ثأرهم وبنات المسيحية

١٨____١٩
البارت 18

𖦹 𖦹 𖦹 𖦹𖦹 𖦹 𖦹 𖦹𖦹 𖦹 𖦹 𖦹𖦹 𖦹 𖦹 𖦹𖦹 𖦹 𖦹

حمّد لا شاف بَيهم شوَك
لا نشدوا على أخبارة
حمّد هاچر وَعاف
مَن نباعت أسرارة .

𖤐𖣐𖤓𖤐𖣐𖤓𖤐𖣐𖤓𖤐𖣐𖤓𖤐𖣐𖤓𖤐𖣐
كلهم بساحه متخبلين ..جمدت بمكاني واني اشوف كلمه جبيره على حايط الصاله. من برا بلون احمر

كاتب مطلوبين دم وهمه متخبلين منو وشلون كدر يوصل البيتهم ويكتب هيج ..طلع ليث يفرك بعينونه ويصيح شكو

وعمو مهنا تلفونه على اذنه يخابر كاله بطرس

-ماتشوف شكاتبين
-ضحك ليث ضحكه.طوويله مختنك. كلهم صافنين عليه متفاجئين بتفاهته يضحك بهلموقف ..كالهم. وهوا مختنك يكح ويرجع يكمل هاي ههههه انا. انا كتبت هيج

غاص من الضحك كلهم يغلطون عليه وهوا يضحك لزمه اصهب وشهاب كطعوه يردونه يسكت ماكو بحيث خشمه طك دم وهوا يضحك

واصهب محترك كلبه من جد يضربه بقوه وهذا منتهي يضحك على اشكالهم ..رجعنا للمطبخ هابطين كعدنا وليث على السنك يغسل بخشمه

وامه تغلط وترزل بيه ..وهمه من شويه استوعبو تلاطفو ويا ليث وضحكو وضل واحد يكل لثاني اني عبالي بيت فلان لو هذا يكول اني كلت فلان

خليت قوري الجاي على الطباخ وام اصهب كعدت تكصص طماطه وتصيح موتوني هسه يجلطوني واموت ...باوعت على ذياب صعد الغرفته

غمزت الروز بمعنى رايحه ..طلعت من المطبخ جاي اصعد لذياب صعد وياي اصهب يمشي بموازات خطوتي كال

راح ترجعين تنامين
-ها لا اريد احاجي ذياب...باوعتله مبتسملي ..دنكت وهوا راح الغرفته دكيت باب غرفة ذياب

.فوتي
-دخلت ..مبتسمه..شدراك اني
-هه مو الولد يفوتون كبل ميدكون الباب

-رجيت ضهري على ميز. اتأمله وهوا كدامي رتب فراشه وعزل ملابسه الوصخات التفتلي

ذياب…اي كولي شنو تردين
-عدلت وكفتي ..ذياب انته تعرف احنا وين.واصلين بدراسه اني ونرجس وروز سادس..كعد على طرف الجربايه منتظرني اكمل

.كملت كلامي وبداخلي مأيسه يقبل...وبان وبيان رابع وشاطرات ..يمكن اني الوحيده موشاطره وماحب الدراسه اخواتي كلش متعلقات بلمدرسه

خاصه بان وبيان ..البارحه بان دكلي حيل جاي تقنعوني انتحر وخلص بان مكتئبه حتى متسولف ويانا ...وكف على حيله عاكد حواجبه مصدوم كتله مختنكه واحس بلعومي احتقن

.اني اموت اذا صار شي على وحده من اخواتي مابيه حيل صدمه جديده خسرت اهلي ثنينهم بنفس الحظه شلون اذا بان سوت بنفسها شي الله يخليك رجعهن للمدرسه

..وكف كدامي ولقلق مبين على ملامحها سبحان الله بكلمه وحده تتغير ملامحه خله ايده بجيوبه وكال بجديه

-اني انقلجن هليومين بس وايهم شلون

-وين تنقلهن خلي نرجع للبصره هيه بس شهرين نخلصهن ونجي هنا ضحك باستهزاء

-شيلي هلفكره من بالج ..المهم هليومين اسويلجن نقل ايهم شلون ياهو يدير باله عليه

-كلبي وجعني واني احس راح نندفن هنا كل عمرنا خاصه اذا انتقلنا بلمدارس الهنا يعني انسى يجي يوم ونرجع للبصره ..تنهدت وكتله

..انقلهن واني ماداوم اني ادير بالي عليه ..دار يجيب باكيت جكايره ويحجي

-زين هوا متعلم على عمشه. يبقى عدها. داومي داومي

-شقصدك
-شنو
-وروز؟
-ماداوم
-لاا ذياب لاتسوي هيج. راح تنقلنا كلنا وهيه شنو ذنبها ليش ماتخليها

-لان زوجتي وبكيفي ..الراحت لنجف وحدها واخذتجن وراحت للبصره بليل ..شلون أأمن اخليها تروح للمدرسه.شيضمنلي متروح مناك وتخلي راسي بطين وسدي الموضوع ماريد نقاش لان ابطل مانقلجن كلجن ولا اخلي عمشه اداوم

-هاي هيه انقل نرجس وبان وبيان مدام روز ماداوم اني ماداوم ...دار عليه خازرني

-اطلعي بررررا

-اباوعله.ودموعي نزلن ..اخ يابه شكد.استهضم من يحاجيني هيج ..دار وجهه اول مابجيت..طلعت من غرفته كلبي يفور ماعرفتك ياذياب ..يوم ماكو احن من كلبك ويوم اقسى من الحجر

.طلع اصهب من غرفته مبدل. درت وجهي بسرعه اريد ادخل الغرفتنا صاح اوكفي فيروزه شبيج ..عفته ودخلت للغرفه امسح بدموعي ماريد احد يشوفني ضعيفه دك الباب ويحجي بهدؤ

اصهب::فيروزه شبيج تعالي احاجيج اطلعي
وينج فيروزه راح ادخل ..

-هفيت على وجهي بيدي اكرهه ضعفي ..فتحتله الباب مدنكه

-ياهو وياج احجي ذياب حاجاج. كليلي والله اطيحلج حضه

-رفعت عيني بعينه ..اشوف القلق والخوف البعيونه بمجرد شافاني ابجي ... واكرهه نفسي من اشوفه هيج واني ماشوفه غير حاله حال ذياب

نزل عينه من عيني وهاي اكثر من مره يسويها.من اباوع بعيونه يباوعلي ثواني وينزل عينه ....كتله ماكو شي ولخنكه بصوتي

-تبجين ودكولين ماكو شي احجي.بويه شبيه وياج ذياب

-ااخ ياعيوني الولا مره سترني بموقف وخلني ماضعف باتفهه شي ينزلن ومجرد احس احد.مكسور خاطره عليه ابجي لو واحد.يكلي شبيج ابجي ..امسح بيهن واحجي

.مايقبل يرجع روز ويانا للمدرسه كتله رجعها واني ماريد مايقبل اداوم ..شلون اني اداوم وهيه بلبيت شلون اسوي بيها هيج

اصهب::على هاي تبجين هنيال روز على هيج حنيه شايلها كلبج ...هاي الج مني كلجن اداومن حتى عمشه على كولة ذياب ماعليج بيه موبكيفه شني بس.هوه شيخ ويفرض انا امشي كلامي عليه وهوا الممنون

-اني ماريد اداوم ابقى علمود ايهم بس اريد اخواتي يداومن

-بس اني اريدج ادرسين

-باوعتله مرتبكه. من طريقة حجيه ..كتله ايهم مانكدر نعوفه كلنا

-اني احلها ماعليج..المهم هلعيون المرمراتني مايبجن.

-ارتبكت وحسيت نفسي دخلت بسالفه ماعرف اطلع منها بس نقذني ذياب من طلع من غرفته دار عليه اصهب مبتسم كاله

-منو سمحلك تزعل فيروزه
-هه منا وهيج استأذن منك بالاول. هيه على كلشي وبجت موتتني

-جا مو على اساس اخت ذياب وشتأمر وشتريد. شني بس حجي بجيتهاا هااا

-اجه ذياب يمنا يضحك ويحك بلحيته كرصني من خدي واصهب يشمر عليه. اخت ذياب وشيخه وتنفخ بيها علينا تالي بجيتها..

ذياب::هسه انته تصالحنا تحرضها عليه ماعرفناك
..يابه اني شوكت كايللها على شي لا بس اكو شغلات يعني المفروض هيه تعرف شنو جوابي

-مدنكه مستهضمه مادري عليمن. اسمع حجيهم وبلكوا لازمه دموعي كاله اصهب

-امشي امشي ويصير خير ومايكون خاطر فيروزه الا طيب..بجه ايهم درت عليه وهمه نزلو اخذته غسلتله

ونزلنا كاعدين بصاله يتريكون الولد والبنات يم عمتي بلمطبخ روز دگلي وبان وبيان كاعدات يمها يصفنن

نتبهت النرجس ماكو رجعت لصاله شهاب ماكو احس نغزني كلبي خزرت روز وهيه بسرعه استلمت اشرتلي بحاجبها لساحه

نرجس::كعدت بلمطبخ يم ام اصهب ..تخلي طباخ صغير بريمز بالگاع وبصفها عجيبن سياح
وصينيه وتكعد تسيح

سهام كعدت تكصص لحم للغدا..ومروه تصيح ماكدر اطك بيض تلعب روحي كامت روز تسوي
بان وبيان صفنت الصبح بعدهي مرايحه منعدهن

..عجبني شلون تسوي سياحه تفرها بطريقه حلوه ..عمه علميني

-ههه اوكفيلي خليني اجمع حتى اعمامج يتريكون ودور اعلمنج ماينرادله شي

بيان::دعرفي اخبزي ونوب سيحي
-معليج مبين السياح اسهل من الخبز..جاي احجي وياها ..صار شهاب اباب المطبخ الخارجي كال

-نرجس تعالي شويه
-بقيت اباوعله مصدومه مروه وسهام مامهتمات. واخواتي يباوعلي كالت ام اصهب كومي يمه

كمت خازرته شلون حرجني هيج..مشه من يم الباب بصف سياج الخضره. وكفت يمه ارجف وعيني على الباب لايجي ذياب لو فيروز

رفع شعره بيده. من عيونه متلافي يباوعلي
داير وجهه مني ويحجي بعصبيه من بين اسنانه

-شنووو الترررردينه انتي هااا شنو احجي...اني جاااي اموت ياظالمة النفسس وانتي حتى متخلين عينج بعيني ..اتحسر على نظره منج

كتلج ماوكف بطريقج اذا متحبيني وهسه اكلج.جذب كفيلج الله ماكدر اطك واموت شبهذلتي حالي منين اجيتي الكلبي عله

-مدنكه راسي ابجي اجذب اذا اكول مرة ساعه ومافكرت بيه لو ماحس بكلبي يحبه
اصلا مجرد يخطر على عقلي  كلبي يرجف..كوه على روحي مجاهلته بالالف ياعلي ابعد عيوني وماباوعله

-لادنكين. حاجيني شنو التردينه ليش.ماتخليني احاجي ذياب

-مسحت دموعي مخختنكه. ولكلمه كوه تطلع مني ....ماكدر ازعل فيروز. اتخبل من تزعل مني

-وليرحم اهلج لاتوجرين گلبي عوفيلي فيروز على صفحه ..وكليلي الاريد اسمعه شليتي حالي

-شنو تسمع..حجيتها وفعلا ماجنت فاهمه شنو قصده كال

-لاتغشمين نفسج..تحبيني اريد اسمعهاا

-درت وجهي بسرعه وكلبي عبالك كل الناس سمعت دكاته

-غير تحجي سمطت اهل اهلي
-شجعت نفسي واني مدنكه ..كتله.البكلبك مايقل شي عن البكلبي ..

-ارفعي عينج وحجيها ...ليش مدنكه
-شهاب حباب والله فيروز اذا شافتني وياك تتخبل
-شتعلت فيروز بنار ونفط..احجي وروحي بس ريحي كلبي

-رفعت عيني بعينه اريد احجي وماكدر. شعور الخجل والتوتر والخوف والتردد البداخلي احس هلكلمه صعبه ..عيونه العلا شفتي ومنتظرتني احجي احس نفسي صخنت من الموقف كتله. وصوتي يرجف

احبك وحتى اكثر من ما انته تحبني ..بس ماكدر ازعل فيروز الخاطر نفسي ..ويا كل كلمه احجيها تكبر ابتسامته ..شفت فيروز واكفه قريب علينا اتسعت عيوني  ارتبكت وخفت وهوا دار عليها يستغفر

فيروز::ماكدر اكسر كلب اختي واني اشوف دموعها واسمعها شلون مفضله رضاي على كلبها ..اشرتلها بيدي ابقي وبتسمت على اعصابي. تقربت عليهم وحايره الجاي اسوي وين راح يوصلناا

شهاب::راح تغرد ست فيروز
-اوجع حتى وجع شحجيت. هسه اني ..وثانيا ليش تختلي بيها وحدكم

-اريد اغتصبها
-ضربته على ايده حيل ونرجس شهكت مصدومه احتارت وين تنطي وجها وهوا يضحك ..سخيف ادبسززز ترااا اخذها والله

-ههههه لا يابه اعتذر لو ماعيب جا هلهلت. ها تينه وهاي فيروز وقبلت شعدج بعد

-هوووب هوب منو كالك قبلت شو تقرر بكيفك. احجي مبتسمه من اشوف الحب البينهم ماكدر اوكف بطريقهم

شهاب::انجبي انجبي ..قبلتي واسكتي يله ..

-ههه سحبت نرجس من ايدها مدنكه ميته من الخجل. كتله.ديله ولي ولي يله

-اوكفي اوكفي عليج الله ..تينتي. شنو نوع التلفون التردينه

نرجس::هاا ياتلفون
-ااخ الله باع الفهاوه ..ديله احجي يمعوده متشوفين هاي شرطي مرور واكفتلنا غير اخوج يكلي جيبلها تلفون من هسه راح تقطيني

-ضحكت على سوالفه وعلى نرجس حتى متعرف شتحجي كتله جيبلها ايفون تحبه صاح

-انجبي يبوكه منها ليث وعلي
اجيبلها نفس تلفوني ها شكلتي تينتي

نرجس::بكيفك

-امشي امشي ماينطالكم وجهه انتم...اخذتها من ايدها. وشهاب ورانا ابتسامته شاكه حلكه اول مدخلنا للمطبخ

باوعتلنا ام اصهب ضايجه ومن شافتنا مبتسمين ضحكت ساكته ..صاحت على نرجس

تعالي نرجوسه اعلمج السياح حتى بعدين انتي تسيحين بمكاني وتغمز النرجس ...كعدت بوسط بان. وبيان مبتسمه وروز عيونها تتسائل شنو الصار

كعدنا نتريك وام اصهب ويانا. طلع اصف من المطبخ ولابس حذائه عاطت بيه ماطلعون من الصاله

اجه وراه ليث يمه اطيني عشره ..رزلته ونطته وهوا يصيح فشلتوني كلساع واحد مرزلني مسويني مندر رزايل ولعباس ماينعاش وياكم هسه اعوفكم واسافر الروسيا

الحد الهنا جان يحجي بجديه ..وكف صفن شويه وكال   اسافرررر ...وازووج روسيه عيونها زرك وشعرها اصفر بويه كلبي واجيبها الج هيام بس خاف تكرصها بگه وتموت

اجاه نعال طاير
اصهب::هاي عود مصرفك من امك وتخطط تسافر الروسيا اذا تشتغل وين تسافر للمريخ

ذياب::ههه لا اوكف عوفك من السفر جا هوا مو كال حبيت. وحده عيونها خضر ويحلف يحبها صدك شو صار نوب يريد روسيه

ليث::حيل شكد قديم  عفتها من زماان. اطلكنا تعوفني وتنام ب8 ويا الدجاج جا ويامن اسهر ويا بدريه

بطرس::ساقط تضحك على بنات العالم تطلع بعرضك

ليث::ولعباس ماضاحك عليهن. كتلها اسهري لاتنامين من وكت اني رجال احب تبقى حبيبتي وياي سهرانه كالتلي

جا انته هم حاسب روحك رجال البربوك خلتني احضرها حتى مارديت عليها اسبوع اني مافاتح فيس

فيروز::حتى بطني وجعتني من الضحك  والاحلى من هذا كله اول مره اشوف ذياب يضحك من كل كلبه وبصوت عالي

ليث يكلهم ضحكتكم المفروض تورقولي كل واحد خمسه اصهب افتر يدور على نعال وهوا اخذ كتبه وشرد

وكف ذياب يمنا وكال البطرس

ذياب::تروح اجيب قبول من المدرستين
بطرس::المن والمن
-كلهن
فيروز::طررت من الفرح باوعت على اصهب مبتسمه ابتسملي وغمز ...كالته عمتي

-جا ليش مونفس المدرسه
-هاي دوامها احد وثنين وثلاثاء صباحي اربعاء وخميس الضهر ..
ولمدرسه الثانيه بلعكس...علمود يتعاكبن ومايضل ايهم وحده

اصهب::يله ذياب شوكت نوصل
فيروز::طلعو الولد ..وبان وبيان طايرات من الفرح ..وكلساع وكالن شلون كتبنا ملابسنا

كالتلهن ام اصهب. اصطبرن اطول شغلة النقل لازم يروح التربية العماره ادور يروح التربية البصره

طلعت خلود.من غرفتها وجها مايكصه السيف سوتلها ريوك وكعدت تاكل .. اجت بيبي يمنا. شاده راسها بعلك اخضر

الحجيه::ولج هيام اكضي غرضج واخضيني للمستوصف راسي يريد.ينطر بنص

خلود::الحوبه تسحك وتلحك وتاخذ ثلثين من الحك

الحجيه::كون كل السحارات ولكح..اب الهن حوبه تدوهنت الناس وماضلت وادم..جفيلج العباس يكون ماتكضين السانج هذا سحرج الصارلج مسكته بيه مهنا سنين ادفعن دم كلبي وخليه يطلكج

فيروز: :ساكتين مصدوومين شكد اختلافيات اول ماجينا خلود وبيبي مثل السمنه والعسل وهسه صار المعاير بفلس ..خلود قويه ماتتنازل وترد وبيبي حتى عيونها منفخات من كد ماراسها يوجعها

واول شخص غلطت عليه خلود هوا ذياب وكفت بوجهه بيبي وكالتها حرررك كلبي وكلب دلال ان ماحركت كلبه اني موخلود

احس قشعر جسمي من تهديدها ومن كلام بيبي وهيه تردها

-ولج خليييده الزهره عليه يكونج تگربين صوب ذياب ابهذلنج ولج تتهاددين على ذياب جا موش طلعوج من ايده اجنازززه خافنج نسيتي ..

-جسمي يرجف من عركتهن وام اصهب ساكته راحت خلود الغرفتهاا تدعي وتغلط وبيبي تردهاا
نترت على ام اصهب كوومي فضيني راح انجلط

كامت ام اصهب تغسل وتحجي مروه سون هيج وهيج ولاصعدين فوك البنيات ينضفنه عليج بس الصاله والمطبخ

مروه وجهه صار مايكصه السيف وعمتي حست عليها كالت فيروزه اطبخيلي تمن بعد امج هاي الصراحيه الزركه ثنين ونص سوي

كتلها صار روحي لاتهتمين ....بدلت واخذت بيبي وراحت .. .وكفت مروه تسوي بيضه البتها وتحجي على عمتها ...ركضت للحمام تتقيئ

وسهام دكلها حيل شورت بيج ..من صدك اليوم صدمني يعني واحد حاقد على الثاني ..روز ركضت المروه ..ونرجس كامت لجهال كملت ريوكهم وكعدتهم

نكسر خاطرنا على مروه كلش اختنكت كنالها روحي الغرفتج احنا انضف ماعليج. عافت حتى جهالها وراحت وسهام تفتر وتصيح العياره هاي

روز::شبيها هاي ماتشوفها شلون تخربطت
بيان::شعلينا اسكتي لاتسمعج مالنا شغل باحد
-بس خطيه. يعني تخربطت كدامها وماهتمتلها

فيروز::شعلينا يمعوده ديربالجن تثقن بوحده من هلبيت شفتي شلون ساعه تشوفينهن كلب على كلب وساعه وحده تريد تاكل الثانيه

نرجس::اصلا اني كلهن ماحبهن مونوب اثق بيهن احب بس ام اصهب

-هززيت راسي اضحك..اي اي ام اصهب تختلف ..ضحكت نرجس خجلانه. وروز كالت شنو شصاير من وراناا ..سولفتلهن وكعدن ينصبن على نرجس

رغم الخوف البكلبي بس افرح من اشوف اختي شلون فرحانه وكلساع تصفن وتبتسم ..كمنا انضف. وحده تغسل وحده تكنس

وسهام تنضف الساحه وترشها يعني هم تتعب سويت تمن واجت سهام تسوي. مركه ..
اخذنا الواهس ونضفنا كلشي. دخلنا الغرفة الحجيه نضدت الفراشات مخربطه

طيحناها.وسئلنا سهام على الدرج كالت اي فكني. سونها تلكن الدرج فوك بلمخزن صعدن بان وبيان ينزلنا

احنا ولا وحده تعرف تسفط فراشات عدل بس روز تسويها تخبل حتى اضبط من امي

شكد طلعنا غرااض من الفراشات نضحك كلما نلكه شي ومتونسين.  كملناها تعبانين ..وايهم حتى المخاد البصاله يجيبهن يريدها تخليهن بنضده

ب11اجن وبيبي حيل تعبانه كبل تمددت بغرفتها ضلينا نفتر ورا ام اصهب نريد نعرف شنو سالفة ذياب وخلود وتهديدها

ماقبلت تحجي تعضلنا شفه عود لايسمعن ..عفناها وصعدنا صلينا ..وبلغدا ولا واحد من الولد اجه بس ليث وعمي مهنا وعمي مهدي وسعد رجل مروه

تغدينا وكلشي مسوينا كبل صعدنا الغرفتنا نمنا
لان كاعدين كلش من وكت بيان كالت مانعسانه كنالها كعدينا بالاربعه

روز::كعدني ايهم متنحس ..درت على بيان شبيج موكاعده ماتحاجينه
-حاجيته مايريدني والله
-ابيش الساعه
-بالاربعه وربع
-طاحضج كنالج كعدينا بالاربعه ..فيروز ..نرجس هيو كعدن ..كعدنا والبيت هدؤؤ..غسلنا ونزلنا جوا ماكو احد

دخلنا يم الحجيه لكينا ام اصهب يمها
-صح النوم تعالن
الحجيه::ياهي مسويه النضيده
فيروز::روز
-عفيه عفيه الله لايعوزني لسهيمه

روز::كعدنا يمهن وبكلبي اكلها هوا انتي مالج صاحب حتى سهام بعتيها. كامت تريد تتوضى وتقرا قران

دخل شهاب يضحك كلنا باوعنا النرجس ادنك خجلانه كعد يم امه يباوع النرجس ويضحك

شهاب::جبتلج تلفون تينتي..باوعي باوعي الخجل ولج يمه هاي لعبة بحال ابنج لعب

ام اصهب::البعبه صخل يمعمع تذكر من كتلي شني ذيااب خايف على اخواته منعدنا انته لو ما تدري بروحك عاشك اخته جا ماحجيت

-ههههه دسكتي هاي سوالف ابيناتنا.

-طلع التلفون شاحنه وكامل مخلي صورته خلفيه ويضحك. ضربته امه وكالته اثكل لاتخلي الناس تدري هاي خليده ماتكعد لاتسويلك شي

خله ايده على حلكه عود ساكت ما احجي ..
طردته من.يمنا طلع ويكلها هاج يمه هاي بوسه الج ..ولحماره نرجس ....ضاعت من الخجل

ام اصهب::ها فيروز فكيتي ياخه عنهم
-والله عمه خايفه ولازمه كلبي بيدي بس شسوي لايطيني كلبي اكسر كلب اختي ولابيه اشوف شهاب مقهور

-لاتخافين مايصير شي اني حجالي شهاب وكالي حاجي فيروز ومارضيت كتله خلها تخاف عليهن من تقتنع بحبكم ترضى

-الله كريم عمه بس وصي شهاب عفيه
-لاتفكرين معليج يمي ..يوم اليحن كلبج على اصهب

-اختفت ابتسامتي من شفتها شلون تحجيها متحسره ..كتلها بكل جديه عمه اخطبيله وزوجيه اني اشوفه حاله حال اخوي
حطت ايدها على حلكها

-امشيه عليج العباس يكون دكليله هيج يمه يموت اصهب خايبه سنين وسنين عايش ويا اسمج وهسه تردين دكليله اشوفك اخوي غير ينجلط

-جا عمه تردين اجذب عليه واخليه يتامل واني ماشوفه غير اخو حاله حال ذياب

-يمه بالعباس حجاياتج وجعن كلبي انا شحال يسمعهن هوا كلشي لادكليله اسكتي وليرحم والديج

-سكتت ضايجه لا اريد اضوج ام اصهب ولا اريد اخلي اصهب يتأمل بيه. ودت بان دكعدهم لان راجعين من شغلهم ب2 متغدين ونايمين

نزل ذياب معصب وشعره مخربط كعد بصاله باوعلي وباوع الروز. دار وجهه وكال اريد جاي
ماحدد من منو يريد كامت روز بسرعه سوت وكفت يمهاا.

شبيج هيج متوتره
-دشوفي شكله اكو واحد يشوف هيج خلقه ومايعصب
-شبيه جنه العافيه
-ااي اخوج طبعا متنطين بيه
-ههههه ..باوعي ايهم تلف ملابسه
-عليج الله اخذيه بدليله مليت والله
-ابجي ابجي ..اخذت ايهم وصعدت ابدله

لكيت رساله جايه التلفوني ..فتحتها من رقم كاتبه
*هلو فيروز اني سندس
-كلت اوووه ضجت ماريد احجي ويا احد من هذيج العائله بس واكف بعيني موقف سندس ودفاعها عني كتبتلها
*هلو بيج شلونج شخبارج
*موزينه اني انتي شلونج
-خير ليش. شبيج ...مجاوبت دقايق وصللي صور فتحتهن وكلبي يوجعني ..جسمها ازرك حيل مال ضرب

*صخااام هاي شنو ولج
*هذا الجلب كلما يرجع للبيت مغثوث يطكني راح ازوج وافتك منه

*سندس ديربالج على روحج اخوج مو صاحي
*الله كريم اكلج فيروز ديربالج على اخوج
ترا محمد مايفك ياخه عنه الهسه يتهدد عليه وحالف يمين يكتله ..ولج حتى ابوي انجلط من وره

-وجعني كلبي ..صافنه برسالتها وكلساع اعيدها كتلها..شيريد هذا مايفك منعدنا ..كبل كالت يله فيروز اني رايحه باي

عفت التلفون .متوتره ..اخذت ايهم ونزلت لكيت روز بعدهي بلمطبخ ...شنو بعدج ماصابه جاي

-خررب غير شلع كلبي بعده خفيف
-دصبي راح يصيح
-صبيتله بكوب واخذته مالكيته بصاله كلت النرجس وينه كالت يم ام اصهب باالغرفه

اخذت الكلوب دكيت الباب وفتت ايدي ترجف
اول مرفعت عيني خزرني بغضب ..خليت الكوب بيده وشردت

وكفت يم فيروز بلمطبخ واكلها شو خازرني. شبيه هذا ..طلع من غرفة ام اصهب باوعلنا اني وفيروز
تقدم خله الكوب بيد فيروز وعينه بعيني همس بغضب الحكيني للغرفه عافني ومشه واني احس رجليه جمدن ....شيريد هذااا

فيروز::رووحي شبيج
-هلو ويين اروح صدك تحجين شفتيه شلون خاززرني
-اوووه روز شبيج. ليش تخلينه يصيح عليج امشي ..دفعتها على الدرج ترجف مشت وعينها عليه

روز::وكفت اباب الغرفه ...اتنفس بقوه علمود اهدأ شويه ..دكيت الباب من اول دكه فتحه وجرني للغرفه حيل سد االباب ودفعني على الحايط حيل شهكت مصدوومه

-شكااااايله الام اصهبب
-قطرة.دم مابقت بيه. .كتله امتمت ..ما ماكلت شي ماكايله ...خازرني بغضب واديه على اجتافي

-اهااا والج عين تجذبين...لج شنوو دكليلها بس بالاسم زوجتي تلعببببين عليه انتي

-ارتبكت وخفت اكثر ..دنكت ودموع مجمعه بعيني ..لاا ماضحك عليك..بس ابوي عافاني بعد حتى لو اطلكني وتزوج بعد مايدري هوه ..

عصر فكي بيده حيل شهكت موجوعه ودموعي نزلن

-اذبحج وميرفلي جفن من اسمع عايده هلسالفه ..كتلج كبل عقد المحكمه دكدررين تنسحبين وراها مالج حق. لان راح تكونين لذياب وخلسمع عايده هلكلام الا اخذج بطرك عباتج اشمرج اباب ابوج مفهووم؟

-احس فكي راح يطك بيده ..هززيت راسي اااي. ودموعي ينزلن على ايده..باوع بعيني وعلى شفتي ...جرني من خصري عليه. واخذ شفايفي ابين شفايفه ..

رفعت ايدي ادفع بصدره مصدوومه ..جسمي نمل واحساسي غريب ..خلص نفسي وختنكت
بجيت بقهر من حسيت شفايفي اذوني ابتعد مني يسحب نفس بقوه وكصته على كصتي

جريت نفس اشهك.من البجي وامسح بشفتي
ندك.باب الغرفه حييل وخر مني  ودفعني الجهة الكنتور حتى من. يفتح الباب مانشااف

بان::ذياااب الحك..الخيل ميتات

البارت 19

𖦹 𖦹 𖦹 𖦹𖦹 𖦹 𖦹 𖦹𖦹 𖦹 𖦹 𖦹𖦹 𖦹 𖦹 𖦹𖦹 𖦹 𖦹

انه الشص بـ لهاتي
وشايغ من العَض
ويگلي الشفية ، المنتچي ، المرتاح
تتعوض .

𖡛𓆩 𓆪𖡛𓆩 𓆪𖡛𓆩 𓆪𖡛𓆩 𓆪𖡛𓆩 𓆪𖡛𓆩 𓆪𖡛𓆩 𓆪

روز::جريت نفس اشهك.من البجي وامسح بشفتي
ندك.باب الغرفه حييل وخر مني ودفعني الجهة الكنتور حتى من. يفتح الباب مانشااف
حاجته بان وصوتها يرجف

بان::ذياااب الحك..الخيل ميتات

اتسعن عيوني مصدومه بمجرد سمع بان ركض عافنا وركض جريت حجابي واصيح على بان شكوو

بجت وتحجي مختنكه

-ميتاات روز خطيه ماتن
-نزلنا اني وياها البيت كله فارغ طلعنا. نباوعلهم كلها يم الاسطبل اصهب متخبل ويتعارك ويا الرجال الاسمه ابو فارس اليدير باله عليهن

وذياب كعد يمها على حيله. مخلي ايده على راسها ويحركها بهدؤؤ...شكلهن يكسر الكلب. الرجال يحلف الاصهب موكلهن ومنطيهن ماي اجه لكاهن ميتات شهاب واكف بينه وبين الرجال. واصهب متخبل

عمو مهنا ايده على راسه مصدوم ام اصهب تبجي وعلى بجيها بان ونرجس يبجن وياها

صدمتهم بموت الخيل عبالك واحد من عائلتهم مات
حجه ذياب بغضب وصوته محتقن ....

-ذياب::الادهم متسمم

-التفتوله كلهم ساكتين كام من يم الفرس مالته دار بجهة فرس اصهب باوع بحلكها ..وكف على حيله

باوع على عمو مهنا ..وحجه متاكد.من كلامه

ذياب;:متسممات مرتك بس.كلي منو يطلعها من ايدي اليوم

-مشه بهمه للبيت وعمو مهنا يصيح عليه لولد ركضو وراه يردون يلزمونه
واحنا مثل الثول مافاهمين شي ..ام اصهب تمشي وصيح دهر الدهرج ياخلود يمه ماترتاح اذا ماتسويلنا طركاعه

صياح ذياب وخلود وصلنا قبل لا نوصل للبيت ..دخلنا لصاله متخبلين من صياحه
يدفر اباب غرفتها سلاحه بيده اصهب وشهاب لازمينه ومكادرينا

هيه ورا الباب تحلف ماطالعه من غرفتها وموهيه. الموتتهن وهوا يصيح لججج جربتي كبل ولحكناهن ليششش شمسوياتج ياضالمة النفس

موقفهم مرعب غصب عنا نبجي خايفين كل وحده منا واكفه بجهه ودمعتها على خدها ..عمو مهناا يتوسل بذياب ..اني احاسبها بس وخر

وذياب يحلف ماعوفها اموتها مثل ما موتتهن
اصهب يتلاوه وياه يريد ياخذ السلاح من ايده

وهذا ميقبل يعوفه ويصيح عوفني ماتحرك من يم الباب رغم كلهم مجلبين بيه ...بيبي تدعي على خلود وام اصهب تصيح اخذو سلاحه وسترو علينااا

جلبو بسلاح اصهب وبطرس يردون بس ياخذونه من ايده مينطيه يتلاوه وياهم عيني على فوهة السلاح وين متوجهه..كلما تصير علينا احس راح تطلع طلقه منه. لوتصيبني لو تصيب فيروز البيدها ايهم

غمضت عيوني براحه من وخر ايده من جهتنه فتحت عيني ورجعت اركز واشوف ايده وين متوجهه

احس اللغصه خنكتني من شفته وين
عين على بان وعين على السلاح اريد انطق واكلها وخري مرتجيه على الحايط وحدهاا
تبجي..بعدني مناطقه ...ثار السلاح واخذ روحي

صرخت بكل قوتي ويا صوت الطلقه مغمضه
صياح فيروز وعمتي صرخة ذياب باسم بان جمدت بمكاني واني اشوفها من وكفتها

نزلت على اركبها ترجف ركضلها ذياب ..
وفيروز تصرخ ...حضنها ذياب متخبل
مابيج شي بان حاجيني مابيج شي بااان
باوعيلي ماتاذيتي باوعيلي

تهز راسهاا لا ترجف. حضنها على كلبه حيل مغمض عيونه. وعمو يصيح الله ستر الله ستر
الكل مصدوم ويحمد ربه ويشكره الطلقه بلحايط

بصفها كلش اخواتي كلهن يبجن يم بان الا اني احس عيوني غوشن ورجليه جمدن بمكانهن
مامصدكه الصار. ذياب معافها حاضنها بكل قوته

اصهب يحاجي عوفها ذياب مابيها شي الحمدالله. وام اصهب تشربخا ماي وهوا مايقبل يوخرها من حضنه

طلعت خلود من غرفتها تبجي هجم عليها عمو مهنا يضربها ويصيح ماكدرلج عابره سبع شطوط بويه ماكدرلج جا ماتت البت من وراج

دخت حيل ومكدرت اتوازن حسيت نفسي راح انخربط.نتبهتلي نرجس وجتي تركض لزمتني

كام ذياب وهوا حاضن بان الي ترجف مثل السعفه شالها ساكت ...مشينا وراه ..ركضت فيروز فتحتله باب غرفتنا كعد وهيه بحضنه

مفترين عليها كلنا نبجي...شال ايده واشرلناا اششش..كالها بان حاجيني ...وهيه متنطق
ومن نسمع ذياب والخوف البصوته يزيد خوفنا

اجت ام اصهب واصهب وشهاب انطت كلاص عصير لذياب كالتله شربها بس بنتر. اخذه من ايدها اوخر ايده الثانيه من وراها

شربهاا شويه وهزت راسها متريد ..كالها بس حاجيني ليش ساكته
نطقت وصوتها يرجف
بان::عبااالي متت

بس.كالته هيج جرها الحضنه يبوسها حيل  ويهمس يومي كبل يومج
كعدت ام اصهب ودمعتها على خدها وتحجي بحركه ..ليش ولك يمه ذيااب جا كتلت اخيتك ولك شوكت تبطلون تركضون على السلاح ولكم هينه من تكتلك روح

اصهب::يممممه موكتها
-انجب انته شنهي خيررر اخس منعده لو اجايه الطلقه بلبت شسوون ...هاا ذياب شتسووي حاجيني

-عيني على ذياب مدنك ومنطق حرف ..واصهب يستغفر بغضب ماراضي على حجي امه ...وخر ذياب بان من حضنه وكام بدون ميحجي طلع من الغرفه

اصهب دار على امه كلها ...الا تحجين هسه تردينه يمووت ماتشوفين حاله شصار بيه

طلعو ضايجين ..هوا وشهاب ..تقربنا على بان هاي التحضنها وهاي التبوسها كالت

-مامتت اني
فيروز: :اشش لجيبين طاري الموت على السانج
-اذا متت شسوين
-بان انجبي ..باوعي ايدي الهسه ارجف من الموقف لاتوجعين كلبي اكثرر..حضنتهاا.على كلبي يايمه لو صاير بيها شي ..اموت

ام اصهب::ينراد اذبح فده على سلامت بان ..
روز::كله من هاي خلود الله لايوفقها بحق الحسين

ام اصهب: -ولت لهلها جعلها لا ردت اخذها بطرس يوصلها ..دوم امرمتنا حاطه دوبها من دوب ذياب

نرجس::يعني صدك هيه مسممتهن
-اي هيه عرفها ذياب
فيروز::شلون عرفها يعني.شنو شايفها ..تحسرت وكالت

-لا ماشايفها ..بس.كبل هم تعاركت ويا ذياب ..الضهر بليل ذياب راح الادهم(اسم الفرس) لكاها تريد تموت وتلاحكهاا وكالوله متسممه ..وسلهب(اسم فرس اصهب)مابيها شي ...شك.ذياب بخلود. ليش الادهم متسمم وسلهب مابيها شي ...ضل يدور. وتالي المريه ام فارس طلعت شايفتهاا

بيومهاا تسودن ذياب لا خاف من عمه لاخاف من اهلها كضها وكتلها حيل ..وراحت لهلها زعلانه وعمجن زعل على ذياب

وهنه عزيزات عدهم حيل عزيزات هداهن الهم شيخ بني....... من جان عمرهم 20 سنه سالفه طويله صارت وذياب واصهب تدخلو وشهدو وحلوها ولو ماهم جا مات ابن الشيخ...عرض عليهم كيعان وفلوس لان نقذو ابنه ..ومارادو كالهم جا اطيكم هذني الاصيلات وهوا سماهن الهم الادهم وسلهب

.يله يمه اني اروحن اشوفن عمجن ...كومن صلن واحمدن ربجن وشكرنه على سلامة اخيتجن

روز::طلعت ام اصهب ..وهيه توصي صلن احمدن ربجن....حتى ايهم حاضن بان وساكت لان شافنا كلنا حاضنينها وخايفين عليها
بستها وكمنا كلنا نريد نصلي بس هيه كالت بعدين اصلي شو رجليه بعدهن يرجفن

توضينا وصليناا ...بقيت هوووايه على سجاده احس لو شما اشكر ربي راح ابقى مقصره
..اجتي بان صلت ورايه ..خلصت صلاه

وباوعتلنا مبتسمه كالت
-تدرن احس فاقده الذاكره كلشي ماتذكر من الموقف
-احسن لتذكرينه

نرجس::كلبي بعده يوجعني كون اني هم انساه ..يربي .....ينعاد ماينذكر
فيروز::دنجبييي ينذكر ماينعاد لصتيها

بان::ابتسمتلهن ..فرحانه بخوفهن عليه ....بقينا بالغرفه. اتصلت عليه بطه بطرس مسولفلها كتلها مبيه شي واطمنيي.

كالت فيروز اني راح انزل ويا ام اصهب خطيه خاف تسوي عشا ..كنالها كلنا ننزل ..نزلنا البيت مكتئب وكلمن يشتغل شغله ساكت

الصاله بيها بس عمي مهنا ومهدي وسعد ..ملاحظه(سعد ابن مهدي زوج مروه)

وبيبي بلغرفه صوتها تقرا قران ..شافني عمو مهنا اشرلي بيده تعالي ..رحت يمه حضني وباسني براسي

بقيت يمه مرتبكه ومامرتاحه ماعرف اكوم لو ابقى. سعد يسولف ويا ابوه على كيعان. ومدري شنو

كملن العشا البنات وجه ليث يمد السفره باوعلي
كالتله امه امش صيح اخوتك صعدو يصلون

لكيتها عذر علمود اكوم ..كتلها اني اصيحهم ...رحت الغرفة اصهب يمه اصف
تعالو تعشو...ابتسمولي ثنينهم بس اصهب عيونه حمر.
كالو جايين طلعت واسمع اصف يكله
هسه عليمن مقهور ويصعد ضغطك. .من باجر اجيبلك احسن فرس بس كوم يله كافي

..عفتهم ومشيت الغرفة شهاب ..لكيته يصلي كتله انزل تعشه وطلعت ..كلهم ادك باب غرفهم بس بطرس ادخل كبل

جر الغطا عليه فاز بس بلشورت والفانيله صاح دكي الباب ولج ..ضحكت
اباوع لتلفون وغمزله...استحيت مني وانت فاتح كامره البطه

دار التلفون عليه ...كلها ..هاي الحماره جا ماتت اليوم ..اشرتلها هلوو ..خلينزل يتعشا بعدين محد يسويله

ضحكت وكالتله يله حبيبي روح. ختم المكالمه وياها وباعلي ...مبتسم...ولي خللبس
ضحكت وطلعت مني يمه ..خايفه اروح لذياب

دكيت باب غرفته محاجاني. فتحته على كيف ..كاعد بلكاع والغرفه تخنك من الدخان نفاضة الجكاير بصفه وباكيت الجكاير وتلفون بجهه ...

بقيت واكفه بلباب باوعلي بدون ميحجي كتله
تجي تتعشا ..سوالي بيده تعالي ..تقدمت كعدت مقابيله ..دار يطفى الجكاره ..وايده على خدي

التفتلي ورا ماطفاها ..باسني براسي .. ..وخر يباوع بعيوني حجه.متحسر وصوته مخنوك

-لو صاير بيج شي ... شكل الابوي موتت بتك شكل الامج ماحافظت على بناتج وكتلتها بيدي

سويت مثله وخليت ادي عل خده حاضنه وجهه رغم احس نفسي ماعرف شلون اتصرف وياه....هاي اني مبيه شي عمري انته ..لاتلوم نفسك بس حباب لتلزم السلاح بعد والله يخوف
..وهسه يله كوم تعشاا

نزل اديه من وجهه ...كال روحي بنيتي تعشي شبعان اني

-ذياب حباب كوم تعشاا
-اني من اجوع اكل ...روحي انتي واكلي هوايه خوش. يله كومي

-كمت من يمه ..ابتسمتله .. كوه رد الابتسامه الي ..نزلت جوا وكلهم يباوعون على درج صاح اصهب وين ذياب كتله مايريد

دخلت للمطبخ سوتلي مكات روز بصفها
ام اصهب كالت مارضى يجي ياكل مو
-اي ماقبل يكول شبعان
-عرفته. وبلغدا هستوه اكل وكام لكه شعره بالاكل وماكمل لعبت روحه ومارضى ياكل بعد

-كالتلها فيروز هسه شويه واني اصعدله احاجي
كملنا عشانا وكفت مروه تغسل مواعين وسهام غثت روز بحجاية
اشتغلي اشتغلي بعد انتي جنه هنا ..وكفت روز ويا مروه تشطف وترجع

كعدنا بصاله هادئين عكس كل يوم محد يسولف ويا الثاني عمو مهنا كال الاصهب .كمت شفت ذياب .كاله اي يريد يبقى وحده عوفه

اجه حمزه طلعله اصف ..شهاب اشر النرجس كومي وهيه تاشرله لا خزرها ودخل حمزه سلم

وبدون ميكعد القلق والخوف  مبين على وجه كال ذياب بغرفته مو

اصف::اي تعال اصعد

اخذه. وصعدو. لذياب .ومن اجو خطار راحو الولد للديوان .بقينا بس نسوان بصاله سهام وان اصهب يكصن بخلود

واحنا نركز بحجيهن لان نريد نكتشف خلود شنو من بشر...التفتن ثنينهن يباوعن السعد من دخل وبيده علاكه ..يباوع على باب الديوان

يريد.يفوت الغرفته صيحت سهام.امه ..بصوت ناصي ...رديييت ولك سعد ررررديت ماتوب
ماهتملهاا ...دخل الغرفته

وهيه تغلط عليه وتسب ...وام اصهب دكلها مايبطل ...هسه يدري بيه مهنا ويسودن فلك صابه

.بقينا وحده تباوع بوجهه الثانيه مافاهمين شي
شويه وعلى صوتهم يتعاركون هوا ومروه ..مروه تصيح السكير العركجي الكح...به اتوب وانته ماتوب

ركضن ام اصهب وسهام يسكتنهم..
وكفنا مصدووومين شجاي يصير. فيروز كالت

-صخام شنو هذا يشرررب
روز::استغفر الله شهلبيت متروس اسرار كل يوم نكتشف شي جديد ..يوم وحده سحاره ومجرمه يوم واحد يشرب

-الجهال يبجون وشما يضربها هيه تغلط وتصيح. يردن بس يطلعنها من ايده ماكو طلع اصهب من الديوان خازرنا. دفع سعد من مروه

ويغلط عليه مروه سكتت تبجي....سعد ماتحمل حجيي اصهب اخذ العلاكه الجابها وطلع من البيت ..رجع اصهب لديوان وهوا يصيح والله الاسمعلها صوت

فيروز::كومن نصعد احسن لاتجينا رزاله طايره واحنا لابيها ولاعليهااا...كعدنا بغرفتنا. .كتلهن شدراه حمزه بذياب

روز::خاف اصف كاله خطيه بسرعه اجه شفتي شلون خايف

بيان::دنكت متلافيه اباوع الفيروز مدري لان اني مذنبه احسها تقصدني مدري هيه فعلا شاكه بيه.

قبل لايصير هذا كله جنت احجي ويا حمزه ومن عفته ورحت بعد مجاوبته الحد قبل العشا نتبهت لتلفون ..داز هواي رسايل وين رحتي يمعوده خوفتيني عليج ليش رحتي بدون مدكولين شي

.كتبتله فرس ذياب ماتت ..فتح الرساله ومجاوبني ....ومن اجه اصلا ماباوعلي

رفعت عيني اباوع الفيروز تباوعلي وكانو تعرف شنو البداخلي نزلت عيني بسرعه.

روز::راحو فيروز موتردين تحاجين ذياب
فيروز: :لبست شالي وطلعت باوعت اول شي من الدرج ..اصف وحمزه واكفين بنص الصاله يسولفون

دكيت الباب ودخلت ..اباوعله متمدد على جربايته عيونه حمر والغرفه تخنك من الجكاير

خليت الباب مفتوح كال
-شلونها بان
-تمشيت ليمه...زينه..اسويلك عشا
-ججج ماريد تعشيتن انتن
-اي...ذياب الخاطري خلسويلك عشا

-ماريد من اجوع اكلج سويلي ..
-باوعت هلى النفاضه متروسه كطوف جكاير
وبصف على ميز تكت جكاير مو باكيت واحد
...ذياب كافي جكاير

رفع عينه باوعلي وطفى الجكاره...
ابتسم وكال طفيتهااا..ولايهمج..يله روحي يم اخواتج وسدي الباب وراج

- بس خلي يطلع الدخان تخنك الغرفه
-عوفيهاا روحي يله موزسن عليج
-طلعت من يمه وكلبي يوجعني حيل مكسور
من جهه قهرته على الادهم ...ونوب اجته صدمة بان حقه ومالومه

رجعت للغرفه. كتلهن مايقبل
بيان. :نوديله ايهم ..وبيده لفه

-لاا غرفته دخان وهذا بسراعه يختنك
سكتنا عاجزين منعرف شنسوي ...كامت روز فرشت. فراشاتنا ..اخذت ملابسي ورحت اسبح

كلت اطلع وخلي روز تسويله اكل وتاخذه اله
بلكي مايردها وياكل .....نشفت شعري واني بلحمام وكعدت اغسل ملابسي

نشفتهن وشلتهن بيدي لان ماكو شي اخلي بيهن ..لفيت المنشفه عدل لان الولد خاف يصعدن الغرفهم.  ..فتحت الباب
مدنكه ..رفعت وجهي فزززيت

اصهب مرتجي. على حايط اباب الحمام
..فززتني
-جنتي تسبحين؟

-لاا اتسوك.....شمبين على شكلي ...ابتسم ودنك
كال

-شبيج عصبيه
-لا مو عصبيه..
-زين ..اخذي راحتج

-دار وجهه وراح ضايج ..شكتله هسه اني. شريت ملابسي ورجعت اريد ادخل للغرفه مكدرت كلت اعتذر منه وكله ماقصدي اضوجك

دكيت الباب ودخلت. واكف يسفط ملابس عافهن من شافني

-ادخلي ليش واكفه بلباب
-ها لا عادي.اريد اروح. بس حبيت اكلك اسفه اذا ضوجتك وقهرتك ماقصدي...

-حتى قهرج عسل على كلبي
-دنكت مرتبكه. خرب غيرتك وغيرة التعتذر منك..طلعت وسديت الباب السالفه مينسكت عنها هسه عباله احبه لو شي لازم اوضحله اني ماريده

رجعت الغرفتنا ...روز كومي سوي عشا واخذي وروحي لذياب
-لا والله وشمعنى اني

نرجس:غير مرته
-اكلي تبن
فيروز::اسكتي نرجس. ..باوعي كلنا جربنا نحاجيه وماكل لايتخربط شبيج كومي بلكي ياكل

روز::هوا لاضايج ولاشي ومايطيقني موهسه ترديني ارحله برجليه هو من ادخل غرفته احس نفسي نعجه وهوا ذيب ...ضحكن بيان ونرجس سكته خزرتهن فيروز وتحاول تضم ضحكتهاا

هزيت ايدي مستهزئه ..ترديني اروح واني ماصدك على الله اشرد من كدامه

-ميخالف بس هلمره عليج الله ..شبيج خايفه عليه والله

-ماااا والله ما لتحاولين ...زعلت مني وطنكرت وكلساع وكالت اموتج اذا تخربط...اني شعليه يمعوده

لفت راسخا ونامت. حطيت راسي ويا نرجس تراسل بشهاب يتعاركون لان كالها اصعدي من اجه حمزه ومصعدت

..كبر من اول يوم تعاركتوو ..ردت اباوع ويا بيان ماخلتني بان كالت تعالي باوعي وياي فديوات. .كتلها ماريد ورجعت لتلفوني

شفت ذياب ناشر ستوري دخلت عليه
صورته على الفرس. وكاتب وياها

بيت شعر حزين راويتها للبنات وكلهن حقه والله دباعلها تخبل وصارلها سنين عنده حقه يضوج
بان ضاجت وصاحت هوا ضايج علمودي موعلمو الفرس

شويه ونامت بان ونرجس بقت بس بيان
واني هم مجايني نوب ..رجعت جخلت على الفيس.شفت حساب ذياب نشط...درت على بيان حايره ..اكلج بيان

-ها
-اسوي اكل لذياب وتاخذينه اله
-لا اخذيه انتي خاف يطردني وانقهر
-جا اني شنو مانقهر مثلا
-تنقهرين بس تتحملين عادي اني ابجي.بسرعه

-عيبت عليها وضليت حايره. اروح لو لا
خاق اترزل لو انطرد ..درت على بيان هلو هاي كلساع تبتسم ...هيو ويامن تحجين

اهوو. ويا صديقاتي شبيج
-ومرض..عفتها وكمت. احجي ويا نفسي...اكص ايدي اذا هلاابتسامه الصديقاتج

نزلت للمطبخ .. اسوي اكل والله كريم اذا طردني اكعد اني اكله ....

اگلي وكلساع ادخل على الفيس اشوفه بعده نشط لو راح. صارت بلوحده ..خليت الاكل بصينيه

سحبت تلفوني اشوفه اخر مره ..بس جخبت على الماسنجر ..اجتي رساله منه كاتب شعدج بعدج كاعده ويامن تحجين

رجف كلبي بخوف فتحت الرساله وماجاوبت طلعت بسرعه واخذت الصينيه وصعدت
مرتبكه وخايفه ..وكفت اباب الغرفه متردده

دك تلفوني بيدي ولصينيه بيدي.نفضحت خررب
فتح باب الغرفه باوعلي وباوع لصينيه ومن الفشله

بدلي الكاع تنشك.وتبلعني...عاف الباب مفتوح ودخل ...كلت هاي هيه يعني يكلي ادخلي دخلت وراه خليت الصينيه بالكاع

باوعلي وكال خلي اغسل واجي لترحين
طلع وكفت اهفي على وجهي واسب بنفسي
اجاي ياكلج شبيج لاتحجين ولاكلمه حتى مايحاجيج ....رجع

كعد على الصينيه واني واكفه بصف الباب ..كال كعدي..اكلي ...همست بتردد شبعانه
رفع عينه باوعلي وحجه بهدؤ مو بعصبيه وامر

.ميخالف اكعدي سويلي واهس مالي نفس اكل
كعدت يمه. .اجاريه ومالي نفس اكل

اكل شويه. اوخر ...كال
سويلي جاي ...اي هسه اخذت الصينيه ونزلت
غسلت المواعين وسويت جاي...واحمد ربي وشكره هم اكل وهم محاجاني شي

فتحت شالي وغسلت وجهي ...كمل الجاي صبيت بكوب واخذته ..جخلت الغرفته لكيته يدخن ..اخذ الكوب مني
واشرلي بحاجبه اكعدي..وحضرتي مطيعه كعدت بسرعه

مرتبكه ..كمل كوبه بدون ميحجي ..اخذته من عنده .كال....ليش سويتلي عشا

بقيت ساكته ..هز راسه بمعنى احجي
.مو فيروز كالت
-شكالت
-كالت سويله عشا
-هممم
-التفتنا ثنينا على جهة الباب من سمعنا صريخ بيان طلعنا نركض ..فتح الباب ذياب..تبجي وتصرخ
والبنات فازات ويصيحن شكو ...باوعت على ذياب وصاحت

..حمزززه خابرني ...وماعرف حجه وياا منو. وصار صوت سلاح ..ترجف وتلفون بيدها

اخذه من ايده الخط مفتوح وهوا ماكو يصيح الو وماكو ...

يتبع