#عشق أهل الانبار
بقلمي انا الكاتبة #رواء هادي
تابعوا حسابي على الانستغرامroyan4h@
لاتنسون تعلقون بين الفقرات وتخلون لايك قبل القراءة تشجيع لي من أجل الاستمرار ...
قراءة ممتعة للجميع.
ماشالت عيونها عني أبد تاكل وتباوعلي آخر شي صفنت بيها غمزتلي عين انصدمت من جرأتها مرة مزوجة ومخلفة
تتحرش برجال غريب جريت انظاري عنها
كل ثانية اكل واباوعلها اجه بصفها رجال مبين زوجها شايل بحضنه بنية تطلع عمرها سنة أو سنة ونص وشايل لعابة جبيرة بإيده مبين جان بره المطعم
ورايح يشتري لعبة لبنته انطاها البنية أخذتها خلتها بحضنها تبوس بيها صارت الأم الحنون على أساس المهم كملنا أكل وطلعنا عدل للملهى الليلي .
وصلنا المكان كله دك ورقص ومطربة تغني البنات تتمركص اغلبيتهم اعمارهم صغار محمد وعمر زلغوا روحهم على بنات اصغار كلش مايطلع عمرهم بال١٤ او ١٥ سنة
مبينين من ملامح وجههم وجسامهم ناعمة المقدم حسن كال ماكو ترحون تتونسون وي بنات والمجرم يهرب من العدالة احنا جايين بمهمة مجايين نتونس
سكتوا للأبد نراقب بالحظور نريد ..المجرم عزام جابر يظهر بين الحظور ماكو اله أي أثر اجت بنية تسأل شتردون
تشربون طلب الناقص عمر خمر
خزره المقدم حسن غير وكال ...
عصير برتقال للكل يحلوة ههههه
_مو تدللون
راحت البنية تتمضحك نباوع برجاء المكان نريد نشوف المتهم ماكو اله أي أثر بقينا لحد الساعة بال١٢ ونص وماله
أثر طلعنا اجه اتصال للمقدم المتهم
بغداد متواجد بهاي الاثنان تعصب كلش لأن معلومات لوصلتنا جانت خطأ مو صحيحة عبالك جاي يتحدانا المهم قرروا هسه يرجعون للانبار أني مارجعت كتلهم
عندي شغل والصبح أرجع عاد راحوا وبقى وياي مصطفى
ركنت السيارة ونزلنا أجرنا شقا بنفس الفندق لبي ام سعودي وصلنا الغرفة بوجي للحمام سبحت وطلعت
دخل وراي مصطفى شوي وطلع كعد بصفي ...
اكولك رائد أريد حساب البنية الشقر عندك ؟
_الزينت شارب فائق ؟
_اي
_شلك بيها ؟!
_عجبتني اريد اتواصل وياها
_انتظر لحظة
رحت على التلفون فتحته دخلت انستغرام شفت حسابها قبل ٨ دقائق منزله ستوري ناشره رجليها لابسة تنورة جلد سودة قصيرة مطلعة الركب بيض شحم ...
رفعت التلفون المصطفى ...
حرامات لو منتظرين شوي
_على شنو ؟
_على فوفو ههههه
_خرررب بيومك هههههه كلما اتذكر أخرب من الضحك ههههه
_ هههه دزيت الك الحساب شوفها
_شكرآ
_عفوآ قلبي أني طالع ربع ساعة وارجع
_وين ؟
_شعليك أنت وهاا لا تطلع خارج الغرفة ترى غراضي
موجودة والسلاح وفلوس إذا راح ربع
دينار اطلعة من بين عيونك
_ادور موت اطلع
_حذرت بعد
_مو كلت ماطلع هاك اطلع واقفل الباب
علية علمود تأمن أكثر
اخذت المفتاح من ايده ...
هو هيج راح اسوي
_مابيك أمان
_أبد
اخذت التلفون ومحفظه طلعت ..... نص الفلوس خليتهم يم مصطفى وعفت شي قليل أخاف ام سعودي تبوكني مثل كل مرة أرجع درهم أحمر ماكو بالمحفظة
_ليش ؟
_بكيفي خلهن أمانه عندك
_ماشي
طلعت وقفلت الباب على ابو الصوف نزلت طابق الثاني بوجي لشقة ام سعودي دكيت الباب مرتين طلعتلي ام سعودي شال مضبط ولبس محترم مو مثل كل مرة
سلمت ودخلت جوه كعدت بقت كايمة ...
نورت الشقة ابو علاوي
_اي اخبارج اخبار ابنج اخبار الشغل وياكم ؟
_الحمدلله والشكر نعمة من الله الشغل والرجال خوش آدمي ماعرف شلون إجازيك على هاي المساعدة الحلوة
منك ابو علاوي
_ولا يهمج ام سعودي تدللين سعودي وين ؟
_سودة علية نايم
_خطية من التعب صدك جبتي نقله ؟
_اي جبته والبارحة داوم بالمدرسة
_حلو هاج هاي فلوس الج كضي بيهن أموركم
لما تستلمون راتبكم
_شكرآ اغاتي ماريد عندي خير من الله
_دخذي عاد
_ماريد هي كوه قابل اخذ
_تذكرين شلون جنتي تخمطين المحفظة كلها
من اجي لعندج هسه صرتي ماتأخذين
_ههههه الله على أيام زمان
_شكد حرامية جنتي
_كشرة هههههه
انطيتها الفلوس كوه ردت اكوم اطلع ماقبلت كالت الا اضيفك شي هاي أول مرة تجي للشقة مالتي عيب تطلع بدون
ضيافة جابت كلاص عصير شربت نصه
كمت سمعت دكطكه من الغرفة ...
منو عندج ؟
_محد
_لعد منو موجود بالغرفة
_ياغرفة ؟!
_لا تغشمين روحج ولج أخاف بعدج تشتغلين بالكوادة ؟!
_لاوالله تبت وحتى جاي اصلي
_لعد منو جوه عندج ؟
_غير ابني سعيد كعد من النوم واستحي يطلع هسه اشوفه
_انتظري أني اشوفه
مشيت جلبت بإيدي منعتني اطلع أشوف منو ...... عدها جوه باوعتلها خايفة كلش ومرتبكة جريت أيدي منها صارت بي دوخة رأسي صار يفتر فر وكمت ماشوف
كدامي بس غواش ...
شخليتيلي بالعصير ؟ احجي ياسافلة
شخليتيلي !!!؟
_والله جبروني سامحني أبو علاوي
ماحسيت اله تكومت بالكاع كلشي ماشوف عيوني ذبلوا وصار سود كدامهم وبعدها ماحسيت على نفسي سمعت
صوت رن التلفون موبايلي قوية يرن
فتحت عيوني بثكل فتحت عيوني .. اكثر من مرة عبالك بيهم رمد افتح واسد اريد اشوف شي ماكو بس غواش وعيني المضروبة نار تطلع منها صارت
شوي استقريت وكمت صرت اشوف بعين وحدة وعيني الثانية غواش استغربت بطرك البنطرون التيشيرت والفالينة والسترة ماكو باوعت أني على فراش ام سعودي
شجابني لهنا ملابسي بالكاع مطشرة طلعت خارج الغرفة اصيح على ام سعودي ماكو دورت كل البيت
مالها أثر لاهي ولا ابنها
بقيت بحالة تعجب وين ولت ؟!!!!
رجعت للغرفة لبست ملابسي واخذت التلفون والمفتاح بعده بجيب السترة وطلعت للغرفة فتحت الباب طلع بوجهي مصطفى شاف حالتي مخربطة
ولابس التيشيرت بالغلط ...
وين جنت ولك مو كلتلي ربع ساعة وارجع باوع
الساعة بال٥ الفجر
_شنوووو ؟!
_باااع
_هم يلا نرجع للانبار جهز الأغراض بسرعة
_ولك احجي شصاير وياك ؟
_مادري ولك
_شنو ماتدري وين جنت من الساعة بال١ لحد الآن
_مالك دخل
نزعت السترة عدلت التيشيرت رحت للحمام غسلت وجي اباوع العيني صايرة حمرة دم عبالك ماكل ضربه
عليها ونار تشتغل بيها
شميت نفسي بي ريحة غريبة هذا العطر مو لام سعودي اعرف ريحة عطرها لمنو هذا العطر وشجابه لجسمي طلعت من الحمام اتصلت بام سعودي أريد افتهم السالفة
البارحة سوت بي ؟
ماترد يطلع الجهاز مغلق رجعت إتصال على خطها الثاني هم مغلق رجعت دزيت رسالة لصديقي لتشتغل عنده بس تجي عندك ام سعودي أتصل بي
طلعنا خارج الفندق عدل للانبار مصطفى يحاول يحجي وياي مانطيته مجال كلتله كلمة وحدة ماتجيب ولا تطلع وان سمعت كايل بايت خارج الشقة انتقم منك
افتهمت لو لا
خله وسكت وصلنا الأنبار لكيت اهل زينب .... عدنا امها واخوها الجبير واخواتها الكبار وزوج أختها سراب وياهم سلمت عليهم ورحت أسبح سبحت وطلعت
حاير بزماني شصار وياي البارحة وشسوت بي ام سعودي ليش جنت عاري الصدر ونايم فوك الجرباية ام سعودي مالها لا حس ولا طك مختفية صديقي يكول ماكو
ماجت أتصل بيها يطلع مغلق الجهاز
شوي واذان صليت وطلعت كعدت يم الخطار وره الغدة قررت اكول شصار وياي لزينب أريدها تعرف القصة أخاف يطلعولي بقصة جديدة ويخربون بيناتنه .
زينب غسلت الماعين ورحت للغرفة أبدل لان تبللت وجو بارد بدلت ودا اعدل بحجابي تلفوني رن رحت شفت منو الرقم غريب مافتحت خط رجع دز رسالة
_ردي أني عشيقه رائد اريد احجي وياج؟
عيوني صاروا برأسي شنو عشيقه رائد جاي
تخبص هاي رجعت أتصلت فتحت خط ...
_منو أنتِ؟
_أني عيشقه رائد واريدج تساعديني فدوة ؟
_ بطلي جذب منو أنتِ وشتريدين متصله
بي ومنين جبتي رقمي ؟
_أخذته من تلفون رائد
_شجابج على رائد؟
_البارحة جان عندي نايم واستغليت الفرصة واخذت رقمج
_نايم عندج ؟!!
_اي والله والفجر طلع من عندي وهددني وكال بس اجيب طاري أني حامل من عنده راح يقتلني فدوة ساعديني أني حامل واهلي مايدرون بس يدرون راح
يذبحوني مالي غيرج زينب
_حامل ؟!!!!
_اي حامل والشهر الثاني
_قصتج حلوة وخوش تلفقين قصص تركيا براس زوجي
_ادري صعب تصدكين زوجج وحبيبج دا يخونج وعنده
علاقة بابنية قاصر عمرها ١٦ سنة
وهسه حامل منه
_بلا تخبيص زايد مراح اصدك بيج أني عندي الثقة بزوجي وهاي كلاواتج مشيها براس غيري مو براسي
اوك بنيتي في امان الله
_راح ادزلج الدليل عود كولي أني كذابة
_دليل شنو ؟
_رائد البارحة عندي وصور سونار طفلي من رائد وهاا رائد جان يخونج كل هاي الفترة وي واحدة دعارة اسمها ام سعودي ويضحك عليج يكلج اساعدها
بنية الخير ترى كله كذب في كذب عنده بيها علاقة وهسه ادزلج كلشي بس فدوة ساعديني اريد انزل
الطفل ورائد مايقبل
_دزيلي الدليل
_دزيت هسه يوصلون بس فدوة ساعديني ماريد اكمل بالحمل ويبين حملي واهلي يشوفوه ساعديني زينب انتِ هم امرأة وتعرفين بمعاناة المرأة بالمجتمع
_وأنتِ شجابج شوداج على رجال متزوج شلون تسلمين نفسج بالحرام شلون تخونين ثقه اهلج بيج
ماتحجين شلووون
_هو غشمرني جان يتواصل وياي على الفيس بوك وكال أني مامتزوج عزابي وراح اساعدج شمدريني ضحك علية واخذ ليريده بدافع الحب وصار يهدد بي إذا ماسلمه نفسي كل مرة يريد راح ينشر صور والمقاطع
والمحادثات لويا
_مستحيل يكون هذا رائد أخاف متوهمة
_وصلوا كلشي ساعديني فدوة
فصلت الخط بوجهها حيلي كله يرجف ايدي يرجفون كوه كفوف ايديه حاملين التلفون أخاف ادخل على التيليكرام وأشوف أخاف يطلع صدك رائد نفسه
والله تشجعت ودخلت صاروا يحملون الصور والمقاطع انصدمت من شفت ام سعودي عارية ورائد كذلك بحضنها يبوس بيها وهي تتمضحك بحضنه
وتبوس بركبته وراسه
والصور حملوا بنية ناعمة كلش عارية ورائد دافن رأسه بصدرها هواي صور تلعب سبع أرواح دزتهم الي وصور سونار هم دزت ومقطع بي رائد يتغزل بأم يسعودي
وهي كاعدة بحضنه حاضنته وجانت .... لابسة سيت نوم أحمر طويل اصلوخ هو بطرك البنطرون شابكته شبك وغزل دك بيها ويبوس لعب نفسي انهاريت تمامآ
من شفت خيانة رائد القذرة الي .
صحب بصوت عالي على أمي سوهاد ....
يممممة سهاد تعاااي
لازمة التلفون وابجي انهاريت ....بعد لشفته من رائد خليت كل ثقتي بي وحبيته أكثر من روحي نفسها وماعارضة ابد شيكول صار تدللل حبيبي ماحب ازعله
هيج يجازيني بالخيانة وياريت وي نسوان تسوى وي
اطفال ويه دعارات اجت امي سهاد وأمي واخواتي
واخته ام فطيمة يركضون شوف شعبالهم
سهاد _شكو شصاير وياج ؟
زينب_رائد خاني يمممممة
ام فطيمة_شنو خانج احجي عدل خل نفتهم السالفة ؟
زينب_باعوا هاي بنيه هستوها راسلتني وتطلب المساعدة
رائد جاي يستغلها باعوا خيانته القذرة ويه هاي
ام سعودي الدعارة
سحبت التلفون من ايدي ام سهاد.. انصدمت من شافت المقاطع والصور رأسن اخذت التلفون وطلعت حضنت امي وابجي اخواتي يكولون لا اكيد هاي خدعة
لو مقلب بيج صحت بيهم ...
ياااا مقلب هذا واضح كلشي ترى حقيقة رائد بكامل وعية ومخلي هاي الساقطة بحضنه يمة بعد مابقى ويا
اخذيني وياج للبيت
امي_خل نفتهم السالفة شكو شصاير ومنو هذولة
سراب _ هسه هاي منين اجتج ياربي
فزيت من سمعت صوت رائد ....
شنوووو هذااااا ؟
سهاد _هذا اصخام رأسك وصخام راس الخلفوك وتالي وياك ماتبطل من سوالفك المكسرة ولك مو مزوج وعندك مرة جنها شمامة وعندك طفل شنو تستفادة من ذني
القذرات شنووووو
رائد _ماكو هيج شي هذا كله جذب ماخاين زينب وين زينب
سوهاد_لعد شنو هذا فهمني ؟
رائد _مادري وين زينب
دخل للغرفة بعدت عن أمي اخواتي صاروا
صفح اجه يقترب مني ...
رائد _زينب والقرآن الكريم ماخاينج البارحة هذا كله كذب اكيد ام سعودي جاي تتبله براسي موكتلج
جنت اساعدها
قتربت منه بكل حركة جبته براشدي ...
بطل جذذذذب رائد بطل مو صوجك صوجي اني الغبية الثولة لاصدك بيك ومنطيتك كل الثقة والأمان وشتكولي اكولك صار حاظر تدللل ليش هيج تسوي بي وتخوني ليش
شسويتلك أني احجي
حاول يلمسني مانطيته مجال ...
بعد عني لا تلمسني اقرف منك ولككك بعدد يمممة
اخذيني ماريد ابقى وي هيج رجال قذر
وسخ وخاين
رائد _زينب تعوذي الشيطان وكبري راسج لا تصيرين غبية وتصدكين بكلشي هذا كله جذب
زينب_شنو الجذب المقاطع حقيقية والصور كذلك
رائد _كلشي جذب ؟
زينب_مو جذب والجرح لبطنك ولبصدرك يوضح كلشي كلشي حقيقي جان الله لاينطيك الله لايوفقك دنيا واخره
رائد على السويته بي
رائد _لج المقاطع قديمة وي ام سعودي مو
تدرين قبل عندي علاقة بيها
زينب_بطل جذب بطل ماتحمل يمة بعد ماتحمل أبقى ويا ماتحمل اخذيني وين علاوي ابني أريده ماريد ابقي
عندك راح تفسده مثلك ابني ويييين
فدمرة صرت يحاول يحجي وياي أدفع بي اخواتي امي سوهاد تبجي كلمة ماطلعت ابوه اجه رزلة رزالة تامة كبال اخوي ونسيبي حلفت مابقى ويا بعد
رحت جبت ابني من فروحة أريد أخذه واروح وي أهلي ماحسيت أمي سهاد جري من عندي
بقوة وكالت
سهاد _ مانطي علاوي وأنتِ هم أبقي وخلينا نحل الأمور
زينب _مابقى بعد يمة مابقى انطيني ابني
سهاد _ على جثتي تأخذين علاوي هاج فروحة
اخذي بغرفتج وقفلي الباب
انطته الفروحة رحت لفروحة أريد اخذه ابن يبجي بصوت عالي دفعتني امي سهاد هناك وين وكعت بالكاع وصاحت بي مانطي يعني مانطي شكم مرة كلتلج كبري عقلج
زينب لا تهجمين بيتج بإيدج .
تدخلت أمي ماقبلت لأن دفعتني . صارت عركة بالكلام بين امي سهاد وأمي صاروا ملخ رائد يحاول يجرني للغرفة
مايقبل أروح وي أهلي أخواتي طلعوا لامين غراضي
وكال اخوي ..
يلا امشي مالج كعدة بهذا البيت
بعد لصار وياج
زينب_ابني أريده
اخوي_بعدين اجيبه الج أمشي هسه زينب
زينب_مامشي بدون ابني يمة انطيني ابني فدورة رحتلج ابني أريده لا تصيرين ظالمة رديلي ابني
سهاد _مانطي علاوي واكعدي بيتج وانجبي
زينب_مااابقى ماريد رائد بعد انطوني ابنيييييي انطوني ابنييي فروحة فتحي الباب أريد ابني افتحي
تخبلت ادكدك بالباب الغرفة اريده فروحة تفتح الباب وتنطيني ابني جرتني امي سهاد قوي وجابتني براشدي فرت وجي فرر وهزتني من كتوفي قوي
_مو تدرين أعداء رائد هواي مو تدرين مايتمنوله الخير علمود اخذج وعاف الكل شكم مرة صارت وياكم مشاكل من وراهن ليش ماتكبرين عقلج وتصدكين بزوجج لييش
تبقين غبية وثولة ليييش ؟!!!!
زينب _جنت غبية وثولة من اصدك بي وأنتِ امه
ماتنطين بي انطيني ابني يمة انطيني ابني
صاح رائد بصوت عالي ...
علاوي أبني وماسمح ابني يروح يعيش بالبيوت
تردين ترحين روحي مالازمج أني
رجعت الرائد....
ابني ولك ابني اني التعبت بي اني السهرت بي مو أنت
_لاتصيحين زيننننننب ترى اكسر راسج افتهمتي
صارت عركة بيناتنه .... تخبل شال طبلة الكزاز وطشرها بنص الصالة ترس الصالة كزاز تخبل اخبال من شافه هيج انهار اخوي شالني شيل بحضنه وطلعني بره
وابجي واصيح على ابني علاوي أريد أبني محد يسمع مني امي سهاد وعمي طلعوا ورانه يتوسلون بأخوي وأمي يعوفوني اخوي ماقبل ولا أمي
ولا أني قبلت أبقى ويا
بعد لسواه بي . صاحت امي سهاد ...
ابني راح يتخبل من وراج ارجعي زينب وجفي الشر
تدرين بي مريض ارجعي فدوة رحتلج ارجعي
صحت بيها ...
أني غبية بقيت وي واحد مريض عبالي صدك يحبني طلع واحد خاين وبي مرض الخيانة والزنا
سهاد _جفي الشر زينب وارجعي
زينب_خل يطلقني
حرك السيارة أخوي وعافهم يصيحون ورانا طول الطريق ابجي مادا اتوقع لصار وياي رائد طلع خاين ونذل وحقير جان يضحك علية ويكولي جاي اساعد ام سعودي
وكلام كل الناس عليه طلع صدك واحد ساقط وسرسري هسه تأكدت اخوي مؤمن جان يريد مصلحتي من كالي سألت عليه كم شخص وكالولي واحد ساقط
وسكير وابو نسوان مامخلي ابنية مامصاحبها واحد ابو رغبة يحب كلشي برغبه بس تخلص رغبته يشمره ويحب السلطة والتملك وطلع كلامه كله صدك
غشمروني هو وامه قشمروني خلوني أحبه ...وتعلق بي واخلف منه اخوي يحجي أمي تحجي اخواتي كلها مصدومه منه شلون تطلع منه يخوني ويه دعارة
وي بنية قاصر وجاي يستغلها اخوي كال بس يثبت هذا الكلام عليه راح اطلقج بإيدي واجيبلج ابنج الج مستحيل اخليج تعيشيون وي هيج رجال
عديم المسؤول والاخلاص .
وصلنا البيت وي المغرب نزلت ابجي أريد علاوي أبني بوجي للحمام كعدت بالكاع جوه الدوش وابجي على الصار وياي خسرت زوجي حبيبي وابني علاوي
وعائلتي الحلوة منورة رغبة زوجي بالزنا .
كملت سبح كعدت بالغرفة امشط ..ودموع تنزل اجت امي يمي تحجي وياي وتهدي بي بلكت الله يطلع كذب وصدك
هاي المقاطع قديمة مو جديدة ورائد تاب
من صدك مارديت شديت شعري شلون مجان ونمت بالفراش كومي تعشي 5طيت رأسي بالبطانية
_ماريد
_يايمة لاتسوين هيج بروحج كومي اكليلج واشربي
_ان شاءالله ميته
_اي ليش تدعين على روحج
_كافي بعد أريد الله ياخذ أمانته
_موزين تدعين على روحج
_عساني ميته من صدك ولا شايفة خيانة رائد لي وشلون اخذوا ابني من بين ايديني
_استغفرالله العظيم لتخافين هسه باجر مثل
الچلب يجي يردج ويجيب ابنج الج
_اي هسه الچلب باجر تلكي بحضن وحدة غيري
_شنو هاي ؟
_والله شبيج هو ليخون مرته وي واحد
بكد امه شترجين منه
_هي شكبرها هاي ام سعودي ؟
_٣٦ سنة
_يااا بعدها صغيرونة يابكد امه وانوب حلوة وشقره
بعدت الغطة من رأسي بقوة وصحت بأمي ...
تقهرين بي يمة ؟!!!
_سم الله الرحمن شبيج كبيتي بي
_شنو تكولين حلوة وصغيرة شلووون
يمة شلون تهيجين بجروحي
_واني شكلت
_اووووف الله اوووف ليش مكتوبلي العذاب ولوعات القلب شسويت جوه رحمتك وهيج جازيتني برجال مخبل وخاين ونذل وقذر وسافل وروحة من الدنيا النسوان
_كولي يالله
_ربي اخذني بعد كافي جزعت جزعت
كمت ابجي بهستيريا تغطيت بالبطانية امي تحجي وياي وتجرجر بالغطة مانطيها مجال سمعت صوت مؤمن
يكول بصوت عالي
مؤمن _ والله لاعوج يبقى اعوج شما نسويله مو كتلكم هذا ساقط وابو نسوان ماصدكتوا بي لو ابن الغربية لو ماكو
هسه شحصلتوا أريد ضحك عليها
حتى ابنها مانطاه الها والله حيل وابو زايد بيكم وينها أريد شبت بطولي من كتلها لا تأخذي واخذي زيد ابن عمج اوله بيج هسه شحصلتي من الغريب اريد
تبقى مضحكه طول عمرها .
رد اخوي الجبير _كافي مؤمن
مؤمن_طبعآ كافي لان جاي اكول الصدك وينها أريد
أريد أشوف شكولاتها ام الضباط وينها
دفع الباب ودخل بعدت الغطة من فوك رأسي يخزر بي ...
ألف مبروك ركعج بوري معدل زنوبة مو كلتلج هذا ساقط
وابو نسوان وعنده ستين ألف وحدة
ومثل الچلب بكل مكان عنده وحدة ماصدكتوا
بي وطلعتوني مو خوش آدمي
أمي _كافي مؤمن الخاطر الله
مؤمن _لا والله مو كافي خلوني ابرد نار قلبي صار سنتين تحجون علية أنت موخوش آدمي ورائد الضابط ابن
الغربية خوش ادمي وجاي تتبله علية هسه
منو طلع ايتبله هم أني ...
امي_ولك كافي ولك خطية أختك
مؤمن_طبها مرض خليها تستاهل لصار وياها مو كتلها لا تأخذي لا تأخذي متسمع مني شافته حلو وصاك ومعضل وسمراني وفلوس وسيارة ورتبه لو هذا لو ماريد
خوش ركعج بوري معدل
بقيت ساكتة ومدنكة رأسي بقى يحجي صار يضحك من أمي كالتله محتمل صدك مثل مكال هاي المقاطع قديمة وهسه طلعت علمود يشووهون سمعته
_دكافي لا صيرون أغبياء اكو واحد يعترف على نفسه
زينب_ماصدك بي أني بعد واريد اطلق
مؤمن _الحمدالله طلع براسج عقل اطلقي وانعل ابو الخلفوه
امي_انجبي شنو طلاق
مؤمن_لعد ترديها تبقى وي واحد زاني وساقط وسكير ماتخافين على بتج أنتِ ماتحجين
شبيج ساكته ؟
امي_غير نفتهم السالفة
مؤمن_هي السالفة مبينه رائد واحد نذل وحقير ترى هو لسمم حقل الدجاج ورطني بسالفة الأسلحة عود طلعني منها النذل حتى من شغلي فصلني ترى كلها خطة مدبره منه
جانت شبيكم ماتصدكون بي !!!
امي_ ماصدك
مؤمن_تصدكين أني حرامي واسرق سلاح الفوج
امي_ مو لكوا الأسلحة بيتك ؟!
مؤمن_ اي أكيد هو خلاها
امي_وشوداه لبيتك لا تتبلى على الرجال أنت مذنب جنت وهو طلعك لما هو جان هسه أنت نايم بالسجن
وعائلتك مشردة هناك وهناك
مؤمن_يمة شبيج ؟
امي_كافي مؤمن أدري بيك ماتحب رائد ولكيتها من الله تنتقم منه وتريد زينب تطلق مال طلاق ماكو عندي أريد افتهم السالفة أني صدك خاينها وبعده يمشي
بطريق الزنا لو تايب وهاي المقاطع طلعت قديمة علمود التسقيط وتشهير لو شنو ؟
مؤمن _ابصملج بعشر أصابع بعده يمشي بطريقه الزنا ابو دروب هذا ومايبطل من دروبه وهاي هم الضباط ماتشبعهم مرة وحدة يحبون كل النسوان يامرة
شافوها حتلوه عرجة عورة جكمه حبوها كلشي عدها أهلا وسهلا بيك ومرحب اهمشي عدهم يرضون رغبتهم
شبيج أنتِ ماتصدكين؟
أمي _كافي مؤمن أعصابي تلفانة ترى مالي خلك وأنتِ الثانية كبري عقلج وسمعي كلامي زين مال طلاق ماكو عندي إذا مافتهم السالفة كلها افتهمتي لو لا
أبتسم مؤمن وطلع الليل كله ابجي أريد علاوي كل ثانية افز من افراشي عبالي دا يبجي اكوم ادور بالغرفة مالكاه رجعت بفراشي ابجي مشتاقه لعلاوي ورائد
ماتحمل أبتعد عنه احبه ومتعلقه بي الليل كله أفكر بلكت الله يطلع كلامه صدك وماعنده علاقة وياهم وكلامهن
كله كذب في كذب .
كعدت الصبح على أمل مراسلني . لو متصل بي كلشي ماكو حبست دموعي بعيوني دخلت الانستغرام مناشر شي فيس بوك كذلك مناشر ولاناشط من البارحة
تيليكرام جان ناشط قلبي طفر من مكانه أتمنى يراسلني بقى ربع ساعة وراها طلع شبعت قهر مايهتم بي معناها صدك يخوني مايريدني بس يريدني علمود
امه وابوه وعلاوي كمت ابجي ريوك ماكلت أمي تعاركت وياي اخواتي اجني بيت عمي اجوي عمي هاض وبأهلي مو كتلكم مابي فائدة مو كتلكم واحد ساقط
شنعرف منهم وننطيهم مرة شجابكم شوداكم على أهل الغربية وانوب سنه يكتلك القهر ورائد واحد ضابط شترجي من الضباط الجذب والمكر والخداع يمشي بدمهم
وهاي هم الضباط يخربون على النسوان روحهم من الدنيا نسوان عدهم النسوان مثل نسمه الهوى مايكدرون
يعيشون بدونهن .
مؤمن_اي والله
زيد _وهسه شراح تسوون ؟
اخوي الجبير_مادري والله ؟
امي_غير يجون ونفتهم السالفة منهم خوما نقرر من كيفنا
عمي_دسكتي أنتِ ولا تدخلين بالنص هذا الموضوع أني أتدخل بي واحله أريد ماريد احد منكم يتدخل أريد شنو سالفته هذا الضابط ابن الغربية حيرني بزماني
وكعدني على الحديد وفوك كلشي اخذ البنية غصب عن خشوم الكل منوراكم يل عارات والله لما انتو العارات مهددينة لجان هسه يبوس القنادر ومانطي مرة
طول عمركم تبقون عارات وزمايل خليتوا ياخذ البنية بدل الفصل تعاي يابة اكعدي يمي واحجيلي كل السالفة
خل افتهم السالفة بويه اشو كل واحد
صار يحجي بكيفه
كعدت بصف عمي وحجيتله ......السالفة كلها جانوا قبل بنات يراسلوا من اكوله يكول هاي من القديمات لو زاحفات ومن اتعارك ويا يزعل وبالدفرات يلا يرضا
وفترة طلعت سالفة ام سعودي وكال جاي ساعدها من زوجها وابن خالها هو كالي راح أمر بيها بس مكالي راح يروح
يكضي وقت وياها وي البنية القاصر
صرت ابجي واحجي العمي عمي صار يعض اصابيع الندم وكل ثانية يتفل على مؤمن وزيد كله من وراكم أخذها ولعب
بيها لعب دمرها ودمر هيبتنا
آخر شي تعصب وشال كلاص الماي شمره على مؤمن وزيد واحد بصف الثاني كاعدين طفرة البره صار نار وشرار عليهم يكوله مالج ذنب انتِ بوية الصوج كله
صوج مؤمن المطي وزيد ....المطي الثاني لما هم لجان هسه متزوجة وعندج رجال زين صاينج وصاينته وعدكم خلفة حلوة مو رائد ابن سهاد الجميلة
اللي خلت كل شباب المنطقة تنعجب بيها وتتمنى تزوجها ابوج من الناس كتل روحه عليها ودللها دلال لاصاير ولاداير
وبلاخر غشمرته وراحت تزوجت ابن عمها
هذا ابنها هم مثلها يغري البنات بجماله ....وهيبتة وشخصيتة القوية وفلوسه ورتب مالومج عمي تنعجبين بي هو أني رجال من اشوفه ينزل من السيارة ويوكف
يهز الكاع بشخصيته مو مثل العندي مطاية .... وظهرهم محدب عقل ماكو فهم ماكو وين اوديهم ياربي . هسه أتصل بالشيخ مالتهم وافتهم السالفة لان انتِ صرتي
بدل الفصل والشيوخ اتفقت شيصير وياج لازم الهم علم والله أتصل بالشيخ العام مالتهم وكاله السالفة كاله هسه أتصل
بيهم واعرف شكو شصاير وياهم .
ساعة وتصل بعمي كاله ابنه بريء والمقاطع الطلعت قديمة وحقيقية وهاي المرة الكل تعرف بيها دعارة المنطقة وابنه صاير خير ورايد يساعدها ومرته تدري بالسالفة
ليش تكبرون الموضوع وتوصلوها للطلاق وان شاءالله
باجر اجيبه واجيب عمامة ونجي
نرجع المره
عمي سكت شوي رجع باوعلي وكال ...
تردين ترجعين لبيتج ؟
_لااا
_تعوذي ابليس عمي وارجعي لبيتج ولابنج خطية
_رائد خاني وجاي يطمطمون له
_الشيخ يكول مقاطع قديمة وجاي يشهرون بي
خل يجون ونفتهم السالفة بعد عمج
_والله يجذبون كلشي حقيقي رائد رجع
رائد القديم ماريده عمي
كمت ابجي رجع يحجي وي الشيخ ...
خلني أروح لبيت أخوي وارجعلك
الجواب شيخ
_على راحتك في أمان الله
_الله وياك شيخ
فصل الخط باوعلي ابجي مخليه ايديه على وجي خله ايده على رأسي وجر النفس بحسرة ...
_هسه هاي منين اجتج يابوية اخذي راحتج والعصر أمر
بيج واريد الجواب النهائي عيب نخلي
الشيخ ينتظر .
رفعت راسي ردت احجي ويا مد راسه زيد وكال ...
خل تطلق وأني مستعد اتزوجها
فكيت عيوني بصدمة عمي كام بطوله وصاح بي ...
تريد تدفنه عايشين ؟!
يتبع ...
اهمشي تفاعلكم بالقصة اريد الكل تتفاعل وتقدر تعبي وكل شخص يعلق 5 تعليقات حلوة ويخلي لايك علمود يصير
عندي واهس وانزل البارت ال7 بسرعة .