عائشه بعد ما ردت على ابوها مشت لسارة في غرفتهاا
سارة: مالك خير
عائشه: انا وافقتا اتزوج سامح
سارة: انتي مجنونه ولا هبلة يابت دا شنو العملتيهو داا كيف قدرتي توافقي؟ انتي من وين جاااايبه الثقه انو ساامح زول كوويس من وين عرفتي انو ماعندو نواياا تانيه وتحت مسمى المساعده بنفذ فيهاا؟ يابتي انتي حالياا بتفكري بشنو وااي يا عائشه خايفه انك تتورطي وما تلقي زول يحلك من المصيبه دي
عائشه: اسي انا ما جيتك عشان تقولي لي الكلام دا كلو
سارة: اها اعمل شنو اصفق ليك ولا ابارك ليك ولا اعمل شنو بس وريني طيب لو عرسك من ساامح تم حتعملي شنو
عائشه بقت تعاين ليها زي الكأنها خافت من الموضوع وانو تتزوج سامح بالجد
عائشه: ماتقولي كدا انا اتفقتا مع سامح وهو قال حيساعدني وسامح زول كوويس وقال لي انتي وكرم حترجعو لبعض اطمني
سارة: غاايتو انا سامح دا ما بعرفو كوويس بس نهااائي ما مطمنه ليهو وان شااءالله بس يطلع زي ما انتي متخيلله وما تتفاجئ بعدين
عائشه طلعت من غرفة سارة وماشه وهي بتفكر في كلامها لمن اتضاربت مع مزمل في الحوش
مزمل: يابتنا سرحاانه وين انتي
عائشه: معلليش ما شفتك
مزمل: خير مالك
عائشه: مافي شي
مزمل: ان شااءالله يكون كدا بالجد
ومشا منهاا مشت المطبخ لقت امها هناك بتغسل في العده
عائشه: امي ليه كدا كان تناااديني انا بغسلها ليه متعبه نفسك
نجاة: لو كنتي عايزه راحة امك ما كنتي بتاخدي قرارات في لحظة تسرع منك وتختينا كلنا في مواقف لانحسد علليهاا
عائشه: امي ما تقولي كداا انا فكرتا كوويس في القرار داا
نجاة: على راحتك يا زولة الحياه حياتك انتي خربيها زي ما عاايزه بس بعدين لمن يجيبو ليك صور سامح مع بنات ما تجي تتبكي وتتشكي وتقولي عايزه تطلقي اساسا ماشااءالله الشك من عاداتك يا عائشه يا بت عمر صح
قامت لمت العده وفوطت يدينها وطلعت من المطبخ عائشه ملامح وشها باين انها زعلانه جا ايااد داخل عاين ليها بطرف عينو شال مويه شرب وجاي طالع وقفتو
عائشه: مالك انت التاني
اياد: مالي؟
عائشه: بتعاين لي وما بتتكلم زي الكأنك ما شايفني
اياد: اقول ليك شنو يعني ابارك ليك لأنك حتعرسي سااامح
عائشه: انت عرفتاا؟
اياد: لاقاني اسي بوشو العامل زي تربيزة اللحام دا وضحكتو البتشبه ضحكة الحماار دا وقال لي ابوك ضرب لابوي ووراهو انو عائشه وافقت وانا حاكون راجل اختك
عائشه: اول شي عيب انك تتكلم عن اي زول بالطريقه دي ساامع وتاني شي صح انا وافقتا على ساامح بس عشان كرم
اياد:والله يا عائشه السبب ما مهم بس اذا كرم ما جاا وقتها حيبقى ليك بمبي وبنفسجي واصفراني زاتو لو عايزه
وطلع خلااها بعد كلام الناس ديلل كلهم عاائشه يادوب بدت تخااف وتوتر من الموافقه الادتا لابوها دي ومن الحيحصلل وقالت جواها معقولا سامح يخذلهاا والعرس يتم بقت تطقطق في اصابعينها مع بعض من التوترر
❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️
كرم دخل البيت وسلم على ناس البيت نعمه ام مروان حضنتو وسلمت عليهو سلااام سمح خلااص اصلا هي بتريدو زي ما بتريد ولدهاا مرواان
نعمه: نورتا يا ولدي
كرم: بنوورك يا خالتي شفتي ولدك دا عمل فينا شنو
نعمه: خلعنا كلناا والله
كرم: المهم انو طلع منهاا ساالم الحمدلله
نعمه: الف الحمدلله يلا اتفضلل
ضيفتو جوه وجات لميس جابت ليهو شااي
كرم: العروس الجماعه ديلل مشغلنك كدا ليه يااخ
لميس: لسه ما بقيت عروس بشكل كامل يادوب دا لقب بس
مروان جا وساق كرم على غرفتوو
كرم: مالك اتأخرتا كداا
مروان: كنتا مع مااهر قال لقا ليهم بيت قريب من هنا عايز يشتري عشان اهلو لمن يجو ينزلو هنا طوالي المهم قلتا ليهو لغاية ما اسمع الماذون بيقول العقد تم ما اشوفك مع لميس
كرم: حرام عليك على اساس انت كنتا منتظر عقدك يتم وما كنتا بتلاقي ايلاف
مروان: ما خلاص على الاقل الخطوبه تتم
كرم: ضحكتني والله ياريت لو كان عندي اخت كان خفتا عليها زيك كداا
مروان: في عندك سارة ولميس بدل الواحده اتنين
كرم: صحي هم الاتنين اخواتي وعلى سيرة الاخوه انا اشتقتا لسميرر والله
كرم طلع تلفونو وضرب لسميرر ردا ليهو
سمير: كرم كيفك وطمني مروان كيف
كرم: الاتنين كوويسين الحمدلله انت كيفك وامي كيف وناس البيت كللهم
سمير: كللهم كوويسين طبعا الليله غيداء وامها مشوو
كرم:عليك الله مالهم ما تمو الاربعين
سمير: قالو ابوهم قال ليهم يرجعو
كرم: طيب ربنا يسهل ليهم
سمير:انت حترجع متين
كرم: اول ما خطوبة لميس وماهر تتم حأجي ان شااءالله
سمير: ما تطول الغيبه
كرم قفل منو لقا مروان بعاين ليهو
كرم: مالك
مروان: انا لسه عقلي واقف محلل لمن قلتا مشاعرك بردت تجاه عائشه ما قادر اقتنع
كرم: خلاص ما تقتنع
مروان: بتفكر في شي انا متأكد انك بتفكر في شي
كرم: انا تعبااان حانوم وين
مروان: في الارض
كرم: بترضاها لكرم؟
مروان: ما برضاها والله حتنوم في الغرفه الجنب غرفتي
💚💚💚💚💚💚💚💚💚💚💚💚💚💚💚💚💚💚💚💚
داليا قاعده في غرفتها وجايبه كميه من الاوراق والاقلام وشغاااله رسم
ايلاف: يابت عيونك حيتورمو كدا نومي بعد دا الوقت اتأخر
داليا: ما بيظبطو معااي يا ايلااف من قبييل بحاول بس والله مافي واحده جاايه معااي زي ما انا عايزه انا على الاقل عايزه ارسم اربعه لوحاات والبازار بعد بكرا يعني قدامي يوم بكرا بس وبكرا عندي جامعه ويومي ملاااااااان كيف حااقدر ارسم كيف حااقدر اركزز عقلي حيكوون مشغووول
ايلاف: يابت استهدي بالله ورووقي كدي صدقيني يا داليا مافي اي شي بيتحلا بالتوتررر لو قعدتي مخلوعه ومستعجله كدا البازار حيجي وانتي ما حتكووني رسمتي شي اهدي وحاليا اول شي لازم تعمليهو انك تنووومي وخلي عقلك صاافي وما تخاافي انتي اتوكلي وحتنحلاا صدقيني حتنحلا بس انتي ما تتوتري وما تختي الصعوبااات في عقلك الموضوع ما كبير للدرجه دي اهدي واخدي شهيق وزفير ونومي واصحي بنشاااط بكرا ان شااءالله والبسي احلى لبسه عندك وما تشيلي اي هم حتلحقي يا السمحه الموضوع ما خطييرر
داليا بعد كلام ايلاف هدت شوية ورقدت ايلاف لمت ليها حاجاتهاا وخلتها تنوم وبقت تفتش في الدولااب عشان تلقى ليها لبسه تجهزها ليها عشان تمشي بيها الجامعه فتشت طلعت ليها لبسه وبعدين مشت وطبعا اهلها قالو حيسوقها معاهم البيت الصباح عشان ما تقعد براها مع دالياا في الصبااح داليا صحت نشيطه لقت ام ايلاف عملت الشااي صبحت عليهم وشربت الشاي واتجهزت للجامعه
بهجه: انتي مش بتقري مع محمد في نفس الجامعه؟
داليا: اي
بهجه: خلاص بعدين ارجعي معااهو تعالو البيت لانو حتقعدو معانا لغاية ما مروان يجي
داليا: طيب حااضر
داليا طلعت على الجامعه وايلاف مشت مع اهلها على بيتهم داليا مشت الجامعه ولاقت صحبتها سلمى صبحت علليها وقعدو
سلمى:المحااضرات اتلغو الليله
دالياا: كللهم
سلمى: ااي
داليا: ياسلاااام تعالي خلااص عايزه ارسم تحت ضل الشجره بمزااج تعالي اقعدي معااي وساعديني
سلمى: طيب يلااا
مشو قعدو في ضل الشجره وداليا مزاجهاا رايق رسمت طلاب الجامعه وهم جايين على جامعتهم يعني نظام رحلة التعليم لمن يصحو من الصباح ويقيفو في الموصلات ويجو على الجامعه والتعب داا وبعدين يفرحو بنجاحهم في نهاية السنه دا كلو شرحتو في رسمه وتاني رسمت عن الام بتربي اطفال براهاا ووبتتعب عشان تربيهم ورسمت عن سواقين الركشات البفتشو عن رزقهم باليوم وهم واقفين في الشمس ورسمت في الختام رسمة عائليه عن اسره باين الحب في جمعتهم
سلمى:وااااي يا داليا بالجد محمد كلامو صح انتي مبدعه
داليا: بالجد
سلمى: ياخ ما عارفه القراك صيدله شنو كان لازم تقري فنون صدقيني حتنجحي وقتهاا
داليا: يلا نصيب بس الصيدله برضو حلووة
قعدو يتونسو لغاية ما جاهم محمد شاف الرسومات وطبعاا عجبوهو شدييد
💜💜💜💜💜💜💜💜💜💜💜💜💜💜💜💜💜💜💜💜💜💜
طبعا زي ما قلتا قبل كم يوم اهل اسمهان جو وهم كانو قاعدين وقت غيداء وامها مشوو وحتى ابو اسمهاان جا وعزاهم كللهم وقعد مع سميرر صفاء قاعده مع بناتها في المطبخ
صفاء: انتي يابت مش ولدهم الصغير طلق مرتو ديكك؟
اسمهان:اي
اماني: اي صحي اطلقو مالهم قااال اسي عليك الله البت دي لو ما غبيه واحد زي دا بخلوهو؟ بجم سااي عامل لي عويناااتو السمحااات ديلل ماشااءالله ما اسحرن ليهو
اسمهاان: قال خانها بس بعدين قالو انها ظلمتو واسي قعد تحاول ترجع فيهو
صفااء: ووببععللي خانهاا عديلل
اسمهان: لا هو ما خانهاا بالجد هي افتكرتو خانهاا
اماني: غبيه غبيه يشهد الله واحده غبيه واسي بتحاول ترجعو شااااحده ربي نهاااائي طريقهم ما يبقى واحد هو في الغرب وهي في الشررق
صفااء: انطمي انتي المهم يا اسمهاان يعني اسي شغل البيت كلو بااقي عليك والخدامه دي ما بتسااعدك
اسمهاان: والله يا امي تعباااانه براااي مافي زول بيسااعد فيني والبت دي بتشيل قروش سااي ما عاارفه لييي
صفاء: وراجلك ما بيتكلم ولا هو زي الصنم ما عندو رأي
اسمهان: بري خشمو وعندو اساسا الفتره دي كلامو بقا قلليللل ونادرا تقدري تسحبي منو كلااام
اماني: المهم يا اسمهاان ابو عيون حلوة حيجي متين
اسمهاان: ما عااارفه
اماني: المهم يا امي انا كلمتك غااايتو لو ما شاافتا صااحب العيون الحلووة نهااائي من البيت دا ما متحركه
صفااء: هو اريتو بعاااين ليك ان شااءالله بعد دا كلو يعررسك لكن هو طول وقتو في غرفتو اساسا مما جينا خلقتو دي ما شفناااهاا
اماني سكتت
💙💙💙💙💙💙💙💙💙💙💙💙💙💙💙💙💙💙💙💙💙
اهل مااهر وصلو السودان وما طلعو من المطاار طوالي اتجهو على كسلاا وهنااك استقبلهم مروان مع مااهر سلمو عليهم بحراره كداا ووصلوهم لغاية البيت وكل النااس هناك فرحو بجيتهم وطبعا ابو لميس برضو كان جايي بعد ما رحبو بيهم ماهر ساقهم على البيت الاشتراهو عشان يرتااحو هناك وبعدهاا ام لميس بدت تتصل باهلهم كلهم عشان تكلمهم عشان يجو يحضرو اي شي بيخص العرس من البداية يعني من الخطوبه وكمان اهل مااهر حيجوو لغاية العصرر بس البيت دا اتملا نااس والنسوان بدو يجهزو لخطوبة لميس ومااهر طبعا ابوها رفض انها تعرس اسي قال لغاية ما بتو تتخرج من جامعتهاا وتخت اخر ورقة امتحاان وتأدي الخدمه ويشوفها في المستشفى بتعااالج في النااس بعدها ممكن العرس يتم طبعاا امها عاارضت الحكااية وقالت بعد التخريج مبااشرة العرس وتقضي الخدمه من بيت راجلهاا وهكذاا لميس قالت لمروان انو نفسها كان ايلاف تكون موجوده بس مروان قال ليها انو لياااان لسه صغيره وما بتقدر تساافر بيهااا لميس بنات اهلهاا وصحبااتها ودوها الكوفير عشان يجهزوها لخطوبتها وطبعاا فستان الخطوبه اشتراه ليها اخوها مروان وطبعا كرم وعائشه من اخر مره اتلاقو في شارع النيل مع سامح تاني لا اتلاقو لا اتواصلو مع بعض الخطوبة كانت بالليل في ميدان كبير في كسلاا في حلتهم الكلها عبارة عن بيوت نااصيه وفلل وحاجات بالشكل داا طبعاا المحل ملان نااس وجابو Dj لغاية ما العرسان جو وكانو حلووين وادوهم الخواتم لبسوها لبعض والناس بتصفق حفلة الخطوبه ما طوولت شدييد يعني بعد ما لبسو بعض الخواتم قعدو شوية وحفللتهم انتهت واي زول فرتك على بيتو ولميس وماهر بقو مخطووبين
🤍🤍🤍🤍🤍🤍🤍🤍🤍🤍🤍🤍🤍🤍🤍🤍🤍🤍🤍🤍🤍🤍
عائشه ماشه وجايه في غرفتها وولدها في الارض بيلعب في الالعااب جات قعدت جنبو
عائشه: كدي انت قول لي يعني يرضيك امك وابوك يومين ما يتواصلو مع بعض يرضيك اكييد ما برضيك يعني ابوك دا شال قلبو وختا صخره مكانو ولاشنو ليه بقا جاااف كدا ليه يعني سمعع اضاااني دي بيضرب لمزمل وساارة بيسألهم منك وبعدين بيقفل يعني للدرجه دي انا بقيت ما بعني ليهو حااجه
مروان بعاين ليها وبيضحك
عائشه: اضحك اي امك بقت مجنونه بتتكلم معاك وانت ما فاهما بتقولا بشنو المهم انها بتشكي ليك من ابوك شفتا يا مروان لمن تكبر بعدين حاخليك تاخد لي حقي من ابوك الشرير لالاوالله ابوك ما شرير بالعكس ابوك طيب وحنين شدييد كمااان وبحبك ونحنا كمان يعني انا وانت بنحب ابوك شدييد صح
وشالتو باستو وبقت بتلعب معاااهو.
يتبع.