كرم: اتفضل احكي
رأفت مدا لكرم ملف
رأفت: اقراهو مش بتعرف تقرا
كرم فتح الملف وبقا يقرا فيهو نطط عيونو عاين لابوه وتاني عاين للملف
كرم: انت جاادي عليك الله
رأفت: اي
كرم: عايز تربط شركاتنا مع بعض ❤️
رأفت: طالما نحنا من نفس العائله وانا ابوك وانت ولدي مافي سبب يخلي كل واحد فينا يشتغل براهو
كرم: بس شغلي مابيعجبك صح
رأفت: حاليا بقا يعجبني بصراحه انا اتكلمتا مع امك في موضوعكم انت واخوك سمير وحسيت اني غلطتا في حقكم عشان كدا حابب ابدا معاكم صفحه جديده من الاول حابب اعاملكم زي اي اب بعامل اولادو بمحبه
كرم: انت جادي معي صح
رأفت: ايواا وحنعمل تطبيق تسويق تجااري وموضوع اسم الشركه برجع ليك اذا عايز تخلي بأسم امك او تغيرو بأسم العائله على راحتك
كرم فتح الملف وشال قلم ووقع على العقد وقام جا لابو وحضنوو
كرم:انا مبسوط شدييد والله
جا مروان داخل وهو شايل العصير شافهم مبسوطين كداا
مروان:ماشااءالله الله يديم عليكم الانبسااطه
رأفت:اميين اميين يلا انا طالع على شغلي وحاخلي المحامي يكمل باقي الاجراءات
رأفت طلع وكرم جا حضن مروان وهو مبسووط
كرم:علاقتي اتصلحت مع ابوي 💕
مروان:دا خبرر حلو والله
كرم: جا عشان يربط شراكتنا مع بعض
مروان: كوويس
💕💕💕💕💕💕💕💕💕💕💕💕💕💕💕
عائشه مع عايده في الجامعه
عايده: والله يا عائشه نظرتي اتغيرت تجاه الاسمو كرم داا
عائشه: صح هو كااان انسان بتاع بناات بس حاليا زي الكأنو اتغيرر
عايده: طيب كدي احكي لي واحد من مواقف كرم وفيها حسسك انو مهتمي بيك
عائشه: ما حامشي ليك بعيد الليله كرم كان في عندو اجتماع مهم في الشركه بيخص شغلو اجتماع مع زول كبير وشكلو شخصيه مهمه وانا مشيت الشركه وهناك غيداء قالت لي ادخل لكرم عشان اديهو دافع شكلها كانت عايزه تخرب عليهو المهم دخلتاا وكان في بت هناك بعدين كرم ساق البت ومشا معاها مكتبو انا الغيره وللعت فيني ولمن شفتها معاهو قلتاا شكلها حتعمل ليهو مشكله ودمي فااار وشويه كنتا حاعجنها في يدي لو ما كرم وقف في نصناا وبالرغم من المشكله والانفعاله دي كرم قال لي ما مشكله ما تهتمي مع انو كان حيخسر شغلو بسببي بس قال لي ما مشكله وجاب لي عصير كماان وقعد معااي 🤍
