السلام عليكم.. وحشتوني أولًا..
ثانيًا.. حاجة أنا إتكلمت فيها كتير أوي بجد بس دي حقيقي آخر مرة إتكلم فيها في الموضوع ده..
التفاعل..
التفاعل وحش أوي بجد ومضايقني جدًا جدًا وهو اللي مخليني مش قادرة أكتب أقسم باللّٰه مش كلام وخلاص!
المشكلة واللي بيضايقني فعلًا إن فيه بنات كتير مبتعمليش كومنتس برأيها في الفصل والرواية وكده بس بيظهروا لما بتأخر ويبتدوا يسألوا على البارت الجديد.. ﷲ! ما انتوا حلوين أهو وبتعرفوا الكومنت بيتعمل إزاي.. أومال مش بتقولولي رأيكم ليه؟ 😭😂
أقسم بالله إنتوا لو قولتولي رأيكم هتوفرا على نفسكم وعليا كتير.. عشان تلقائي أنا لما ألاقي آراء حلوة عن الرواية أنا هيبقى عندي شغف وهتحمس إني أكتب ومش هتأخر أبدًا وهتلاقوني بنزلكم فصلين تلاتة في الاسبوع بدل التأخير ده!
فمن فضلكم بدلوا سؤالكم عن "الفصل امتى" واكتبولي رأيكم في الفصل وده هيجيب تأثير أحسن بكتير 💖
للأسف كمان أنا وصلت لقرار مكنتش حابة أوصله أبدًا بس للأسف الحال لو فضل على كده.. أنا هخلص الرواية دي إحترامًا للكام بنوتة اللي يتعدوا على الإيد حرفيًا اللي بيقروا الرواية وبيقولولي رأيهم.. بس للأسف أنا هبطل كتابة تمامًا بعدها..
عشان حقيقي أنا بزعل على نفسي كمان لما ألاقيني بقرأ كتير وبحاول على قد ما أقدر أحسِّن من طريقة كتابتي ومن السرد بتاعي وأطوره وده شيء متعب جدًا لو تعرفوا وفي الآخر محدش بيشجعني أبدًا..
في حين إن فيه ناس لا تفقه عن اللهجة العامية حتى شيء.. يعني بيكتبوا الكلام العامي غلط مش لغة عربية حتى.. ومع ذلك الريتش عندهم معدي جدًا يعني.. أنا حقيقي بتقهر على مجهودي.. مش حسد ولا حاجة والله.. بس كمان بزعل على اللي إحنا وصلناله..
حتى الموضوع ده حصل معايا أنا شخصيًا.. في روايتي الأولى حبها السري.. عدد المشاهدات فيها عالي والتفاعل عليها كبير.. مع إن سردها مش حلو وحبكتها مش أحسن حاجة، ومن ساعة ما طورت من نفسي والريتش قل خالص! 😂
اللي هو طب أرجع أكتب وحش تاني طيب وأوفر مجهودي ده كله؟ 😭😂😂😂😂😂😂😂
فمن فضلكم لو حابين إني أكمل في المجال اللي أنا بحبه ده.. شجعوني فضلًا.. لإني بجد عندي أفكار كتير جدًا نفسي أطلعها وأشاركهم معاكم.. بس حقيقي إنتوا مش مديين ليا الفرصة بجد!
وسوري لو طوِّلت عليكم.. وبالنسبة للفصل الحداشر فهو نازل بكرا إن شاء ﷲ 🙂💖
وبعد كده إن شاء ﷲ اللي هيعمل كومنتس كتير ويعلق ما بين الفقرات على الفصول.. هبعتلهم أهم مشهد في الفصل الجديد برايڤت 😉💖
وقولولي أنهي غلاف أحلى وأعتمد أنهي واحد فيهم؟