بقلم:جنه بغداد
#ما تخفيه الحروب
.
.
.
_لا زال عقلي في هواك هائما
ورفضت عيناي لغيرك تنحني🤍
.
.
.
نصدمت من كلت لها اوراق طلاقج اخذت مني الأوراق و هيه ايدها ترجف و وقعت على الأوراق و انطته الي
_شمس بخوف:شلون اجه توقيع هيثم هنا
_العضيد برود:مو شغلج هسه كدرين ترجعين بيتكم
خليت و درت وجهي عنها و ردت اطلع بس وقفني صوتها
_العضيد اسفه والله اني متندمه حيل لان سويت هيج
رديت عليها واني واكف مكاني حتى بدون ما التفت عليها:انتي صرتي ماضي العضيد لي ما يريد يتذكره و متندم عليها
خليت و طلعت و ديت الأوراق صديقي وهنا صارت الشمس العضيد من الماضي بهاي فتره كدروا يقتلون ابو ميثاق و جماعته و الخطر راح عن خيزران شوي ياله كدرت ارتاح من التفكير و القلق و و بدت رحله جديده حياتي هيه عباره عن رحله خيزرانه جنت كل ما انزل من بغداد اروح اشوفها بالسر و ابقه اراقبها حد ما ترجع البيتهم جانت مرات تروح الجسر الجادريه تبقى تباوع على النهر و الناس بعدين ترجع اكثر شي تسوي هيج ايام شتاء شكد الجو بارد بس هيه تبتسم اتذكر يوم من الايام جو بارد ثلج و مغيم و هيه طلعت من المستشفى بعد مناوبه ساعه خمسه الصبح بقيت امشي ورها بالسياره بس مخلي مسافه بينه حتى ما تشوفني وكفت على الجسر طبعا ماكو احد بالمكان لان اصلا اليوم عطله و بارده مستحيل احد يطلع من فراشه بقت تتأمل المكان بهدوء و بيدها كوب كهوه او جاي و لافه لفاف اسود على ركبتها و لابسه بنطرون اسود و سويتر هم اسود يوصل فخذها و فوكه كوت بيجي طويل ويه كل هبه ريح يطير شعرها قصير جنت اباوع عليها مثل مالك الدينا و ما بيها طلعت جهازي و اخذت اصورها حد ما شوي و بدت قطرات المطر تنزل و تحضن الكاع ابتسمت و فتحت ايدها باستمتاع بقت جو المطر بدت تمطر حيل وهيه واكفه فتحت الباب السياره حتى انزل و اخليها تدخل سيارتها اخاف تمرض بس تراجعت عن الفكره من شفتها رايحه سياره مالتها مدري شوي و رجعت وكفت جوه المطر سمعت صوت اغنيه حسام الرسام((احظني كل قوتك حبييي ))
بقت تفتر جو المطر وهيه تسمع الغنيه و تغني وياها طلعت جهازي مره ثاني و بديت اصزرها فديو بس كلمات الغنيه حيل شدتني احسها توصفني اني وياها
_العضيد بهمس:شكد ما انتي قريب عليه شكد ما انتي بعيده بنفس الوقت مثل بعد النجوم بالسماء
خلصت كلمات الغنيه و رجعت السياره و شغلتها و راحت البيتهم بقيت امشي وراها حد ما دخلت بيتهم و بعدها رحت اني البيتنه و هيج مرات الايام عليه مثل السجن بس شوفتها جانت فرج ليه حد ما يوم من الايام اتصلت عليه اركان واني اشتغل بالمكتب بالمركز دنيا الليل ساعه عشره
_العضيد:هاااا حبيبي شنو تردين
_اوووف حبيبي مشتاقه صوتك ليش هيج حارمني منه طول اليوم
_العضيد:يا بعد جبدي غير بالشغل شاكني نصين اخلص و اجي اطلع هذا اشتياق من عيونج
_متأكد طلعه من عيوني لو من غير مكان
ضحكت على كلامه و عرفته جاي يسوي حركته وهو تحريك حواجبه
_ العضيد:حبيبي صايره مستهتره كلش شبيج مفلفه
_جا شنو اسوي إذا انته و وباء صارت شوفتكم حصره عليه
_العضيد:باجر اني بخلقتج بس من اخلص شغلي اجي
_انتظرك حبيبي انته
_العضيد:شنو تردين هسه مني اريد اكمل شغل
_اركان بجديه:اكولك ابو جحيم
_ الله يستر بيها ابو جحيم احجي
_اليوم ميان كالتلي شي يخص خيزرانه
_شنو هذا شي
_متقدم لها شخص و أهلها موافقين
_العضيد بغضب:انته شنو تحجي شوكت هذا حجي
_اليوم صار هذا كلام و هسه اهلها جاي يحاولن يقنعوها توافق
دخل عليه ضابط وياي ما كدرت ارد عدل
_ولاء:يلا ابو جحيم راح نطلع
_العضيد هو يصاك على سنونه :بعدين احجي وياك هسه عندي واجب اخلصه و نتفاهم
_اركان:تمام دير بالك على نفسك
_ان شاءلله
سديت الخط منه واني دمي فاير بس اريد اخلص مهمه راح نروح لها طلعت وصلت مكان تجمع جان اشوف صادق واكف كبالي
_هاااا ضلعي شبيك
_العضيد:صادق مو وقتك بعدين نحجي
_هاي شبيك وجهك ما يكصه سيف
_العضيد:ما بيه شي
_لا واضح كلش لك انته هسه شوي و تعارك ويه ذبان وجهك
_العضيد:لعد وخر مني حتى ما اتعارك وياك و طلع حركه كلبي بيك
_انجب ضلعي هسه نخلص هاي مهمه و نرجع تحجي لي كل شي
_الله كريم
عفته ورحت صعدت بالسياره جان عدنه مهمه لقاء قبض على شبكه تجاره مخدرات اقوه بغداد و اجت معلومه العصابه راح يلتقون مكان باطراف بغداد الفجر طول الطريق واني افكر بيها بس ارجع لازم احجي وياها او اروح اخطبها من أهلها بقيت افكر حد ما وصلنا المكان بقينه نراقب المكان عبرت ساعه ثنتين ونص واحنا بعدنه نراقب كثره تفكير خلتني اصدع خليت
_العضيد:صادق راح اروح اكعد بالسياره شوي
_روح ارتاح لان بعد ساعتين يمكن نطوق مكان
رحت كعدت بالسياره جان محد بيها خليت ايدي على عيوني و رجعت راسي على كشن و نرسمت صورتها بالي مدري شوكت اكدر ارتاح من تفكير بيها سنتين اني لا لليلي ليل ولا نهاري نهار من تفكير بيها مدري ليش احساس اجاني اسمع اغنيه حسام (حضني كل قوتك حبيبي) صح مو الوقت ولا مكان مناسب بس هاي شيء وحيد بعد سوار يخلني احس هيه قريب مني شغلت الاغنيه و بديت اسمعها خلصت اغنيه اخذت جهاز و رسلت لها اغنيه طبعا اخذت رقمها من اركان بدون ما يدري طلع عندي خطين يعني شافت اغنيه خمس دقائق وردت عليه
_منو انته وليش راسل هاي اغنيه؟
ابتسمت على ردها وكتبت الها
_مو مهم منو اما ليش رسلت الج هاي الأغنيه لان هاي اكثر اغنيه توصف مشاعري هسه
_طور:انته شنو جاي تحجي؟
عدلت كعدتِ و كتبت الها واني الضحكه شاكه حلكي نسيت اصلا اني وين وليش
_((احضني كل قوتك حبيبي خل اذوب بداخلك ))هذا جزء من الاغنيه يوصف كل مشاعر هاي سنين اريد احضنج و اعوض كل ايامي وانتي مو وياي بس ان شاءلله على قريب يصير هذا شي وعد
_طور:لا انته مستهتر كلش و أخلاق ما عندك و صوجي اني مضيعه وقتي واحجي وياك بلوك
ثواني و اختفت صورتها شخصيه عرفت حضرتني شمرت جهاز و بقيت اضحك خيزرانتي شرسه محد يكدر عليها نزلت من السياره و بديت اخطط اني و جماعتي شلون راح نطاوق المكان
صارت الساعه ثلاثه وشوي و تحركت السيارات وصلنه المكان مطلوب بعد فتره طاوقنه المكان و اصلت لنا اشاره هجوم هجمنه عليهم من كل الاتجاهات بده مشاحنات بينه و بينهم و بعد ساعه ونص كدنا ندخل المكان من كل الاتجاهات حتى محد يكدر يشرد دخلنا المكان هما بيه صوت الصريخ النسوان وصل اخر الدينا بقينه نفتش الغرف و نشوف مجموعه منهم واصلين مرحله من الشرب اخذوهم كلهم السيارات و بيقنه احنا نفتر بالمكان جان موجود بيه كل أنواع المخدرات و الشرب انواع هواي من السلحه و هواي اشياء ما تنذكر شفت جهاز الابتوب خالينه على الميز رحت أخذته و كعدت على الميز حتى اشوف شنو ما انفتح لان بيه رمز بديت اضغط على ازرار الابتوب و هما بدو يفتشون المكان و ينقلون الغراض الموجوده
_صادق:شنو جاي تسوي
_احاول افتح الابتوب
_صادق:عوفه اخذه وياك هناك فتحه
_ليش هنا احسن
_صادق:لان هذا مراقب
باوعت عليه بنظره شلون عرفت
_سمعت واحد منهم يكول الثاني بهمس
سديت لابتوب وأخذته وياي _اي يا هلا بالمراقبه
ابتسمت له بخبث
_صادق:هاي نظره اني اعرفها كل شي زين شنو ناوي تسوي
_بعدين تعرف
خلينا و طلعنا جانت خيوط الشمس هيه طالعه السيارات محاوطه كل المكان و أصوات لاسلكي و أوامر تجي كل مجموعه لان هاي مو بس مجموعه وحده مشتركه بيها لا هاي اشتركت بيها الاستخبارات و فرقه ذهبيه و فرقه الرد السريع كلنا حمدالله كدرنا نقبض عليهم بدون إصابات تقدم عليه واحد من ضباط فرقه الرد السريع
_عبدالرحمن:ابو جحيم
_هااا
_انتم راح تأخذون هذوال العارت
_العضيد:اي احنا اريد أحقق وياهم
_خوش لعد اذا احتاجت شي حاجيني
_العضيد:لا تخاف ما راح احتاج شي
_متأكد ما راح تحتاج شي انته ابو جحيم منو بكدك
ابتسمت له و هو راح طلبت من مجموعه تروح تشوف المكان اخر مره قبل لا احنا نروح راحو يفتشون المكان و مجموعه الثانيه راح تبقى هنا فتره احتياط اما الباقين طلبت منهم الانسحاب و نرجع المقر حتى نباشر تحقيق واني انطي تعليمات لاحظت شي غريب بنيه مدري احس وراها شي بقت عيني عليها ثواني و شفتها طلعت مسدس من وره ظهرها و وجهته على صادق جان كدامي لا اردي ركضت و صرت كدام صادق و ضربه صارت بكتفي صوتهم و هما كلمهم صيحون و هيه تبجي لان كلها لتمت عليها واخذو مسدس منها و آخر شي سمعته هو صوت صادق بس ما فهمت شنو يحجي و بعدها رحت عالم ظلام
**
_اديب بفرح:هذا الشخص هو عصام
بس خاب سقف آمالي من سمعت الاسم اخر شخص كنت اتوقع اسمعه اسمه مستحيل كمت من مكاني بغضب وصحت
_لا مستحيل اتزوج هذا الشخص لو يبقه اخر واحد بهذا العالم
_مسلم:ليش طور هو يحبج
_طور:لان اني لان ماك.
كل الألم الدينا تجمع بكلبي كل هاي سنين حاول ما افكر بهذا الموضوع بس اليوم بعد ما نفتح موضوع الزواج رجعت نقطه الصفر و تذكرته
سكت ما اعرف شنو اكول لهم
_عبير:ماما حبيبتي انتي حياة استقرار وانتي هسه صرتي جبيره و عارفه صح من خطأ و عصام يحبج لا ترفضين لان خوش ولد
_طور بغضب:اني كلتلكم ماااا اريد يعني ما اريد
_سلام:اكيد اكو سبب مووو
_عندي سببين مو بس سبب واحد
_اديب:شنو هاي اسباب حتى نفتهم هذا رفض
ما اعرفت شنو احجي لان كل سبب عندي اقوه من ثاني بقيت ساكته بس باوعت على مسلم حتى يسد الموضوع هو فهم عليه
_مسلم:يابه لا نضغط عليها عوفها على راحتها
_اديب:لا اريد اعرف شنو سبب يخليها ترفض هاي مره
_سلام:عوفها اذا ما تريد تحجي
رحت الغرفتي قبل لا اسمع رد بابا عليهم سديت الباب و دموعي بقت تنزل رحت كعدت على جربايه و ضميت وجهي بين رجلي
_طور بحزن:ليش يا رب بس اني هيج يصير وياي
بقيت ابجي حد ما اندك الباب هاي دكه مسلم اعرفها مسحت دموعي بسرعه
_طور بهدوء:ادخل مسلم
دخل مسلم وهو يبتسم بكل حنان اجه و كعد بصفي
_شلون تعرفيني كل مره
_طور بهدوء:لان انته الوحيد ادك الباب بهدوء مو مثلهم عبالك مسوين مداهمه
ضحك بخفه و مسح على راسي
_مسلم بهدوء:انتي بخير
_اي اني بخير ليش هذا سؤال
واضح عليه جاي اجذب لان بعده وجهي و عيوني حمره من البجي و غصه بصوتي
_طور
طريقه نطق بيها اسمي كان جواب انه هو يعرف بيه جاي اجذب
ما تحملت و نزلت دموعي بسرعه درت وجهي و مسحت دموعي حتى ما يشوفها هو بسرعه دار وجهي و حضني بجيت بكل قوتي طلعت الألم كل هاي سنين بقيت على هذا الوضع حد ما ارتاحت ابتعدت عنه و هو لزم وجهي و مسح دموعي
_مسلم:اعتقد هسه ارتاحيتي و كدرين تحجين شنو بيج مو
بلعت ريكي و هزيت راسي بعنى اي
_مسلم:اسمع
بلتت شفتي و بقيت افرك ايدي بتوتر و قلق ما اريد اكول الاحد عن هذا الموضوع بعد ما بقه بكلبي اكثر من ست سنوات
_مسلم:اذا ما تردين تحجين عادي
_طور :لا تذكر قبل ست سنوات من اجيت لكم بعيد ميلاد روز
_اي اتذكر
اخذت نفسي قوي و طلعت كلماتي بصوت مهزوز:بعد يوم من عيد ميلادها .................
خلصت كلامي و دموعي تنزل هو مصدوم ما متوقع كل هذا صار بيه واني ما حجيه الأحد شي
_مسلم بصدمه:ليش ما حجيتي هااا ليش
غطيت وجهي بيدي و بقيت اشهك السر وحيد ضميته حتى على أقرب الناس لي اليوم ياله كلتله
اجه حضني بقوه وهو يحجي بخوف و قلق واضح بصوته:لا تخافين كل شي له حل
_بس هذا شي مال حل
_مسلم:لا طور لا تكولين هيج كل شي ينحل و الله ما يترك عبده
_ونعمه بالله
_مسلم:باجر نروح الدكتور و نتأكد
_ماله داعي لان راحت مره ثاني و ثالثه و كلهم نفس الكلام
_مسلم:حتى لو نروح و نتأكد
_الله كريم
ملامح وجهه كلها تغيرت واضح عليه الحزن بس ما يحجي و يحاول يشجعني و يخليني قويه تمدد على الفراش و فتح ايديه
_مسلم:تعالي نامي كل شي يهون وعيونج
خليت و نمت عليه ايده و هو بقه يلعب بشعري شكد ما أكبر يبقى حضن مسلم هو الأمان و ملجى من كل الألم كلبي و حياة بقيت افكر حد ما غفيت بعد ما حسيت على شي كعدت على صوت جهازي يدك باوعت على مكان مسلم ماكو و الغرفه ظلمه عدلت كعدتي و رديت على الاتصال
_طور بنعاس:منو وياي
_انتي ما توبين من هاي عاده تردين بدون ما تشوفين الاسم
بعدت جهاز عن اذني حتى اشوف الاسم طلعت ميان رجعت الاذني وحكيت شعري
_طور بنعاس:شكو ميان شنو تردين
_هاي بس لا جنتي نايمه و كعدتج
_طور:اي جنت نايمه
_يااا ما ادري لو ادري جان خليتج نايمه
_طور:لا همزين كعدتني لان صار هواي من نايمه
_والله اشتاقيت لج و اتصلت
_طور:اني هم هذا ركيه شوكت ناوي يرجع اهلها حتى تجين
_ولج اسكتي مسوي حصار عليه يكول بعد ماكو روحه لهم
_طور:ياكل عسل مو هو بكيفه والله العب بيه لعب غير انا ما جابج من ترحين
_عاش عاش طارق البداخلج
_طور بضحك:طاح حظج طارق ولا طليان
_ميان بغضب:طوررررر مو انتي هم
_طور بضحك:اسفه اسفه مو قصدي بس والله عنده القاب اركان تموت ضحك
_اهووووو اروح احسن مو مال واحد يتصل عليج
_طور:لااا اوكفي اكو سالفه اريد اكولج عليها
_شنوو صاير
_طور اليوم عصام خطبني من بابا
_ميان بصياح:شنوووو عيدي ما سمعت زين
بعدت الجهاز عن اذني بسبب صياحها
_اريد اكولج وطرش بس بحقيقه اذني هيه لنطرشت
_ميان:عصام نفسه عصام يشتغل وياج بالمستشفى
_لا عصام باب الحاره اجه من سوريا حتى يخطبني
_ميان:انجبي و احجي كل شي شلون و شوكت شنو كال ابوج
حجيت لها كل شي من اول ما فتح وياي الموضوع حد ما عفته و صعدت الغرفتي
_ميان:والله مدري شنو اكولج بس استغربت منه زين انتي ما لاحظتِ تصرفاته وياج او ما لمح لج
_لا اخر فتره تصرفاته غريبه يعني صار يهتم بيه هواي و يلمح بس اني دائما جنت هم المح له هو مثل مسلم و سلام
_ميان:هسه شنو راح تسوين
_باجر راح احجي ويه و اكوله اني ما اشوفك له مثل اخواني
_ميان:زين ليش ما تخلين ابوج احسن اخاف ينجرح من كلامج
_لا بابا ما راح يوصل له كلام مثل ما اريد و بنفس الوقت اني اريد اكوله حتى ما يبقه بداخله امل
_ ميان:بكيفج بعد
سمعت صوت اركان وهو يصيح
_اركان:لجج طليان وينج تعالي سوي اكل ميت جوع
ما ردت عليه ضحكت عليهم مثل فاره و بزون ماكو فرق
_طور:لج مو يحجي وياج ليش ما تردين عليه
_ميان بضوجه:خلي يولي شنو يكول طليان
_طور بضحك:والله انتم صايرين سينمانا على سوالفكم
جان يصيح اركان:هيوووو مو احجي وياج ليش ما تردين
_ميان:هيوووو بعينك ما عاجبني ارد بكيفي
_اي مو طرشه و ما تردين
_ميان:طالعه عليك طرشه و ما اسمع غير
تحجي ويه من وره خشمها وهو نفس شي واني ميته ضحك عليهم
_اركان:ويامن تحجي هاااا حتى خاله جدي ثامن عشر مسوك من الجوع
_ميان بخبث:ويه حبيبي يلا لو سمحت اطلع خلي اكمل حجي ويه
_طور بصدمه:عزااا بعينج هسه يجيج عجل من حيث لا تدرين
_ميان بهمس:شحده غير ابو جحيم يسوي وصلتين
ضحكت على ردها لان مره كالت اركان ضربني لان تجاوزات عليه و العضيد معاقبه اسبوع بالحجز و بعدها تايب يمد ايده عليها
_اركان:تاكلين نعال مو كرن كدامج اني
ما حسيت له على صرختها و تصيح عليه يرجع لها فون
_اركان بغضب:السافل نذل ك.... ما عندك غير انته متأكد ما عندك غير هسه حتى امك و اختك كو.... يااا ساق... يا م...
يمه هو يفشر واني دخلت بهدومي من الخجل اريد كلمه تطلع مني اكوله اني طور ما اكدر اخر شي سمعت ميان تصيح عليه
_ميان بصياح:طااااح حظك اركان هاي طور شلون لسان سززز
_جذابه طور تسمعيني
بسرعه سديت تلفون و شمرته بقيت اهفي بيدي على وجهي من الخجل لسان اركان فالت الستار كمت و رحت أطلع ملابس حتى اسبح اخذت دشاشه قصيره و دخلت الحمام سبحت على سريع و طلعت مشطت شعري صاير نص ظهري لزمت اطرافه و حجية بهدوء واني عيوني مركزه عليه بالمرايه
_شكلنا راح نرجع نكصك مره مليون
رشيت عطر وكمت اخذت جهازي حتى انزل وصلت يم الباب وصلت لي رساله فتحتها جان اشوف رقم غريب بس جان اكو رابط ترددت افتحه بس بعدين فتحته جان تطلع اغنيه حسام ((احضني كل قوتك حبيبي))رجعت كعدت على جربايه و بديت اسمع كلمات أغنية هاي اغنيه كل كلماتها احسها توصف مشاعري و اكثر اغنيه تذكرني ابو جحيم خلصت اغنيه و طلعت منها و كتبت الشخص دز الرابط هو منو بس كلمات نرفزتني خاصه من تجاوز خليت و حضرته بقيت كاعده افكر من دزها واحجي ويه نفسي
_معقوله ضياء
ضربت راسي على كيف:هاي شبيج يا ضياء هو بحالج هسه وين معقوله عصام
هزيت راسي بسرعه نافيه تفكيري:لااا مستحيل عصام لان هو ما يحب هيج اغني اوووف لعد منو
بقيت كاعده افكر منو حتى ما نزلت جو باوعت على الساعه صارت بالوحده واني باقيه بس افكر خليت و تمددت على الفراش بديت و غمضت عيوني بسرعه نمت كعدت الصبح على صوت منبه هسه الوقت بالخمسة الصبح كمت من الفراش بخمول كمت غسلت وجهي و اسناني و طلعت رحت وكفت كدام كنتور اطلع ملابس طلعت فستان ابيض و بيه فراوله حمره يصير تسعين لبسته و رحت سويت شعري كعكه حتى ما خلية شي وجهي لان مالي واهس اسوي شي خليت و نزل جانت الساعه بالخمسة ونص شفتهم كلهم كاعدين على طاوله طعام
_صباح الخير جميعنا
ورحت بستهم كلهم و اخذت أسر من ايد مريم بست شعلت خدوده جان اسمع صوت روز تحجي بغضب ممزوجه بغيره
_شنووو هاي عمتو بس أسر تحبينه واني لا
رجعت أسر مريم ورحت لها و كعدت كدامها وحجيت بطفوليه
_اميره عمتها تغار من أسر
_روز بغيره:اي لان بسته قبلي
_اسفه اميرتي بعد ما ابوسه بس ابوسج انتي موافقه
فكت عقده حاجبه وحجت برائه
_روز:اني ما اقصد ما تبوسي بس اني اكبر منه لازم اني اول وحده مو هو
_لج اني شلون بهذا لسان اموووت عليه ها هيه انتي بعد ابوسج قبل الكل حتى قبل بابا اديب
كمت و لزمت خدودها بقوه و بقيت ابوس بيها و هيه ميته ضحك تعودت عليها هواي روز مو بس بنت اخوي روز بنتي احسها قطعه من روحي و اميره البيت محد يحجي وياها بكلمه و شنو تريد يصير شكد ميار تحاول ما نفذ لها شنو تريد بس محد محد يسمع كلامها تكول اذا بقت هيج راح تتعود على هذا شي وهيج خطأ
_روز بضحك:كافي كافي طووور
ابتعدت عنها واني ميته ضحك خدودها صارت حمره
_عبير:يلا ماما اكعدي اكلي شي و بعدين روحي الشغل
_لا ما اريد مستعجله لان عندي حالات لازم من وقت
اخذت زيتونه و اكلتها
_اديب:احنا شنو كلنا على هذا تعلوم
_بابا والله ما اريد اني اكل هناك وعيونك
_اديب:متأكده
_ييي واله
خليت و طلعت اتصلت على سبأ
_هااا روري وينج
_طور:عشر دقائق اني يمج جهزي نفسج
_ما عندي شي مخلصه كل شي
_طور:تمام لعد
سديت الخط من يمها صار اسبوع اخذ سبأ بطريقي لان باعت سيارتها و كالت فتره و اشرتي وصلت بيتهم دكيت هورن جان تطلع بسرعه بس شفتها نزلت من السياره و رحت حضنتها
_طور :مشتاقه لك هواااي اني
_سبأ:هسه يشوفج يكول صار سنه ما شايفتني وانتي يوميه كدام خلقتي
_صوجي والله
ابتعدت عنها و هيه رجعت حضنتني
_حبيبي انته اشاقه وياك اني شبيج
ابتسمت لها بهدوء_أي ادري
_بيج شي شو شكلج مو على بعض
_طور:سبأ مدري اليوم من الصبح كلبي يوجعني احس راح يصير شي
_اسم الله شبيج كولي يا الله
_طور:والله شبيج
_لا تخليني اخاف عليج
_طور بتسامه:لا تخافين بس انتي سوقي مكاني مالي خلك
_انطيني مفتاح
شمرت عليها المفتاح و صعدت بالصدر وهيه كامت تسوق وصلنا المستشفى
_راح انزل قبلج انتي طبكي سياره و اني اروح اشوف عصام
_سبأ:ترى امج سوالفت امي كل شي
_طور:شرقيه نيوز هنا
_شنو راح تسوين
_طور:احجي ويه عصام
_لا تسوين هيج خلي ابوج يحجي ويه
_طور:بس سبأ لازم يعرف اني ما احبه
_ابوج يكوله عوفي واذا هو فتح الموضوع وياج اكول له اني اعتبرك مثل اخوي
_طور بتردد:يعني انتي برأيج هيج لازم اسوي
_اي هيج سوي احسن من ما تخسرينه كصديق
_طور:تمام
اخذت غراضي و نزلت قبلها و هيه راحت تطبك السياره دخلت المستشفى رحت مباشره المكتب خليت غراضي على مكتب و لابسه لاب كوت اخذت الملف موجود على الميز واشوف مرضه عندي موجودين بالمستشفى خليت ورحت افتر عليهم اشوف حالتهم بعد ساعه من فره خلصت رحت الكافتيريا اخذت جاي و رحت امشي بالممر المستشفى طبعا هيج وقت المستشفى هدوء لان هسه ياله بالسبعه وكفت بسبب ألم كلبي صار ياذني حيل خليت ايدي على كلبي
_طور بألم:يارب استر ان شاءلله ماكو شي
بقيت امشي و بالي مو يمي بدون ما احس رجلي اخذتني قسم الطورئ وكفت كدام الباب
_طور:جاي اسوي هنا شبيه اليوم
ردت ارجع المكتب بس تراجعت و خليت و رجعت و دخلت قسم الطورئ مكان هدوء شفت سبأ واكفه تحجي ويه عصام
خليت ورحت لهم
_طور:هاي جاي تسون من دوني هااا
_سبأ:ما نسوي شي
_عصام :شلونج طور
_طور بجمود:زينه وانته
_حمدالله اذا انتي بخير
_طور:حمدالله سبأ شنو عندج هنا
_سبأ:اجيت احجي ويه عصام بخصوص مريض عنده عمليه باجر
_طور:هااا
_عصام:انتي شنو تسوين هنا
_مدري رجلي جابتني هنا بدون سبب
_عصام:انتي بخير
_ليش هذا سؤال
وأخذت رشفه من الجاي
_عصام:لا بس احس بيج شي
_لا اني بخير يلا راح اروح
مشيت خطوتين حتى اطلع جان اسمع صياح من بره جاي
ركض عصام و سبأ حتى يشفون شكو مدري ليش رجلي وكفت ما كدرت اتحرك و كلبي حيل اذني دقائق و اشوف صادق و يدفع بالسديه ويه عصام و سبأ و مرو من يمي و نايم على السديه هو جحيمي بقيت واكفه ما مستوعبه شنو شفته الطورئ نخبصت خبص صياح صادق و ضباط ويه يهدون بيه صوت سبأ خايف و هيه تحجي ويه عصام
_عصام كلبه دكاته ضعيفه فدوه ساعده
_صادق بصياح:والله العب بيكم لعب اذا ما كعد
جمعت شتات نفسي و لتفت اشوف عصام يسوي يضغط على صدره حتى يرجع نبضه بدون وعي ذبيت كلاس جاي وركضت لهم دفعت عصام بكل قوتي و صعدت على سديه و اضغط على صدره حيل وجسمي كله يرجف
_لا مستحيل تسوي بيه هيج سنتين ما شايفتك و من اشوفك تأذيني هيج
احجي بدون وعي و اني اضغط على صدره بقيت هيج ما استجاب صحت بكل قوتي
_جهاز انعاش بسرعه يلا
ركضت ممرضه تجيب الجهاز واني رجعت اضغط على صدره بس أريده يستجاب و كلبه يرجع دكاته طبيعي
_العضيد فدوه لا تعوفني اني خيزرانتك لا تاذيها لا تصير انته و ألم عليها والله امووت بعد ما تحمل
احجي ويه و دموي تنزل من وحدها اجت ممرضه تركض بعدني عصام عنه بسرعه و شك ملابسه و بده يستخدم جهاز مرتين و ثلاثه رجع كلبه نبضه طبيعي من الصدمه وكعت بالكاع
_عصام:حظرو صاله عمليات بسرعه يحتاج نطلع رصاصه منه
_ممرضه :حاضر دكتور
ركضت حتى يحظرون صاله عمليات اجت سبأ يمي و كومتني
_سبأ بخوف:طور انتي بخير
حركت راسي بلا بلعت ريكي _احس روحي جاي تطلع
_سبأ:لا تخافين ما بيه شي انتي راح دخلين عمليات تسوين عمليه
_لا ما ادخل شوفي غيري فدوه
_سبأ:لا انتي راح دخلين لان مفهوم
خلت وراحت اجت ممرضه و اخذو
_عصام:بسرعه حظروا دم هم لان نازف هواي
_ممرضه:تمام دكتور
اخذو وراحو مشيت جسد بلا روح كلبي يمه وكفتني ايد صادق باوعت عليه و عيوني ملاينه ادموع
_صادق بخوف:ابو جحيم بين ايدج سوي كدرين عليه حتى يرجع مثل قبل
_طور بخوف:صادق خايفه
_صادق :طور اعرفها ما يأثر عليها هذا شي بالعكس راح تساعد شخص لي تحبه بدون خوف
هزيت راسي بدون ما تحجي خليت و رحت حظر نفسي جهزت نفسي و رحت صاله عمليات غسلت ايدي و بعدين دخلت لهم لكيت سبأ موجوده و طاقم عمل دائما اشتغل ويه
_طور:سبأ تخدير
_خدرته و بنفس الوقت خلينه له بطل دم
_تمام
تقربت عليه و بديت اسوي عمليه جانت مصوب بجتفه قريب عن المكان انضرب بيه من نقذني ساعتين وخلصنا ما واجهنه اي مشاكل أثناء العمليه خيطت مكان الجرح ما قبلت احد يخيطه له اني خلصت و طلعت اغسلت ايدي و سبأ طلعت ورايه
_سبأ:انتي بخير مو
بسرعه التفت عليها و حضنتها و هيه بقت تمسح على ظهري
_طور بجي :لا ابد مو بخير شلون صار بيه هيج
_ما ادري هسه نشوف صادق و نعرف شلون صار بيه هيج بس انتي اهدي
_طور ما اكدر والله
_امشي غسلي وجهج و تعالي
طلعت سبأ قبلي واني رحت غسلت وجهي عرفت اليوم راح يصير شي مو زين كلبي حس بهذا شي غلست مره ثانيه و طلعت لكيت سبأ واكفه يم صادق رحت لهم
_صادق:شبيج عيونج حمره
_طور بتعب:ما بيه شي احجي شنو صار ويه حتى يتصوب
_صادق:كنه مهمه من ردنه نرجع اكو وحده ب... طلعت مسدس على مود تضربني بس هو دفعني و اجت بيه
_طور:زين ليش حالته اجت كلش و نازف دم
_صادق:لان مهمه جانت باطراف بغداد بين ما ولنا حد هنا نزف هواي
_سبأ:ترى اكو هواي مستشفيات باطراف بغداد ليش له هنا جبته
باوع عليه بعدين باوع على سبأ
_صادق:احمم ما قبل كال اخذني المستشفى.... كلتله بعيده بس هو ما قبل
_سبأ بخبث:اي شعنده بالمستشفى مالتنا حتى يتحمل كل هذا الألم
_صادق:عدكم قلبه خله يتحمل كل هذا
باوعت عليهم صفح و هزيت ايدي
_طور:شلون ثنين شاخطين على الاخير
_صادق بضحك:غير الموضوع غيري
_اسكتي اسكت مهم راح نقله الغرفه خاصه
_صادق:عيني سوي تردينه هو احد يكدر بعد يحجي وياج
ضحكت ورحت اطلب من الممرضه تنقله الغرفه خاصه و طلبت منها تمنع عليه زياره له يصحه ياله بعدها رحت المكتب و سديت الباب بالقفل اباوعت على ملابسي كلها دم رحت وطلعت بنطرون و بدي جنت خالتهن بالدولاب حتياط لان دائمآ تصير وياي هيج حالات غيرتهن و ذبيت فستان بسله الزبل لان خرب
_طور:حرامات من اول لبسه اذبك
عدلت شعري مره ثانيه و رحت أخذت حبوب وجع راس لان احس راسي راح ينفجر و اخذت جهاز و اتصلت على ماما
_عبير:هااا ماما حبيبي
_طور:ماما ترى اليوم ما اجي البيت
_عبير:ليش صاير وياج شي
_طور:لا تخافين ما بيه شي بس سويت عمليه شخص و انتظر اشوف حالته
_اي تعالي ارتاحي شوي و بعدين رجعي
_طور:لا ما اكدر اريد اتأكد من حالته اذا بيها اي اعراض
_خوش لعد دير بالج على نفسج و اكلي زين
_تمام من عيوني
سديت الخط و بديت استقبل مراجعين بقيت ثلاث ساعات ياله خلصت خليت و طلعت من المكتب و رحت الطابق بيه العضيد جان طابق خامس لان هو غرفه خاصه مشيت بالممرات حد ما وصلت الممر الغرفته بيه جان اشوف جيش العراق و دول مجاوره كلها موجوده كبال باب غرفته و صوت الممرض هو يكول ممنوع الزياره و شخص يتجادل ويه
_ممرض:هاي أوامر دكتوره ممنوع زياره حد ما تسقر حالت مريض
_...:ما يهمني اني اريد اشوفه يعني اشوفه غصبا عليكم كلكم مفهوم
مشيت سريع حد ما وصلت عدهم وحجيت بهدوء ممزوج بغضب
_طور بهدوء:انته رجل قانون و تعرف ممنوع اي شخص يخالف هاي قانون شلون تريد تخالف قانون
_اخالف لو كان هذا قانون يمنعني على شوفت صديقي
لتفت و نصدمت من شفت اركان كدامي هو هم انصدم
_متاكد تريد تخاف قانون
ابتسمت له ورفع حاجبي له
_اركان:شنو تسوين هنا ها
_اجيت ابيع خضره كلت بلكت هذا ممر يحتاج خضره
_اركان بعصبيه:مو وقت تحشيش شنو تسوين هنا
_تكدر تروح اني راح اهتم بالموضوع
وجهت كلامي الممرض بعدين لتفت على اركان
_اهدء شوي ترى مو بس هو المريض موجود هنا ترى اكو غيره هواي لا تسوي ازعاج
مسح على وجهه بخوف بلل شفته و حجه:طور راح اتخبل محد يقبل يكول شنو حالته هسه ولا شلون صار بيه هيج
ابتسمت بهدوء له حتى يتطمن:لا تخاف ما بيه شي بس بالبدايه هو نازف دم هواي و توقف كلبه لحظات بس بعدين كدرنا نرجع نبضات كلبه و حولنا على عمليه و طلعنا رصاصه من كتفه
_اركان:اذا ما صاير بيه شي و هيج لو صاير بيه شلون
_والله هسه وضعه احسن و اجيت اشوفه
_اركان:اريد اشوفه
_طور:من عيوني تعال ادخل يلا
فتحت الباب و دخلت و هو ورايه جان واحد من ضباط جان واكف
_هاي شنو دكتوره بس اركان تخلينه يدخل واحنا شنو هم ترى خايفين عليه
_اركان بغضب:اي مو رايح اتونس على كورنيش اني حتى تحجي هيج هو غير راح اشوفه و اطلع على سريع
خله ودخل وسد الباب واني واكفه ضحك بخفه عليه
_اركان:شبيج وجهه الجوب ضحكين
_طور بضحك:ما بيه شي
دخلنا الغرفه هيه باديه باب و بيه ممر صغير و بعدين الغرفه جبيره بيها سرير و كراسي و تخم صغير و ثلاجه و باب ثاني حمام شفنه صادق كاعد و ميت ضحك
_اركان:هااا صينيه شبيك تضحك
_اخخخ ولك بطني تعال شوف الضيم هنا
_طور:شنو صاير ضيم شنو
_صادق:ولكم هذا بقه يمسلت على اخير
_اركان:ليش شنو حجه
_انته انتظر هسه ثواني شوف شنو راح يكول
بقيت واكفه مكاني انتجيت على حايط و ضميت ايدي صدري و اركان راح كعد على كرسي صدك ثواني و حجه العضيد بس بثكل بسبب تخدير
_العضيد:قبل فتره كلتلها يمه هاي كبه طيبه
_صادق بضحك:اي
_العضيد:طلعت جانت تشتريها واني قشمر عبالي تسويها
هو كال هيج لو اركان و صادق خرب من ضحك ضحكت بخفه جان اركان يطلع تلفونه و يصور
_صادق:لك اركان عوفه لا تسوي له شي
لتفت عليهم العضيد و خزر اركان و حجه بتكسؤ
_العضيد:ابن نعال ابن قندره صاير شريف براسي
_اركان بضحك:لعد اذا مو شريف برأسك براس منو اصير
_صير شريف برأس ابوك..... مسوي نفسه شيخ و هو ايام زمان بطل عرك ما ينزل من ايده يكول سليمان زمانه بس ناقصه جواري تركص داير ما دايره الله جهنم و بأس مصير
خليت ايدي على حلكي و ضحكت او صادق كعد بالكاع لاوم بطنه
_اركان:مقبوله منك مريض مو بوعيك
_العضيد:شايفني نازع ملابسي و امشي بالشارع و الناس تشوف ....
خدودي صارت حمر بسبب كلامه و هما نصدموا منه
_صادق:ولك هذا راح على ترابي بعد ما يسكت
_اركان:العضيد انجب طور هنا لا اطيح حظك فوك ما هو طايح
_العضيد :خيزرانتي هنا
من كال خيزرانتي احس كلبي يريد يطلع من مكانه صار شكد ما سامعه هذا الاسم
_صادق :شوف سافل عرفها بسرعه واني ساعه اكول له اني صادق يكول ما اعرف عار بهذا الاسم
_العضيد:امشي كلب ابن نعال اطلع بره انته حرامي تريد تبوكها مني
_صادق:هو شنو ابوك منها غير جنها عوده مطيرجي
_العضيد:مضغوووووط منها لان جنها سنبتيك وانته جنك ثور هايج بارض الله
_اركان:يلا ثور ولا غير شي
_العضيد :انجب انته بغل
هما يضحكون و مستغلين فرصه و يصورن بيه نوب باوع عليه و رفع ايده على كيف و حجه
_العضيد:طور حبيبتي
_صادق:حبيتي
_العضيد:انجب نعال هاي حبيبتي بس اني
_صادق:لا حبيبتي اصلا هيه ما تحبك
_اكل خره كلب
جان يتفل بوجهه صادق و كمل:ارعن اكل قنادر اكص لسانك لو كلت هيج مره ثانيه اطلع بره ساق...
_اركان:يمعود اطلع بره هذا شكد ما وكلنا نعل و قنادر حتى خلصت من العراق
_صادق:هو صاحي ما ينجرع نوب هيج
بين ما هما يحجون جان سأل سؤال غريب ن
_العضيد:هذا ليش منعوا علينا الشرب شكد سافلين
_اركان:لي يسمعك يكول يشرب
_العضيد:اني ما اشرب لان اخاف رب العالمين بس هم اشرب هو اصلا حلال بس هذوال كو..حرموا هو اصلا بالجنه موجود
يحجي واشر بيده واحنا ميتين ضحك بس فكره شكله من راح يشوف فديو شنو يصير بيه تضحك
_صادق:لا حرام الله حرمه
_العضيد:خوش لعد هسه اريد مزز و كم بطل روح جيب بسرعه
_اركان:جا مو هستوك تكول على ابوي يشرب راح يدخل جهنم و بأس مصير
_العضيد:انجب ..... هو غير انته اكبر سكير بشرق الاوسط بس الله ساتر عليك يستر بس على عارات مثلكم
عدلت وكفتي وحجيت وياهم واني بكوه لازمه ضحكتي:كافي يمعودين خلي يرتاح مو زين عليه هيج
_صادق:تعوفينه نضحك عليه هو وين نلكه هيج فرصه بعد
_إلعضيد:خيزرانتي هاي انتي
_طور:اي هاي اني
_تعالي يا بعدل حيلي و سنيني وكل هلي
_اركان:لك العب صار روميو عاشق ولهان
_العضيد:انجب وجهك يكول بسطال عتيك
ضحكت و تقدمت عليه شافني و لزم ايدي و عصرها على كيف ادري مو بوعيه و كل جاي يسوي ما يدري بيه بس مدري ليش فرحت لان جنت مشتاقه لزمت ايده و فرق بين ايدي و ايده خشونه جلده من تلزم جلدي ناعم
ذب نفس قوي
_العضيد: اخخخ سويتي بيه خلتيني اعيش بالجحم واني الجحيم نفسه
بعدها لقاء شعر عمري ما راح أنساه نطبع بالي نفس اول يوم شفته بيها
من أين جائت هذا الساحرة
واثقتاً هدئتناً مكابرة
عيونها كالمدن المحاصرة
اجفانها نوارس مهاجرة
فزجت الجيوش بالجيوش
وهزت تيجان و العروش
ولاعبتني لعبة خاسرة
كيف استطاعت هذه الناهدة
تنسل بين أضلعي كنمرة مراودة
فأفزعت قطعاننا كلها
وأربكت أسرابنا كلها
وأقتنصتها دفعه واحده
وعصر ايدي مثل جاي يعاقبني على هاي سنتين كلمات القصيده خلتني اعيش بعالم ما بيه غيري و غيره نسيت اركان و صادق و عيوني غرغرت دموع بس سحبت ايدي من سمعت صوت صادق
_صادق:لك هاي شنو صاير شاعر واحنا ما ندري
_اركان:والله كلتلك عاشق ولهان بس محد يصدكني
_صادق:اي طور الله ربج بعد منو كدج إذا العضيد بنفسه يحبج و يقرأ لج غزل
_طور بخجل:كافي صادق حتى انته اركان مافي تصوير سده
_اركان:حاضر سيدي راح نسد تصوير
وغمز لي وضحكوا ثنينهم رحت وكعدت احس كل حنين هاي سنين رجع بس اخذت قرار بعد ها هيه لا حب ولا زواج اكرس حياتي شغلي و روز و أسر لان اذا تزوجت ما راح استفاد شي بس ألم بسبب هذاك السر دمر كل شي
عصرني كلبي و دمعت عيوني رفعت راسي و بقيت اباوع على السكف حتى ما تنزل دموعي نص ساعه و العضيد رجع الوعيه و كام يون بألم
_العضيد بألم:اخخخ جتفي
كمت على سريع و بعدت ايده جان لازم بيها كتفه
_طور بخوف:اهدء هسه تصير زين و يروح ألم بس لا تحرك
_العضيد بألم:شنووو هسه يروح ولكم جتفي احس نار و مشعوله بيه
_طور :ادري والله وحقك بس مفعول تخدير بلش يروح هذا بديت توجع
_اركان:سوي حل خلي هذا الألم يروح
_طور:له اضربه مخدر ياله
_العضيد:لو تضربيني قاذفه هم اقبل لان وجع يدك بكلبي
_اسم الله عليك انتظر لحظه
ركضت على جراره موجده بنهايه الغرفه سحبت كميه من المخدر و ركضت ضربته بيده وهو يلوب من الالم ويه كل ونه يونها احس روحي تريد تطلع من مكانها حد ما بده مفعول مخدر يبدأ ياله سكت و بعدها نام
_صادق:هاي شلون يبقه هيج يتألم
_طور:بس اول يوم لان جرحه بعده
_اركان:زين هسه حد شوكت يكعد
_الليل ياله يكعد لا تخاف بالليل يخف ألم
_اركان:خوش لعد
_طور:راح اروح هسه شوي و اجي
_صادق:وين رايحه ابقي و اسكتي
_طور:اروح اجيب جهازي من المكتب نسيته
_صادق:يلا لعد روحي
جذبت عليهم لان كلش بعد ما اتحمل و ما عندي اي طاقه و اصلا من الصبح ما ماكله شي خليت و طلعت محد اكو بالممر كلهم رايحين حقهم يرحون اذا اركان دخل الغرفه بعد ما طلع منها خليت و صلت نهايه الممر جان اشوف شي صدمني و آخر شي جنت اتوقع اشوفه
شفت.....وهيه واكفه ويه ...... وضربته راشدي و صاحت عليه بقهر
_شكد شايفه ساق... بس مثلك ما شايفه
.
.
.
بتبع
لا تنسون تصويت و تعليق احبكم ♥️🐆
_lns
@janaa20_j