الجزء الثاني # عشق أهل الأنبار
#للكاتبة رواء هادي #قراءة ممتعة لجميع
وقبل كلشي خلوا لايك وعلقوا
بين الفقرات .
خاله سهاد عاطت باسم رائد أني وعمي شوف شعبالنه صار وياها اجينه عليها بسرعة والصدمة النه رائد مفتح عيونه وصافن بوجه أمه دموع الفرح نزلوا
من الكل رجعت حضنته كل قوتها وتبجي عمي مامصدك يبوس بإيده وأني من الفرحة حرت شسوي وياي وأخيراً كعد الأمير النائم من سباته لدام ١١ يوم كاملين .
ردناه يحجي ماحجه بس يباوع ويحرك بإيده واصابعة بثكل خفنه ليش مايحجي رحت على الدكتور بركضه كلتله
رائد كعد من الغيبوبة بس مايحجي تعال شوفه
خطية الدكتور طلعت يركض وأني وراه ودكتور ثاني ورانه يمشي دخلنا الغرفة فحصه وراها الدكتور الثاني طلبوا من عدنا نطلع خاله سهاد عاندت
_والله ماطلع شوفوا شغلكم أنتو أني هنا كاعدة
الدكتور _تعيقين شغلنا خاله
سهاد _وأني شمسويتلكم لازمه ايدكم لو رجلكم
دشوفوا ابني شبي مايحجي وليش
جسمه ثكيل ؟
الدكتور _خاله من الطبيعي يكون جسمه ثكيل ومايحجي لان لسانه ثكيل صارله ١١ يوم نايم وهاي معجزة عدنا صارت
رجع اوعيه وحالته الصحية مستقره والحمدالله
الله استجاب دعواتكم
الدكتور الثاني _ الحمدلله يحتاجله تصوير
بالرنين المغناطيسي
الدكتور_ اي نعم
الدكتور الثاني _ اكعدي هنا خاله لما نأخذه نسويله
تصوير رنين المغناطيسي
سهاد _ اروح وياكم
قاسم _خاله وين رايحة دعوفيهم يشوفون شغلهم ساعة
زمان ويردون النه واشبعي بي شوف
ماتقبل تقنع معنده الا تروح وياهم بالدفرات يلا قنعناها دقائق أخذوا رائد ساعتين وهم ماكو خاله سهاد دخلت انذار
هسه اروح اشوفهم وين ودوا وليدي
وين اخذوه شراح يسوون بي ليش تأخروا هلكد ...
قاسم_خاله يمهم الدكتور صديق نزار اطمني
سهاد_شطمن قلبي صارله ١١ يوم مثل النار وهسه ناره
اشتعلت اكثر دروح شوفهم شسوو كوم
وليدي كوم شوف وين صاروا .
قاسم_كايم خاله
عمي_دير بالك تتصل باحد وتكول صحى ماريد العالم
تلتم علينا خل يصحى زين يلا خبروا
قاسم _ ان شاءالله عمي
توني كمت جاي اطلع انفتح الباب دخلوا رائد ضحكت شفته صاحي بعده خاله سهاد طارت من الفرحة من
شافته رجعوه بمكانه الدكاترة
طمنونه عن حالته الصحية مستقره وان شاءالله خلال
ساعات يرجع كما كان بالسابق يحجي ويحرك
أعضاء جسدة بالكامل .
عمي _يابة دكتورنا إذا الاهل اتصلوا بيك لا تنطيهم خبر رائد صحى ماريد العالم تلتم بنص الليل خلها لصبح
الدكتور_هو هذا الصحيح يجون هم
وهوستهم يشلشون المستشفى
عمي_اي
الدكتور_اخذوا راحتكم أني طالع عندي مريض ثاني
عمي_الله وياك وليدي
رحت كعدت بصفه على السرير لازم أيده وابوس بيها من الفرحة هو يباوعلي أبتسم تلقائي نفسه خربت من
الضحك على كف ايده
سهاد _شبيك تضحك قاسم ؟
قاسم_رائد يبتسم ههه
سهاد _ اللهم صل على محمد وآل محمد وأخيرا كدرنا
نشوف عيونه الحلوات وضحكاته تروحلك
فدوة امك وعشيرتها
كامت تبوس بي فرحان اول مرة أشوفها هيج فرحانة قلب الام ماكو ارق واحن منه على أولادها تلفوني رن عمي نبهني ماجيب طاري شفت المتصل مسك ماكدر اضم عليها
خطيه هم قلبها مثل النار طلعت بره الغرفة فتحت خط ..
الووو هلو مسوكة شلونج ؟
_زينة وأنت شلونك رائد شلون صار ماصحه ؟
_مسك رائد صحه هههههه
_والله
_اي والله قبل ثلاث ساعات صحه وفحصوه الدكاترة
كالوا مابي شي هههه مامصدك مسك
رجع من الموت ههههه
_هههه ولا أني اروح اخبر الكل لعد هههه
_مسك لااااا تعاي ارجعي وين رايحة
_اخبر
_يمعودة شتخبرين باعي الساعة بيش بال١١ بالليل وين تخبرين وهسه الكل تجي للمستشفى ويخبصون
الامه خليها الصبح نخبر .
_هاا هم صدك كلي خاله سهاد عمو سلام شلونهم
_طايرين من الفرحة هههه
_هو أنت طاير من الفرحة احسك راح
تطير من المستشفى ههه
_ههه اي والله ههههه
_ اخذلهم صورة ودزها لي خل اشوفهم هههه
_مخبلة أنتِ شلج بالصورة ؟
_عليك الله خل اشوف حالهم شلونها
وشلون رائد فدوة قسوم
_ماكدر عيب
_هو شنو عيب قاسم
_والله عيب تدرين بي ماحب هاي الأشياء مال الصور والتصوير ليش تحرجيني كدامهم
_ماشي ماريد
_بلا زعل رجاءً مسوكة
_مازعل فرحانة لفرحك ههههه
_اي عفيه خليج فرحانة هههه
كملت حجي وياها رجعت شفت خاله سهاد تشرب رائد ماي شرب نص بطل الماي شكد عطشان خطية طلبت
منهم يرحون وأني أبقى عنده عاندوا
ماقبلوا عمي باردة تموتون من البرد أني هنا موجود شسوون باقين ماكو عناد اثنينهم نبقى كاعدين لصبح شعدنه قابل
ماما داده نكابل ابنه ونسكت ارجع أنت
أني عناد شلون أرجع ...... واعوفه ماصدكت صحه كعدت يمه وسكتت ساعة بال١ اجه الدكتور الكل كاعدة ضحك
وكال ليش مارجعتوا للبيت والصبح اجيتوا
قاسم _لا تحجي هههه
الدكتور _ أصلا مايردون هههه
قاسم _كتلهم البرد ههههه
عمي_ اي والله باردة كلش دكوم شوفلنا غطه نتغطه بي بطانية ماتكفي العار مرتضى كلتله جيب بطانية ثانية راح وبعد مارجع بس اوصل للبيت لا اكسر أحواله.
الدكتور _ترى ماصير تلاثه تبقى وي المريض فقط شخص واحد انتو كسرتوا كل قوانين المستشفى
سهاد _ماتسكت خاله أنت وقوانينك امشي قاسم
جيبلي جاي قهوة متت من البرد بالقرأن .
دكتور_عوفي القوانين هسه حلوة ميتين من البرد
واثنينكم متشاركين بالبطانية ههههه
قاسم باوعت الرائد نايم كمت باوعت الخاله سهاد
وعمي سلام جنهم عشاق بالفلام
والمسلسلات ضحكت وكلت
قاسم _حالهم حال العشاق بالفلام ههههههه
الدكتور _اي والله ههههه
عمي_ماتنجبون لو اكوم اكفر بيكم جيبلي وياك شي اكله
قاسم _لازم اطلع بره
عمي_اي اطلع متت من الجوع ماتعشيت
الدكتور_تفضل لاعشة متعشين وفوك كلشي كاتلهم البرد بلا شسوون كاعدين هنا هاكم شوفوا نايم يحجي وياكم تشيلون من المه لو هو يشيل من لانتو بي دكوموا فدوة رحتلكم رحوا لبيتكم ارتاحوا والصبح تعالوا
سهاد _كلت لا ماتمشي قاسم
قاسم _مشيت
طلعت بره المستشفى أدور محل مفتح اشتري شي شياتين لهم والله لكيت اشتريت بسكت وكيك وعلبة قهوة ورجعت
جبتلهم ماي حار سوو قهوة عفتهم يأكلون
صورتهم بدون مايدرون كلت اشوفهم ......الرائد مو يكول أبوي مايحبني خل يشوف حال ابوه وامه بمرضة حفظت المقطع اباوع الرائد نايم صورته كم صورة
ساعة زمان ناموا خلوا رأس على رأس ومتغطين بالبطانية وحدة حالها حال العشاق استغليت الموقف وصورتهم شكم صورة ومقطع فيديو هههههه
رحت تمددت بطول رائد وأخذت صور ويا ابوس بي هو نايم استغليت الفرصة على كوله رائد لا تفوت الفرص أبد ماعرف شكم ساعة بقيت متمدد بطول رائد
وراها غفيت حسيت شخص يبوسني بشفايفي ويهمس بصوت ناصي كلش ... امممح حبيبي قلبي عمري قسومي يلا حبي اكعد اريد اشوف عيونك الحلوات امممح
اروحلك فدوة اكعد قسوم
عبالي مسوكة نسيت .أني يم رائد نايم رفعت رجلي وخليتها فوكه وحضنته قوي دفنت رأسي بركبته سمعت
قهقهة رجال هههههه يمعود استر علينا
سديت عيوني كل قوتها على هاي الفشلة الجبيرة ...
مو مسك والله ههههه
جريت نفسي بسرعة ونزلت ... رجلي باوعتله يباوعلي ويضحك ضحكت من الفشلة
قاسم_ هههههه
رائد _ خطية هواي تعبان وتدور حضون وبوس ههههه
قاسم _انجب هههه
رائد _ لو ماحاجي جان زوركت اركبتي ههههه
قاسم_ أنت مرقق صوتك عبالي مرتي ههههه
رائد _شفتك نايم يمي كلت خل اضحك علية ههههه
قاسم _ولاتبطل من سوالفك اي شلونك شلون صرت ؟
رائد _ الحمدلله والشكر باحسن حال باع لساني رجع
وحركتي رجعت طبيعي وانت نايم بحضني
شريد بعد ههههه
قاسم_هههه الحمدلله والشكر رجوعك ضلع
رائد _الحمدلله أمي وين
قاسم_باع امك وابوك شكد رومانسية باع
رائد _وين ؟
قاسم _خل اكعد وعدل نومتك وباوع
عصافير الحب والرومانسية
رائد _ترى بي اعدل نفسي
قاسم_دخل اساعدك
توني كمت عدل نومته بسرعة وباوع لأهله طكها بضحكه عالية.ههههههه روميو وجوليت ههههههه
قاسم _شعبالك لعد هههه
رائد_اخذلهم صور بسرعة
قاسم _اطمن اخذتلهم من زمان
رائد _اي عفيه دباع شكد حلوين وبالبيت يتعاركون
واحد يكل للثاني اكرهك ماريدك طلعوا
جذابين هههههه .
قاسم _اي ههههه
رجع باوعلي ...
تعال ساعدني خل اكعد ظهري تكسر من النوم
قاسم_ مابيك شي
رائد _كلشي مابي بس صدري يوجعني
وجسمي بي خدر تعال
رحت لعنده كعد وخليت المخدة وره ظهره اشرلي اكعد بصفه كعدت راد مني احجيله شصار ماصار وياها مصطفى شلون صار خوما مات حجيتله كل القصة
خرب من الضحك على حالنه ...
والله مادريت هيج عزيز أني ههههه
_ليش ولك
_مو لهل درجة محمد وعمر الساقطين يبجون علية لا مستحيل ههههههه مو جنت كافر
بيهم كفران
_ وإذا كافر بيهم كفران غير أنت العشق
مالتنا وصعب كلش افراقك
_بس أنتو تحسون بفراقي غيركم هسه فرحان لصار
بي وتلكاه يدعي الليل والنهار لموتي
_منو قصدك
_هواي شذكر منهم شكد صارلي على هاي الحالة ؟
_١١ يوم واليوم ١٢
_هواي
_اي هواي بس الحمدلله والشكر الله لطف بحالك وبحال امك ولحالنا وبحال علاوي ابنك ورجعك للحياة ترى الأطباء ايسوا منك وكالوا مايطول اربعة وعشرون ساعة
وأنت عديت الأربعة وعشرون ساعة وعديت الأيام
وهاي اليوم رجعت بكامل وعيك
الصحي وخبالاتك
نزلوا دموعي بسرعة حضنته كل قوتي ...
ماتدري شصار بي بغيابك رائد
تمنيت أني اكون بمكانك
_قاسم شبيك
_أصعب شعور مريت بي بحياتي من شفتك جثة ومددة فوك الفراش كلت هاهية خسرتك رائد وخسرت كل
هذيج الأيام الحلوة
_تعبي بيك ماضاع قاسم ولك بس أنت التعب
والحب وكلشي يسوه بي
_حبيبي
بعدت عنه امسح بدموعي ..... اباوعله هم جان يبجي مسحت دموعه واضحك ويا طلب ماي جبتله ماي شرب بطل كامل وكال جوعان شوفلي أكل
رحت طلعت أكل من الجبته لأهله بالليل وكلته كيك وبسكت لما كعدوا أهله فرحانين بي وفرحوا أكثر من نطق بالكلام ويضحك وياهم عمو سلام حاضنه ويبجي
رائد مصدوم من رد فعل أبوه ساعة زمان نزار فحصه رائد كاله اريد اطلع للبيت ماقبل كال أقل شي يوم يومين تبقى عدنا أخاف يصير شي لاسامح الله
تعارك ويا ماكو قفل ماتطلع اليوم بس تطلع ازعل وبعد ماتشوف وجي قتنع واتصلنا بأهل رائد صحى ساعة
ماكو المستشفى انترست عالم
تطمنوا عليه ترخصت منه ...ورحت للبيت بقى عنده فاضل ابن صدام رحت للبيت سبحت ونمت ماكعدت الا العصر نزلت سوتلي غدة مسك و اخذت رضاوي
ورحت لبيت عمي علمود علاوي رائد طلب اجيبه يشوفه عمي ماقبل وكال ولا أنت تأخذ ابنك خطية أطفال وين مودينهم للمستشفى كلها كورونا وأمراض
باجر يطلع عود ويشوفهم قنعني عمي رجعت رضاوي للبيت شفت مسك انطيتها رضاوي.وطلعت للمستشفى عدل ساعتين يله طلعت من يم رائد عجبتي مجاب طاري زينب
أبد عبالك ناسيها بس يضحك ويصنف
على محمد وعمر يكول اجوني بزي العسكري حاضنيني ويبجون خليت مصطفى الثول يصورهم لي علمود
من يندكون بي اشوفهم المقاطع هههههه .
على كوله اخوي نزار كلت اكيد يفقد الذكرة على هذيج
الضربة البراسه وتكسر ضلوعة وايده
وعجبتي مايبين كدامهم تعبان ومتوجع بس يطلعون يصير يون من الوجع تعال اضربني مهدا ماتحمل
وجع صدري وراسي .
المهم ثاني يوم رحت وي أبوي وأخواني علمود نخرج رائد من المستشفى الدكتور ماقبل كال خلوا بعد يوم ثاني تعارك وي الدكتور كطع الكانيولا والمغذي
شمرهم هناك وين ونزل مابي حيل يمشي رحت أني ومرتضى سندناه نحاول نرجعة ماقبل وصار يغلط وفشر هسه طلعوني والله بس ماطلع احرك المستشفى
على رأسك ولك دكتور قلبي طك ماتحمل بعد الريحة المقرفة اريد بيتي اريد غرفتي اريد ابني مو حال
هاي هسه طلعوني
أبو صدام _يابة خرجوه مابينه حيل فضايح
الدكتور_صار يابة بس لازم يل ...
رائد _دكتور اترجاك كافي
الدكتور _ ايدك تنزف والكاع انترست دم وتالي وياك
ماتبطل من سوالفك انطوني قطعن
رائد _مابي شي شبيك خايف
الدكتور_حقك ماتعرف لبيك
رائد _شبي أريد مثل الحصان
الدكتور_اليوم مثل الحصان البارحة جنت مثل الجثة وهاي كملت روحوا سجلوا إجراءات الخروج مرتضى يعني جيب كرسي متحرك خل يطلع العريس
رائد _ماريد كرسي أني أمشي بطولي
دكتور _ولك لا تعاند
رائد_كلتلك كلشي مابي حيل امشي الوحدي وين أمي
قاسم _ماخليناها تجي خطية تعبانة
رائد _هاا يلا انطيني ايدك قاسم خل امشي
الدكتور_مو تكول بي حيل امشي شلك بقاسم
رائد _هسه أنت شعليك تعال حبيبي قسومي تعال خل استند عليك اذا ابقى عليهم يسووني مسخرة
الدكتور _دشوفوا الذكاء
رحتله بسرعة استند علية وطلعنا كل ثانية يصرخ اخخ ولك راح اموت صدري يوجعني ماكدر اجر النفس هسه انكسر واحد مو يتكسرون تلاثه فرد جرة
_الحمدلله على كل حال يلا حرك ههههه
_مابي جسمي تعبان اوكف شوي
_تمام اكعد واستراح
صار ابوي وعمي ونزار كدامنا كال حرك هسه اترزل هو مابي يمشي لو جايبين كرسي متحرك أفضل ابو عناد بعد كلشي ولا المسخرة علية هسه أنت مريض
منو يتمسخر عليك رب الكعبة .
المهم طلعنا ونزار ويانه للبيت . تلكونه أخوانه والعمام كلها ترمي طلق فوك رأسه سووله زفة عرس وجكليت فوك
رأسه هو يضحك ومستند بي كال ...
رائد _يوم عرسي ههههه
قاسم_امين وهم انذرلك بدل الكونية جكليت ثلاث كواني ههه
_هاهية انتظر بس اطيب اعرس هههه
_خوش ههههه
دخلنا جوه البيت اجت فطيمة .. تركض علية تحضن بي وتبجي خطية كسرت قلبي الجهال كلها تشبك بي هذا اليبجي هذا ليضحك فروحة حاضنته وتبجي حتى
للدوام مارايحة
أخواته تبجي من الفرحة وديته عدل لغرفته تمدد ردت اطلع ماقبل كل أبقى وياي وشوفلي تلفوني
شصاير بي وينه هسه
طلعت سألت تلفونه وين .... جابوا كالوا جانت الشاشة متكسرة ومصلحه له فاضل جبته له كلتله
فاضل مصلحة الك
_هذا ابني هههه خل نشوف شماتي شرح يصير
بيهم من انشر صوره ههههه
_ولا تجوز
_اي ههه تعال اخذ وياي صورة هههه
_تمام هههه
طبكت ويا اخذت الصورة بداله كال نزلها...
شكتب عليها ؟
_ تكسرنا الحياة ويجبرنا الله فنعود أقوى.
_حلو
_وبعد احلى تصير من يشوفون الستوري ههههه
_ههه ولا تكعد راحة يول
_أكيد نزلتها
_اي نزلتها اشمر الحساب خاص
_ليش ؟
_اكو عالم اريد اصيدها ههههه
_البالي ؟
_خلتولي ماوكفت وياي أبد ولاساندتني ولا سألت
حرامات هذاك التعب بيها لو تعبان على
جلب اشرفلي
_لاتحجي هيج
_انجب قاسم هسه عرفتها على حقيقتها وحدة أنانية بس بالقرأن لو تموت ماخليها تشوف شعره وحدة من شعر علاوي روح كول للكل رائد يكول محد ينشر صور علاوي ولا يقبل أحد ياخذله صورة بالتلفون
_شسالفة رائد
_الا حسرة بقلبها اخلي
_ليش هيج قاسي صرت
_مثل ماهي قست أني اصير أقسى منها بأضعاف
_بدينه
_اي روح كوللهم أريد أكل ترى ميت من الجوع
_وابنك ماتريد تشوفه
_سألت أمي كالت نأيم بس يكعد يجيبونه الي ابنك وين
_ابني بالبيت
_غير تجيبه
_مو جنت بالمستشفى وماكدرت اجيبه
_تمام
زينب" اتصلت بعلاء ابن خالتي هو الواحيد أتواصل ويا واطلب منه ينطيني أخبار رائد كل يوم يكول نفس الشي اما اليوم كال صار زين وطلع من المستشفى
ونزل صورة على الانستغرام لا تردين ... حاله متغير هواي نزلوا دموعي من الفرحة تحمدت الله و تشكرته على سلامته رحت كلت لأمي فرحت كلش وكالت جنت واثقه
راح يعيش مايموت العصر اجه مؤمن وزيد كالبين خلقتهم كلب هذا چلب بسبع أرواح مامات وطلع من حلك الموت يرد زيد يكول اتفق هذا بزون بسبع اروح
تموت روح ترجع روح الثانية شنو مانخلص من ابن
الغربية عمي هم اجه وكال راح اروح
وي الشيخ أشوفه
مؤمن_عمي شسوي رايح لهم ؟
زيد_شلنا شغل بيهم يابة ؟
عمي_انتو شعليكم
اخوي الجبير _خير ان شاءالله عمي
عمي_ماكو شي عمي بس عيب الشيخ كالي تعال وياي نروح نشوفه عيب مانروح واحنا مالنا دخل بطلاق
المرة مانصير كطعية .
مؤمن_شهل كلام عمي
زيد_يابة شبيك نسيت شسوه بينه قبل
وهسه تريد تروح تشوفه ؟!!
عمي_كتلكم مالكم دخل
واكفه باب الغرفة وأسمع ..حجيهم عمي عنده شي والله يعلم شعنده رجع زيد كال شفت مرتك السابقة وي فلان
قاضي بالسوك الصبح
زيد_اكيد مرته
اخوي الجبير_متاكد هي ؟
زيد_اي هي موشوفتها لمؤمن وكال هي
مؤمن_اي مرته شبيكم
عمي_متزوجة
مؤمن _اي والله متزوجة بالسر رجال عنده ثنين نسوان وهي الثالثة وهسه عالن عن زواجه بيها وحدة من نسوانه مطلقه من وراها يكولون صايرات ملخ ههههه
عمي_صدك ؟
مؤمن_اي والله يكولون كاتله ورود على أساس ورجلها من شايفها مكتوله مطلك المرة رأسن
زيد_جذب هاي خطة مدبره منها منو يكدر الورود
مؤمن _شتريدها تريدها ورود سحارة كشرة ملعونة لسانها طوله عشرين مترة منو يكدرلها ....
بقوا يحجون بيها همزين تزوجت بلكت الله يفتك منها أخوي كعدت فوك الجرباية بإيدي التلفون دخلت على حساب رائد جان خاص شكد انقهرت ليش شمره خاص
هو هسه طالع من المستشفى؟!!!!
حسابي جان وهمي دزيتله طلب على الله يوافق بالليل شفت الطلب محذوف استغربت اخاف من دزيت الطلب الإنترنت وهمي خل ادز هسه هم دزيت وبقيت أنتظر قبول الطلب ِ.
مسك "العصر بدلت ورحت ويه عمتي والجناين لبيت عمو سلام شفت رائد خطية شصاير بي متأذي فدمرة كوه يمشي وتعبان بشكل يمشي ويوصي علاوي
ماريد أحد يصورة
مسك _ليش ؟
رائد _يعجبني
مسك _ امممم
رائد _ديري بالج مسك
مسك _ اطمن ماعلية أني هو وينه هسه
رائد _ يم ام فطيمة
طلع لازم صدره بإيده الثانية ..... اويلي شكد حاقد على زينب خطية فوك ماهو الخاين صاير ابو الراهي رحت يم علاوي
يمة فدوة يخبل صاير وطالعاتله سنون
وشعر راسه أسود ناعم .... واكفات مثل القنفذ هههه
اخذته منها أكلته أكل اجه رضاوي
يباوعله يغار عليه منه كلتله
مسك_باع بيبي عنوني تعال بوسه
رضاوي_بيبي !
مسك _اي باع عنوني باع ايديه عنونيات
رضاوي _بيبي نينياه
مد ايديه يضحك يريدني تنطي له رضاوي شعر راسه
عالي واخاف من علاوي يكطع عطوبة علاوي
مشهور عدنا بجر الشعر
مسك _تعال بوسه امممح
اجه علية باسه بخدة بوسه طويله علاوي شغل ايديه يريد يهمش بعدت رضاوي عنه ماريد ابني يتأذى وإذا
تأذى شراح يخلصني من قاسم
عاد كعدت علاوي خليت رضاوي يكعد بصفة
واخذت لهم صور فزيت على صوت رائد...
رائد _محلفج بغلات رضاوي وقاسم لا تدزين صور الزينب
التفتت علية مرعوبة ...
اخذت قلبي
ام فطيمة _ ماتدز بس جاي ا تأخذلهم صور شبيك
مسك _والقرآن الكريم ماعندي تواصل
وياها وهي مغيره كلشي
رائد _حلفتج بعد
مسك _وغلات جهالي مراح ادز
رائد _ولا تنشرين
مسك _ اطمن مانشر أني
رائد _أني انطيت علم للكا اي صورة العلاوي ماتنشر
ولا توصل الزينب ولوصلت تصير مو زينة
مسك _ موحرام عليك
رائد _موحرام عليها لعد تركته جان انطت فرصة ثانية واحد يكفر عن اخطائه رب العالمين ينطي العبادة أكثر من فرصة هي منو وشنو ماتنطي اصلا من البداية
ماتريدني ولا تريد علاوي .
مسك _لو ماتريدك مجان قبلت بيك
رائد _غير دخلتهم انذار
مسك _ كلشي ماستفاديت
رائد _علاوي باعي شحلاته راح يكطع
عطوب رضاوي هههه
وكع قلبي بالكاع باوعت رضاوي مخلي راسه بحضن علاوي فرحان بي وهذا يريد يجر عطوبة رأسن جريت
رضاوي وحضنته قوي
مسك _يمة وليدي
رائد _ولي العهد جان تكطعت عطوبة هههههههه
مسك_ابنك مأذي رائد
رائد _على اهل امه وحوش مفترسة وتأذي بالعالم ماطلع
علينا احنا فقره ديروا بالكم عليه امممح باباتي وهاي
الرضاوي امممح عمو ههههه
طلع يضحك باوعت لام فطيمة خربانة من الضحك ...
منو الفقرة ؟
_قصده احنا ههههه
_هم الفقرة لو أنتو أنتو شيجرعكم خوما رائد
طركاعة سودة ماينجرع أبد وين
الفقرة بالموضوع .
_روحي كوليها كدام أمي ههههه
_يمة تردين تورطيني خل اسكت
احسلي زايدة عمتي قاطات
_اي ههههه
طلعنا من الغرفة ماشاء الله ..البيت متروس نسوان كلها أقارب العمام والخالات ماكو أحد غريب بيناتنه أهلي ماكو
مااجوي أبوي طالع بغير محافظة ...
المهم وره العشة اجه رائد وقاسم يضحكون ...... ماعرف عليش وراهم مصطفى معلك ايده بركبته ولاف اركبته
يضحك اموت واعرف عليش يضحكون ؟!!
قاسم _كملتوا
مسك _اي
قاسم _تمام لعد روحوا وأني اجي بعدين
اي كمل شصار بعدين ههه
رائد _حظرتها هههههه
قاسك _اي حيل ههههه
مصطفى _شنيت الحرب أبو علاوي هههه
رائد _الا احرك قلبها هههه
بقيت اباوعلهم بصدمة عرفت زوجي شريك بكلشي أدري بي موهين وعنده من جوه الجوه هذا الوجه البريئ
وراه بلاوي سودة
قاسم_ تستاهل مانطتك فرصة
مصطفى _ماسمعت كلامك وطلعت وي أهلها
وتنازلت عن ابنها مالها شي عندك بعد
رائد _مالها شي
ردت اصيح بيهم بس لزمت نفسي عيب مناك مصطفى هسه رائد اجبك عليه عادي اما مصطفى لا استحي منه عفتهم ورحت يم عمتي اخذت رضاوي بحضني
وورشاوي يريد يروح ..... يم فطيمة وعلاوي كرصته قوي ماريد اخلي يروح هسه يضربوه الجهال لي كومه جهال دخلوا الغرفة خاله سهاد صاحت جيبوا علاوي
لحضني هسه يأذوى.
صاح قاسم ...
مسوكة عيني جيبي رضاوي وتعالي هنا
_صار عيني
كمت ورضاوي بحضني اباوع القاسك يضحك اشرلي
انطي رضاوي أخذه وكال ... رائد يريده
_مصطفى وين ؟
_طلع بره تردين تجين
_اي
_يلا تعاي
دخل للغرفة دخلت رائد متمدد على ظهرها ومغطي نص جسمه من شافنه ابتسم مد ايده يريد رضاوي
انطاه اله قاسم صار يبوس بي
رضاوي خجول لدرجة ومامتعود برغم قاسم يأخذه
ويا طلب من قاسم يصورهم كم صورة ...
مسك _ليش خبيث رائد
رائد _شنو خبيث ؟
قاسم_مسك
مسك _ماعليك قاسم رائد ليش تخبث وتحرم ام من طفلها
رائد _مو أني الحرمت هي حرمت نفسها من ابنها
مسك _مو أنت تحظرها كلما تراسلك
وماتخليها تشوف ابنها
رائد _مامراسله الله وكيلج ولا سأله شفت حساب وهمي
دازلي طلب متابعة حذفت الطلب رد دز
مرة اللخ وكلت محتمل هي
مسك _متأكد هي وحذفت الطلب عمده
علمود لا تراسلك مو صح
رائد _موعيب عليها تراسل طليقها وثاني شي
حرام تراسل رجال غريب
مسك _ لاعليك الله صرت تحجي بالحلال والحرام منو...
قاسم _مسك كافي
رائد _عوفها تحجي قاسم احجي
وطلعي لبقلبج يابة اسمعج
مسك _مو أنت دخلت بالحرام وهي انفصلت عنك
رائد _جانت مجرد نزوه وهي مرة وحدة خنتها ماتركتها للأبد ولا قللت من احترامها لو قيمتها بالعكس حبيتها من كل قلبي وانطيتها كل الحب والإحترام
وشتريد جنت اجيله الها وامي وابوي شوفت عينج يفضلونها عليه أني ابنهم ويحبونها أكثر من بناتهم هي ماعرفت
وماقدرت النعمة البيها
متعودة على الإهانة والرزالة من اخواتها وعمامها خليها هسه تعض اصابيع الندم لان تركت واحد مثلي ولو تموت
مراح تلكه رجال مثلي بعد
مسك _ انت مو كايللها جنت ازني واشرب شلون تكول مرة
رائد _ضحكت عليها ردت أشوف ذكية لو غبية
مرتي وللأسف طلعت غبية وثولة
مسك _ شلون تكول عليها غبية وأنت معترف
رائد _أنتِ هم غبية مثلها
قاسم_وج قصده هو أربعة وعشرون ساعة يمها ومن يرجع بالليل بنفس الملابس ومابي ريحة خمر شلون جان يشرب ومابي أثر للشرب هو حالف مايشرب
مسك_شمدريني أني محتمل ...
رائد _لامحتمل ولاشي هي ماعدها ثقه بنفسها وبي
وفضلت المشكلة الزواج لمابي ثقه خرررب بي
الطلاق أحسن حل
مسك _شايل هواي بقلبك
رائد _سؤال مسك وعليج الله جاوبي بصراحة
مسك_تفضل احجي ؟
رائد _نفترض قاسم خانج مرة وحدة وطلب السماح منج تقبلين ترجعيلة لو تطلبين الطلاق وتعوفين
ابنج علمود كرامتج
باوعت القاسم يباوعلي بكل ثقة ......متأكد من جوابي باوعت الرضاوي بحضن رائد يباوعلي ويضحك اموت وماترك ابني علمود كرامتي والله وقاسم احبه
مسك _ انطي فرصة
رائد _احلى رد سمعته وجنت متوقع هذا ردج هي
مانطت فرصة وحدة راسن طلبت الطلاق
هاي تحبني لو لا
مسك _مادري
قاسم_تحبك بس كرامتها فوك الجميع
رائد _انعل ابو الكرامة لتخلي الواحد يتخلى عن اعز شي بالدنيا هي الدنيا شتسوه بدون الأحباب خلها هسه الليل ماتنامه على علاوي حلفت ماخليها ....
تشوف ظفرمن اظافر رجلي واحرمها من علاوي مثل ماحرمتني من شوفتها
مسك _ الله يهديك
يتبع ...
اهمشي تفاعلكم بالقصة اريد الكل تتفاعل وتقدر تعبي وكل شخص يعلق 5 تعليقات حلوة ويخلي لايك علمود يصير
عندي واهس وانزل البارت ال10 بسرعة .