وَأنتظرتَك
بين صَفنات الليّالي
وجرح دخان الجگاير
وبين لچماتي وحَسرتي
وحيرتي وكَسرة الخاطر
وبين مَدري
و وين صايَر ؟
وأنتظرتَك هلبَت تمُر طيف
إيضمضُم دموعي إعلّه باچر
—————————————————————-اسر: كولي دلال شتردين؟؟
دلال: اني حامل
اسر(بفرحه): تشاقين؟؟؟
دلال(بارتباك): يعني مو حامل بس حسب ماعلمتني امي اني حامل
اسر(يلزم ايدها): وشلون نتاكد؟
دلال: سونار يم الدكتوره!
اسر: اي اي نروح
دلال: خلي نبشر عمي بالاول!
اسر: خلي نتاكد بالاول لا نستعجل
بعد ماراحو للمستشفى
الدكتوره: مبروك عيني حامل
دلال(بفرح): صدك دكتوره ولد لو بنية!
الدكتوره: هههه على كيفج عيني بعدج بالبداية مايبين يمنه هسه
اسر: دكتوره شكد عليها؟
الدكتوره: شهرين
اسر: الحمدالله دكتوره ربي يوفقج
الدكتوره: بس لازم دير بالها على نفسها لحد ماتعبر الشهر 6 اشهر حتى يثبت الطفل
اسر: لا تفكرين دكتوره ان شاءلله ماتتعب
الدكتوره: وان شاءلله تكومين بسلامة عيني
(بيت ساجد)
سبيل: شنو يابه اسر ودلال وين؟
ساجد: ماعرف بس سمعت صوت الباب من طلعو ماكلولي وين
صوت الباب تنفتح!
سبيل: يمكن اجو
اسر: سلام عليكم
ساجد: وعليكم سلام، وين جنتو
اسر(يلزم ايد دلال): ههه يابه دلال حامل
ساجد: صدك بنيتي
دلال(تبوس راس ساجد): اي عمي وبالشهر الثاني
سبيل: يعني راح اصير عمه مبروك حبيبي خويه ، مبروك حبيبتي دلال يارب الطفل صالح وتولدين بالسلامة
YOU ARE READING
ضحية المعاناة
רומנטיקהاولاد ابو المخضر يمرون بمعاناة قاسية وحزن وفرح وضحك وبجي هلهوله وصرخه تجتمع كل التجارب بنت تفقد اعز ما تملك وتكول باللهجة العراقية(ابقى يمي .. وصير أي شي .. حتى لو دمعه اعله رمشي ، وتبقه فقط الذكريات الذي لا تموت ولن تموت الا بقتل صاحبها قصة ضحية...