت نغله وسكتنالك..اطيت فصليه وبسبوع رديتهااا وسكتناالك وهسه ترد الثانيه تريد تلبسنا عاار تالي عمرنا

.تخبل ذياب وهد على خيون يريد يضربه
ولولد لازمينه....انجن يفشر ويغلط على خيون
عمار سحب ابوه وطلع من البيت

واصهب جر ذياب. صعده الغرفته رجعنا الغرفتنا ركض....بيان كاعده ..تباوع ساكته بس دخلنا كالت

.يتعاررك ذياب من وراي مو

فيروز::لا علمود روز...باوعت الروز..ونظرتي كلها اسف مضطره اخلي السالفه براسج

بيان::ليش شبيها روز اني سمعتهم يحجون عليه هذا صوت خيون اعرفه

-اي جابو طاريج بس مو علمودج علمود روز ابوها مخابر خيون وكايله اريد بتي تجي وخيون اجه يكل لذياب. من ماقبل تعارك وياه

-ههههه شنو عود تضحكين عليه عبالج مخبله ترا سمعتهم الحجي كله عليه..لاجذبين

-بقيت اباوعلهاا ساكته..وكفت اطلعلها ملابس
.اروح اسبح اني
-اسبحج اني بيون

-لاااا كافي تتعاملن وياي عبالك مرريضه لاتسون هيج

نرجس::اي تمام تمام اسبحي وحدج بسرعه خلصي اريد اسبح وراج

فيروز: :طلعت وكفت اباب الحمام
.اصف وعمو مهنا يتعاركون جوا
ذياب واصهب بغرفته وصياحه شعلوه

.روز صيحي النرجس ونزلن ويا عمه خطيه ترجف محروك كلبها

روز::صحت النرجس ونزلنااا ااصف باس امه وكلها رايح لدووام بلكي حاادث صخام ياخذني وخلص من هلعذاب..

طلع وعمه تبجي....عمو مهنا لعب طوبه بلولد
شلون وكفو بوجهه احترك گلبهم منه وطشو كلمن راحله
كملنا الغدا وصعدنا نصلي ..بيان. خلصت صلاه
تمددت على السجاده مخليه ايدها
على كلبها...

-گلبي يوجعني

كلمتها تمرد.گلبنا رجعت لفراشهاا..تغطت
تباوعلنا ساكته..كملت صلاه وصاحلي ذياب
طلعت بسرعه الغرفته واكف يبدل

-حضري الجنطه

-سحبت الجنطه من الكنتور همست شنو اخلي بيها

-بس اتراك ومنشفهه..ومعجون الاسنان لاتنسينه

.حضرتهن وسديت الجنطه اباوعله كل مره
يوكف كدام المرايه شكد..يرتب ملابسه
كون مابيهن ولاغلطه..اليوم حتى ياخته مامعدلها..ولامدكم الفوك

وكف يمشط بشعره كلاوات.سحب الجنطه.يريد
يلبسها بمتنه..تقدمت وكفت كدامه
عدلت ياخته ودكمت القميص عدل
وكف هادئ

.رفعت عيني العينه سحبني عليه ..باسني براسي متحسر

.اعذرريني اذا ضوجتج البارحه وقدري وضعي احير اليا كتر گلبي يحترك

-باوعتله عيوني مليانه دموع همست عاذرتك
ولايهمك انسه...

البارت 42

𖦹 𖦹 𖦹 𖦹𖦹 𖦹 𖦹 𖦹𖦹 𖦹 𖦹 𖦹𖦹 𖦹 𖦹 𖦹𖦹 𖦹 𖦹

وشگلكم
عالعشگني وگال يوفيلي
أولهم شمت لمن ركد حيلي ..

هذاك
العاف خلگي امگمط ابليلي
ماريده بعد .. لو موت يبچيلي ..

لـــ... حيدر قاسم المالكي

..........
روز.::رفعت عيني العينه سحبني عليه ..باسني براسي متحسر

.اعذرريني اذا ضوجتج البارحه وقدري وضعي احير اليا كتر گلبي يحترك

-باوعتله عيوني مليانه دموع همست عاذرتك
ولايهمك انسه...

.ديربالج على اخواتج وايهم

.ان شاءالله...طلع من غرفته واني وراه راح الغرفة البنات بيان متمدده بمكانها وهنه يمهاا
ابتسمتله

-ها راح تروح لدوام

روز-كعد يمها وايده على خدهاا ..وكفت بصف فيروز .الحسرتها تهد الحيل

-اي بس قبل لا اروح..بيان ليش ماتخلين اخواتج يلزمنج هنه شمسوياتلج باوعي فيروزه
خلصت الليل بجي عليج تريد تحضنج تريد تواسيج ليش متخبله منهن

روز::غابت ابتسامة بيان وهيه تباوعلنا ملامحها تغيرت تحاول تسد الموضوع باي طريقه طلعت اديهاا اله ..ودكله

.مو انجرح باوع ادي شصار بيهن بس حمزه لزم ايدي صارن هيج وياذني

-لتجذبين هذني انتي سويتيهن....اخواتج بعمرهن ماجرحنج ليش هسه خايفه منهن

-ذياب ليش ليش تحاجيني هيج باااوع والله ينجرح جسمي ما جذب والله

-انجبي بيااان لتحلفين جذب انتي جذابه حمزه ضحك عليج وكفتي بوجهي علموده وهوا ضحك عليج عفتي اصف علموده ..وهوا خاين وغدار وعدج وتالي طلع متزوج وكل حجيه جذب انتي جذااابه

فيروز: :فتحت عيوني على وسعهن مصدومه شلون يحاجيها هيج وهيه مبحلكه بوجهه ترجف. وصدمتها متقل عن صدمتي ..عطت متخبله..ذيااااب

.دار عليه خازرني خله ايده على گلبها

.اااحجي شنوو بگلبج لاتضمين قهرج وعبالج اني مصدكج اعرف بيج جذااابه ومقهوره ابجي
اني امسح دمعتج
اضعفي اني اصير قوتج

بس لتضمين بكلبج ابجي صيحي اغلطي .....ضحيتي بكلشي الخاطره وهوا مضحي بيج ..

فيروز:: ذيااااب كاافي...اباوع البيان ترجف وتتنفس بقوه عيونها مليانه دمووع دقايق
دقاايق ونهاارت تبجي بصرريخ كعدت بالكاع بجت بجي على اهلي مابجته

مكابلينها ونبجي نخاف نتقربلها اشرلي ذياب احضنيهاا..تقربت اخذتهاا الحضني.مغمضه عيوني وهيه مجلبه بيدي وتبجي اخواتي من شافنهاا بحضني اجن كلهن حضننهاا وهيه منهااره

بيان::ليشش ليشش سووا بيه هيج فيروز كلبي يوجعني ارريد اموووت فيروز اريد امووت

-اشش يروح فيروز من عمري على عمرج ياروحي انتي ياريحة امي وابويه اشش لاتحجين هيج

كعد ذياب مقابيلناا تباوعله وتبجي سحبها الحضنه بوسها ومسح دموعهاا

-بنيتي
عزيزتي ..بيونتي ...هيج اريدج برا هلغرفه لبوه
قويه ومحد يكدر ياثر عليج..وبحضني وبحضن اخواتج اضعفي وابجي احنا انسندج ونمسح دمعتج بدون ماواحد يشوفها ويستضعفج
لتخلين الحزن بداخلج
احجي واحنا نسمعج
دام ذياب بضهرج ماتطيحين وحدج اذا ماكدرت
اسندج حرام اتسمى اخو

حگج اخذه وصدكي اندم كل واحد اذاج
خليج وراي وسمعي كلمتي وشوفي وين اوصلج وعيووونج الروحي بيهن الا اخليهم يحلمون
يوصلون اضفرج

بيان::بس خليه يطلكني ذياب ماريد اضل. زوجته حباب بس خليه يطكلني.. بااوع والله والله ماريد اي شي بعد بس ادرس

-عفيه عليج خلي كل همج بدراستج والباقي وراي لاتفكرين بشي غير الدراسه بعد اخوج
..هسه اروح لدوام. وكلبي مطمن بيونه

فيروز: :بووسهاا وباس ايهم وكف مبتسم
وهوا يكلناا هيج كون ومن ارجع الكاجن تضحكن وماعلى كلبجن هم

.حجايته مردت كلبي شكد شايل همنا وشكد خايف عليناا ..طلع من الغرفه رجعت بيان الحضني هادئه وبان تبوس بيهاا

بيان::شنو الاصعب من خيبة الحب
من تضحي بكلشي الخاطر شخص من تفضله
على اهلك وناسك وعلى دراستك ومستقبلك
من يكون عندك استعداد تنطيه روحك
انسان الكل لامك لان حبيته بس انت ثقتك بيه وبلحب اكبر من كلامهم
من تتباها بيه وكلك ثقه بحبه
وبليوم الي المفروض تكون اسعد مخلوق
لان خلص حبك راح يكتمل وتعيش ويا الانسان الختاره گلبك
تنصدم بانسان اقل مايقال عنه مخادع
باليوم الي دكول خلص هلشخص صار بس الي
تكتشف نفسك. شخص اضافي بحياته
..موبس حسيت بخيبة امل اني حسيت روحي تحترك وماعرف شلون اطفيهاا...

فيروز: :كومتها تمددت بفراشها وبان حاضنتها
بيان::روز تعالي اقريلي شي گلبي يوجعني

روز::. .روحي لايبه عليها من اشوفها مكسوره كلبي ينمرد كمت صعدت يمها خليت راسها بحضني
لازمه ايدهاا بيدي بدلي ابقيها بحضني عمر
صفنت ساكته ..شقرأ بيون..خلت ايدها على كلبها

مادري روز من ماتت صديقتي قبل وجعني كلبي هيج وقريتي ماتذكر عفيه كلبي راح يوكف

روز::
بَِّسمَ أّلَلَهِ أّلَرحٌمَنِ أّلَرحٌيِّمَ
الله لا إِلَهَ إِلَّا هُوَ الْحَيُّ الْقَيُّومُ لا تَأْخُذُهُ سِنَةٌ وَلا نَوْمٌ لَهُ مَا فِي السَّمَاوَاتِ وَمَا فِي الْأَرْضِ مَنْ ذَا الَّذِي يَشْفَعُ عِنْدَهُ إِلَّا بِإِذْنِهِ يَعْلَمُ مَا بَيْنَ أَيْدِيهِمْ وَمَا خَلْفَهُمْ وَلا يُحِيطُونَ بِشَيْءٍ مِنْ عِلْمِهِ إِلَّا بِمَا شَاءَ وَسِعَ كُرْسِيُّهُ السَّمَاوَاتِ وَالْأَرْضَ وَلا يَؤُودُهُ حِفْظُهُمَا وَهُوَ الْعَلِيُّ الْعَظِيمُ “

الايه المستحيل يمر يوم ماقراها سبحان الله على كمية الراحه البيها
رددتها. عدة مرات

بَِّسمَ أّلَلَهِ أّلَرحٌمَنِ أّلَرحٌيِّمَ
الّذِينَ آمَنُواْ وَتَطْمَئِنّ قُلُوبُهُمْ بِذِكْرِ اللّهِ أَلاَ بِذِكْرِ اللّهِ تَطْمَئِنّ الْقُلُوب.

خليت ايدي على كلبها واني اردد بيهن ..ودمعتي بعيني الحد ماحاجتني فيروز

-ناامت
-دنكت بستهاا رفعت راسها فيروز وكمت غطيناها

فيروز: :ابقن يمها انزل اجيبلنا غدا واجي
روز::ماشي روحي وشوفي الحجيه وياج خطيه خاف تريد شي وعمه مو يمهاا

بان::شبيها جا
-مساع حتى ماتكدر تحجي حيل تعبانه خطيه
كعدت يمهن واخذت ايهم من بان ...عوف التلفون
شويه عيونك راح يعمن... عيب عليه ورجع لتلفون

.تمددت نرجس وخلت راسها على رجلي...كوومي كووومي والله رجلي منمله

-كبر فززتيني
-مو منملات وانتي جنج هايشه تتمطرحين
-طاحضج جاي اكلج غنيلي مال غربه

-ااي عفيه واني ساعه اقرأ قرآن ساعه اغني ساعه عبد الباسط ساعه ياس خضر مادكومين مني لا ادفرج

بان::لا والله بدون شقه ماتتخيلين شكد كلبي يرتاح من تقرين قرآن احسه كلماته يفوتن الگلبي هيج يعني يجن ويرحن من حلكج
الكلبي مثل شلون يعني ..مثل مدري،شلون اوصفلج الشعور

نرجس::هههه نجبي بله كمتي تمسلتين
روز::صوتجن لاتفز بيان

فيروز::دخلت للمطبخ لكيت عمه باوعتلي
-هاا يمه شلونها اخيتج سمعتها تبجي
بس الحجيه جاانت متخربطه وماكدرت اصعد

-الحمدالله عمه الحمد الله على كل حال
شبيها الحجيه

-اندرري. خطيه كلش صايره العصر شيماء وعمج ياخضونها لدكتور ...كومي لادكعدين صبلجن اغدي واكلن لاتضلن مصفصفات

-ابتسمتلهاا وكمت اصب..ذياب واصهب تغدو؟

-لا سوده عليه طلعو بدون اكل مارضو
كلبي مفرفح منين اتلكاها من اصف الراح يروح من ايدي..لو من بطرس المصاحب بت الوادم وبوه يحلف يمين ماياخضها اله لو من. مهنا المتسودن عليه مادري شسوتله فاره عقله فر لومن حمزه واختي الخلتني ضايعه بهدومي كدام ذياب
شمالها الدنيا جايره عليه

-اباوعلها تحجي مفرفحه وتمسح بدموعهاا
.الله كريم عمه لاتنقهرين قابل شبيدج انتي
.هززت راسها ساكته شلت الصينيه
اريد اطلع من المطبخ وخلود طلعت من غرفتها
شافتني ضحكت باستهزاء.وتهز بيدهاا

.عفتها ومشيت
نكعد بيان لو لا
بان::اي احسن تاكل ويانا وحدها متاكل
فيروز: :تقربت على جربايتها خليت ايدي على متنهاا.احركها على كيف...بيون. بيان

.هممم
-كعدي عمري تغدي ويانا..فتحت عينها تباوعلي
همست وايدها على كلبها

-ماريد فيروز كلبي يوجعني ماريد

-بس شويه حبابه كعدي والله اضوج اذا ماكلتي
تنهدت ساكته..وخرت الغطا وكعدت...بدون ماتغسل اجت بصف روز

.ايهم مايتوب هم يريد يوكلها اخذت من ايده
وباست ايده اكلت شويه وكامت هيه وبان غسلت ورجعت لجربايتها عينها بتلفونها

نزلنا اني ونرجس البيت سنطه محد موجود
السنك متروس مواعين وكفت نرجس تعزل الصينيه..ودخلت ام اصهب من براا عبايتها على راسهاا

.ووين جنتي عمه
-رحت الشيماء ماعدي لازاهي ولاتايت مخلصين ولا چلب رضى يروح يجيبلي جبت منها وجيت

-وكفت تريد تغسل مواعين...وخري عمه اني اغسلهم..ماقبلت...شكد حاولت ولاقبلت
..شنو عمه زعلانه مني

-ليش يمه ازعل منج شمسويتلي ...بس كافي البيت شايلاته انتن تنضفن وطبخن واخيتجن مناه
جا واحد هم يقدر مو كلش مادام بعدني بحيلي
ورجليه شايلاتني قابل الشغل يموتني

نرجس::ميخالف عمه هنه مواعين نمونه يعني احنا ثنينا واكفين مايصير انتي تغسلينهن

-اسكتي انتي اسكتي روحي شوفي هذا الخايس
اكله كوم جيبلي زاهي صخام بوشك خلني اغسل المواعين يكلي استحي موديته المحل نسوان الوصخ لاتزوجينه كليله دامك
شالع كلب امك ماريدك

-ههههه دنكت ساكته وهيه حجتها بضحك
مسحت الطباخ والكاونتر. وفيروز. ترجع المواعين المكانهن...

كملنا ورحنا يم الحجيه نشوفها لكينا عمو مهنا يمها وهيه متمدده ..تقربنا بسناها وحجينا وياها
عمو خازرناا
ماطولنا طلعنا صعدنا يم بيان

كلما تصفن تبجي وتصيح ليش
سوه هيج مو حبيته وجع بكلبي مايروح
اجت عمه شيماء حضنتها وحجت وياها شكد
على انو مايستاهلج وبعدج صغيره
ودراستج اهم
شويه عرفت ااطلع بيان من جو الملامه

نزلت ويا عمه مكسور خاطري عليها تبجي على بيبي ..فجئه تعبت حيل حجي بلكوا تحجي
نزل شهاب مبدل
وكف يمي اباوعله وتخيل يخدعني مثل ماحمزه سوا ابيان ..دنكت اطرد الافكار من راسي. شجاب حمزه على شهاب

-شلونها بيان
-الحمدالله
-امم شبيج تينه
-رفعت عيني اباوعله مبيه شي ..باوعلي رافع حاجبه ما مقتنع
-حتى من راسلتج مارديتي عليه
-اسفه والله ما منتبه مو ملتهين ويا بيان
-حقج عمرري حقج...
-نصيت ساكته ..اخذو بيبي وطلعو رجعت فوك
شويه واجت ام اصهب يمناا

.رادت تنزل جلبنا بيها. ماعدج شي ليش تنزلين
ويا الصلاه اجانا صوت ليث يصرج يصيح
بعلو صوته
هيااااام ولج هيااااام
يممممممه

ام اصهب::اركضي بان كليله هنا انا فضحنا المفلوك

بان::هههه طلعت اركض وكفت على الدرج. وهوا يفتر بصاله وبلمطبخ...هيو شبيك
هاي يمنا بغرفتنا

-ااه عبالي شردت ويا صاحبها
-ههه سوا الدرج خطوتين دفع الباب ودخل

-السلاااام عليكم ياقوم
-شماااالك صوتك شعلوه
-غير مالكيتج كلت انغلام ابوي شردت هيام ويا صاحبها

فيروز::هههه درت عيني على بيان اباوعلها مبتسمه على سوالف ليث. كعد يم عمه وهوا يكلها

-دكولي وروح چنيعت ما مصاحبه
-يااا يا دهر الفاك چنيعت منين هذا

-شدراني سمعت صاحبي يحلف امه هيج
المهم احجي صدك انا بعدج شباب. شعاجبج
بمهناا جنه سلبوح طين اطلكي وانا شلون عدي الج رجل

فيروز:: بالله احسد ليث على الگلب العنده حتى لو عنده ميت هم يضحك ضربته عمه خازرته ومن شافت بيان تضحك..رجعت تضحك وياه كالها

.اووووه نسيتيني ...نومو بدريه مستشفى
لطمت عمه على صدرهاا. يااا ولك صدك تحجي

-اي ولعباس جا اجذب عليج..وشهاب خابرني كال دكول عمه يطنك اهدوم وغراض مدري شني ...

-ولك لويث خافنك تجذب عليه صارلك ساعه تمسلت وتضحك وهسه دكلي نايمه مستشفى

-وروح چنيعت ماچذب عليج
اصلا والله مقهور عليها وضايج كومي كومي خابري ابوي وسئلي اذا تردين

فيروز::نزلت عمه من يمناا خايفه اكذب اذا اكول مانقهرت عليهاا...بس تعشينا كعدت روز تصلي وتقرالها قرآن

بيان بس تون ساعه تصيح كلبي يوجعني
ساعه عمليتي توجعني نطني حبوب...روحي فرفحت الحد مانامت غطيتها وتمددنا يمها

بليلتها بيتنا سنطه ..عمو مهنا نص الليل يله اجه
هوا وشهاب

روز::ماعرفتي شبيها الحجيه
فيروز::عمه دكول جلطتين مضروبه ولج وهيه هنا ومحد يدري. وهسه السكر نازل عدها

-والله مقهوره عليها الله يشافيهاا خطيه
-امين..ذياب. هم خابرج
-لا ..حضنت ايهم ساكته وفيروز هم سكتت
هستوني غفيت وفزيت على بجي ايهم

تعال حبيبي شبيك..لزمته صاير نار
.فزت فيروز...اخذته وطلعت الغرقة ذياب
خاف تفز بيان...شربته خافض حراره
وكعدت اسويله كمادت وفيروز يمي
..روحي نامي نزلت حرارته ...راح ابقى هنا اني

هززت راسها اي بدون متحجي عيونها مغمضه
طلعت وسدت الباب ..بدلت ملابسه. خليت شفتي على كصته يروحي انته ...
تمددت يمه ولاكدرت ارجع انام

طلعت جبت تلفوني من غرفة البنات ورجعت
المكاني. الساعه ب2:30 دخلت على الفيس
نصدمت حساب ذياب نشط
دخلت على الماسنجر...اكتب واحذف
كتبت
عمري ..ومتردده ادزها
بالاخير دزيتها

*عمري ...بسرعه فتحها
*ها عزيزتي. سالمين ليش كاعده
*ماكو شي ايهم.جان مصخن وكعدت وياه
بس لايضل بالك صار زين

*اهاا زين هسه
*اي..انته ليش كاعد
*ماجاني نوم سالفة بيان ادك براسي اريد مافكر بلكن انام الصبح وراي شغل ماكدرت ماتطلع من عقلي

-فتحت الرساله وسكتت ماعرفت شنو اجاوبه
دقيقه ورجع دز
*عمشه
*ها
*نامي عزيتي

-فتحتها ومجاوبت ماكدرت اعوفه وانام اريد احجي شي يخفف عنه ماعرفت شحجي.كتبت
*مانعسانه
دزيت وراها ..ذياب ..اتصل؟ ...ردت اسمع صوته ماعرف شبيه  مشتاقتله

*رد على. رسالة الاتصل.  ...لا لا وياي ولد بالغرفه واصهب هم..
سكتت رجع دز على كلمة مانعسانه

* شعجب لو انا موجود جا عفتيني ونمتي لان مو يمج سهرانه.ههه

-قريتها وبداخلي جاوبته لان اكون بحضنك انام بدون ماحس كلشي يروح من عقلي ميبقى شي شاغلني غيرك انام مطمنه بوجودك ...

رجعت كتبت
..ههه *مادزيتها حذفتها واباوع محتاره شكتب
.صفنت ليش ماكتب البداخلي ليش اتصنع

*لان من انته موجود وانام بحضنك انسه كلشي مافكر باي شي غيرك انام مطمنه

نفتحت الرساله وكلبي.يدك.سريع معبالك احجي ويا زوجي هاكد ماخجلانه ومتوتره..والموترني اكثر اخاف من اجوبته اخاف يجاوب بشي
يقهرني

فتحهاا ومجاوب الندم اكل گلبي ليش حجيت
هيج دقايق ودك التلفون بيدي..فزيت
جاوبته صوتي يرجف..
الو..يهمس بصووت ناصي

هلو شلونك

.نتر .صوتج صوتج احجي على كيف

.همست تمام راح صوته ويحرك التلفون

-خليت هيتفون ..ونصيته احجي براحتج

-ماسمعك صوتك كلش ناصي
-اي الولد نايمين يمي
-سكتت ونگلبت غطيت حتى راسي مجرد اسمع نفسه احس روحي مأمنه

-شجاي تسوين بت الاوادم اذاني راحت من الوشه
-هههه تغطيت
-هممم ليش متنامين

-مادري جنت نايمه من فزيت بعد ماكدرت ارجع انام
-بيان زينه؟
-اي احسن
-همم
-مو وراك شغل حاول تنسه كلشي وتنام
-ماكدر..كلما اغمض عيوني منظرها وهيه تبجي يجي كبال عيني

-والله سباعيه هيه وهسه تشوف شون راح تنسه كلشي وترجع احسن من قبل

-ان شاءالله بس ديرن بالجن عليها
عزيزتي اذا نعسانه روحي نامي ماعليج مني

-لا لا مانعسانه خليني وياك...تنهد ساكت
-هنيالي بيج ..يروحلج فدوه خيون الچلب

-حضنت التلفون حيل مبتسمه
-ماتحجين؟
-همم
-شبيج

-مابيه شي ههه
-مو هستوج كلتي اتصل شو انا احجي وانتي ساكته ماتحجين
-.شحجي؟

-اي شي شنو ابالج
- غمضت عيوني ساكته همست..مشتاقتلك
همس بنفس الطريقه
-عمشه
-همم
-هسه بهلحظه تتمنين نفسج بحضني؟

-تنهدت مرتبكه...ااي..سمعته تحرك..صوته تغير صار يهمس بصوت انصه
.باوعي
-همم

-شايفه من اكون بحضنج واحس بترافة جسمج
من اخجلج واتمنى اشوفج بضوه شنو يصير لون وجهج ..ومن اضوك طعم شفتج
هلحظات اشريها بعمري

-دنكت على التلفون بسته بهدؤؤ
سحب نفس بقوه متحسر. باس السماعه
على كيف.. حضنت التلفون حيل ضايعه
.احبك ذيااب

-يا عيون ذياب
-باوع
-همم اسمع ماكدر اباوع
-ههه ..اسمع ..نام راح تصير ب3 شلون تكعد تشتغل

-انتي نعسانه بس بدون جذب
-لاا
-اكيد
-اي والله اكيد
-ضلي احجي وياي واذا نمت روحي

-ها اوك بس شحجي
-اليعجبج ..مثلا شنو التحبينه بذياب
-غير كايلتلك
-ميخالف احب اسمعج

-احب ذياب كله هه
-امم وبعد

-احب عيونك.
-امم
-احب صوتك احب عطرك.تنهد لحظه سكتت همس

.اممم وبعد
-غمضت عيوني ...باوع ذياب
-همم اسمع
-احب اخلي شفتي على الوحمه البكتفك
...سمعته تحسر لحظه تحرك وباس السماعه
ساكت

سكتت اني هم
مركزه بصوت نفسه...همست ورا فتره
ذياب
ماجاوبني...طفيت الاتصال..غمضت عيوني
على وجهي ابتسامه وشعوري حلو

فيروز::روزز روز كعدي يله ولج بيبي موزينه
راح تروح ام اصهب ومرة خيون هسه

-يااا جا نبقى وحدنا
-دكوومي خابرت عمه شيماء متخبله دكلها امي مواته منتهيه

-صخااام خطيه...كعدت ايهم غسلتله ونزلت هوسه دلال والحجيه ام مرتضى عدنا
تبجي على بيبي سلمت عليها ..ودخلت للمطبخ
سويت ريوك الايهم دخلت دلال مبتسمه

.اكلج اطيني ماي
-عفت ايهم وكمت اطيها اخذته من ايدي وهيه دكلي بشماته..

.ها ردت اختجن حيل من ردتها الولدي صرتن شريفات..حيل وياجن كون كلجن تاخذن وتطلكن ..بنات المسيحيه

.اباوعلها فاتحه عيني مصدوومه ولشتي ترجف طلعت من يمي ..رجعت الايهم
وحجاياتها ترن باذني معقوله
يتشمتن بهيج سالفه شكد حاقدات
شكد بگلبهن مرض .....طلعو كلهم وام اصهب

توصي ديرن بالجن عينجن اخوجن اختجن
ذياب شويه ويجيجن..تسمع بخلود
اكلتلي لكمه بسرعه..نزلت فيروز وياها البنات
بيان كايلتلهن اريد اطلع من الغرفه ختنكت

كعدن يمنا بلمطبخ..نرجس وبان ينضفن وفيروز سوت غدا ..طلعت خلود بس تباوعلنا ماحجت
واحنا لازمين كلبنا بيدنا خاف تشمر حجايه
على بيان وتغثهاا

.صعدنا نصلي. ودك تلفوني ...
ردت فيروز
-الو ها ذياب

-ها باوعي ميت من الجوع عشر دقايق ونوصل صبلنا غدا بسرعه نريد نروح للمستشفى

-صار شنو خابرك شلونها بيبي
-موزينه لو نلحك عليها لو لا
-خليت ايدي على كلبي سديت الاتصال ..ردت انزل وحدي احضر الغدا بيان كالت انزل وياجن

نزلنا كلنا صبينا..وبيان كاعده علىى كرسي
اباب المطبخ تباوع لساحه...نزل ذياب من السياره.وكفتله مبتسمه..

وراه اصهب واصف..
حضنها ذياب..شلونج
-زينه الحمدالله

اصهب::يابه عاش من شافج بيون شلونج
-هههه زينه انته شلونك
اصف::شلونج بيان
-زينه

فيروز: :اباوعلها شلون جاوبت ذياب واصهب بابتسامه واصف بنتر ..دنك ودخل للبيت ساكت
صعدو بسرعه يبدلون نقلنا الاكل لصاله

نزلو ياكلون سريع عبالك احد يركض وراهم
روز ركضت سوت الچاي
بس غسلو اديهم وشربو چاي ..جاي يطلعون

وطلعت خلود تبجي.....اروح وياكم اشوف الحجيه

اصهب::ولبنات ياهو يضل وياهن

فيروز::باوعلي ذياب ساكت صايره ورا خلود سويتله بيدي اخذوها خلصوني.كالها
يله تعالي ..دخل ذياب قفل باب المطبخ
طلعو وهوا يصيح اقفلن باب الصاله

قفلنا ورجعنا الغرفتنا متمددات نسولف على مواقف بيبي ويانا ...نص ساعه تقريبا ودك تلفوني كعدت عدل جاوبت بسرعه

-ها ذياب
-فيروز جده توفت
-الى رحمة الله
-باوعيلي مو تنخبصن ..اقفلن غرفتي وغرف الولد كلهن وغرفتجن هم ...اذا تنزلن منها اقفلنها

-مااااشي..

يتبع