ثأرهم وبنات المسيحية

البارت 39

𖦹 𖦹 𖦹 𖦹𖦹 𖦹 𖦹 𖦹𖦹 𖦹 𖦹 𖦹𖦹 𖦹 𖦹 𖦹𖦹 𖦹 𖦹

حرگني إسلوبك الرسمي ،
و أبّرد گلبي بالگوه لچن ما یستقر دمي
و تگلي شقدَمت لیه ؟ هذاك آنه
الـ بقیت ویاك وکت الـ خربطِت بأسمي

..........................
روز::صريخ عمه وصياح الولد ..هبطنا نزلنا نركض ام اصهب كاعده بصاله تبجي ولولد نشوف بس التراب ورا سياراتهم
ولحجيه
دكلها لاتفاولين على الولد اسكتي
كعدت فيروز يم عمه لازمتها وعينها على بيان
كعدت على بايات الدرج ..تبجي
اصف هوا المخابرهم
كايللهم تعالو سويت حادث  تعالو اسحبو السياره
كلها تحجي وهوسه ويردون ام اصهب بس تسكت

فيروز: :كاافي عمه غير كالولج مابيه شي راح تتخربطين ..اشرت الروز تاخذ بيان
وتصعد ماقبلت مكابله ام اصهب وتبجي
دك تلفون
عمه من شفته اصف فتحته الها وكعدت يمهاا
عمه اصف حاجيه
اصف::الو يمه
-يممه يمه اصف
-ههه لاتبجين يبعد حيلي ولعباس مابيه شي هاي اجايج لاتبجين ينظر عيني

-يمن غديت الصوتك فدوه امشيه عليك الكفل
زينب لاجذب عليه مامتعور. اصف مابيك شي

-والكفل زينب مابيه شي بس السياره
-فدداك فددداك السياره  بس رد الحضني
-جايج جايج لاتبجين بروح ابوج
فيروز: :سد التلفون وهيه على كعدتها سجدت
شكر الرب العالمين على سلامة اصف
التفتت خلود على بيان وهيه تبجي

خلود::شهلعياره عليمن تبجين دوهنتي الولد وجا مات من وراج ..ها هيام.هاي الدافعيلهن
هل جا راح ابنج من وراهن

-حسيت روحي نخرست اخاف ادافع البيان
وام اصهب يصير بخاطرها اباوع البيان
الضمت وجهه بيدها تبجي وخلود واكفه وتشمر بسمها ....وردتها بتها نور

-من اول ماشفتهن كتلج راح يلعبن على اخواني هاي كدامج الله اليدري شلعبت ويا اصف وتالي مارادته

فيروز::عاد لهنا وماكدرت اسكت لو مو ام اصهب
كمت على حيلي ..ضبي السانج لج...مجرد كتلها هيج هجمت عليه تريد تضربني وامها وياها
عاطت بيبي عليهن وام اصهب صاحت عليه
نزلن غلط وفشار ونرجس وروز يردنهن
محد بينا سكتت ..صاحت ام اصهب
ماعليج خلود كفيني شرج ..وعوفي. البنيات بحالهن مو بكل فرصه تدورين عليهن زله
وانتي سهام...مو ابنج ورجلج ابيتج ماترحين
موتوني والله موتوني

اشرت للبنات اسكتن...الخاطر ام اصهب
وسهام الحقيره دكلها اطرديني علمودهن دومج ضدي ماتشوفين الله دوم حارك كلبج على ولدج
كالتلها ....بعد همه زرع نطانياهم ربي وبكيفه
شيسوي بيهم قابل اعترض على حكمه

.لطمتها على حلكها..وبناتها ضاجن ..اخذن نور وراحن وياهن البيت اهلهن
دارت عمه على بيان

-لاتبجين مايصلح بيوم عقدج تبجين
مالج غرض بحجيهن كله قدر واصف مابيه
شي الحمد والشكر الك ربي

فيروز::اباوعلها وكلبي ممرود..شذنبها حتى بعقدها تبجي..نزلت من بايات الدرج. تناشغ
كعدت على ركبها كدام ام اصهب لازمه اديها
ترجف ودكلها
.عمه والله اعوفه الحمزه
بس ليصير شي باصف
والله اموت اذا يتأذى بسببي

-درت عيوني ماريد ابجي. عمه حضنتهاا ودكلها لاتحجين هيج.يمه ابني سبع
ودامه كالج انا الازفج هوه
كد.كلمته ..انا اعرفنج تحبين اصف مثل اخيج
وماتردين تضرينه
وخافن عبالج اضوجن منج
لا يشهد عليه الله لو شما ينحجي تضلن بنياتي
وعزيزات عليه وغلاتجن من غلات ولدي

فيروز::وكفنا كلنا بلباب من اجو  يابه بالقران من اشوف اصف كلبي ينمرد رغم مالي. ذنب الله يساعد بيان من تشوف حاله هيج بسببها حقها تبجي
حضنته عمه بساحه تبجي
واصهب وذياب وعمو مهنا
يكلولها مبيه شي كافي ..
بطرس وليث وشهاب وراهم ساحبين سيارته مفلشه من كدام..

دخلو للصاله وبيان واكفه على جهه الكحل سايح من البجي وعيونها حمر ..تشهك
باوعلها اصف..وذياب يفرك وجهه بعصبيه مايعرف شيسوي من جهه اخته
ومن جهه اصف.  ابتسملهاا

اصف::مبروك بيون ولو خربت عليج فرحتج عذريني
بيان::اباوعله وكارهه روحي ...دنكت امسح دموعي اريد انطق وكله الحمدالله على سلامتك اختنكت..كال مبتسم
-يابه عليمن تبجين قابل متت ههه شبيج
ذياب بااوعلها صارت جنها بانده ههه
-ضحك ذياب وجالي حضني كدامهم شهكت بحضنه مختنكه ...يهمس باذني احد حاجاج شبيج. حاضنته وهز براسي لا
-ووينج عمشه تعالي غسليلها. ججج كافي لاتبجين
-مسحت دموعي واجتي روز اخذتني للمطبخ

روز::كافي بيان هسه يكولون نخطبت الحمزه وتبجي على اصف وتشوفينهن خلود وزمرتها يدورن زله علينا
-موبيدي والله موبيدي تخيلي صاير بيه شي غير اموت
روز انا عمري ما أذيت نمله مو هسه مأذيه ااصف..والقرااان تمنيت
ماحابه حمززه

اصف::انتي ماعليج ما مأذيتني بشي
بيان::التفتت على صوته واكف اباب المطبخ
تقدم مبتسم
-هنياله الاصف بيونه بيوم خطوبتها تبجي عليه
ههه حماره افرحي ماعليج مني ترا الحادث قدر وعدت سلامات شكو تلومين بنفسج

-مسحت وجهي بيدي..تنهدت غصه بكلبي ...ماكدر افرح من اشوفك هيج بغلاة امك نتبهه النفسك
ماكدر ما الوم نفسي من يصيرلك شي
.هزز راسه مبتسم
-صار. صار بس كافي لاتبجين شوفيني شزيني كلشي مبيه
.وخرت على جهه وكف هوا يغسل طلعت للغرفه
بس سديت الباب كعدت ابجي
ياربي ياحبيبي خليه ينسااني
لاتخليني سبب بأذيته

.دك تلفوني مسحت دموعي وسحبت التلفون
حمززه تتفست بقوه حتى مابين باجيه وجاوبته
وبحة البجي بعدهي بصوتي بس فتحت الاتصال كال
-صرتي الي واخير والله ما مصدك حلم جنتي وتحقق
-همست وصوتي رايح..الف الحمدالله
-شبيج عمري شو صوتج مدري شلونه
-ماكو شي من التعب
-بيان باوعي اقل الشهر ونزوج ..خاف يصير شي وذياب يگلب علينا
-شنو اقل من شهر اني باجر اروح لدكتوره عندي فحص واصلا مايصير الدكتوره السوتلي عمليه
كالت ماتزوجين الا بعد خمس اشهر

-اعرف اعرف سئلت باوعي نزوج وعادي نبقى مثل ماحنا المهم نزوج وتجين يمي
-مافهمت
-يعني شلون افهمج بااوعي هيه كالتلج مايصير
تزوجين الا بعد 5 لان مايصير يعني علاقه زوجيه. فا اني ماخذج بس اريدج يمي

-سكتت منحرجه من كلامه ..رجعت كتله
ماعتقد ذياب يقبل
-زين باوعي من ترحين باجر لدكتوره اسئليها كليلها اني مخطوبه شوكت يصير. ازوج
-تمام
-تمام ارتاحي عمري .ولو مارتاحيت احس اكو شي مافرحانه بيان
-لا اكيد فرحانه طبعا ...سديت الاتصال مابقت بكلبي فرحه

روز::كمنا نسوي العشاا رغم الحادث وحزن اصف ليث موتهم من الضحك ...نخلي الطاوات على النار ونرجع نوكف اباب الصاله نضحك وياهم

.ليث::هسه شني اصف ماتفيد سيارتك بعد اطينياها واشتريلك جديده
-ااي مو عندي بنگ الرافدين اشتري جديده
ذياب::هوا انته بيسكل هواي عليك تريد سياره

ليث::جا شني كفيلك الله اذا ارريد غير
احسن سياااره هسه هسه بهلحظه اجيبها والعباس بهلساعه لو اريد اجيب سيااره تعفط السياراتكم هيج ابطنش عليكم
بس غير ماعندي فلوس

فيروز::والله لو ما ليث يمكن بعمرهم مايضحكون. باصعب مواقفهم يضحكهم
بان::تذكرن اول ماجينا هنا ههه همه يطبخولنا هسه همه كاعدين واحنا نسوي الاكل
نرجس::جا هوا منو اليطبخ ام اصهب واحنا المانخليها ..وخلود طبعا اذا سوت شي اني ماكل لان احتمال مخليه بيه سم ماستبعد حقدها
فيروز::روحي بان صيحي البيان خلتنزل يمنا
..صعدت بان ..وروز ونرجس يگلن
دخل اصهب للمطبخ شرب ماي التفت عليه

.فيروزه..تعالي شويه
.بقيت اباوعله طلع لساحه..وروز ونرجس يسولي روحي ..غسلت ايدي وطلعت وراه
كلبي يدك سريع
مرتبكه خاف يحاجيني شي وماعرف شنواجاوبه
كعدت يمه..وهوا يدخن..خله الجكاره ابين اصابعه وشمرها

-شوكت فيروزه؟
-بلعت ريكي ساكته. اباوعله..يحجي بحسره..همست ..شنو؟
-تعبت ارحمي بحالي يابه وحگ عيونج تعبت
-نزل راسه ابين اديه عاصره واني مدري شبيه ضليت ارجف...اصهب ..شبيك
رفع عينه يباوعلي ..
يعني معقوله ولاحبيتيني ولا الي ذرة حب بكلبج

-ليش تحجي هيج.احبك والله مثل ما احب.....
خله ايده على حلكه يسويلي اششش
.اششش لاتكملين هاي هيه بس هيه اريد اسمعها الهدرجه وصلت وياج اجدي الكلمه الحلوه منج اصبر نفسي بيها

-دنكت راسي وجهي احسه مشتعل نار وكلبي يوجعني بجيت شجاي يصير اصهب المايقل عن ذياب بهيبته وشموخه ليش يمي عبالك طفل
كل تصرفاته تتغير
شنو السويته وحبيتني هيج
شنو التأملته مني ..كل هلاشياء بعقلي .. ودموعي يطيحن بحضني

-فيروزه..باوعيلي جاي تبجين..بس باوعلي ماريد الزمج ..لج فيروزه رفعي وجهج
شعلتي روح روحي
-نتر معصب..مسحت دموعي ورفعت راسي
يباوع بعيوني بعصبيه..اصهب.انته
الكتلي لاتجذبين عليه...الحب البگلبي الك مونفس حبك الي
-هاي هيه بس لاتبجين يابه انعل ابو كلبي
بس لاتبجين ...اعذريني اني صارت سالفه
ضوجتني وطلعتها بيج
-ياسالفه
-شي تافهه معليج ..بالله شو باوعيلي شو عيونج صارن حلوات ارجعي ابجي

-هههه من جذبك اصلا ظلمه وين شفتهن
-بت الاوادم انتي اضحكي وگلبي مشتعل
-ابجي ماتقبل اضحك ماتقبل شسوي
.ههههه اضحكي اضحكي واني بخير ماريد شي ثاني

.دنكت ساكته..تحسر وكال
-شلون اذا حبيتي بالكليه فيروزه شلون اذا جيتي وكتيلي احب شيصير بيه
تذبحيني بيدج ..اظلمج واظلم نفسي ومانطيج حتى لو راح تكرهيني ماراح انطيج

-اباوعله ساكته يحجيها بقهر ..همست ومتاكده من كلامي ..ماحب ماراح احب ..باوع اصهب
فيروز اذا انطت وعد لو اموت مارجع بيه
واخذ هلوعد مني مااراح احب واصلا ما رايده اداوم جامعه اريد ابقى علمود ايهم وروز ونرجس يداومن ..بس حتى لو داومت ماراح احب
باوعلي عاكد حواجبه

-حابه قبل؟
-درت وجهي ساكته دخلت بحديث ماعرف اطلع منه..كمت بسرعه.كتله ..اروح اكمل العشا
دخلت للمطبخ ..ولبنات يسئلن شيريد
مكدرت احجي شي
عقلي ياخذ ويجيب
..صبينا العشا وبيان متقبل تدخل لصاله تتعشا
قبل من كانو بيت مهدي ويانا بالعشا نصير الزلم وحد والنسوان وحدهن هسه كلنا سوا
دخل اصهب..وجهه معصب دنكت منه

وذياب صاح على بيان كعدنا ناكل ساكتين
كلمن تفكر بجهه ..رفعت عيني اباوع عمو ياكل ويوكل بلحجيه.هوا وعمه لان حيل تعبانه
اصهب مدنك ياكل وكلساع صافن
ذياب عينه على روز الماخلت لكمه بحلكها محتاره
توكل بايهم وهوا يليص بالاكل ويشلع كلبها
كلساع وكالته لك لا لك اوكف..صاحله ذياب
اخذه يوكله هوا ويكلها اكلي ..نضرات الحب ابينهم واضحه

نرجس وشهاب ..مقابيل بعض كلساع يغمزلها
ويخليها محتاره وين تودي وجهه..بان حتى ايهم مايفتر بكثرها. بطرس وليث يتعاندون
على ماعونها وكلساع ماخذته وكايمه بغير جهه
من ضوجها بطرس كلش كالتله كدام الكل

-والقران الا اكول البطه عليك الغوريلا.الا اكلها مصاحب بنات غيرج

-الكل سكت يباوع العمو مهنا ذياب واصهب مكدرو يسكتون ضحكو بدون صوت ..وبطرس كبل صاح ..ترا تشاقه يابه

-لا ماتشاقه هاي اكثر من مره اسمعه
شني ولك تصاحب بنات الناس ماتستحي
ياهي هاي منين
-جذاابه تشاقه وياك..هيوو احجي تشاقين مو

بان::اي عمو جذب اشاقه ..درت على بطرس.خازرني بزعل ..دنكت ساكته
وعمو يرزل بيه

فيروز::كالعاده بس شربو الجاي طلعو ..بقينا كاعدين يم ام اصهب وهيه تسولف على مهر بيان ثلاثه حاضر وخمسه غايب وذياب كايل العمه مليون مني وعمو مهنا كايللها جيبيلها ذهب بمليون مني ..

كالت البيان ..كل فتره نروح لسوك
نشتري نيشان...وبيان متقبل دكلها على ذوقج
اعرفي قياسي وانتي جيبيلي
سكتت عمه متحسره. من ننسولف بيان صافنه
تقهر
لل10 صعدنا الغرفتنا
نسولف ونضحك نحاول نغير جو البيان

.وصرت فيلسوفه بروسهن وكاعد اتفلسف عليهم
وهنه ساكتات يستمعلي وايهم يفتر بنصنا
ماحس الا لطمني راشدي على وجهي
جرته روز ضامته وراها. وهنه خربانات ضحك

.والقران اكتله وخري.
روز: :ههههههههه نجبي عوفيه طفل شبيج راح تبجين. حتى ضربته متوجع
-خلي يضررربج وصيحي متوجع
والله اكتله حتى لو ينام هم اكتله وخري
روز':اضحك اواكفه احمي ايهم..الحماره فرتنا فر
كلناا وكفنا بوجها وهيه ادفر من بين رجلينا
تريد تلوح ايهم اليطلع من ورانا. يعيب ويضحك عليها. ويرجع يضم روحه الخايس

صوت ضحكنا شعلوه شكد صار ماضاحكين هيج
وبيان بس تلزمها فيروز صاحت عمليتي عمليتي
مدري شلون وصلنا للعرك بالمخاد
ميتين من الضحك
الرعنه بيان اكثر وحده ضربتنا ومانضربت
بس نوصل يمها تصيح عمليتي عمليتي
درنا كلنا على فيروز نضرب بيها وهيه تغلط وتفشر علينا ..

نفتح باب الغرفه
وكفناا فشلانات..كل وحده بيدها مخده. ذياب صافن علينا ساكت يباوع المنظرنا ومنظر الغرفه
الفراشات مطشره وهوسه وحنا لاحجاب لاصخام وشعرنا مكفش

-كملن كملن ليش وكفتن
فيروز::تعااال حبيبي تلعب ويانا
-كمي لج مالعب لعبات زعاطيط
-دخل وسد الباب كال اني عندي خوش لعبه تعالن اكعدن
تسطرنا كدامه فرحانين راح يلعب ويانا

.كال نلعب اسئلة الصراحه
-كلنا كمنا وكفنا ونصيح لا مانلعب
كام ولزم روز. من ايدها ..مو صوجن صوجي اريد العبجن
-هههههه مانريد انته لوتي تريد تكشف الاولي ولتالي بحجة العبه. ...ضحك يحك بلحيته
-شكول عليج اخت ذياب ماتنغلبين
-رفعت دشداشتي عود ارفع بياختي واركصله بحاجبي جا شعبالك
عيني ...

روز::سحبت ايدي منه مستحيه..وشلت ايهم
.ايهم تنام يمي. ماخليك يم هاي تكتلك
.صفن ذياب بوجهي
وفيروز دكلي والله ماكتله مانطيته الها
اخذته وياي اضحك
سولفت لذياب ليش تريد تكتله
كال لاتعلمينه يطاول عليها ..خليته بحضني
اريد انومه وذياب مكابلني يله غنيله ..
مبتسم..خله راسه على رجلي بصف ايهم.
ويكله الله ربك يوميه نايم بهلحضن مو مثل حضي اخلص سبوع بعيد

.بس نام ايهم..كال جيبي اودي يم البنات
ماناقشته..اخذه.وطلع..ركض سديتت الباب
وبدلت ..
علاقتي ويا ذياب تجنن
حيل تغير وياي الشي الوحيد البقه حسره
كلمة احبج. واسمي روز ابد.مكالها وكل مارجع اسئله انته
تحبني يكلي اعزج وغاليه واذا راد يصيحلي
وميكلي عمشه يكلي عزيزتي لو عزيزة روحي
اضمج بروحي
اكثر كلمات اسمعهن منه

قدمنا على الكليه. ومن فيروز كالته ماريد ابقى علمود ايهم ماقبل هوا وعمه كالت يبقى عندي ماعليجن..وباختيار نرجس علمود تصير ويانا قدمت تربيه نقبلنا والاقسام اصهب كال معليجن اني اعرف عميد هوا يرتبهن النا
من رحنا لدكتوره
كالت البيان ثلث اشهر
وعادي تزوجين..... يعني يصير زواجها ابدايت الدوام
وعمه ماخلت شي ماجابته الها
عبالك بتها المزوجه... اما اصف اصلا مانشوفه مخلصها بدوام اصهب وفيروز نوعا ما علاقتهم احسن من قبل وفيروز بدت تتقبله من نكعد ونسولف دكول يمكن راح اكول الاصهب
قابله نزوج.. بس ماجذب واكله احبك لان اني ماحبه طبعا كل هذا
بعد حجي ام اصهب الي بكل كعده دكل الفيروز
خلينا نعقدلكم سوا ويا شهاب ونرجس
بحيث خلت فيروز تفكر بالموضوع
ذياب بكل مره يجي
يكلي شو مصار طفل نروح لدكتوره. وبكل مره ارفض واسد الموضوع

...سهام اجت مره وحده وتعاركت ويا ام اصهب
عركه قويه طردتها وبعد ماجتنا...الحجيه حيل هادئه ورا ماتمرضت مالها خلك شي.وخلود
ماتبطل مشاكل...بس نضحك عليها
مثلا تجي ادردم بصوت ناصي.واحنا بلمطبخ
وحده تباوع بوجهه الثانيه ونضحك بصوت
عالي وهيه تتخبل وتشيط ضالين نضحك على عقلها

.اليوم حنة بيونه ويا اجازة اصف ..كالت ماسويها ماريدها بس ام اصهب اصرت ماتريد
تكسر بخاطر بيان...حجزتلها بصالون
واخذتها عمه شيماء ..
حضرنا كلشي..نفرح ساعه بس من نتذكر
راح تروح بيان مانكدر نلزم دموعنا اصعب
شي بوسط فرحتك غصه
الولد كلهم ماجو للبيت بيوم الحنه بس اصف بغرفته

اجت بيان من الصالون ...
دايخه خوفتناا كعدت وعمه طاير كلبها
شويه صارت زينه يله فكينه....وضحكنا
اهل حمزه ولا وحده اجت منهن رغم عزمناهن
شفتها تاشرلي متوتره

رحتلها.
.ها بيون
.بيان::روز اصف طلع من البيت...اباوع بعيونها
منتظرتها تحجي ودكلي اي طلع هزت راسها
لا ...
طفي طفي الاغاني ..اجت عمه ام اصهب
تحجي عليه غير البنات فرحانات ويركصن
كتلها عمه راسي
راح ينفجر من صوته.  سكتت. والنسوان يسولفن
شويه وبدن يروحن. دخلت الغرفة بيبي اسلم عليها

حضنتني تنوعي واني اريدلي حجه حتى ابجي
كعدت يمها صورت وياها اني واخواتي  اجت ام اصهب كالت
-تعالي بيان اصف يصيحلج
-باوعتلها بلعت ريكي..ليش
-مادري تعالي
-باوعت الاخواتي ساكتات..اباوع النفسي ..عمه بيدها الكبوس لفتني بيه..عمه ابدل.واغسل وجهي واروح ماريد يشوفني هيج. حجيتها مختنكه
-لا يمه هوا كال صيحيلها قبل لاتبدل

-درت على فيروز...دنكت. ساكته..صعدت ويا ام اصهب كلبي يدك سريع...ماردته يشوفني ماريد أذيه اكثر ..ايدي ترجف..فتحت الباب عمه
واني وراها
رفعت عيني اباوعله
.ابتسملي..وهوا يكلي تعالي تعاالي دخلي
.ساعدتني عمه لازمه البدله دخلت صافنه بوجهه
شنو اليريده يتقصد يخلييني سبب باذيته

واكف كدامي صافن بوجهي شويه شويه
عيونه يلمعن مليانات دموع دنكت عيني
مكدرت الزم دموعي من منظره
-ججج لاتبجين شبيج...وين الحنه يمه
-رفعت عيني اباوع العمه طلعت ودمعتها
على خدها ..مد ايده يريد يمسح دموعي ورجعها داير وجهه
-لاتبجين شيرازيتي

-مسحت دموعي مختنكه..عليك الله سامحني وبريلي الذمه بالقران ماقصدي أذيك
دنك يهز راسه ويحاول يبتسم..
دخلت عمه انطته الحنه ..وطلعت
اباوعله شيريد يسوي.. اشرلي اكعد
نفذت بدون ماحجي..كعد على اركبه مقابيلي
سحب ايدي يخلي حنه. مبتسم بس شفته ترجف

.بهلحظه تمنيت رافضه حمزه من شفت
اصف شلون يحاول يخفي حزنه لو ميته
ولاشايفته بهلمنظر..
-هذا وعدي الج نفذته. حنيتج الغيري بيدي
-سحبت ايدي منه وطلعت من الغرفه
ارجف. ..كافي طول هلفتره مامر يوم وماحسيت بذنب
وهسه وصلت المرحله تمنيت ميته ولاشايفته هيج..صيحت على البنات
بس نزعت البدله.وغسلت لفيت راسي
اريد انام كلبي حيل يوجعني ..

روز::شكد تمنيت هليله اطول ومتخلص
كلساع الكه وحده من اخواتي. خاتله بمكان تبجي خاصه بان. ... شكد.بجت بهليله نمنا
سوا ومابينا ذرة فرح
الصبح راحت وياها بان وفيروز
ومدري شلون الوكت يركض.....ابين شغل
ابين ايهم وذياب الصاير بارود حسره احاجيه ينتر بيه
.يابه من شفتها بالابيض شصار
بيه عبالك حياخذونها مني الغير دوله اباوعلها
ودموعي على خدي حضناها نبجي
توسلنا بذياب يخلينا نروح وياها

قفل محد.تروح بس ام اصهب ...اجت الزفه
ونزل اصف مبدل وكاشخ..استأذن من ذياب
هوه اليسلمها الحمزه وبيان تخبلت. نتوسل بيها لاتبجين..وهيه تصيح
ليش يسوي بيه هيج
ليش.يريد يخليني احس باذيته
..طلعت واحنا وكعنا اباب المطبخ نبجي. يايمه
شصار بينا..اصعب شي زواج الاخت ..رجع اصف
دخل من يمنا ايده ترجف بدون ميحاجينا صعد فوك ..

البارت 40

𖦹 𖦹 𖦹 𖦹𖦹 𖦹 𖦹 𖦹𖦹 𖦹 𖦹 𖦹𖦹 𖦹 𖦹 𖦹𖦹 𖦹 𖦹

خاف ياخذني الخشب لاخر ولايه
مذمم اليكتبله آيه بوجه گبري
انه كاتب آيتي من عروگ گلبي بسم عذري
مبري ذمة
الشكبن اسنينه وشمرهن فوك ظهري
ومبري ذمة
الغمضت رجله وچفه  گلاص العمر
من مشتهاته وگال مدري ..

عقيل العرد......
..............

روز::طلعت واحنا وكعنا اباب المطبخ نبجي. يايمه
شصار بينا..اصعب شي زواج الاخت ..رجع اصف
دخل من يمنا ايده ترجف بدون ميحاجينا صعد فوك. ركض
ذياب كعد اباب المطبخ يباوع ورا السيارات ولولد يمه

كلهن ثواني ثواني
ابين صعدت اصف وصوت الطلقات
فزو الولد يركضون فوك احس رجليه رجفن
ماكدر اكوم ..ركضنا وراهم وصوت صياحهم
وصياح عمو مهنا
احس الدرج صار شطوله شما اركض ميخلص
شي مثل الحلم صدى الصياح
الخوف الرعب اركض وخايفه من الراح اشوفه

ذياب كاعد على اركبه مقابيل اصف
واصهب كاعد على جهه مهدود حيله
ثلث طلقات سرا واحد بلحايط
دار علينا ذياب خازرناا لان نبجي وعمو مهنا يحاجي اصف ويكله ليش بويه ليش هيج هبطتنا عليك اخذت روحي البين ماوصلتلك
وبيبي جوا تصرخ ..نزللها بطرس
احس وشه صارت باذني وعيوني غوشن
اشرلنا ذيااب اطلعن براا سحبتنا فيروز الغرفتنا

فيروز: :گلبي رااح والله عبالي انتحر على هلهبطه يمكن راح يشكل عندي السكر
..مسحت دموعي احاول اقوي
نفسي من شفت اخواتي كلمن تبجيلها بجهه
روز حاضنه ايهم وتبجي
وبان متمدده بفراش بيان
ونرجس على جهه ماكدر اكلهن كافي لاتبجن
من جهه بيان ومن جهه اصف
كمنا نصلي وباقين بغرفتنا

الحد ماسمعنا صوت عمو مهنا يصيح وينجن بويه ..نزلت واني على الدرج..ها عمو
-تعالن يابه سون عشا للولاد ..يله بنياتي
-صار عمو ..رجعت للغرفه الولد بعدهم يم اصف
نزلنا للمطبخ..وخلود ويانا
مانخلص من سمهاا وتبسمرها

بان كاعده اباب المطبخ ودمعتها مانشفت
كلساع وكالت بلكي تجي ويا عمه ام اصهب
..بان لاتحجين هيج مايصير
.سكتت مختنكه..كملنا العشا..ذياب اخذ اكل
بصينيه وصعد يم اصف
واحنا محد اله واهس ياكل
كمنا انضف المطبخ ولبيت وخلود دخلت الغرفتها رجعنا كعدنا يمهم بصاله نزل اصف مبدل والسويج بيده كالهم اني رايح لزياره
صفنو بوجهه ساكتين ..كام ذياب..

.. اروح وياك
-لا ماريد احد وياي ذياب شبيك ياخي شنو جاهل كدامك والله مابيه شي عوفني
ذياب ::لا مو جاهل. بس ماتروح وحدك انا وياك
-لاحول الله. اصهب احجي شي
اصهب::ااي وحدك ماتروح واحد منعدنا يروح وياك

فيروز::دنك اصف يريد يچلب بالمحجر عبالي يريد يگعد ..ركضله اصهب وذياب لازمينه
خشمه طك دم

وهوا يصيح عوفوني مابيه شي
كعدوه يمسحون بوجهه ..ركضت نرجس جابتلهم ماي كل هلمواقف بيوم واحد هواي علينا كل ساعه هابطين

كوموه يردون ياخذونه للمستشفى ..
وهوا قافل ..اخذوه غصب عنه. واصهب كال لذياب ابقى ويا البنات لاتجي
راحو اصهب وشهاب وياه ..كعد ذياب. بساحه يدخن وخلود طلعت تشعل بعمو ..شفتهن
الكح..اب ..هسه يموت ابنك من ورا هاي البربوك....اختنكت من حجيها وماكدر ارد
وخفت ذياب يسمع وتعلك ..عاط.بيها بطرس وسكتت

طلعت بلباب اباوع لذياب التفتلي شمر جكارته
وكام..خله ايده على جتفي ومشاني وياه
اشر للبنات يصعدن...بس دخلنا للغرفه
كعد بنصنا..حاضن بان وايهم كاعد بحضنه
-لاتضوجين بان
اداوم وياج هيه بنفس المدرسه
-حضنته بان ساكته..دك تلفونه. عكد حواجبه
مصدوم باوعلنا كال بيان ..جاوبها
.وعوينه تشخصن بصدمه...شكو ذياب

بيان::الندم!!!!!!!!
شكد صعبه من تتندمين بيوم زواجج وتحسين نفسج موكد هلزواج من تحسين نفسج
بعدج مو مال تتحملين مسؤلية زواج. بس
شنو الفايده فات الاوان من المح حمزه ..كدام عيني انسه الندم.وافرح من اشوفه حبيبي صار الي تحقق حلمي وزوجته ...بس من يروح ..
واباوع الاهله..والنسوان والهوسه اتندم
كاعده وهنه ياكلن كدامي ولجهال كلساع مباوعيلي وضاحكين عبالك مهرج كدامهم
خلصن عشا واني بس اريد اكوم
متت من البدله ..بدن النسوان يرحن وهنه بالاصل مو هوايه ناس قليله. بقن بس كم.وحده كاعدات يسولفن

اتلفتت على الصوت هذا صوت عمه ام اصهب ويامن تتعارك دارن النسوان الكاعدات يباوعن لداخل البيت
صوت بنيه تصيح وصوت ام اصهب تتعارك ويا اختها رجف گلبي بخووف لمحت حمزه فاات من باب الصاله الداخل البيت والنسوان مادري شتحجي

دقايق واجت ام اصهب عيونها طاكات حمر ومليانات دمووع
وراها حمزه يكلها خاله مو وكتج وانتي ماتعارفين شي اسكتي
باوعتلهم بخووف.شكو عمه شجاي يصير
سحبني من ايدي موكفني وهوا يكلي ماكو
شي عمري تعالي البيتنا يله لفاني بلعبايه فوك البدله 

..وام اصهب
تباوع ساكته تريد تحجي وتحط ايدها على حلكها تجبر نفسها. تسكت. والحيره مبينه على ملامحها دخت وتلطشت
مجاي اعرف شنو الصار. حمزه يسحب بيدي
وصوت البنيه تصيح حراام عليكم والله حرام....
طلعني من البيت لطارمه
وين ماخذني حمزه شكو حمزه احجي
.فتح باب بطارمه. فات للبيت
الثاني يجر بيدي معصب..حمزززه شكو حاجيني
امشي وراه واسحل بلبدله سحل
دخلني للغرفه

جر العبايه واباوع بعيونه ...احجي شكو
.ماكو شي يروحي انتي ماكو شي اكعدي ارتاحي هذا بيتج. ماريدج ترحين هناك
اصلا هاي اول واخر مره ادخلينه

.عكدت حواجبي متوتره واطرافي ترجف..احجيلي شصار عمه ليش تعاركت ويا امك ...احجي وياه اريد افهم ميجاوبني
مديت ايدي. على صدري ارفع البدله. من شفت عينه مركزه ويا صدري من اتنفس. ..وهوا يتنفس بقوه
صاحت اخته حمزه تعال ابوي يريدك

طلع من يمي كعدت على طرف الجربايه ارجف
القران  الخلته بيدي عمه والتلفون  معصورات عصر بديه عفتهن بصفي

والرجفه لازمتني ..شنو الصار
ليش عمه تعاركت ..ندفع باب الغرفه وفاتت بنيه
كمت وكفت مصدوومه ..واني اركز بملامحها
واحاول اتذكرها
حمزه مره دزلي صورة جماعيه وهيه جانت كاعده يمهم من سئلته منو كال بت عمتي
ارمله ومحد الها عايشه عدنا. وعدها طفله
وقتها ماخليت الموضوع ابالي
وام اصهب هم سامعتها مره تسولف
عليها ....
سدت باب الغرفه ترجف وهيه دكلي
-انتي مضحوووك عليج اني مرة حمزه بعقد سيد اني مرته
.تبجي وتحجي. واني عبالك نطرشت
شنو مرة حمزه..اباوعلها
ساكته ما مستوعبه احس الحجته يفوق عقلي واستيعابي
كالت وهيه ترجف

-اني ارمله اصير بت عمته الحمزه عايشه عدهم من زمان وعاقدين سيد علمود يدخل ويطلع من البيت براحته وتالي انا الخوثه حبيته
وخليت زواجنا يتم ..ردت اوصلج بكل طريقه واكلج عوفي حمزه لاتخربين حياااتي
وماكدرت اخذت رقم ذياب من عده بدون دريه
ولكفني متصله عليه مالحكت احجي شي لذياب

-بلعت ريگي ارجف البنيه مكطعه نفسها من البجي واني ساكته كل الكدرت اكوله لاتجذبين
-وررروح ابوي ما مجذبه حتى ام اصهب
هسه درت وتعاركت ويا عمتي
انتي تورطتي ويا واحد مايرحم

-خليت ايدي على اذاناتي واني اصيح لاتجذبين لاتجذبين كل حجيج جذب ...كعدت يمي
لازمه اديه
-موجذب مو جذب والله اموت اذا حمزه
لزمج ..متحمله كلشي منه وساكته علمود
مايروح الغيري...

-رفعت عيني اباوعلها صعب اصدك حجيها
جرت دشداشتها من كتفها. ومن رجليها وهيه تراويني الاثار البجسمها تبجي وتصيح
متحمله كل هذا منه علمود مايعوفني
حمزه مؤذي لتخلينه يلزمج راح
يأذيج.حمزه سادي

-صافنه بوجهاا ..شنو ش شنو يعني شنو
سادي
-يعني يضربج يعذبج ويستلذ بعذابج
تحجي بخوف وتبجي نفتح الباب  سحلها حمزه من يمي ..بكل وحشيه وكفت مصدوومه البنيه تبجي وهوا يضرب بيها ويغلط ويفشر  ..وعمه ام اصهب رجعت
تعارك وصوتها شعلوه
ابجي وارجف والبنيه
صريخها رعبني
مامصدكه الجاي يصير ركضت على الباب قفلته
وكعدت وراه لامه رجليه على صدري ميته من الخوف  ابجي واحاول
اتذكر كلامها واردده بعقلي ...ركضت لتلفون
ميثبت بيدي ...اريد بس ادوس اتصال
.ذياااب.اذياااب الحگلي
-بيااان شبيجج
-صرخت تعااال عفيه تعااال
-جااايج جايج

.سديت التلفون واباوع للباب احس هسه يندفر
اندك الباب فزيت ورجعت ليورا ابجي
ام اصهب::بيااان
-كمت من سمعت صوتها اريد افتح
الباب وسمعت صوت حمزه يمها رجعت ليورا
حمزه::موو مرتي خااااله جذااابه مو مرتي

-سد حلكك وانجب خايس خسيس.ولك تغدر اخووك تغدر ذياااب يحمزه ذياب الرباك على ايده تغدره
ليش ماحجيت ليش خليتنا على عمى عيون

حمزه: :بيااان افتحي الباب بس احاجيج جذب والله كل حجيها جذب لاتصدكينهااا بياااان

بيان::سديت اذاني بديه ماااريد اسمع صووتهم
ماريد اسمعه حاشكه روحي ابين الجربايه والكنتور ..جسمي يختض وبطني متقلصه
اريد اتقيئ احس معدتي وكلبي مشتعلات نار

صوت عمه
تتعارك ...وصوت حمزه وامه وابوه
يكلولها جذابه لاتصدكين وام اصهب
تصيح... جذبتو علينا ..لازم ذياب يعارف

كام حمزه يدفر بالباب واني احس روحي
بدت تطلع غواش بعيوني ..ونفسي ضاگ
اسحب
نفس بقوه اريده يوصل الريتي
يابه من سمعت ذياب يصيح باسمي
احس اريد بس اوصل الحضنه ...ركضت على الباب اريد افتحه وخاايفه

حمزه يحاول يهدي ذياب ويكله
بس اوكف واسمع مني وذياب يصيح وينهااا
فتحت الباب ارجف.....ذيااب
بجيت بحركه..باوعلي مصدوم
رجعني للغرفه ودنك سحب العبايه
لفاني بيها حاضني...

حمزه::ذياب. والله جذب كل الحجي جذب بس اسمعني
-يمه ذياب اسمع اخيك لاتخرب عرسهم
بيان::حاضنته بكل قوتي....ماهتم الحجيهم
يهمس باذني شصاار بيان شصار
حجيت واني حاضنته
جذااب حمزه جذااب مزوج

حمزه::ماااامزووج يابه ما مزوح هوا بس عقد سيد علمود دخلتي لللبيت .ونسيت اكلكم.مامزوج جذاااابه شبيج شييج

-وخرني ذياب من حضنه يباوع بوجهي مصدووم ..وكانو مايسمعهم شيحجون كل اليريد يسمعه اني ..جلبت بيده ارجف...زوجته كالتلي جذب مو بس عقد هيه اجت لهنا
وراوتني جسمهاا ضاربهااا وكالت حمزه يضربج سادي كالت سادي.لتخليه يضررربني

سادي ..كلمه ماكنت سامعتها قبل او سامعتها بدون مافهم معناها كل التمركز بعقلي انو سادي يعني ضرب من منظر البنيه نرعبت كل الاجه على بالي راح يضربني مثلها

تشخصن عيون ذياب بصدمه وحمزه
شاايط ويصيح جذب جذب ...دار عليه ذياب
ضربه بوكس وكعه بالگاع
صريخ غلط مسبه اشووف ابو حمزه واخوه
ولد قرايبهم شلون فاتو
يردون يطلعون حمزه من ايد ذياب. وعيوني مغوشه وما اميز الاشوفه كل
الاتذكره بعدها صرخة ام اصهب

.
صحيت راسي ثگيل عبالك كنت بحلم
وخرت راسي من حضن ام اصهب اباوع
وين اني ذياب يسوق وام اصهب دموعها على خدها
تغطي بيه بالعبايه دنكت اباوع النفسي بلبدله

ام اصهب::اسم الله الرحمن ..ردنا لهلنا ذياب مابيها شي هاي صحت  كافي فضايح ردنا. لهلنا

-بياااان
.رفعت عيني اباوعله بالمرايه ..ساكته
-يوجعج شي اخذج للمستشفى؟

-هززيت راسي لاا..مدت ايدها ام اصهب تريد تسحبني الحضنها رجعت ليورا ساحبه ايدي منها
باوعتلي مصدومه ..حشكت روحي بلباب
واتذكر لزمته الايدي وروحي تشيط..اتذكر الكلام واحس جسمي كله يتكهرب...

فيروز: :طلعنا بساحه گلبي نااار شصار
ليش طلع ذياب يركض
ادك على بيان ماترد ....وبطرس وليث واكفين يمنا ساكتين بعد ماعجزو يدخلونا للبيت
وعمو مهنا كلساع وكال لاتخافن بويه ماكو شي
طبن تعالن ..روز من كد ماخايفه وترجف
حتى ايهم مكدرت تسكته اخذته منها بيبي
نزلت سياره على شارعناا
كمت وكفت كلت اجه ذياب...طبكت سيارتهم
كدامنا رجعت كعدت ماكادره الزم دموعي

نزلو اصهب واصف وشهاب يباوعولنا
بصدمه..
اصهب ::شكو ياساتر
بطرس::بيان خابرت ذياب وراح يركض ماندري شنو الفلم ماحجه شي

نرجس::مسحت دموعي واني مركزه باصف
ارتجى على السياره يعصر راسه بيده متحسر
وشهاب طلع
تلفونه يدك على ذياب
الخوف الخفناه على بيان بهلحظه يشبهه خوفنا عليها يوم عرفنا بمرضهاا..عباره عن رعب

اصهب::جا انتن المن كاعدات هنا حاره فوتن جوا ..هسه يجي ذياب

فيروز: :هزيت راسي لاا وعيني على الطريق
كلما اشوف ضوا سياره عبالي ذياب ومن تفوت
شارعنا ارجع بخيبة امل ..الولد.بقو يمنا
ويباوعون لشارع

شويه وشفنا سيارة ذياب اجت
وكفنا واحنا نمسح بدموعناا..فتحت عيوني بصدمه من شفت بيان بسياره..
اريد اتحرك وروحلها ماكدر..نزل ذياب فتحلها
الباب واحنا باقين على وكفتنا مصدومين
راد.يلزم ايدها ابتعدت بخوف...يباوع بوجهه ساكت

.تحركت من مكاني الها ارجف...راحت من يمي
ورده رجعت عباره عن جسد بلا روح. بدون ماحجي
اريد بس احضنها اريد بس اخذها بحضني
دفعتني متنرفزه وصيح بخووف لتلزززميني لتلزززميني

ابتعدت مصدومه.بياااان
.اشرلي ذياب عوفيهاا وخري..رفعت البدله وتمشي مكسوره فاتت من الصاله والبنات وراها
اني الوحيده البقيت واكفه بمكااني
مصدوومه

.عيني بعين ذياب اريد يفهمني .كعد على حيله
بوسط الساحه..يفتح بدكم القميص مختنك
.. ياالله موكد هلحمل انا. يا الله

مزوج.ابن الكلب.مزوووج غدااار للمره الثانيه يغدرررني .....دكليلي ساااامح امك شفتيها
شفتيهااا شسووت خااااله اختج وحده حقيره
وكلبه بت سطعش كلب

اصف::منوو منو مزوج شجاي تحجي انته
ام اصهب::حمززه مزوج.بت عمته العايشه وياهم بعقد سيد ..

فيروز::عفتهم ورحت اركض البيان تلاگت وياي نرجس على الدرج تبجي

.تعاالي شوفيهاا متخلينا نلزمهاااا راح تموت
.صعدت فوك مهدود حيلي البنات مكابلاتها يبجن وهيه متمدده .وبس فاتحه عيونها لاتبجي ولاشي..كعدت على اركبي مقابيلهاا
مسحت دموعي واحاول احجي مخنوكه

.بيان..كومي عمري كوومي بدلي..يله كومي
حتى تنامين....باوعتلي ساكته..كعدت..وتجر بالتسريحه تخرب بيها..مديت ايدي الشعرها
عوفيه اني اسوي دفعت ايدي خازرتني

.لتلززميني شبيج انتي شبيييج

.درت على البنات خازرتهن اسكتن..تمام مالزمج
بيان بس على كيفج كطعتي شعرج

.خليتكطع واذا

.درت وجهي كاتمه.صوتي ...عوفي شعرج بيون
بس بدلي..كمت للكنتور طلعتلها دشداشه
وكعدت مقابيلها...مامصدكه الكدامي
اختي ..نزلت ايدها من شعرها.
وتراويهن الي.غمضت حيل.اديها مشخطات

.باعي حمززه لزم ايدي. منا حمزه جذب عليه
باعي من لزم ايدي شصار بيهاا امسحها
وماتروح

نرجس::سووووي شي فيرووزه حتتخبل.بجيت بحركه منظر بيان صدمه. دارت علينا فيروز
وهيه تسويلنا اششش استكن

فيروز::اشششش..بيون باوعي..هسه تبدلين وتنامين من تكعدين كلشي يتصلح ماشي
بس خلي ابدلج ..دنكت تباوع البدلتها

نفتح باب الغرفه فات ذياب عيونه حمر
اوجهه مطعون. كمت وكفت مهدود حيلي
جلبت بيده لازمني همست امووت ذياب
اموت اذا صار بيها شي.راح تتخبل حباااب
حاجيهاا..

سحب ايده مني. وكعد مقابيلهاا.ساكت
زحفت الحضنه هيه. حضنها مغمض
عيونه وهيه ساكته....

.بيان بنيتي  باوعيلي
.لتخليهم يلزموني .اتووصخ ذياب اتوصخ
.محد.يلزمج هاي انتي بحضن اخوج منو يكدر
يوصلج..باوعيلي ....

فيروز::دار عليه ..كال
نطيني ملابس .هسه تبدل.وتنام..وتكعد ناسيه كلشي اخت ذياب محد.يكدر.يكسرها
مادام اخوها بضهرها ..مو صح بيان

.خليت الدشداشه بيده.بيان تهزز راسها
اي وترفع ايدها اله دكله ..باوع حمزه
بس لزم ايدي صارت هيج..وهوا يكلها اي
اني اخذ حقج منه. ..خله الدشداشه
براسها. وفتح السحاب..نزلها عليها..

وكفهاا. دفع البدله برجله
.تعالي كعدي هنا ..بان جيبلنا ماي
-خزرناا علمود نسكت..روز.طلعت من الغرفه
ماتكدر...تسكت.وصوت شهكتها.يوصل يمنا

.كعدها على جربايتهاا.ويفتح بشعرها
ويهمس انتي اخت ذياب.وذياب دوم بضهرج
محد.يكدر يأذيج...وردة اخوها محد.يكدر.يذبلهاا
شربهاا ماي ويمسح حلكها بيده
فتح شعرهاا

اشرلي على وجهه نطيني شي امسح بيه
وجهاا..نطته نرجس.داراها عليه يمسح بمكياجها وهيه دكله اصلا موحلو مايعرفن يمكيجن
احنا بلبصره مكياج صالوناتنا احلى

.ميخالف يولن انتي. حلوه بدون مكياج
فيروزه جيبلي شاش ومعقم...
وهسه تنامين...ماشي

.اي نعساانه باوع ذياب كللهن لايبجن عليه
انا ما ابجي قويه يولي حمزه جذب عليه مابجي علموده ...

- يولن معليج بيهن..يله نامي
فيروز: :بلعت الغصه البلعومي. واباوع لذياب
يتصرف ويا بيان بحذر. غطاها وايده على خدهاا.الحد ماغفت دار عليه بجيت بدون صوت
سوالي اششش لاتكعد..ابقن يمهاا..لتعوفنها وحدهاا

روز::رفعت عيني اباوع لذياب..
.كومي لاتبجين..ايهم وين
.وكفت امسح بدموعي..همست جوا يم الحجيه
نزل ونزلت ورا حتى اجيب ايهم..شاف اصف
كاعد بصاله مخلي راسه ابين اديه ولولد وعمو وعمه كلهم يمه

.وكف ذياب صافن..وراح سنتر على اصف سحبه من ياخته ..جنتتت تدرري بيه مووو جنت تدري بحمززه مرررريض وقبلت انطيه بيااان.
.دفعه اصف وهوا يكله

.ااااي ادري ادري بيه سااادي.شلووون احجي شلون اكول وهوا. قبل لايحجيلي انطيته وعد للموت ماحجي سره ..واخذته لدكتور بيدي
كااالي تعاالجت. والله كال تعاالجت ماكجرت احجي لان واعده مايطلع سره مني ...من شووكت اصف يفضح سرر

.هزز راسه ذياب متحلف ..واني واكفه. على اخر
بايه من الدرج صافنه مفااهمه شي وكلمة
سادي ترن باذني مره سمعناها وطلعناها على الكوكل اني وفيروزه وقتها اخذنا الموضوع بضحك ومتخيلنه اكو بشر هيج ..صعد ذياب بيده ايهم

ركضت وراه..دخله الغرفتنا غطاه يباوعلي ساكت..دنكت امسح بدموعي ...طلع من الغرفه
خليت مخاد الايهم خاف يطيح من الجربايه

ورجعت يم البنات مكابلين بيان ..ودمعتنا
مانشفت فرشن بان ونرجس ونامن
فيروز خلت راسها على رجليه تبجي

.حجيتلها السمعته جوا منطقت حرف
صدمه ورا صدمه. ..طفرت على صوت ايهم
وخرت فيروزه وطلعت اركض
فات للغرفه ذياب قبلي..دخلت..شالاه ذياب
خازرني رحتله اريد اخذه من ايده

جراني من اذني صاك على سنونه
.حماااااره انتي ثوووله ليش عفتيه وحده المن خليتج يمه اني

.فاتحه عيوني على وسعهن مصدوومه ومجلبه
بيده..بجيت بحركه..مادري.والله خليت مخاد
ماعبالي يطيح

ايهم فرفح بيده.اخذته منعنده ابجي
اباوع لذياب خازرني واسكت بايهم
روحي مفرفحه اكرهه هلمعامله مو طفله اني
ويجر اذني. اباوعله وانصي حاقده عليه

رجعت نومت ايهم ...سحبت فراش من الكنتوور
فرشته بصف الجربايه خليت ايهم وتمددت.بصفه
نتر ذياب بعصبيه

.هيووو كوومي نامي بمكانج
روحي شايطه ماناقصج
.سكتت وتغطيت عاط
.ويااااامن احجي
.ايهم يطيح من الجربايه...واذا وحده يفزز
سكت ..لفيت نفسي.خانكه صوتي ودمعتي على خدي خاف موقف بيان مقصر كملها ذياب الي

فيروز::طول الليل ماغفت عيني كعدت يم راسها اقرا قرأن ...وكلبي يوجعني ..خايفه خاف
الزمها وتفز ..حسره صارت بگلبي احضنهاا

تفزز. تباوع بوجهي ..وتهمس گلبي يوجعني
فيروز گلبي حيل يوجعني ...
دقايق وترجع تنام ...قسم بالله تمنيت اني الميته بمكان امي

شيتحمل.گلبي مكافي صدمات مكافي يوميه
مفرفحه روحي شنو السويته بحياتي واتعذب
هلكد

..صار الصبح..فتحت باب الغرفه
اريد اطلع اسويلها ريوك وكعدها  فززني اصف.كاعد بلباب
كطوف الجكاير مطشره يمه.وعيونه حمر
وكف.يباوع بوجهي

.هاا فيروزه شلونها بيان
.دنكت..حتى مالي طاقه اجاوبه بلعومي احسه مشخط وصوتي مبحوح
-ليش تبجين فيروزه فدوه العينج حاجيني شلونهاا بيان
-حتتخبل طول الليل تصيح گلبي.يوجعني
.نزل راسه يفرك وجهه بعصبيه. دار وجهه ورجع الغرفته

.نزلت للمطبخ..عمو والحجيه وعمه كاعدين
يسئلون على بيان
.سويت الچاي وام اصهب يمي
ودكلي والله انا ماجنت ادري محد.يدري موش
عبالجن انا غاشتجن..تقربت عليها بستهااا
لاتحجين هيج عمه.

نزلت روز كالت بيان كعدت والبنات وذياب يمها...ولولد كعدو بعده الريوك مكامل
دخل ذياب للمطبخ...صب جاي بكوب وكعد.يشرب...شمر الكوب وكام من سمع صوت السياره
وعمه لطمت على صدرها وهيه تصيح.
دهر صابك يحمزه نوب اجيته برجليك
تريده يموتك

...
يتبع