قصة مهد

البارت السادس والثلاثون

قصص عراقية حقيقة 📜:
}الحلقة السادس والثلاثون 35 }
اللكاتبة #بنت_الحجي .......
#مــهـد

مهد : ذب الغراض وراح يا شراح ايسوي هذا
تقريبا غاب ربع ساعة ورجع وياه اثنين شباب ايسوالف وياهم وكفو قريب مني وبهل اثناء اجه عماد ورواء

استيفن : رحت اخذ خيمه ثاني ماقبلو ينطوني بالاوراق مكتوب احنه نفرين وشفت شباب عراقين هم
السلام وعليكم
الشباب : عليكم السلام ورحمة
استيفن : اعتذر عراقين حظرتكم
مهيب : اي اتفضل خوية امر خدمة جنك جديد
استيفن : اي اليوم وصلت اني وصديقي والعائلة بس اريد اسئلكم منين اشتري خيمه اكل وهل شغلات النحتاجها
مهيب : كول شيريد واجيبلك الاكل لا تفكر بي هسه اخلي العائلة اسويلكم شي
استيفن : تسلم حبيبي متقصر
مهيب : والله لان الغده مو هسه يتااخر يلا ايوزعونا
استيفن : حبيبي تسلم

مهيب : وعلى خيمة ترى همه ينطون وفراش ملابس
استيفن : لا همه انطوني بس اريد وحده ثانية
مهيب ،: ماراح ينطون كل عائلة وحده ينطوها لحد مايشوفولهم مكان بكرفان وينقلوهم صار شهرين اني بالخيمه
استيفن : لا صدك تحجي مو هوايا متأخر
مهيب : يابه اتحجي اكو عالم راح ايصيرلهم سنه على هل وضع ينتظرون محكمتهم ياخذون الاوسفايز الازرك او الاسود وينقلوهم بعد من هل جزيرة ومناك العالم اتشوف طريقة تطلع

رواء : ها مهد منو ذول
مهد : مااعرف والله لج تعالي رواء انطونا خيمه اني واستيفن وحده
رواء : احنه هم بس وحده
استيفن: اعرفكم عماد صديقي
عماد : السلام وعليكم شباب
الكل : عليكم السلام

ناصر : المهم خوية حاليا انتم ماتكدرون اطلعون منا لحد ماتكمل اجراتكم
عماد : الله كريم حالنا حال هل عالم ..
استيفن : اجه موظف عماد
الموظف : هيا تعالو استلمو الملابس
عماد : نترخص شباب رحنا وي الموظف انطانه الملابس كل واحد كيس أسلمت مال رواء واستيفن اخذ المهد
يلا كومن
رواء : وين اروح
عماد : انشوف مكان امخلي الخيم بي ..
مهد : كمنا حطينا الجنط بظهرنا وكمنا شارع طويل بين اجبال كله خيم أشكال الوجوه شفنا جميع الجناسي هنا
مهيب : استيفن تعال يمنا اكو مكان ونظيف قريب من يم الحمامات
عماد : امشي انشوفة
مهد : اني ورواء ع ساكت نمشي صارت صعده اتموت شكد ماامشي احس ارجع اليورا البرد والجوع والخوف والتعب كله باان واحد
وصلنا يم خيم اكبار وسياج مسيج اكو مكان كد اربع مترات يطلع ..
خلو الغراض بي وبلشو اينصبون الخيم
اكلج رواء اني ماابقه وي استيفن راح اروح اكوللهم ايخلوني وحدي

رواء : اشلون وحدج ماشفتي نمشي وياهم والهنا عبالك يردون ياكلونه اكعدي يامهد وتعمين على هل ولد كال زوجتي هاي
تردين يسجنو
مهد : لا عفيه ليش يسجنو
رواء : ها لعد سهله كذب عليهم وعلى شرطة كذب علمودج
اصبري هسه انشوف حبي

استيفن : عماد اشلون هسه فهمني
عماد : شنو اشلون ها تقصد انت ومهد والله مااعرف استيفن
خليها وي رواء هسه واني وياك هنا شنسوي
خوما انكلها دبري امرج
استيفن : لا طبعا ماترهم يلا تعالو ادخلو افرشوها من جوا وهاي ملابسج مهد
مهد : رحت اخذت الكيس منه كملو وحده من الخيم والله يطلع عرض الخيمه مترين دخلت اني جوا وبس دخلتي اللخيمه اتفشل واسمع رواء تكركر وراي

عماد : ههههه شبيج فوتي ادفي جوا وغيري ملابسج لا تتمرضين
رواء : هههههه اذكرت احلام المراهقه جنت اتمنى اقضي يوم بخيمه وشوي ومي قريب من عدنا والله فدوة اروحلة ماخلاها بنفسي

عماد : هههههه اشبعي من الخيمه وهسه اشويلج استيفن
مهد : اسمع حجيهم وضحكهم مالي نفس حتى اضحك احس كلشي تافه فرشت الكيس مال الملابس بالارضية لان رطوبة وفوكه بطانية طلعت الملابس فاتت رواء طلعلي تشيرت اسود صوف وبنطرون أخضر وجواريب وخاولي وفرشة أسنان ومعجون وحتياجات نسائية

رواء : بله اشوف جهاز شهر العسل مالتي ههه
مهد : راح ايعجبج متااكدا فتحت لكيس مالها طلعلها بجامة سوده وتشيرت سمائي صوف وجواريب وهم مثلي بدلنا ملابسنا

استيفن : مهيب وين الحمامات
مهيب : هناك ذنيج الكرفانات
استيفن : تسلم عماد رايح اغسل وابدل
عماد : روح بدلت هنا رواء خيمتنا مقابل خيمتهن
رواء : ها حبي
هههههههه شني هاي
عماد : اسكتي جني موطه ام العود تشيرتي فسفوري
وبجامتي صفرة

رواء : ههههههههه يلا المهم ندفى شنسوي بلكت اكو سوك شي نطلع نشتري لان حتى الجبناهن كلهن مي
مهد : احس عماد ورواء ايمثلونا اني ومصطفى
كاعده بالخيمه داخله بكيس المنام واسمعهم يشاقون واحد يصنف ع ثاني .
بس ادموعي اصب مجاي اتقبل خبر موته ولا اصدكه ولا راح اصدك
اريد امل بحياتي مجاي الكه

مهيب : عماد خوية هاك ام الجهال قلتلكم بتيته وطماطه لحد مايوزعون الغده الظهر
عماد : حبيبي تسلم ابو حمودي ماقصرت اخذت منه الماعون وبجدر مسوين الطماطه وخبز عيش
هاج خلي هسه يجي استيفن وناكل

مهيب : تدلل حبيبي بالعافيه
استيفن : ريحة طماطه موو
عماد : ههههه اييي تعال اكل ..

مهد : كمت كعدت رواء دخلت ماعون بتيته وجدر طماطه دخل عماد كعد بصف رواء ورا استيفن دخل انحشكنا حشك حتى سحابة الخيمه ماتنسد ظهر استيفن طالع ع شارع

عماد : حاس روحي كدامي قوزي ومكيف من جوع
رواء : ههههه اكل يعمري هاك لفه
اكلو شبيكم تصفنون
مهد : جريت الخبزة غمست بطماطه
عماد : ماكو خيار بصل رواء
رواء : لا حبيبي مارايحين السوك
الكل : ههههههههههه
استيفن : هههه والله ياعماد
مهد : ابتسمت على رواء وعماد الله ايديم الضحكه عليهم
احس دفينه لان كلنا سويا
كملنا اكل عماد واستيفن طلعو اتمددنا اني ورواء بالسليب مال النوم غلبني النعاس مااعرف بعد شصار ..

استيفن : عماد رايح وي مهيب ومحمد اجيب لايت اللخيم
عماد : ماشي روح .
استيفن : رحت استلمت بالكرت مالتي ومال عماد لايت ع طاقة الشمسية جبتهم خليتهم ع شمس وكعدت يم الشباب مسوين مثل الكافتيريا الصغيرة وكلمن نركيلته كعدت وي الولد انركل
وانتظر ذني يشحنن
اكول محمد السوك وين صاير

محمد : مايصير حاليا تطلع لان بالباص ايطلبون منك ورقة وكرت يسمحولك تجول بالجزيرة
استيفن : منين اجيب ذني
مهيب : باجر احتمال تستلموهن انتم والعائلة
صدك انت منين من ياعشيرة

استيفن : اني مسيحي
مهيب : والله حسيت من شكلك والهجه مالتك اشوية اجر بيها ههههه
استيفن : هههههه بالعكس بالهجه محد ايحس اني من غير طائفة

مهد : كعدت من نوم فزيت على صوت بنات ايسوالفن وجهال تركض مدري تتعارك كعدت شفت رواء نايمه اريد حمام اشلون اوف مااكدر اصبر فتحت الخيمه وطلعت .. لا عماد لا استيفن وينهم لبست برجلي رتبت شعري باايدي بنات واكفات يم الخيمه اليمنا ايسوالف باوعن علية ..
اتخطيت اليكدام مااندل والكل جاي ينزل بيده اكل جايب صار الغده شنو
رجعت يم خيمتنا
خل اسئل البنات هسه شبيه

السلام وعليكم
ام محمد : وعليكم السلام
مهد : بلا زحمه وين الحمامات صايرة
ام محمد : اتنزلين جوا صايرات على يسار يعني اتعوفين الكهوا وراج
مهد : شكرا لج .

استيفن : شفت مهد نزلت وتباوع ادور على شي هاك مهيب
مهد : الشارع بس نزله قوية عزا هسه اشلون بيه بس لا اضيع شفت استيفن اجه يمشي اشرتله
استيفن : ها محتاجه شي
مهد ؛ افرك بااديه من البرد والخجل ومنا مضايقه ها اييي اريد الحمامات وين

استيفن ؛. هناك جوا تعال امشي نزلت كدامها امشي
على كيفج
مهد ؛. الدنيا اغروب والعالم كلها تمشي بستعجال اشرلي. ع حمام عزا كلها مي وطين الكاع وبطاله مشمره والريحه يبوو حطيت ايدي على خشمي
استيفن : المكان وسخ انتبهي اني انتظرج هنا روحي
مهد ؛. اشرتله براسي فتت
مهيب ؛. استيفن اتروح تستلم العشا انت وصاحبك
جاي ايوزعون
استيفن ؛. اي هسه جاين تسلم خويه

مهد ؛. طلعت واكف على نفس لوكفه استيفن يلا اروح
استيفن ؛. اي يلا خلي اكعد عماد اروح انجيب العشا
مهد. ؛. ليش وقت عشا هسه بعدها ساعه خمسه
استيفن. ؛. شمدريني مااشوفيها بسرعه صارت المغرب
مهد. ؛. اباوع عليه شكله مانايم انت مانمت شنو
استيفن. ؛. لا مانمت جنت انتظر يشحنون الايتات علمود باليل انشغلهم
مهد. ؛. وصلنا الخيم فتحت السحابه وفتت بارده صارت
تكتل
ماكو رواء هاي وينها
استيفن ؛. عماد فتحت سحابه لكيت رواء يمه بعدت
عماد ؛. جايك
رواء. ؛. كوم عفيه ترى جعت
عماد. ؛. ماشي روحي يم مهد
رواء ؛. شبيك ماكو كتلك مدري وينها كعدت مالكيتها
عماد ؛. استيفن وين مهد وياك جانت

استيفن. ؛. اي راحت ع حمام
مهد ؛. اسمعهم يحجون فتحت السحابه هياني عماد وين رواء
طلعت من الخيمه طلع راس عماد من الخيمه
عماد ؛. هاي رواء ادور عليج اجت
دوخري خل اطلع
مهد ؛. ههه وضعنا صدك ايضحك انوب عماد طلع جنه بلبل بالملابس هاي استحيت درت وجهي حصرتني الضحكه.
استيفن. ؛. هههههه ترى كلش حلو عليك هل لون
عماد. ؛. اي اضحك جني موطه بيهم ديلا خل بس ندفى
استيفن. ؛. صار العشه امشي اروح
رواء. ؛. ها مهودي وين الحمامات صايرات
مهد. ؛. منا جوا اتنزلين
عماد ؛. روح انت ومهد هسه نجي بس اروح ع حمامات
استيفن. ؛. يلا مهد
مهد. ؛. رحنا ع اكل سره اطول من حياتي وكفنا ننتظر
مصطفى احس وياي واكف مايروح من بالي مشتاقه احضنه اسمع صوته

استيفن : مهد
مهد : ها مصطفى بارعت على استيفن فشلت منه اعيوني احس ايحركوني دمعتي اتريد توكع
استيفن. ؛ بقيت ساكت شنو مصطفى
مهد. ؛. اسفه كول اسمعك
استيفن. ؛. لا ماكو شي بس جنت اكولج اذا بارده انطيج جاكيتي
مهد. ؛. ها لا تسلم صفن بنات بصفي ايضحكن ويشافن بينهن
استيفن ؛. وين صارو ذول
مهد. ؛. بقينا انباوع ورانا ماكو عالم كومه ماانشوف عماد ورواء البنات ايبارعون على استيفن ويضحكن

استيفن. ؛. ههه عماد عماااااد اشرتله هنا تعال
مهد. ؛. واخيرا اجوي وصل سرا مالنا استلمنه الاكل رجعنا نمشي
عماد. ؛. فوتو ع خيمه يلا استيفن جيب الايت واحد هنا
استيفن. ؛. هاك انطيته له فتت اللخيمه بارده وجوعان خليت الاكل كعدت اكل
مهد ؛. دخلت خليت البطانيه عليه بس اعطس اوووف ع برد
رواء. ؛. تعالي اكلي حبيبتي
مهد. ؛. اشو مااشتهي والله اكلي انتي
رواء. ،؛. لا حبابه ع واهس تعاي شبيج يلا كومي
فتحت الاكل دشوفي مسوين استيك دجاج وتمن ابيض
مهد. ؛. ماريد حجيتها ونزلت دموعي مخنوكه رواء مصطفى مايروح من بالي
رواء. ؛. حبيبتي الله يرحمه برحمته الواسعه اترحميله كلنا ع هل طريق
مهد. ؛. بعده ماشاف شي من حياته واني اخر مره زعلته حيل مني
بس مااقصد والله ولا اعرف هيج ايصير ياريت لو اكدر ارجع الزمن شويا
استيفن. ؛. الخيمه مالتنا بصف مال البنات اسمع مهد تحجي وتبجي صوتها مسموع حيل انقهرت عليها اني حيل فراغ صار بحياتي بسبب زهراء اشلون اذا هيه مره والي صار وياها
مهد ؛ مر اسبوعين استلمنا الاوراق الي تسمح لنا نطلع من جزيره اروح سوك مثلا وهيج بقينا بالخيم نفسها عماد وي استيفن اينام واني وي رواء اشترينا سيم كارتات حتى نفتح نت حظرت امي والي مايسمى خالتي كل مااتصل ماعندها نت
عماد سوالي صفحه جديده ع فيس وحرك ذيج لان كومه تهديدات تجيني من حسابات غريبه اكيد ستار وراها

رواء. ؛. مهد اتروحين وياي لو تبقين
مهد. ؛. جنت كاعده بشمس برا والايتات ايشحنن يمي
رواء. ؛. نازلين على سوك اريد اشتري جاكيت وكم شغله
اني وعماد ونتغدا برا

مهد. ؛. ها فكرت مااروح خطيه يبقون وحدهم احسن يكفي اني وي رواء انام واكعد لا مااروح تسلمين حياتي روحي اتونسي
رواء. ؛. ماشي اذا رتي شي خابريني عود
مهد ؛. ماشي

اشويا اجت مرت مهيب الولد الي اتعرف علينا من دخلنا هاي ثاني مره اشوفها
نور. ؛. هلو عيني اشلونج
مهد. ؛. هلا بيج الحمدالله انتي اشلونج كعدت بصفي وجهالها كدامنا يلعبون
نور. ؛. زينه اشوف وحدج وين رواء لعد
مهد. ؛. راحت ع سوك هيه وزوجها
نور. ؛. ها خل اتروح تتونس
استيفن. ؛ رحت ع مستوصف مال المنضمه اجيب دوا مال افلاونزا
رجعت شفت مهد كاعده يمها وحده مرت مهيب يمكن
صحت عليها مهد اشرتلها تعالي
مهد. ؛.

اترخص راجعه كمت رحت ع شارع ها استيفن
استيفن. ؛. هاج هذا مال افلاونزا وهذا مال التهابات
مهد. ؛. ماشي اخلي عدنا يعني لو وين
استيفن. ؛. اي خلي بخيمتكم واريد الفلوس الي عندج
راح اروح اصرف
مهد. ؛. ماشي عادي اصرفلي وياك
استيفن. ؛. محتاجه شي ليش كوليلي
مهد. ؛. لا تسلم والله بس اريد اصرف اخاف احتاج شي
استيفن. ؛. ماشي عماد ورواء راحوا

مهد. ،؛ اي قبل شويا رايحه اجيب الفلوس
رجعت ع خيمه نور يمها اثنين بنات كعدن مااعرفهن فتت طلعت افلوس استيفن الي ضمهن يمي واني طلعتلي مية دولار ايصرفها الي

هاك
استيفن. ؛. ههه مو كلهن يمعوده انطيني بس ورقتين وين اروح بذني
مهد. ،؛. عبالي كلهم مااعرف
وهاي مالتي صرفها
استيفن. ؛. ماشي تردين شي بعد

نور. ؛،. زوجها اشكد حلو
ليلى. ؛. اي محمد كال مسيحي الولد هذا
نور. ؛،. ها مااعرف بي مسيحي لعد مهد مسيحيه هم
سجى. ؛. اي لعد لو مسلمه ماايصير تاخذ مسيحي
مهد. ؛. لا مااريد تسلم
رجعت يم البنات
نور. ؛،. مهد مسيحيه انتي
مهد. ؛،. ها بقيت ساكته ويباوعن عليه
لا مسلمه اني
نور. ؛،. ههه اشلون مسلمه ومزوجه مسيحي زوجج مو مسيحي
مهد. ؛،. ها اي اي مسيحي بس قبل ما دااحجي اتصلت خالتي ع فيس دزيتلها طلب قبل بس هسه وافقة عليه طفرت من مكاني
اترخص منكم

فتحت خط الوووو خاله ايدي ع كلبي احس راح يطلع من مكانه
انسام. ؛،. ها يمه اسمعيني مهد
مهد. ؛،. اي اي اسمعج فتت ع خيمه اشلونج
انسام. ؛،. اشلوني يمه بضيم حالي
مهد. ؛،. اسمعها بجت نزلت ادموعي وياها وين جنتي بالي يمج والله
انسام. ؛،. ماعندي افلوس اسوي الاشتراك خلص اليوم انطو الرمز جوارين الملاك اشلونج انتي زينه وين انتي هسه
مهد. ؛،. اني جاي اموت والله خاله
انسام. ؛،. الله كريم يمه
مهد. ؛،. اني عبرت ع يونان خاله
انسام. ؛،. احسن يمه خليج بعيده هذا الساقط اجه اللبيت ايسب ويهدد عباله اعرف مكانج واكله

مهد. ؛،. ابن الكلب الله ياخذه حسبي الله ونعم الوكيل عليه
وامي خاله حجت شي ماكالت شي
انسام. ؛،. ليش نسرين من شوكت اتفكر بااحد اجتي اول يوم الفاتحه وبعد ماشفتها اتصلت اتكول ستار ميقبل احكي وياج بعد وراح ادزلج كل شهر مصرف
وسدته

مهد. ؛،. الله ياخذهم
انسام. ؛ فهميني اشصار وياج اشلون كشفتي ابن الحرام هذا
مهد. ؛،. حجيتلها الصار كله صارت ادك وتلطم انكطع النت
اوف يجوز طفت الكهرباء عدهم
تذكرت الايتات برا مسحت وجهي وطلعت اشوفهن بحطتهن بعدهم اخذتهم جبت مالنا ومال عماد واستيفن خليته بخيمتهم رجعت بالشمس صار وقت الغدا الكل يصعد صارو بقيت اني بمكاني مااكدر اعوف الخيم واروح

نور. ؛،. ها مهد اتروحين
مهد. ؛،. لا مااكدر اعوف الخيم هسه يجي استيفن بلكت
نور. ؛،. ها براحتج
انتبهي ع خيمتنا عفيه لان مهيب راح علمود ايسوي الاوراق
مهد. ؛، ماشي
اجه واحد من المنضمه وياه وحده يحجون انكليزي
حجيت وياهم كالوا اكو كرفان بي مال شخصين الازم ينتقلون ع كرفان
فهمتهم انو محد موجود كالو ساعه ويرجعون اوف
هسه اشلون لو اني وستيفن لو رواء وعماد

اتصلت ع استيفن رفضه اهووو
استحي اتصل ع رواء اخاف عيب هسه يلا بقوو وحدهم
رجعت كعدت بالخيمه
عماد. ؛،. ترى اكلج ميصير هيج
نبقه كلمن بجهه
رواء. ؛،. شبيدي قابل عماد عبالك الموضوع باايدي
عيب البنيه وين اتروح
عماد. ؛،. ترى بعدنه عرسان امدا حضي هم عريس عود
رواء. ؛،. ههه اشتاقلي اكثر غمزتله واكفين بالباص وهوه ايدردم اكلك هذا مو استيفن
عماد ؛،. اي والله جريته من جاكيته ها ولك وين جنت
استيفن ؛،. هههه جنت اصرف وجبت اكل ملينا من اكلهم
عماد. ؛،. ومهد وحدها بقت
استيفن. ؛،. اي ماردت احرجها واكلها اطلعين

رواء. ؛،. خطيه بس لا بقت بلا اكل
استيفن. ؛،. جبت بيتزا وياي نزلنا من الباص اكلتو انتم
عماد ؛،. اي اتغدينا
رواء. ؛،. فتحت سحاب الخيمه ها مودي نايمه
مهد. ؛،. لا كاعده حبي زين اجيتو وين عماد
ماده راسها من الخيمه وتحجي رواء
رواء ،؛. هذا
مهد. ؛،. سويلي مجال اطلع اكلكم اجه واحد من المنظمه
استيفن. ؛،. اي
مهد. ؛،. ايكول الازم اثنين يرحون ع كرفان بي مال شخصين
كتله محد اكو كال ساعه وراجعين خل يتحظرون ينتقلون
عماد. ؛،. لا صدك ماكتيله اربعه احنه

رواء. ؛،. يمكن اجوي ذول
استيفن. ؛،. اي علينا جاين
مهيب. ؛،. ها السلام وعليكم
الكل ؛،. وعليكم السلام
مهيب. ؛،. خير مجمعين برا
المنظمه ؛،. مرحبا هل قررتو من ينتقل على الكرفان
عماد. ؛،. لكن اربع اشخاص نحن
المنظمه :،. لا كل شخص مسؤل عن نفسه وانتم هنا كل زوج مع زوجته هل هذا صح
استيفن. ؛،. نعم

المنظمه. ؛،. اوك هيا من سوف يرحل منكم
مهد. ؛،. افتهمنا عليه انكليزي يحجي بقيت اباوع الرواء روراء اتباوع عليه
عماد. ؛،. ها اشلون ترحون انتم
مهيب ؛،. يمعودين روحو احسن مااحد ياخذ المكان بلكت ايصير مجال بي الكرفان عاد تنجمعون بي
استيفن. ؛،.

عماد ضايج من الوضعيه اصلا روح انت ومرتك عماد
عماد. ؛،. وانتم اشلون مااكدر احجي هذا واكف الرجال
مهد. ؛،. اوف اشلون موقف اي روحوا رواء بلكت تبقه الخيمه ابقه اني بيها احجي وي روحي
رواء. ؛،. جريتها اكلج وانتي اشلون تبقين وي استيفن
مهد. ؛،. لاااا طبعا ابقه بالخيمه هنا وهوه بخيمته

رواء. ؛،. ماشي
عماد. ؛،. يلا رواء لعد
استيفن ؛،. راجعلك اني بس انقل الغراض واشوف المكان
استيفن. ؛،. ماشي روح
مهد. ؛،. حيل ضجت بس مو طالع شي باايدي بنهاية البنيه سوت الي محد ايسوي وياي
بقينا اني واستيفن واكفين وهذا الرجال مهيب
مهيب. ؛،. بس ايشيلون الخيمه قدم مالتك بدالها ليفوك احسن
استيفن. ؛،. ليش راح ياخذوها الثانيه
مهد. ؛،. بقيت فاتحه حلكي شنو ياخذوها
مهيب. ؛،. اي هسه يجون ايشيلوها مااشوف مرقميهن علمود اذا احد يشتري وحده ايعرفو وياخذوها منه
مهد. ؛،. خرب حضي اي والله

مهيب ؛،. اترخص خويه اخذو راحتكم
استيفن. ؛،. غالي مهيب مع السلامه باوعت ع مهد هسه شنسوي
مهد. ؛،. والله مااعرف كعدت ع صبه يم الخيم فات اللخيمه استيفن
استيفن. ؛،. فتت خليت الاكل
مهد. ؛،. استيفن اجوي ذول ياخذون الخيمه يمكن
استيفن. ؛،. ها مهد باوعت ذول يردون ياخذوها حجيت وياهم ايعوفوها ماقبلوا
فوتي مهد اخذي الغراضج جيبيهن

مهد. ؛،. اخذت جنطه مابيها اصلا غير ذهب امي والفلوس وجاكيت وبجامه والسليب مال نوم وبطانيه اخذهم مني استيفن خلاهم بالخيمه مالته
وبلشوا ايفتحون الخيمه
استيفن : فوتي انتي ع خيمه لا ضلين برا خلي انشوف اشلون انحلها
يتبع

اتمنالكم اوقات سعيدة اسفه ع تأخير نشرتها هسه بسبب الانقطاع الطويل