طبعا ماكو صور طبق الاصل حاولت قدر الإمكان تكون الصور متابعة لمواصفات الابطال
يعني تـقريبا نسبة الشبه 50-60%
فيروز ك صفات شخصية اشوف فيروز انسانه قويه تغلبت على خوفها علمود تدافع على خواتها وتحميهن
اما شكلا تجنن ام عطوب وين اكو احلى منها 😬❤
روز: ك صفات شخصية تبجي اذا حست احد ظالمها نوعا ما شخصيتها ضعيفه بس اتجاه نفسها اما اذا الموضوع تعلق ب خواتها او ب ايهم ما نقل عن قوة فيروز
اما شكلا فيها نسخة من امها كناكير بياضها كلش حلو وجمال لون شعرها زايدها حلاوة
نرجس: ام دميعة من جد ابسط حل عدها الحجي و لسانها بس على خواتها ومن يزعلن منها ترجع تبجي وتراضي... زركة بملامح تجنن
اما بيان: هادئة حبابة لطيفه خوافه واكثر انسان تخاف منه ذياب
شكلا والله ملامحها تجنن وخاصة عيونها الي ب لونين من ورا تنمر روز وفيروز كاره روحها وماعدها ثقة بنفسها اما يكللها فاهيه لان من تصفن تفتح كلها
بان: الطفولية الفقيرة الي منو ضايجه من خواتها تجي ترزلها هادئة وحبابة
شكلا مدري اشك ب اهلها مستورديها من كوريا
وهسة نجي للشباب
ذياب: متملك كل الكون بكف وخواته بكف الصراحه مااعرف شنو اكتب عنه شخصيته صعبة
اصهب: جيبو صفات ذياب خلوها ل اصهب
شكلا يتشابهون وصفاتهم كذلك كاعده كم شغلة ذياب ماكو شيء يخليه ضعيف عكس اصهب
الحب نقطة ضعفه
شهاب: العاشق الولهان الابيض مالت العشيرة
اصف: واعي متفهم يشوف الكل بنظرة بريئة
بطرس: انسان عنده استعداد يخلص يومه بين الكتب
ومستعد يخسر كل شيء المهم يكون كد كلمته ومينكر وعده
حمزة: وبما انو انو ذكرت حمزة ف اكيد راح يكون اله دور ب قصتنا
اما يكون دوره ايجابي او سلبي انتو وتوقعاكم
ليث اكيد اله دور بالقصة بس ملكيتله صورة تشبهه يعني شوية شبه ل بطرس