البارت 1
مساء الخير ...
insta: ho.sa105 للتواصل
خسرنه گلوبنه الما عرفت تعاشر
خلصنـه العمـر مـن باچر لـباچر
خلصناها تگظي الله كريم تهون
واحنه جروحنه شما كبرت نكابر
وادمنه اعلى طيبك تستغل البيك
ومن توگع لجلهم تنحسب خاسر.
𖦹 𖦹 𖦹 𖦹𖦹 𖦹 𖦹 𖦹𖦹 𖦹 𖦹 𖦹𖦹 𖦹 𖦹 𖦹𖦹 𖦹 𖦹
فيروز::خليت ايدي على خدي واخواتي يمي
ملتمين على امي الست جونيش وهيه تسولف
قصة حبها. للمره الالف سمعناها ومانمل منها
كل ماتعيدها نركز وكانو هاي اول مره نسمعها
وروز متكدر اذا ماتبجي كل ماينجاب طاري
امها ....
امي كانت مسيحيه امها وابوها ثنينهم ايتام
وعايشين بميتم
من الناصريه من تزوجو امها بقت تشتغل بلميتم
وتاخذ امي وياها
وامي تعرفت على بنيه هناك هم مسيحيه وصارت اقرب صديقه الها دكول جانت حلوه بشكل بياضها
ناصع عيونها سود حبر ومجرورات وشعرها
كيرلي احمر تجذب النظر
بقت امي تتقرب الها الحد ماصارن اقرب ثنين
البعض ورا سنين
انتقلو اهل امي للبصره ضلت امي تروح الهدى
صديقتها بين فتره وفتره
بيوم من الايام كانو طالعين وصار حادث توفو
بيه اهل امي وامي متكسره بلمستشفى
insta: ho.sa105
لاعدها اخو ولاعم ولاخال وحيده وقتها
اكو مضمد معافاها ابد حاول يساعدها بكل
طريقه ودفع اجور المستشفى
بقى وياها كالته رجعني لناصريه هناك
ميتم امي كانت تشتغل بيه ومديرة الميتم
تحب امي وراح ديربالها عليه
وفعلا اخذها وراح وضل كل اسبوع يروح يشوفها. امي مخلصه وقتها بجي ونوح وهدى تصبر بيها
اول اسبوعين الكل متعاطف وياها وراها
بدت يتامرن عليها كانن اكبر شي بلميتم
امي وهدى ..المضمد معاف امي تعرف عليها
وحجالها اسمه ومنين هوا
وقتها امي دكول حفظت بس اسمه عامر
ابن شيخ من العماره. وابوه ميت وراها غاب شهر ماكو
وامي ضاله تلوب تريده يجي ثاري النچره
وكعت بشباك استاذ عامر الوالد الكريم
ورا شهر اجايلها كالها جان عندي شغل
جنت بالعماره الهسبب ماجيتج
نص مصطلحاته امي مجانت فاهمتهن
مرت سنه وهوا دوم ويا امي كل جمعه
وسبت يجي
بدا يشوف امي تتغير وتضعف اكثر ومن
يسئلها متحجي ع معاملتهم الها صدمها بقراره
من كالها اخطبج
وطبعا هيه كانت تحبه وافقت ومديرة
الميتم كيفت طلب منها تاسلم لان
اهله راح يرفضونها اول شي زعلانه ورافضه
بعدين قنعها وهنا امي رجعت تركت
هدى صديقتها. عقدو امي وابويه واخذها
وراح للعماره الاهله
ونصدمت امي باهله شيوخ وطبت عرب كلش
اخوانه وامه كلبو البيت على راسه لان مزوج
بدون علمهم وامي كاعده يم مرة اخو بابا
وعود تسولف وياها كايلتلها اني مسيحيه واسلمت
وهنا زادت الطين بله نجنو والا تطلكها
insta: ho.sa105
امي مكانت تعرف هواي اشياء عن حياة بابا
بقت كاعده بالغرفه وتسمع بس صياحهم اجت
يمها مريه كالتلها محسوبتج انا ام اصهب
مرة شيخ مهنا
ول يابه شجابج هين وامي ضاله تصفن بوجها
ماعارفه تجاوب
المريه ماشره على طفل يجي عمره 7سنوات تقريب كايلتها
دحكي على هلصبي هذا ابن رجلج ووليد اخيتي
انا واخيتي فصليات ورا مانكتل ابوهم
الشيخ جاسم تبركست السالفه بروس اهلي
واحن شيوخ واهلي مالهم غرض كلش
انا واختي نطونا فصليات..... رجلج ورا ماخلف
طلك اخيتي وكلها روحي انتي حره هي عافت
هلصبي وراحت نعبنها جانت عاشكه من كبل
وهلصبي انا الربيته ويا ولادي
-امي تسمع حجيها وترجف دموعها على خدها
ماجانت تدري ابوي مزوج. دخل عليها ابوي.جرها من ايدها واكف اباب المضيف كالهم احسبوني
ميت لاتنشدون عليه ولا انشد عليكم
متقرب على ابنه حاضنه وبايسه وماخذ امي وراجع
للبصره طول الطريق ماحاجيه ومن واصلين
للبصره كالبتله البيت لان جذب عليها وماكالها
جنت متزوج ..كدر يقنع امي ويصالحها ولان
تحبه سكتت وابوي حلف ميرجع الاهله ولايتواصل
وياهم ...مرت اشهر وامي ضلت تروح الهدى
صديقتها مرت سنه على زواجهم وهمه ماعدهم
اطفال وابوي يلح على امي اريد ولد اريد ولد
وامي كل همها تلكه هدى لان اخر مره راحت
لناصريه كالولها ازوجت بلبصره بفلان منطقه نفس منطقة امي وبقت امي ادور
عليها مره من المراات صدفه شايفتها بسوك
وحجت الامي كلشي مزوجه واحد لا اصل ولافصل منطينها اله متعرف شي عنه يجي
ينام وياها ويروح ويرجع بس بليل سكير
ومشكلجي
اندلن بيوت بعض حتى وحده تزور الثانيه
ومشت الايام وهدى من سيىء الى اسواء
وهنا حبلت امي وابوي مكيف راح يجي ولد
وهووووب اجيت اني وضربتهم بوري
معدل امي سمتني فيروز تحت اعتراض ابوي
الجان رايد يسميني بدريه على اسم امه
جان حركت روحي ..المهم صار عمري
5اشهر تقريبا وابوي. رجع يلح على امي
احبلي اريد ولد وامي ماتقبل محتارا بصديقتها
الصايره جلد وعظم من ورا رجلها اجت بيوم
تبجي الامي كايلتلها اني حامل ومن عرف بيه
حامل تخبل وكلب البيت عليه. مرت ايام حمل
هدى بااالف ياعلي
وقتها بابا جان كلش يحب هدى ويعتبرها
اخته وكم مره متضارب ويا زوجها علمودها
صارت عدها بنيه روز نسخه من امهااا
اخذتها بلكي يحن كلب رجلها عليها من يشوف
بنته وماكو نفس المعانات ورا سنه ..طلكها ووعافها وراح هيه وبتها وهيه ماتعرف لا اهل اله
لا اصل لافصل بس الشقه الجانو عايشين
بيها جانت باسمها ورادت تبقى بيها
لان رجلها ورا ماطلكها اختفى وبعد مابين
بس امي مقبلت وكالتها تعيشين
ويانا اجت يم امي
شكد محاوله امي اطلعها من الكأبه الهيه بيها
ماكو كعدت امي بيوم من الايام تكعد بيها متكعد
ميته بفراشها عايفه وراها طفله مثل طير
الذهب ....وبموافقة بابا امي قررت تحسب
روز بتهم وحالها حالي والشي الوحيد اليختلف
هيه الهويه اسم امها وابوها الحقيقيين
ورا سنه امي حبلت وبابا طااير راح يجي ولد
وفرحان وطنننن امي طكته ببنيه ثانيه وهم
راد يسميها بدريه ورا زعل وعرك سموها نرجس
ورجع ابوي يلح على امي اريد ولد وهلمره
اني متاكد اذا حبلتي ولد المهم ورا سنه قنع
امي وحبلت المسكينه كل سنه حبلانه
ولان ابوي كلساع
يكللها اني حلمت راح جيبين ولد
تاملت بلولد وهووب. توم بنات خلت
ابوي يصفن. وهم تعارك ويا امي يريد يسمي
وحده منهن بدريه وامي قافلة ماتسمي
هلاسم وسمتهن بيان وبان
insta: ho.sa105
وقفلت بعد متحبل لو شيصير احنا اربعه صرنا
ويانا روز خمسه ومن جانت تحجي مدكول اربعه دكله خمس بنات عندي ماحبل ربنا
ماقاسملنا الولد وانته عندك ولد لاتنسه
.من اول ماوعينا امي مخلتنا عايشين بوهم
جانت تحجي الحقيقه دائما وتراوي صور
ام روز الها مخلتها تعيش بكذبه وبعدين تنصدم
ولا احنا العيشتنا بكذبه
دائما دكلنا عدجن اخو لاتنسنه يوم التطيحن
هوا يوكفلجن خلتنا نمووت على اخونا
رغم مشايفينه ولامره
دائما تحجيلنا عنه اخوجن يحبجن واخوجن
لو هسه يمه مدللجن جانت امنيتنا انشوف اخونا المانعرف عنه بس اسمه ذياب ويوم ميلاده لان
لكينه جنسيه استنساخ اله ويا غراض
بابا بقينا كل سنه بعيد ميلاده بدون علم اهلنا
نشعل شمعه ونجمع كيك وحب وهجي سوالف
ونحتفل بغرفتنا
الحد مصار عدنا تلفون بقينا نصور
فديوات كل سنه نعايده وحده وحده
ونحجي ويا كانو راح يجي يوم ويشوف
هلتصوير هوواي لحينا على بابا ياخذنا
الاهله لو يجيب اخونا ذياب يمنا
يتعصب ويبقى يصيح علينا الحد
ماكمنا منجيب هلسيره ابد
ورا ماكبرنا ابوي رجع يلح على امي يريد ولد
وفعلا حملت امي وجنه مخلينها على كفوف
الراحه خايفين عليها كلش واخيرا
شرف استاذ ايهم وريث العرش
المدلل مالتنا ..
امي نوعا ما كانت قاسيه
بتربيتها لان تخاف علينا التلفون صف خامس
اعدادي يله تجيبلنا جان عدنا اني وروز ونرجس
وتدري بينا منزلين فيس وانستا
ومصادقين ماما وبابا عادي يعني متعترض
بس تراقب وع غفله تجي وتسحب التلفون
من ايدنا
ورمز تلفوناتنا تكلب البيت اذا لكتنا مغيرينه
لازم تعرفه ولبسنا تشيب راسنا عليه
بنطلون ولازم البدي حد الركبه وموضيك
insta: ho.sa105
بلبيت عادي نلبس اي شي بس.بطلعه مخبلتنا
متقبل ضيك وقصير تتخبل ..اذا شعرايه
طالعه من حجابنه يبووي تخبصنا المن بعد
اصومن وصلن وشعرجن طالع المن والمن
بابا جان اهون منها ميحجي وميدخل بلبسنا
بس هيه بكلشي تدخل وعلى كل فرض صلاه
مصيحه كوومن صلن والمتصلي تخلي شغل البيت كله عليها وتخليها تشيل ايهم ..ورغم حرص امي وخوفها
علينا تعرفت على ولد بالانستا وطلع بنفس
منطقتنا حبيته هووواي وتعلقت بيه وبلمقابل
هوا هم هوواي حبني نرجس وروز يعرفن
اول شي مقبلن وزعلن بعدين من شافن كلامه
وياي وامه واخته حجن وياي وتعرفن علي
كالن معناها صدك يحبج خلص هاي هيه وبدن
يساعدني ويننبهني اذا امي تسوي كبسه وتاخذ
تلفوناتنا .
وهسه تعرفو على اخواتي
اول شي تعرفو عليه اني
فيروز::عمري 20سنه سادس ادبي كل صف اخذ بيه سنتين واكثر وحده تتعارك ويا امي اني
علمود التلفون وشغل البيت.
روز::عمري19 ولامره حسيت نفسي يتيمه
امي جنيش وبابا عامر عوضوني عن اهلي
الحقيقيين وفيروز اقررب شخص الي رغم
مرات نتعارك لان ماكو اخوات ميتعاركن اني
سادس ادبي ويا فيروز عدت لان ماطلعت معدل
نرجس::عمري18 سادس علمي احب واعشق كتبي ورغم اربعه وعشرين ساعه ادرس مو شاطره واغلب درجاتي بالخمسين. عاطفيه وبسرعه ابجي الهسبب من تصير عركه ويا اخواتي ابجي دمعتتين واطلع من السالفه وهنه يترزلن من امي
بان: عمري16رابع ادبي بلبيت البنات يسمني سيبويه لان كل همي كتابي ومافوت ولا محاضره ولانقطه
بيان::نفس المواصفات ...صح توام بس منتشابهه ابد الشي الوحيد المشترك ابينا نفس الصفات عدنا ثنينا ندرس
سوا ودرجاته متقاربه البعض
فيروز ..وبعد اعرفكم على ايهم المدلل مال البيت عمره سنتين ماوراه بس القهر كون منخلي بالكاع واربعه وعشرين ساعه شايلينه ونفتر واذا بجه اووووه امي توكفنا تك رجل
insta: ho.sa105
.اليوم كان اخر يوم امتحانات نصف السنه
مكيفين راح نخلص ونرتاح كعدتنا امي من اللصبح لكينا بان وبيان مبدلات قبلنا
وامي تمشي وتحجي
جونيش::تردن تنجحن ومدرسن بان وبيان احسن منجن من الاربعه كاعدات فضنها يله
صلن وتعالن تريكن
روز::طلعت امي من الغرفه ورا الرزاله باوعت الفيروز جربايتها جوه جربايتي ونرجس مقابيلنا
وبلجهه الثانيه بيان وبان جرابيهن وحده فوك الثانيه ..دنكت راسي باوعت الفيروز ..
ابيش الساعه
فيروز::الله وكبر واحد من صباحيات الله يكعد على رزاله بسته بعدهي بسته شعدنا مكعدتنا الامتحان بثمانيه
بان::اي غير تكعدون تراجعون
نرجس::دنجبي انتي كله من وراجن كاعدات من الاربعه شعدجن وزاري
بيان::اسكتي بان عوفيهن يولن طبهن طوب اذا رسبن
insta: ho.sa105
فيروز: :منو يولن اكوم ادوس ابطنج
روز::اسكتي لايبجن
بان::بالقران الا اكول الماما على سوالفجن اوكفن
روز::طلعن بان وبيان من الغرفه طفرنا احنا من جرابينا ..خرب ركضنا كلنا للحمام وصوت ماما
وصل يمنا
جونيش::ادبسزززيات وصخاات كساله امهات الصفاره انتن احسن منهن وتحجن عليهن ترحلهن فدوه
نرجس::غسلت وتوضيت وحده تباوع بوجهه
الثانيه هاكد.نخاف من الوالده والله اذا لزمت
الصونده الخضره ..ركضنا للغرفه نصلي سوا
وجلبت الضحكه مكدرنا نكمل صلاه نسمع
حجي امي وميتين ضحك اخذت سجادتي
وطلعت اصلي بغير مكان وروز هم طلعت
رحنا كلمن بمكان يله كدرنا نصلي ورجعنا
نبدل وامي مستمره تحجي المتنجح والله
ابطلها وندري جذب متبطلنا كل سنه دكول
هجي ..بدلنا وطلعنا يمها
روز::ابتسمت وامي خازرتنا معصبه ..مامااتي
رحت بستها من خدها وكعدت على الصينيه
ناكل ساكتين كلنا خايفات معصبه كلش. كملنا
ريوك اخذت ايهم العب وياه يابه شكد احبه
فيروز::نرجس اركضي رتبي االجرابي امي
بس تطلع من المطبخ تروح للغرفه اذا لكتهن
بعدهن مخربطات تنزل الخضره
نرجس::مو عليه اليوم عليج
فيروز::والقران امس اني مرتبتهن
روز::واني اول امس اليوم على سيوبيه
بان::عيني احنا ندرس ماما كالت معليجن بشغل
بيان::الشغل يبقى للكساله همه يشتغلون
فيروز::كبر عاب هلوجهه جنج قنفذ ام خيسه
امسويه روحها شاطره وهيه اكبر كسولي
بيان: :شاطره غصبا ماعليج على اقلها مراسبه
ولاسنه ولامره جبت درجه اقل من ثمانين
مو مثل البعضض
روز::نجبن يله صايرات كلش ماتحترمن ولاكانو
احنا اخواتجن الكبار
insta: ho.sa105
بان::من انتن تحترمنا نحترمجن موصايرات
عصابه علينا تلاثتجن وعبالك احنا بنات عدوتجن
نرجس::يمه السااان يمه يمه حجت حنان الفتلاوي
بان::نجبي انتي اني لو اكابل كتبي بكد مانتي تكابلينهن اخذ كله الاولى
جونيش::اذا خلصت مسلتجن كومن يله البسن
حجاباتجن اولن للمدرسه
.فيروز::كمنا نلبس احجبتنا
اوحده تدفع بلثانيه علمود المرايه
احنا بيتنا صغير ومنطقتنا شعبيه بس حلوه
امي واكفه بلباب خلن ركسونه لتنسن خلن عطر لتنسن اكلنس اخذن هاي كل يوم هجي توكفلنا
طلعت من كدامها اول وحده اني صاحت
جونيش::تعاالي البسي الكوت بارده
فيروز::ماما والله موبارده اليوم زين
جونيش::لا البيت دافي برا بارده
فيروز::اهوو يمه ماريد
جونيش::ضلي طبج مرض خاف تبرد ودكلجن
نطني كوت ديربالجن وحده تنطيها
روز::كملنا كلنا ومثل ما امي معلمتنا ناخذ مصرفنا من الجرار جانت تنطينا كل وحده
خمسميه وبابا كل يوم يرجع من الدوام
ينطينا كل وحده الف ونجمع منهن شكد
واكفتلنا بلباب الرايسي وتصيح ورانا
insta: ho.sa105
اقرن اية الكرسي قبل لايوزعون الاسئله
وسورة الفاتحة وهدنها الام البنين. امي رغم اصلها مسيحيه بس ورا ما اسلمت
تعلمت كلشي من مريه جوارينا
كانت دائما تروح لزياره ....اشرنالها ومشينا ..عكس البيت من نطلع نكون هادئات
وحده خايفه على الثانيه ومستحيل نتعارك
مدرستنا شويه بعيده عن بيتنا نروحلها مشي
ومثل كل مره اني وفيروز لازم نغش لان نفس الصف وهيه رحلتها كدامي السؤال الماعرفه
تغششنياه واني اغششها هم
خلصنا امتحانا وطلعنا ننتضر البنات يم الحانوت
فيروز::امس راسلتني اخت محمد. مو جنه مزاعلين اني ومحمد
.روز::اي ولا احبها شتريد
فيروز: :اي كالت شبيكم ومحمد.يحبج وامي كالت راسليها وشوفيها شبيهم لان محمد.ضايج
وخلتني اروح اراسله اني بس هوا اعتذر وتصالحنا
روز::وشوكت ناوي يخطبج مو حمضتي على كلبنا
فيروز::كال من دخلين كليه
روز::ههههههههه مأيس منج مدخلين
فيروز::انجبي
روز::ديربالج ادزين صور اله بدون حجاب
فيروز::هنه بس صورتين بحجاب وبعد ماقبلت
ادز
insta: ho.sa105
روز::اي عفيه كلشي يصير ..طلعت نرجس تضحك مساعدتها مدرسه ومجاوبه كامت اشترتلنا واجت كاعدين بساحه ناكل منتظرين
الاافنديات بان وبيان اذا مايبقن اخر شي ميطلعن
فيروز::روز متت من البرد نطيني سترتج شويه
روز::ولي شكالتلج امي حل
فيروز::شدراني شفت البيت دافي
نرجس: :ولو متستاهلين بس ميخالف ..نزعت الكوت مالتي ونطيته الها ...طلعن بان وبيان متجهات النا
وبيان ناطه من البجي روز وفيروز كاملهن يركضن خايفات اني بقيت اكل مكمت اعرف
سوالف بيان وصلن يمي وهيه تناشغ
روز::احجي يمعوده
فيروز::راح اجيبج براشدي افر وجهج فضيها شكو
بان::ع كيفجن وياها السؤال الثالث جان
صح وخطـأ وصحح الخطأ ان وجد هيه بيه
بس نقطه وحده غلط ناسيه مامصححتها
insta: ho.sa105
روز::باوعت بوجها عدل لحظه يعني كتبتي
غلط بس ماصححتي نقطه وحده هيه ..تحجي مختنكه ودموعها عشره عشره
.بيان::اي اي مانتبهت والله
روز::كبر شسالفه يعني الا تجيبين درجه كامله
بيان::لااا بس مقهوره لان اعرف الحل
فيروز::بالقران لو ماعيب جان كتلتج كتله هنا
الهايشه الرعنه وكفتي كلبي
نرجس: :تحركي ست بان اشتري التكج ماي خلي نولي للبيت نعسانه
بان::خزرتها واخذت بيان للحمامات غسلت
وشترينا ماي وطلعنا نمشي بعيد عنهن الخبيثات
ميحسن كلشي عدهن تحشيش ..لاتضوجين
درجه وحده عليها
بيان::ختولي بس شفتي هذني شلون يحجن شكد يقهرن الواحد
بان::يولن شبيج هسه نرجع للبيت نكول الامي
عليهن..تعالي نروح يمهن ..اخذت بان وتمشينا
يمهن وهنه يضحكن ويحششن..نتبهت الروز
بدت تفرك بعيونها عززا....روز عيونج صارن حمر
غمضي
فيروز::كمت مفزوعه غمضي لتفتحين خرب
اشو حتى هوا قوي ماكو راسا روز غمضت
روز::ااخ فيروز حركني ....
بيان::ركضت جبت مي ونرجس غسلتلها نخبصنا بيها وهيه بس تبجي.
فيروز::بس شويه اهدائي ولتفتحين ...مرض روز الامي مبقت دكتور ماخذتها اله ..عيونها
حساسيه اقل هواء يتحسسن ومرات بدون هواء فجئه يتحسسن اذا تفتحهن يحركنها ..ويدمعن
كم مره بمره امي تلفهن الها بشاش متخليها تفتح
insta: ho.sa105
واحنا كلنا يمها ونمشيها وين متريد وامي تكعد.يمها متعوفها ابد الحد ماتصير زينه
نخبصنا بيهاا.
بيان::لتبجين عفيه راح يلتهبن
نرجس: :سحبت احزام من كوت بان شدينا لفته
فيروز على عيونها ولكبوس مال كوتها نزلنا
على راسها كلش حتى الناس متتفرج لازمينها
كل وحدة من جهه نمشيها ..رغم شكد.نتعارك
بس ووقت وحده منعدنا نتمرض كلنا نعتني بيها
وخاصه روز وضعها حساس اكثر من عدنا كلنا
عيونها من يتحسسن يصيرن يخوفن ميبقى بياض بعينها كلها حمره طلعنا من المدرسه
روز مدنكه كلش حتى الناس متنتبه الها
روز::ديباوعولي الناس مو
بان::والله لا محد.منتبه اني وبيان كدامج نمشي
مغطينج
فيروز: :واذا باوعو طوز قابل شنو
روز::فيروز افتحيهم شو كانو صارو زينات مجاي
يحركني
نرجس::لا خلي نوصل للبيت احسن
فيروز::صح خاف يرجعن يحركنج شبيج مو احنا جاي نمشيج خايفه نوكعج شنو
روز::لا طبعا مدام انتن وياي ماخاف اوكع
بان::امشي كدامهم اني وبان مغطياتهن ..راح نكول الامي. فيروز شمرت فلفل مال اندومي على عيوون روز وصارن هجي
بيان::صح حتى اني شفتها
فيروز::صخام بوجهجن ريا وسكينه مؤامراتجن بليس ميفكر بيها يشطورات وروز شنو موقعها قابل اخرست هيه تحجيي الحقيقه
روز::اي صح اني احجي الحقيقه واكلها فعلا
فيروز شمرت عليه فلفل الاندومي
فيروز::ياااااا
نرجس::شنو شو نكرتي وجذبتيهن سالمين ..نمشي ونحجي وفيروز تخبلت كلنا تفقنا عليها خلصنا الطريق سوالف وضحك
وروز كلساع وكالت خاف الناس تباوعلي خاف وخاف. وصلنا لفرعنا بعدنا مفاتحين الباب وسحبت نفس افيششش ..ولجن ست جونيش
اليوم مسويه دولمه
فيروز::لا ولج من الجوارين مو احنا فتحنا الباب ودخلنا ماما كاعده بصاله يمها الهيتر وبصفها ايهم يلعب مبتسمه النا شافت روز غابت ابتسامتها بسرعه واجتها تركض طاير كلبها
...يمعوده مبيها شي بس خفنه عليها وشديناهن
فتحنا عيونها شويه حمر بس ميوجعنها زينات
insta: ho.sa105
عفتها متمدده على رجلين امي ولبنات راحن يبدلن دخلت للمطبخ اتاكد من الغدا اووف دولمه
اليوم اتصرفنلها يا انوثه يادنيا ..اكلها هبر بيدي
وتصير ملاخ على الخبزه النخليها جوا
طلعت من المطبخ امي تفرك براس روز
..اوووه رااح تضل تدلع ست روز دكومي يله
جونيش::عوفيها ولج متشوفينها
فيروز::مابيها شي يمه صارت زينه بس هيه استغلاليه مكيفه على حضنج ..رحت عليها اجر بيها من حضن امي
روز::ههههههه عوفيني خرب شكد خبيثه
فيروز::اسحل بيها واضحك وياها ونتبهت
التلفوني بصف امي سكتت وغمزت الروز كامت بسرعه وياي للغرفه ...خراا افتحي الباب بسرعه
نرجس::اوكفي ومرض بس خلبدل
فيروز: :ماتبدلين بلحمام
نرجس::نطي مجال غير ريا وسكينه راحن للحمام..قتحت الباب انزل بتشيرت ومعصبه
لان فلاتنطي مجال تضل ادفر بلباب راحت عصبيتي من شفتها شلون خايفه دخلن هيه
وروز وسدن الباب .....شكو
فيروز::ضليت اكل باضافري وافتر ..تلفوني عد امي البارحه اخذت سكرين المحادثة محمد نشرتها ستوري وسجلت خروج من الحساب
بس ماحذفتها شلون شسوي خاف امي شايفتها
روز::لو شايفتها جان لكيتيها لازمه الخضره اواكفتلج بلباب مشايفتها اطمني بدلي وروحي
اخذي تلفونج بدون متحجين وابقي كاعده
يمها حتى ماشك بيج
نرجس::اكلج لشوكت تبقون هجي هسه تلكفج امي وعلي محد.يخلصج من ايدها تدرين بيها شكد تتخبل من هلسوالف ومتقبل بيهن سنه
صارله مايجي حضرته يخطب اعرفج على اميي
اعرفج على ابوي عود ابوه جستن مان دكافي
بزعتونا لعلمج حتى بان وبيان يدرن بيج وميحجن شفتهن يضمضملج اذا ماما سئلت على شي مينطن بيج
insta: ho.sa105
فيروز: :شسووي غير اريد اخلص السادس وحتى امه من حجت وياي كالت خلصي السادس حتى نخطبج وتشوفيني خضرمت بسادس الكشر واخته يوميه تحجي وياي واهله كلهم يعرفون بعلاقتنا كلشي متوقف على الزفت نجاحي
روز::الله كريم ديله بدلي وروحي اخذي تلفونج
بان::دكيت باب الغرفه مقفول ..هيو افتحن الباب
نرجس::اجنج ريا وسكينه
فيروز::اخذت. تراك وطلعت للحمام من جد خايفه ماريد اخسر محمد. يحبني بجنون حتى
حرفي داكه على صدره ولا اريد اخسر امي وثقتها بيه ولو اني مخليت بيها ثقه بدلت
وطلعت اخذت تلفوني من يمها وتمددت رجليه مخليتهم على الهيتر حذفت الصوره اطمنت
شويه اجن البنات كعدنا كلنا ونسولف الامي
على امتحاناتنا. اوحده تدفع برجلين الثانيه
كلنا نريد رجلينا يم الهيتر
insta: ho.sa105
جونيش::العصر نروح لسوك اني وابوجن العدها شي تكتبه
فيروز::اي كومه شغلات نريد. بان اركضي جيبي
ورقه وقلم ..جابتهن وكعدنا نكتب شنو النريد
..طلعت صورة ايشادو عاجبني. بعشره علبته
باوعن نشتريه
بان::اني وبيان منخلي ايشادو مانشترك
نرجس::واني هم. زين من اخلي جوزي وماغيره
ماريد
روز::اني ماحب الايشادو
فيروز::كبر طمجن ماريده لعد
روز::باوعت على امي دخلت للمطبخ تقربت عليهن همست اليله مو عيد ميلاد ذياب
فيروز::اي ادري ..وجاي افكر نبطلها هاي سالفة
الفديوات احنا نحتفل ونصور ونعايده وهوا حتى ميعرف شكلنا وين نشوفه
نرجس::كله من بابا والله اني امنيتي اشوفه
بيان::لافيروز مانبطلها حتى لو نصير عجايز
يجي يوم نشوفه ونراويهن اله وترا هنه كلهن
بس اربع فديوات مصورين ماكنا نصور قبل
بان::اني احس بفرحه من اكول عندي اخو اكبر
مني واسمه ذياب من اسولف الصديقاتي احس
بفخر
insta: ho.sa105
فيروز::تمام نكتب غراض اجيبهن امي وياها
والعصر نسوي كيكتين وحده الاهلي وحده النا
كعدنا نكتب ونضحك ونمسح من ننشوف فلوسنا ميكفن اذا موصين على شغلات بثلاثين الف ننطي ماما بس عشره ولباقي من عدها
دائما قاطينها رغم انو حالتنا على كدنا
بس بابا يكلها لاتخلين شي بنفسهن شيردن
جيبيلهن وامي ممقصره حتى لو شي غالي نريده تقلل مصروف البيت وجيبه النا. ومن
ناحية ذياب حبي اله يوم عن يوم يزيد شعور
عندي اخو اكبر مني يجنن. بس بديت أيس انو
اشوفه
حسيت بغلط من خليت البنات يتأملن بشوفته
وعودتهن على سالفة عيد الميلاد هواي مرات
الوم بابا لان عافاه ومجابه يعيش ويانا
بس منو يكدر يفتح الموضوع ويا ابويه يتخبل
فززتني من صفنتي روز
روز::هاج مشطيلي شعرري كعدت كدامها
فيروز::اووه والله يدكطعن اديه
روز::منيتي عليه شبيج اني ماكدرله
فيروز: :اخذت المشط وبديت اامشط.واحجي
يختي موكالتلج امي اسويلج اجاليز.ليش ماتقبلين تدرين من دخلين تسبحين كلنا نشرد
روز::كلش ضجت سحبت المشط منها وخري ماريد اني امشطه
فيروز: :جريتها من شعرها وكعدتها دنجبي عود
زعلتي شسالفه اشاقه وياج بس علمودج
نرجس::صدك روز اني شعري سرح واريد امي
تقتنع تسويلي اجاليز انتي خخبلتيني ليش
متقبلين
روز::دنكت ساكته وضايجه ..باوعن اني مرات
اكول خلي اسوي واخلص. بس من اشوف
صور امي وشعري نفس شعرها استعز بشكل
شعري احسه رابط بيني وبين امي هدى الله يرحمها ماينطيني كلبي اسوي متتصورن شكد احبه
فيروز::هاي هيه لتضوجين شوكت ماتردين امشطه الج وتدللين جم روز عندي
نرجس::بس وحده وشعرها فلافل
روز::انجببببي. الززركه
نرجس::عيني اني موزركه اصلا الجمال يلوك
بس للحنطاويات البيض امثالج يلمن وصخ
روز::زررركه محتركه معطبه ناسينج بلفرن ام الوصخ
نرجس::اكليتبن ام كناكير سيم امواعين اني اشاقه وياج وانتي سويتيها صدك الرعنه صوج
التشاقيج سيممم سيممم عفتهن ومشيت للغرفه
واني اصيح سيم سييم هاي اذا تعاركنا وحده
تعاير الثانيه ومطلعين القاب على بععض تفشل
روز نصيحها ام كناكير لان شعرها مكنكر وفيروز نصيحها ام عطوب لان جانت دائما شعرها مبهذل حتى لو هستوها تمشطه اطلع منا ومنا شعر سمعنا الجهال البلمنطقه مره صاحو عليها ام عطوب وجلبنا بيها وبان نصيحها الكوريه لان هيه جنها كوريه وبيان نصيحها الحوله ولفاهيه الحوله عيونها لونين عسلي واخضر وفاهيه دائما فاتحه حلكها حتى من نسولف وياها ماتطبك شفايفها
واني الحقيرات يصيحلي الزركه لان حضي المصخم طلعت على بابا سمره ....
.روز::شفتيهااا زعلت وهيه البدت
فيروز: :اووه اسكتي لاتتحركين خلي اضفيره تصير عدل
بان:: متمدده على رجلين بيان ونضحك عليهن ونبي انتن فلم هندي مسخره متستحن ..الزركه وام كناكير .وام عطوب ايععع شكد معدجن ثفافه
فيروز::عوودي مال ام عطوب اذا ماحط راسج بتنور اني ماتسمى فيروز
بيان::ااي تسمين ام عطوب ههههههههه. شمرت عليه المشط اجه سنتر بنص كصتي ..اخخخ الهايشه كبر ام عطوب ام اعطوب ام اعطووووب عطب
عطب اصيح واغني ام عطوب عطب عطب عطووب وهيه تخبلت تريد بس تلزمني شردت للمطبخ الامي
فيروز::وكفت امي بوجهي وبيدها الجفجير
جنيش::شبيييج
فيروز: :بااالقران اكتلها اليوم رياا ام الكالات الفتانه الحاروكه الحوله عين وعين
كتلها الحوله وهيه تخبلت ضلت تتبجبج وامي تخبلت كتلتني بلجفجير وهذيج سوت نفسها
ميته من البجي الحقيره
جونيش::كلجن صلفاات ماكدرلجن ..كون اجويجن يله اتوبن من هاي الالقاب للغرفه كلجن جايتجن
روز::اني وبان ركضنا للغرفه قبلهن نرجس مخروعه لان امي من صدك عصبت علينا اجن
فيروز وبيان وحده تخزر بثانيه كعدنا كلنا
عاقلين دخلت امي وبيدها الصونده الخضره
كعدت على الجربايه عصبيتها فول
جونيش::انتي.ماتستحين عمرج عشرين سنه
وسوالفج مال زعاطيط. شوكت تعقلين استحي
امد ايدي عليج مره. بطولي وهلحجي الجن كلجن ماتستهضمن من اطكجن وانتن نسوان
بطولي موتني بمشاكلجن وياريت لو تزاعلن من صدك اوحده ماتحاجي الثانيه ورتاح منجن اشو
اني مفرفحه ومحروك كلبي وانتن ربع ساعه
ومثل الجلاب ترجعن البعض ...وانتن ريا وسكينه ..نطيتجن مجال هواي احترمن اخواتجن
اكبر منجن ماتغلطن عليهن فهمتتتتتن
بان بيان::اااي
جونيش::وانتي ست روز العاقله المؤؤؤدبه جم.مره كتلج لادكولين النرجس الزركه هااا
روز::ماما هيه بدت وكالتلي ام كناكير
جونيش::اجويها على حلكها ..سمعتن الاسمعها
تعاير اختها اجوويها لو اوصل سوالفجن لابوجن
خلي هوا يتعامل وياجن
فيروز: :لايمه والله منسوي مشاكل بعد وهسه تصالحنا خلص..كعدت بالساعه ترزل وتغلط
واحنا كلنا نضحك من جوا ليجوا منخليها
تشوفنا اخذت صوندتها وطلعت واحنا نفجرنا
بضحك شكد تافهات نتعارك وبدقايق نتصالح
اجه بابا من الشغل ركضنا كلنا اله سلمنا عليه وحده تنزعه الجواريب وحده تجيبله ملابس
وحده ماي واخذنا منعنده كل وحده الف
احلى عاده عده من واحنا طفلات من يجي
من الدوام ينطينا الف الف ومن يستلم الراتب
كل وحده عشره. كعد هوا وامي بصاله
واحنا كلنا بالمطبخ
نصب ونسولف
روز::الجدر موتخلينه بسنك علمود الحكاكه اكلها بعدين
فيروز: :اني وياج مووحدج خليت خبزه بصينينه وكلبت جدر الدولمه اوويلي بدلي
اكلها وحدي اخذنا الاكل عزلنا دولمت بابا وماما بصحن لان خطيه ميلحكون علينا واحنا سوينا
هجووم ع صينيه اخلي لكمه بحلكي ارجع ايدي
لصينينه طاير نصها
ناكل سريع وبالاخير نتعارك على الخبزه الاخيره
كلنا نصيح اني ماكلت اني ماكلت وصينينه مخلصه مدري منو اكلاها
عزلنا المواعين بان وبيان يغسلن وروز
تسوي چااي ونرجس تكنس واني واكفه امسح
بلكاونتر ونسولف ونضحك
كملت ورحت للغرفه فتحت حسابي الثاني
الاحاجي منه محمد هوا يعرف حساباتي كلهن
بس مخليتله حساب خاص علمود امي متحس
لكيته داز كومه رسايل
صباح الخير
شلونج عمري
اليوم ماكو
فيروزتي شو ماكو وينج قلقتيني
دزيتله هلوو راسا جاوب
-هلا يبعد عافيتي
-شلونك عمري
-تمام ياكلبي انتي شلونج شخبارك خلصتي امتحانات
-اي اليوم
-يله يعني مبقى شي بعدلج كم شهر وتمتحنين
نهائي ونصير البعض
-ان شاءالله
-مشتاقلج
-انيهم
-خلي اشوفج
-لا موحلفت للبنات مادز صور ماكدر اكسر حلفاني
-اوك براحتج
-دز انته خلشوفك
دقيقه ودز صوره فتحتها احس وجهي صخن
متمدد على جربايته وبدون تشيرت عيوني تركزت على حرفي البصدره يايمه نسحلت سحل
بقيت اسولف ويااه ..ولبنات اجن النامت نامت والتلعب بتلفونها االغرفه هدؤؤ ووبارده واني
على حجي محمد صخنت رغم اضل اكول لتحجي هجي عيب بس بداخلي جنت اكيف
احب حجيه يحسسني بشعور حلو من يكول
اتمناج بحضني لو اتمنى اخلي شفتي على شفتج انجن بس مارد بشي غير محمد كافي ماقبل تحجي هجي راح اروح اذا متسكت
اغير. الموضوع وكلساع اصعد برسايل اقراهن
واتخيل نفسي زوجته ..لثلاثه ختمت وياه
وطلعت دكيت باب غرفة اهلي ..علمود امي تروح لسوك
طلعت هيه وبابا لسوك من كعدن البنات بالغراض العدنا سوينا كيكتين وبقينا نسولف ونضحك
الحد ماجوي اهلي والفرحه هنا مسايعتنا جايبين تلفونات البان وبيان فد فرحنالهن. وماما طلعت
علبة من جزدانها جايبتلنا تراجي صغار احنا
لابسبن كبار وهسه جابت اصغار الي ولروز ونرجس وبان وبيان كالتلهن عل. الشهر اليجي
بيومها شكد تونسنا حتى متعاركنه ولاعركه ونشتغل واحنا نضحك ..بورا العشا بس دخلو اهلي الغرفتهم احنا حضرنا كلشي بغرفتنا
وكذلك التصوير بجهازي فتحت تسجيل الفيديو واول وحده اني نصطف بسرا
.هلوو ذياب امم كل عام وانت بخير
هذا خامس عيد ميلاد الك نحتفل بيه وانته متدري عنا ويمكن متدرري عندك اخوات المهم احنا نحبك ..اختنكت كلش واني احجي وخرت الجهاز مني الوجهه روز كالت
روز::كل عام وانته بخير ذياب
فيروز: :اقل وحده تحجي بلفيديو بكل سنه هيه روز دكول ماحس بيه اخوي مثلجن ..تقربت على نرجس
نرجس::هلو ذياب كل عام وانته بخير اني هوايه احبك واتمنى اشوفك
فيروز::وخرت الكامره منها البيان وعيني على
نرجس البجت بسرعه...
بيان: :كل عام وانته بخير ذياب هه اني بيان اختك الصغيره التمووت عليك
بان::واني بان هم اختك الصغيره هه كل عام وانته بخير. احنا هوايه نحتاجك اتمنى. نشوفك
فيروز: :سديت التصوير ولاول مره نبجي سوا
علمود ذياب كله من امي هيه الخبلتنا وخلتنا نحبه ونتمنى بس نعرفه وهواي مرات احتاجينا اخو وسند النا جنه نتمنى نلكاه ساندنا
حتى محد اكلت كلمن راحت الجربايتها وتلفونها بيدها بان وبيان سون حسابات ويتصفحن بلفيس والانستا واني بلبدياه دخلت على الفديوات ثنين كنا مصورينهن بجهاز
امي وقافلينهن وثنين بجهازي وهذا خامس فديو خامس سنه نحتفل بعيد ميلاده ..راسلت محمد داسولف ويا ونفتح الباب على غفله
وامي اجت سنتر علي بس قفلت التلفون لاكدرت احذف ولا اسجل خروج من الحساب
سحبت التلفون من ايدي
يتبع......