ثأرهم وبنات المسيحية

البارت 28

𖦹 𖦹 𖦹 𖦹𖦹 𖦹 𖦹 𖦹𖦹 𖦹 𖦹 𖦹𖦹 𖦹 𖦹 𖦹𖦹 𖦹 𖦹
مَتعوبَينْ
گأدَتنهَ آلسَوألف وَآلصَور و الليل
للمچفينَ ..
تَعبَنهّ مٓن ألَسفر وألشوگ
ضَليَنه بتوآلي ألعَمُر مَشمُورَينْ 🤍
..................................................................

فيروز: :ابتسمتلهم وهمه يداهرون صبيتلهم جاي
وبقيت كاعده بمكاني هستوهم...ياكلون..ودك تلفون ذياب بصف صينية الجاي

مكتوب ام حمزه..رجع الكمه البيده..وجاوب
بمجرد كال الو تشخصن عيونه بصدمه..كام مفزوع ويصيح جااااي جاااااي

كام اصهب ورا ويصيح شكو ذياب ..جر السويج وهوا يحجي...حمزززه متخربط ومحد يمها
درت عيوني على بيان الوكفت بصدمه بمجرد
طلعو ذياب واصهب. وكعت بيان على اركبها تشهك

حضنتها روز تتسكت بيها ونرجس. تغسللها..كمت افتر ورا ام اصهب تتصل على اختها ..اكل باضافري متوتره..يمكن برابع مكالمه يله جاوبت ام ذياب

ام اصهب::هاا ولج شماله حمزه...سوده بوجهي كون ياخاله..اجوج.الولاد اخذي ذياب ولحگيله للمستشفى ...اجيج اجيج بس ماكدر اعوفن البنيات لوحيدتهن.خيردون الولاد وجيج..الله وياج خيه

سدت الخط منها ..ها شكالتج
-عمت عيني عليه دكول طبيت الغرفته لكيته طايح لايحرك ايد ولارجل سوده عليه ياحمزه ياخاله

فيروز: :وهسه.اخذوه للمستشفى غير؟
-ااي اصف واصل كبل ذياب ماخذه

بيان::مسحت دمووعي احس كلبي نبضه ثكيل وجفووني يحركني..كمت العمه ام اصهب ....عمه انطيني تلفونج بس اخاير اصف.بس اشوفه شلون صار حبابه.والله بس احاجي ..

فيروز::اباوعلها شلون تبجي وتتوسل بعمه وكلبي يدكطع عليها  وام اصهب صافنه بوجها محتاره دارت عليه وعيونها تتوسل ..انطتها التلفون ام اصهب ..ايدها ترجف....دكت ولتلفون ماثابت مردت كلبي.بحالها

بيان::ويا كل دكه كلبي تزيد دكاته اريد بس يجاوب اريده بس يكلي حمزه زين ومابيه شي
اجالي صوته

اصف::هاا يمه
-الو اصف..سكتت مختنكه..غصة البجي مجلبه ابلعومي. .اصف اصف. شبيه حمززه ...سكت ميجاوبني ....اصف حبااب احجي

-هااا بيان
-حمززه وينه شلونه ..بغلات امك كلي شبيه
-مابيه شي يابه مابيه شي..ضغطه نازل وصار عده اغماء ...بس.يخلص المغذي نرجع للبيت ليضل بالج

-خلي احاجي حباب بس اسمع صوووته اصف الله يخليك
-بيااااان بياااان روحي روحي.مني ..سد التلفون بوجهي درت عليهن ابجي..اموووت اذا صار بيه شي.فيروز امووت

فيروز: :اخذت الجهاز من ايدها..اشش لتحجين هيج ماكو شي لتخافين..تعالي. اخذتها وصعدت فوك وهيه على نفس البجيه

بان::روز خابري ذياب بله
-فيروز انتي اتصلي شوفيهم
فيروز::اخذت تلفوني متردده اتصل لو يرزلني.يله شيريد يصير خيصير المهم يبرد كلب بيان الموتت نفسها من البجي. اتصلت رن مره ومرتين بثالثه جاوب

-الو
-هلو ذياب. شلونه حمزه
-هلابيج.زين زين رجعنا للبيت ليضل بالجن
-ها ماشي
-فيروزه
-ها..سكت متحسر ثواني وكال
-ديربالج عليها. احم.بيان ديربالج عليها..لاتخلينها وحدها
-ان شاءالله...سديت التلفون درت على بيان..راجعين للبيت صاير زين والله

بيان::تمددت ساكته ودمعتي على خدي تمنيت لا عرفت حمزه ولاحبيته ... اول حب اول اعجاب .... ماراهقت وحبيت لو نعجبت بشخص قبل ..حتى ممثلين من جانن روز وفيروز يتغزلن بيهم..اضحك عليهن شنو الحب ..اني ماحب غير دراستي.. تاالي وكعت وعرفت شنو يعني حب شنو يعني ممكن تضحين بكلشي في سبيل تكونين للتحبينه ..اول شخص افكر بيه قبل لا انام حمزه اول شخص تخيلت نفسي لابستله البدله البيضه حمزه اول شخص بكلمه منه احس روحي طايره من الفرح حمزه

وصلت بحبي وياه لدرجه لو خيروني ازوجه واموت لو انساه واعيش اختار حمزه بدون ذرة تردد بمجرد ينذكر اسمه بلبيت كلبي يدك سريع مرات الوم ذياب والولد جنه نكلهم يعني حمزه يعتبر اخونا هم يتخبلون ويكولون غريب عليجن ومن حبيته وعرفو صاحو اخو اخوج شلون يصير تحبينه

فيروز::بقينا بغرفتناا ..بان كلساع جايبه الكتب ودكل البيان اشرحيلي هلموضوع شو ماعرفتله
وهيه جذابه بس لان بيان مجاي تدرس مثل قبل تجبرها بهلطريقه تدرس وياها ..كامت

روز تصلي ..وايهم واكف بصفها مخليتله سجاده
وشتسوي يسوي. صورته نرجس تضحك عليه
ايهم الوحيد بعز حزنا يضحكنا ....نفتح باب الغرفه.وفات ذياب..يستكشف..يباوع للكل يله يحجي..باوع الروز .ابتسم على حركة ايهم

ذياب::لابس حفاظه ويصلي الخايس صلاتك توصل لابو هريره

فيروز::شلونه حمزه
-الحمدالله زين ...اي بما انو مجاز ..شنو رائيجن اطلعجن. تغيرن جو

بان::كمت من مكاني. هوا كاعد.مقابيل بيان حضنته من ورااا بسته بخده ااي حباب ..وين مكان المهم انته ويانا بس احنا وياك مانريد احد

-دجيبي خدج خلبوسج. دكتورتنا
-هههه دنكت خدي اله..باساني ونرجس تصيح لدكلها دكتوره تضل تفيك علينا

ذياب::اي ست فيروزه. وين تردن اخذجن
فيروز: :مادري بكيفك..درت على روز ..بعدهي تصلي ..يمكن راح تصلي شكو صلاه فايتتها علمود متكابل ذياب..العينه ماوكعت من بيان وهيه مدنكه ..

كالها بيان شدكولين انتي وين تردين
همست بهدؤ مادري...سكت ثواني وفتحله ايده..كالها تعالي..حضنته تبجي...بووسها ويكلها اروح فدوه لدموعج لاتبجين...سكتت وهيه بحضنه كرصها من خدهااا..يحاول يضحكها ويشاقيها..

ذياب::ابجي ابجي بعد شو صرتي حلوه
بيان::ههههه
ذياب::ههههه يله اختارن وين اطلعجن تردن نروح للمدينه؟
روز::لفيت سجادتي..لزياره...التفتولي كلهم
نرجس::اي ذياب حباب لزياره

-جا حضرن روحجن خلنطلع هسه كون باجر العصر نرجع حتى ماتغيبن على دوامجن. خلي اشوف اصهب يروح ويانا

بان::ليش موكتلك وحدنا ..وكف ذياب بلباب.مصدوم عباله اكررهه اصهب.كال

-ماكدر اتعب من السياقه.وماحب اروح وحدي .ليش ماتردين اصهب
-ابتسمت ..ماشي..مو ماريده بالعكس كلش احبه.بس.ردت نطلع بس احنا سوا
فيروز::معليك بيها ذياب. هاي هيه روح شوفه احنا هسه نكمل...هز راسه موافق وطلع

شمرت المخده على بان..انتي ليش تمسلتين موعيب بله سمع الولد
نرجس::رفعتلها.حاجبي اضحك..هااا سالميين شو كمتي ادافعيله..هااا هااا

فيروز::انجبي...خزرتهن بزعل سكتن حتى بيان جانت تضحك وياهن عليه.. كمنا نحضر غراضنا..وحضرت روز ملتهيه بايهم تبدل. وتعدله.وتصيح اخذلي وياجن ملابس ...

روز::فيروز تعالي لبسيه ماكدر
فيروز::كعدت يمها..اعيب.عليه.اريد البسه التشيرت مايخليني يصيح. اوذ...طاحضك وحظ اوذ وياك بيك خير الفظ اسمها عدل...عود يخزرني ويعصب ينزل حواجبه ليجوا ويكلب اعيونه ليفوك هههه ..دكعد لتنحول عليناا

روز::استغفرالله ربي..شبيج جنج زعطوطه ويا فضيهاا.ايهم حبيبي. .باوع ايدي اووه ماكدر البسك خلي ففه اتلبسك..اقتنع. لبسته وهوا خازرها طبج مرض انتي تتحرشين بيه وتضوجينه ..كمت اني بدلت

واكفات كبال المرايه اني وبيان نلف حجاباتنا. ركزت بشكلنه شكد صايرات مبهذلات خاصه من لابسين اسود. وبشتات عريضه عبالك عجايز عمرنا خمسين سنه ..صاحت نرجس

-هسه انتن اهون يرهملجن الاسود اني مدري شيسوي بخلقتي
بيان::اي مو الزرك مايصير يلبسون اسود. يصيرون بلونه

نرجس::خليت ايدي ساده عين وعين فاتحتها حيل..واحول بيها عود عيونج لون ولون اعيب عليهاا..ضحكنا كلنا

فيروز::حييل شكد قديمات اني حتى نسيت تلقدواتجن شنو

بان::اهم شي تذكرين انو انتي ام اعطوب

فيروز::اكلي تبن كوريه اذا ماطلع بابا مصاحب كوريه وانتي مو بت ماما اطلع كلشي مافتهم

روز::غصيت من الضحك..بان عصبت اضوج واحد يكلها هسه اطلعين مو اختنا من امنا . كافي كافي فضنها لايرزلنا ذياب

نرجس::وانتي ذياب شلون متحمل كناكيرج
روز::اهوو هسه اني محاجيتج كايلتلج الزركه المفحمه المعطبه الناسينج بالفرن ..سمعتيني عيرتج هيج حتى تتحرشين بكناكيري..درنا كلنا علة فتحة الباب ..دخل ذياب رافع اديه اشارة استسلام كال مبتسم

ذياب::لا لا بعد لحد دكلها ام كناكير عمشه هاي
روز::خزرته بغضب.وهمه يضحكون ..همست بصوت ناصي ..الصخله تزوج صخل... واني متزوجتك...فيروز بصفي باوعتلي بصدمه وذياب ماسمعني صاح شكلتي

..ماكلت شي
ذياب::اذا كملتن يله انزلن. 
فيروز: :اي هسه.هوا طلع.واني رحت للكنتور اخذت الفلوس العندي..درت عليهن.عدجن فلوس

روز::اي خسمه وعشرين بس ماخذتها
-المن عايفتها جيبيها وياج خاف تحتاجين شي ..وانتن..كلهن كالن اي ...اخذنا شاحنتين.ونرجس اكيد ماتنسى هيتفونهاا وكلساع تتاكد جايبتهن لو لا ..نزلنا.هستوهم يصبون الغدا..عمو مهنا واكف بلمطبخ يحجي ويا ذياب يريده يسلم على عمو مهدي الكاعد بصاله وذياب مايقبل يسلم

دار علينا عمو مهنا وجهه ثكيل ..صاح..ليش عمو تمدن ايدجن على مرتي. شلون يصير هسه حتى لو هيه جلبه المفروض تحترمنها الخاطري

فيروز::باوعت لذياب..ابتسم مستهززاء بحجي عمو.كتله...عمو خاطرك على عيني وراسي..بس اليجيب طاري ماما على اللسانه ادوس راسه وميوكف بوجهي خاطر احد كللها المرتك تكف شرها عني وعن اخواتي وتعوف امي  بحالها مره بكبرها شتريد منعدها وتغلط عليها اربعه وعشرين ساعه ...ذياب واكف ورا عمو رفعلي حاجبه وينزل بشفته  يهز براسه موافق. عود خوش تحجين بس ياشر باستهزاء

مهنا::منين اتلكاها من السانج من السان ذياب. عمو السانج جنه. السان بيبتج بدريه حجايتجن سيف على زله ولن راسك طاير

فيروز::فتحت عيوني مصدومه ..والبنات يحبسن ضحكتهن يهتزن بدون صوت ..بس ذياب ضحك بصوت كال

ذياب::اي بالله عمي حجيت الصدك..دشوف حتى شكلها جنها جده.خاصه من تعصب يا يابه دكول حبايه ومفشوكه بنص مو صح بداعت سمسم مدري سمر شسمها الجانت صاحبتك
 

فيروز::هنا البنات نفجرن من الضحك وعمو يخزر. باذياب ويعضله شفه.دارت عليه ام. اصهب مصدومه

ام اصهب::يااا يااا ياا منين هاي ولك ذياب صدك تحجي. مهنااا.مصاحب عليه تالي عمرك

مهنا:: اه جا انتي تصدكين سوالف ذياب كفيلج العباس جذاب. هذا يريد يخربنا كليله ماصدكك

ذياب::ااهاا دكليله احلف وسيد منيهل مايعرف وحده اسمها سمر مدري سحر الحلوه الشابه ام عيون كبار  التكضك بزرع مدري شسويلك

فيروز::دمعن عيونا من الضحك. دخل اصهب يصيح ها شكو كاله ذياب

ذياب::تعال اصهب ..تذكر صاحبة ابوك شسمها سحر لو سمر

اصهب::لا ولك اسمها سهر منين جبت سحر وسمر

مهنا::وبخت سيد حسوني جذابين لاتصدكينهم يابه وروح الحسين جذابين يضحكون عليج يردون يخربونه

ام اصهب::لا والله موش جذابين مصاحب عليه مهناا مصاحب عليه واني ولدي بطولك تالي عمرك تصاحب عليه

ذياب::اي اي هانت عليه العشره يمه نووب البت صاكه تكتل وتتغزل بيه كدامنا اني شفتها جم مره تكضه بزرع مادري شسويله تعقمله عيونه مادري شنهي. مدري تطي مصقول وعمي يرجع حاله مبهذل

اصهب::انا اشهد حتى زعلت منه كتله امي ماتستاهل تخونهااا وانته شيخ وناس تحلف ابختك تالي تصاحب نوب ييمه مو هنا المصيبه المصيبه البت بكد بته وتصيحله ميمو حياتي واني سمعته بذني يكلها يا بعد جلاوي ميمو

فيروز::عمو نزع عكاله ويطك بيهم وام اصهب تخبلت صدك مصاحب عليه. وهوا يحلف بكل امام ما اعرف وحده اسمها سحر ولاسمر ولا سهر ولابعمري صاحبت عليج. هذول كواو..يد جذابين يردون يخربونج وياي

طلعو اصهب وذياب غاصين من الضحك. وعمو يكلهم اعلمكم تردون لو ماتردون يكون اكسر رجليكم ..طلعنا وراهم نضحك..اصهب اخذ ايهم يمه واحنا خمستنا ورا باوعلنا ذياب.

ذياب::نروح سيارتين شدكول اصهب شو هذني محشوكات حشك

-بكيفك عادي ماعندي مشكله
فيروز: :لا لا ترا بان ضعيفه ماتاثر
ذياب::متاكدات ترا الطريق طويل
فيروز::اي اي متاكدين ..اطلع.. دكلهم هورن سلم عليهم وطلع مشينا مساافه اصهب وذياب يسولفون وروز تلعب بايهم.. بان وبيان وحده تدفع بثانيه جهال تقربت على بيان شاورتها.
زعطوطات مدري شلون حبيتي انتي ..رجعت شاورتي. على اساس انتي الجبيره ..
وخرت منها ساكته 

نرجس::دزيت رساله على الرصيد
*حبي اني رايحه لزياره
*دتنطيني خبر. لو تستأذنين
*انطيك خبر
*وهسه يله دكليلي؟
*اي هستونا طلعنا جا شوكت تريد اكلك
*مو. المفروض قبل لا اطلعين دكليلي يجوز ماقبل يعني هسه انتي بس جاي تنطيني خبر ترا طلعت

-خرب صوجي راسلته لازم يحرك كلبي بسوالفه كتبتله..مادام ويا اخوي ومادام بعدني مو مرتك اطلع بدون ماكلك..مالك حق عليه..دزيت الرساله وخايفه من ردت فعله بس هاي الحقيقه مو شرط استاذن منه قبل لا اطلع ما دام ويا اخوي ومادام موخطيبته ...دقيقه ودز

*اهااا هيج الحجي يصير خير تينه
-فتحت الرساله ومجاوبت..سديت التلفون.ودك جهاز ذياب...واول ماجاوب رفع عينه بلمرايه يباوعلي راحت روحي من كال ها شهاب

ذياب::هااا...مانريدك يابه لزكه انته..هههه خوش جيب هذا الخايس وياك....لااا.حرام بالحرم اذا جبتو ليث ارجع لايااابه..حتى زياره ماتنحسبلنا يخلصها تحشيش ....اذا جبته وياك.. تعرف شسوي ...اي هيه. هاي ولي يله

-سد التلفون ..دنكت عيوني من المرايه..واصهب سئله هاا كاله راح يجون الولد ورانا ..خابره خابره كله جيبو ليث خطيه هسه يطنكر ويضل يطنحر . مالي خلك زعله خابرهم اصهب وكالهم جيبو ليث وياكم

روز::لعبت ايهم الحد ماتعب ونام على رجليه دك تلفوني بجنطه..نصدمت منو واني اصلا محد.يتصل عليه طلعت التلفون اول ماشفت الاسم صاح ذياب منوو

رفعت عيني اباوعله بالمرايه ساكته وعيونه خازرتني. همست صديقتي ..ونطيت رفض عكد حواجبه مو فاهم...الكان متصل خاله شهلاء ..رجعت التلفون لجنطه متلافيه نظراته الي..سكت شويه..وكال

ذياب::منو صديقتج بهاي المدرسه لو القديمه
-سكتت مرتبكه ماكدر ارتب جذبه بهلسرعه...هاي هاي المدرسه...سكت مامقتنع

نزلو اشترو اكلنا وكملنا طريقنا وكلساع يخابرون الولد ها وين وصلتو ..احنا وصلنا للنجف..تقريبا ورا الصلاه ......نزلنا وذياب يوصي ديرن بالجن.

بمجرد لزمة الشباك نزلن دموعي ...ياعلي يا مولاي ياكافل الايتام .... احنا ايتام وجينالك اليوم ..احلفك بحيرة مولاتي زينب ...تشفعلنا عد رب الجلاله يبعد عنا كل من يريد بينا سوا
ويحمينا من شرهم...

كل وحده بينا عدها هم شكل. واكثر وحده بجت بيان وهيه بكل خطوه تنطق اسم حمزه ..كعدنا وعلى كلبنا جبل من الراحه .والسكينه.كمنا صلينا ..وقرينا الزياره ...طلعنا للمكان الكال عليه ذياب

كعدنا مقابيل القبه ناس هواي وكلمن ملتهي بنفسه ناس تقرا قرأن ناس تصلي ناس تصور وتسولف ..راحه واطمئنان مينوصفن بهلمكان اتنفس بقوه احس راح احتاج اشتم هالعطر الطيب هوواي ..كام اصهب يريد.يجيب عشا

اصهب::تعالي بان تجين وياي
بان::باوعت لذياب استأذن ..اشرلي روحي كمت..فيروز تعالي ويانا بقت تباوع بوجهي وبوجهه ذياب كالها روحي

فيروز::.لبست حذائي..ومشينا ويااه..بان بنصنا افترت وخلتني من جهت اصهب خزرتها ساكته

بان::اصهب ..عادي امشي كدامك شويه..هجي بس اباوع
-لاا تضيعين
-لا والله ماضيع مابتعد كدامك
-ماشي تلفونج عدج
-اي ..ابتسمت وسبقتهم شكد اتمنى يزوجون هوا وفيروز لان حيل يحبهاا

فيروز::والقران صايره فد لوتيه هاي..امشي ساكته ..كال
-تدرين جم مره طلبتج من ابو الحسنين عليه السلام
-سكتت مدنكه واباوع الخطواتي كمل كلامه براحه
-هواي كلش..وبعد ما أيس حشاه ابو الحسن يردني. يجي يوم ويطيني مرادي

-سكتت والدمعه بعيني شلون اقنعه اني حاسبته حاله من حال ذياب صعب اغير نظرتي اله ماكدر ومن اسمعه شلون يحجي اموت من القهر ...اصهب تدري بمعزتك شكد عدي والله العظيم اعزك هواي ..بس والله ماكدر اعذرني انيي شايفتك مثل ماشايفه ذياب..حب وتزوج لاتضل ورايه والله مستحيل التفكر بيه
هز راسه موافقني

اصهب::انتي. بس عوفي سالفة اشوفك مثل ذياب واني اصير بخير لو انتضر العمر كله يامحلاها ...هسه عوفينا من هلسالفه ماريدج اضوجين ..وتنكلبين عليه بدريه

-رفعت عيني خازرته وهوا يضحك..يايه لادكلولي بدريه تقهروني
-ههههه جا قابل مجذبين انتي تشبهينها
-وحق هذا الامام علي ..راح ازعل منك
-ههههههههههه..لا يابه كلشي ولازعل فيروزتي.. اكلج هاي بان متقصده تمشي كدامنا موو

-اي وعلي خبصوتني بيها فقيره طفوليه.شوف شيطنتهااا وشكد لوتيه...صيح على بان رجعت يمنا تضحك..كلهاا فيروز تحجي عليج...شكد يشاقه وياها حيل يحبها..وعادي يكرص خدها لو يضربها بشقه واذا شعرها طالع مايهتمون كلهم

عكسنا احنا يديرون وجهم منعدناا.بان رغم توم ويا بيان...بس ناعمه تبين اصغيره ولان تصرفاتها وحجيها طفولي اليشوفها يكول اصغر من بيان ميكول توم واساسا ميشابهن

اصهب::ابقن واكفات هناا.اشتري واجيجن
فيروز: :ماشي روح ..دخل يشتري..وبان تفر بعيونها تباوع لناس فرحانه ...شبيج جنج ولا مره جايه لزياره

بان::هههه لا بس جاي اتذكر اخر مره جينا لزياره وزعلت لان مامخليلي عشا..جابني بابا منا..باوعي اشرتلهاا..وفترينا من هنااك...كعدت بهذاك المكان وهوا راح اشترالي..نزلن دموعي واني احجي. شكد مشتاااقتلهم

فيروز::مسحت دموعها وكلبي ممرود..ابتسمتلها.الله يرحمهم راحو يم رب العالمين. احسلهم من هيج دنيا ..واكيد احنا راح نرفع راسهم ونخليهم يفتخرون بينا وبالاخص انتي تذكرين حجاية بابا.من يكلج صيري دكتوره حتى من اتمرض تعالجيني انتي ..وهسه ذياب هم يكلج دكتورتنا..ارفعي راسنا.وحققي حلم بابا...التفتنا لاصهب

كال يله نرجع....

روز::اكعد. ايهم حبيبي شبيك..دار على نرجس يسويلها ولي. خبيثات يضوجنه الحد مايغلط عليهن ...ذياب بصفي..مد ايده شال جنطتي يدور..باوعتله شجاي يدور كال

-ووين تلفونج نطينياه
-فتحت الجنطه نطيته اله ساكته والبنات يباوعلي...ضل يكلب بيه مادري شيسوي فتح تلفونه ومدري شنقل من جهازي الجهازه ...اجو اصهب ولبنات ...شمر التلفون بحضني كالهم
نمتو متنا من الجوع

.كعدو ...اصهب وذياب يسولفون. وكلت ايهم
شبعته يله اكلت..هستونا خلصنه ودك.تلفون ذياب ...كالهم المكان الكاعدين بيه ..واجو فوك راسنا

ليث::ها تعشيتو
ذياب::اي قبل لاتجي شلون كباب فاتك
-ايع ماريده مال مطايه هستونا شفنه ستوتات امحملات مطايه
ذياب::سد حلكك اذا لعبت روحي ازوعك العافيه.اني مو كتلكم لاجيبونه

ليث::عود شبيكم تنضغوطن مني ...والله ضاغطكم اني وعلي. يابه ميتن مني
اصهب::ههههه لاحول الله امشي زور بلكي الله يهديك يعقلك

نرجس::رفعت عيني اباوع لشهاب ابد ماباوعلي ولاهتملي يسولف ويضحك.وياهم ولاجني اني يمه ..راحو زارو ورجعو يمنا كعدو

بيان::مخليت عيني بعين اصف كارهته كرهه ماينوصف على الرغم احس نظراته عليه بس ولا درته بال ولاباوعتله..

ليث::احس ثكل براسي يمكن بركات الزياره صار عندي عقل ثاني هوا اني عقل واحد ومخبلكم نوب عقلين الا اخليكم تبجون

شهاب::بس انجب انجب هاي زياره عوف سوالفك التعبانه مو مال تحشيش
بطرس: :انته اذا عقلت شرط اذبح خروف

ليث::ساكتلكم مو اخلاق. بس احترام المرقد امير المؤمنين

ذياب::ديله كومو تسممو خلي نروح الكربله
روز::راسا درت عليه كتله..جاا والمقبره..باوع بوجهي ساكت نوب كال
-قابل اخذجن الها بليل
روز::انبات هنا والصبح نروح
-لااا وشوكت نروح الكربله. اني اريد هسه نطلع الكربله..والصبح بالعشره هيج.نرجع علمود عكبه اني وانتن عدنا دوام

روز::اباوعله وعيوني مليانه دموع..اختنكت ماعرف شكله..دار وجهه مني الكل ساكت. الولد كالو مانريد متعشين بطريق.يابه شصار بيه احس روحي راحت من كال مانزور المكبره.

دنك شال ايهم نايم ومشينا صايرين بنصهم وهمه مفترين علينا..رجعت بصفه اتوسل..ذياب حباب حتى لو بليل هسه ميخالف بس ازورهم ماكدر والله..

-لاا. كلت لا كافي اسكتي
-دنكت امسح دموعي بسرعه ...مو بس اني اخواتي كلهن ضاجن ..صعدنا بالسياره وحركو ساكتين عكس من اجينا يسولفون ويضحكون
قربنا نوصل كربلاء كال

-لاتضوجن على الاجازه الثانيه اجيبجن بس هسه مانلحك
-اباوعله بالمرايه يحجي وعينه عليه دنكت ساكته وصلنا الكربله ..بمجرد.زرنا ماقبل نبقى كال نروح نأجر للفندق....احنا من جنا نجي
اكثر شي.نبقى بالحضره مانريد الفندق..بس.ويا ذياب مانكدر نحجي

وصلنا للفندق.وهنا احتار ذياب ميريد يعوفنا بغرفه وحدنا ....ضاج وعصب وحده لان يكلوله الغرف الموجوده بيهن بس ثلث سرير  ..كال اجرلجن غرفتين ..مقبلت فيروز كالتله نطبكهن ونام سوا

دخلنا للغرفه وهمه طبكوهن ثلاثتهن .اشرلنا ذياب.كال هاي غرفتي بصفجن .لاطلعن الاي مكان بدون علمي ..راحو الغرفتهم واحنا سبحنا وتمددنا تعبانات

-تدرن احس اهلي فرحو بجيتنا لنجف ومن مازرناهم خيبنه املهم ..بس تخيلن فرحانين بينا اجينا نزورهم وتالي نوصل يمهم ونروح بدون مانزور شنو خيبة الامل الصارت عدهم

فيروز::فدوه اسكتي. اني كلبي ممرود بس شسوي صح حجيه مانلحك. وهوا هم عنده دوام الاحد ..

نرجس::تذكرن من نجحن بان وبيان من الثالث وبابا كال هديتجن اخذجن لزياره..اجينا بهذا الفندق وبابا اجر غرفتين النا والهم

بيان::هههه وتالي عفنا غرفتنا ورحنا وياهم واجه هوا كعد بغرفتنا كال اطلع فلوسها حرامات
روز::وبعدين صرنا مانخليه يأجر ونبقى بالامام

فيروز::وتذكرن من نتوسل بماما تاخذنا لسوك ودكول بس ماتشترن شي...
بان::ومن تاخذنا تضل دكولنا هاي حلوه تعالن اشترنها..حتى لو ماعدنا فلوس هيه تدفع

فيروز: :حضنتهن على كلبي نبجي..صعب اليتم صعب خاصه اذا عندك ذكريات هوايه.وياهم وبكل خطوه تذكرهم. ....

نرجس::دك تلفوني رساله وخرت من حضنهن مسحت دموعي..وفتحتهاا نكلبت لجهه الثانيه بطرف الجربايه ..
*زعلان السمر
-فتحتها وماجاوبت...تجاهله الي مساع بعده حارك كلبي
*تينتني
-كتبتله نعم
*زعلانه عمري؟
*لا
*اممم متاكده
-فتحتها ماجااوبته
*احبج
-قريتها والابتتسامه شاكه حلكي..سمعت ضحك درت وجهي اخوتي كلهن يباوعن وياي ويضحكن سكته...عابتلجن

فيروز::ههههه ديله شويه ونامي
نرجس::ماشي....
*لتجاهلني مرة الثانيه
*صار تدلل تينتي
*عفيه
*ااحبج.يحماره
*احبك يزمال
*طاحضج لتجاوزين عليه
*لعد.بس انته تغلط
*اااي يله تينتي السمره.نامي يروحي ارتاحي
*ماشي حبيبي تصبح على خير
*تلاكين الخير يابعد كلب حيبج

طفيت التلفون حضنت بيان ونمت مبتسمه
فززينا الصبح على الباب. رفعنا راسنا من المخده مثولين..دخل ذياب .. مبتسم.بمجرد شافانااا تشخصن عيوونه بعصبيه وصدمه صاح

ذياب....وينهااا
فيروز: :من منوو ..باوعت على البنات ودرت عليه..معصب.  وخازرنااا شكوو
ذيااب::عمشه ووووين
فيروز: :رجعت اباوع جانت نايمه بصفي..كامت نرجس شافت الحمام ماموجوده...تخبل
طلع تلفونه يدك عليها ويسب ويفشر

البارت 29

𖦹 𖦹 𖦹 𖦹𖦹 𖦹 𖦹 𖦹𖦹 𖦹 𖦹 𖦹𖦹 𖦹 𖦹 𖦹𖦹 𖦹 𖦹

متيهين
بعدنه احنه
وبعدهم
والحزن بربين
امشيلك عمر والدرب
دمعة وطين
لا فاح الفرح بينه
ولا تعبت صوانينه
نسافر
والمتاع سنين
تره متيهين
نمشي وبالضوه متيهين

_عامر عاصي
..................................................................

ذياب....وينهااا
فيروز: :من منوو ..باوعت على البنات ودرت عليه..معصب.  وخازرنااا شكوو
ذيااب::عمشه ووووين
فيروز: :رجعت اباوع جانت نايمه بصفي..كامت نرجس شافت الحمام ماموجوده...تخبل
طلع تلفونه يدك عليها ويسب ويفشر..

روز::دك تلفوني بيدي ..سحبته ..فزيت مخروعه عززززا خاله ذياب يتصل

شهلاء::ردي ردي يجوز يريد.يكلج شي لادكليله طلعتي

روز ::سحبت نفس واايدي ترجف..فتحت خط وخليته على اذاني..الو اجاالي صوته بصياح

-ووووين انتي
- غمضت عيوني محتاره شكله ..ومن غبائي عبالي هوا بغرفته وجاي يسئل ..كتله مرتبكه بالغرفه تريد شي ...بمجرد حجيت هلكمتين
تخبل

ذياب: :بت الكلببب ووين انتي بت المسموط.اني بالغرفه اجذبين فووكها وووين انتي احجي

روز::اجايه راح اصعد جنت بالامام ازور
ذياب::ووووووين انتي لاتجين اني اجيج شلون طلعتي وحدج ادبسزز

روز::وخرت التلفون سديت الخط بوجهه ميته من الخووف ....خاله لازم اروح عرف اني طالعه

شهلاء::روحي خاله..سلميلي على اخواتج تمنيت اشوفهن هم وشتحتاجن انب موجوده روحي ترخصلجن بنات جونيش لو شسوي ماجازيها

روز::حضنتها والغصه خانكتني تلفوني يدك بيدي عفته مجاوبت ...طلعت فلوس من جنطتها
كالت ماشايله هواي مامخليه على بالي اشوفجن هنا ..هاي ميه خليها جوا ايدجن ....ماقبلت اخذها وحلفتلها مامحتاجين ..بس اصرت وحلفت تزعل ..اخذتهن ورجعت للفندق

امشي سريع وعبالك واحد يركض وراي وبكل خطوه ادعي ربي يحميني من ذياب. مالحكت اوصل للغرفه وصار بوجهي. ذياب..وكفت وروحي رايحه..خازرني بغضب..يباوع لناس
مايكدر يسوي شي..اجه بصفي سحبني من ايدي ويسب بصوت ناصي

-اذا ماشعل صفحة الخلفج...بس.خليني اوصل للغرفه
-يمشي بسرعه ويجرني وراه جني خروف. مكدرت الزم دموعي واني اشوف عصبيته غصب عني.اخااف ..فتح باب الغرفه ودفعني بكل قوته...كامت فيروز فازه. وكفت كدامه واني مجلبه بضهرها ابجي وذياب متخبل يسب ويفشر يريد بس يوصلني

ذياب: :وووووخري لاجبريني اطكج. انتي هم وخري فيروزه
فيروز::باالقررران اذا مديت ايدك عليهااا انسه انته اخوووي ..دفعت ايده رجع ليورا متخبل ويصيح شنووو انتي تهدديني اجبريني اطكج وتزعلين...صيحت بنفس علو صوته

. اااي اهدددك حااول تفهم وين جانت وليش طلعت مو ماخذلي دور الهمجي ايدك والضرب

خزرني بصدمه. اشر على روحه. متفاجئ
-اهااا يعني هسه اني همجي
-كل رجال يرفع ايده على مره همجي

-خير ان شاءالله ..جا اني اكبر همجي ومتخلف خليني همجي ولا اقبل عرضي  تطلع ابين الزلم وحددددهاا

-اكعد وحاجيهااا وفهمها ياابه ليش طلعتي.ولتعودينها اني ماقبل اطلعين وحدج وبدون علمي واذا عادتها اطلع كلبه بت كلب ان وكفت بوجهك وكتلك لتعاقبهاااا

دار وجهه يستغفر. ويمسح بوجهه بغضب..رجع باوعلنا يحاول يتصنع الهدؤ

ذياب::ااي خوش يله وخري خلي احاجيهااا يله وخري..روووحن يم الولد.بغرفتهم

فيروز::واني هيج زمااله اصدكك واعوفها يمك وروح...باوعلي متخبل يريد.يطكني. ومادري شلازمه

ذياب: :موحااالف ما امد ايدي على وحده بيجن ليش.اجبررريني...وروح ابوي بس احاجيهاا.ماطكهاا وخررري فيروزه زودتيهاااا ترا

فيروز::وخرت على جهه باوعتلي روز فاتحه عيونها مصدوومه كلنا صرنا على جهه وبس هيه كدام ذياب جراها من ايدهاا كعدها على الجربايه متحمله وساكته على اعصابي يفتر يمها مثل الخبل ..صيح

-وووين جنتي بدون جذب والله اموتج اذا جذبتي
روز::مسحت دموعي ارجف..والله. والله العظيم زرت الامام.وصليت والقران
ذياب::ليششش ماكتيلي ليش رحتي وحدج

روز::عباالي نايم .خله اصبعه يدغ براسي بعصبيه
-مرة الثانيه ماطللعين منا الهنا وحدج وبدون علمي فهممممتي

فيروز: :ذياااب
-ومرررض المرضج ومرض ذياب وياج.هوا اني زووج وجبتجن ..حضرن روحجن يله

-طلع وسد الباب وراه..اجيت على روز معصبه..وين جنتي هااا شكو طلعتي وحدج ليش روز هاي هم سوايه تسوينهااا..حاجيني لاتبجين ترا مو بس انتي لو وحده من عدنا طالعه هم جان سوا بيها هيج مو بس انتي ليش الهسه ماعرفتي شنو طبع ذياب

نرجس::شسالفه فيروز على كيفج..جبت ماي الروز هاج شربي.وكافي.بجي ..شربت الماي. اخذت ايهم من بيان كالت

روز::تذكرن من اتصلت عليه خاله شهلاء بالسياره وماجاوبتها لان خفت من ذياب.. اليوم الفجر كعدت اصلي ..ومن خلصت دخلت على الوتساب ...لكيتها مصوره كبور اهلنا وناشرتهن على الحاله ..كتبتلها وين انتي. كالت جنت بنجف ..وهسه بكربلا.كتلها احنا هم بكربلا هم جنا بنجف بس ماخلونا نزورهم

سئلتني بيا فندق وكتلها كالت انزليلي اني جوا
ماتوقعت ذياب يكعد هيج وقت كلت اروح اشوفها ورجع بسرعه..رحت وياها للامام زرنا. ورجعنا كعدنا هنا اباب. الفندق

فيروز::ليش.ماكعدتيني
-والله كعدتج بس لان تعبانه ماقبلتي تكعدين
نرجس::شلونها خاله شهلاء شكالتج

-لو تشوفنهاا. شلون مكسوره على ماما حضنتني تبجي. دكول مامرتاحه احلم بامجن تعاتبني احس روحي مقصره وياجن ماعرفت شلون المنجن ياما وكفتلي ويا ما ساعدتني واني عفت بناتها ملطشه بيدهم...نطتني ميه مقبلت اخذها.كالت خلنها جوا ايدجن

فيروز::حضنتهاا.كلبي يوجعني احاول ماضعف وابجي كدامهم. حتى مايحسن بضعف....دخل ذياب يباوعلنا معاجبه من شافني حاضنه روز

ذياب::تعالن هناك تريكن
روز::وخرت من فيروز اريد ابدل الايهم. وهنه وكفن يلبسن. اجه كعد يمي يحجي بصوت ناصي ميريد البنات يسمعن

-ليش تبجين شسويتلج هسه اني
-دنكت ماحاجي..اخذ التشيرت مني. يلبس ايهم كال
-تخبلت من مالكيتج عبالي رجعتي لنجف. كلت الا احفرلها كبر.بصف ابوي ودفنها هناك

-رفعت راسي اباوع بوجهه...رفع حاجبه ومبتسم مدري استهزاء مدري عود جا شعبالج ..اخذ ايهم يبوس بيه ويكله كول عمشه

ايهم يكله اشه
ذياب::اي هاي هيه انته بس اخر حرفين كول كوريه
بان::ذياااب..باوعتله بزعل وهوا يضحك ..ايهم باوعلي يعرف اضربه من يكلي. بس متقوي بذياب. كاله. كواويه وذياب خربان ضحك عليه الحلوه بذياب حتى لو يعصب بسرعه يرجع يهدا

ذياب: :كول ام عطوب
فيروز: : والقران انته مبيك صوج صوج هذني الحمارات طلعن القابنا كدامك
-ههههههههاي ترا اعلم الولد شيخلصجن اذا لزمهن ليث

نرجس::عرفهن اول ماجينا بدون مانكله شي..كالي زركه وكال البان جنج كوريه وكال الروز بيضه تلمين وصخ

روز::حجيت بكلبي كبر.دسكتي ..كملنا اخذنا غراضنا ويانا ورحنا الغرفتهم ..كاعدين كلهم بطرس شهاب ليث اصف واصهب

اصهب::ديله موتنا من الجوع ..
نرجس::ذياب ينزل بايهم. باوعت لشهاب غمزلي .دنكت مرتبكه خايفه ذياب يشوف كعدنا يمهم. وليث يحشش عليهم ...

اصف::لو اعرف ياكو...اد خلاك تجي ويانا
ذياب: :محسوبك الكو..اد الكالهم جيبوه..تفضل امر خدمه

ليث::هوا صوجي اجي ويا هيج نفسيات الله يساعد الياخذنكم ...لو اني ازوج.واحد هيج نفسيه ايع اذبحه

بطرس::جا انته مره
-اني اضرب.مثل والامثال تضرب ولاتقاس
اصهب::جنك ضليت تمسلت سد.حلكك مخبل

ليث::خذوو الحكم من افواه المخابيل

فيروز:: بس كالهم هجي ..بطرس جاي يشرب.جاي ..واحنا مقابيله..رشه بوجهناا وعلى الاكل وكعو غاصين من الضحك مو على تفاهة ليث على بان الركضة.تتقيى واحنا كمنا نمسح وجهنا لعبانه نفسناا..ووصوت بان تتقيى بلحمام

كاملها ذياب. كمت وراا.يطك.على ضهرها ويضحك سكته وهيه رايحه روحهاا. عود يكلها يله كافي يمعوده هوا چاي غسلي وجهج وهاي هيه كالتله  . ودموعها على خدهاا

جنت فاتحه حلكي.واجه طفار چاي بحلكي مالحكت اتفله
.اباوع لجتاف ذياب يهتزن سكته..غسلتلهاا

بان::والله اني اله اذا ما اكوول البطه لكيته يحجي ويا بنات غيرج ...باوعلي ذياب يضحك.كال
-حتى يموتج بس تزعل منه
-درت على المغسله ترست حلكي ماي. .خزرتني فيروز. ودكلي لاا.كالها ذياب عوفيهاا خلي تبرد.كلبهااا

رجعنا يمهم يضحكون عليه وخاصه بطرس. حلكي متروس ماي ماكدر احاجيهم .تقربت يمه ورشيت وجها مثل ماهوا سوا ..كام لعبانه نفسه ويغلط علي...شوووف شلون تلعب النفس

-داووكفي اذا. ماطيحت حضج
اصهب::ههههه والله تستاهل. لعبة نفسها وحرمتونا من الريوك
-اني شعليه كله من هذا الارعن يابه كنالكم مانطلعه ويانا المكاااان خيولي خيولي

-هسه مانين عليه انتم وكارهيني اليكول مرة ابوكم. هسه اعوفكم وامشي ولعباس لاتضوجوني ترا ازعل

شهاب::والله تسوي فضل اذا زعلت ..هسه حتى البنات ضلن جوعانات كووم جيب ريوك على احسابك

-منيلي اني لو عندي فلوس ريوك جا ماضليت يمك
فيروز::خبلهم ..عود يحاولون يعصبون عليه وميكدرون يضحكهم. ويحشش عليهم ذياب كال اجيب ريوك مقبلنا كناله شبعناا

جمعنا غراضنا وطلعنا وهمه يضحكون ذياب شايل ايهم..وبان حاضنته من ايده تمشي بصفه واني ولبنات وراهن بصفنه اصهب اورانا الولد عبالك مسبيات محاوطينا من كل مكان. كالو نرجع نزور ونشتري ونطلع للعماره.... نمشي ونسولف

ماقبل.ذياب ندخل كلنا سوا نزور. رحت اني وبان وبيان زرنا ورجعنا يله راحن البنات وهمه هم دخلو زارو. ..طلعنا للسوك... وكفو يشترون

ولحلوه بيهم مو كلهم ياخذون شي واحد لا كلمن ياخذ وحده ذياب اخذ العمه شيماء والعمه ام اصهب. وحتى البيت عمو مهدي. واخذ البيبي ..ورا ماكمل ..رجع اشترا وعزلهم وحد..كال لحمزه هذني.... دار علينا ...

-يله شنو تردن انتن
-منريد شي..هز ايده ماقابل. كال صوج اليسئلج..اشترا على ذوقه ونطاهن البان ..يكلها لتنطينهن خيولن بس الج هذني...اجه ليث لذياب مسوي نفسه فقير كال

-ذياب نطيني خمسه وعشرين خلي اشتري
-وذياب بدون مايفشله شال خمسه وعشرين ونطاه...اجه بطرس.من المحل الكدامنا مصدوم وصل.يمنا كال لذياب

-هم انته نطيته خمسه وعشرين
-ااي اسكت شبيك غير يريد.يشتري
-لك عده ميه واخذ من عدنا كل واحد.خمسه وعشرين

ليث::شكد جلف دسد حلكك خليني الم المليون راح اموت ومامشتري الايفون

فيروز::سكت ذياب يضحك. ووبطرس يتعارك ويا ليث يريده يرجع الخمسه وعشرين ضحك عليهم واحد واحد واخذ منهم. .. من رجعنا بسياره بمجرد.حركنا خللصناها نوم ..نكعد شويه ونرجع انام

الحد ماوصلنا ميتين من التعب بمجرد سلمنا عمو كال للولد بدلو ومشونا البيت خيون مسوي عزيمه همزين لحكتو ماقبلو يرحون عاط بيهم ورزلهم وغصبا عليهم صعدو يبدلون ..واحنا  صعدنا الغرفتنا هلكانين من السياره ....اباوع على روز كلبت الغرفه كلاب ..شدوورين

-جنطتي وتلفوني مدري وين عفتهن
نرجس::خاف مانزلتيهن
-مادري.يم...بعدني ممكمله كلامي ودخل ذياب.بيده جنطتي وتلفوني. كال هاج..تقدمت اخذهن من ايده همس. راح اطلع ويا عمي ارجع الكاج بغرفتي فهمتي..طلع وسد الباب وراه والله ماروح لو شيصير دطير

بيان::طلعت التلفون النطانيا ذياب شغلته..فارغ مابيه اي برنامج ولا سيمكارت ..دكيت رمز الشبكه ونزلت الماسنجر.... فتحت محادثته هواي كاتبلي رسايل

دزيت*هلوو ..دقيقه ورد
*بيان
*اي
*شلونج
*الحمدالله انته شخبارك شلون صرت
*زين ززين ليضل بالج..رجعولج تلفونج
*ذياب اشترالي
*لاتراسليني خاف ياخذه منج
-قريت رسالته اوجعني كلبي..ماتريد اراسلك؟
*لاا يروحي مو ماريد تراسليني خايف عليج

*راح تعوفني
*للموت والله ماعوفج ولتخافين اخذج اخذج وكولي حمزه كال
*مايخلوناا ذياب واصف مراح يقبلون
*ابقى احاول الحد مايقتنعون

فيروز::شدسوين بيان...رفعت وجها تباوعلي وعيونها مليانه دموع ..رجعتي تحاجينه موو
-فيروز حبابه عوفيني ..والله العظيم راح تموتوني انتي وذياب.من جهه واصف.من جهه شتردووون مني شتردووون

-رايده مصلحتج ذياب اذا عرف بيج رجعتي تحاجينه يتخبل تدرين كل زين شيسوي...طفت تلفونها ونامت ..كلبي مدكطع عليها بس شسوي وشبيدي..

تمددنا بفراشاتنا. وام اصهب كالت تعالن تعشن ماردنا البيت هدؤ لابيه خلود ولاسهام ثنينهن ابيت خيون فكه وكلعه..

بقت كاعده يمنا سولفناها على الزياره شويه وهيه سولفت على مروه تريد تطلك وسعد مايقبل يطلك ..شويه ونزلت يم الحجيه

للعشره تقريبا ندك باب الغرفه كامت بان فتحته دخل ذياب..معصب وقفل الباب..كعدت على حيلي. حتى بيان فزت من نومهاا صاح كعدن هناا خلي احاجيج ..تسطرن اخواتي يمي

وهوا واكف كدامنا ..فتح تلفونه وخلاه بوجهناا
-هذاا رقم منوو
-كلنا سكتناا مانعرف.مجرد.رقم. كتله مادري
-منووو شهلاء ..خاله شهلاء ..منو هاي
-فتحت عيوني مصدوومه.بس نطق اسمهاا
كعد. ثاني. ركبه كدامناا

-احجن منو شهلاء
-مسحت وجهي وتوتر مبين. كتله مانعرفها ضحك مستهزاء....يستجوبنا وحده وحده ..واول وحده بينا بان. البمجرد سئلها بجت بدون متحجي الشي الخلاه يتأكد. احنا نعرفهاا

وصل الروز المدنكه كالها
-اااي خاتون سولفي شهلاء منو شنو علاقتها بيجن ...عباالج تعبر عليه سالفة رحت ازور
ومادري بيج طالعه وياها

-سكتت مختنكه وكلبي يدك سريع اريد فيروز تحجي وتنقذنا.

فيروز:: اني احجيلك.باوعلي. بغضب..وكف كدامي يشرب جكاير وياشر.بيده يله احجي ...
جوارينا بلبصره واقرب صديقه الامي

-حلوو حلوو ..من رحتن للبصره هيه ساعدتجن وشردتجن مو
-لااا مالها علاقه..هز. راسه متحلف رجع على روز.شمر فلوس. مشككات بحضنهاا ويحجي بتهديد

-مرة الثانيه اذا اخذتي فلوس من احد ان  ماكطعت اصابعج اني مو ذياب...احجييي شتريد منج ليش طلعتي شفتيها

فيروز: :ذياب..رفع ايده ياشرلي اششش..روز مسحت دموعها مختنكه ورفعت راسها تحجي كلمه وتسكت تسحب نفس

-والله العظيم..صدفه ..طلعت هيه. هم بزياره ..وكالت.نزلي اشوفج..ورحتلها..بس.سلمت.عليها .مارادت شي

-شوفن وهذا اخر تحذير الجن جم.مره غلطتن وياي وسامحتجن ورجع اني الاراضيجن لان اكول.اخواتي ومالهن غيري ..بس وروح ابوي.هلمره التغلط..الا اكرهه بيه...لاتشوفني من اعصب ارجع بسرعه اشاقي واضحك..مسايسجن. لان ماتهونن علي. بس جربن اغلطن وشوفن شسوي

فيروز::جر تلفون روز من الشحن وطلع..سحبت نفس.بقوه ..يمكن.عباله هم راح نشرد..وروز كطعت نفسها من البجي خااف ذياب يسوي شي الخاله شهلاء..سكتتهن. واني خايفه اكثر منهن. نمنا وحده حاضنه الثانيه

تحركت يدة الباب مرتين وهوا مقفول ..فتحت عيوني مصدومه ورز. تصيح منو
ذياب::ااني
فيروز::كمت فتحت الباب. شغل الضوا.وجهه ميكصه السيف..صاح

-خابرونا الشركه ...باجر نروح خمسطعش يوم مبيت ..عمار بن خيون ياخذجن للمدرسه ديربالج على اخواتج

-لعد ولولد اصف بطرس غير موجودين
-لااا ..كلنا مبيت مادري شصاير. ويردنا هلكد
المهم اخواتج اخواتج تخلينهن بروحد مايغيبن من كدام عينج والغرفه حتى بنهار تقفلنا وماترحن لامنا ولامنا مفهوم وعرك ومشاكل ماريد كعدن بغرفتجن وسكتن.

-اي تمام..باوع على روز كالها كوومي اكوي ملابسي..طلع وهيه بعدهي على نومتها بس تباوع ..مادكومين
-ماروح روحي انتي
-روز كومي كالج انتي هسه يسويها سالفه اذا رحت اني
-ماااريد اروح هسه يكعد يحقق وياي ويكرهني بعيشتي
-ميخالف كوومي حبابه الخاطري

-ستغفرت ربي وكمت واني اسب بنفسي..دكيت باب غرفته ودخلت..مخلي جنطه على الجربايه يحضر بملابسه والكنتور مفتوح ..باوعلي ورجع يكمل بدون ميحاجيني ..بقيت واكفه بمكاني ولاسئلته شنو اكوي ولانطقت حرف

كمل الجنطه وسداهاا..فتح الكنتور الثاني طلع. قميص وبنطرون شمرهن علي لكفتهن. ساكته سحبت الاوتي اوكفت اكويهن..نزع تشيرته..اوكف.كدام السبلت يعلي الفان...اراقب حركته بدون ماخلي ينتبهلي  ....رجع مدري شيسوي يم الباب ويم الميز

تمدد.بفراشه بدون ميحاجيني ..كملت كوي القميص فتحت الكنتور وعلكته..كويت البنطرون وكملته رجعته ويا القميص..رجعت الغراض المكانهن ..ودرت اريد اطلع افتح الباب مينفتح درت عليه يباوعلي باستفزاز ساكت. غمضت عيوني مرتبكه ...ذياب ..فتح الباب

-شكتلج؟؟ موكتلج ارجع الكاج بالغرفه؟؟انتي ليش ماتصيرين ادميه وتخليني احترمج..
باوعي وسمعيني عدل خلي هلكلام ترجيه باذنج

امووت من واحد يجذب عليه حتى لو مسويه غلط احجيلي ولاتجذبين اتخبل

كلشي ولا تسوين شي بدون علمي..وخاااصه الطلعه الباب البيت ماطلعين بدون مادكليلي

شهلاء مدري.مهلا ممنوع منعا باتا تتواصلن وياها. اكسر التلفون براسها الالكاها محاجيتها

من اكلج سوي هلشي...لا اداهرين. ولا تغلسين
تنفذين وانتي ساكته. مثل مساع من كتلج روحي للغرفه. غلستي ..اذا عدتيها متلومين الا نفسج.

جري عدل....واني اخليج على راسي.بس مال تجاسرين وجذبين ..حضج اطيحه

-تنهدت بخووف..هزيت راسي اي تمام.ماجذب بعد والله ولا اغلس ..شال المفتاح بيده كال هاج
تقدمت بخطوات ثكيله اريد اخذه من ايده بقى لازمه كال

-والشغله الاخيره ماتاخذين فلوس من اي مخلوق لتنسين انتي مرة منو ...هذا الكنتور بيه فلوس والمفتاح تندلينه... شتحتاجين تاخذين حتى بدون مادكليلي بس لاتخبليني وتاخذين من احد ابد..خوش

-اي والله اني ماردت اخذ منها بس لان حلفت تزعل نجبرت اخذهن ..احجي.ودموعي ينزلن مدري على شنو ..سكتت من شفته صافن بووجهي ..هديت المفتاح بيده ورفعت ادي ثنينهن امسح عيوني

-عود ليش على كلشي تبجي
-سكتت ماعندي جواب نطاني المفتاح وصاح طفي الضوا وراج..طلعت..حتى كلبي يرجف
الحقير اخذ تلفوني.....

كعدنا الصبح محد موجود من الولد ..اجه عمار وصل البنات. ورجعهن وطول هلفترا هوا ياخذنا ..ومرن هلا15 يوم باسوء مايكون من عرك فيروز ويا خلود وسهام ..من مشاكل بيان الماعافت حمزه ودوم تحجي وياه ..لو من سعد البدا يرجع للبيت..بحيث خلانه بكل وقت قافلين غرفتنا وكاعدين بيها ماننزل جوا

ذياب.طول هلفترا يتصل على فيروز بس يسئل شلونجن وخلص تحسه زعلان منها

يتبع....