مرتضى: هذا انته يابه بعدك تريد تنتقم !!
(وطلع مرتضى من المكان الي هوه بي ومتوجه لابو)
مرتضى: بابه شنو الي تريده منهم اني احب سبيل ليش ماتقتنع؟
سالم: بدال السلام وتبوس راسي تعلي صوتك عليه وعلى مود منو؟ سبيل؟؟
مرتضى: اذا قررت تأذي سبيل اني راح اوكف بوجهك حته تعرف اني شكد احب سبيل والي يأذيها يأذيني
سالم: تهددني ؟
مرتضى: لا ماهددك بس احذرك
سالم: لا ينذل اكو احد يحجي ويا ابو هيج وعلى مود بنيه؟
(يطلع مرتضى بدون رد على كلام سالم!)
سالم: هينه هينه اذا مادمرتكم كلكم الي وكفتو بوجهي ماتسمه بأسمي
(بيت هيفاء)
مريم: دلال انتي ليش معانده ومواتوافقين على زواجج من اسر شوفي البنات يتمنن الي يحبوهن ينخطبون وانتي تتبطرين على نعمة ربج؟
دلال: مو بالي زواج عود اتخرج والله كريم!
مريم: دلال لا تخسرين اسر تتندمين!
دلال: اسر لو يحبني راح يقدر وضعي
مريم: هوه يحبج بس لو تتزوجين وعادي وره زواج درسين وين المشكله؟
دلال: تقنعيني اذا تزوجت مالتهي عن دراستي؟
مريم: مادري بعد بكيفج
(بالمستشفى)
الدكتوره: ابو سبيل احنه لازم ننطيها جرعه كيمياوي وماننتظر اكثر من هيج وباجر ننطيها وماتشوف شر يارب
ساجد: دكتوره بس اني خايف على صحتها؟
الدكتوره: مهما يكون لازم تكون قوي وهذا قضاء الله وقدره شنو الي بيدنه نسوي والباقي على رب العالمين
ساجد: ونعم بالله!
مجتبى: ها يابه شنو كالت دكتوره؟
ساجد: باجر ينطوها كيمياوي
مجتبى: ميخالف يابه صير قوي وكل الي كاتبه رب العالمين راح يصير
اسر: اني راح اروح للبيت قبل ماروح راح اشوف سبيل شنو تحتاج اجيبلها وياي!
اسر(وهوه يمسح على راسها): حبيبتي سبيل اني رايح للبيت شنو تردين اجيبلج وياي من البيت؟
سبيل: بس ملابس
اسر: وانته يابه شنو تريد اجيبلك وياي؟
ساجد: مامحتاج شي روح وارجع بسرعه
امام بيت ساجد'
اسر (يشوف بنت دك الباب): تفضلي عيني؟
- هلا عيني بس سبيل موجوده اجيت اشوفها؟
اسر: ليش انتي منو؟
- اني صديقتها بالمدرسه مرام صارله فتره ماداوم وموبايله كله مغلق اجيت اطمئن عليها؟
اسر: ها انتي مرام الي دائماً تسولفلنه عنج، بس سبيل بالمستشفى صحته تعبانه !
مرام: يااا ليش خير شبيها
اسر: بيها مرض خبيث!
مرام: ياعيني عليها، زين تكدر تاخذني الها عفيه!
اسر: اي اخذج الها ليش لا بس راح اخذلها ملابس ونروح !!
(بيت هيفاء)
هيفاء: يمه دلال روحي جيبلي من الاسواق خميره اريد اخبز راح يصير الغروب
دلال: مريم روحي انتي عفيه!
مريم: اريد اسبح!
دلال(لبست شال والعبايه): هفففف رايحه
ويا ماطلعت دلال وشافت اسر وبنيه واكفه بضفه!! وراحت باتجاهم!!
دلال: ها اسر شلونك
اسر: هلا دلال الحمدالله انتي شلونج!
دلال: وهاي منو وشعدها واكفه وياك؟
مرام: عندي اسم لا تكولين هاي منو حترمي نفسج!
دلال: شبيج عيني شكلت وثاني شي ماحصلي شرف اعرف اسمج
اسر(وهوه يباوعلهن): وبعدين؟
مرام: عيني هسه تاخذني لو اروح وحدي؟
دلال: ها متواعدين لو شنو؟
اسر(يجر دلال من ايدها): شبيج تخبلتي هاي صديقة سبيل واجت تريد تشوف سبيل وستوها اله عرفت !
دلال: اروح وياكم والله وماعوفك ويا هاي المسمومه!
اسر: وامج تقبل!
دلال: اني اقنعها معليك بس اروح للاسوق وارجع!
اسر(يبتسم): فديت الغيره هههه
دلال: يالله رايحه ماتاخر!
اسر: عيني مرام دخلين على ماجيب الملابس لو تنتظريني يم تكسي؟
مرام: انتظرك يم تكسي! بس لطول عفيه
اسر: بعيني!
بعد ماراحت دلال ورجعت بسرعه!
دلال: يمه يمه وينج
هيفاء: بالمطبخ تعالي!
دلال: هاج هاي الخميره!
هيفاء: وين تاخرتي تره هذا هوه بالاسواق براس الفرع
دلال: يمه هوه ردت اكلج شفت اسر خطيه مقهور على سبيل وكال اريدج ترحين وياي تحجين وياها وتهدئين سبيل وحته عمي ابو اسر مودي عليه!
هيفاء: اي باجر نروح سوه!
دلال: يمه شنو سالفه ماراح اتاخر خطيه باقيه وحده !
هيفاء: لا تخلين بالي يمج وثاني شي اسر حباب ماخاف عليج منه ترباية كوثر الله يرحمها!
دلال: بعيوني!
(امام بيت ساجد)
اسر: ماتاخرت مو؟
مرام: لا ماتاخرت! يالله نروح؟
اسر: بس خلي تجي بنت جيرانه دلال هم تريد تروح تشوف سبيل!
مرام(تعوج حلكها): تمام
دلال(تمشي سريع باتجاهم): ها ماتاخرت؟
اسر: لا ماتاخرتي يالله صعدن وره!
بعد ماوصلو للمستشفى (خارج الغرفه)
اسر: سلام عليكم!
ساجد: وعليكم سلام،
دلال: شلونك عمو ابو اسر!
ساجد: هلا بنيتي دلال!
مرام: شلونك عمو !
ساجد: هلا بنيتي ماعرفتج منو؟
اسر: يابه مرام صديقة سبيل اجت تشوفها!
ساجد: هلا بيج بنيتي دخلو يم سبيل اني هسه ارجع
(بيت لمياء)
سالم: اسمعي لمياء اذا ماتسوين الي اكلج عليه اندمج على حياتج
لمياء: سالم دمرت حياتي واني شابه وتريد ترجع دمرها شبقيت بيه
سالم: اخر كلام عندي تسوين كل الي كلته احسن ماتشوفين شي مني مايعجبج انتي وابنج!
مجتبى(يدخل من الباب): منو الي يشوف شي مايعجبه اسمعني كلش زين لحد الان اني لخاطر امي ساكت ومتحمل عمايلك لحد الان ويانه
لمياء: يمه مجتبى ماكوشي سمعت غلط
سالم: تفاهمي انتي وابنج واني رايح
مجتبى: يمه شنو الي جان يهددج بي شنو هذا السر الي مخليج ماتكدرين توكفين خالي عند حده!!
لمياء: يمه ماكو شي جاي اكلك مواضيع قديمه ماريد ادخلك بيها عوف الموضوع عنك!
مجتبى: انتي راح تموتيني يمه راح تموتيني حياتنه دمرت بسبب خالي وانتي لا قابله تخليني اتصرف ولا حاجيتلي السر ومريحتني
لمياء: يمه اذا صدك تحبني وتعزني لا دوخ وتعب روحك الموضوع قديم واكبر منك ومني اتركه
مجتبى: الي تردي يصير!
لمياء: اريد احجي وياك بموضوع!
مجتبى: شنو يمه كولي؟
لمياء: اني قبلت ارجع الابوك!
مجتبى: صدك يمه!
لمياء: اي بس اذا هوه وافق وبدون مايعرف اني موافقه قبله!
مجتبى(وهوه فرحان): صدك يمه يعني مادري هههه يعني انتي وافقتي ؟
لمياء(تمسح بوجه مجتبى): اي يمه حبيبي اني لخاطرك ضحيت بكل شبابي وحياتي وانته عاجبك تعيش ويا خوانك اني موافقه شنو الي بدنيا غيرك اضحي لخاطره
مجتبى(يبوس ايدها): الله يحفظك الي ولا يحرمني منج يابعد عمري انتي
لمياء: شلون صارت اختك سبيل؟
مجتبى(دمعه بعينه): يمه حيل تعبانه نفسيتها وباجر ينطوها جرعة الكيمياوي!
لمياء: روح يمه اخاف يحتاجون شي منك!
مجتبى: لا يمه ابات يمج وصبح اروح والليل تاخر بعد مايدخلوني للمستشفى
لمياء: لعد خلي اصبلك عشه نتعشه وافرشلك تنام حته تكعد من وكت!
مجتبى: نكوم سوه يمه اساعدج ونسولف لان حيل مشتاق لسوالفج
لمياء: كوم يابعد حيلي
(بالمستشفى)
مرام(وهيه تذب روحها على سبيل): ها سبيل حبيبتي شتاقيتلج
سبيل: وين جنتي كل هاي الايام مختفيه معقوله هسه اله فقدتيني!
مرام: والله ادك عليج واتصل موبايلج مغلق!
دلال(تشبك سبيل): شلونج حبيبتي سبيل مابيج غير العافيه وماتشوفين شر
سبيل: ياروحي انتي خالتي هيفاء مريم شلونهن مشتاقتلهن!
دلال: يسلمن عليج حبيبتي!
اسر: يالله عيني دلال مالازم تتاخرين اكثر من هيج الوقت تاخر!
سبيل: ليش خليها بعد شويه!
اسر: لا خالتي هيفاء يضل بالها!
دلال: يالله نروح!
اسر: وانتي مرام اوصلج لو احد يجي عليج!
مرام: اني هسه انطي خبر الاهلي انتو رحو ماتقصر مشكور!!
(بعد ماراح اسر ودلال وبقت مرام وسبيل وحدهن)
مرام: ولج شنو هاي شكد غثيثه دلال لعبت نفسي عبالك ماشايفه
سبيل(باستغراب): هههه ليش شصار؟
مرام: جنت واكفه بابكم واجه اخوج وشافتنه من بعيد واجت تركض وتعاركت وياي، مبينه تموت على اخوج
سبيل: هههههه اي واحد يحب الثاني
(وتنفتح باب غرفة المستشفى)
سبيل: مرتضى شعندك هنا ، لا يجي واحد من خواني لو ابوي
مرتضى: لا تخافي اسر راح يوصل جيرانكم و مجتبى راح يبات يم عمتي وابوج راح يجيبلج عشه ومطول
سبيل: وانته شمدريك!
مرتضى: خابرت مجتبى وكال بالبيت وصبح يجي واسر شفته ركب تكسي ويا جيرانكم وراح وابوك واكف يم ابو المطعم واجيت اشوفج
سبيل: عوفني بحالي مريضه تفهم شنو يعني، مرام ساعديني اكوم
(كامت سبيل وكفت كباله)
مرتضى(يتقرب عليها): احبج
سبيل(دفعه): امشي ولي
مرتضى(بأبتسامه): والعباس تحبيني
سبيل(تجره من شعره): كفيني شرك
مرتضى(وهوه يضحك): ماعوفج
مرام(تسحبها): عوفي عوفي يمعوده
مرتضى: شنو ختلفتي عليه !
سبيل: مرتضى ماختلفت عليك بس تعبانه وماعرف شنو اريد الله يخليك خليني اتعالج وترتاح نفسيتي نسولف بهذا الموضوع!
مرتضى: اني راح اروح وبعدين اجي !
مرام: اني راح اخابر امي واكللها ابات يمج !
صباح اليوم الثاني' (بالمستشفى)
مجتبى ولمياء: سلام عليكم
ساجد(يرفع راسه ويباوع لمياء): وعليكم سلام
اسر: هلا خالتي ام مجتبى شلونج!
لمياء: الحمدالله انته شلونك يمه
اسر: بخير دامج بخير
لمياء: اني ادخل اشوف سبيل!
اسر: اني اروح للاسواق هسه اجي
مجتبى: بابه اريد اسولف وياك بموضوع!
ساجد: اي وليدي كول؟
مجتبى: بصراحه ماعرف شلون افاتحك الموضوع بس ياريت تفهمني!
ساجد(وهوه يلزم جتف مجتبى): كول وليدي كل الي بداخلك لا تتردد!
مجتبى: بابه اني ماريد ابتعد عن خواني واريد اعيش بينكم وانسه كل الماضي
ساجد: اي وشنو الي يمنعك؟
مجتبى: هذا موضوعي الي اريده منك واتمنى ماتردني!
ساجد: وهوه؟؟
مجتبى: ترجع تتزوج امي!
ساجد: شنو الي جاي تكول!
مجتبى: هذا الموضوع الي اريده وماتردني !
ساجد: اسمع مجتبى............
اعتذر عن التاخير بسبب مشكله داخل البرنامج اتمنى ستمتعتو بالبارت وانتظروني بالبارت 11 وانتظر رأيكم
الكاتب ابريال
Abryal_5-انستا