_"أن يحبّك أحدهم
وأنت تضحك بطريقة غريبة
وأنت
تقلق
تخاف
تهتمّ بأدقّ التفاصيلِ
وتعتريك فجأة
رغبة بالإبتعاد عن الناس
أن يحبّك أحدهم
بمزاجك المُتبدّل
بوجوهك المُتعبة
بأخطائك
وبعاديّتك المُفرطة
أن يحبّك أحدهم
وأنت أنت لأنّك أنت"
عفيه همتجن بنات تصويت وتعليق لدعمي واستمراري🫂
اماني : كعدت من نومي ونزلت غسلت هم صفنت بالمرايه ياربيي شكد احب شكلي العيون يربييي صفر وكبار اروح فدوة الهن ولرموشي الطوال شعري ماشاء الله طويل بشكل وموج اسود سواد الليل لفيته ورفعته باهمال وهو طويل صار يجنن فديت نفسي هههه بست نفسي بالهوة على طاير وطلعت لكيت امي وبابا طالعين لسوك ولؤي بدوامه اكيد
رحت بالحديقه بيها مرجوحه وورد يخبل تسوي واهس واحد يقرة جبت طبله وشي اكعد عليه ونثرت كتبي وبديت اقرة وكل ما اتعب اتخيل نفسي ناجحه وبالكليه وشخصيه وكذا ههههههه اوف يلا مضل شي وتخلص السنه ان شاء الله باذن الله ارفع راس اهلي واكسر خشم كل واحد كال البنات مو مال دراسه للبيت وبس
اجتي امي وابوي شافوني اقرة ضحكوا خطيه مارادو يخربون واهسي وماحاجوني طبوا بسرعه للبيت ضليت اقرة لوقت العشة رفعت راسي من الكتاب الجو مضلم بس الحديقه بيها اضويه وكتابي واضح فا اخذني الواهس صفنت بالجو الي بيه شويه بروده هههه اجه الشته وضيمه طبيت لكيت امي مسويه عشه ولؤي جاي
ها شنو شوكت اجيت شو محسيت عليك
لؤي : اجيت من انتي تقرين وحاولت ماطلع صوت حتى ميخرب واهسج لان انتي ماشاء الله صايرة دودة كتب بس ناقص بنص خدج شامه جبيرة وسنون مفروكه هههههههه وتجين على المعاير الصحيحه
اماني : ما راح ارد على كلامك لان اني عقلي اكبر باوعتله وطلعت لساني اعيب عليه همممم اشوف ماحسيت عليك ههههه ماما شمسويه عشه جوعانه
رسل : ياعمري ربي يوفقج ومايضيعلج تعب حبيبتي سويت تبسي دجاج وكبه
اماني : عاشت ايدج اجت بوقتها هههههه
محمد : لا الظاهر جوعانه حيل عيوني صبيلنا العشه صبي لا تاكلنا
ههههه مو لهل درجه بابااااااااا
محمد : مشوفين بنيتي صايرلج كرش خوفي لا تروحين تسمنين ونكوم نطبك كرسين يلا تكدرين تكعدين ويانا
ضحكنه كلنه وتعشينه وجان وقت كلش ممتع ويه اهلي كامو بابا ولؤي جيت اساعد امي بالمواعين ماخلتني هاي دائماً تسوي هيج بيه واعرف قصدها ليش
رسل : ياماما روحي اقري اني اريدج تركزين على مستقبلج حاليا هذني السوالف تلحكين عليهن مستقبلج هسة اهم يابنتي تلحكين على الطبخ والنفخ والجهال وتنظيف وتكومين تكولين علواه على ذيج الايام بس اكل ونوم
اماني : عرفت كلام امي صحيح ولابد يجي يوم احن لهاي الايام ابتسمتلها فهمت امي شنو تقصد ورحت غسلت وكعدت اقرة لل ١٢ بالليل تذكرت مصطفى راد يسئلني وسكت اخذني الفضول عن سؤاله شويه ماحسيت على نفسي الا اني نايمه فوك الكتب من التعب
لؤي : ضلت بالي انو اماني ضايجه مني لان صحت بيها طلعت من غرفتي ووصلت غرفتها فتحت الباب واشوفها نايمه على الكتب ولعابها سايل على الكتب ههههههههه اخخخخخ من هل بنيه شوكت تكبر شلون تصير ام وتربي جهال هاي هي بحالها جاهل ويرادلها واحد يداريها هههه ربي سلط عليها شخص كون عنده اربع كَلوب وفد بال طويل حتى يتحمل فهاوة هاي البنيه
رحت غطيتها وطفيت ضوة الغرفه وعفتها
مصطفى : اخذني التفكير بنت كَلبي وليش ترددت اسئلها ونمت منهك من التفكير
كعدت ثاني يوم الصبح جسمي متكسر مو من عوايدي كل مرة عندي حافز اشوفها بالصبح اليوم ماكو كلش ضجت متعود على شوفتها ههههه من جانبي طلع لؤي عجوزي بكعده الصبح واني اوديها اكحل عيني بيها بالصبح واحلا صباح يصير الي اخخخخ لازم يجي يوم اكوم امشي بالشارع وياها ايد بايد
نزلت غسلت وكملت ورحت اتريكت ويه ابوي طبعا ابوي وابو لؤي ثنينهم يشتغلون بدائرة كهرباء المهم تريكت وصبتلنا امي الجاي وطلعت باوعت على باب بيتهم وتنهدت
يعني اليوم الملاك مالي ماكو اوف
رحت لشغلي مالي واهس وماطولت ورجعت برجعتي مريت على لؤي ورجعت وياه للبيت طبيت بيتنا ولكيت امي جاي تسوي بالدولمه ها يما الله يساعدج اليوم شسوين
سعاد : ها يمه شو اليوم من وكت شسالفه
مصطفى : والله تعبت واجيت واني بكَلبي اكول غير مالي خلك هم لو شايف ملاكي اسوي خلك لنفسي كوة حتى اشوفها
سعاد : الله يساعدك ياعمري روح غسل وبدل
اماني : كعدت من وقت لان هيج وقت لازم استغله اقرة بيه ماريد اضيع وقت اجتي امتحاناتي شفت لؤي راح للدوام هو وبابا اني وماما تريكنا متاخرين لان ماعدنا شي ضليت اقرة بغرفتي لحد وقت الغده تقريباً هههه احس عيوني غوشن وانحولت نزلت على المطبخ
اجيت اشوف شنو الغده عصافير بطني كامت تزقزق
ها ماما شمسويه اليوم والله جوعانه اسمعي بطني شلون صوتها ههههه
رسل : ياااااا ولج شجاج مو تريكنا متاخرين سويت اليوم برياني هههه يلام ابوج من يكول خوفي منج تسمنين ونطبك كرسين الج
اماني : يااااا ماما هم انتي شنو واحد مياكل اهئ اهئ هههه سويت نفسي ابجي يلا خل نتغده لعد متحمل بعد
رسل : ههههههه الله يساعد الي ياخذج لازم اله كَلب جبير يتحملج ولج خل يجي اخوج وابوج شسالفه
اماني : هههههههه نسيتهم كرشي سيطر عليه قصدي بنطي ههههههه
رسل :هههههه باعي اعترفتي اي عيني من الجوع معقولة الدراسه هيج اجوع يلا هاج اخذي من غدانا لبيت خالتج سعاد
اماني : يلا ماشي بس البس شال ملابسي زينه مو طبعا جنت لابسه دشداشه شتويه مارونيه تخبل عليه لان اني بيضه بما انو الجو بارد
رسل : اي ماما زينه همه هذولة كدامنا ميحتاج تبدلين
اماني : رحت لبست كبوس لان بارده واخذت الاكل ورحت لبيت خالة ام مصطفى طبعا اني تعودت افوت عليهم كبل اذا امي دزتني بشي ههههه ميانه وبيت خالتي فا مستحه بحح ههههه
فتت بسرعه حتى ارجع وطبيت للمطبخ واني اسولف هلووووو خالة شلونج هذا من امي وتسلم عليج كلش هوااااي واني اكولها وتموع هههه ميانه ويه خالتي
باوعت كدامي ههههه هذا مصطفى يما يالفشله خطيه يباوع عليه وفاك حلكه مدري مصدوم بيه من الميانه مدري شبيه هذا هههه ياكاع انشكي وبلعيني
مصطفى : جاي اذوق الاكل الي سوته امي دامها راحت تصلي قبل لا تشوفني وترزلني ماتقبل احد يلعب بالاكل قبل الوجبه هههه واني منا متت جوع
وماحس الا صوت خله كَلبي يرف ويرف صديت اي هي هاي الملاك مالي لابسه دشداشه مارونيه وكبوس هههههه اخخخخ اخذت كلبي باوعتلها وهي تتموع اخذت كَلبي وسحلته سحل ههههههه بويه شهل جمال كتلها اي خالة جيبيه وسلميلنا على امج كوللللللش هوااااييي هههههههه بس من وين جبتي الكبوس عجبني اريد منه
اماني : باوعته ومتت ضحك شلون يقلد ههههه وتفشلت لان لابسه كبوس ويه الدشداشه مدري شلون رهمتها بس بارده شسوي اجتي خالة سعاد وسلمت عليها اخذت المواعين وحطت بيهن دولمه اخذتهن وستاذنت منها ورجعت واني بعدني متفشله من الموقف وتقليده عليه احس وجهي شتعل نار
لكيت لؤي وبابا راجعين هااااا شبسرعه اجيتوا
لؤي : اني رجعت ويه مصطفى بس اجيت مالكيت احد كبل رحت لغرفتي
اماني : هااا مو اكول ماشفتك
تغدينا وغسلنا ورحت اني نمت شويه حتى ارجع اقرة
كعدت بال ٣ العصر كمت غسلت وجهي وسويت كلاص كهوة جكليتيه ههههه الجو بارد مال شي حار سويت ورحت يم الصوبه يالله البارحه الجو يخبل اليوم شبيه هيج ضليت اقرة لليل مر عليه الاسبوع بسرعه واجتي امتحانات نصف السنه
مصطفى : ضلت شوفتها مطبوعه بذهني وشلون تتموع وتجر بشفتها تمنيتها بهل حركات حلالي وواسويها كربلاء ههههه شلون شكل ياربي البنيه هاي راح تخبلني والتنسيق يالله صح يضحك بس كيوت عليها
تغديت ويه اهلي وكمت غسلت وضليت اكلب بموبايلي وافكر بيها صارت بال ٤ العصر رحت لشغلي وضليت افكر بيها لليل
مر الاسبوع كلش صعب عليه بعدم شوفتها ياربي صبرك ...يتبع
بدت الاحداث هنا وكل بارت راح يبين حدث جديد صح البداية عاديه بس حلاته راح تبدي ماذا تتوقعون للقادم؟
دعمجن تصويت + تعليق