البارت الأول رواية عشق أهل الأنبار
#للكاتبة رواء هادي #قراءة ممتعة لجميع
وقبل كلشي خلوا لايك وعلقوا
بين الفقرات .
رائد حطمتني تحطم ام سعودي من دزت صور ومقاطع قديمة وياها أصلا انصدمت من شفتهم شلون مصورتني هاي بدون علمي تأكدت جانت ناصبه كاميرا
بغرفتها وتصور كل شخص ينام وياها .. كاتلني القهر وكفت وياها وساندتها ونقذتها من طليقها السابق وابن خالها وخليتهم ينسجنون وفرتلها عمل
وشقة وراتب شتريد بعد ؟!!
بالليل كاعد فوك السطح واشرب جكاير جكارة ......وره جكارة أعصابي تلفانه انهجم بيتي راحت مرتي حبيبتي لعاندت الكل وأخذتها جاي أفكر منو اله مصلحة بدماري ؟
ام سعودي كالتلي بوقتها جنت مجبورة سامحني معنها مجبورة تسوي بي لسوته منو هاي البنية لتدعي هي حامل مني وأني جاي استغلها وشلون تعرف كلشي عني
وعن مساعتي لام سعودي ؟
طلعت من شرودي على نغمة التلفون طلعت التلفون
قاسم يتصل بك فتحت خط وميكرفون
نزلت التلفون بالكاع بصفي
_نعم
_الوو وينك ولك رائد صدك لسمعته مرتك
زعلانة وتريد تطلك
_اي
_ولك شجابك شوداك على ام سعودي ليش
هيج دمرت روحك ليش جاوب
_دمرت نفسي بنفسي وخلص قاسم مرتي ماتريدني
تدري بي شكد أحبها قاسم راح تتركني
أني بريء والله
_بس كلي شوداك عليها ليش مارجعت وياهم ليش بقيت ؟
_حظي الخر ...بقاني هناك لو مسوي حادث ومتكسر ولا
واصل لام سعودي الكحبة الساقطة اني الها
والله بس الزمها الا اثرم لحمها ثرم
_شيفيد الكلام بعد الفاس وكع بالرأس لازم تثبت برائتك لزينب قبل لاتلاص الأمور اتصل بيها وفهمها
_كرامتي ماتسمحلي اتصل بيها
_خاب ماتاكل تبن شنو كرامتك ماتسمحلك فوك ماأنت
الغلطان وماتريد تتصل وتبرئ موقفك
والله حلوة هاي
_هي ماتسمع مني وتصدك بيهم ماصدكت لكت زلة علية وتعاركت وراحت لبيت أهلها وتطالب بالطلاق هاي جزاتي
الها حاربت الكل لما صارت لي
دللتها والله قاسم مامقصر وياها بشي هيج تتنازل عني بهاي السهولة من اول مشكلة تطلع تطلب الطلاق بدل ماتوكف وياي وتساندني ونعرف منو ورة هاي السالفة تتخله
قاسم وتتركني الوحدي .
_هاي هن النسوان مايصدكن يلكن زله وديني لأهلي لو طلقني قابل جديدات عليك هسه ماعلينا تعوذ الشيطان وأتصل
بيها خطية هسه مجابلة التلفون وكاعدت
تنتظر اتصالك
_ماتصل والله ولاابرر موقفي هي تعرف بي شكد احبها ومتعلق بيها شلون ماتثق بي وتثق بكلام الساقطة ام سعودي مو تدري بي اكره البنية القاصر شلون تتوقع
استغل بنية عمري كله مامستغل بنية كل بنية جانت وياي برادتها الكاملة وعمري كله مامصادق بنية قاصر قاسم
ماعدها ثقه بي ماتثق بي طلعت بطرك الجذب
تكول اثق واثق وطلعت بطرك الجذب
_مسك هم مثلها تكول اثق ومن تصير اقل زلة تتعارك هاي هن النسوان الشيطان راكب راسهن وكل ثانية برأي وانطيها حقها شافتك بمقاطع إباحية وي نسوان
شراح تتوقع تكون رد فعلها من حقها تأخذوها موقف صادم البنية انصدمت ترى أني بمجرد افكر بيها انصدم
اما هي بنية ومرتك
_تعبت قاسم تعبت والله
_اووووف بي التعب ولابيك
_ماتحمل بعد تجي بالي اجيت من فوك السطح واموت واخلص من صغري المصايب وابلاوي تجيني شوكت
ارتاح قاسم بس كلي شوكت أرتاح؟
_كول يالله رائد أعرفك قوي وتتحمل أزمه وان شاءالله
تمر وترجع زوبه لعندك وتعرف منو
وي ام سعودي
_ اخخ لو بس اكضها الا اكفر بيها كفران امارس
كل أساليب التعذيب بيها
_يمة خوفتني
_وحق العباس ابو فاضل لاسوي بيها اسواية لاصايرة ولا دايرة واعلمها منو رائد وشلون خلت رأسها برأسه تدري بي أنت شلوني من اتعصب ابوي وامي سهاد
ماشوفهم كدام اعيوني .
_اعصابك رائد فدوة رحتلك لا تتعصب زايد وروح اخذ علاجك باجر الصبح اخذ اجازة مؤقته
واجي اشوفك
_أنتظرك قسوم
_مثل ماكلتلك احاول تتواصل وياها علمود
ابنكم خطية علاوي
_شكو على علاوي
_شنو شكو هاي امه والطفل يحتاج أمه مثل مايحتاج أبوه
_أني اصيرله الام والاب
_رائد كدرت تعيش بدون أمك تذكر من شالوا وعافوك علمود المدرسة عد عمتي الصغيرة شصار بيك مو جنت تبجي
بالخفية علمود خاله سهاد
_شمدريك ولك ؟
_ترى جنت أشوفك ورة المدرسة تكعد تبجي لو من نطلع
بره تكعد بعيد عنه وتبجي أدري
فراق الأم صعب
_اي والله كلش صعب هسه من أروح للدوام أشتاق لأمي وعرايكي وياها اسمع أمي ذكرتني ماموجود بغرفتي وجاي تصيح اما ابوي مطنش ويرزل بي
_هاي الأم قلبها حنون وترف مو مثل الأب قاسي وماينزل نفسه لأولاده دائما يبين كدامهم
شخصية قوية
_اي والله .. هااا يممممة
_خرررب بيومك زرفت أذاني
_ههههه فاتح ميكرفون
_هو هيج تصيح ترخص وروح شوف أمك
_يلا في أمان الله ههههه
_هههه الله وياك مخبلنه
_باي عاقلنا هههه
_ههه بايات ههههه
فصل الخط يضحك صرت أضحك يعرف شلون يضحكني
بعز احزاني وانكساري صعدت امي رأسن
حضنت نفسها
_ولك وينك كلبت البيت كلاب عليك وتالي الكاك فوك السطح
_حبيت انفرد بنفسي واحجي وي الغيوم والنجم والقمر
_وأني أمك ماتحجيلي ؟
_تعاي اكعدي وخل احجيلي لبي
_باردة انزل جوه واحجي
_مانزل والله بس انزل اتعارك وي سلام سلم تدري بي يدورها دواره تعاي اكعدي بصفي هسه ادفيج بحضني تعاي يمة تعاي بس أنتي تسمعيلي وتحسين بي
_اوووف يمة قلبك ملجوم
_كلش
اجت كعدت بصفي بدل ماخليها بحضني خليت رأسي بحجرها .يمة أحبها ليش تركتني ؟!
خلت ايديها على رأسي حسيت بدموعها نزلوا
على خدودي... أدري بيك تحبها
_ماتريدني بعد
_لا تريدك بس تكابر
_هي كالت ماريده خل يطلقني
_حاله اعصاب يمة هسه باجر نروح نردها الك
_ماراح ترجع
_شنو بكيفها ماترجع
_اي جاي يتراوالي راح ندش المحكمة وتطلق مني وتشوف
غيري وأني أفقد عقلي واسبب الها
مشاكل واخطفها
_سم الله الرحمن بيش طالب روحك بالطلاق
والمشاكل أني اشوف ترجع
_والقرآن الكريم ماترجع
_شبيك رائد
_تدرين بي عنده الحاسة السابعة قوية واحس بالأشياء قبل حدوثها وجاي اتنبأ أني وزينب نهايتنا الطلاق
وعلاوي يبقى عندج
_رائد رجعنا لخبالات زمان
_ترى مو خبالات هاي حقيقة أني أشوف أشياء من صغري وعندي توقعات قوية وإذا أشوف
احلام تصير بالواقع
_رائد هاي نظره للمستقبل ومرات تصح ومرات لا
_تصح يمة
رفعت رأسي باوعلها عيونها كلهن ... دموع
رفعت ايدي مسحت دموعها ...
_دموعج غالية يمة لتنزليها اترجاج
_ وأنت عزيزي شلون دموعي ماتنزل عليك ولك قلبي جاي يتكطع من اشوفك مقهور ومهموم الله لانيطيها ام سعودي الله لايوفقها دنيا وآخرة وان شاءالله تتعذب بحياتها وماتشوف الراحة بيوم بجاه النبي محمد (ص)
_ام سعودي وراها عالم
_عالميش ؟
_أكيد عالم جبرتها تخوني وتطعن بي
_منو له مصلحة ؟
_هواي عالم تكرهني وتضمني السوء محد يحبلي الخير
_حسبي الله ونعم الوكيل بيهم كلهم وان شاءالله حوبتك تطلع بيهم واحد واحد مخليه وراهم الله وابو فاضل وان
شاءالله مايخيبولي ضني
_دخيلك يابو فاضل اكون تصوب ام سعودي
تصوب وتطلعها كدامي
_اللهم أمين
بقيت احجي ويه أمي أخذنه الواهس فزينه على صوت أبوي نزلنه سويه رزلني رزالة مال غسل ولبس شكم مرة كلتلك جوز من الكحاب جوز لا تساعد أحد
محد يفيدك بهذا العالم غير نفسك واهلك بيش فادتك مساعتك لام سعودي احجي فادتك لو طينتك وخلت سيرتك على كل لسان هسه الشيخ أتصل بي وكال
باجر نروح نرجع المره وماراح آخذك لأن أدري بيك ابو بلاوي وابو لسان طويل بس توصل اهناك تجفص جفصه وتليص الشغلة كلها وتروح تتعارك
_أصلا لترحون
_ماتنجب إذا ابقى على كلامك تطلك المرة وأني
مامستعد أخسر مرة مثل زينب
امي_ولا أني مستعدة اخسر بنيتي زوبة
رائد _خسرتوها
صاح بي أبوي وصرنا ملخ أني وياه تدخلت أمي دفع دفع ودتني للغرفة كعدت يمي تحجي وياي ليش شمسوي أنت وماراح ترجع زينب احجي أخاف هذا كله صدك
_لاا
_لعد شكو ماتحجي
_هي كالتلي من قبل بس تخوني اعوفك
علاوي وتطلك واشوف غيرك
_مجرد كلام وأنت مخاين
_خنت والله
_شنووو ؟
_خنتها أكثر من مرة
_شتحجي ولك ؟
_اي والله خنتها مرة بأربيل ومرة من رحنا لبغداد
ومرة وي ام سعودي وي غيرها
_رائد لتخبلني
_والله شبيج الخيانة تمشي بدمي وقبل لا تصعدين للسطح عترفت الها بكلشي ودزيته رسالة خل تعرف مادام
انفتحت سيرة الخيانة
_ولك انت غبي بس فهمني غبي شلون تعترف الها ولك ماتبطل من دروب الكحاب رائد ماتبطل بس فهمني شنو تستفادة من الكحاب مو عندك مرة
_مرض نفسي أسمه الزنا شسوي ماكدر أسيطر على نفسي شوفيلي حل يمة راح اتخبل والله العظيم وزينب راح تتركني ماتحمل تتركني تدرين بي أعشقها
_انعل ابو العشق ليجي من وراك تخونها ليش يمة شسوتلك هي وتروح تدور غيرها شناقصها ايد رجل جمال اشو تخبل جنها شمامة وخلفتلك طفل يخبل ليش هيج
تسوي وتنزل كرامتي وهيبتي بين الأهل ولك هسه شماتك فرحانين ومحظرين لخراب بيتك ...
_هو خرب وخل يفرحون بعد
_ولك شبيك ؟
_أريد أنام يمة عوفيني
_ولك شعوف منك بس فهمني ؟
_الوحيد من بين اولاد عمامي واخواني وخوالي أني استارث المرض ليش عود أني تعذب وتمرمر وعديم المشاعر والمسؤولية وماهتم إذا خنت وإذا قتلت وإذا اذيت
عادي عندي ليش يمة أني الله ختارني .....
من بين الكل احمل مرض جدي .
بقيت احجي وهي ..... تسمع وتبجي كلمة ماتطلع رحت نمت بفراشي ودموع تنزل أصعب شعور حسيته بحياتي من زينب تركتني وراح تتركني للأبد
زينب كاعدة بالغرفة مهمومة وحزينة دموعي مانشفوا أبد زيد فرحان وأخوي كذلك فرحان أصعب شعور شماتك منك وبين وعمي يخاف من رائد لايسوي
بلية لو مشكلة حقه عمي يخاف منه بعد لسواه بيهم لزمت تلفوني بإيدي قلبي مثل النار على علاوي كلت أتصل
بفروحة وخل تشوفني علاوي
توني ردت أتصل جنتي رسالة من رائد على الواتساب قلبي طار من الفرحة وأخيرا قلبه حن علية وراح يبرر موقفه فتحت الرسالة بسرعة من قريت المكتوب وكع التلفون
من ايدي ودموعي نزلوا نفس لحظة رائد خايني أكثر من مرة وأكثر من مرة خايني وياها ويعترف بكلشي وي ام سعودي صدك وهاي بالجديد واما
باربيل ماخاين يكول ماعرف شخلتلي بالعصر وتخربطت كعدت الفجر لكيت نفسي عاري الصدر وعلى افراشها واكيد سون هذا الفلم بي كل هاي الخيانات
بس والله العظيم احبج زينب ....وماكدر أعيش بدونج كرهت نفسي كره مو طبيعي انزلقت بالكاع ابجي بهستيريا ليش يخوني وكل هاي الفترة يضحك علية
ويكول مااخونج وخليج واثقه بي مراح اخونج بيوم طلع كله كذب كذب رائد هو نفسه رائد القديم اليزني ويشرب خمر وأني مادري شنو استفاديت أني
من حبي له وزواجي له وفوك كلشي خلفت طفل شنو ذنبة اجت أمي شافتني منهارة كعدت بصفي تحجي وياي بس كعدت راسن شمرت نفسي بحضنها
_ رائد هو نفسه يمة
_شكو شصاير وياج يمة ؟!
_مامتغير بعده يزني ويشرب خمر وخايني أكثر من مرة
_منو كالج ؟
_هو دازلي رسالة ومعترف بكلشي
_استغفرالله هذا شبي تخبل ماتكليلي شلون هيج
يسوي وشلون يعترف بقذارته ؟
_مبين يريد يخلص مني علمود يأخذ راحته
_حسبي الله ونعم الوكيل بيك يارائد وان شاءالله حوبتج تطلع بي بجاه الله ام البنين (ع)
_ماريده يمة ماريده
_مادام كشف نفسه على حقيقته واحد سكير وطايح الحظ طفري النهر مادامه ضيق بس يعرض النهر
مابيج حيل تطفري
_علاوي شلون ؟
_نشتكي عليه ونجيب علاوي
_اي أريد علاوي أبني مشتاقتله أريده يمة أريده
_لتبجين يمة والله اجيبه الج
كومتني كعدت فوك الجرباية ابجي شعور الخذلان والخيانة جدآ صعب واصعب من الحب والاشتياق كرهت رائد بكد ماحبيته جنت متأملة يطلع كلشي كذب ونرجع
لبعض مادريت السالفة جبيرة وتطلع وراها خيانات في خيانات وفوك كلشي بعده يشرب خمر ويسكر وأني
مادري ولا عندي علم بسوالفة
المكسرة اجاء عمي يريد جوابي كلتله جوابي هو الطلاق أريد اتطلق ماريد ارجع الرائد حجه وياي حاول مانطيته مجال كلتله هو عترف بكلشي وكال أني خاين
وعندي الدليل على ..... خيانته إلي وراح اشتكي علية واطلب الطلاق واخذ حقي بالكامل منه وحتى ابني
علاوي اسحبه منه
عمي يخاف منه وكال ديري بالج تنطين المقاطع والرسالة الاعتراف للقاضي لو للمحامي والله العظيم انتقم منج
يازينب ماعوزني مشاكل وي أهل الغربية
ورجلج المخبل ابو المشاكل وبلاوي
خليت وسكتت اخواتي يقنعون بي أرجع لزوجج وجفي الشر مرت عمي كذلك أرجعي ماعوزنة مشاكل وماعوزي تجيني بلية لو مصيبة من ورة راسج
اخاف هذيج المرة طيح حظنه وخلانه على ابساط الفكر هالمرة شيسوي يقتل لو يكعدنا مرة اللخ روحي وجفينه
شرج ماتجي من وراج غير البلاوي .
محد وكف وياي غير أمي ومؤمن وزيد هذولة يردون الإنتقام من رائد وأني مال ارجعله مستحيل أرجع يعني مستحيل قبل لا يروح عمي طلعت من الغرفة
وكلتله ...
باجر أروح للمحكمة اشتكي على رائد واطلب
الطلاق وحضانه علاوي
_زينبببب
_والله هذا آخر كلام عندي مستحيل ابقى وي رجال خاين وسكير وابو نسوان مجايزة من روحي أني أتمنى توكفون وياي ولو لحظة وحدة وبطلوا خوف منه
رجعت للغرفة ابجي صعبة كلش هل كلمات أطلعها بحق رائد مافكرت بيوم راح توصل بينه الأيام لهاي الدرجة اطلب
الطلاق منه في سبيل الخلاص .
اخوي مسلم تدخل وكال خل تطلب الطلاق ماعليك بيها عمي هي عايشة وياه وتعرفه أكثر من عدنا والله أعلم شجان
يسوي بيها وهي ماتكول .
عاد بالدفرات يله قنع عمي وتصل بالشيخ كاله بيناتنه المحاكم والبنية أريده الطلاق خل يطلقها وينطيها حقوقها وابنها
لو تصير موزينة .
ثاني يوم الصبح ....رحت اشتكيت على رائد وطالبت بحضانة الطفل عمي يكول تلفوني صار بدالة اهله يتصلون الشيخ يتصل عالم ماعرف منو تتصل كلها
تريد ترجعج وأني قافلة مال أرجع الواحد سكير وابو نسوان لو اموت صح أحبه وكلبي جاي يبجي دم على افراقه بس اهمشي عندي كرامتي وعزة نفسي
وكرامتي ماتسمحلي ابقى وي شخص مايخاف الله شلون باجر عكبه يخاف الله بي وفوك كلشي مريض نفسي أخاف باجر عكبة مرضى يزود للأسوء وابتلي
بي أني منو الي لو تخبل وصار مجنون رسمي '.
قاسم سمعت بسالفة رائد أخذت جازة مؤقته واجيت للبيت سلمت على أمي وابوي رضاوي جان بحضنها وصعدت اشوف المجنونه مسك سلمت عليها وطلعت
_وين رايح ؟
_عوفيني مسك ماخذ إجازة مؤقته ساعة زمان وارجع
_تعال فهمني شنو سالفة رائد وسمعت مشتكيه علية وطالبه الطلاق وحضانة الطفل هل حجي صحيح؟
_اي
_ولك وين تعال قاسم
_وج عوفيني مستعجل خل اروح أشوف حال رائد شلونه
_شلون حاله الخاين النذل مايجوز من العاهرات ليش هيج يسوي مو متزوج ليش يخون مرته
مايخاف من الله
_مالج دخل
_شنو مالي دخل لا الي دخل شنو ذنب هالبنية خطية من حبها وتزوجها وخلف منها طفل ليش هيج يسوي مو كد المسؤولية ليش تزوج وليش تخلف أنت
عديم المسؤولة والإخلاص والوفة ليش تورط بنات العالم وياك ترى بنات العالم مو لعبة قاسم
_اهوووو
_تعال وين والله ماكو طلعة أخاف أنت هم مثله تطلع
_اووووف ربي اووووف ولج جوزي مني قلبي خلصان من الشغل ومن ضيم رائد بس بعدي عن الباب خل افتهم
السالفة شنوو وج بعديييي
جريتها كل قوتي شمرتها فوك الجرباية وطلعت روحي مشتعلة انوب مسك علية أني وين هي وين ماتصدك تلكه زلة على رجال تجي تركض علية أنت هيج
وأنت هيج طلعت بوجي لبيت عمي ....مستعجل دكيت الباب طلعلي فاضل سلمت وكعدت شوي واجاني رائد تعبان مبين من ملامح وجه عينه المضروبة حمرة دم
سلم وكعد بصفي يجر حسرات ...
هاي صدك لسمعته؟
_اي والله وبالساعات يوصل البلاغ
_هاهية راح تنفصلون
_اي ولهناه وانتهى كلشي .
_وليش هل برود ليش ماتكوم تروحلها وتجيلها من اهلها ليش تخلي الامور تزاد تعقيدن وتدخلون محاكم رائد لا تستسلم تذكر شكد عانيت لما وصلت الها وتزوجتها
تذكر التعب وسهر اليالي والناس والحيوانات لراحت
ضحية حبك لها ليش تخليها تروح من
إيدك بهاي السهولة .
_هي تريد الطلاق
_وهي بكيفها تطلق كوم وياي خل نروح نردها
_ماكو رجوع ماتقبل
_دكوم خل اروح وياك بلكت الله تقبل ترجع
_ماترجع قاسم
_هو شنو ماترجع وين خاله سهاد خل تجي نروح نحجي وياها ونكوللها كل الحجي جذب بحقك والمقاطع قديمة
جاي يشهرون ويسقطون بيك .
_عرفت كلشي وأني اعترفت بنفسي خنتها
_عترفت ؟
_اي كتلها كلشي وعن كل خياناتي لها
_ولك غبي ليش عترفت ؟ ليش دمرت زواجك بإيدك مو كلتلك لا تكول لا تجيب طاري الكائن مايكون ادفن كلشي وتوب ليش ماتسمع الكلام جاوووب
_شجاوب قاسم شجاوب إذا هن على كلشي كايلاتلها وتسجيل صوتي بصوتي احجي عن علاقاتي وي بنات غيرها ولك هاي ام سعودي مطلعتني تفصيخ تفصيخ اشهرتني البربوك
شهرتني الساقطة أني أعلمها
_ دمرت حياتك
_إنتهى كلشي وهسه تشوف كلشي ك دليل بالمحكمة وكلشي تكسبة لصالحها حتى علاوي تأخذه مني خسرت زينب
ماريد اخسر علاوي قاسم
_شسويلك رائد كلتلك جوز من درب الكحاب جوز لا تساعدها خلها تولي هاي بربوك وساقطة ماتتوب من كل عقلك جنت تفكر تتوب ولك صارلها سنوات تشتغل
بكوادة هسه لسواد عيونك تترك وتشتغل بمطعم
وتتعب والله بطران أنت واكبر بطران على
الكره الارضيه .
خسرت مرتك حبيبتك وراح تخسر ابنك علاوي دمرت نفسك وضحكت شماتك عليك شلعبت انت ماتكلي شلعبت بنفسك صرت مضحكة لليسوه والمايسوه
_من غبائي الزائد خسرت كلشي
_مو بس غبي اثول وعار ومطي حشاك
الحيوانات تفكر احسن منك
_اي والله
_هسه شلون تبقى هيج ؟
_زينب واعرفها من تقفل تقفل ونفسها لعبت مني حتلوه اردها بالقوة ماراح ترد مثل قبل راح تعيش بعيده عني وأني ماتحمل نعيش أني وياها مثل حال الغرب
_والحل ؟
_الطلاق راح تفاوض وي أهلها
_شنو تتفاوض ؟
_انطيها حقوقها كاملة والطلاق لاكن في
سبيل تتنازل عن حقها بعلاوي
_من كل عقلك ؟
_اي والله ماريد أخسر الآثنين على اقل
تبقى ريحتها عندي بالييت
_خرررب بيك رائد وين شمرت نفسك
مارد بقى ساكت اجت خاله سهاد تجيب وتحجي علية هو ساكت ويجر جكاير استغربت هدوئه وسكوته وتقبله للواقع أني اعرف رائد عنيد ومايتنازل بسهولة
عن شي يحبه وبالاخص زينب عارض الكل وأخذها شلون تنازل عنها بهاي السهولة شوي ويجي أبوي وعمامي وعماتي كلها تقنع بي نروح لبيت أهلها ونردها
هو قافل ماريد بعد خلص الطلاق أنسب حل الطفل يبقى عندي وهي تأخذ اغراضها وحقوقها وتمشي لبيت
أهلها ماريدها بعد
شكيت بي جاي يمثل اعيونه ... مليانه دموع من يحجي اخر شي طلع بره كمت لحكته صعد بالسيارة وطلع مالحكت بي شبعت قهر عليه مبين مجبور على شي بس ماجاي
يكول وجاي يكابر بالموضوع .
رجعت جوه ترخصت منهم ورجع للبيت أشوف ام عطوب أكيد زعلانة هسه وكالبتها مناحة بالغرفة ماريد اصير مثل رائد مهمل وازعلها واخسرها وأبقى طول عمري
ابجي وراها واجر حسرات ولوعات .
وصلت للغرفة دخلت والصدمة لي لامة
ملابسها ومبدلة ...وين ؟
_لبيت أهلي
_شنو بيت اهلج مجنونة أنتِ؟
_واخر عن الطريق اريد أروح يم اهلي واكول لابوي عليك
_شتكوليه بلا ؟
_اكوله دفعني وكعني فوك الجرباية ونضربت
رجلي ونجرحت وجاي يخوني
_الله مطولج ياروح
_واخرررر
تعصبت وجريت من ايدها الجنطة شمرتها هناك وين ...
شكم مرة كايلج عقلي بت الأوادم اعقلي وكبري
راسج هذا راسج شبي حجار لو خيسة
_اااه راسي زرفته
_اكسر راسج بالقرأن مسك بس ماتبطلين مزعطة كافي بزعتيني كفرتيني بيوم يومي اريد اجي يوم من أيام الله وماتسون مشاكل لو تزعلين شوكت اشوفج مرة من صدك شوكت جاوبي الخاطر الله .
_من تبطل تخوني
جريت خلك ومنا روحي بخشمي .....صايرة منورة رائد جبتها براشدي فريت وجهها فر عاطت بي جبتها بالثاني
ولزمتها من زندها قوي وهز بيها
_اول مرة وآخر مرة اسمع منج كلمة اخونج افتهمتي وان طلعتي خارج الغرفة والقرآن الكريم اطلقج مسك ولا اسأل عنج واخذ منج رضاوي فعذر من أنذر
دفعتها وكعت بالكاع حجيت بتهديد ...
بعد يومين راجع من الدوام وان مالكيتج لا تحلمين اجي
اردج ايدي والطلاق وهاا وإذا زعلانة لكيتج ياويلج مني مسك ترة واصله حدها وياج ومتحملج صارلي
سنوات بعد ماعندي طاقة للتحمل
كعدت بالكاع صاحت بي ...
ماتطلق منو لازمك
_اعدمج
_وتايهة لايدك الا اكول لابوي وخالي ضربتني
_وارجع اكسرج تكسر واربطج واطلع للشغل
احسلج اكعدي عاقله وبطلي جنان
_ماتايهة لايدك
_والله مرتي وحلال كلشي أسوي بيج ومحد له دخل
احسلج كعدي عاقلة وحفظي كرامتج ومي وجج
احسن ماهينج واذلج .
_تهين منوو ؟
رجعت لعدها كعدت كدامها لزمت وجهها بكف ايدي قوي ...
اهينج واذلج واطلع كل الدلال سنوات من
بين عيونج
_ااااه وجي كسرته
_توبي
_لاااا
_هسه توبين
_ااااه اي والله توبه بعد احجي وياك و أزعجك
_اي عفية
بستها من كصتها وعفتها رجعت ضميتها لصدري ...
اي هيج أريدج حبابة وتسمعين الكلام مسك
اكعدي راحة ترى واصله حدها وياي
_ليش تضرب ؟!
_ردت اعلمج شلون تتهميني باطل أنتِ مو كل ماشفتي
رجال طايح الحظ ساويتيني ويا وطلعتيني مثله
حرام عليج تشكين بي
_مو صديقه
_وأني شوكت شايفة خطية بالسنة حسنة اشوفه دوامي عكس دوامه وأني جنت قبل اداوم ويا مامشيت بدربه
ترديني هسه امشي بدربه
_والله
_ شالج الله بطلي حلف راح تهجمين بيتي بالحفلان
_معن....
_راح اكتلج كتله معدلة مسك
عفتها وكمت ...
وابشرج راح ينفصلون رائد وزينب
_ليش ؟
_بزعوا من بعض وقرروا ينفصلون ديري بالج تبزعيني منج مسك ترى إذا تبقين بهاي سوالفج المجنونة أخاف
نهايتنا تكون طلاق
_قاسم
_كل إنسان ولع طاقة للتحمل وأني طاقتي راح تنفذ وياج
_ الله لا يكولها
_كلتلج بطلي جنان وخليج مرة طبيعية واعية ومتفهمة
وتهتم بزوجها وتحبه وتحترمه وماتساوي
وي بعض الزلم .
_ماسوي بعد والله بس لا تكول نهايتنا
طلاق والله امووت
_بطلي خبال
كامت بسرعة اجت لعندي حضنتني .... كل قوتها وتتوسل بي ماتركها والله ابطل جنان وتوبة إذا ازعجك بعد قاسم توبة بس فدوة لا تعوفني والله أحبك أكثر من روحي
ماكدر أتنفس الهوء بدونك .
_تمام قلبي يلا ابعدي أريد ارجع للشغل
_أبقى
_ماكدر بعد يومين أنزل
ودعني وراح شبعت بجي من راح وكمت احجي علية ضربني رحت اتصلت بأمي وكتلها قاسم هيج سوه بي وضربني
علمود كلتله خاين كالت حيل وابو زايد بيج
مني له انزعلج الحزام وكطعة فوك ظهرج تكطع شكم مرة كلتلج حافظي على زوجج كلتلج زوجج قطعة ذهب مايتعوض أبد وين تلكين هيج رجال بهذا الزمن
بس فهميني شتردين أنتِ لو صايرة مثل عماتج كلشي مايوكف بعيونج بطلي خبال ماما بطلي وماعليج
برائد هذا هو رائد
منو مايعرفه واحد ابو نسوان من يوم يوما يحب النسوان قابل جديد عليكم وزوجج واحد يخاف الله بأيام العزوبية مراح ونام وي بنات ترديه هسه من تزوج يخونج
طايحة الحظ اعقلي لو اجي اعقلج بنفسي.
اكلت رزالة تامة من أمي وسدت التلفون بنص وجي رحت اتصلت بمنار نفس الشي رزلتني وكالت قاسم خلوق كلش ومحترم هاي احنا من يجي
عدنا بس يسلم ويكعد بالغرفة الواحدة ويستحرم وين تلكين هيج رجال بهذا الزمن يحبج ويحترمج ومدللج وينطيج افلوس بوكه امه ومخصصلج راتب
شهري وج اكو نسوان يتحسرن على الربع دينار والعيشة الحلوة وأنتِ عندج كلشي ليش تترفسين بالنعمة عود من تخسرين نعمتج تعضين اصابيع الندم
_كلكم وكفتوا ضدي
_شنسويلج لعد نشجعج ونهجم بيتج بإيدج ولج عوبة قاسم نعم الزلم وأتمنى لو أتزوج واحد مثله خلوق ومحترم ويحترم المرأة ويدللها وين تلكين مثله وين جاوبي
كلام امي صدك ماعرف شبي كبيت وتهورت وطلع مني تصرف محلو وخليت قاسم يضوج مني وأني منا حامل
الصراحة كوة لازمه نفسي ماكدر اصير كيوت أني بداخلي جبار كل ثانية يريد يطلع ويتعارك علمود ضربني بس اكضه ثاني يوم الصبح خالي متعارك عرفت العركة
بخصوص رائد مسوي وي أهل زينب تفاقية طلاق يأخذوا في سبيل يعوفون علاوي عنده عمي مايقبل على تصرفه يكول فوك ماهو الغلطان يريد يحرم ام من ابنها
فزيت سمعت صوت رائد بالبيت من كال ..
ترى اشن الحرب عليهم احسللهم
يعوفوني بحالي ويأخذون بتها
ابو نزار _ اكسر راسك حيوان ابو الكحاب دحجي
وياهم كلمة وحدة وشوف شسوي بيك
رائد _شسوي تنقل لو تعاقب سوي ليعجبك مال اتنازل عن علاوي مستحيلة هذا ابني مااسمح لنفسي ابني يتربى
بعيد عني وبالبيوت .
ردت عمتي تكول...
زينب بعدها صغيرة وحلوة من الصبح تزوج وين تعوف
الولد واني وي رائد خل يبقى ابنه
عنده وامه تربي .
عمي_اشو انتِ طابكة ويا
رائد _غير ابنها اني
عمتي _ ابني هذا و شلون ماطبك ويا وكلامه صح وين يعوف ابنه بالبيوت وهاي مرته عيارة واذا خانها الله يساعد قلب ام مريم خانها وي عشيرة وتزوج عليها أثنين
نسوان وبقت ويا لو هاي هم عيارة البنات هذا الزمن بس خانها طلقني طلقني وبالليل تحضن المخدة وتعيط
تريده أمهات العيارة المساكات
بقيت صافنه عمتي داست ركبه ونص ... على
زينب تباوعلي ام سارة وتضحك
مسك_سمعتي ؟
ام سارة_ اي سمعت هههه
مريم _ترى هي هم مرية ليش هيج تسوي وتشجع
الزلم على النسوان
ام سارة _ مو محمد خاين مرته وتعرف بي شلون ترديها تحجي على رائد ومرته تسمع غير تسكت الأجواء قبل لا تكب بيتها عمتي امرأة محافظة هههههه
مسك _صارت امي قدوة ههههه
ام سارة_اي والله هههههه
بقيت أضحك على .... سوالف عمتي عمي يجيها منا تجي منا طبك ويا محمد ومصطفى مادري منين طلع كلها ويه رائد طبكت مانقبل ابنه يعيش بالبيوت
تريد ابنها خل ترجع تريد الطلاق ماكو ابنها وهذا آخر كلام عدنا لعرفته أني يحاولون يردون زينب عن طريق ابنها
علاوي رحت قدمت الضيافة الهم
سمعت عمي يحجي على التلفون وكال ...
هاهية بتكم ترجعلكم وحفيدنا يبقى عدنا
ولايهمك ينطي كل حقوقها
باوعت الرائد نزل الجاي بقوة على الطبلة منزعج ماعجبه الكلام خطية جان همه يجر زينب من خلال علاوي زينب مبين تنازلت عن علاوي في سبيل الخلاص من رائد
اشرتلي عمتي اشيل الستكاين رحت شلتهم وعمي بعده يحجي وصلت يم رائد شال الستكان وخلاه بالصينية عمي كال هاهية خلصت بتكم من ابنه بعد
لا تعرفه ولايعرفها
رائد أبتسم بخفه وهمس
الموت مايخلصها مني
باوعتله أبتسم وكال...
تفضلي ام رضاوي
بلعت ريجي خفت منه فلتت عدل ... للمطبخ ماكلت لأحد من كال الموت مايخلصها مني أنوب هي تنازلت عن ابنها في سبيل الخلاص شلون ورطة ورطت نفسها المسكينة
لو راجعة اشرفلها من البلاوي والمصايب لراح تنزل عليها من رائد وعصابته محمد ومصطفى وقاسم افندي هم
ويا طابك أدري بي .
زينب " بالشلعان القلب يلا خلوني اتنازل عن ابني الرائد كالولي لو ترجعين الرائد وتحضنين ابنج لو تطلقين
وتخسرين ابنج هي وحدة من الآثنين
ابجي وامي تبجي وياي كاللهم عندي دليل هو عديم المسؤول بس اشوفه للمحكمة راح ينطوني ابني وكل حقوقي ليش ماتخلوني انطي الدليل للمحامي
أهلي يخافون منه وكذالك عمي يرجف رجف منه من عاند يكلي كومي خل اردج له بنفسي وجفي الشر عرفت هاي الخطة من رائد علمود ارجع له بس لايموت مارجع له
قررت الانفصال وتنازل عن علاوي بس أنتظر شهر شهرين يصير عندي فلوس اشتكي علية واسحب ابني لحضني عباله بهاي السهولة اتنازل عن ابني لاوالله له بفلوس
المؤخر اجر ابني الحضني .
مرت الأيام والمحكمة تمشي ..... وتم الطلاق وأخذت حقوقي الكاملة انطاني دفعة من المؤخر ٨مليون والباقي
أقساط بالمحكمة استلمه
كعدت بالليل ابجي بهستيريا راح رائد بعد ماكو رائد المخبل بحياتي راحوا امي سهاد وابوي سلام وفروحة والجهال
والكل وعلاوي حبيبي فطيمة
كلهم راحوا وخسرتهم بيدي التلفون واكلب بصورهم واحد واحد شعار طلعلي من فوك على التيليكرام نزلت البردة
جان رائد كاتب ألف مبروك الطلاق
انهاريت تمامآ ماتحملت دخلت وكتبت اله ...
الله يبارك بيك
رد بسرعة ...
مراح تنسيني راح أبقى عالق براسج
لآخر يوم بعمرج
_اكو منو لينسيني
_شقصدج ؟
_مالك دخل واحذف كلشي الي موجود عندك من صور
مقاطع كلشي لا تخلي عندك ذكرى لي مفهوم
صار يكتب انطينه حظر بردت قلبي بهذا الكلام هسه شتعل بالنار أدري بي يتخبل من احظره بحاله أعصاب حذفت
كلشي من برامج والخط طلعته كسرته
ماريد يتواصل وياي ولا أريد أعرف أخباره طلعت صورة علاوي حضنت التلفون وابجي أريده مشتاقتله مشتاقه
اضمه الصدري العب ويا ابدله اسبحه .
رائد كاعد فوك الجرباية ..... بالدوام فوكي محمد نايم وبصفي مصطفى وعمركلنا بغرفة واحدة جمعنا عمي وأني كل يوم متعارك وياهم يلعبون باغراضي لو
يفتحون الثلاجة ويأكلون اكل لاجيبة من فلوسي شالعين قلبي شلع واليوم تطلقت عن زينب واعصابي تلفانة خسرت ام الصخول راح ترد تدور صخله ام عداي
باركتلها على الطلاق ردت برد صادم خلتني اشيل بطل المي واشمره على مصطفى فز من مكانه ...
مصطفى _شبيك ؟
رائد _انجب كلمة ماريد منك
محمد _ عوفه زعلان طارت العصفورة من
القفص الذهبي وعافته الواحدة
عمر_هو انطاها مجال للعصفورة
رائد _انجبوووووووا
محمد _شبيك تنكرصت
عمر_منو كرصك أريد
رائد من كالتلي اكو من لينسيني فقدت عقلي سألت المقصود جاوبت برد خلاني اكمز من مكاني وانطتني حظر اهنا تخبلت وشلت التلفون وطكيته براس مصطفى
خطية لزم رأسه متوجع محمد طفر من فوك ...
شبيك تخبلت ّ
مصطفى _رأسي اخخخ
عمر_محمد أمشي عدنا واجب
محمد _هاا اي أمشي
طفروا محمد وعمر مصطفى كام لازم رأسه يريد يطفر
وراهم كمت سديت الباب ماخليته يطفر ...
_وين مولي ؟
_شكيت رأسي ااخخ بعد
_ماكو طلعة أبقى وياي محتاجك مصطفى
واخر أيده من رأسه يباوعلي بصدومه ...
شنو محتاجني
ضربته على رأسه ...
خررب بتفكيرك الوسخ ولك محتاج
أحد يواسيني يسمعني
_دكول هيج من الأول مو تضرب اخخ راسي اخخ
_بطل جذب هو تلفون
_شو تعال خل اهفك بي اشوف شلونه
_صدك هو وين راح التلفون
_شايل هم التلفون وماشايل هم راسي
_متعود على الكتل مايأثر بيك
لكيت التلفون جوه الجرباية صاير شلته بإيدي كلشي مابي انداريت أريد أشوف مصطفى ماكو اختفى هاي
شبيهم كلهم تطافروا
خذت باكيت الجكاير والتلفون وطلعت لكيتهم ملتمين بره الجنود شاعلين نار وجاي يتحمون رحت أمشي بتجاهم أريد أنسى الحظر والإهانة من زوبة ام الصخول
رحت يمهم يسولفون عن رأس السنة بعد كم شهر وندخل بالسنة الجديدة وهم فرحانين البعض يكول نطلع لاربيل البعض يكول نطلع الكربلاء والنجف الإشراف
وي العائلة
محمد كال ...
اكعد بالبيت واسكت واخلي المره تسويلي جدر دولمة
معدل واكون بي الحموضة فول الله الله
عمر_عزمني عود
محمد_سم والطم ماتروح المرتك خل تسويلك زقنبوووت
تمالخوا جريت الكرسي وكعدت اجت بالي اشوف رهف وين صفى بيها الدهر دخلت حساب الانستغرام منزلة كله صورها عادي وي زوجها وبتها دخلت ستوري منزله
منشور وكاتبة ...
وجان نحتفل بالإنجاز عظيم
ناشرة صورة كيكة مسوين احتفال ماعرف شنو المناسبة الاحتفال المهم مروا اليومين ونزلت للبيت اتفقت وي مقاول يهدم المشتمل ويبني من جديد
كلتله أريده خلال ثلاث أشهر تسلم المفتاح واكون مأثث كال صار تدلل ابو علاوي ثاني يوم الصبح طلعتلي شغلة أني ومصطفى سيارتي جانت جوه
والجو عاصفة وباردة كلش والدنيا غيوم ماخذت سيارتي أخذت سيارة أبوي تعاركت يلا أخذتها منه
طلع وراي يصيح
أبوي _شخط صغيرون اخذ سيارتك
رائد _هو عينك عليها من زمان
أبوي _كلتلك يارائد سيارتك بدل الشخط
رائد _هاهية ههه هاي شلون ورطة
مصطفى _بعد خالي لازم من نرجع نغسلها هههه
رائد _هي ماكلها الوسخ باع الطيان بكل مكان باع سيارتي تلمع لمع بالكراج حرامات أطلعها
وتتوسخ ههههه
مصطفى _اي هههههه
طلعنا بسيارة أبوي عنده شغل بالموصل الطريق صار لعبان نفس هوى عالي وكبت ترابة كدامنا كلشي ماشوف ويكتلك القهر جنت أسوق سريع والصدمة
لي شاحنة عالية محملة قناني غاز صارت كدامنا كصة
بكصة لفت السيارة بسرعة ماسيطرت على
الوضع وانقلبت بينه عده كلبات .
يتبع ...
اهمشي تفاعلكم بالقصة اريد الكل تتفاعل وتقدر تعبي وكل شخص يعلق 5 تعليقات حلوة ويخلي لايك علمود يصير
عندي واهس وانزل البارت ال8 بسرعة .